الأخبار
أخبار سياسية
الزبير بشير طه يخاطب جماهير المناقل
الزبير بشير طه يخاطب جماهير المناقل



الوالي المقال يمارس عمله
04-28-2014 09:13 PM
مدنى محمد عبد الله

مازال البروفيسور/ الزبير بشير طه الوالي المقال يقيم بقصر الضيافة بودمدني ويمارس نشاطه رغم إجباره على تقديم استقالته من رئيس الجمهورية والتي تم قبولها من المجلس التشريعي منذ يوم الخميس الماضي وحسب التوجيهات الصادرة له من رئاسة الجمهورية بحل حكومته من أجل إجراء تغيير شامل بالولاية إلا أنه رفض ذلك وقام بتكليف نائبه ليكون والياً للولاية لتسيير الأعباء والذي وجد رفض كبير من كل القيادات بالولاية باعتبار أن وزير المالية "الصديق الطيب علي" صاحب أكبر ملفات للفساد تم نشرها مؤخراً ويفتقد الخبرة والمؤهل لتسيير الولاية وأن مؤهله الوحيد (شقيق شهيد)، مما أدى إلى تحرك الجهاز التشريعي لاتخاذ بعض الإجراءات بسحب الثقة من الحكومة توطئة لتنفيذ توجيهات رئيس الجمهورية بإجراء تغيير شامل بالولاية، كما قام أمس الوالي المقال بإجراء عملية تسليم وتسلم وسلم الجهاز التنفيذي بالولاية إلى نائبه الصديق الطيب والمؤتمر الوطني للشيخ تاي اللـه ورغم ذلك قام أمس بمخاطبة لقاء جماهيري بمحلية المناقل بتدشين طريق (الهدى – الفريجاب) وأنه واصل اليوم عدة اجتماعات مع عدة مستثمرين بحضور الوالي المكلف.
وفي ذات السياق يدور جدل دستوري في إقدام الوالي بتكليف نائبه لتسيير الأعباء لمدة (60) يوماً باعتبار أن ذلك من اختصاص رئاسة الجمهورية للتشاور مع مفوضي العمل والانتخابات بعد أن يتوفر للمفوضية المال والظروف الطبيعية لقيام الانتخابات وبعد ذلك يتم التحديد الميقات الزمني لقيام الانتخابات، وأن ما تم في الأيام الماضية يعتبر توغلاً وتلاعب في نصوص الدستور الولائي والهدف منه تنصيب الصديق الطيب والياً للولاية.


تعليقات 19 | إهداء 0 | زيارات 7645

التعليقات
#988801 [ابومروه]
0.00/5 (0 صوت)

04-29-2014 04:07 PM
يا اخونا احمد الشهيد ذاتو استشهد وين فلسطين ام البوسنه ام الشيشان عرابهم قال الجنوب ما فيه شهاده و تاني قاتلوا و قاتلوا وانفصل الجنوب ماذا اضافو للاسلام او السودان . و بالمناسبه اانا صاحب و د عم الشهيد يعني جنه مضمونه

[ابومروه]

#988795 [عبدوش]
0.00/5 (0 صوت)

04-29-2014 04:03 PM
اللة انعل الزبىر زفت دمر ودمدنى

[عبدوش]

#988766 [ابومروه]
0.00/5 (0 صوت)

04-29-2014 03:35 PM
مازال الزبير يحلم بالحكم رغم فشله و كراهية المواطن له مثله مثل صهره نافع الذي لا ينفع . ويا ناس الجزيره ما عندكم راجل غير صديق الطيب و هل هو جدير بالولايه ام انه من اصحاب الجنه لانه اخو شهيد . و انتم ادري بالكرنكي و الشايقي المضروب و عمر الشريف الذي اصبح وزير عديل و الامين وداعه . والوالي المقال اول امس بجنوب الجزيره برفقة المعتمد و امس بالهدي . و الله يا ناس الجزيره وقعتكم وقعه

[ابومروه]

#988566 [احمد]
0.00/5 (0 صوت)

04-29-2014 01:02 PM
اول مره اسمع بهذا المؤهل (شقيق شهيد) يعنى فى المستقبل ممكن يكون المؤهل (نسيب شهيد او جار شهيد او ود عم شهيد وهلمجرا

[احمد]

ردود على احمد
[كاكا] 04-29-2014 04:39 PM
يحمل ماستر في مادة شقيق شهيد ويحضر في الدكتوارة في مادة زوج الشهيدة


#988556 [ودمدنى]
5.00/5 (1 صوت)

04-29-2014 12:59 PM
انا لو عندى جيش جاهز من ابناء الجزيرة انقض على الولاية واحتلها لانو الرئاسة ماشغالة بيها اصلا لمن يجيبوا ال50 عربية بتاع الامن من الخرطوم (احداث سبتمبر )انا اكون اعلنت دولة الجزيرة وعصمتها مدنى وتكون قدر مملكة البحرين ان شاء الله يتحقق هذا التمنى قولوا امين بعدها يتم اعلان دويلات دارفور الكبرى لانهم اساسا معيننهم من نفس اهل المنطقة ودولتى كردفان الشمالية والجنوبية وبعدها دولة الفونج وعصمتها الدمازين ودولة البحر الاحمر وعاصمتها بورسودان ودولة الشمال النوبى وعاصمتها هلفا ودولة السودان المنكوب وعاصمته الاراضى التى باعوها ناس مكتب الوالى اه رايكم شنو ياناس قسمة عادلة ولا فى حد تانى عندوا راى اليقولوا مالوا الشغلانة ما جاطت خلاص نسيت برضوا دولة بحر ابيض وعاصمتها كوستى ولا ربك حسب الرغبة لاهالى بحر ابيض كما برضو لاهلنا فى سنار نقترح ليهم تسمية الدولة السنارية اشان يواصل فى ارسال رواق السنارية للاراضى المقدسة وكمان دويلات دارفور الكبرى تواصل عملها فى كسوة الكعبة لانهم اهل دين وقران وكرم ويبدوا فى حفر المزيد من الابار التى شيدها جدهم السلطان على دينار وبعد كدا ما اظن خلينا حاجة بدل التقسيم الحالى دا ناس مؤتمر وطنى هم اسياد البلد وناس تانية تحت رحمة ساسة الانقاذ والشهداء وغيرهم من المنتفعين وحلك لمن بقية الوزراء يتذكروا انوا الجزيرة تتبع للسودان زى ما طالعنا وزير الدفاع بان مصلحة الاراضى تتبع له

[ودمدنى]

#988376 [ابومحمد]
4.00/5 (1 صوت)

04-29-2014 10:57 AM
يا ناس الهدى انتو ما عندكم حاجة تجدعوا بيها الزول ده

[ابومحمد]

#988249 [ibn saba]
5.00/5 (2 صوت)

04-29-2014 09:56 AM
انا اخوي شغال في مكتبه وقال لي الوالي مش حا يروح ودي بس هيجة ساكت ومعروف عن السودانيين سرعان ما يروقوا في علبهم، انا بطالب اعطاء الوالي فرصة اخرى ويستروه ومش حا يسرق مرة ثانية لانه خلاص تاب وهو من نفسه قال انه حا يكون جادي في انجاز المشاريع في زمن قياسي اقل من 25 سنة ارجوكم يا جماعة عشان اسرتنا ما تتشتت ادوه فرصة اخرى وانا اجدد ثقتي فيه، وجزاكم الله خير.

[ibn saba]

#988232 [Kamal Mustafa]
5.00/5 (1 صوت)

04-29-2014 09:47 AM
ثا جماعه بعد كل الحصل الولاة بالولايات والحكومه بالمركز عايزين العين الحمراء شوقوا والي الخرطو الحكومه بتجدد ثقتها فيهوحتي لو كان فعلا برئيا فالقنون لا يحمي المغفلين والتلاعب الذي تم في مكتبه وهو ما عارف زي ما بقول بالتأكيد التلاعب بالمعتمديات بولايته أكبر بالله ياحكوه ارحمينا وقرفنا منك ومن مايلك وبلاش حوار وكلام فارغ تعالوا لينا ورجعوا لينا اموالنا ونخن مش حانعدمكم بس بناحكمكم والسجن مصيركم يا أبالسه بالله شوق والي مقال واستقال وقبلت استقالته ومع ذلك عينه حمراء يدير اعمال الولايه

[Kamal Mustafa]

#987999 [fatohashim]
4.00/5 (2 صوت)

04-29-2014 12:42 AM
هل أنتم مصدقون حكاية أقالة هذا الوالى أو والى الخرطومزيا أخوانا هؤلاء عصابة سرقة ولهط ومخدرات وأوراقهم مختلطة ببعض خاصة المتعلقة بالفساد فهذه استقالات وهمية لذر عيون الناس والوالى هو الوالى والوزير هو الوزير ورئيس الفسدة كلامه يبلوا ويشرب مويته.

[fatohashim]

#987977 [معاويــــــــــــــــــــــــــــــــــة]
5.00/5 (1 صوت)

04-29-2014 12:17 AM
الكيزان اصلهم زى القراد البيمسك فى صلب النياق فالوظيفه دى كانو مشتهنها وهسع كيف لمان لقوها يقدروا يفارقوها بالذات بعد كروشم اتملت بالمال الحرام وحقوق الناس لكن لازم ل حكمه يعلمه الله انو ممكن يغتس حجرم مره واحدى ونسال الله ذلك فى اقرب وقت ان شاء الله لان الظلم ظلمات ودولة الظلم ساعه ودولة العدل الى قيام الساعه

[معاويــــــــــــــــــــــــــــــــــة]

#987952 [الشحرور]
5.00/5 (1 صوت)

04-28-2014 11:46 PM
يا اخواننا البروفيسور بيدرب في الراجل عشان يشوف شغله وهل معقول يخليه كدة في وش المدفع بدون خبرة مفترض نشكر البروف وجزاه الله خيرا بارك الله فيه هي لله ما لدنيا قد عملنا جهاد نصر شهادة ثانوية الله اكبر ياالامريكان ليكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الشحرور]

#987927 [مجروس ق ش م]
5.00/5 (1 صوت)

04-28-2014 11:20 PM
الناس الحضروا لقاء الوالي ده ما فيهم زول عندو مركوب جلد غنمايه يفكو في وجه العامل زي حيطه الجالوص

[مجروس ق ش م]

ردود على مجروس ق ش م
[كاكا] 04-29-2014 04:41 PM
هم زاتهم مراكيب كيف يحضر لقاء والي اقاله رئيس الدولة


#987910 [nagatabuzaid]
5.00/5 (3 صوت)

04-28-2014 10:49 PM
هناك مرض خاص بالانقاذيون اسمه تكنكشون حتى تموتون وانتم متشنجون ومن التشنج مكرفسون هذا المرض فتاك جدا ونهايته ان شاء الله اليمة هذا الالمكنكش مصاب ايضا بحمى كريت القالت ابيت ما بفوت البيت

[nagatabuzaid]

ردود على nagatabuzaid
[nagatabuzaid] 04-30-2014 05:39 PM
تحياتى يا ابو عناد اكرمك الله على المداخلة الكريمة انت عارف وتفليقة ده حيموت مكنكش ومكرفس فى الكرسى القاعد فيه اللهم اكتب لنا حسن الخاتمة ولا تجعلنا من الغبيانين الغافلين طويلى الامل فى الفانية

United States [ابو عناد] 04-29-2014 09:37 AM
شفتي الكنكشة بتاعت بو تفليقة .....

United States [ابو عناد] 04-29-2014 09:35 AM
ههههه ....حلوة شديد


#987902 [عصمتووف]
4.00/5 (1 صوت)

04-28-2014 10:31 PM
انه الوالي الغالي سليل الفاسدين يعود لهوايتة المهببة
عزيزي الوالي
المدثر بجلد التمساح
دللت علي طخانة جلدك وثقل دمك
بحق الله
ماهو الغراء او اللزاق الذي تستعملة لهذا الكرسي

[عصمتووف]

ردود على عصمتووف
European Union [عصمتووف] 04-29-2014 09:28 PM
الاخ حسين سلامات قصدي انه من سلالة الاخوان وعادة اكره ان ادخل اسرة كل مسئول سوي كان( اب ام زوجة اخ بنت )في صراعي مع هؤلاء هذا ما تربينا عليهم برغم كرهي الشديد للبشير اعتبر والدته مثل امي تعلمنا نوقر الكبير لدينا والدات ووالدين واخوات انا ليس منهم هذا ما لزم توضيحة

United States [Hussein Hamid] 04-29-2014 06:11 AM
اختلف معك في انه سليل لفاسد فوالده العم بشير طه شيخ الجناينيه في مدني كان محط الأنظار و الاحترام من الجميع في الخمسينات و الدليل علم ابنه ونال درجة عاليه ولكن النار تلد الرماد


#987897 [عباس]
5.00/5 (1 صوت)

04-28-2014 10:28 PM
ده والى ما عندو حياء ولا دم وامثالة لايستحون من فعل أى شئ والخوف من ان يقوم بلاتفاق مع نائبه بنهب الباقى من مقدرات ولاية الجزيرة وطبعا هم عارفين بانه ليس هناك تسليم وتسلم وانهب وروح ويا شعب يخلف
عليك الله فى مقدراتك لذا نرجو من اهل الولاية ان ينتفضوا ويطالبوا بالمحالسبه للوالى ولوزير ما ليته قبل ان يغادروا .

[عباس]

#987883 [AburishA]
4.50/5 (2 صوت)

04-28-2014 09:57 PM
الوالي مكذب بانه شاتوه خلاص..ولسه عنده امل في انه الرئيس كعادته حيرجع في كلامه..
ونائبه غير مصدق بانه في رمشة عين اصبح هو الوالي الآمر الناهي
الاتنين غير مصدقين لذا تضرفاتهم تنم عن ذهول ! وللملمة الاوراق وحرقها ومسح آثار الجريمة
ويادار ما دخلك شر...نبدأ سي جديد...

^^ ياجماعة الحكم زي الموت.. أكثر يقين يكذبه الانسان**

[AburishA]

#987878 [Blind man]
5.00/5 (2 صوت)

04-28-2014 09:44 PM
يا جماعة في اوراق لازم تتحرق وقضايا دايرة مخارجات واموال دايرة تحلل خاصة انو الاقالة كانت مفاجئة يعني الخريف ما براهو.

[Blind man]

ردود على Blind man
European Union [امير] 04-29-2014 12:38 AM
كلامك صااااااااح


#987875 [الوليد بن طلال]
5.00/5 (1 صوت)

04-28-2014 09:42 PM
انا زاتي كنت حاضر خطابو في الهدى لمن اتحيرت0
سالت واحد من الكيزان العندينا قال لي الزول ده ما رضيان الاستقاله لكن مجبور.
شوفو تقلت الدم دي كيفن .

[الوليد بن طلال]

#987862 [ساب البلد]
3.00/5 (2 صوت)

04-28-2014 09:22 PM
******** هو ما غلطان ************ غلطانين الجماهير ************

[ساب البلد]

ردود على ساب البلد
European Union [bent alnil] 04-29-2014 10:47 AM
اتفق معك غلطانين الجماهير ...... إنسان مستقيل يخاطبهم بصفته شنو ... أصبح مواطن عادي بس حرامي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة