الأخبار
أخبار السودان المحلية
لص يعلن تحلله من مسروقات ويطالب بإطلاق سراحه فوراً
لص يعلن تحلله من مسروقات ويطالب بإطلاق سراحه فوراً
لص يعلن تحلله من مسروقات ويطالب بإطلاق سراحه فوراً


أسوة بمنسوبي مكتب والي ولاية الخرطوم
04-30-2014 05:00 PM
الراكوبة - الخرطوم- خاص الراكوبة

أعلن لص تحلله من المسروقات التي وجدت بحوزته عندما قدم للمحاكمة امس امام احد القضاة بمحكمة الخرطوم شمال وقد اثار اعلان اللص موجة من الضحك و (القرقرة) داخل قاعة المحكمة التي لم يعُد الهدوء إليها إلا بعد مجهود مضني من القاضي الذي غالب الضحك بدوره بصعوبة بالغة.

وكان اللص المذكور قدم للمحاكمة تحت المادة (174) السرقة وعندما تم عرض المسروقات كمعروضات أمام المحكمة اعلن تحلله منها وطالب بإطلاق سراحه فوراً أسوة بمنسوبي مكتب والي ولاية الخرطوم الذين قبض عليهم بعد سرقتهم لأكثر من ستمائة مليار من خزينة الولاية ولكن الجهات العدلية قامت بإطلاقهم بعد ان أعادوا جزء من المبلغ المسروق لم يتجاوز السبعة عشر مليار مما خلق انقساماً حادا وسط المجتمع السوداني الذي طالب بإعادة محاكمة اللصوص الرسميين أو إطلاق اللصوص الآخرين الذين يقضون فترة حكمهم بالسجون المختلف.


تعليقات 53 | إهداء 2 | زيارات 16077

التعليقات
#991297 [أبو ديدى]
4.00/5 (1 صوت)

05-02-2014 02:39 AM
ياخى أنا لو فى مكان القاضى أطلق سراحو وأقوم إتحلل من الوظيفه دى وأعمل لى حلة كوارع جامده فى الحله أحلل بيها رزقى بدل الوظيفه الفيها العدل أصبح خيار وفقوس وشوربة سلطه محلله ومهرية من عمايل الكيزان..
كسره: ياسودانيين إتحللوا من الكيزان قبال مايحلوكم صاموله صاموله..

[أبو ديدى]

#991087 [حداثة صالح]
0.00/5 (0 صوت)

05-01-2014 07:43 PM
يعني تسرق عينك يا تاجر واذافجأة كدا قبضوك تقوم تحلل ههههههههههههه هاك التحلل لكن الناس ديل بالغو 600 مليار لامن تحلل منها داير زمن خليك لامن تسرقها !!!!!!!!! عشنا وشفنا

[حداثة صالح]

#990785 [مؤمن]
5.00/5 (3 صوت)

05-01-2014 02:21 PM
حليلك بتسرق سفنجة و ملاية , و غيرك بيسرق خروف السماية,تصدق في واحد بيسرق ولاية ؟!

[مؤمن]

#990731 [البعاتى]
5.00/5 (1 صوت)

05-01-2014 01:23 PM
تسرق ملايه تندقه
تسرق ولاية تترقى
............

[البعاتى]

#990694 [ابومروه]
0.00/5 (0 صوت)

05-01-2014 12:52 PM
تبا لقوم اصبح الشرع في حكمهم هزل و نكته بايخه لا تمت للدين و الاخلاق بصله و لو كنت في محل القاضي لما ترددت باطلاق سراحه و الرهيفه تنقد

[ابومروه]

#990661 [messi]
1.00/5 (1 صوت)

05-01-2014 12:25 PM
قل للذين يوزعون الظلم - باسم الله - فى الطرقات

إن الله في نار الدموع

وفى صفوف الخبز

والعربات

والأسواق

والغرف الدمار

البحر ... ياصوت النساء الأمهات

القحط ... ياصمت الرجال الأمهات

الله حى لايموت

كيف إستوى ماكان بالأمس هواءً نتناً

ريحاًًًً بغيضاً

بما كان هواء طيباً

ريحاً يؤسس معطيات الشارع الكبرى

عبيراً ضد تلك الرائحة

ما أشبه الليلة بالبارحة

كل ماكنا نغنيه

على شارع النيل

تغيّب

وانطوى في الموج منسياً

حطاماً

فى المرافئ أو طعاماً للطحالب

فى إنزلاق الصوت للقاع

وفى صمت المسافات القصيّة

نحن فى ساعة الحزن

وميقات الفجيعة

والفراغ العاطفى

الوطنى

الآن لن نبكى

ولكن من يساوم بالغد الآتى

ماذا سوف نخسر

نحن رتبنا بلاداً

لاتقابل غير وجه الذات بالمرآة

إمرأةً هي اللغة الرماد

تخون عاشقها ولا تخشى مصابيح النهار

لا تثق بالقلب

إن العشق يؤذى

بينما يجدى التحرك فى السكون

فى مساحات الأنا

وعى التكون

وإبتكار الفرد مجموعاً

يوازى سلطة الإطلاق

تحديد الموضع بالإشارة نحوها بالإسم

تفتيت الهلام

وإختراق السر

فتح نوافذ الأشياء

تكريس التفاصيل الدقيقة

قوة

تنسف الأحلام والذكرى

وأشباه الحبيبات - الدمى والأصدقاء

لا تثق بالقلب

كى يتصاعد الضوء على كل المساحات

وحدق جيداً

إختر مكانك واحترق حيث انتهيت

أنت منسوب الدم الآن

وأنت الإشتعال - النار

مجمرة الغضب

أنت إذاً ضياء اللحظة الآتى

أنا أنت

نحن الناس والشارع

والعواميد التي تمتد بالأسفلت

صوتي, صوتك

المشروخ في صدأ المقاعد

وإنهيار البرلمان

لم أقل أن الفضيحة

قد تراءت تحت أكمام الجلاليب

تعرّت في تلافيف العمامة

وامتداد اللحيّة الزيف

لماذا لم تقل ؟
أن العمارات إستطالت

أفرغت أطفالك الجوعى على وسخ الرصيف

أنت تعرف أنهم يقفون ضدك
ضدنا

ضدى

أعرف اننى سأظل ضد السلطة اللاوعى

نحن الآن في عمق القضية

مركز النار

وبالهامش تبقى

سلطة اللغة الخفية كى تعلق بالفراغ

نعم سننسى كل ما يأتون من فعل

وقول

سوف نصلبهم عرايا بالمسامير

على بوابة التاريخ

ثم نعبى الأيام النسيان

والصمت الخرافى المهيب

لست من نور لتغفر

أنت من طين لتبنى

فأبنى لى بيتاً

لنا

لك

للصغار القادمين

إن يك للعدل فى الأرض وجود

فليكن دمنا هو المقياس

إن تكن السماء مقابلاً للأرض

فلتكن الدماء مقابلاً للأرض

قال الله كونوا

ثم كنا

هل تحققنا تماماً

من وجود الذات في أرواحنا

ضد التكون

وانطلاق الكائنات؟
نحن نخرج عن حصار العزلة الكبرى

لنكتب عن غناء العزلة الكبرى

ولكنا نصاب بضربة حزن

أوان خروجنا فى داخل الصمت

وفى جوف السؤال؟

[messi]

#990647 [ود السيد]
0.00/5 (0 صوت)

05-01-2014 12:18 PM
هل يتحلل الزاني إذا اغتسل والطاشم اذا ضرب ام فتفت

علما بان السرقة والزنى والسكر والسرقة كلها جرائم حدية

[ود السيد]

#990588 [كاره المرتزقة]
0.00/5 (0 صوت)

05-01-2014 11:33 AM
نحن محتاجين دكتاتور صعب ويرمي المليشيات واللصوص وأي قائد حركة مسلحة فى الأفران

[كاره المرتزقة]

ردود على كاره المرتزقة
United States [حسن مسالا] 05-01-2014 02:10 PM
تاني ديكاتور، يا سيدي مع الدكتاتورية يأتي اللصوص ويصبح القتلة أمراء وتتكون الميلشيات وتشتعل الحروب.


#990578 [السادة]
0.00/5 (0 صوت)

05-01-2014 11:24 AM
التحلل يعتبر من فقه الكيزان. زيو وزي التوالي السياسي وفقه الضرورة. والا نسيتو الكلام دا خلاص.
اين شخ عبد الحي يوسف ومحمد احمد حسن والكاروري والا ديل ذاتم ماخدين قرصة وماسحين ليهم شنبهم لذالك ما يصدر عنهم من فتاوي بتكون في اتجاه الجماعة والا شنو الراي.

[السادة]

#990532 [kamuzu]
0.00/5 (0 صوت)

05-01-2014 10:46 AM
ناس تاكل كباب بالســــــــــــــــيخ وتاس بالســــــــيخة مـــفلوقة

[kamuzu]

#990481 [moheldeen]
0.00/5 (0 صوت)

05-01-2014 09:55 AM
تبا لمن جعل السودان وشعبه اضحوكة للشعوب . اللهم ابعث فينا عسكري ديكاتور يتنزع الرؤس من علي رقابها

[moheldeen]

#990480 [سوداني]
5.00/5 (1 صوت)

05-01-2014 09:55 AM
قال اكرم الخلق "لو فاطمة بنت محمد سرقت لقطع محمداً يدها"
وين الشريعة ي القلتوا حاكمين بالاسلام

[سوداني]

#990439 [محمد شرف]
5.00/5 (3 صوت)

05-01-2014 09:22 AM
أسئلة وفتاوى :
واحدة سرقت توب من جارتا بالصدفة السارقة والمسروقة ماشات بيت عرس بالمواصلات والسارقة لابسه نفس التوب . لو السارقة إعترفت وصاحبة التوب قالت ليها (إتحللي ) يعني تحل التوب من وسطا وسط الشارع ؟

[محمد شرف]

#990409 [المشتهي الكمونية]
4.88/5 (6 صوت)

05-01-2014 09:04 AM
الزول القبضوهو سكران برضو قال لي وكيل النيابة يا مولانا أنا عايز أتحلل زي جماعة الوالي ، وكيل النيابة سألوا تتحلل كيف ، السكران قال ما العرقي الشاربو دا أسه بطرشو

[المشتهي الكمونية]

ردود على المشتهي الكمونية
United States [جركان فاضى] 05-01-2014 09:41 AM
هههههههههه تعليق جميل


#990391 [النقر عثمان]
4.00/5 (4 صوت)

05-01-2014 08:53 AM
السرقة كوم واستفزاز الشعب كوم آخر ما معنى ود في ريعان شبابه أبوه فريق (في النهاية شغال في الحكومة) يقوم يدفع مهر 3 مليوووووووووووووون دولالالار مهر لبت فريق ،،، يعني نعرف الفريق الأول وارث ولا الود نقول شاطر (في التجارة وكده) خريج جامعة العافية!!! ولا نحن فينا شئ من البلادة وقلة الفهم ؟؟؟ وكمان يقوم يجيب دهب بكم مليون دولار الناس ده بتلقى الدولارات مجدعة في ياتو زقاق؟؟؟ نفهم وناس ما عندها طريقة عشان تغسل (مش هدوم) ولكن "كلاويها" وعدم غسيل معناتو بوتاسيوم في السماء وبوتاسيوم في السماء معناتو موت عديل ،،، ومع ده ود الفريق يقدم المهر والدهب لست الحسن والجمال بهذه الصورة الخرافية (احتمال الفريق ده برشلونه ولا مانشستر نحن ما عارفين) ؟

[النقر عثمان]

ردود على النقر عثمان
United States [جركان فاضى] 05-01-2014 09:44 AM
تقول لى زواج جماعى...دى فتحة الخشم بى كم


#990328 [kabashor]
1.00/5 (1 صوت)

05-01-2014 07:19 AM
حتى يكتمل التحلل لابد من حلق الراس وتقصير الاظافر وحفظ القران بالمقلوب .

[kabashor]

#990278 [moy ako]
1.00/5 (1 صوت)

05-01-2014 02:46 AM
مسلسل اللعب باسم الدين
حلقه التحلل
هذه مسخره فاتت حدها...
علمانيه اولا وثانيا واخيرا وقوانين وضعيه لاتتدلس وتتدعي قداسه في صناعتها وتشبه مافي العالم المتقدم من فصل السلطات ومحاسبه المعتدي خصوصا على المال العام.

[moy ako]

#990271 [ود شمين]
1.00/5 (1 صوت)

05-01-2014 02:27 AM
كــــــــــــــــــــــــــــــــــلام عجيب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ود شمين]

#990254 [الديمقراطي]
5.00/5 (8 صوت)

05-01-2014 01:32 AM
واحد في امتحان الشهادة المراقب قبضو شايل بخرة .قام اتحلل في نفس اللحظة . دا هل ممكن يذاع
ضمن المتفوقين اذا جاب نسبة 95 ؟

[الديمقراطي]

ردود على الديمقراطي
United States [زول قديم] 05-01-2014 02:38 AM
اصلي والله
دق الجلد


#990238 [ابومروان]
4.50/5 (5 صوت)

05-01-2014 12:41 AM
ناس بتسرق حق الحلة ومابتتحلل سجن طوالي وناس بتسرق ولاية وحلة وبتتحلل والله ياشعبنا يحلك الحلة بله

[ابومروان]

#990226 [Aboreem]
4.69/5 (5 صوت)

05-01-2014 12:09 AM
لا يوجد قانون جنائي في الدول العربية كافة يقر مبدأ التحلل لمن اعتدى على المال العام عن طريق التزوير وانتحال الشخصية وخيانة الامانة والاختلاس .فالمادة الواردة في قانون الثراء الحرام والمشبوه والخاصة بتحلل السارق من المسروق بدعة لاتوجد لها مثل في قوانين العقوبات او الجزاءات في الدول العربية ولا حتى في الفقه الانجلوسكسوني والتي ينتمي اليها المدرسة الهندية والسودانية . اذن المختصر المفيد نحن نطالب باعادة محاكمة المختلسين تحت مواد القانون الجنائي لعام 1991م المواد الخاصة/التزوير/الاختلاس /خيانة ا/لامانة/ انتحال شخصية موظف عام. وان يكون الحكم مشدد لان هذامال لذا يجب ردع كل من تسول له نفسه الاعتداء على المال العام ..
في السعودية هناك صندوق خاص باموال التحلل ولكن لمن لم يتم قبضه من قبل السلطات المختصة .. يعني الواحد سرق ولكن نظراً لتأنيب الضمير ومخافة الله يرجع المبالغ المسروقة .. ولكن خلي بالك ان هذا الانسان لم يتم القبض عليه ولكن يريد ان يطهر نفسه من المال الحرام ؟؟ اما موضوع موظفي مكتب الوالي فمختلف جدا تم القبض عليهم بالثابتـــــــــــــة .. يعني ما في اي تحلل ولا يحزنون يمشوا سجن الهدي بعد ما يرجعوا كل الفلوس السرقوها من الشعب السوداني

[Aboreem]

#990180 [الجبرتي]
5.00/5 (1 صوت)

04-30-2014 10:29 PM
قيطاني حريف السرقه يا اهلنا اصبحت مهنه لا يستطيع اي شخص ان يعمل بها السودان شكلو ماشي بمقولة ملس زيناوي المشهوره السرقه مهنه اذا اتمسكت اصبحت جريمه

[الجبرتي]

ردود على الجبرتي
[Ahmed] 05-01-2014 09:54 AM
كلمة قيطانى دى جبتها من وين!!!!! انحن اولاد الخرطوم زمان الوحيدين البنعرف معنى قيطانى (نشال)


#990174 [ابواحمد]
2.50/5 (2 صوت)

04-30-2014 10:12 PM
الماعندوالضهربنضرب علي بطبنوهذااخرالزمان اناس اذاسرق فيهم الغني تركوهو واذا سرق الضعيف اقامو علي الحد حسبنا الله ونعم الوكيل الله قادر ياخد لهذا الشعب المغلوب علي امرو حقو بالتمام والكمال

[ابواحمد]

#990163 [الغريب عن وطنو]
1.00/5 (1 صوت)

04-30-2014 09:53 PM
اللص الظريف ... هههههه
ما فيش حد احسن من حد يا عم الحج ..

[الغريب عن وطنو]

#990151 [عصمتووف]
1.00/5 (1 صوت)

04-30-2014 09:29 PM
لذلك حق علىنا بأن نعبد وداً وسواغا ويعوق ونسرا مافيش حد افضل من حد وسابقة مكتب الوالي تعتبر سابقة قانونية واي سابقة قانونية قانوووووووووون يلا ي بعد كده نسرق اموالنا لمواجهة العلاج والدراسة والمعيشة اليومية بدلا ان تهرب الي الخارج او شراء الفلل مليون دولار كما تعرض اعلانتها في الصحف

[عصمتووف]

ردود على عصمتووف
European Union [عصمتووف] 05-01-2014 09:15 PM
قصدي الاصنام البشرية ارجو ان تكون فهمت المغزي ماهم الملائكة وكلهم صاح ونحن خطا وانا فابض علي ديني والحمدلله والله تحت تصرفي ملايين ممكن اتصرف فيها بدون اي شخص يعرف فيهم لكن نحمد الله تربيتنا تربية الوالد الله يرحمة ووصيته لنا لا تنظر لفوق انظر دائما لتحت منك وقول الحمدلله وهانذا اقول الحمدلله ولا تنسي تعليمنا المدرسي فبل الانقاذ وتربية الشارع والجار نظرية تعليمنا الزمان لناظر المدرسة شيلوا اللحم وادونا العضم طلعنا نحافظ لبنت الحلة خليك من بنت الجار الذي كان يوصي جيرانه حين يسافر بحراسة اسرته ولم ولن نتغيير

United States [سعيد] 05-01-2014 10:49 AM
كيف تعبد الاصنام اسرق واشرب الخمرة ولكن خليك علي اسلامك عسي الله يتوب عليك


#990145 [جركان فاضى]
4.00/5 (2 صوت)

04-30-2014 09:20 PM
هل التحلل يكون للص الذى سرق ولم يكتشف امره وجاء طواعية ليرد المسروقات؟ ام يكون التحلل للص الذى سرق وضبط متلبسا بالسرقة؟

[جركان فاضى]

#990135 [شوكال]
5.00/5 (7 صوت)

04-30-2014 09:01 PM
حليلك يا مسكين تسرق سفنجة و ملاية .. و تروح فيها .. و غيرك يسرق ولاية .. و يتحلل .

[شوكال]

ردود على شوكال
United States [جركان فاضى] 05-01-2014 09:30 AM
قال جبران خليل جبران
وسارق الزهر مذموم ومحتقر وسارق الحقل يدعى الباسل الخطر

European Union [نهبوك يا وطن] 04-30-2014 11:13 PM
حلوة منك. ممكن اسرقها؟؟


#990129 [أم كرتبو]
4.25/5 (3 صوت)

04-30-2014 08:43 PM
لص مواكب والله. ...وﻻبد من وجود مساواة في معاملة اللصوص الصغار أسوة بمعاملة اللصوص الكبار. ....وكمان ﻻبد الشعب السوداني يقاضي المدعوة سعاد الفاتح ﻻنها اتهمت 75% بممارسة السرقة أسوة بمقاضاة الصحفية فاطمة شاش

[أم كرتبو]

#990125 [الكنزي]
1.00/5 (1 صوت)

04-30-2014 08:35 PM
يفكوهم كيف هل ديل سرقوا هذه الاموال ام لا الحكايه واضحه وضوح الشمس يبدوا انهم جروا ورائهم اخرين عتاه والعتاه ديل هددوا بالاخرين بالمواقع المختلفه والامور ربما تجرجر مواقع كل الفساد ,,,,,,عجبي

[الكنزي]

ردود على الكنزي
United States [جركان فاضى] 05-01-2014 09:38 AM
والجاب التحلل شنو؟ ما الخوف من الجرجرة دى ذاتها


#990112 [basheer]
4.88/5 (6 صوت)

04-30-2014 08:18 PM
يحاكم ويحاكموا ولايصح الا الصحيح مهما طال الزمن والضحك مابيحل المشكلة ويقدم السودان
اذا كانت محاكمتهم تاخذ اجراءتها وتستمر حتي يحاكموا محاكمة عادلة وقوتنا المطالبة بذالك بشدة وليس نحن من دعاه الياس ولخبطة الكيمان ليخرجوا ويخرج الحرامي ولا هذا ولا ذاك والترويج لذالك انما للحرب النفسية وايهام الجميع بانه لايمكن محاكمة الجميع والا فالفوضي وايضا المعلقيين الذين يؤيدون تركه (اي الحرامي ) انما يؤيدون تركهم بصورة غير مباشرة ... نعم نحاكمه (الحرامي ).. بل محاكمته تكون لنا سندا وبينة وقوة للاستمرار بالمطالبة بمحاكمتهم والقانون يعلو ولا يعلي عليه .. اذا كان اليوم او غدا اوبعد شهور .... والحديث بما معناه اذا سرق الشريف تركوه واذا سرق الضعيف اقامو عليه الحد ... ليس معناه ترك الضعيف والشريف بدون محاكمة .. بل كل يحاكم محاكمة عادلة طبقا للنظر في حالتهم من العدالة وان لم تكن العدالة اليوم فهي اتيه لامحالة انشاء الله والله المستعان ...

[basheer]

#990111 [بريش منصور]
4.50/5 (5 صوت)

04-30-2014 08:18 PM
سرقة مليارات ونهب ولاية أمر فيه نظر
ونشل محفظة في حافلة أمر غاية الخطر.....

[بريش منصور]

#990110 [انتصار محمدين]
4.50/5 (4 صوت)

04-30-2014 08:17 PM
اذا كان رب البيت بالدف ضاربا فشيمة اهل البيت كلهم الرقص.

[انتصار محمدين]

ردود على انتصار محمدين
[yousif] 04-30-2014 10:01 PM
فما بالك بالذى يرقص ويدق الدف ..بلد كلها فساد وفسوق وعصيان أعوذ بالله منهم


#990103 [بت قضيم]
4.00/5 (3 صوت)

04-30-2014 08:02 PM
لا يوجد خيار وفقوس في جناية السرقة والسرقة هى السرقة سوى كانت من بيت خاص او من المال العام واخطرها من المال العام رغم الاختلاص تضاف اليها مادة اخرى وهى خيانة الامانة وهى اخطر من سرقة المال الخاص

[بت قضيم]

#990092 [بت حبوبتها]
4.50/5 (4 صوت)

04-30-2014 07:50 PM
بعيدآ عن موقف اللص المنطقي "بتحلله" مما سرق مواكبآ موضة "التحلل" في القضاء الإنقاذي للإفلات من العقاب, فإننا نرجو الإخوة كتاب وقراء الراكوبة من أهل القانون إفادتنا بكيفية ابتكار التحلل وهل يتم العمل به في قضايا سرقة المال العام فقط لإنقاذ أهل الإنقاذ من عقوبة السجن وتوابعه أم أنها تنطبق أيضآ على جرائم السرقة الشخصية كما في حالة اللص المذكور, وإفادتنا أيضآ بأي معلومة تساعدنا على فهم بدعة التحلل دي لنحكم عليها بطريقة علمية

[بت حبوبتها]

#990091 [ده الزول داك زاتو]
4.63/5 (4 صوت)

04-30-2014 07:48 PM
وديني اللص دا مثقف جدا
ومن حقو يطالب بالتحلل طالما الكيزان فتحو باب التحلل دا

الله يافو القانون السوداني

[ده الزول داك زاتو]

ردود على ده الزول داك زاتو
United States [جركان فاضى] 05-01-2014 09:33 AM
طيب دا لو قرا قانون يكون كيف؟ اقترح منحه منحة دراسية لدراسة القانون


#990090 [رانيا]
5.00/5 (5 صوت)

04-30-2014 07:47 PM
كل يوم طالعين بتقليعة جديدة ما بنسمع بيها إلا في السودان .. حسه التحلل ده موضة ولا شنو ؟

[رانيا]

#990086 [جدودنا زمان]
3.75/5 (4 صوت)

04-30-2014 07:44 PM
اناشد صحافيينا الشرفاء الوقوف خلفه ليتبين للجميع ما ستفعله حكومة (الانقاذ) في شأنه ولم تمضي ايام على تحلل جهابزة اللصوص واطلاق سراحهم

[جدودنا زمان]

#990085 [زول غلبان و تعبان من السمدان]
5.00/5 (1 صوت)

04-30-2014 07:42 PM
كلام عجييييييب،،،،،،،، سودان القرف. تبا لكم كيزان السجم. والله المستعان

[زول غلبان و تعبان من السمدان]

#990068 [Izz Daoud]
4.25/5 (3 صوت)

04-30-2014 07:24 PM
والله لو في عدل في البلد دي من حقه .. ويسموا التحلل الاصغر حسب قيمة المسروقات ..

[Izz Daoud]

ردود على Izz Daoud
United States [جركان فاضى] 05-01-2014 09:34 AM
اجمل تعليق


#990059 [صلاح محمدى]
4.38/5 (4 صوت)

04-30-2014 07:16 PM
الفرق بين الحرامى الصغير هذا وحرامية مكتب الوالى بما فيهم الخضر (الما دكتور كما جاء فى الاخبار) الفرق كاتى
في واحد بيسرق خروف السماية ( قد يسجن بعض عام )
وفى واحد بيسرق ولاية (ويتحلل من بعض مال )

[صلاح محمدى]

#990056 [اقبضو السفاح الهارب من العدالة الدولية]
4.25/5 (4 صوت)

04-30-2014 07:12 PM
حليلك بتسرق سفنجة وملاية
وغيرك بيسرق خروف السماية
تصدق في واحد بيسرق ولاية ؟ .

[اقبضو السفاح الهارب من العدالة الدولية]

#990047 [kalifa ahmed]
4.94/5 (8 صوت)

04-30-2014 07:02 PM
فردة تفتيحة شديد !!!!!! ما حكم السيد القاضي والسابقة دمها أحمر قدامو ومن أعلى مستوي قضائي ووزير العدل واقف فوق الضبيحة؟؟؟؟؟؟؟؟؟

[kalifa ahmed]

#990032 [:::::: بــيكو :::::]
4.94/5 (8 صوت)

04-30-2014 06:49 PM
تحلييييييييييييل الله أكبر

[:::::: بــيكو :::::]

#990018 [habbani]
2.63/5 (4 صوت)

04-30-2014 06:33 PM
ولصوص بيت قطبى الا تحللا ينجيهم حين كان المسروق ماله مؤتمر وطنى وليس مال الشعب السودانى

[habbani]

#990016 [هبار شروك الليل]
4.00/5 (3 صوت)

04-30-2014 06:32 PM
كلامو صاح اللص دا ناس يفكوهم وناس يحاكموهم مفروض يفكوهو زي موظفين الوالي والله دا لص ظريف لكن هههههههههه

[هبار شروك الليل]

#990009 [حمزة محمد]
3.50/5 (2 صوت)

04-30-2014 06:26 PM
الغرض والهدف من القانون والقاعدة القانونية هو تحقيق العدل واحقاق الحق دون تميز اومحابه وتنظيم علاقات الناس والمجتمع واى قاعدة قانوية تخرج عن هذا هى قاعدة شاذه واذا اخذ بهذه القاعدة الشاذة واصبحت سابقة مع جماعة الوالى سرقة ومضبوطات واعتراف كامل اذا لماذا الضحك على هذا الحرامى ولله هو مواطن درجة تالتة فهو اتحلل مما سرق كما اتحللو السرقة هى السرقة كان وزير كان صغير وخلونا من المغالطات القانونية المفصلة واعملوا الضمير

[حمزة محمد]

#989997 [ود التاكا]
3.63/5 (5 صوت)

04-30-2014 06:09 PM
من حقو ولا تحلل لصوص المؤتمر مابمشي علي الكل إذا سرق فيهم القوي تركوه وإذا سرق الضعيف اقاموا عليه الحد سودان الحراميه والمنافقين والمتاجره بإسم الدين حسبنا الله ونعم الوكيل

[ود التاكا]

#989996 [awad]
3.75/5 (6 صوت)

04-30-2014 06:07 PM
البلد أصبحت جبانة هايصة لا قانون ولايحزنون وبالتالى يعتبر هناك فراغ دستورى أى يعنى بالأصح لاتوجد حكومة طالما القانون والدستور يخرق ولا يعتد بهم بصريح العبارة ليست هناك حكومة محترمة بل نحن محكومون بقانون الغاب اللصوص الدستوريين يطلقون ولا يحاكمون ويحاكم اللص الضعيف بل فى بعض الأحيان بمدد طويلة فى سرقة لا تتعدى الواحد من المليار مما سرقه الدستورى.على كل القضاة الشرفاء تقديم أستقالاتهم أن حوكم هذا اللص.

[awad]

#989960 [الهمبريب]
4.75/5 (6 صوت)

04-30-2014 05:30 PM
والبضحك شنو كلام
ولا بضحكو في ضياع البلد
حتي القاضي قرقر ومبسوط من ضياع العدالة

[الهمبريب]

#989959 [سيمو]
4.75/5 (7 صوت)

04-30-2014 05:30 PM
عافيت منه دنيا وآخرة،، لو كنت مكان القاضى لأطلقت سراحه فورا،، ولو كنت صاحب الأشياء المسروقة لسحبت الشكوى وتنازلت،، بس مل عرفنا الحكم النهائى كان كيف.

[سيمو]

ردود على سيمو
European Union [ابوهشام] 04-30-2014 07:34 PM
يكون اجلوا النطق بالحكم من القرقرة والضحك


#989956 [أبوعلي]
5.00/5 (5 صوت)

04-30-2014 05:26 PM
هذا محتاج أخذ(عيانا بيانا) وبرجولة رغم خطئه ليعيش أسرة
الوالي وتابعيه خانوا أمانات شعب بأكمله في خسّة ووضاعة
ليحرموا الأطفال والمرضي والجوعى من حقّهم في استمرار حياتهم
حانت ساعة الصفر يا أنذل خلق الله البشير ومعك قطيعك الجبان

[أبوعلي]

#989950 [صابر مصبر]
4.50/5 (3 صوت)

04-30-2014 05:21 PM
لابد من الوقوف مع هذا الص إلي انيتم تحللهو
وأن تسير مظاهرات الي تلك المحكمة من اجل اطلق كافة صغار الصوص

[صابر مصبر]

#989945 [مواطن]
5.00/5 (3 صوت)

04-30-2014 05:19 PM
كان لو سرقت من مكتب الوالي او بيت الوالي..........تحلل طوااااااااالي

[مواطن]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة