الأخبار
أخبار إقليمية
برلماني يطالب بحكومة انتقالية واعادة النظرفي برلمان حزب البشير
برلماني يطالب بحكومة انتقالية واعادة النظرفي برلمان حزب البشير
 برلماني يطالب بحكومة انتقالية واعادة النظرفي برلمان حزب البشير


04-28-2014 12:08 PM
البرلمان : سارة تاج السر
طالب القيادي بالحزب الحاكم ،النائب بالبرلمان عباس الخضر ، بتشكيل حكومة وفاق وطني انتقالية مقاسمة بين الحكومة والمعارضة بكافة فصائلها السياسية والمسلحة ،لفترة محددة يتم فيها اعادة النظر في البرلمان الحالي او تطعيمه باعضاء جدد حتي يتمكن من اعداد دستور جديد يمثل كل اهل السودان واعتبر الخضر في تصريحات صحفية امس ان الحوار الوطني هو المخرج الوحيد وصمام الامان لمشاكل السودان الانية واعرب عن امله في ان يفضي الحوار الي برنامج حكومة وفاق وطني تضم احزاب المؤتمر الوطني والشعبي والاتحادي والاصلاح الان واردف سريعا و" اذا قبل" الشيوعي والبعثي والمؤتمر السوداني ،وقال لا اقول حكومة ائتلافية او قومية او انتقالية وانما حكومة وفاق وطني لاتعزل اي قوي حتي الحركات المسلحة واشراكها في كل الجوانب تشريعيا وقوميا وقال الخضر "اري من الاصوب" اعادة النظر في المجلس الوطني او تطعيمه بعضوية جديدة حتي يتمكن من وضع دستور لكل السودانيين واعتبر ان حكومة الوفاق الوطني بمثابة صمام الامان وتاكيد لمصداقية الحوار الذي دعا له رئيس الجمهورية وشدد الخضر علي ضرورة مراجعة السلطات في الولايات والمجالس التشريعية بالمحليات ودعا الي ضرورة محاسبة المعتمدين واضاف "المعتمدين ليس لهم من يحاسبهم ".

الجريدة


تعليقات 16 | إهداء 0 | زيارات 2450

التعليقات
#988583 [أبوبكر عبدالرحمن]
0.00/5 (0 صوت)

04-29-2014 01:12 PM
لابد من إعادة هيكلة الدولة من جديد وذلك لإزالة آثار التمكين الذي مكن الحرامية والمفسدين وغيرأصحاب الكفاءة من الجلوس في أماكن لايستحقونهاوحل الواجهات السياسية للحزب الحاكم ومعالجت الأزمات السياسية والإقتصادية واللإجتماعية وإستقلال القضاء والنقابات ومن ثم نأتي للوفاق ياالخضر

[أبوبكر عبدالرحمن]

#987649 [habbani]
0.00/5 (0 صوت)

04-28-2014 05:10 PM
عباس دا ما قال لينا نسوى شنو فى الخدمة المدنية والجيش وجهاز الأمن والشرطة وقوات الجمارك وحرس الحدود والجنجويد والدفاع الشعى والأمن الشعبى والشرطة الشعبية والأمن المجتمعى واللجان الشعبية
وأولاد نسيبة وأخوات نسية وأمن الجامعات وأمن الطللاب وألامن التابع لبعض الشخصيات .. ولجنة الإنتخابات والذى منه ..
وبعدين وين حسب الله وعلماء السودان سكتوا مالن عن الفسادات القاعد تتكشف علنا اليومين ديل واللجان العدلية والحاويات المقبوضة دى رايهم فيها شنو

[habbani]

#987630 [كشندكي]
0.00/5 (0 صوت)

04-28-2014 04:57 PM
ما اصدق واحد من ناس الانقاذ يقول كده؛
لا لا غلطانين حكومه انتقاليه نحن لو ماعصرنا اي واحد فيهم ولو ما اخدنا حقنا بيدنا ماحنفكر في حكومه ؛

[كشندكي]

#987626 [خليل ابومحمد]
0.00/5 (0 صوت)

04-28-2014 04:52 PM
أين نقابة عمال السكه الحديد ياشيخ عباس ؟ زمانك فات وغنايك مات - اتق الله رجل !!!

[خليل ابومحمد]

#987570 [ابوعزيزه]
0.00/5 (0 صوت)

04-28-2014 04:05 PM
لماذ لا يضافى تعليقي يا اهل الراكوبه

[ابوعزيزه]

ردود على ابوعزيزه
[نهبوك يا وطن] 04-29-2014 04:33 AM
لانهو فاشل زي الانقاذ


#987569 [ابوعزيزه]
0.00/5 (0 صوت)

04-28-2014 04:04 PM
انشاء الله ستعود الانقاذ قويه كما كانت وسوف تتم ازاحة كل من تسبب فى الاساءة للانقاذ

[ابوعزيزه]

#987560 [أيام لها إيقاع]
0.00/5 (0 صوت)

04-28-2014 03:58 PM
عباس الخضر الكوز التافه عايز تاني شنو ؟ الناس ديل خايفين من المصير وعايزين يتخارجو و ( يتحللوا)) ،، لكن لا ،، التحليل من مواقفك يا حقير لن ينفعك ،يمهل ولا يهمل يا منافق ، انتظروا الجاياكم

[أيام لها إيقاع]

#987536 [ابوعزيزه]
0.00/5 (0 صوت)

04-28-2014 03:45 PM
هذا رجل بيحلم لان تجد خير من كوبة البرلمان الحالى للتشريع للسودان

ارعى بعيد

[ابوعزيزه]

#987467 [كومى كالو]
0.00/5 (0 صوت)

04-28-2014 02:43 PM
كان الافضل تقول ان تقدموا استقالاتكم وتعتذروا للشعب السودانى وتطلبوا محاكمتكم هنا على ما اقترفتموه حق هذا الشعب .ثم ان نجا احدكم من العقاب بالبراءة او السجن ان يظل يستغفر بقية عمره عسى الله ان يعفوا عنكم فى الجرائم البسيطة يعنى اكل شوية قريشات لكن قتل الناس والاغتصاب اتمنى ان يطلب كل واحد منكم ان يفعل بكم مثل ما فعلتم بالناس وان يتم تجويعكم وتشريدكم نصف المدة التى فعلتم فيها ذلك اما تكوين وتكونوا جزء منها لا يعقل ابدا

[كومى كالو]

#987439 [usama]
5.00/5 (1 صوت)

04-28-2014 02:12 PM
حكومة وفاق وطني تضم احزاب المؤتمر الوطني والشعبي والاتحادي والاصلاح الان
هسي ديل مش هم الإنقاذ ,,,,دا شنو الحمار دا

[usama]

#987431 [أبوعلي]
0.00/5 (0 صوت)

04-28-2014 02:01 PM
خلاص بقت عندكم ضمائر وشجاعة بعد ما اتزلزلت تحت كرعينكم وبقيتو على حافة الهاوية
هل تقدروا على انتقاد كبير اللّصوص وقاتل الأبرياء رئيسكم الخسيس أوحتى نافع والجاز
كلّكم (تأريخيّا) نسخة من (غلام مدرسة حنتوب) أستاذكم ومدرّبكم في كلّ ما هو شاذ أخلاقيّا

[أبوعلي]

#987399 [ود احمد]
5.00/5 (1 صوت)

04-28-2014 01:39 PM
لمن لا يعرف عباس الخضر كان نقابيا نظيفا في السكة حديد وكانت له عجلة بدون جركز فيقوم برفع البنطلون الي اعلى لكي لا يمسكه الجنزير
لكن سبحان الله بين ليلة وضحاها صار يركب السيارات الفارهة وترك عطبرة والان يريد مخرج لهم نحن نريد كنس الحكومة هذه ومحاسبتها وتكون حكومة مستقلة غير حزبية والمحاسبة ام حكومتك هذه يا عباس شوف غيرها

[ود احمد]

#987389 [سرداب الليل]
5.00/5 (1 صوت)

04-28-2014 01:36 PM
كلامه دا كلام الزول العاوز يقول شئ وفاقد البشئ لا يعطيه اولا المؤرتمر الوطنى والشعبي والاتحادي والاصلاح لا تمثل الا فئة قليلة من السودانيين والسودان بلد كبير وهناك اقاليم لها كلام المرة دي في حكم السودان وطريقة ادارته وحل كل القضايا السودانية على مستوي عالي وجدي واخلاقي ولا حلحلة دكاكينية في لمة بمنطقة شرق النيل او غيرها .ز يجب ان يكون السودان او لا يكون .. يكون السودان اذا اعترف ناس المركز بكل مشاكل اهل الهامش ، وازاحة مراكز نفوذ من اناس بعينها ومناطق بعينها وان تكون الفيدرالية هي الحل الأمثل لادارة الدولة ، وان يستفيد كل اقليم من فائض ثرواته لتطويره نفسه بدلا ان ينهبها النافذين بمدينة الخرطوم الثلاثة ، ان المسئولين في السودان اذا لم ينزلوا الى مستوى المقدرة سوف يتفرتك السودان بلد ، وكما راح الجنوب تروح مناطق كثيرة وبعد ذلك نشوف ناس المركز في الخرطوم يعملوا شنو

[سرداب الليل]

#987385 [radona]
5.00/5 (1 صوت)

04-28-2014 01:33 PM
مطلوب حكومة انتقالية ووضع انتقالي كامل
ومن الافضل ان تاتي للسودان حكومة ضعيفة وسيئة الاداء من حكومة فاسدة تتلاعب بالقضاء والمال العام ويقوم المواطن بتقويمها او اسقاطها وذلك افضل الف مرة من حكومة باطشة وقوية وفاسدة تتنفس الظلم وتعيش في الظلمات ودليل ذلك حماية الفساد .. التحلل الذي حصل قضية فساد مكتب والي الخرطوم كان مدعاة للشفقة والسخرية وحماية للمتمكنين وبكل قوة عين وجلافة غير معهودة في الجنس الادمي .. اضف الى ذلك قضية شركة الاقطان وتلك التريليونات من الجنيهات التي تركت للعبث من قبل الافندية بلجان تحكيم وجلسات في المحاكم ولعب وسخف غير مسبوق
احيلوا الفاسدين بمكتب الوالي وشركة الاقطان للعدالة الناجزة فورا بعد تجريدهم من الاموال وارجاعها لخزينة الشعب او بيت مال المسلمين
لا نريد دغمسة ولا جغمسة

[radona]

#987332 [alfrayhi]
5.00/5 (1 صوت)

04-28-2014 01:02 PM
كيزاااااااااااااااااااااان اثبت الزمن انكم حرااااااااااااااامية ونفعيون

[alfrayhi]

#987266 [بت قضيم]
5.00/5 (1 صوت)

04-28-2014 12:19 PM
مالم يكنس الفاسدون المفسدون ويحاكمون امام محاكم علنية وتسترد الدولة كل اموالها المنهوبة لا جدوى من حكومة انتقالية ولا جدوى من المصالحة بطلوا لف ودوران

[بت قضيم]

ردود على بت قضيم
United States [متابع] 04-28-2014 03:06 PM
والله يا بت قضيم انتي مولعة نار هوني على نفسك شوية والله ان بقى فيها كنس فاسدين ومفسدين الى مكب الزبالات ومحاكمته والله نحن ذاتوا محتاجين من يحاكمنا ويكنسنا اذا كان راضين وساكتين وقاعدين ناكل ونشرب كالانعام بل اضل سبيلا وهؤلا القوم المجرمين يطلعوا لينا كل يوم بشئ جديد ويجربوا فينا كلام جديد ويضيفوا سنة وينقصوا سنة ولما نقصوا سنة من التعليم اتكلمنا قالوا انتو خونة ومأجورين وعملاء والحقونا بالكفار والان رجعوا بدم بارد الى ما كنا ننادي به .. هؤلاء القوم استغلوا سكاتنا ورقادنا ونومنا .. وهجرة عقولنا ولكن عقولنا التي هاجرت اصلا هاجرت هربا من جحيم الكيزان وبعد دا الكيزان سيتقدمون بإستقالاتهم واحد تلو الآخر هؤلاء مجرمون لكن انتي يا بت قضيم لو عملوكي رئيسية بتجوطيها الحكاية عايزة ترتيب لأنك كدا بتخلي الحمام يفر من الشرك

[المتغرب الأبدي] 04-28-2014 01:40 PM
صدقت ..
كنس الزبالة تماماً وتعليق المفسدين على أعواد المشانق ثم البدء من جديد على أرض طاهرة ..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة