الأخبار
أخبار إقليمية
مامون حميدة : شركات التبغ تنتج سجائر شبيه (بالسلسيون) وتستهدف الاشخاص بالتصفية
مامون حميدة : شركات التبغ تنتج سجائر شبيه (بالسلسيون) وتستهدف الاشخاص بالتصفية
مامون حميدة : شركات التبغ تنتج سجائر شبيه (بالسلسيون) وتستهدف الاشخاص بالتصفية


قال إن جلده مثل جلد التمساح ولهذا يمضي للامام
04-29-2014 04:22 PM
الراكوبة شبه وزير الصحة بولاية الخرطوم مامون حميدة شركات التبغ بعصابات (المافيا) وقال إنها تنتج تبغاً شبيهاً (بالسلسيون) - وهي مادة مخدرة شديدة الخطورة. واكد رفعه لمذكرة إحتجاجية لرئيس المجلس التشريعي لولاية الخرطوم علي تكوين لجنة لدراسة الطلب الذي تقدمت به شركة (حجار) احدي اكبر شركات التبغ في افريقيا ومنتجة السجائر الاشهر (برنجي).

وكشف حميدة خلال تصريحات صحفية عن فتحه لبلاغات جنائية لدي النيابة في مواجهة شركات التبغ المخالفة لقانون التبغ. واكد خطورة التعامل مع شركات التبغ التي تستهدف الاشخاص بالتصفية والقتل واشار إلي انه كان يقرا في الكتب روايات وقصصاً عن قوة نفوذ أصحاب الشركات ومصانع التبغ لكنه عايش هذه القصص خلال صراعه الحالي معها.

وأضاف "لو ماكان الزول القاعد في السلطة قوياً وجلده زي جلد التمساح زيّي كدا مابيمشي لقدام".

وكان الوزير مامون حميدة قد إتهم العام الماضي اعضاء مجلس تشريعي ولاية الخرطوم بتلقي رشاوي من شركات التبغ لإسقاط قانون التبغ الذي اعده.


تعليقات 28 | إهداء 0 | زيارات 7763

التعليقات
#990038 [ابومرام]
0.00/5 (0 صوت)

04-30-2014 06:54 PM
اقول لك حاجة امشي اتحلل

[ابومرام]

#989841 [النفاج]
0.00/5 (0 صوت)

04-30-2014 03:29 PM
الكلام دا واضح يا جماعه
مامون زفت دا آخر واحد تهمه صحة المواطن
قطع شك داير يقفل لناس حجار مصنعهم ويفتح مصنع بإسمه
وبعدين يا فرده تعاطي البرنجي دا اصبح وسيلة الترفيه الوحيده في زمنكم الاغبر دا

[النفاج]

#989805 [يوسف ادم]
0.00/5 (0 صوت)

04-30-2014 02:55 PM
المثل بقول الغلط ما بعالجو بالغلط اذا كان مامون حميدة فاسد وضيع الصحة العامة علا في الحتة دي كلامو صاح السجائر اعوزو بالله منه مسبب الامراض الفتاكة ادي الي مقتل الكثرين وجميع دول العالم تضع عليه قيود وشروط قوية من اجل الصحة العامة ومن هني بطلب من كل واحد عندو مريض او متوفي بسبب السجائر طوالي يقاضي شركات السجائر

[يوسف ادم]

#989678 [صلاح محمدى]
4.00/5 (1 صوت)

04-30-2014 01:17 PM
ادنوا قروشنا يا مأمون حميدة
انا صحفى اعمل بجريدة التغيير التى يمتلكها مامون حميدة والجريدة تماطل فى دفع اجورى واجور 10 من زملائي مراسلى الجريدة فى كل انحاء السودان , هل المال عند جبانه ينطبق عليك يا حميدة , دعك من البطولات الزائفة وفى اجتماع مجلس ادارة شركتك المالكة لجريدة التغيير ناقش اجندة اجور الصحفين الذين لم يستلموا حقوقهم منذ ستة شهور ,,واسال امام محمد امام عن متاخرات المراسلين , والا سنلجأ للقضاء لاسترداد حقوقى لدى جريدتك
ادنوا قروشنا يا مأمون حميدة

[صلاح محمدى]

ردود على صلاح محمدى


European Union [صلاح محمدى] 04-30-2014 10:02 AM

رد على با لله شوف
اولا ما ضرورى تكون سمعت بى كصحفى , اما عن استغرابك من ان اكون صحفى مراسل لجريدة يمتلكها مامون حميدة ولم استلم اجري لمدة ستة اشهر فما تستغرب , واسأل اى زول اشتغل فى مؤسسات مامون حميدة سيخبرك بانه يدفع اقل المرتبات ( يعنى زول جلدة )و ينطبق عليه ( المال عند جبانه ) رغم ثروته الضخمة ,ولو عايز مصلحته انصحه بان يعطى الاجير اجره قبل ان يجف عرقه , واطالب بحقوقى ,وان عدتم عدنا وطلعنا باقى الفضائح

[صلاح محمدى]

ردود على صلاح محمدى
United States [[جنرال زمان] 04-30-2014 06:48 PM
(وأضاف "لو ماكان الزول القاعد في السلطة قوياً وجلده زي جلد التمساح زيّي كدا مابيمشي لقدام") ما هو الراجل قال ليكم جلده جلد تمساح عشان كدا هو جلدة فهمتوا يا ناس؟ جلدة وحرامي وصعلوق وعلبة كمان بعد دا كله (ما هو الكيزان كلهم علب ولا شنو)


#989587 [الرشيم الاخضر]
0.00/5 (0 صوت)

04-30-2014 12:34 PM
عدد الوفيات نتيجة لقرار حميده تفكيك المستشفيات اكثر من عدد الوفيات بسبب التبغ خلال 60 سنه

[الرشيم الاخضر]

#989451 [موسى الموسى]
0.00/5 (0 صوت)

04-30-2014 11:12 AM
فعلا جلده جلد تمساح لان جامعة الرباط من خيراته وممتلكاته وغيرها كثير من المستفيات التي نعلمها والتي لا نعلمها من اين اتى بتلك الاموال يا الله ورونا يابشر ،


مامون حميدة اول مسئول قام بالغاء مجانية الاعاشة بجامعة الخرطوم اين يذهب من الله يوم التلاقي امام رب العالمين؟

ماذا قدمت للمواطن صحيا؟ هل تابعت المستفيات الخاصة والعامة والمراكز الصحية ولا قاعد في الخرطوم وبس اين رسالتك كوزير صحة ؟ الموت الموت في انتظاركم فهو اقرب اليك من حبل الوريد؟

اخلص لله ثم الوطن قبل فوات الاوان وقبل القبر الشبر داك ؟

[موسى الموسى]

#989351 [الدنقلاوى]
0.00/5 (0 صوت)

04-30-2014 10:10 AM
السيد الوزير

اولا لا تنصب نفسك فى اكبر من حجمك - رضينا ام ابينا دا مصنع مرخص من الدوله ومربوط باستثمار

وارتباطات بنكيه عالميه ومحليه ولا بد من معالجه مؤسسيه مش قرار ون وزير الصحه - انت عليك التوعيه ثم انو تعال انتهيتوا من المستشفيات وحاربتو الاطباء الى ا ن ارتفعت الاخطاء الطبيه والاطباء الغير مرخصين وانعدام الادويه المنقوه للحياه وبقينا على السجائر يكون دايرين يجيبوا مصنع سجاير وربما مصنع للشرى يااخى شوف شغلتك الاساسيه ولا داير ناس البرنجى يدوك توكيل مافى عير كده

[الدنقلاوى]

#989197 [حنين امدرمان]
0.00/5 (0 صوت)

04-30-2014 03:27 AM
شوفو بس منو البتكلم عن التبغ انت بالذات اقفل خشمك لمن كنت حايم في المستشفيات الخاتيها جوه خشمك دي كانت حلاوه لكوم ماسفه اكبر من جبهتك دي يا أكبر متاجر بالصحه في السودان وافريقيا كمان ياخي اتقي الله واخجل من البالطو اللي لابسه ودنسته ده والله اكبرتمساح في النيل ماقدرك حرام عليك الناس الميته مالاقيه دواء دي والاطفال الفي بلد الاكل بتموت من سوء التغذيه وامراض الدم ومرضى الكلى مالاقين مكنات ولا محاليل للغسيل والحوامل البيموتو في الولاده ديل شي مستشفيات مامجهزه وشي تسمم من غرف عمليات ما معقمه وشي مافي دم وشي يا اهل المريض عليكم الله امشو اشترو مشرط وشاش من الصيدليه ولا الامراض الحايمه في البلد ماليها حد ولا الغلابه الباعو بيوتم وكل مايملكه وفوقا دفعو رشاوي للقمسيون عشان التقارير الطبيه ام ورقا باهت وشربان وختما مشرشر ..................... ياويلك من الله ياويلك....

[حنين امدرمان]

#989168 [معاويــــــــــــــــــــــــــــــــــة]
5.00/5 (1 صوت)

04-30-2014 01:37 AM
انتظر بس يا حلرام يا استغلالى والله الشعب السودانى لا ينسى اى جلاد منكم ياتافهين يا ملقطين شوارع

[معاويــــــــــــــــــــــــــــــــــة]

#989164 [المنجلك]
0.00/5 (0 صوت)

04-30-2014 01:29 AM
وين أرقامك للوقوف على مستوى الكارثة

[المنجلك]

#989093 [ضبع]
5.00/5 (2 صوت)

04-29-2014 11:18 PM
يعنى جلدك حيكون جلد حمل - انت اصلك تمساح - بديهى جلدك جلد تمساح !
شفتو ليكم تمساح يقول جلدى زى جلد التمساح - الا يكون مسطول !

[ضبع]

ردود على ضبع
United States [رانيا] 04-30-2014 07:45 PM
فعلا


#989090 [الدنقلاوي]
5.00/5 (1 صوت)

04-29-2014 11:09 PM
فعلاً التدخين مضر بالصحة، لكن ده للعندو صحة، وأنت ضيعت الصحة يا حميدة

[الدنقلاوي]

#989067 [ساب البلد]
5.00/5 (2 صوت)

04-29-2014 10:19 PM
******* يا مأفون حميدة ارعي بقيدك ناس حجار انت ما قدرهم ******* بعدين انت مضر بصحة المواطن اكتر من التمباك ذاتو *******

[ساب البلد]

ردود على ساب البلد
European Union [ابو الكل] 04-30-2014 10:34 AM
يا خي مامون ده انا زيك ما بحبه بس ناس حجار شنو يعني ما لبنانيين بس لاقيين ناس بيمجدوهم ودي اساس مشكلتنا كلنا ما بندي نفسنا قدرها


#989063 [صلاح محمدى]
0.00/5 (0 صوت)

04-29-2014 10:08 PM
ادنوا قروشنا يا مأمون حميدة
انا صحفى اعمل بجريدة التغيير التى يمتلكها مامون حميدة والجريدة تماطل فى دفع اجورى واجور 10 من زملائي مراسلى الجريدة فى كل انحاء السودان , هل المال عند جبانه ينطبق عليك يا حميدة , دعك من البطولات الزائفة وفى اجتماع مجلس ادارة شركتك المالكة لجريدة التغيير ناقش اجندة اجور الصحفين الذين لم يستلموا حقوقهم منذ ستة شهور ,,واسال امام محمد امام عن متاخرات المراسلين , والا سنلجأ للقضاء لاسترداد حقوقى لدى جريدتك
ادنوا قروشنا يا مأمون حميدة

[صلاح محمدى]

ردود على صلاح محمدى
European Union [صلاح محمدى] 04-30-2014 11:02 AM
رد على با لله شوف
اولا ما ضرورى تكون سمعت بى كصحفى , اما عن استغرابك من ان اكون صحفى مراسل لجريدة يمتلكها مامون حميدة ولم استلم اجري لمدة ستة اشهر فما تستغرب , واسأل اى زول اشتغل فى مؤسسات مامون حميدة سيخبرك بانه يدفع اقل المرتبات ( يعنى زول جلدة )و ينطبق عليه ( المال عند جبانه ) رغم ثروته الضخمة ,ولو عايز مصلحته انصحه بان يعطى الاجير اجره قبل ان يجف عرقه , واطالب بحقوقى ,وان عدتم عدنا وطلعنا باقى الفضائح

United States [كوز كنافه] 04-30-2014 09:11 AM
يطرشنا لم نسمع بيك وجزاءك الله خير عرفتنا بهذه الحريده ونحن في امريكا وكدي ياصحفي الهنا عملته دعايه مجان للصحيفه وتعال بكره استلم جنيهاتك واعتبرها مرتب دعايه مجان لها

European Union [بالله شوف] 04-30-2014 12:51 AM
ما سمعنا بمراسل في التغيير اسمو صلاح محمدي انت مراسل وين؟؟!! من زقاق بيتكم؟؟!!
حتة مراسل قايل روحو عبد الباري عطوان
التغيير صحيفة غض النظر عن مالكها ترسي لأدب جديد في فن صناعة الصحافة شكلاً ومصموناً بقيادة الأستاذ المحترف إمام محمد إمام الذي أمضي سنوات طويلة قيادة تحرير جريدة الشرق الأوسط اللندنية
والحال هكذا فالتغيير لن تعجز عن بضعة جنيهات هي مرتب المراسل المزعوم صلاح محمدي.
هسي مامون حميده بحق تذكرة فحص دسنتاريا ساي ما بيديك قريشاتك العامل بيها فلقه دي وتلعلع قوشي قروشي يا راجل اختشي.
قال ادونا قروشنا قال يقرش حلقومك قول آميييييين.

European Union [Amin] 04-30-2014 12:45 AM
قاليك جلده جلد تمساح .....!



أنصحك ..أحجز الجلد


#989056 [كوز كنافه]
5.00/5 (2 صوت)

04-29-2014 09:49 PM
القصه ومافيها ان ال حجار وشركائهم رفضو مشاركة احد الكيزان الكباروالان بداءت حرب التدمير لحجار وصناعته

[كوز كنافه]

ردود على كوز كنافه
European Union [ابو الكل] 04-30-2014 10:36 AM
حتي ولو طالما التدمير في صالح صحتنا وصحه اولادنا في دي بقي بنايدهم وما داعي يجو الناس من برره البلد ويغنوا علي حساب صحه اولادنا


#989048 [ود كترينا]
3.00/5 (1 صوت)

04-29-2014 09:34 PM
دولة الحشاشين !

*** فى يوم الثلاثاء 22 أكتوبر 2013 وفى جلسة المجلس الوطنى (البرلمان السودانى) ...ترأس جلسة المجلس القيادى بالمؤتمر الوطنى ونائب رئيس المجلس الوطنى السابق هجو قسم السيد...غاب أحمد ابراهيم الطاهر رئيس المجلس السابق عن تلك الجلسة..كذلك غابت القيادية بالمؤتمر الوطنى ونائبة رئيس المجلس سامية أحمد محمد...ترأس هجو الجلسة...كانت بوادر أزمة قمح وخبز تلوح فى الأفق...قال هجو قسم السيد من فوق منصة الرئاسة...ماحصل رسلنا أولادنا للمخبز وجونا راجعين قالوا خبز مافى!!!...لكنه فى هفوة دفع ثمنها لاحقا فى أقرب تعديل بالبرلمان...قال...مخزون البلاد من القمح يكفى فقط لمدة 25 يوم!!!هاج المجلس وماج...اتهموا الرجل بالمبالغة والتضخيم...فى اليوم التالى الأربعاء خرج أعجوبة هذا الزمان المسمى بعادل ميرغنى!!وهو أمين عام اتحاد المخابز..والاتحاد محلول منذ سنوات وهو عبارة عن نقابة منشأة ...البدعة الانقاذية بامتياز...قال عادل ميرغنى...صفاح الخبز!!..قال...فى تصريح نشر بكل الغازيتات السودانية!!..قال...ليس صحيحا ماذكره هجو قسم السيد نائب رئيس البرلمان ...فاحتياطى القمح الموجود الآن بالمطاحن يكفى لمدة ستة شهور قادمات...نرجو عدم الانزعاج...لما كان فجر 17 نوفمبر2013 بالضبط صحت ولاية الخرطوم على أزمة خبز طاحنة..أغلقت المخابز أبوابها...والقمح لم يصل الى المطاحن الثلاثة!!كان القمح (معتقلا!) فى البواخر الراسية فى ميناء بورتسودان السودانى على البحر الأحمر...لم تفرغ البواخر حمولتها لأن شركات مطاحن الدقيق وبنك السودان المركزى عجزوا عن توفير قيمة القمح المحمول على ظهر تلك البواخر...قالت سامية أن أزمة الخبز مفتعلة!!وقال والى الخرطوم...صعوبات (ادارية!)هى السبب...عجزت الدولة عن توفير مخزون من القمح يكفى مواطنيها لمدة 25 يوما فقط!!!
*** فى قضية التبغ هذه وحميدة...طالبت شركة حجار التى تسببت فى قتل ملايين السودانيين خلال الأعوام الممتدة منذ أوائل الستينات حتى اليوم مع سجاير برنجى...قتلت السودانيين مع سبق الاصرار والترصد بالذبحات القلبية والجلطات الدماغية والنزيف الدماغى والسرطانات بأنواعها التى تصيب الرجال والنساء ف 60% من السرطانات فى السودان لها صلة مباشرة بالتبغ...تلف الرئتين وتصلب الشرايين وضعف الانجاب...و...و...و...كل ذلك تسببت فيه حجار للسجاير والتبغ...وطه على البشير مديرها وراعيها انابة عن جورج حجار الذى(تحلل) واتجه الى ال.جى!!!قال مندوب حجار فى رسالته الى محمد الشيخ مدنى رئيس مجلس تشريعى ولاية الخرطوم فى مذكرة مكتوبة مطالبا فيها بمنحهم على الأقل 3 سنوات قبل تطبيق لائحة وقانون مكافحة التبغ!!...والسبب لتلك الرغبة فى تأجيل التنفيذ هو.....حتى تتخلص الشركة من كامل مخزونها الاستراتيجى الموجود بمخازن الشركة وكذلك حتى تنتهى كل الكميات المشحونة والتى فى طريقها الى البلاد!!!3 سنوات سيموت خلالها بسبب تبغ هذه الشركة الملايين من السودانيين بسبب تبغهم هذا...وبعد ثلاث سنوات...اما ذهب الوزير...أو مات كل السودانيين!!!وحينها لا داعى لتطبيق لائحة التبغ
***أمة مخزونها الاستراتيجى من القمح لايكفيها لمدة 25 يوم...بينما مخزونها الاستراتيجى من التبغ يكفيها لثلاث سنوات فى حدها الأدنى...يادولة الحشاشين!!!
*** حميدة ألقى بنفسه الى التهلكة ان مضى فى هذا الطريق ودونه ماحدث لعلى عثمان ونافع وعوض الجاز وأسامة وأحمد ابراهيم الطاهر وغازى وكمال عبداللطيف!!فليعلم حميدة أن 30% من ميزانية ولاية الخرطوم تدفعها غرفة التبغ باتحاد اصحاب العمل...وأن أكبر تبرع خلال حرب الهجليج لوالى الخرطوم جاء من غرفة التبغ هذه!
***ياحميدة هى معركة خاسرة...لن ينفع اعتصامك واحتجاجك ...فأنت كما قال الوالى (الوالغ!)تنفذ سياسة المؤتمر الوطنى وليس سياسة حميدة...وسياسة الوطنى الابقاء على التبغ لأن الدولة ليست لها موارد حقيقية...فلا رسوم بترول...ولا ذهب...ولا زراعة...وانخفض صادر الثروة الحيوانية بعد سوء العلاقات مع السعودية والأمارات...فمن أين تأتى الدولة بالمال...هى تخشى سبتمبر آخر وهى تعلم علم اليقين أن ذلك سيكون الخاتمة والقاصمة
***حميدة دع العاصفة تمر...انت رضيت بأن تكون ألعوبة فى أيديهم وهم الآن قد سيطروا عليك تماما...وبالتأكيد ان تمردت...سيصيبك ماأصاب الخضر وعابدين محمد على ومحى الدين عثمان والشريف بدر...وربنا يكفينا شر المستخبى!

[ود كترينا]

#989038 [برنجي]
5.00/5 (3 صوت)

04-29-2014 09:17 PM
إن شاءالله بس يكون جلد مؤخرتك أتخن من جلد التمساح عشان حيدخلوا ليك فيه عود مولع

[برنجي]

#989036 [المر]
3.00/5 (1 صوت)

04-29-2014 09:15 PM
السيد مأمون حميدة وزير له ضمير حي وتهمه حياة الشعب السوداني لذا قام بفتح بلاغات ضد شركات التبغ ونحن نشكر سعادة الوزير ونتمني ان يصحو ضميره المغيب ويتراجع عن قرار هدم مستشفي الخرطوم اذا كان بالفعل يهتم بحياة الشعب السوداني

[المر]

ردود على المر
European Union [ودالباشا] 04-30-2014 11:41 PM
واسترجاع مستشفى ابنعوف


#989032 [كركاب مطر بلا سحاب]
0.00/5 (0 صوت)

04-29-2014 09:06 PM
ما شاءالله حكومتنا كلها تماسيح..

[كركاب مطر بلا سحاب]

#989026 [A. Rahman]
3.00/5 (1 صوت)

04-29-2014 08:54 PM
ياخي انت بتستهدف الاشخاص بالتصفية مباشرة بعدم توفير الرعاية الصحية لهم و حرمانهم من حقهم في العلاج

[A. Rahman]

#989017 [بت قضيم]
0.00/5 (0 صوت)

04-29-2014 08:33 PM
يا حميده جلدك ليس جلد تمساح والحقيقة جلدك جلد خنزير نجس منتن بالقازورات هذا هو جلدك يا عديم الاحساس والشعور

[بت قضيم]

#989009 [AburishA]
3.50/5 (2 صوت)

04-29-2014 08:14 PM
ناس البرنجي والتمباك ديل بقصروا اجلك يا مامون حميدة.. قالوا الخرمان ما بيخاف ومستعد يموت من اجل فك الخرمة... ان الدول الاكثر تشددا في الصحة العامة والصحة الوقائية.. والدول الاكثر تشددا دينيا لم تستطع الحد من انتشاره..
** يمكن تكثيف البرامج التوعوية للحد من تعاطيه.. لكن بالقانون المخدرات ما قدروا ليها !!!!

[AburishA]

#988952 [ابوعفراء]
5.00/5 (3 صوت)

04-29-2014 06:43 PM
فعلا التدخين مضر بالصحة بس انت مضر بجيوب الفقراء

[ابوعفراء]

#988936 [العنطـــــــــــج]
5.00/5 (11 صوت)

04-29-2014 06:25 PM
اكييييييييد فكر يستثمر في المجال,,, بكره نسمع بسجارة مامونجي

[العنطـــــــــــج]

#988922 [abusami]
3.00/5 (1 صوت)

04-29-2014 06:08 PM
مأمون حميدة يكون عايز يشتري شركة حجار يقلبها مستشفى وللا كلية جامعية

[abusami]

#988920 [ود ميكي]
5.00/5 (5 صوت)

04-29-2014 06:06 PM
كلامو صااااح جلدو زي جلد التمساح ..وكمان بلعو زي بلع التمساح

[ود ميكي]

#988863 [محمدين]
5.00/5 (2 صوت)

04-29-2014 05:03 PM
"وكشف حميدة خلال تصريحات صحفية عن فتحه لبلاغات جنائية لدي النيابة في مواجهة شركات التبغ المخالفة لقانون التبغ. واكد خطورة التعامل مع شركات التبغ التي تستهدف الاشخاص بالتصفية
لا فرق بينك وبين شركات التبغ لأنك أيضا تستهدف جيوب المرضى ....

[محمدين]

#988854 [خاطره]
5.00/5 (2 صوت)

04-29-2014 04:54 PM
يا راجل قوم تحلل بدل ما انت قاعد كده لا شغل ولا مشغله.

[خاطره]

ردود على خاطره
United States [عباس] 04-29-2014 06:40 PM
انا اقترح يعملوا رقم حساب فى البنك أى بنك او فى كل البنوك عشان أى واحد عائز يتحلل يقوم يضع مبلغ التحلل فى البنك فى حساب التحلل ولامن شاف ومن درى مادام الناس بتدور على السترة وربنا يستر الجميع وبكده ممكن ترجع مبالغ مقدرة للشعب المسكين ده ونسأل الله ان يحيى الضمائر الميته .

United States [السفروق] 04-29-2014 05:38 PM
ههههههههههههههههه حلوه تحلل دي والله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة