الأخبار
أخبار إقليمية
الجبهة الثورية تسلم الاتحاد الأوربي خارطة الطريق لحل الازمة السودانية
الجبهة الثورية تسلم الاتحاد الأوربي خارطة الطريق لحل الازمة السودانية
الجبهة الثورية تسلم الاتحاد الأوربي خارطة الطريق لحل الازمة السودانية


04-26-2014 11:42 AM
فى إطار جهود الجبهة الثورية وبحثها المستمر لحل الأزمة السودانية، إلتقى وفد الجبهة الثورية برئاسة السيد منى آركو مناوى رئيس حركة تحرير السودان ونائب رئيس الجبهة الثورية والأستاذ التوم هجو القيادى بالحزب الإتحادى الديقراطى ونائب رئيس الجبهة الثورية، في بروكسل مقر الاتحاد بقيادة الإتحاد الأروبى ممثلاً فى مسئولى الدائرة الأفريقية والملف السودانى.

وقد تحدث السيد منى عن الوضع السياسى الحرج فى السودان وحروبات الإبادة التى تشنها حكومة المؤتمر الوطنى فى دارفور، موضحاً أن فى ظل هذه الأوضاع المعقدة فى السودان تتزايد الحاجة لتدخل المجتمع الدولى من أجل لعب دورٍ مؤثر فى حل أزمات السودان المستفحلة خاصة الإتحاد الأروبى. مضيفاً أن شعب دارفور يُقتلون الآن بأيدى مليشيات الحكومة من الجنجويد، وأن شعب دارفور ضحايا لإتفاق الدوحة، وكان ينبغى على القطريين أن يبذلوا جهودهم لحل أزمة دارفور عبر الإتحاد الأروبى والإتحاد الأفريقى، وليس أن يعمل الإتحاد الأروبى والإتحاد الأفريقى لحل الأزمة عبر دولة قطر، منبهاً قادة الإتحاد الأروبى أن الحكومة السودانية عادت إلى ممارسة التطهير العرقى وشن حرب إبادة جماعية بصورةٍ أسوأ بكثير من حرب الإبادة التى شنتها فى أعوام 2003م و2004م. ثم تطرق إلى التهديدات التى أصبحت تمثلها حكومة المؤتمر الوطنى فى المنطقة بتأجيج الصراعات والحروب فى دول الأقليم، مثل دعمها للإسلاميين المتطرفين فى مالى وأفريقيا الوسطى ودولة تشاد .

وقد أطلع السيد مناوى مسئولى الدائرة الأفريقية بالإتحاد الأروبى على تجارب مريرة مع المؤتمر الوطنى حيث قال إنهم تعلموا الكثير فى هذا الشأن وأن المؤتمر الوطنى يستخدم مفردة الحوار كتكتيك وليس كإستراتيجية، يهدف من وراء ذلك خدمة مصالحه وليس الحوار الجاد الذى يُفضى إلى حلٍ شاملٍ لمشاكل السودان،موضحاً أن المؤتمر الوطنى صنع أكثر من 80 حزب ثم حشدهم فى مظلة واحدة بحجة الحوار، لكنه لايستهدف الحوار الجاد لحل أزمة السودان وإنما جعلهم غطاء من أجل توحيد الإسلاميين والإلتقاء مرة أخرى مع المؤتمر الشعبى بقيادة الدكتور حسن الترابى.

ثم أوضح لمسئولى الإتحاد الأروبى انهم فى الجبهة الثورية طرحوا خارطة طريق لحل ازمات السودان وأن هذه الخريطة هى الأمل الوحيد لحل أزمات السودان المعقدة، وأن الحل وفق خارطة طريق الجبهة الثورية يقتضى أن يبدأ الأطراف المتحاربة بالتفاوض لحل مشكلة السودان ببدء التفاوض بين الأطراف المتحاربة من أجل وقف العدائيات لأغراض تقديم المساعدات الإنسانية ثم إجراء الترتيبات الأمنية، ومثل هذه الإجراءات لايمكن أن تتم إلا وفق برتكولات خاصة وضمانات دولية، ثم بعد ذلك تأتى مرحلة الحوار الشامل مع القوى السياسية السودانية حول كيف يُحكم السودان.وقد تم تسليم مسئولى الإتحاد الأروبى نسخة من خارطة الطريق لحل أزمة السودان والتى كانت الجبهة الثورية قد عكفت عليها حتى تقدمها فى إطار جهودها لحل الأزمة السودانية.

ثم تطرق اللقاء للحديث عن الجبهة الثورية السودانية وقد أكد الوفد أن الجبهة الثورية تعبر عن كافة أهل السودان ولايمكن أن يكون هناك إستقرار فى السودان أو حل لمشاكلة بدون مشاركة الجبهة الثورية.

وقد ختم مسئولى الإتحاد الأروبى اللقاء بالتعبير عن أسفهم لإستمرار معاناة أهل دارفور لأكثر من عشر سنوات، ذاكرين بأنه يُوجد بالسودان أكثر من 40ألف فرد من قوات حفظ السلام وأنهم ظلوا يدفعون ثمناً كبيراً من أجل حفظ السلام منذ أكثر من عشر سنوات دعماً وحمايةً للمواطنيين ولا زال الحديث عن الإبادة الجماعية مستمر، ليأكدوا فى ختام اللقاء دعمهم للحل الشامل للمشكلة السودانية والعمل مع كل الأطراف فى سبيل إيجاد سلام دائم فى السودان وأن لديهم عمل كبير ينتظرهم من أجل تحقيق الهدف .

وقد شارك فى الوفد كل من السيد نورالدايم محمد أحمد طه رئيس مكتب حركة تحرير السودان بالمملكة المتحدة والسيد جمعة هرى بوش رئيس مكتب الحركة بالولايات المتحدة اللأمريكية.


تعليقات 15 | إهداء 0 | زيارات 6576

التعليقات
#986322 [الغراب]
5.00/5 (1 صوت)

04-27-2014 03:52 PM
على مين على مين
على مين على مين ؟
تاني الكضبات بي إسم الدين؟
المشكله إنك يا مسكين
فاكرنا غَـشَامى وما ناقشين !!
تفتكروا نسينا (فِـدا التمكين) ؟
والناس الجات عادمه القرشين !!
والساكنه معانا بيوت الطين ؟
اليوم غشواتا نواحي الصين ..
هبشاتا بتسرق نُـنِّي العين ..
نشواتا العرسه مع السمحين ..
دشواتا نصوص فاقده التلحين ..
المشكله إنك يا مسكين
فاكرنا بننسى وما ناقشين !!

من وين من وين
من وين من وين ؟
حتجيب مليون
شهري ومن وين ؟؟
حتغطي فضايح ليها رنين ؟
الرشوه الحصلت يا جادين ..
والخزنه اتهبرت يا اسماعين ..
والتِن بيرسنت لوزيرنا الشين ..
غير من أموالنا الكم ؟ والوين ؟
أموالنا الطفشت في البلدين ..
المشكله إنك يا مسكين
فاكرنا نعايم وما ناقشين !!

لمتين لمتين لمتين لمتين ؟
لمتين تلعب لنا بالحبلين ؟
ترقص دربكه وطمبورين ..
رافع للدعم الفي البنزين ..
ما كنتم اصلاً ليو داعمين ..
دعم انتخبات يا شيخ .. عارفين ..
سِبتَ الأسواق للسعرانين ..
ح تكُب لى حزب الشبعانين ..
فالحزب غني وشايل بلايين ؟
والدوله فقيرة تعيش بالدين ؟
المشكله إنك يا مسكين
فاكرنا بهايم وما ناقشين !!

بي وين بي وين
بي وين بي وين ؟
رص الآيتين يا زول بي وين ؟
يا زول بي وين لوي الإيدين ؟
خم الغافلين يا زول بي وين ؟
يا زول بي وين خج صندوقين ؟
المشكله إنك يا مسكين
فاكرنا بهايم وما ناقشين ؟
حزبك أصبح فارات داقسين ..
وانت الما ناقش ليكا سنين ..
نحن اتفلهمنا كمان فاهمين
إننا من غِـشَّـك مفطومين ..
سِـبنا الهوت دوق أكل الكلبين
واكلنا الكاستر بالتركين ..

[الغراب]

#986203 [أم أحمد]
0.00/5 (0 صوت)

04-27-2014 02:29 PM
هههههههههههههههههههاي يا الخرطومى أب عن جد هههههههههههههههههههه و الله الضحك شرطنى شكلك ما عندك أصل زاتو لمعلوماتك الخرطوم ما أصل لأى زول و الله الناس ديل ما بيتشرفوا إنو يمثلو الزيك ديل و قت إنت الأصالة كاتلاك كده ههههههههههههههههههه م تقوم تطير الحكومة الفاسدة دى قال أصيل قال ما فى زول مقطوع من شجرة يا وهم

[أم أحمد]

ردود على أم أحمد
United States [AburishA] 04-28-2014 02:01 AM
لك التحية ام احمد.. قد لايفهم المذكور معني كلمة المواطنة.. لذلك بني تعليقه البائس على الجهوية اي (الجهة) بذكره خرطومي ابا عن جد..الخ وهنصذا المنطق والفهم المعوج هو اس البلاء.. الناس تناضل من اجل المواطنة والحرية العدالة الاجتماعية.. واخرين يتحدثون عن العنصر والجهة..
يق
واقول للاخ الخرطومي.. التثميل المقصود هو ليس بالجهة او اللون او القبيلة.. بل التمثيل هو للاهداف والمبادي والامال والتطلعات والمطالب.. وحتى لا اظلمك ادناه هو تعليقك على الاخ سوداني والذي عقبت على تعليقك الاخت ام احمد بتعليق/بوست منفصل..



[خرطومي] 04-27-2014 07:41 AM
بالله، انتا يا زول راسك مافي و لا شنو، يعني عشان الحكومة دي فاسدة معناها انو الجبهة الثورية بتمثل السودان كلو. انا خرطومي اب عن جد عن جد....الخ. و الجبه الثورية ما بتمثلي و لا بتمثل زول من اهلي او اصحابي او معارفي. قم لف بالله. اسي المافيا الواقفة دي، تجار الدم و تجار الحرب ديل بمثلوني. الله يكفينا شرهم و حقدهم انشاء الله.

European Union [خرطومي] 04-27-2014 05:51 PM
فلنفرض انو الخرطوم ما اصل لي اي زول، مع انها قطعة من السودان. فلنفرض انو انا ما عندي اصل. انا ما جبتا سيرة الاصالة و لا اتكلمت عن الاصالة زاتو. و انا ما قلتا انو في زول مقطوع من شجرة. أنا قلتا انو المافيا دي ما بتمثلني. سوداني قال الجماعة ديل بمثلوا السودان كلو. و انا قلتا انو المافيا و تجار الدم و الحرب ديل ما بمثلوني و لا بمثلوا اهلي او معارفي. و قلتا ما عشان الحكومة دي فاسدة معناها المافيا دي بتمثلني. بس. مافي زول جاب سيرة الشرف او الاصالة.


#986098 [محمد ابو ليلى]
0.00/5 (0 صوت)

04-27-2014 12:54 PM
عليكم بالشيخ الترابي طال االله عمره لانه مكنكي مركب الجماعة ديل وصانع قرارهم ؟؟؟ وعندما فقده المركب المكنكي تعطل !!!!؟

[محمد ابو ليلى]

#985818 [abu ahmad]
5.00/5 (1 صوت)

04-27-2014 09:26 AM
اعتقد ان المطروح الان من الضمانات كاف لبدء حوار جاد يفضي الي وضع حل شامل لمشاكل السودان ولابد من الاستفاده من هذه الفرصه والتي قد لا تتكرر .اتمني ان ينعتق قادة الحرب في ما يسمي بالجبهة الثوريه للحظات من مقيديهم ريثما تنطلق مركبة الحوار

[abu ahmad]

#985800 [محمد]
0.00/5 (0 صوت)

04-27-2014 09:07 AM
لو حليتو مشكلة المنطقتين تعالوا قولولينا مشكلة السودان بعدها ممكن نصدقكم

[محمد]

#985771 [kh.iv]
0.00/5 (0 صوت)

04-27-2014 08:39 AM
اريتو نحل بيه ونصل لنتيجه لكن نحن والله سئمنا من الحكومه ومن المعارضه بقينا راجنها من ده لي ده ياشعبنا قومو مافي زول
بحل لينا مشاكلنا نقوم برانا والله البلد دي حاتتقطع وحاتتقسم تاني وتالت

[kh.iv]

#985766 [Kamal]
0.00/5 (0 صوت)

04-27-2014 08:28 AM
يعني إنتو حسع يا رمم منتظرين الخواجات واليهود ديل يساعدوكم ويحلوا ليكم مشاكلم ويقلعوا ليكم حقكم من ناس البشير ؟
عشان سواد عيونكم ؟
عواليق

[Kamal]

#985598 [ابو سفاريك]
4.50/5 (2 صوت)

04-26-2014 11:26 PM
انتصار دبلوماسي كبير كمرد مناوي ورفاقه لكم التحية.

[ابو سفاريك]

ردود على ابو سفاريك
European Union [توتال] 04-27-2014 04:57 PM
مني دا كلام مابيعرف يتكلم يحل مشكلت السودان والله يا هو الفضل


#985560 [didan]
4.00/5 (1 صوت)

04-26-2014 09:39 PM
باناس الثوربة عليكم الله خلونا من الخواجات ديل
اذا عندكم خارطة بالله وروهم خارطة الطريق الى القصر الجمهورى
او اتركو الموضوع ده من اساسو والله قرفنا خلاص من فاوض وناقش
حاور وما تنفذ انت با مناوى ما عندك تجربة مع الجماعة اه
جابت شنو وانتو ياناس الحركة الشعبية فاوضتو لما فصلتو الجنوب
ياجماعة ميثاقكم فى الفجر الجديد بقول اسقاط النظام كحد ادنى
تجو تقولو لينا عندكم خارطة طريق والله الذى لااله غيره هذا العفن
المسمى مؤتمر وطنى مابعرف غير البدقية واذا كمان الخواجات خوفوكم
كلمونا

[didan]

#985546 [adil a omer]
4.00/5 (1 صوت)

04-26-2014 09:17 PM
الطريق اتجاه واحد حساب وقصاص

[adil a omer]

#985253 [AburishA]
4.88/5 (4 صوت)

04-26-2014 02:47 PM
التحية لكل المناضلين الشرفاء...
** ان الحل الشامل اصبح الان مطلبا شعبيا.. حيث ان الحلول الجزئية لم تعد اكثر من كونها ترضيات ومسكنات وموازنا قبلية..بل تزيد الاوضاع تعقيدا..ان كشف ممارسات النظام السالبة وتكتيكاته السيئة يجب تعريتها وكشفها للمجتمع الدولي.. ان المجتمع الدولي نفسه ممثلا في الامم المتحدة.اصبح يحتاج الى ضغوط والحاح.. بل يحتاج لاصلاح ايضا.. وما كشفته الناطق الرسمي السابق لليونميد في دارفور..يؤكد ذلك..
** لقد وضع الاخ منى اركو مناوي النقاط في الحروف لى منضدة الاتحاد الاوروبي..

[AburishA]

#985203 [عثمان حمد]
0.00/5 (0 صوت)

04-26-2014 02:09 PM
والله ما عندكم موضوع عن اى اباده تتحدثون وعن اى دعم يقدمه السودان للحركات
فى الدول المجاورة والحمدلله شهادناكم تهربون وتهرولون الى دول الغرب لتساعدكم
وكل الدول زهجت منكم ومن اعمالكم فى دمير بلادكم وشعبكم وهذا يظهر ان الجيش
ضيق عليكم الخناق وان شاء الله قريبا ينعم اهلنا فى دارفور وجنوب النيل الازرق
بالسلام والتنمية والامان وعاش الجيش السودانى البطل

[عثمان حمد]

#985132 [سوداني]
4.00/5 (2 صوت)

04-26-2014 01:17 PM
الجبهة الثورية هي الجسم الوحيد الذي يمثل كل أهل السودان من شمال الي الشرق الي دارفور وكردفان

[سوداني]

ردود على سوداني
European Union [محمد] 04-27-2014 09:09 AM
الجبهة الثورية تمثل اهل المنطقتين فقط- زمان قلنا جون قرنق يمثل كل السودان- و عندما مات قرنق ماتت الاحلام ورجع الاصل الى فرعه

European Union [خرطومي] 04-27-2014 08:41 AM
بالله، انتا يا زول راسك مافي و لا شنو، يعني عشان الحكومة دي فاسدة معناها انو الجبهة الثورية بتمثل السودان كلو. انا خرطومي اب عن جد عن جد....الخ. و الجبه الثورية ما بتمثلي و لا بتمثل زول من اهلي او اصحابي او معارفي. قم لف بالله. اسي المافيا الواقفة دي، تجار الدم و تجار الحرب ديل بمثلوني. الله يكفينا شرهم و حقدهم انشاء الله.


#985103 [Osama]
3.00/5 (1 صوت)

04-26-2014 12:54 PM
ايها الوطنيين في الجبهة الثوريه . ان الغرب مصلحته مع التفتيت لا تغركم ابتسامتهم بل كونوا صلبا وتمسكوا بالحل الشامل وهو يريد منكم سماع تقرير مصير ثم يساندكم وهو دمار للسودان للابد. اوعوا الدرس جيدا ولا تكونوا مساكين. وتمسكوا باسقاط هذا الصنم الموجود في الخرطوم ما يهمنا من يحكم بل كيف يحكم هذا البلد.

[Osama]

#985082 [من تل ابيب]
0.00/5 (0 صوت)

04-26-2014 12:46 PM
الجبهة الثورة من أطياف السودان لذالك الصورة يشهدها ما يجئنا جداد ويهلوس لينا ويقول انا مع الحكومة ولا معارضة لكن المعارضة شكلها او تكوينها تكوين عنصري يا مفتكرين الناس هبل انت اما مع الحكومة او المعارضة وليس الا

[من تل ابيب]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة