الأخبار
أخبار إقليمية
ضبط «ست شاي » تتاجر في السلاح
ضبط «ست شاي » تتاجر في السلاح



قالوا : عمرها «19» سنة وبحوزتها «57» مسدس
04-29-2014 11:25 AM

الخرطوم: سلمى عبدالله
تمكَّنت الشرطة من ضبط بائعة شاي تعمل في بيع وترويج السلاح، بمنطقة الصالحة بأمدرمان.وترجع التفاصيل لورود معلومات للشرطة، وبعد المراقبة تمكَّنت من القبض على المتهمة «م» وعمرها «19» سنة وبحوزتها «57» مسدس، وتم تدوين بلاغ في مواجهتها .

الانتباهة


تعليقات 23 | إهداء 0 | زيارات 7144

التعليقات
#989657 [دياب]
0.00/5 (0 صوت)

04-30-2014 01:02 PM
عادى جدا انا لقيت ست الفول والتسالى تبيع سجائر برنجى .

[دياب]

#989262 [سمسار دبابات]
0.00/5 (0 صوت)

04-30-2014 08:19 AM
يا المتغرب الابدي دبابتك المعروضة للبيع دي مكيفة ؟؟؟ قير عادي ولّا اوتوماتيك ؟؟؟ فيها مسجل ؟؟ كاسيت ولّا سي دي ؟؟؟ جاز ولّا بنزين ؟؟؟ فيها بوري ؟؟؟ القزاز اوتوماتيك ولّا منفلة ؟؟؟؟ فرشها جلد ولّا شبكة ؟؟؟ المرايات كهربا ؟؟؟؟ جنازير ولّا لساتك ؟؟؟ والسعر كم ؟؟؟

[سمسار دبابات]

#989258 [ابوريدة]
0.00/5 (0 صوت)

04-30-2014 08:11 AM
يا جماعة ملوة الذخيرة 9 ملّي بقت بي كم ؟؟؟؟

[ابوريدة]

#989166 [المنجلك]
0.00/5 (0 صوت)

04-30-2014 01:35 AM
دى بطلة قومية من دعاة الشعب المسلح كويس مالقيتو عندها كلاشات يارب سعر الكلاش بكم

[المنجلك]

#989105 [صلاح يوسف]
0.00/5 (0 صوت)

04-29-2014 11:44 PM
من اين لها بيع السلاح ومن يقف ورائها ويدعمها واي نوع من الاسلحة كما ونوعا ولصالح من

[صلاح يوسف]

#989029 [الحقيقة]
3.00/5 (1 صوت)

04-29-2014 09:01 PM
السودان بقى فوضى وهل يعقل أن يخطف طفل عمره 6 شهور من حضن والدته ليلا بعد تهديدها وبعد يومين يتم الاتصال بها في الموبايل ومطالبتها بتحويل مبلغ 20 الف دولار من والدها بالسعودية في حساب أحد الأشخاص غير السودانيين ومافي دلذكر المنطقة لدواعي أمنية ،غايتو بقى شغل مافيا يوم مخدرات ويوم قتل ويوم اغتصاب ويوم اختلاس والشغلانة مدورة ...

[الحقيقة]

#989021 [جدودنا زمان]
5.00/5 (2 صوت)

04-29-2014 08:46 PM
أويد رأي الأخوة
غيرها اتحلل من القروش والاراضي والعربات
هي كمان تتحلل من المسدسات وترجع للكانون

وكلنا يحلنا الحلا بله

[جدودنا زمان]

#988893 [الجعلي الفالصو]
4.00/5 (3 صوت)

04-29-2014 05:41 PM
قبضوها بسلاح ما في مشكلة ، تجد الحل في صورتين تختار ما تشاء منها
الصورة الأولى تتحلل وتترك السلاح للجماعة وترجع لكانونها تعمل شاي عادي
الصورة الثانية تطلب لجنة تحكيم وأنا شخصياً لا أنصحها بذلك لأنها أكيد ما ليها رقبة لشعر المليييييييارررررر

[الجعلي الفالصو]

#988760 [محمود]
5.00/5 (3 صوت)

04-29-2014 03:28 PM
عمرها 19 سنة مفروض تكون في قاعات الدراسة لكن الظروف جعلتها تكون ست شاي وابوها لا يملك مصنع اسلحة اكيد من وراها عسكور راوها جاطت وفكروا فيها الاقطان البترول الذهب الدولار الاعانات السكر السدود الكهربا الاوقاف اراضي ولاية الخرطوم اراضي الولايات اراضي السودان

[محمود]

#988742 [المرطب]
3.50/5 (2 صوت)

04-29-2014 03:16 PM
بسيطة تحلل من المسدسات دي ترجعها للشرطة وعاااااادي تواصل في الشاي هههههههه يا فشفاش كرعي.

[المرطب]

#988728 [AburishA]
5.00/5 (1 صوت)

04-29-2014 03:08 PM
المسكينة تكون سمسارة/ وسيط..وليست تاجرة سلاح.. لانه تجار السلاح والمخدرات والقروش المزورة دائما مابستغلوا البسطاء واغراءهم لترويج تجارتهم..لحاجةالبسطاء لما يسد الرمق.. حيث اصبح الموات والحياة عندهم واحد...

[AburishA]

#988699 [سيكو]
2.00/5 (1 صوت)

04-29-2014 02:44 PM
عادي بيع السلاح واستبداله وبيعه عادي انتم قاعدين وين الخرطوم دي انتهت

[سيكو]

#988650 [ساب البلد]
4.50/5 (2 صوت)

04-29-2014 02:08 PM
******** فبركة من فبركات الانتباهة اليومين ديل مجازر الجنوب هدات ****** سوقهم نام ******* طيب وقت عندها كمية السلاح دا كلو شغال شاي فوق كم ؟؟؟ ******* ما تقولوا لي تمويه !! *****

[ساب البلد]

ردود على ساب البلد
European Union [ساب البلد] 04-29-2014 07:23 PM
************* ههههههههه حل كويس انها تتحلل و تتحل ********

United States [واحد ساى] 04-29-2014 04:17 PM
المشكله وين ؟ ماتحلل منها بس


#988635 [bent alnil]
0.00/5 (0 صوت)

04-29-2014 01:56 PM
اليومين البلد مولعة مخدرات ... سلاح ... و ستات الشاي خرشة و عرفنا كمان جابت سلاح لكن الخبر منطقي قبل فترة في الجرايد كان في معلومة أن جزء مقدر من ستات الشاي مخبرات اكيد التاجر البتوزع ليه نظامي بشرب عندها شاي .....
لان ست الشاي ميزانيتها محدودة لا تصل حد السلاح ....
و نشوف بكره بيظهر شنو في البلد دي ...

[bent alnil]

ردود على bent alnil
United States [al wasbah] 04-29-2014 03:09 PM
دا موســـــم الفبركااااااااااااااااااااااااااااات؟؟؟؟؟؟؟؟؟؟؟

United States [أبوسارة] 04-29-2014 02:58 PM
منذ سنين خلت كان يأتينا في بلدنا في دنقلا إعرابي و معه ( جميل ) جربان و يدعي أنه يبيع الحرجل و المحريب و أشياء من هذا القبيل. شك أحدهم في حقيقته و كونه يأتي من بلد بعيد و يبيع أشياء بسيطة مثل هذه. إتضح أنه يبيع المسدسات!!! أقصد علينا أن ننمي الحس الأمني و ندع الطيبة و السذاجة الزائدة عن اللزوم.


#988626 [أبوقرجة]
5.00/5 (2 صوت)

04-29-2014 01:50 PM
كويس إنها تاجرت في الأسلحة وأنتم يا كيزان تتجارون في الدين .... بالله مين الأشرف مش هي ..

[أبوقرجة]

#988604 [الفجر]
5.00/5 (2 صوت)

04-29-2014 01:32 PM
يعني شنو ما عادي اذا كان البلد كلها جايطة والريس ما فضي من الرقيص!!!علي الا قل بالمسدس تحمي نفسك من الحراميه وحاجات تانية!!

[الفجر]

#988563 [الفاتح الاسد]
5.00/5 (2 صوت)

04-29-2014 01:01 PM
خلاص كبرتي وليك تسعتاشر سنة ،(زمان دا كان عمر الزهور عمر الغرام عمر المنى )

والليلة بعد البشتنة

بعد الفقر والاضهادوالعكننة

اصبح دا عمر الهلاك عمر الضياع عمر الضنى

شايلين سلاح في كل قرية وكل وادي ومنحنى

ذبلت زهور ماتت ورود جفت ضروع والكل منتظر الفنا

[الفاتح الاسد]

ردود على الفاتح الاسد
[bewildered] 04-29-2014 10:03 PM
لو كان هذا من بعض شعرك فانا راغب فيي الحصول على الديوان.

United States [عاشق ألأزرق] 04-29-2014 05:11 PM
فعلاً..فى بلاد أخرى فيها الطمأنينة كان أن تكون مثل هذه ألأنثى بعيدة عن أدوات الحروب والعمل البسيط..بدلاً عن المسدس تحمل وردة وتعيش الحب بطمأنينة..ولكن الضنك والمفسدون والمختلسون واللصوص هم من جعلوا منهاهذا المشهد التراجيدى....سلام ياوطن...شكرا يا الفاتح ألأسد.


#988526 [المطوفش]
0.00/5 (0 صوت)

04-29-2014 12:36 PM
والله لي الوضع الانا شايفو دا بعد شويه يقبضوهن ببيعن دوشكات وهاوزر وكان مابخاف الكضب طياره ميج كمان والله عجب .

[المطوفش]

#988521 [luai bakheit]
3.50/5 (2 صوت)

04-29-2014 12:35 PM
دى جديدة طيب ما تقبضوا الحبشيات ما برضه ببيعوا مخدرات المخدرات دمار للشعب كامل والمسدس بكتل نفر واحد اخير منه على الاقل السودانية دى بلدها لكن الحافتى ديل بتخافوا منهم المهم فى نهاية الامر دى جبانة هايصة

[luai bakheit]

#988519 [كشندكي]
5.00/5 (1 صوت)

04-29-2014 12:34 PM
هسي وحده ذي السات دي نفوليها شنو ؛ ؛ست شاي والا ست سلاح؛

[كشندكي]

#988460 [كتاحة امريكا]
3.00/5 (1 صوت)

04-29-2014 11:55 AM
يمكن تابعة لابو ريالة او المجنون كمال عبد اللطيف ...

[كتاحة امريكا]

#988451 [بت قضيم]
0.00/5 (0 صوت)

04-29-2014 11:51 AM
بس كدا وين البهربوا السلاح الثقيل عبر البواخر الى سيناء

[بت قضيم]

#988441 [Kudu]
0.00/5 (0 صوت)

04-29-2014 11:41 AM
يا اخوانا من يدلنى أرغب شراء سلاح من غير ترخيص..

[Kudu]

ردود على Kudu
United States [سمسار] 04-29-2014 06:50 PM
يا المتغرب الابدي ان شاء الله الدبابة تكون مفحوصة ومجددة ومأمنة
ودحين خليني اشوف لي واحد شريطي يجي يفحصها يمكن تكون فيها صدمات ومسمكرة
الا اذا كانت وكالة ان شاء الله اشترينا..وعِدِل على القيادة العامة ...

[المتغرب الأبدي] 04-29-2014 02:18 PM
أنا عندي دبابة موديل 1990 استعمال خفيف واقفة في بيتي في أم بدة ..
تشتري ؟؟

European Union [خضر عمر ابراهيم] 04-29-2014 02:12 PM
يا بت قضيم.
لو عايزة مسدس اقرب ست شاي ولو عاوزة كلاش سوق الناقة ستات الشية. ولو عاوزة دوشكا سوق ليبيا ستات الكسرة،،، اما القنابل اليدوية و طلقات اقرب طلبية وطيارة بدون طيار الفتيحاب جري الزول داك لسع عندو 2 في حوشو،،،اما يورانيوم وبلوتونيوم. اقرب حبش وبيعوا إقامات وجوازات سفر كمان
البلد ما بقت فاكة ،، ولسع يا ما تشوفو العجب والصيام في رجب
في الإجازة جيت وركبت مواصلات الجريف غرب رائح جاي كل يوم ،،،واكتشفت انو ما لاقوني سودانية راكبة معانا ،،الهدوم سودانية بس ما تنضم ،، حفني مية المية،،وبين كل حفتية وحفتية حفتية،، والسوق مافيهو سودانيين تب،،، بعد شوية ناس المرور نصهم يبقي حبش ،، والله أمكن بي شارع النيل لمحت في حديقة القصر صينية شايلها حبشي عليها كباية موية
والبلد اتغيرت تب وبقت احتلال وانحلال
خربانة ام قدود. بلدا لا ليهو سيد ولا بكيان عليهو وجيع

[ابو سامي] 04-29-2014 02:08 PM
انفرد باقرب نظامي راكب موتر وما تخاف ادخل في الموضوع طوالي وحدد نوع السلاح مسدس كلاش ابو عشرة او جيم 3 يجيبو ليك محل تحدد انت بس اعمل تستلم سلم المبلغ المتفق عليه ولا تدفع جنيه عربون لانه ح يزوق بالعربون المبلغ كامل ولا تنسى توصيه اجيب معاه خزنتين تلاتة زخيرة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة