الأخبار
أخبار إقليمية
فرحة تعم عارمة تعم مواطنى ولاية الجزيرة بعد تقديم الوالي استقالته
فرحة تعم عارمة تعم مواطنى ولاية الجزيرة بعد تقديم الوالي استقالته
فرحة تعم عارمة تعم مواطنى ولاية الجزيرة بعد تقديم الوالي استقالته


04-24-2014 05:20 PM

مدنى محمد عبد الله
تقدم البروفسير الزبير بشير طه باستقالته ظهر اليوم الخميس الى مجلس تشريعى ولاية الجزيرة فى جلسة مغلقة كما تم ارسال صورة منها الى رئيس الجمهورية وجاءت تلك الخطوة بعد الضغوط الكبيرة التى مورست علية ليتقدم باستقالته والذى ظل يرفض دائما تقديمها بحجة انه منتخب مما قاد قيادة الحزب لرفع الامر الى رئاسة الجمهورية و تم إمهاله 48 ساعة بأن يتقدم بالاستقالة او يصدر قرار بإعفائه لأن الرئاسة تود ان تحفظ له تاريخه الجهادى ودرجته العلمية واستدعاه رئيس الجمهورية صباح امس طالبا منه الاستقالة او صدور قرار بإعفائه مما جعله يوافق على مبدأ الاستقالة وعاد فورا ظهر امس الى مدنى وعقد اجتماع عاجل مع اعضاء حكومته بقصر الضيافة مدنى طارحا لهم رغبة رئيس الجمهورية بإجراء تعديل شامل فى الجهاز التنفيذى بحكومة الجزيرة رغم معارضة بعض اصوات اصحاب الحاجات الخاصة الا ان الاجتماع انتهى بالاستجابة الى رغبة رئاسة الجمهورية وقيادة الحزب بالخرطوم وعقد الوالى مؤتمر صحفى فى العاشرة من مساء امس ووجه كلمته لمواطنى الولاية بأنه سوف يتقدم باستقالته لرئاسة الجمهورية صباح اليوم ومجلس تشريعى ولاية الجزيرة وذلك استنادا على دستور الولاية المادة 46 . وقد وجد نباء اقالة الزبير بشير طه منذ ان تسرب الخبر صباح امس وذلك لفشله فى قيادة الولاية والتردى المريع فى مجال الخدمات وملفات فساد حكومته التى تنشر بالصحف اليومية هذا ومن المتوقع صدور القرار مساء اليوم بتكليف والى لقيادة الولاية فى الفترة القادمة وحتى قيام الانتخابات . ومن ابرز المرشحين لذلك هم اللواء عمر نمر معتمد محلية الخرطوم و الحاج عطاء المنان والمهندس ازهرى خلف الله .


تعليقات 79 | إهداء 0 | زيارات 16186

صفحة 1 من 212>
التعليقات
#985315 [ود البطانه]
0.00/5 (0 صوت)

04-26-2014 03:48 PM
.

[ود البطانه]

#984874 [خالد]
0.00/5 (0 صوت)

04-26-2014 10:46 AM
الجزيرة ولاية هامله كل من هب ودب ياتي لحكمها اين ابناء الولاية ؟؟؟ الحادبين عليها وعلى مصلحة المواطن - لماذا دائما الوالي ياتي من خارج الولاية ؟؟؟؟؟
المشكلة لا تكمن في الوالي فقط اين مجلس الولاية من ابناء الجزيرة اين المحليات والمعتمديات هل هي كلها من خارج الولاية
الفساد اصبح ظاهرة في كل السودان الفاسد قاعدي من اصغر موظف محلية راتبه لا يتجاوز المليون ويقود سيارة لو ضرب راتبه في مائه لا يعادل ثمنها ؟؟؟ من اين

لذلك اقول الجزيرة ولاية هاملة لانها لحم راس ليس لها وجيع كل يفكر في نفسه لا يهمه مصلحة عامة لذلك الذي ياتي لن يكون خيرا من مائة والي ؟؟؟ الا ان يكون من خارج الكرة الأرضية

[خالد]

#984640 [زول مقهور]
0.00/5 (0 صوت)

04-26-2014 01:57 AM
فرحت شنو ياعالم ؟؟؟؟؟؟؟؟؟؟؟؟؟؟؟؟؟؟؟انهم يخدوعنا بتقديم استقالتهم لابد من المحاسبة وان تتكشف الحقائق وكل واحد يعرف قدره ..اما يقدم الاستقالة ونحن نفرح باننا تخلصنا منهم فهذة قمة السذاجة
!!!!!!!فسوف ياتى اخر ويعيث فى الارض الفساد بصوره افظع منه اوربما ياتى الينا مرة اخرى ويدعى بانه القوى الامين فلابد من جرد الحساب والحساب ولد ولابد من فتح ملفات الفساد امام الشعب السودان حتى يعرفوا حقيقة اصحاب المشروع الحضارى !!!!!!!!!!!!!!فاننا لن نتنازل عن حقوقنا واموالنا التى نهبت ومشاريعنا التى تدمرت سواء بفسادهم اوسوء ادارتهم ...والا فابشر بطول سلامة ياعمر!!!!!

[زول مقهور]

#984580 [منشى]
0.00/5 (0 صوت)

04-26-2014 12:05 AM
كل يوم فضيحه فى ولايه .. الخرطوم و تلاهو الجزيره و يبقى الدور الجاى على ياتو ولايه .. انا شخصيا برشح ولاية شمال كردفان ... و ما عارف راى التانين شنو ؟

[منشى]

#984548 [ود النور]
0.00/5 (0 صوت)

04-25-2014 11:15 PM
بعد ان تقع الفاس في الراس ويتم الدمار و ينتشر العوار و يعم ارجاء الولاية يتنحي الوالي بالضربة القاضيه
من ياتي بعده يعجز عن المعالجة لان بطانة السوء و حارقي البخور ما زالوا مكنكشين و مجهزين المتاريسس لاي قادم
يا جماعة الخير اعطوا الوالي الجديد 3 شهور فترة اختبار و بعدها اركلوه خارج السور

[ود النور]

#984522 [kasir]
0.00/5 (0 صوت)

04-25-2014 10:16 PM
المهندس ازهري خلف الله هو الرجل المناسب لقيادة ولاية الجزيرة في هذه المرحلة...

[kasir]

ردود على kasir
United States [ودالجزيرة] 04-26-2014 10:37 AM
كلهم خارجون من مشكاة وأحدة ياكاسير لا خير فى هذا وذاك ولا تلد الحية الا حية والنظيف والعفيف والنزيه لا يمكن بحال آن يتبع ويسير فى ركب الوسخانين الفاسدين المفسدين وإن الطيور على آشكالها تقع ماشفناوأحد نظيف بتابع الناس الوسخانين


#984487 [نبيل حامد حسن بشير]
0.00/5 (0 صوت)

04-25-2014 09:08 PM
ولاية الجزيرة ولاية منحوسة رغما عن أنها كاليفورنيا السودان وتزخر بأعلم علماء السودان ومن النادر أن تجد في مدينة واحدة هذا الحشد من العلماء بما في ذلك العاصمة فهنالك جامعة الجزيرة والجامعة الأهلية وكلية ابوبكر عثمان وهيئة البحوث الزراعية وهيئة البحوث الهايدروليكية مجموعات تستطيع أن تحكم السودان وتقوده بحيث يصبح في مصاف دول العالم الأول لكن حكومة المؤتمر الوطني تأني بالضعيف والفاسد وتسميه القوي الأمين
الآن نحن في انتظار وال جديد فهل سيعتمد على العلماء والخبراء أم تعود ريمة لعادتها القديمة؟

[نبيل حامد حسن بشير]

#984478 [نبيل حامد حسن بشير]
4.00/5 (1 صوت)

04-25-2014 08:56 PM
مرحبا الأخ سامي حقيقة لم اقل أن الأكاديميين مثلي لا ينجحون في العمل السياسي بصفة مطلقة وأتفق معك في الكثير مما ذكرت
نحن الأكاديميون نفتقر الى الممارسات السياسية وأحيانا الادارية ولعلك تعلم بانني رفضت كل المناصب الادارية بالجامعة وغيرها و رفضت الوزارة ثلاث مرات وآخر منصب رفضته قبل عدة أسابيع هو منصب الأمين العام للمجلس الأعلى للبيئة وهو أقرب المناصب لتخصصاتي التي ذكرتها
قدمت النصح للأخ الزبير حين قدومه لأول مرة لتولي منصبه خلفا للفريق عبدالرحمن سرالختم وهو يعلم بأنني نائب الأمين العام للاتحادي الأصل وشكرني عليه بشده ووفرت عليه الكثير من الجهد بصفة أنه زميل كأستاذ جامعي وبسبب خوفي على الولاية التي قضيت بها أكثر من 35 عاما وطلبت منه الاهتمام بمدني وبمواطنها وبمشروع الجزيرة والعطالة والفساد وحددت له المفسدين بالاسم لكنه لم يتفاعل مع مواطن ودمدني ولم يشعره بوجوده وأهميته وركز على باقي مدن وقرى الولاية ولا أنكر أنه أنجز لكن أين مركز الثقل؟ بالتأكيد هو مدني. كما أن المؤامرات داخل حزبه وحكومته تكمنت منه وهزمته شر هزيمة لم يستطع التعامل معها لأنه ببساطة أكاديمي ولم يعرف كيف يتصرف السياسي!!!هل فسرت ما أقصده؟؟؟ تحياتي

[نبيل حامد حسن بشير]

#984470 [ابوعديلة]
0.00/5 (0 صوت)

04-25-2014 08:46 PM
اولا مبروك لأهلنا بالجزيرة بتخلصهم من واليهم الفال ..الجزيرة ياسادتى تريد واليا أو حاكما ذو شخصية قوية عفيفا شريفا وليس لشوية دراويش .
أما الوالى المجاهد فنقول له (أها جاتك مقشرة لغاية عندك , فأطلع من قصر الضيافة وسوق اولادك من بيت الجامعة من غير مطرود و أهنديييك جبال النوبة وجنوب كردفان امشى جاهد فيها)..

[ابوعديلة]

#984465 [ابو قدوم]
0.00/5 (0 صوت)

04-25-2014 08:42 PM
خطوة لعلها تكون فاتحة خير لأهل الجزيرة ، تقوم بها حكومة الانقاذ وهي تجبر والي الجزيرة لتقديم استقالته . وكان من الواجب ومن الضروري لإنصاف هذا الشعب أن تتم إقالته وأن تشكل لجنة على أرفع المكونات لتقوم بمحاسبته على أفعاله بكل شفافية وأمام الاعلام القومي لإرجاع كل ما تم نهبه من أموال الشعب. هل نفهم من ذلك إنها صفقة إنقاذية ، قبلنا استقالتك ولتذهب حرا طليقا .
وكذلك كان من الاجدر أن تقيل حكومة البشير ، والي الخرطوم قبل والي الجزيرة إنصافا لهذا الشعب الذي أصبح مسكينا بسبب حكومة البشير الرعناء. والكل يعلم أفعاله البشعة.كما أن هناك وزراء أكل عليهم الشعب وشرب من إخفاقاتهم كان يجب إقالتهم فورا وهم كثر، الدفاع والاستثمار والزراعة والتعليم والطاقة ،
والقائمة تطول وتطول . كل هؤلاء عبء ثقيل على هذه الحكومة العاجزة .

[ابو قدوم]

#984441 [ود تلودي]
0.00/5 (0 صوت)

04-25-2014 08:00 PM
حينما انضم الزبير لكتائب المجاهدين التي توجهت لتحرير توريت عام 2004 - كان الخبر في نشرة التاسعة براديو لندن اكاديمي كبير ينضم للقوات المسلحة في توريت

[ود تلودي]

#984358 [bullet ant]
0.00/5 (0 صوت)

04-25-2014 05:20 PM
عاوزين نطير البشير المكعوج وعصابة الكيزان

[bullet ant]

#984351 [كاسترو عـبدالحـميد]
0.00/5 (0 صوت)

04-25-2014 05:08 PM
متى يـسلم منزل جامعة الخرطوم ؟

[كاسترو عـبدالحـميد]

#984344 [عقبال ان يعترف بشة بفشلة ويستقيل وياخذ معه حكومته الفاسدة ال]
0.00/5 (0 صوت)

04-25-2014 05:03 PM
تحية لاهل الجزيرة حتي الموتمرجية منهم لانهم اقالوا الوالي الفاشل حتي لو لم يكن فاسدا وكان

زاهدا!! فالولاية ليست تشريف او محاضرات يلقيها البروف في الجامعة وقد اثبت الكثيرين من

البرفات فشلهم في العمل العام قبله!! وكما قال صلي الله عليه وسلم للبلال ان فيك ضعفا!! فالبروف

رجل ضعيف في العمل الاداري والتنفيذي! وكان الاولي به انيستقل منذ فترة ويوقن بفشله بدلا ان يجر

الولاية للدمار فشتان بينه وبين القوي ايلا!! فقد عملت معاول الهدم والتفتييت في الولاية حتي عرض

المفسدون اراضي مشروع الجزيرة للبيع بعد ان دمروهو كما فعل شياطين شركة الاقطان!!!!

وسلام ياناس الجزيرة الابطال عقبال ناس الخرطوم لحم الراس التي دمر واليها الولاية المتسخة

المعفنة ونهب في نهايو المطاف زمرته اموالها وتركوها بأئسة كوجهه الكلح!!!!

[عقبال ان يعترف بشة بفشلة ويستقيل وياخذ معه حكومته الفاسدة ال]

#984307 [النظام يريد تغيير الشعب]
3.00/5 (1 صوت)

04-25-2014 04:09 PM
في السودان الحرب مشكلة و السلام مشكلة ....الحكومة مشكلة و المعارضة مشكلة...السكوت مشكلة و الربيع الدموي مشكلةاكبر...الحوار حل و عدم الحوار مشكلة...و المشكلة الأكبر من كل المشاكل هي (((الشعب بكل تصنيفاته )))))اغلب الكيزان حرامية و بتاجروا بالدين رغم انهم بصلوا و بصوموا رمضان...اغلب الشويعيون وسخانين (ما بعرفوا الغسل) و ما بصلوا وما بصوموا رمضان وعايزين يفصلوا الدين عن السياسة (يعني الداير يسكر يسكر و الداير يزني يزني وكل كبائر الدين تتحول لصغائر ), اغلب ناس الأمة ناس دنيا و قد فشلوا من قبل في الحكم...اغلب الاتحاديين عايشين في غيبوبة وما عايزين يفيقوا و يطوروا انفسهم و يواكبوا مستجدات العالم.....اغلب انصار السنة ما بعرفوا من التدين الا وجوه النساء و أكفهن و ضعاف الأحاديث في حكم الغناء...أغلب المغتربين انغمسوا في الجنس و الدعارة و المسكرات....أغلب الشباب قرروا الهروب من الواقع الى عالم الانترنت الوهمي و لم ياخذوا من الغرب الا اسواء صفاته و لم يفلحوا الا في فلفة الشعر و خواء الرأس...أغلب الأطفال تخلوا عن البراءة وأصبحوا أصدقاء للليل و السهر حتى ساعات الصباح الأولي و بمباركة والديهم...أغلب الشابات تخلوا عن الحياءو شرعوا في التخلي عن الأنوثة شيئا فشيئا(تحت شعار العولمة و العلمانية)....و للاسف الحال مشابه في جميع الدول العربيةو ربما السودان أفضل حالا بكثيييييييير.....و الحل سهل ممتنع و يتكون من كلمتين.....((((تطبيق الاسلام)))) كل واحد بكره تجار الدين يحاول يطبق الاسلام بصورة صحيحة في نفسه ثم بيته و يسابق الموت قبل ان يداهمه.....و كلكم راع و كل مسئول عن رعيته.............نجانا الله و اياكم يوم لا ينفع مال و لا بنون............

[النظام يريد تغيير الشعب]

#984281 [Kamal Mustafa Ahmed]
0.00/5 (0 صوت)

04-25-2014 03:28 PM
يا ناس الجماعه ديل دمروا البلد وسلبوا أموالنا وكبيرهم الان يدعي اطلاق الحريات وانتهاء عهد التمكين عشان كده أناشد مواطني الجزيره بتقديم دعوي قصائيه ضد الوالي المستقيل والمطالبه بمحاكمته للثراء الحرام واستغلال النفوذ والصرف البذخي علي نفسه ومحاسيبه بالله فطور أسبوع واحد بخمسة عشر مليون جنيه يعني ده كان فطور بس في الشهر الواحد من حسابنا بيساوي راتب 120 طبيب
في الشهر عشان كده الاطباء تركوا البلد الواحد يقرأ ويجتهد ويصرف مدة 24 سنه في التعليم ويكون راتبه كله يساوي لقمه واحده من فطور الوالي الاستقاله ليست كافيه المطلوب المحاسبه والمحاكمه وارجاع حقونا لانه بالطريقه دي بي بشيرهم يقدموا استقالاتهم ويضحكو علينا ويتركوا لينا البلد في
حاله لا يعلم بها الا الله لا والف لا للاستقاله فققط لا بد من المحاسبه والمحاكمه ولا يخموكم كده يا أهل الجزيره الراجل ده بس فطور شبع لي جني جناه جيبوه وحاسبوه فالجزيره بها المحامين والثوار والاحرار وهي كانت شمس السودان علم وفهم وفن ورياضه لو كان فطور اسبوع واحد في الشهر بينفقه علي الاتحاد أو الاهلي أو النيل أو جزيرة الفيل أو الرابطه ما كان الجزيره يكون لديها فريق واحد في الممتاز وممكن السنه يغادر الممتاز كمان وكنا نحن أهل الجزيره رياده ورياضه مثل اللخرطوم وكان الشرق احيانا له اشراقات بهلاله ومريخه والسوكرتا يلا يا ناس الجزيره اهتفوا في الحرامي المسمي بالزبير ياهو ياهو ياهو واقبضوه واضربوه وحاكموه

[Kamal Mustafa Ahmed]

#984231 [sood zac]
5.00/5 (1 صوت)

04-25-2014 01:58 PM
تفوت ساكت كدا تخلينا!؟ معقولة بس لاحساب ولا محاسبة . يعني في الحالتين انا الضائع .

[sood zac]

#984214 [شعبة علم النخس]
5.00/5 (1 صوت)

04-25-2014 12:58 PM
واشرارى يالحليب حترجع تركب الموتر تانى؟
اشتقتا لجعيباتك
موتر الحليب المركون فى بيت الجامعة

[شعبة علم النخس]

#984207 [fonjan gahwa]
5.00/5 (1 صوت)

04-25-2014 12:48 PM
ومتى تعم الفرحة جميع ولايات السودان نحن فى الإنتظار

[fonjan gahwa]

#984162 [نبيل حامد حسن بشير]
5.00/5 (1 صوت)

04-25-2014 11:58 AM
الغريب في الأمر أن الواحد فيهم عندما
يطالبه الناس داخل الولاية بالرحيل
يفتكر انه ده حقد وحسد
نصحناه بما فيه الكفاية لكن يبدو ان
الزول ما بيشوف عوجة رقبته
المحيطين به أبعدوه عن الجميع
ابتعد هو عن الناس بالسكن داخل قصر
الضيفة وترك أولاده بالخرطوم؟؟؟
اصبح بعيدا عن الجماهير ومىسيهم وتفرغ للمشاكل مع عضوية حزبه
ترك الفساد ينتشر بقوة تفوق قوة انتشار السرطان حتى قضى الفساد عليه هو وعلى الولاية
تنكر للأحزاب التيحاولت مساعدته لاخراج الولاية من المتاهة التي ادخلها فيه حزبه المتهالك ضعيف الفكر والمبادئ
نرجو أن يطلق السياسة ويعتبر ما حدث درس شخصي ويتفرغ مثلنا للأكاديميات

[نبيل حامد حسن بشير]

#984124 [ضياءالحق]
5.00/5 (1 صوت)

04-25-2014 11:10 AM
أستبدال حرامي بي حرامي
فاشل بي فاشل

[ضياءالحق]

#984094 [أبوأسامة المهاجر]
5.00/5 (1 صوت)

04-25-2014 10:23 AM
جاتوا فرصة يكمل الرقصات الجهادية

وألف مليون مبروك ياناس الجزيررررررررررررررررة وعقبال كبيرهم مفتت السودان

[أبوأسامة المهاجر]

#984075 [ودالجزيرة]
0.00/5 (0 صوت)

04-25-2014 09:48 AM
لاخير فى هذا وذاك ولا عبيد ولا زيد كلهم خارجون من مشكاة وأحدة ولن يرجو منهم شعب الولاية خيرا سوى الفساد والافساد ولن تقوم للولاية قائمة طالما آجندة برنامجهم وسياسيانهم وإستراجيتهم تقوم على نمط وأحد

[ودالجزيرة]

#984064 [كاكا]
0.00/5 (0 صوت)

04-25-2014 09:26 AM
عقبال جهنم بعد دا

[كاكا]

#984063 [دارفوري اصيل]
5.00/5 (1 صوت)

04-25-2014 09:25 AM
كل مؤسسات حكومية ملئة بلفساد من رئيس جمهورية الي حفير كل حكومة كيزانية عقبال البشير و حسبو و بكري و كبر و لمبي
........ ..الي ما
لانهاية

[دارفوري اصيل]

#984030 [وحيد]
5.00/5 (1 صوت)

04-25-2014 08:12 AM
لا مساءلة و لا محاسبة .... ياتون بكل فاشل فاسد و يولونه امر الناس فيعيث في الأرض فسادا و فشلا و تدميرا ثم يستبدلونه بفاشل فاسد من نفس النوع و يحيولون الأول الى منصب آخر ليواصل الفساد و الفشل .....
طلع فاشل فاسد ..... جاء فاسد فاشل

[وحيد]

#984013 [هدهد]
5.00/5 (2 صوت)

04-25-2014 06:24 AM
ما الفائدة استبدال حرامى بحرامى 1111؟؟؟؟؟؟؟

[هدهد]

#983994 [بادي أبو شلوخ]
5.00/5 (1 صوت)

04-25-2014 03:54 AM
عقبال والي سنار ........ قال البشير ما يقدر يقلعني

[بادي أبو شلوخ]

ردود على بادي أبو شلوخ
European Union [mohd] 04-25-2014 11:17 PM
عقبال والي كسلا و كل والولاة الذين لم يقدموا لولاياتهم و يوجد بعض الولاة مشهود لهم بالعمل لصالح المواطن و مثل هؤلاء يجب ان يستنسخوا


#983989 [زول وطني غيور]
5.00/5 (1 صوت)

04-25-2014 03:44 AM
أول الغيث قطرة !!

[زول وطني غيور]

#983980 [واحد زهجان من ...]
5.00/5 (2 صوت)

04-25-2014 03:06 AM
ذهب حرامي وسوف يأتي حرامي آخر والطيور على اشكالها تقع

[واحد زهجان من ...]

#983967 [الصادق]
5.00/5 (1 صوت)

04-25-2014 02:37 AM
دي خطة الترابي للبشير ... اقالة بعض الولاة ليتنفس الشعب وتمر الانقاذ في الفساد

[الصادق]

#983963 [abuali]
5.00/5 (1 صوت)

04-25-2014 02:19 AM
يا بوى ديا شبعوا لى جنى الجنى والى شنو و جزيرة شنو بدوة شغلانة هسة الفرحانين ليها ...و اللة شعب تطلعاتة واطية خالص ...

[abuali]

#983927 [سوداني وافتخر]
5.00/5 (3 صوت)

04-25-2014 12:54 AM
فساد في الذمم فساد في كل مكان فساد في الولايات في الوزارات في الشركات في العطاءت في الجامعات في الوظائف لقد ضربت الفوضى والمحسوبية والتمكين باطنابها كل مناحى الحياة ضاعت الحقوق نهارا جهارا صار المواطن المغلوب على امره متهما والمجرم المختلس الحرامى برءى براءت الذئبهذا زمانك يامهاذل فامرحى ياواعظ الناس عظ نفسك لايستقيم الظل والعود اعوج ياعمر ابداء بنفسك كلها السلسله الحولك فاسده

[سوداني وافتخر]

#983884 [mahran]
4.88/5 (7 صوت)

04-24-2014 11:42 PM
بس كدة... دا إسمو ضحك على الدقون...
إيه يعنى قدم إستقالتو ومشى خلاص يعنى على كدة الموضوع إنتهى... وين مبدأ المحاسبة ووين الشفافية ووين ووين...
بلد سايبة وذى مابقولو ناس الجزيرة:(عايرة وادوها سوط)...
المفروض يتعمل كشف حساب عن الفترة الفاتت كللللها الإستمتع بيها بالمرتب والمنصب والجاه والسلطةوالإمتيازات والبيت والعربات ووووووو... قدم شنو قصادها للولاية؟؟؟
وللا دا كلو مجان... ويطلع منها ذى الشعرة من العجين... ويادار مادخلك شر!!!!!!!!
وللا اللهط والفساد والمحسوبية وتبديد الاموال والاراضى والفشل الذريع فى إدارة شئون مواطنى الولاية وتوفير الخدمات لهم... سنين عددا قضاها فى الولاية وخرج منها او خرجت منه أسوأ بكثير مما كانت ...وكل شئ يمكن قياسه...ولا نقول عفا الله عما سلف ونعمل بمبدأ المسامح كريم...
أنا بوفر ليك كل حاجة من مرتب وإمتيازات وغيره من أجل هدف واحد: العمل الجيد والمخلص,, ولو مافى عمل بلاش منك... بس لا يعقل يجى بعد ست سنوات تقول قدم إستقالتك ومع السلامة
يبدو أننا سنرى السيد الوالى قريبا فى منصب جديد, ربما مدير منمظمة أو مصلحة او...
هنيئا لنا التجربة...
تحياتى لود الشبارقة

[mahran]

#983883 [نبيل حامد حسن بشير]
1.00/5 (1 صوت)

04-24-2014 11:41 PM
نقول لل× الزبير السياسة والأكاديميات لا يلتقيان أما عندما يكون الفساد محيطا بك من كل الجهات فلن تستطيع محاربته الا بابتر وهذا ما لم تفعله والنتيجة الفشل في ادارة ولاية يسهل قيادته بالشفافية وحسن التدبير والاحتكاك بمواطنها البسيط لكن السكن بقصر الضيافة بعيدا عن السرة وبعيدا عن المواطن بسبب رجال حاشيتك وسفرك حارج العاصمة الولائية من ـهم اسباب عدم تجاوب أهل الولاية معكم
نرجو العودة للأكاديميات والبعد عن السياسة بمعنى اعتزالها نهائيا

[نبيل حامد حسن بشير]

ردود على نبيل حامد حسن بشير
European Union [مؤثمر وطني قال] 04-25-2014 06:15 PM
ردي علي (( [سامي عمر الأمين ))

واذكر انني آليت على نفسي يوم وصول الوالي للولاية في اول عهده ان اعينه بما استطيع من جهد لمعرفتي السابقة به وبقدراته وعلمه وبنظافة يديه وتعففه...

ماذا يعني لك تمسكه بمسكن جامعة الخرطوم منذ العام 2000 و حتي الآن ؟؟؟؟؟؟؟؟؟؟؟؟

[سامي عمر الأمين] 04-25-2014 11:17 AM
بروف نبيل..تحياتي لك....هل افهم من كلامك ان الاكاديميين يعيشون في عزلة عن قضايا بلادهم ويعلمون الطلبة ما لا مجال لتطبيقه من العلوم؟ انت مثلا احد اعلام علم السميات والبيئة وبحوثك متعلقة بمصير الاحياء من انسان وحيوان ونبات..وأتسائل :اليس لديك تصور واضح عن السياسات والقوانين والمؤسسات اللازمة لصيانة الحياة ووقف العبث بها من قبل "الجاهلين" ؟ واجيب انا انابة عنك بأنه لديك هذا التصور ولكنك لم تمكن وامثالك من المتخصصين من تولي الأمر وادارته من قمة المؤسسة السياسية حيث القرار..وكأني بك في رسالتك للوالي المستقيل تحكم عليه وعلى امثاله من الكايميين بمصير الفشل مطلقا وابتداء ان هم ولجوا باب السياسة، وهو ما اختلف به معك تماما...والتشخيص الصحيح، في نظري، ان النظام السياسي الشمولي هو الذي يفرز ظاهرة الرجل الغير مناسب في المكان الغير مناسب وهو ما جعل زمرة من الفاشلين الغير مؤهلين هم من يفرضهم النظام السياسي بدوائره السياسية والامنية المغلقة تبعا لنظام الكوتات والجهويات اللتي افرزتها الممارسة السياسية السودانية منذ الاستقلال على عالم اكاديمي مثل الزبير ويكونون اعوان له بدون رؤية او قدرة على التشخيص سوي الغوغائيةوالارتجالية في ادارة الشأن الحكومي واتباع اهواء الجماهير طلبا لرضائها بدلا من توجيها وتحفيزها لتنفيذ الاستراتيجيات الحكومية "النظرية" في التنمية من انتاج الاكاديميين والعلماء الذين يمارسون عزلتهم المجيدة !!

واذكر انني آليت على نفسي يوم وصول الوالي للولاية في اول عهده ان اعينه بما استطيع من جهد لمعرفتي السابقة به وبقدراته وعلمه وبنظافة يديه وتعففه...الا اني وبفضل الله عليّ لا اجيد "لعبثة" التزاحم على ابواب الحكام فكان ان حال النظام السياسي الشمولي الموجود دون ان اقترب منه بالقدر الذي يتيح لى ان انجز وعدي واكتفيت بالفرجة وانا ميقن ان الزبير كان آخر طلقة في الانقاذ!
"الآن وقد ذهب الرجل ربما اجد فرصة قابلا لأحكي عن هموم الزبير بتوصيل خدمات المياه لأنسان الريف المعذب في ابقوتة والمناقل والبطانة وكيف سعى واتخذ القرارت التاريخية في هذا الشأن وما احدثته من استقرار ونقلة من المعاناة والعذاب والعطش..وبحمد الله لا اجد شبهة نفاق او مداهنة له..."


#983879 [ابومروه]
2.50/5 (2 صوت)

04-24-2014 11:37 PM
فوزي حرام عليك انت البار لكن ده حاجه تانيه خالص الله لا يردوا و حرام يكون من مدني امثال هذا الخازوق الذي قلع

[ابومروه]

#983862 [جبة علا الله]
4.38/5 (5 صوت)

04-24-2014 11:05 PM
فى رايي الزبير ليس بالسيئ ولكنه مركب ماكينة كبيرة شوية
اما مشكلته الكبرى تستره على الفاسدين
الترشيحات التى ذكرت ويتداولها الناس
الحاج عطا المنان لايعرف شيء عن الجزيرة
ازهرى خلف الله له مشاكل سابقة مع ناس المناقل
عمر نمر عمل من قبل بالجزيرة مديراً للجهاز وله شلليته السابقة
عمر على يروج لاشاعة تعيينه والياًوهو من دمر مشروع الجزيرة
لكن اقول ليكم حاجة الولاية دى مسكونة

[جبة علا الله]

ردود على جبة علا الله
European Union [أبو احمد] 04-25-2014 01:46 AM
هذا الكلب تستر على عمارة جامعة الرباط الوقعت و أصر بأنها ممكن تتصلح بالرغم من النصائح من الفنيين ان تكلفة الترميم تفوق بكثير من تكلفة بناياتها من الاول و كل هذا للتستر لأبو رياله
أعوزه بالله منهم دول بيصلوا وين وكيف


#983861 [بت السودان]
4.75/5 (3 صوت)

04-24-2014 11:03 PM
حمدا لله على السلامة ولاية الخير و العطاء الولاية الخضراء لكن منو حيجى بعده مالكل حرامية ولصوص دمروا اكبر مشروع فى الوطن العربى و افريقيا ناسين الحساب و العقاب وفاكرين الدنيا دايمة ليهم ولله درك يا عزة

[بت السودان]

#983859 [noor]
1.25/5 (4 صوت)

04-24-2014 10:59 PM
فقدت الجزيرة ابنها البار النظيف العفيف
نتمنى له التوفيق والسداد

[noor]

ردود على noor
United States [سامي] 04-26-2014 11:28 AM
الظاهر عليك انت كوز مقدود ومصدي لعنكم الله جميعا ايها المعتوهين الاشرار

United States [محسن ابوحراز] 04-25-2014 11:09 AM
يظهر فراقو فرق معاك في فطور الأثنين والخميس الطيور علي أشكالها تقع

European Union [شهيد مشروع الجزيرة] 04-25-2014 09:56 AM
اسكت سكت حسك في كوز عفيف او تظيف ياكوز يا وسخان


#983853 [abu ahmed]
5.00/5 (1 صوت)

04-24-2014 10:52 PM
لازم تغيير شامل لكل النظام الفاسد

[abu ahmed]

#983845 [جدودنا زمان]
5.00/5 (4 صوت)

04-24-2014 10:43 PM
عقبال والي كسلا

[جدودنا زمان]

#983837 [Ahmed]
5.00/5 (2 صوت)

04-24-2014 10:31 PM
عقبال البشكير الكبير ، و كل أكلي. السحت ،،،،،،،،

[Ahmed]

#983832 [nagatabuzaid]
5.00/5 (2 صوت)

04-24-2014 10:19 PM
احبابنا مواطنى الجزيرة ما تفرحو شديد يعنى الجايبنوا ليكم ياهو كوز منهم وفيهم بس ابقوا عشرة واقيفوا ليه شوكة حوت لا تنبلع ولا تفوت وما محتاجين لوصية يا اهل الجهاد البطولات عبر التاريخ القديم والحديث ذكراكم عطرة

[nagatabuzaid]

#983829 [ابو طربوش]
5.00/5 (3 صوت)

04-24-2014 10:02 PM
و الله التقول بنحلم دا اكبر بلا جانا في سنين الانقاذ العجاف وهو متبت فيها لمتين ؟ اى واحد من ابناء الجزيرة الغير( متأسلمين) خير من العوقة ده

[ابو طربوش]

#983816 [بعانخي]
0.00/5 (0 صوت)

04-24-2014 09:31 PM
الظاهر الكيزان ح يطأقشو

[بعانخي]

#983808 [الحاج]
5.00/5 (7 صوت)

04-24-2014 09:23 PM
هو شنو حكاية كل حرامي يقول ليك انا منتخب
البشير يدعي انه منتخب والحكومة والبرلمان الكرتوني منتخب
فاشلين فاسدين

[الحاج]

#983801 [سقد]
5.00/5 (1 صوت)

04-24-2014 09:12 PM
بدل المحاكمة والمحاسبة استقالة يطلب منه تقديم استقالته هههههذا تستر يامساكين

[سقد]

ردود على سقد
[الحقيقة مرة زي الدواء] 04-24-2014 10:56 PM
هذا ليس تستر بل (فقه السترة)

United States [nagatabuzaid] 04-24-2014 10:09 PM
يكونوادبروا ليه وظيفة مدنكلة فى موقع تانى اخر تعويضا له على اجباره على الاستقالة


#983800 [فوزي]
0.00/5 (0 صوت)

04-24-2014 09:12 PM
فقدت الجزيرة ابنا بارا

[فوزي]

ردود على فوزي
European Union [شهيد مشروع الجزيرة] 04-24-2014 11:36 PM
تفقد عينيك وكرعيك قول امين

[الدنقلاوي] 04-24-2014 10:31 PM
زفقد فوزي عقله

United States [nagatabuzaid] 04-24-2014 10:11 PM
علييييييييييييييك الله؟


#983793 [سيكو]
5.00/5 (2 صوت)

04-24-2014 08:59 PM
خبر جميل وعقبال تمبل القصر الجمهوري بالخرطوم

[سيكو]

#983788 [الأحنف بن قيس]
4.00/5 (2 صوت)

04-24-2014 08:47 PM
1/ لايستقيم الظل والعود أعوج
2/ في الزراعة إذا كثرت النباتات غير المرغوب فيها وزادت عن الحد وعلت عن ما هو مزروع فإنها لا ينفع فيها الكديب (إزالة الحشائش الضارة) وإنما يستلزم حرثها بالكامل ، بي محراث يجيب عاليها واطيها ويحش العيش والقش ، عشان يضع بزرة جديدة .
3/ زمان السودانيين كانوا زي الدهب تدفنو ولا تحرقو يظل ذهب و أين ما ذهبت به يظل ذهب وكان الوزير يدخل الوزارة وبيتهم جالوص ويخرج منها وليس له عمارات ولا شركات ولا حسابات بالدولارات رحم الله الأزهري مات مدينا بجنيهات لا تعجز بائعا متجولا ورحم الله المحجوب وعبدالله خليل وعبود كانوا النزاهة والأمانة لمثلهم فقط أن يقول ما لدنيا قد عملنا
4/ آخر النار رماد كنا نظن أنه لا يفيد وبس طلع إنو مع عدم الفايدة ضرره بليغ والتخلص منه صعب

[الأحنف بن قيس]

#983786 [عصمتووف]
4.50/5 (4 صوت)

04-24-2014 08:45 PM
هو جزء من منظومة الفساد متي يتقدم رئيسة شخصيا بالاستقالة والانتحار وبفية الاذناب المذنبة نريد حريتنا والا نكسر الغلال فوق رؤسكم الفارغة

[عصمتووف]

#983781 [كوز موية فاضى]
3.50/5 (4 صوت)

04-24-2014 08:41 PM
مافى مشكلة و ما فارقة معاك المال السرقتو دا يكفى لعيال عيال عيال عيال عيالك . يعنى شنو لو طردوك ولا قدمت استقالتك بدون محاكمة . بكرة تلقى نفسك عينوك فى محل بلع احسن من دا بألف مرة

[كوز موية فاضى]

ردود على كوز موية فاضى
European Union [قلبي مقطوع] 04-25-2014 12:55 PM
يا اخوة و اخوات ...صحيح انتشر الفساد و صحيح قد يكون عدد الفاسدين اكبر من الصالحين و صحيح ان للسلطة جاذبية لا يقوى عليها الا القليل حتى و لو كنتم انتم معظم كتاب الراكوبة قد لا ينجو منكم الا القليل حين تتجاذبه السلطة والدنيا من كل صوب...ولكن هذا لا يعطينا الحق في ان نتهم الناس بدون دليل ....ووووووب عليكم لو طلع الزبير بشير نزيه و عفيف ...وانا اري ذلك,يكفي انه لا يملك بيت تمليك حتى الان.... وانا اتمنى من كل قلبي ان دعاة محاربة الفساد هؤلاء من كتاب الراكوبة او غيرهم الا يكونوا فاسدين في اي شكل من اشكال الفساد...و لكن هذا هو حال البشر يستهونون ذنوبهم و يعظمون ذنوب الغير.. على كل حال ان كان الزبير بشير حرامي فسيفضحه الله و تكونوا انتم خسرانين لأنكم عندما اتهمتوه لم يكن عندكم الدليل...واذا كان نزيه فايضا انتم خسرانينو ستكون اي اساءة تعرض لها بالباطل في ميزان حسناته.......وفي الختام انك ميت وانهم ميتون و يوم القيامة الحساب ولد....كلنا سنكون امام الله و ينكشف كل المستور.. وانا قلبي مقطوع خوفا من الله....و رحم الله امرئ شغلته عيوبه عن عيوب الاخرين.... و جمعة مباركة.


#983779 [بت قضيم]
4.00/5 (2 صوت)

04-24-2014 08:39 PM
زنقة زنقة حفرة حفرة والله غالب مبروووووووك ثوار الجزيرة بلا وانجلى

[بت قضيم]

#983776 [basheer ass]
4.88/5 (4 صوت)

04-24-2014 08:36 PM
بعد ده امشى اخدم الاسلام فى كاودا وماتنسى تاخد ليك ملكين معاك لزوم الحمايه وكده اصلو مقاتلات النوبه فى اشد الشوق لرؤياك ياجقه.

[basheer ass]

ردود على basheer ass
European Union [هوربا] 04-25-2014 06:07 PM
ههههههههههههه قلتا لي جقة ههههههههه دي قوية لينا ايام ما ضحكنا بالصورة دي شكرًا ليك

European Union [ودتاج الدين] 04-25-2014 01:17 AM
ههههههههاااااي
والله جقة دي قوية ياخ


#983768 [ابومرام]
5.00/5 (2 صوت)

04-24-2014 08:27 PM
عقبال والي الخرطوم ووالي نهر النيل يارب

[ابومرام]

#983760 [التاج محمد احمد]
5.00/5 (2 صوت)

04-24-2014 08:16 PM
الحمدلله هم وزال ولكن ان يستبدل بالحاج عطاالمنان فهذه ام المصايب ما كفايه ما عمله بدارفور

[التاج محمد احمد]

#983757 [ود الشبارقة]
1.00/5 (1 صوت)

04-24-2014 08:11 PM
انظروا للصورة كم يوم لم يذق طعم النوم لهذا الحد السلطة كالدنيا محبوبة ، النجاح الحقيقي لك في مجالك الأكاديمي وليس السياسي ، بكره يشوفوا ليك جامعة وتستلمها بس لا ترجع للوراء ، لان الانقاذ لا تفرط في كروتها مهما كانت منتهية ، لكن ابشر اهلي ناس الجزيرة ألا يرفعوا سقف الطموحات وألا يفرحوا لان الاسماء المتداولة كلها فالصو ومنتهية الصلاحية وسوف ترجع الجزيرة للوراء انها لعنة الجزيرة مع الانقاذ ، تنظر لها على انهامن سقط المتاع ، والله المستعان

[ود الشبارقة]

#983756 [kandimr]
5.00/5 (34 صوت)

04-24-2014 08:09 PM
سيعم الفرح..بزوال النظام.. وعندها ينال هذا الكوز الحقبر وجميع (الهؤلاء!) والسدنة والطائفين ..العقاب قصاصا ومحاسبة تؤدى بهم الى جهنم لتدمير وتمزيق البلاد وإستشراء الفساد..ألم تكن مآساة أن يتقلد هذا(الصعلوك). .منصب مدير جامعة الخرطوم..فعندما كان (الزبير طه) للأسف طالبا بها..قام بالبدء بالاعتداء بالضرب على عميد الإقتصاد والمشرف على الطلاب المرجوم د. جعفر بخيت..ولم يكن طرفا فى من تحدث معهم المشرف بقهوة النشاط!...هذه من مهازل ومآسى (التمكين) وشمولية الانقاذ..وتكرر السلوك لاحقا من (هاجى ماجد سوار).أمين جهاز جباية المغتربين...الطينة وأحدة!..فأى سلوك يأتى به الهؤلاء. ثورة حتى العقاب والكنس من البلد ..وليس المناصب الحكومية...ولتسترهم الأرض بعد قبرهم...ليصدق عليهم والأرض قول (الشابى).. *ولولا أمومة قلبى الرؤوم لما ضمت الميت تلك الحفر... نحن رفاق الشهداء... الصابرون نحن..

[kandimr]

#983755 [يونس]
5.00/5 (1 صوت)

04-24-2014 08:08 PM
الحمد لله الحمد لله الحمد اخير يارب اجعل ولاية الجزيرة في نعمة من خيرها ومن يكون والي ان يقدر مكانتها واهلها لقد صبروووووووووووووووووا علي هذا البلاء اللهم عوضهم خيرها

[يونس]

#983751 [المشتهي الموليتا]
4.00/5 (1 صوت)

04-24-2014 08:02 PM
عقـبال الرمم والعفن الباقـــــــيين

[المشتهي الموليتا]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة