الأخبار
أخبار إقليمية
نافع يغادر قاعة المجلس الوطني بعد منعه من الحديث لليوم الثاني .. وقف مرات عديدة وظل يحرك قدميه طوال زمن الجلسة
نافع يغادر قاعة المجلس الوطني بعد منعه من الحديث لليوم الثاني .. وقف مرات عديدة وظل يحرك قدميه طوال زمن الجلسة



سمحوا لغريمه صلاح قوش بالحديث
04-30-2014 01:13 PM
الراكوبة لليوم الثاني علي التوالي رفض رئيس المجلس الوطني الفاتح عزالدين امس منح مساعد الرئيس السابق نافع علي نافع فرصة الحديث في جلسة المجلس.

وافاد صحفيون ان رئيس المجلس تجاهل طلب نافع رغم الالحاح الشديد من الاخير، وبعد رفض طلبه للحديث حزم اوراقه وغادر في هدؤ قبل اكمال الجلسة.

وقال حضور للجلسة ان نافع وقف مرات عديدة طالباً الحديث للادلاء بافادته وبدا قلقاً للغاية وهو يحرك قدميه طيلة ساعات الجلسة. وتعلقت الجلسة الاولي التي منع نافع من الحديث فيها بعرض خطاب وزير الخارجية فيما تناولت الجلسة الثانية قانون الثراء الحرام.

وفي المقابل سمح رئيس المجلس لغريمه صلاح قوش بالحديث في جلسة الامس. واتهم مدير جهاز الأمن والمخابرات السابق صلاح قوش الحكومة بتبديد 2.5 مليار دولار في إقامة مباني للقوات المسلحة والأمن، في الوقت الذي يعاني فيه الاقتصاد من عجز في الموزانة تصل إلى مليار و200 دولار. وكشف قوش أن ثلاثة أرباع الموازنة العامة تصرف خارج بنودها من خلال ضغوط وترضيات.


تعليقات 35 | إهداء 0 | زيارات 17696

التعليقات
#990576 [القادمون الجدد]
0.00/5 (0 صوت)

05-01-2014 11:23 AM
يوم يمنعوك ما تدخل الحمام ذاك اليوم يتحقق اسم ابعفين

[القادمون الجدد]

#990224 [nagatabuzaid]
0.00/5 (0 صوت)

04-30-2014 11:57 PM
يتكلم نافع ولا قوش ولا اى منهم ما يهم كلهم سجم فى رماد كنت مفتكرة نفسى متابعة اخبار السودان لحظة بلحظة وتفاجاءت بانه ممثل بلاد شنقيط فى دولة السودان ولد ابراهيم الطاهر غادر البرلمان السودانى المسمى بالمجلس الوطنى وحل محله الفاتح عز الدين هل استقال ام اقيل ام رجع الى قواعده ببلاد شنقيط ؟ اعترف بان متابعتىناقصة

[nagatabuzaid]

#990193 [إسماعيل آدم]
5.00/5 (1 صوت)

04-30-2014 10:54 PM
قوش بدأ المباني قبل عبد الرحيم محمد حسين ! أسألوهوا كم كلفت مباني الأمن في عهده؟

[إسماعيل آدم]

#990153 [كاره الكيزان]
5.00/5 (1 صوت)

04-30-2014 09:40 PM
لكل اجل كتاب .لمتعدلوا يا سيادة الرئيس وبطانتكم سخط وفقر وارامل وايتام وفساد وكل هذا من أجل دنيا زائله وارجعوا أمال الشعب وتوبوا الي بارئكم عسي ان يكفر عنكم سيائتكم لو منحت ياسيادة الرئيس فترة ثالثة ورابعة لاتمنح يوم واحد لعمرك .

[كاره الكيزان]

#990144 [ود احمد]
5.00/5 (1 صوت)

04-30-2014 09:20 PM
هو يتحدث والاخرون 25 سنة ماذا جنى الشعب من حديثكم والان شهد شاهد من اهلها صلاح قوش الذي قال بدد المؤتمر الوطني اموال الشعب وبعد هذه الافادات من اعضاء رقادة المؤتمر الوثني ماذا ينتظر الشعب او ماذا تنتظر هذه الثلة الفاسدة المجرمة التي شهدت على نفسها اليس منهم رجل رشيد لقد طفح الكيل والفساد ازكم الانوف وبلغت الروح الحلقوم لقد ان الاواان ان ينقشع هذا الظلام

[ود احمد]

#990113 [بت قضيم]
5.00/5 (1 صوت)

04-30-2014 08:19 PM
حالتك بقت صعبة يا ابو العفين خالص كل شئ راح بعد دا اخير تقعد وتتعلم لحس الكوع

[بت قضيم]

#990102 [المنجلك]
5.00/5 (1 صوت)

04-30-2014 08:02 PM
ولا يهمك اخد معاك عثمان وامشي للترابى واعتذروا وبوسو يدو بعدين هو برجعكم في حكومته المستقبلية الجديدة (مفاصلة جديدة)

ماهو السودان اللعبة بتاعتكم حتفرق شنو معانا زبالة فى زبالة

[المنجلك]

#989989 [ادريس زقلونا]
0.00/5 (0 صوت)

04-30-2014 05:59 PM
ليه كدة ؟! ما تخلى يتكلم -هوووووووووووووووووى يا الفاتح والله لو قبل عليك يلحقك الجماعة

[ادريس زقلونا]

#989916 [ZA HAGAN]
0.00/5 (0 صوت)

04-30-2014 04:39 PM
Do you call this bull shit politics ? it is a tragedy that Sudanese people are led by these thugs .

[ZA HAGAN]

#989880 [ود الحاج]
0.00/5 (0 صوت)

04-30-2014 03:59 PM
لسة التقيل جاي

[ود الحاج]

#989870 [ابو ياسر]
4.00/5 (1 صوت)

04-30-2014 03:52 PM
والله انت راجل تحفة يالمشتهى الكمونية كنت قرفان من البنسمعوا ونقرأه لكن اضحكتنى الله يديك العافية ودائما تعليقات لذيذة .

[ابو ياسر]

#989869 [القاعد بعيد]
5.00/5 (1 صوت)

04-30-2014 03:50 PM
يعني شنوا نافع ما اتكلم وصلاح قوش اتكلم واللله انا بسنغرب في الحهلاء السودانيين نحن امة فاشلة اتكلم صلاح قوش ما اتكلم نافع شوفوا خاجة جديدة فكروا فيها تخرج البلد من الطامة التي فيها بعد شوية يكون كان هنالك وطن اسمه السودان ياامة يا فاشلة من الخمسينيات لهسع ما قدرنا نكون امة ذات انتماء للسودان

[القاعد بعيد]

#989865 [Sudan mix]
0.00/5 (0 صوت)

04-30-2014 03:43 PM
اين هذا الحديث عندما كنت تملك السلطة وكلامك مسموع

[Sudan mix]

#989863 [محمود]
5.00/5 (1 صوت)

04-30-2014 03:42 PM
يا نافع الزمن انتهي لكن اوصيك كون مثل غازي انغصل من النظام واعمل ليك حزب وسميه الاشباح الان

[محمود]

ردود على محمود
United States [nagatabuzaid] 04-30-2014 11:47 PM
لو سمحت تعديل اسم الحزب الى ارواح ضحايا الاشباح تطاردنى


#989859 [المشتهي الكوارع]
0.00/5 (0 صوت)

04-30-2014 03:38 PM
مالو غادر المحل زعلان ولا شنو ؟ انفك اذا ملأت هواء يا نافع

[المشتهي الكوارع]

#989855 [كاكا]
3.00/5 (1 صوت)

04-30-2014 03:37 PM
اوعك يا بارد تفكر تمشي المعارضة

[كاكا]

#989847 [sudani]
0.00/5 (0 صوت)

04-30-2014 03:32 PM
نافع بعد المخدرات
جلسه!!!!! ايه يعنى عشان مين ؟؟؟
الشعب السودانى مخدر بمخدرات نافع ومهلوس باخو البشير
مجرمين اتلمو فى برلمان

[sudani]

#989842 [الانهيار]
0.00/5 (0 صوت)

04-30-2014 03:30 PM
معقولة مباني ب 2 مليار دولار !!!!!!!!!!!
الشعب السوداني ضعيف جداً ومغلوب على امره

[الانهيار]

#989820 [ابوعديلة]
0.00/5 (0 صوت)

04-30-2014 03:09 PM
دكتور نافع ؟أى رياح سؤ أتت به من مزبلة التاريخ ؟

[ابوعديلة]

#989812 [أبوعلي]
0.00/5 (0 صوت)

04-30-2014 02:58 PM
ما دوّامة يانـافع المغرور
وكلّ كوز نهايته يصدأ ويرمى

[أبوعلي]

#989784 [njm ismail]
0.00/5 (0 صوت)

04-30-2014 02:41 PM
الجزاء من جنس العمل.

[njm ismail]

#989781 [مدحت عروة]
4.82/5 (8 صوت)

04-30-2014 02:40 PM
المصريين محتلين حلايب وناس الجيش يبنوا فى المبانى؟؟؟
هذه المبالغ لو مشت للتعليم والصحة وتنمية الريف او الى الابحاث الزراعية والبيطرية وامراض المناطق الحارة ما كان احسن؟؟؟
وبعدين انت كنت وين يا صلاح يا قوش وكت بنوا هذه المبانى ؟؟؟؟
ولا خلاص انكشف المستور وظهرت الحزازات والمركب بدات تغرق وبقيتوا تمرقوا فى فضايح بعض زى المشاطات؟؟؟؟
هسع فى زول سودانى ود بلد راضع من شطر امه بيحترم ليه زول فى الانقاذ او الحركة الاسلاموية؟؟؟؟؟؟
اقسم بالذى رفع السماء بغير عمد ان الانقاذ عار على السودان!!!!!!!!

[مدحت عروة]

#989777 [المتجهجه بسبب الانفصال]
4.00/5 (7 صوت)

04-30-2014 02:35 PM
واتهم مدير جهاز الأمن والمخابرات السابق صلاح قوش الحكومة بتبديد 2.5 مليار دولار في إقامة مباني للقوات المسلحة والأمن،

وانت لمن كنت رئيس جهاز الامن القروش عندك مردومة بشوالات الخيش زي شوالات العيش ،،،

[المتجهجه بسبب الانفصال]

#989775 [ابومحمد]
5.00/5 (2 صوت)

04-30-2014 02:35 PM
lمن يسمع وينفذ ( هذه هي المشكلة )فهم يعلمون
ولكنهم يقصدون فلا امل ولارجاء لا حوار وطني
ولا شفافية تنقذ السودان وتدب الحياة في اوصاله
فالشرايين اصابها التصلب فلا امل في الحياة
الا بثورة شعبية عارمة تقتلعهم من جذورهم
وتعيد الحق لاهله والحياة للسودان هل سننتظر كثيرا لا اعتقد بل اجزم بان الهبة قادمة وقريبا جدا

[ابومحمد]

#989769 [ود ام بعللوو]
5.00/5 (2 صوت)

04-30-2014 02:31 PM
هذا هو ما يسمي ب امتحان الاخذبعد العطاء يا نافع ولسع ما شفت شيء ( لايغتر بطيب العيش انسان من سره زمن سائته ازمان ) وفراق السلطــــــــــــــه شطه بس .

[ود ام بعللوو]

#989757 [shah]
5.00/5 (1 صوت)

04-30-2014 02:22 PM
إلهى يمنعو منو الأكسجين يا رب.

[shah]

ردود على shah
United States [adil] 04-30-2014 03:46 PM
اميييييييييييييييييييييييييييييييييييييييييييييييييين


#989756 [الرايق]
4.00/5 (1 صوت)

04-30-2014 02:21 PM
كلام كبير وتطور خطييير

[الرايق]

#989742 [منشى]
4.00/5 (1 صوت)

04-30-2014 02:06 PM
كلكم ما نافعين ما عندكم اى حس وطنى , الواحد فيكم بيسير حسب ما تمليه عليه مصلحته حتى ان كان ذلك على حساب هلاك هذه الامه , اعوذ بالله من نفس لا تشبع و قلب لا يخشع و يد لا تعف و ضمير لا تؤنب و حس بليد كأن جلودهم جلود الافيال من شدة السماكه و الثقاله ... الله يكون فى عونك يا وطن و يا شعب يا طيب و صبور ... إنها لإبتلاء و محنه لا بد الله كاشفه و الصبر جميل لكنه قد بلغ به الزبا . ها هو يد الحق بدأ يهش فيهم كالقطيع السافره ليخرج ادغاثهم و البأس جارى بينهم هذه الايام و لا محاله هالكهم .

[منشى]

#989736 [زول سوداني]
5.00/5 (1 صوت)

04-30-2014 02:03 PM
اقتباس .. " واتهم مدير جهاز الأمن والمخابرات السابق صلاح قوش الحكومة بتبديد 2.5 مليار دولار في إقامة مباني للقوات المسلحة والأمن، في الوقت الذي يعاني فيه الاقتصاد من عجز في الموزانة تصل إلى مليار و200 دولار."
للعلم فقط المباني بتاعت جهاز الامن ومباني القوات المسلحة دي لمن اتبنت كان قوش هو مدير الامن .. !!!!!!!!!!
لا تعليق وشر البلية مايضحك :::::::::::

[زول سوداني]

#989716 [المهندس سلمان إسماعيل بخيت على]
4.69/5 (5 صوت)

04-30-2014 01:46 PM
يا قوش ياكوش لو قلت الكلام دا فى وقته وإعترضت عليه فى وقته كنا أكبرنا ذلك فيك وقدرناك هسي كلكم فى نظر الشعب مجرم وكلكم سيحاكم وكلكم سيجرد إلا من سروال وفنله داخلية تستر عةرته كل شىء حتى دهيبات نسوانك حتصادر والقصور والسيارات والفلوس وغرف النوم والصوالين بس قوش واباطه والنجم ما تحاول تكشف عورات جماعتك المعارضه كل زى مدون لديها صورة وصوت وتص وكلامك دا لن يغفر لك ذنوبك وجرائمك كل واحد فيكم بدا ينتقض فى النظام عشان يجد كرسى يقعد فيهو فى مستقبلا
الكراسى الجايه لا فيها لهط لا سفسه كراسى زهد وتقوى وعمل مش تهليل تكبير هى لله هى لله ولا لدينا قد خلقنا تسريق سفسفات سرقات سيارات اراضى حاويات مخدرات أقطان أعفان لعنة الله عليكم

[المهندس سلمان إسماعيل بخيت على]

ردود على المهندس سلمان إسماعيل بخيت على
[سوداني اصيل] 04-30-2014 07:43 PM
من الذي سيصادرها ؟ هل تعتقد أن الإنقاذ ستنتهي بهذه السهولة التي تخيلونها ؟

[البعشوم] 04-30-2014 03:44 PM
السروال الفنلة زاتم حقات الدولة !!

United States [habbani] 04-30-2014 03:38 PM
يا بشمهندس تهاجم فقه السترة وعاوز تستر عورة قوش ؟ مالك وماله إنشاء حتى فنلته وسرواله إقلعوها ليه .


#989704 [ساب البلد]
5.00/5 (1 صوت)

04-30-2014 01:37 PM
********* (إِنْ يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِثْلُهُ ۚ وَتِلْكَ الْأَيَّامُ نُدَاوِلُهَا بَيْنَ النَّاسِ وَلِيَعْلَمَ اللَّهُ الَّذِينَ آمَنُوا وَيَتَّخِذَ مِنْكُمْ شُهَدَاءَ ۗ وَاللَّهُ لَا يُحِبُّ الظَّالِمِينَ) ********* علي قول بني كوز : هاك من دار جعل يا ابو العفين ******* سوف تري الذل في حياتك هولاء هم اخوانك فما بالك بالثوار الاشاوس ******* اركز ***

[ساب البلد]

#989697 [محجوب عثمان]
4.50/5 (3 صوت)

04-30-2014 01:33 PM
للامانة والتاريخ نافع لم يطلب امس ولا امس الاول فرصة للحديث ولم يقف البتة وقد كنت حاضرا الجلسة وعلقنا على عدم طلبه فرصة للحديث وغادر نافع المجلس قبل ان تعطى الفرصة لصلاح قوش وانا صحفي اغطى البرلمان وشاهد على ما اقول.... وبالمناسبة الان طلب نافع فرصة للحديث ومنحت له وتحدث امام البرلمان وها هو يجلس بعد الفراغ من مداخلته المختصرة

[محجوب عثمان]

ردود على محجوب عثمان
[زعفران] 05-01-2014 10:36 AM
صحفي مدفوع القيمة لو ما عرفت لينا القتل المتظاهرين منو ما بنعترف بيك كصحفي بس بنعرفك كسارة بين البرلمان والمواطن ولازم تتحاور معاهو واسماء الحرامية المع الخدر منو

European Union [نهبوك يا وطن] 04-30-2014 11:41 PM
والله يا محجوب انك زول عجيب.
اها و بعد داك حصل شنو
اصحى يا نايم, واااه اسفااه
شكلك من ......

United States [مساكم خير] 04-30-2014 07:27 PM
وكمان ياصحفي اخر زمانه - ماتنسى تجيب لينا تحقيق عن مقتل طالب جامعة الخرطوم - وتجري لقاء مع القاتل وتسال جهز الامن أي من فروعه قتل طلاب جامعة الخرطوم من 89 وحتى 2014 م

United States [كوز كنافه] 04-30-2014 03:39 PM
طيب ياخ كنت انت صحفي ممكن تمشي لنا الولايه وتجيب لينا خبر التحلل ومنها عرج علي سبدرات واطلع من الكافتريا بتاع البرلمان وابعد عن مال السحت الكيزاني


#989692 [الانصاري]
0.00/5 (0 صوت)

04-30-2014 01:29 PM
والله اني اعجب لامر هذه الطغمة التي لا تشبهنا ابدا وكما قال الراحل الطيب صالح طيب الله ثراه من اين اتى هؤلاء ففي البرلمان صلاح قوش يتحدث عن ان الحكومة بددت اكثر من مليارين طيب مالوا ياقوش مش احسن منك انت اللي بددت اعمار الناس وبددت اخلاق السودانيين الله ينتقم منك في الدنيا قبل الاخرة وكمان نافع عايز يتكلم ياخي تتكلم في شنو انت تتكلم منذ ربع قرن ايه استفدنا من كلامك ياخي انطم واسكت وربنا يذلك اكثر واكثر ويا ويلكم من عذاب الاخرة يا منافقين

[الانصاري]

ردود على الانصاري
[korgo] 05-01-2014 08:12 AM
يا الانصارى ما تبقى بلييييييييييد ؟ الحكومه هى التى اتهمت صلاح قوش بتبديد 2 و نص مليار دولااااااااااااااااار فى مبانى للجيش و الامن ؟ فهمت ولا عايز ليك حصة عصر هههههه


#989682 [المشتهي الكمونية]
4.74/5 (7 صوت)

04-30-2014 01:21 PM
أبو العفين كان معفن في نظر الشعب السوداني ،،، الآن أصبح معفنا حتى في نظر حكومته المعفنة

[المشتهي الكمونية]

ردود على المشتهي الكمونية
[korgo] 05-01-2014 08:13 AM
ههههههههههههههههههههههههههههههههههههههههههااهاهاهه كلامك ترا فى محلو


#989681 [وحيد]
4.25/5 (3 صوت)

04-30-2014 01:20 PM
جماعة نافع و اخوانه خافوا من زفارة لسانه و سوء الفاظه ....
المرافعين بدات تعقر بعضها بعضا

[وحيد]

ردود على وحيد
[korgo] 05-01-2014 08:14 AM
هو اسمو ( نافخ ) ؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة