الأخبار
أخبار إقليمية
الأمين العام لجهاز المغتربين ينادى بضرورة ضبط الوفود الثقافية والاستثمارية للخارج
الأمين العام لجهاز المغتربين ينادى بضرورة ضبط الوفود الثقافية والاستثمارية للخارج
الأمين العام لجهاز المغتربين ينادى بضرورة ضبط الوفود الثقافية والاستثمارية للخارج


04-24-2014 04:52 PM

الخرطوم (سونا)- نادى السفير حاج ماجد سوار الامين العام لجهاز تنظيم شئون السودانيين بالخارج بضرورة ضبط التمثيل الثقافى بالخارج خاصة فيما يلى تمثيل الفنانين الشباب وتسمية او تكوين جهة مرجعية لذلك بالتنسيق مع وزارة الثقافة ، بما يحفظ هوية الشعب السودانى وسلوكه الثقافى فى بلاد المهجر .
وأكد سوار من جهة أخرى اهمية ضبط الوفود الاستثمارية الى الخارج واسناد مرجعيتها الى المجلس الاعلى للاستثمار و وزارة الاستثمار معرباً عن امله فى استصدار قرار رئاسى يقضى بتنظيم تلك الوفود .
جاء ذلك لدى لقائه بمكتبه صباح اليوم بالاستاذ الاعلامى كمال حامد ، بحضور الاستاذة سهير الرشيد مهدى المدير العام للاعلام والعلاقات العامة بجهاز المغتربين .
وبحث اللقاء أيضاً أهمية تكوين مجلس اعلامى يضم رؤساء تحرير الصحف والقنوات التلفزيونية والاذاعات ، والبرامج الموجهة الى السودانيين بالخارج بالاذاعة والقنوات التلفزيونية ، وذلك لتقييم وتطوير الخطاب الاعلامى لجهاز المغتربين والرسالة الاعلامية الموجهة للسودانيين بالخارج .


تعليقات 22 | إهداء 0 | زيارات 1890

التعليقات
#984496 [الللعجب]
0.00/5 (0 صوت)

04-25-2014 09:23 PM
والله كل الذى قلتوه صاح بس بلد ليها الله بالله ده شكل زول شاف نعمه قال سفير

[الللعجب]

#984485 [معاذ العمدة كجرت]
0.00/5 (0 صوت)

04-25-2014 09:06 PM
الضرائب الباهظة والجبايات الغير منطقية هي التي اثقلت كاهل المغترب السوداني لوعندك حل ورينا اما حديثك عن الثقافة والفنانين دا كلام فارغ

[معاذ العمدة كجرت]

#984308 [ودالباشا]
0.00/5 (0 صوت)

04-25-2014 04:13 PM
فى ذمتك يا سوار المغتربين دى مشاكلهم فنانين ومستثمرين ياخى شوفوا القضايا التى تأرق المغترب والخدمات التى يجب ان تقدم له والامتيازات وأهم حاجة توفير الثقة لانو المغتربين دقستوهم كتيييير بمشاريع وهمية واكلتوا فلوسهم عوضوا لهم مالهم الملهوط بشوية امتيازات والا سوف تكون مأذن فى مالطه

[ودالباشا]

#984293 [ڤنچاط]
0.00/5 (0 صوت)

04-25-2014 03:51 PM
بصراحه ولا أدري لماذا ولكني أتمنى أن يكون هذا المسؤول لديه من الإستراجيات والخطط المفيده للمغتربين مايؤهله لشغل هذا المنصب ، مع اني في رأي الشخصي أنه لم يعين في هذا المنصب إلا لولاءه وانتماءه للحزب الحاكم ، ولكن دعونا نعطيه الفرصه فلعل وعسى ............ تحياتي

[ڤنچاط]

#984275 [الشقى]
0.00/5 (0 صوت)

04-25-2014 03:18 PM
بالله يا جماعه ديل بيجيبوهم لينا من وين ؟ قال سفير قال ..طبعا الكان عينك سفير واحتضنك فى وزارتو اصلا لم يكن دبلوماسيا ...معروف عنه تاجر سيخ واسمنت ..فلم يكن مستغربا ان ياتى بمثل هذه الاشكال ليكون سفيرا ثم يطرد ثم يصر على اصطحابه هذا اللقب الرفيع الذى لا يشبهه باى حال من الاحول ..شرذمة صعاليق وكيزان لايعرفون الله ولا يخافونه

[الشقى]

#983828 [مريود]
0.00/5 (0 صوت)

04-24-2014 10:02 PM
أمسينا بي الله.

[مريود]

#983766 [عبدالرحيم وقيع الله]
0.00/5 (0 صوت)

04-24-2014 08:24 PM
اول حاجة كويس ان شلتوا اخونا فقيري من الاعلام والعلاقات العامة وجبتوا الاخت سهير ونصيحتي ان الخبر الذي يرسل الى سونا من قبلكم انشروا نفس الخبر في الراكوبة لأنه بيكون اشبع ومليان اكثر من خبر سونا المحرر وهذا ليس قدحا في وكالة السودان للأنباء احسن يزعلوا علينا اصلوا الزمن دا كل البتهبشوا يزعل لان غالبية المغتربين يتابعون الاخبار عبر المواقع الالكترونية الاخبارية مثل الراكوبة وحريات والنيلين وممكن تعملوا استفتاء لمعرفة اكثر طرق التواصل فحتى مواقع الصحف بالانترنت فإن غالبية اخواني المغتربين لا يفضلونها لكثرتها كما ان الراكوبة مثلا تجمع الاخبار البارزة من الصحف مع اعطاء تقدير خاص لأخبار الجهاز مع اختلاف الناس حوله

النقطة التانية وهذا ربما jكون شخصية انت يا استاذ حاج ماجد سوار كنت وزير ثم اصبحت سفير لفترة وجيزة في ليبيا ثم امين عام للمغتربين وان كلمة سفير هذه ليست لقب علمي فلماذا تريد او يريدون الصاق كلمة سفير بك وانا ارى انه لا معنى لها اطلاقاً لا حا تزيدك طول ولا حا تنقصك منك كما انك لست كادر تكنكراطي من وزارة الخارجية بدأتها من سكرتير الى سفير وبالتالي لو انت ما وقفتها ما في زول حيوقفها لذلك ما في داعي ليها اللهم الا اذا اذا كان هنالك حاجات لا نعرفها.

ثالثاً واخيراً: نادية بضرورة ضبط الوفود الإستثمارية للخارج واسناد مرجعيتها لوزارة الاستثمار اصلا وزارة الاستثمار من الاساس ما في داعي ليها كلها لغاية ما يسند اليها موضوع وفود .. فوزارة الاستثمار تعرف قبل غيرها ان كل الدول المجاورة لنا وغالبية دول العالم لا توجد فيها الا هيئات عامة للأستثمار وسبق ان حضر مسجل عام الشركات وقتها محمد بشارة دوسة ومدير سوق الخرطوم للاوراق المالية وقمنا بترتيب لقاء لهم مع مسئولي الاستثمار وعرفوا تماما كيفية ادارة الاستثمار الذي يتم بسهولة وبدون وزارة ويستقطب عدة الاف من المستثمرين لا وزير ولا وكيل وزارة وانما فقط اجراءات وقوانين تطبق على الجميع وهذا موضوع آخر

http://www.alrakoba.net/articles-action-show-id-48669.htm

[عبدالرحيم وقيع الله]

ردود على عبدالرحيم وقيع الله
United States [ود اللفة] 04-25-2014 09:32 AM
شكر لك أخي عبدالرحيم وقيع الله لكتابتك عن هذه الجزئية التي لا معني لها، علقت البارحة أن سونا صارت تطلق الالقاب دون تروي حتى اذا جاءتها الاخبار من اعلام المغتربيين بنعت أمينها بسفبر وما هو بسفير في الأصل!!! كيف تطلق سونا هذا اللقب وبهذه البساطة. هل يمكنها أن تلحقه بصلاح الدين كرارأو الفريق الدابي واخرين عملوا سفراء لسنين!!.
( النقطة التانية وهذا ربما jكون شخصية انت يا استاذ حاج ماجد سوار كنت وزير ثم اصبحت سفير لفترة وجيزة في ليبيا ثم امين عام للمغتربين وان كلمة سفير هذه ليست لقب علمي فلماذا تريد او يريدون الصاق كلمة سفير بك وانا ارى انه لا معنى لها اطلاقاً لا حا تزيدك طول ولا حا تنقصك منك كما انك لست كادر تكنكراطي من وزارة الخارجية بدأتها من سكرتير الى سفير وبالتالي لو انت ما وقفتها ما في زول حيوقفها لذلك ما في داعي ليها اللهم الا اذا اذا كان هنالك حاجات لا نعرفها.)
هل حاج سوار الذي ترك العمل الدبلوماسي من ليبيا له حنين لهذا اللقب والعودة مرة ثانية للحارجية التي تجتاج لحنكة ودراية أكثر من مؤهلات هذا الدباب. حتى زميله الدباب كمال حسن علي لا يلقب بسفير بعد ما غادر الخارجية.


#983685 [ياسر عبد الوهاب]
5.00/5 (1 صوت)

04-24-2014 06:58 PM
العزيز ماجد..شفتوني رفعت الكلفه كيف ؟؟
يا اخي خليك من الفناين والبعثات الفنيه..ديل بجو برفهو علينا وبلقطوا ليهم شوية قريشات لزوم الشوبنغ وكده..ما قاعدين نقصر معاهم..بس انتو باين عليكم عاوزين كمان ما ينسوكم..
عليك الله يا مجودي..دي كل مشلكة المغتربين؟؟؟

يا اخي انا قلته ليك في التلفون انتو ابسطونا نحنا ممثلي المغتربين العاملين بالخارج وانحنا ما بنقصر معاكم.. بنسكت ليكم الجماعه العاملين ليكم شوشره...

بس ابسطونا..طلباتنا ما كتيره يا مجودي..

- موتمر للمغتربين في السودان..ما نحنا العاملين عليها وكده..
- بدل السفريه 2 الف دولار في اليوم..ما الدولار بقي عشره جنيه وكده..
-جناح لكل ممثل..شوف ممثل دي...في روتانا...بالعدم برج الفاتح..
-المده شهرين ..ما عندنا قضايا ملحه وعاجله وكده..
-عربه بسواق لكل ممثل يتقدمها موتر او اتنين في الامام وموتر بالخلف..
-نثريات........ قول 5 مليون بالجديد في اليوم..عشان ما نفك الدولارات..

بعد كده اكد ليك انك ستبقي في الشغلانه دي لمن تكمل العمارات الخمسه زي ما عملنا مع كرار..

- المؤتمر ممكن يكون في رمضان أهو نحضر العيد مع الاسرة..وجزاك الله عنهم كل خير..كلو لله..

-اكرر التذاكر درجه اولي الامارتيه تحديدا.. مع الزوجه والاطفال حتي التامنة عشر..شوفتنا حريصين علي المال العام كيف ؟؟


سنرفع سقف المطالب..لو لم تصلنا الدعوات في خلال اسبوعين..
صديقك ياسر..دم في حفظ الله ورعايته..

[ياسر عبد الوهاب]

#983659 [أبوعلي]
0.00/5 (0 صوت)

04-24-2014 06:34 PM
حل عنّا أيّها الفاسد أينما ولّيت
نبئنا بايّ نجاح حقّقته يا جاهل

[أبوعلي]

#983638 [قطع شك البشير حماااااار]
0.00/5 (0 صوت)

04-24-2014 06:15 PM
المساخه المساخه في وشو
الله ياذاك

[قطع شك البشير حماااااار]

#983629 [basheer]
0.00/5 (0 صوت)

04-24-2014 06:06 PM
وفي الليلة الظلماء يفتقد البدر ......................

[basheer]

#983622 [اب غزالة]
0.00/5 (0 صوت)

04-24-2014 05:59 PM
انتو المغتربين ديل وهم ولا شنو
بالله عاجبكم هذا الاخرق الذى قام بضرب معلمه بالكف
حقيقة يا مغتربين انتو مايلين ليه ببساطه ممكن تقولوا ما عوزين الخلقه القبيحه دى
الجابركم شنو انتو الفئه الوحيدة البى حقكم
دى انسان مشكوك فى اى حته فى نفسه
كيف بقى زعيمكم يا وهم
قولوا ما عيزنواااااااااااااااااااااااااااا

[اب غزالة]

#983621 [بت ام در]
0.00/5 (0 صوت)

04-24-2014 05:59 PM
.

[بت ام در]

#983592 [قلبي علي وطني الجريح واهلي الغبش]
0.00/5 (0 صوت)

04-24-2014 05:23 PM
ضبط التمثيل الثقافى بالخارج خاصة فيما يلى تمثيل الفنانين الشباب!!!!!!كالمستجير بالرمضاء من النار لاخير في التهامي ولاخير في سوار..المغترب يبحث عن الخدمات والتسهيلات كي يرجع الي وطنة عزيز وكريم ..نحنا ناقصين وجع راس قال فنانين ..الناس في شنوا والحسانة في شنوا ؟؟؟؟؟؟؟؟؟؟

[قلبي علي وطني الجريح واهلي الغبش]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة