الأخبار
أخبار السودان المحلية
هيئات علمية تنفي حصول والي الخرطوم عبد الرحمن الخضر على درجة الدكتوراه
هيئات علمية تنفي حصول والي الخرطوم عبد الرحمن الخضر على درجة الدكتوراه



طعنوا فى ذمته الأخلاقية بعد ان أكدوا حصوله على درجة البكالريوس فى البيطرة
04-29-2014 08:11 AM
الراكوبة الخرطوم- خاص الراكوبة

في واحدة من الضربات الموجعة لمكان الفساد المالي والأخلاقي وإلحاقاً بما أثير قبل أيام حول تلاعب موظفين صغار بمكتب والي ولاية الخرطوم بمليارات الجنيهات من الخزينة العامة كشفت جهات علمية رفيعه ان والي الخرطوم عبدالرحمن الخضر غير حاصل على درجة الدكتوراه، وانه استمرأ إطلاق الدرجة العلمية الرفيعة عليه دون ان ينفي حصوله عليها فأصبح يستخدمها في مكاتباته وخطاباته مما رسخها لدى أجهزة الإعلام المختلفة فصارت مقرونة باسمه.

ووصف المختصون ان هذا في حد ذاته يطعن في الأهلية الأخلاقية للسيد عبد الرحمن الخضر الذي لم ينَل درجة الدكتوراه بعد وانه حاصل فقط على بكالوريوس البيطرة في جامعة الخرطوم.


تعليقات 61 | إهداء 0 | زيارات 13972

صفحة 1 من 212>
التعليقات
#989112 [جدودنا زمان]
0.00/5 (0 صوت)

04-29-2014 10:54 PM
غايتو لو ما اخد ليه شهادة دكتورة هاملة في زمنو الفات ده يكون اكبر داقس
هي شهادات الدكتوراة في زمن الانقاذ بتتوزع زي علاج الملاريا

[جدودنا زمان]

#989034 [كركاب مطر بلا سحاب]
5.00/5 (1 صوت)

04-29-2014 08:13 PM
ياناس الركوبة الوالى ما كذب دال دى دكتور حق الحييوانات

[كركاب مطر بلا سحاب]

#988959 [nabeel gabush]
5.00/5 (1 صوت)

04-29-2014 05:55 PM
الدكتورا ما كتيرة علي والي الخرطوم

[nabeel gabush]

#988904 [teacher]
5.00/5 (3 صوت)

04-29-2014 04:50 PM
السلام عليكم ..
معظم المعلقين يغردون خارج السرب .. الكلام هنا عن الامانة العلمية.. لو كان للوالي امانة علمة لما وضع كلمة دكتور امام اسمه دون سند علمي .. اما اطلاق العوام على الاطباء بكل صنوفهم لقب دكتور لا يعطيه الحق في سرقة اللقب العلمي و الانتساب اليه ..

[teacher]

ردود على teacher
[حافظ الشيخ] 04-29-2014 07:10 PM
و من قال لك ان هذا اطلاق العوام - في كل العالم يطلق على الطبيب و الصيدلى و البيطري لقب دكتور و يكتب أمام اسمه
ثم
كشفت جهات علمية رفيعه ان والي الخرطوم عبدالرحمن الخضر غير حاصل على درجة الدكتوراه
ما هي هذه الجهات العلمية
و هل ادعى الدكتور الخضر أنه حصل على الدكتوراة منها
هذه هي مصيبتنا
عدم الورع
اتباع الهوى
تأليف القصص على أنها خبر
وهم في وهم
لك الله يا وطني


#988838 [معليش]
5.00/5 (1 صوت)

04-29-2014 03:41 PM
معليش يا زول نصيحة الفاعل مرفوع لكن انا قاصد هم بلخطوا بين الصحيح والخطأ يعنى مرة صاح ومرة غلط ماهم لو بخطأوا طوالى معناته هم عارفين الصواب انت شكلك بتفهم اتجاه واحد

[معليش]

#988725 [محجوب عبد المنعم حسن معني]
0.00/5 (0 صوت)

04-29-2014 02:06 PM
لا يوجد شئ في الطب اسمه دكتوراه، يعني بالعربي مافي دكتوراه في الطب
هناك التخصص فقط.
في السودان يقولون طبيب بيطري، او دكتور بيطري
حقيقة كثير من الناس يقولون ان الرجل شريف، لكن الله هو الذي يعلم
مع مؤدتي

[محجوب عبد المنعم حسن معني]

ردود على محجوب عبد المنعم حسن معني
[محجوب عبد المنعم حسن معني] 04-29-2014 11:36 PM
مع احترامي للجميع
كما قلت لا يوجد شئ في الطب اسمه دكتوراه،( ولا اعني علوم الطب)
فقط هناك التخصص
مع مؤدتي

[عمر علي] 04-29-2014 11:03 PM
السلام عليكم اولا ثانيا عارفيين phd اختصار لي شنو phelosoph doctor اذا ما اخطائة في الاملاء يعني بعربي دكتور في علوم الفلسفة بس حبيت اوضح النقطة دي

[ahmed] 04-29-2014 08:44 PM
الأخ محجوب عبد المنعم
الطب فيه دكتوراة و بمزاج كمان، في سودانيين كتار عندهم درجة الدكتوراة في الطب مرات مع تخصص و مرات دونه، مثلا العلوم التدريسية في الطب مثل الفسيولوجي و الاناتومي تكثر فيها مثل هذه الدرجات العلمية و حتى درجة الاستاذية. و في بعض الدول المختلفة مثل هولندا مثلا اذا كان الطبيب الاخصائي غير حامل لدرجة الدكتوراة العلمية فلا يكتب امام اسمه د.

[مترجم - سابقا] 04-29-2014 08:20 PM
"لا يوجد شئ في الطب اسمه دكتوراه، يعني بالعربي مافي دكتوراه في الطب"

الصحيح يا أخ [محجوب عبد المنعم حسن معني] أنه
يوجد شئ في الطب اسمه دكتوراه، يعني بالعربي في دكتوراه في الطب
وأصلها في اللغة اللاتينية Medicinae Doctor
وترجمتها الصحيحة في اللغة الإنجليزية Doctor of Medicine وليست Medical Doctor كما شاع مؤخرا
أماإختصارها فهو MD

[أبوسارة] 04-29-2014 07:01 PM
الطب مثل غيره من الدراسات و المهن. التخصص يكون علي مستوي الدبلوم العالي و الماجستير و الدكنوراة, إضافة إلي الزمالة.


#988687 [سامي]
1.00/5 (1 صوت)

04-29-2014 01:30 PM
ياجماعة انتو قايلين بيطرة الخرطوم دي زمان كانت سهلة؟ الآن فى كل ركن كلية طب وطب اسنان . ناس بيطرة زمان ديل كانوا عباقرة .يعني ناس بيطرة زمان ديل زي جنيه زمان ؟ولو كانوا اليوم لدرسوا طاقة نووية لذا انصحهم بالرجوع ودراسة الطب البقي هملة دا.

[سامي]

ردود على سامي
European Union [ساب البلد] 04-29-2014 06:30 PM
******** يا سامي افهم الموضوع ما دكتور البيقولوها للتمرجي و الصيدلي ... الخ ******** المقصود هنا دكتور من دكتوراه phd يعني الدال البختوها قدام الاسم *********


#988678 [ساب البلد]
5.00/5 (4 صوت)

04-29-2014 01:22 PM
*********** جماعتك قلبوا عليك يا الخدر ******* الليلة بيطري بكره ح تكون حلاق حمير ******* ما هو براهو يا ناس الترابي برضو ما عنده دكتوراه بس المطبلين شابكنوا دكتور دكتور و هو مشي الحكاية بلد هملة ************ كدا شوفوا ماجستير بشة ؟؟؟؟ ******

[ساب البلد]

#988642 [ودراعي]
3.25/5 (3 صوت)

04-29-2014 01:03 PM
موضوع الحرامية الذين في مكتبه شئ آخر وطريقة تعامله معهم كذلك شئ آخر لكن للحقبقة وللأمانة الراجل بنفسه قال أنا ما دكتور أنا بيطري وهذامشهود في الاعلام وممكن لكل من يريد ذلك أن يحصل عليه وهذ

[ودراعي]

ردود على ودراعي
[واحد] 04-29-2014 05:00 PM
طلماقلت الكلام دا عشان نصدقك جيب لينا البرنامج الاذاعي أو التلفزيون القال فيه الكلام دا أو الصحيفة أو المجلة اذا في موقع الكتروني جيب الرابط ، طبعا التاريخ حيوضح كل شيئ من حديثك ، قصرنا معاك، عندنا مناديب في كل وسائل الاعلام المحتلفة. قصرنا معاك,


#988638 [الديمقراطي]
4.50/5 (2 صوت)

04-29-2014 01:01 PM
في السودان يطلق اللقب الوظيفي ( دكتور ) علي :
1- الطبيب
2- البيطري
3-المساعد الطبي
4- الممرض
5-المراقب الصحي
6- الداية( القابلة )
و في مصر يطلق لقب دكتور بلاضافة لذلك علي:
7- الحلاق
8- الجزار
اما اللقب الوظيفي ( مهندس ) فيطلق علي:
1-المهندين بكل انواعهم
2- فني التلفونا
3- مصمم الديكور
4-البنا
5- الميكانيكي
6-الكهربجي
7- السباك
8-الحداد
9- اللحام
و كل هذه المهن هي مهن شريفة لكن المطلوب هو تفعيل الوصف الوظيفي لكل مهنة قانونا.

[الديمقراطي]

ردود على الديمقراطي
United States [سامي] 04-29-2014 01:21 PM
والله عين الحقيقة يااخي انت بطل .


#988628 [قطع شك البشير حماااااار]
4.50/5 (2 صوت)

04-29-2014 12:52 PM
بني كوز ديل كﻼم الله حرفوه وغيروه
ما الشهيد جانا هنا وقالينا انا هسع في الجنه
ومره تانيه قام من القبر وقرا معانا القران
وعملو عرس الشهيد وطﻼق الشهيد وشنو ما عارف
وان عملو مصيبه يقولوا دي من الله
وذا كانت حاجه كويسه يقولو دا انجاز عملناهو نحن
الله ما مرق منهم
تذوير الدرجات العلميه وكدا دي حاجات بسيطه
التقيل جاي ورا عندهم مواهب كتيره لسع اﻻيام بتوريكم
ما كويس ما قال انا نبي

[قطع شك البشير حماااااار]

ردود على قطع شك البشير حماااااار
[حافظ الشيخ] 04-29-2014 07:17 PM
من اسمك لا تستحق الرد عليك
أهلك زمان قالوا الذي يسيئ الناس انما يقول عن نفسه
أنا لم أقل
فقط أردت التذكير
عودوا للقيم الحميدة يرحمكم الله
(ما يلفظ من قول الا لديه رقيب عتيد)
لا تتبعوا الهوى فتضلوا
أنا في القبر وحيد
أنا أبعث وحيد
لماذا ألهث وراء جمع السيئات - لارضاء من!!!!!!!!!!!!!!!!!!!!!!


#988618 [noor]
3.00/5 (2 صوت)

04-29-2014 12:42 PM
من العجائب انو يدرس بيطرة عشان يتولى البشر

[noor]

#988608 [سوداني قاااعد]
5.00/5 (1 صوت)

04-29-2014 12:35 PM
انا لست بيطريا لكن مقتنع بان الطيب البيطري احذق (اجدر ) من الطبيب البشري علي الاقل بكتشف حالة المريض بدون ما يشتكي الحيوان ما بتكلم بس من الاعراض والفحص بشخص المرض ؟؟؟ قياسا مع اطباء ثورة التعليم توصف عنك حمي والام مفاصل واستفراغ وصداع يكتب ليك كريم نيفيا لمسح الظهر .....يا جماعه خلونا وجعنا كتييييييييير ؟ وداو مرضاكم بالصدقات

[سوداني قاااعد]

#988603 [bado]
5.00/5 (2 صوت)

04-29-2014 12:32 PM
عايزين ياجماعة ال 900 مليار دي عشان نحفر بيها 20 ألف بئر للعطشى وكمان نبني بيها 300 مدرسة للعيال ونعمل كم مستوصف للناس الغبش وندعم بيها الأدوية بالمستشفيات عشان الناس يتعالجوا مش احسن طيب رجعوها لينا قروشنا دى من دمنا وتعبنا وشقانا لهفتوها...بس يوم يسألكم الله الناسين حسابوا يوم الحق هناك يوم واقفين ببابه.. ولنا عودة هسه الفلوس دى لو اتنهبت في مصر كان الناس في الشارع ما يدخلوا بيوتهم إلا الفلوس ترجع والوالي يستقيل

[bado]

#988559 [مزوراتي برضو]
5.00/5 (1 صوت)

04-29-2014 12:00 PM
بالمناسبة الداير شهادة يرفع يدو ويرد علي
اي جامعة عندنا اي توثيق عندنا
هههههههه

[مزوراتي برضو]

#988534 [ود ميكي]
5.00/5 (1 صوت)

04-29-2014 11:42 AM
هييييي بسيطة يا ناس الراكوبة اقلبوها ديك تور /عبد الرحمن الخدر

[ود ميكي]

#988518 [القيقر]
2.00/5 (4 صوت)

04-29-2014 11:33 AM
ياناس الوالي الخضر دا بشهادة ناس مقربين منو شديد قالو زول نزيه ونضيف وقلبو علي البلد..موضوع الاختلاس الاخير دا تحت مسئوليتو دون شك .. لكن لايستوي الامر انو نحكم عليهو بالفساد لانو في موظف معاهو فاسد.. بل نحكم عليهو بانو لم يستطيع ان يحافظ علي مقدرات الولاية ودي فرق من فاسد يابششششر..الوجع كتير لكن ماممكن النزيه تقولو حرامي..

[القيقر]

ردود على القيقر
[واحد] 04-29-2014 04:52 PM
الناس عارفهو فاسد قبل ما يجي والي للخرطوم ، ولو لا علي عثمان ما كان بقى والي ذاتو

European Union [عابر طريق] 04-29-2014 02:13 PM
يا القيقر لو اتفقنا معاك انه الوالي نزيه وهذا ما يشاع عنه وانه قلبه على الوطن خلي يورينا وطنيته ونزاهته ويحاسب لينا الناس الحرامية الشغالين تحته ويرجع كل المسروقات منهم غير منقوصة .. بعدها نفدر نقول انه نزيه وفعلا قلبه على الوطن.

European Union [الحقيقة مرة زي الدواء] 04-29-2014 12:52 PM
اهدي إليك قوله تعالى (( ها أنتم هؤلاء جادلتم عنهم في الحياة الدنيا فمن يجادل الله عنهم يوم القيامة أم من يكون عليهم وكيلا ))

United States [قطع شك البشير حماااااار] 04-29-2014 12:33 PM
كدي خلينا من قالو ليك نذيه
اﻻكﻼم الكتوب صحيح وﻻ ﻻ
القالو ليك ديل قريبين منو
اذن اصﻼ ما نافعين
عليك دينك لو نافعين دا شخص الزول بقرب
منو اﻻ حرامي زيو
قال قالو ليهو قال قوم لف
عما قلع عينك


#988509 [محمد]
5.00/5 (2 صوت)

04-29-2014 11:28 AM
والله جنس الأخطاء دي بقت تفقع المرارة .. ذمته، وليس (زمته) ..

[محمد]

#988493 [البيطرى]
5.00/5 (1 صوت)

04-29-2014 11:18 AM
مالكم ومال البياطره خلونا فى حالنا مافى داعى لاساة المهنه000والله كدا بتخلونا نحن البياطره نتعاطف معاهو

[البيطرى]

#988473 [hahaha]
4.00/5 (1 صوت)

04-29-2014 11:04 AM
ما هو السر فى الهجوم المكثف هذه الايام على "الخدر" وحكومته , هل هى مجموعات متصارعة على السلطة كما يقولون ,اذ ان المواطن العادى لا يجرؤ على انتقاد الحكومة بهذه الجرأة خوفا من الاعتقال والتنكيل , كيف تجرأت الهيئات العلمية على شيخهم "الخدر" دون ان تكون مطمئنة على نجاتها من العقاب .

[hahaha]

#988467 [Garfan]
5.00/5 (3 صوت)

04-29-2014 11:01 AM
يا اخوانا مابرضو دكتور بس بتاع غنم .هسع البتخرجو من الطب ببكلاريوس مش قاعدين نصفهم بدكتور او دكتوره ? ولا دايرين تقولو يا بياطره يا طراطير الدكاتره !!!!!

[Garfan]

#988445 [ضفاف]
5.00/5 (1 صوت)

04-29-2014 10:48 AM
ياشباب -بالجد وبلا هزل أو إستخفتف ؛بصدد نيل درجة الدكتوراة بعنوان أتر الصحف الالكترونية على الرأى العام (الراكوبة نموذجا)ولهذا نحتاج لبيانات حقيقية تشمل العمر الحقيقى للكتاب والمعلقين و مستواهم العلمى( الاكاديمى او حتى الخلوة )والتخصص واى دورات أخرى نالها او حصل عليها ومطان الميلاد ونوع العمل -ونحوها مما سيرد( بالفورم )الذى سيعد لهذا الغرض-فهل انتم مستعدون أم ستقابلون الامر بعدم جدية وبإستفاف-دمتم فى خدمة العلم

[ضفاف]

ردود على ضفاف
European Union [bent alnil] 04-29-2014 04:19 PM
يا دكتور ضفة
طيب انت خليك جادي و ادينا بياناتك الحقيقية.
البيانات الحقيقية تلزمك عشان شنو ... و إلاستبيان إلا في الراكوبة
كان غيرك اشطر

United States [ِِZingirabi] 04-29-2014 01:22 PM
أنت نفسك خليك جادى وبطل الهزل عشان نديك بيانات حقيقية !!قال شنو ؟!!!( ضفاف ) قال !!!!


#988427 [عبود]
5.00/5 (2 صوت)

04-29-2014 10:28 AM
الدكترة و الدكتوراة مبروكة عليهو وكن داير رتبة عسكرية مافي مانع : بس يرجع لينا قروشنا المنهوبة علي دائر المليم و يورينا عرض اكتافكو الي مكب النفايات ..

[عبود]

#988426 [معليش]
4.00/5 (1 صوت)

04-29-2014 10:27 AM
معليش الخطأ مش منه هو ممنا نحن اللى بنقول للمساعد الطبي دكتور وللتمرجى دكتور ولطبيب الامتياز دكتور وللبيطرى دكتور وهو اخد عليها وبقى يخت الدال قدام اسمه يعنى ما تكبروا الموضوع ونحن بنقول له يا دكتور هو يقول لا انا ما دكتور معقولة دى ؟!وبعدين هو ذاته لو كان دايرها رسمى كان جابوها ليه فى مكتبه موش شايفين كترة الدكاترة ديل اللى برفعوا الفاعل ويجروا المفعول به ويضم بعد جر الجر والاخطاء الاملائية بالكوم ؟

[معليش]

ردود على معليش
European Union [زول نصيحة] 04-29-2014 12:27 PM
يامعليش يافاهم إنت الفاعل منصوب ولا شنو؟؟؟؟؟ يا من لاتدرون ولا تدرون أنكم لا تدرون


#988416 [يحي]
5.00/5 (1 صوت)

04-29-2014 10:21 AM
عبد الرحيم حسين وزير الدفاع وفريق اول مهندس هل تخرج من الكلية الحربية ؟؟؟؟ هل تخرج من كلية هندسية؟؟؟ ابراهيم محمود (نص مكنة) هو خريج ببكالوريوس عام زراعة من طنطا ام الزقازيق لا ادري وهو الان مهندس

[يحي]

ردود على يحي
United States [هييييييي] 04-29-2014 01:18 PM
هييييييييييييييييي رحومى ده خريخ معهد الكليات التكنلوجية قبل ما يجى يحولها لجامعة السودان القسم الجنوبى شارع 61 شرق السوق الشعبى


#988415 [الحلاي]
3.00/5 (2 صوت)

04-29-2014 10:21 AM
يا جماعة الخير الراجل خريج جامعة الخرطوم كلية البيطرة دفعة 1979م ويحمل درجة الماجستير من أنجلترا وأنا أعمل حالياً مع ثلاثة من دفعته ومنهم من كان يسكن معه في نفس الغرفة والآخر زامله في البكالوريوس والماجستير ويسكن معه في أنجلترا أيضاً، ورغم إختلاف بعضهم فكرياً معه إلا أنهم جميعاً شهدوا له بحسن الخلق والإستقامة .... فالرجل نظيف بشهادة من هم أقرب إليه. خريج جامعة الخرطوم في الزمن الجميل وماجستير من إنجلترا وبرضو مستكترين عليه دكتور .... دكتور ونص والله.

[الحلاي]

ردود على الحلاي
[واح] 04-29-2014 04:19 PM
يا بت قضيم أيه رأيك في هذا الكتكوت؟

European Union [الحقيقة مرة زي الدواء] 04-29-2014 12:54 PM
بمناسبة دفاعك عن الكيزان اهدي اليك قوله تعالى ((ها أنتم هؤلاء جادلتم عنهم في الحياة الدنيا فمن يجادل الله عنهم يوم القيامة أم من يكون عليهم وكيلا ))


#988412 [متابع]
4.00/5 (1 صوت)

04-29-2014 10:19 AM
ما مشكلته متى اهتمت الحكومة بالعلم او بالكفاءة او بالصدق والامانة الحكومة يكفي انك كوز وخلاص هل هو كوز او ما كوز ؟ طالما انه كوز فليس بعد الكوزنة ذنب ..

[متابع]

#988400 [الحالم]
0.00/5 (0 صوت)

04-29-2014 10:14 AM
ان اللبيب بالاشارة يفهم عبدالرحمن الخضر قدم استقالتك واحفظ ماء وجهك بدل من تجبر على تقديمها لا نو بدو يشغلوها ليك والسلطة والجاه زي ظل الضحى ان لم تتركه تركك

[الحالم]

#988379 [محمد]
5.00/5 (2 صوت)

04-29-2014 09:59 AM
شنو يعني
خريج الطب - و الصيدلة و البيطرة كل هولاء في السودان بيقولو عليهم دكاترة- لا جديد فى الخبر

[محمد]

#988375 [خليك رايق]
5.00/5 (1 صوت)

04-29-2014 09:57 AM
هههههههههه الواحد ما قدر يعلق نحول التعليق للأخت ( بت قضيم )

[خليك رايق]

#988373 [بت قضيم]
0.00/5 (0 صوت)

04-29-2014 09:56 AM
هؤلا بني ابليس فاقدوا الاهلية الاخلاقية زوروا كل ما هو اصيل في هذا الوطن الجريح وحرفوا ايات الله الكريمة لتسهيل وتحقيق ماربهم في سرقة موارد وثروات الوطن سبق ان طالبنا بتكوين لجنة لمراجعة ملفات الخدة المدنية ومراجعة الدرجات العلمية وستجدون ما يشيب الولدان

[بت قضيم]

#988367 [kamuzu]
5.00/5 (3 صوت)

04-29-2014 09:53 AM
الراجل دكتور بهائم يا جماعة .. اليس من حقه حمل هذا اللقب

[kamuzu]

ردود على kamuzu
European Union [الحقيقة مرة زي الدواء] 04-29-2014 12:56 PM
ونحن البهائم!!!!!!!!!!!!!


#988365 [خرطوم جوة]
5.00/5 (2 صوت)

04-29-2014 09:51 AM
فعلا صدقت يالطيب صالح ( من أين أتي هاؤلا ..........؟ ) يتصفون بكل الصفات الذميمة وأخري لم ينزلها الشيطان وما أكثرها في جماعة الأخوان المتأسلمين بمختلف مسمياتهم وتياراتهم لاترجوا منهم خيرا . وأخير من يعتقد أنه أمير المؤمنين والمؤمنين براءة كبراءة الذئب من دم بن يعقوب ونقول ياوالينا الخضر بعد كل هذه المصائب أذا كان لديك ذرة شهامة تقدم بأستقالة عسي أن تخفف لك الذنب أذا لم تشعر بعقدته وأذا لم تستحي فأفعل ماشئت وغدا لناظره قريب .

[خرطوم جوة]

ردود على خرطوم جوة
[عباس] 04-29-2014 12:00 PM
الناس ديل الواحد فيهم مصايبو كبيرة عشان بيعتبر انفسو انو طول ماهو فى الوظيفة بيقدر يحمى نفسو من العقاب والمساءلة لذلك سوف لم ولن تجد واحد منهم يتقدم باستقالة ابدا مثل باقى البشر النظيفين الذين بقول لهم كفرة شوف الكفرة لانو الواحد مافى اى حاجة يمسكوها عليهو أى خطأ ما عندو مانع يتقدم فورا باستقالته ولكن عندنا لانو الواحد وسخان ويخاف المساءلة بعد الاستقالة لذا لايتقدمون ابدا باستقالات ولاتعشم فى ذلك منهم ابدا شوف والى الجزيرة بعدما قدم استقالته وذلك بعد انفرضت عليه فرضا ماذال يكابس قول الله يحلنا منهم .

[فاقد تربوى] 04-29-2014 10:31 AM
( من أين أتي هاؤلا ..........؟ )
اتوا من الالف الزائدةدى


#988361 [Admiralkiri]
5.00/5 (4 صوت)

04-29-2014 09:50 AM
طيب !!!! خريجين كليات البيطرة بنسميهم شنووووووووو ؟؟؟؟؟

[Admiralkiri]

ردود على Admiralkiri
United States [ابوغتاته] 04-29-2014 10:55 AM
بيسموهم بياطره يا فالح ,, شلك بيطرى , وعاوز تبقى دكتور !!


#988358 [mustafa]
4.00/5 (1 صوت)

04-29-2014 09:49 AM
هكذا هو السودان اي شخص يدرس بكلاريوس طب , بيطرة, صيدلة, تمريض, صحة, او حتى اسعافات اولية يعمل نفسو دكتور بدرجة علمية والناس كلها تاخدها بهذا الفهم وهو يقوم يصدم ويتعامل معاها كدرجة علمية وليس وظيفة طبيب , وكم هم كثيرون في السودان, لك الله يا السودان.

[mustafa]

ردود على mustafa
United States [mustafa] 05-02-2014 02:41 PM
الدكتور التي تقال لخريج الطب هو اسم وظيفة (طبيب) اما التي تقال للذي حمل درجة الدكتوراه فهي لقب لدرجته العلمية.

[واجد] 04-29-2014 04:12 PM
يا أحمد بدون الدال(د.) لأن شكلك كدي ما عارف الدرجات العلمية كويس . بعد ما تدرس دراسات عليا ويتم اجازت هذه الدرجات اذا حصلت أخذت الدكتوراة بعدها يمكننا أن نقول لك دكتور والا فاللقب المصاحب اسمك ما حقك، فهمت

United States [د. أحمد] 04-29-2014 11:28 AM
طيب يا سيدي الفاضل الطبيب البشري أو البيطري أو طبيب الأسنان أسمهم شنو، مش دكتور برضو و للا عندك ليهم اسم تاني؟؟؟ بغض النظر عن شهادة الدكتوراة، الراجل منذ أن حصل على شهادة البكالوريوس في الطب البشري أو البيطري أو طب الأسنان أسمو دكتور، شئت أم أبيت


#988327 [صبري فخري]
2.75/5 (6 صوت)

04-29-2014 09:32 AM
والله عندنا واحد بروفيسور خريج طب رومانيا لا يعرف كوعوا من بوعوا ... ما كتيرة على الوالي كفاية انو خريج الخرطوم ... عشنا وشفنا ناس رومانيا اصبحوا عمداء كليات ... حليل زمان كانوا ممنوع استيعاب اي استاذ ما لم يكن خريج الخرطوم ...

[صبري فخري]

ردود على صبري فخري
[صبري فخري] 04-29-2014 02:40 PM
أعذرك لانك لا تعرفني ..

European Union [الحقيقة مرة زي الدواء] 04-29-2014 12:57 PM
بمناسبة دفاعك عن الكيزان اهدي اليك قوله تعالى ((ها أنتم هؤلاء جادلتم عنهم في الحياة الدنيا فمن يجادل الله عنهم يوم القيامة أم من يكون عليهم وكيلا ))

[معقولة بس ؟؟] 04-29-2014 12:37 PM
يا زول انا شايف ناس رومانيا ديل مجهجهين باكاتك
احكى لينا عن مآسيهم فى المستشفيات

الناس قالوا عنهم نكت كتيرة


#988323 [AburishA]
5.00/5 (3 صوت)

04-29-2014 09:29 AM
الزول ده من حركاته دي بكالوريوس زاتو بكون ما عنده !!! على احسن تقدير بكون قادي شهادة سودانية! كتيرين منهم ما دخلوا الجامعة واخدوا بكالورويوس بحجة انهم في العمليات الجهادية في الجنوب وحتى ما شافوا الجنوب بعينهم..

** اما من اقترن اسمه بدكتور.. فهي دكتوراه في الفساد المالي والاداري والاخلاقي والرشوة والمحسوبية وقلة الأدب!!!

[AburishA]

#988315 [أيام لها إيقاع]
5.00/5 (1 صوت)

04-29-2014 09:25 AM
يعني مصطفى عثمان عندو دكتوراة ، أو غازي صلاح الدين العتباني؟

[أيام لها إيقاع]

ردود على أيام لها إيقاع
United States [mustafa] 05-07-2014 06:04 AM
كلهم بكلاريوس طب وليسو درجة دكتوراه.


#988311 [اسد]
5.00/5 (1 صوت)

04-29-2014 09:24 AM
عادي ننادي البياطرة بلقب دكتور ، أظن هذا من ظرف أهل السودان ، والله عندي صديق بيطري وأنا اناديه يادكتور وهو يبتسم.
كنت أظن أن الرجل طبيب على الأقل ، بس معليش يا الخضر المحن لا تأتي فرادى.

[اسد]

ردود على اسد
European Union [الجمبلق] 04-29-2014 10:22 AM
يا اخى حتى فى الافلام الاجنبية يطلق على الطبيب البشرى و الطبيب البيطرى كلمة doctor يعنى انت بتفهم اكثر من الخواجات عالم وهم.غازى صلاح الدين يحمل درجة الدكتوراه فى الطب من الجامعات البريطانية وهو خريج جامعة الخرطوم زمن كانت القراية قراية بجد مش زى حسع.


#988298 [GSM]
0.00/5 (0 صوت)

04-29-2014 09:18 AM
حسبي الله ونعم الوكيل

[GSM]

#988295 [عشا البايتات]
5.00/5 (3 صوت)

04-29-2014 09:14 AM
ياجماعة الخير طيب هو خريج البيطرة بشهادة البكلاريوس مش أيضا يطلق عليه لقب دكتور(بيطري) فمابالنا نتصيد مثل تلك الأشياء التافهة ونترك عظائم الأمور التي جعلتنا في حالة توهان خاصة بعد إطلاق سراح هؤلاء المجرمين وعدم نشر أسمائهم من باب - فقه السترة-

[عشا البايتات]

#988288 [تخصص حمير وتيوس..]
5.00/5 (1 صوت)

04-29-2014 09:12 AM
دكتور.... ونص

لكن فقط.... بالنسبة للحيوانات..... ليس للبشر

يعني ممكن نقول..... دكتور الحمير/عبد الرحمن الخدر

[تخصص حمير وتيوس..]

ردود على تخصص حمير وتيوس..
United States [mustafa] 05-07-2014 06:05 AM
عشان الناس ما تفهمها غلط خليها طبيب البهائم لان الناس مابتفرق بين دكتور طبيب ودكتور درجة علمية

United States [سامي] 04-29-2014 01:25 PM
طيب مالو فى دكتور متخصص قمري ( ياقماري ابني عشك قشة قشة)


#988280 [على كرار]
5.00/5 (1 صوت)

04-29-2014 09:07 AM
أتاريه مفتكر ولاية الخرطوم سوق طيور ومواشى

[على كرار]

ردود على على كرار
European Union [kommba] 04-29-2014 11:48 AM
شكلك كده نسيت انو حلة كوكو في الخرطوم وكما بقت معاها مزارع دواجن


#988279 [usama]
5.00/5 (1 صوت)

04-29-2014 09:07 AM
بيطرة ,,,يكون فاكر هو يتعامل مع حيوانات .. اظن وان بعض الظن اثم ما بعيد هو من قتل المتظاهرين

[usama]

#988275 [ابو الدفاع]
5.00/5 (1 صوت)

04-29-2014 09:05 AM
طيب ما كل البياطرة والصيادلة والاطباء حملة البكالريوس بقولوا ليهم في السودان دكتور شنو الغريب . والله حتي المساعد الطبي بقولوا ليه دكتور العجب في مجال الهندسة اي زول شايل ليه مسطرينة بقولوا ليه باشمهندس .

[ابو الدفاع]

#988274 [zozo]
5.00/5 (1 صوت)

04-29-2014 09:04 AM
يعنى هو مجرد تمرجى أخد شوية training لعلاج الحمير والكدايس و الكلاب ليس إلا
مع الإعتذار للبياطرة على إمتداد الوطن الحبيب و بلاد الله قاطبه
و حقوق إطلاق هذا التعبير الساخر محفوظة للبلدوزر مبارك الفاضل

[zozo]

ردود على zozo
[محروق الحشا] 04-29-2014 10:20 AM
يافردة ماتخليك مع الحمير والكلاب نحن الكدايس دخلنا شنو معاكم لكن بالجد كدى جرحتنى يعنى...


#988270 [usama]
5.00/5 (1 صوت)

04-29-2014 09:03 AM
ههههههههههههههههههههه شابكنا دكتور ,,,ياخي حتي الدكتورة بتكذب فيها ,,,

[usama]

#988264 [جركان فاضى]
5.00/5 (1 صوت)

04-29-2014 09:02 AM
بس ناجح فى عمله....جزار اموال عامة

[جركان فاضى]

#988248 [عصمتووف]
5.00/5 (1 صوت)

04-29-2014 08:55 AM
وتكاثرت علي خراش الظباء

[عصمتووف]

#988247 [الحقيقة]
5.00/5 (1 صوت)

04-29-2014 08:55 AM
في كل العالم يطلق لقب دكتور مقرونا بمهنته الا في السودان فجميعهم يطلق عليهم دكتور فلان وعلان والمتبع مهنيا أن يكتب مثلا طبيب فلان الفلاني أو دكتور بيطري علان أو طبيب أسنان السجم والملاحظ أننا نفاجأ بأن كثيرا من أهل السلطة يحملون درجات الدكتوراة في شتى مجالات العلم والمعرفة وما زلنا متخلفين في الاقتصاد والطب والهندسة والعسكرية والاجتماعية أم هي ألقاب تمنح ودرجات توزع ومكرمات في هذا الزمن الغابر..

[الحقيقة]

#988246 [مصطفي سعيد]
5.00/5 (1 صوت)

04-29-2014 08:55 AM
برضو اسمه دكتور !

[مصطفي سعيد]

#988235 [أبوسارة]
5.00/5 (3 صوت)

04-29-2014 08:49 AM
ما دام بيطري سيطلق علي نفسه لقب دكتور و سيناديه الناس بهذا اللقب الذي أبتذل في بلدنا. خريج البيطرة لقبه VET و خريج طب الأسنان لقبه DENTIST و خريج الصيدلة لقبه PHARMACISIT . لقب دكتور لا يحمله إلا خريج الطب البشري أو من هو حاصل علي الدكتوراة في مجال العلوم الطبيعية أو الإنسانية. أصبح هم الناس في بلدنا أن يحصلوا علي لقب دكتور و تساهلت بعض الجامعات في منح اللقب لمن لا يستحقه.

[أبوسارة]

ردود على أبوسارة
United States [أبوسارة] 04-29-2014 01:50 PM
يا مدحت عروة الطبيب البشري إسمه Physician و أحياناً يشار إلي الطبيب البيطري بمعالج الماشية Animal doctor . هذا تصحيح لخطأ ورد في ردك أعلاه.
كل الإحترام للبياطرة و قد عملت معهم سنين عدداً في وزارة الثروة الحيوانية ووجدت فيهم نعم الزملاء. بس البياطرة عموماً غير ناجحين في الإدارة و هذا واحد من أسباب تغول الحكومة علي الثروة الحيوانية و ضمها إلي وزارة الزراعة كل حين. و هذا واحد من أسباب تدهور قطاع الثروة الحيوانية رغم غناه بالموارد الطبيعية. لا أدري السر في هذا؟
لا أقصد شيئاً في ما كتبته سوي تصحيح لبعض المفاهيم الخاطئة في ذهن العوام. كان لابد من ذكر هذه الحقيقة ووضع كل شئي في مكانه.
في بلدنا و في البلاد النامية الأخري , لا زال الناس يجرون وراء إكتساب الألقاب و التزين بها دون أن يضيفوا شيئاً. و بالمقابل نجد في الغرب أن الناس لا يلقون بالاً لهذه الألقاب مثل دكتور و بروفيسور , فقط ينادون بعضهم بلقب ( مستر ). يقول العلماء أن مخاطبة الشخص بإسمه مجرداً من اللقب أكرم له, و كفي.

[دا كلام ما صاااااح] 04-29-2014 12:46 PM
اخونا ابو سارة
حتى خريج الطب البشرى لا يطلق عليه اسم دكتور .. فهو بالعربى يقال له طبيب ويعادلها (براكتشنر)
اما البقية الذكرتهم هى بالعربى .. طبيب بيطرى ، طبيب اسنان ، طبيب صيدلى

لك الشكر

United States [أبوسارة] 04-29-2014 12:38 PM
PHARMACIST نأسف للخطأ.

European Union [مدحت عروة] 04-29-2014 12:06 PM
الطبيب البشرى اسمه physean وليس دكتور البيطرى ممكن تطلق عليه طبيب بيطرى او anhmal doctor وكذلك طبيب اسنان وطبيب بشرى لكن الناس فى السودان والعالم العربى والافريقى اتعودوا على لقب دكتور وهو لقب علمى يعطى للحائز على درجة الدكتوراه او الفلسفة فى اى مهنة علمية او ادبية وهى تسمى phd اى درجة الفلسفة فى العلم المعين واطلاق كلمة دكتور على اى زول غير صحيحة الصحيح هو لقب طبيب للبيطرى او البشرى او طبيب الاسنان والبيطرى هو طبيب حيوانات ويدرس نفس العلوم بتاعة الطب البشرى والاسنان بس فى الحيوان ولعلمكم ان اسماء العضلات والاعصاب وكل الاعضاء فى الانسان والحيوان هى واحدة ونفس الاسماء الا بعض الاختلافات فى الحيوانات المجترة بالنسبة للمعدة!!!انتو قايلين ناس الطب البيطرى بيدرسوا كيف يرعوا الحيوانات فى الخلا وكيف يحلبوا اللبن ولا شنو؟؟؟ما تتكلموا عن اشياء لا علم لكم بها وتقعدوا تفتوا ساكت بدون علم وده عيب السودانيين عاملين فيها انهم عارفين اى حاجة ويقعدوا يفتوا ساكت!!!!!!!
كسرة: مرة واحد بيطرى كان بيتناقش مع طبيب بشرى واكتشف البشرى ان البيطرى بيتكلم معه نفس اللغة الطبية قام قال ليه انت عرفت الكلام ده من وين بتقرأ كتب الطب البشرى؟؟قام البيطرى قال ليه انت قايل بيدرسونا فى كلية الطب البيطرى كيف نحاحى البهايم ولا شنو؟؟؟؟

United States [هجو] 04-29-2014 11:31 AM
ولا الطبيب البشري اسمو دكتور ، فالدكتورا هي ال PhD او المدكال دكتورMD يعني طبيب متخصص بدرجة الدكتورا الاكلينيكية.
الطبيب البشري اسمو طبيب بس Physician فزشن دا كلو خلع- بالضم- ساي


#988234 [اليبي]
5.00/5 (1 صوت)

04-29-2014 08:48 AM
في الحالة دي مفروض يكتب د.ح. يعني دكتور حيوانات أو بالاصح دكتور حرامي

[اليبي]

ردود على اليبي
European Union [محمد عبدالنبي] 04-29-2014 10:11 PM
اذا كان دكتور بيطري ، او بشري او غيره ما يفيد شئ كشعب السوداني ، اذا لم يتصف بالامانة والنزاهة، كلما يهمنا رد 9 مليار للشعب السوداني عشان نبني مدرسة ومستشفي ونحفر بئرا . وتقديم المجرمين الي المحاكمة بما فيهم الوالي


#988220 [ابوريدة]
5.00/5 (1 صوت)

04-29-2014 08:39 AM
التقول موسي يطلع فرعون .... اين الشرفاء في هذا البلد ؟؟؟؟؟؟؟؟؟؟؟؟؟؟

[ابوريدة]

#988219 [خالد حسن]
5.00/5 (1 صوت)

04-29-2014 08:38 AM
يعني الوالي الذي عبر الخرطوم هبرا
طلع حرامي ومزوراتي كمان
اذا كان جمال الوالي بقي دكتور والبشير العره عمل ليه ماجستير
والحمار في دولة المشروع الحضاري ممكن يكون بروف زي غردون كده

[خالد حسن]

#988211 [عبدالحفيظ]
5.00/5 (2 صوت)

04-29-2014 08:32 AM
.

ما هو اى طبيب بشرى او بيطرى
او بتاع اسنان وغيرهم.....
كلهم بسموا نفسهم دكتور!!!!
مش؟؟؟؟


.

[عبدالحفيظ]

#988209 [القريش]
5.00/5 (1 صوت)

04-29-2014 08:31 AM
شئ عادى فى عهد الانقاذ باكر الصباح دا تاتيه الدرجه العلميه لعند مكتبه وبأثر رجعى كمان! وموثقه كمان انا اعرف اناس شغالين رتب كبيره من الجماعه اياهم ولم يحصلو على درجه البكلاريوس حتى لانو ببساطه نشأنا سويا ولعبنا كوره الشراب والدافورىمستواهم التعليمى المتوسطه والحد الاقصى لتعليمهم الشهاده السودانيه نجاح بصعوبه بالغه!!!

[القريش]

#988203 [ابوايمن الحلاوى]
0.00/5 (0 صوت)

04-29-2014 08:27 AM
وانتم مالكم ومالوا طالما ينادى ب الديك وتور !! وهذا مما حدا حتى بعربان الخليج ان يفقدوا الثقه فى الشهادات السودانيه وجعلهم يدققون فى مصادرها ،، وعندما حللنا قبل سنين عددا تفوق عمر الانقاذ كان يتم توظيف السودانيين دون غيرهم دون ان يطلبوا شهادات او درجات علميه!!! وأهو شوفو وزير الدفاع بالنظر يرتقى اعلى المناصب ومرصع بالنياشين زى بتاعة الامبراطور الفذ هيلاسلاسى وهو غارغ عقل وشقافة والدنيا حظوظ ،، وعليه انعتب على مين ولا مين والشهادات تباع حسب الطلب والدفعالرباعى ال..

[ابوايمن الحلاوى]

ردود على ابوايمن الحلاوى
[Bull] 04-29-2014 08:28 PM
تصحيح
السوط هبشك

[Bull] 04-29-2014 03:54 PM
أنت الصوط هبششك ، تاني بقيت ذي الفلاتية "أنا وأخوي الكاشف" بذكرك لوزير الدفاع. ياأبوايمن طلعت خبوب ساكت واتغشيت بدهب عرس امدوم وجبتوه كأنو في عرس بت ع الرحيم، عالم غاشة نفسها


#988198 [samona]
5.00/5 (1 صوت)

04-29-2014 08:23 AM
الطبيب البيطرى يحمل لقب دكتور تمامآ كالطبيب البشرى وهذا طبعا لا ينفي فساد و عدم اخلاقيه الوالى

[samona]

ردود على samona
[Sudani] 04-29-2014 03:51 PM
الحديث حول درجة الدكتورة التي هي بعد الماجستير . و ليس في انو دكتور و لا ما دكتور .


#988193 [[email protected]]
5.00/5 (1 صوت)

04-29-2014 08:22 AM
طعنوا في زمته

ده كلام شنو،،،،،،،،، العربي راااااااح

[[email protected]]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2016 www.alrakoba.net - All rights reserved

صحيفة الراكوبة