الأخبار
أخبار إقليمية
حميدة للأطباء المهاجرين: ما عندنا مشكلة (حيجوا غيرهم)
حميدة للأطباء المهاجرين: ما عندنا مشكلة (حيجوا غيرهم)
حميدة للأطباء المهاجرين: ما عندنا مشكلة (حيجوا غيرهم)


غير منزعج لهجرتهم
05-01-2014 10:50 AM
الخرطوم: ندى رمضان
قلل وزير الصحة الولائية مأمون حميدة من موجة هجرة للأطباء والاختصاصيين للخارج بقوله: (ما عندنا مشكلة مع الناس المشوا حيجوا ناس غيرهم) (وما دام في رحم ما حا نتوقف) وأكد حميدة في مؤتمر صحفي أمس للإعلان عن المؤتمر الأول لطب الأسرة بالبلاد فاعلية برنامج الخارطة الصحية وجدواه لافتاً إلى أن وزارته ولم تأت به من فراغ، وأشار الى تقييم تجربة الخارطة الصحية بالولاية عبر بيت خبرة كيني، بقوله: "عشان ما يقولوا جابهم مأمون من جامعته أو الزيتونة" وفي السياق لفت إلى تدريب (1500) طبيب بولاية الخرطوم مضيفاً أن النقلة التي حدثت في المراكز الصحية أدت إلى نشر الخدمات الصحية في الأطراف مؤكداً أن نسبة التغطية بخدمات الرعاية الصحية الأساسية بالولاية بلغت (92%).

الجريدة


تعليقات 14 | إهداء 0 | زيارات 4190

التعليقات
#991222 [سوداني انا]
5.00/5 (1 صوت)

05-01-2014 11:17 PM
احكي لكم قصه :

لي صديق اختصاصي اطفال يعمل بأحد المستشفيات و جاتو منحه بمجهودو الشخصي و علاقات احد زملائه لعمل زمالة في تخصص نادر الاطفال من احدي الدول الغربية .لهنا و الموضوع عادي ..
طلبت هذه الدوله من الطبيب اعلاه ان يعمل فيش و تشبيه كإجراء و شرط للحصول علي الفيزا .. برضو امكن عادي .. ذهب الطبيب لعمل الاجراء فكان سؤال الضابط المسئول له : انت شغال شنو ؟ فرد بكل صدق انه طبيب . .. فوق الضابط وقال له انتو الاطباء محظورين من السفر بأمر وزارة الصحة ؟؟؟؟
قال ليهو بس انا ماشي دراسة .. قال ليه بعد ملاواه لاقناعه امشي لي ناس المباحث اولا او امشي وزارة الصحة ادفع 72 مليون عشان يدوك خلو طرف ! هكذا قالها ..قال ليهو ماعندي القروش دي .. بعدها قال ليهو حلك المباحث ؟؟ بس امشي و ماتقول انك طبيب .. جيب الفيش و التشبيه و انحنا بنطلع ليك اذن السفر .. اي والله هكذا حكي لي صديقي وهو يتحسر علي حاله و حال البلد ..
ذهب للمباحث و قال لي بالحرف الواحد ساخرا : الليله اخوك بس زي الحرامي من بعد صلاة الصبح وحتي الساعة الثانية ظ وهو من صف لي صف و اخيرا جاء دوره ....
والبقية لكم ان تتخيلوها عندو يقف المواطن طلبا لحق ماذا يفعل به ؟؟؟

خرج متحسرا كسيرا علي ضياع فرصة تأهيل للدراسات العليا يدعو عليهم دعاء المظلوم الذي ليس بينه و بين الله حجاب ..
قاتلك الله يا مأمون حميده و من معك ..
اللهم ارنا فيهم يوما اغبرا اللهم انهم لا يعجزونك .. آمين ..

[سوداني انا]

#991022 [العاقل]
5.00/5 (1 صوت)

05-01-2014 06:33 PM
طبعا حا يمشوا مما دام بتصرفوا للاخصائي ماهيه مليون وبمشي بره بصرف خمسه واربعين مليون المقعدوا شنو في الظلم ده

[العاقل]

#990791 [kKambalawi]
4.50/5 (4 صوت)

05-01-2014 02:25 PM
مكان كلية الطب شرق المطار هي أرض المطار Funnel Area وتتبع لسلطات الطيران المدني, إحتلاها مامون حميدة... أموال الشعب السوداني المنهوبة من بنك الثروة الحيوانية, هي مابني به إمبراطوريته.

[kKambalawi]

#990782 [السادة]
4.00/5 (3 صوت)

05-01-2014 02:16 PM
الخبيث عايز الساحة تكون خالية من المنافسين...لذالك لا يهم ؟؟؟

[السادة]

#990749 [shah]
4.38/5 (4 صوت)

05-01-2014 01:42 PM
هذا المخلوق ليس له جلد تمساح فحسب ... بل له مخ تمساح ايضا... الدول تجاهد بكل الإمكانات لتوفر معدل طبيب أو أكثر لكل ألف من السكان ... وتمساح الدميرة هذا لا تزعجه هجرة الأطباء.

[shah]

#990741 [ودالنيل تمساح]
1.00/5 (1 صوت)

05-01-2014 01:37 PM
بلد سايبه مظبوط
ده وزير بيصرح وكان البلد مملوكه لعائلته
المواطن الغلبان انفق من عرق جبينه لهؤلاء الاطباء
وليست الدوله التى يديرها امثالك ياسجمان انت
ديل اكفاء والبلد محتاجه ليهم تجى انت ببساطه تقول مامشكله
خليهم يمشوا بيجوا غيرهم
البلد لو كان فيها انسان فيهو زره بس بتاعة ضمير كان قفلك
فى حته ماتعرف شكلها ولالونها لكن لللاسف الحامى الحرامى
يخليك تصرح بتصريحاتك الغزره دى
انت لانك مابتعرف قيمة الطبيب السودانى بالنسبة للمواطن
وبعدين تعال معناه حتعتمد على الاطباء المضروبين الفاتحين عيادات
وفى افخم الاحياء فى الخرطوم والاقاليم وهم ممرضين فى دولهم لكن عندك انت اطباء
وفتحت ليهم الباب من غير متابعه
ااااه يابلد نبكى عليك فى زمن هؤلاء العصابات
برضو ليكم يوم وحتمشوا زيما مشى صاحبكم هو واولاده من غير رجعه
وحتى حياة البزخ التى كانوا ينعمون بها اصبحت فى الحلم
وهو قزافى عشان كده نتمنى ليكم مشية زى حقته
لكن مشيتكم بقت تنشاف بالعين

[ودالنيل تمساح]

#990680 [abu modi]
5.00/5 (1 صوت)

05-01-2014 12:43 PM
دايرين بيت خبرة تشادي يا حميدة

[abu modi]

#990645 [لطاش]
1.00/5 (1 صوت)

05-01-2014 12:17 PM
دا كلام بالله عليكم يقولو وزير انت قاعد ليه ماتهاجر برضو

[لطاش]

#990638 [مساكم خير]
3.00/5 (2 صوت)

05-01-2014 12:13 PM
مامون حميدة - هل الذين سيأتون سيكونون في مثل كفاءة وخبرة من هاجر - بالطبع والاكيد لا - لانهم سيحتاجون زمنا للخبرة والتأقلم - الحل انك ياحراااامي زمانك أن تستقيل وتترك المجال لمن يملكون الكفاءة والتجرد لخدمة الوطن - وأيضا ان يقوم من ياتي بتحسين بيئة العمل للاطباء وتحسين من الرواتب والبدلات حتى يستطيع الاطباء تقديم الاحسن وتطوير المستشفيات وتأهيلها - الله يعين السودانيين بالداخل منكم يارأسمالية طفيلية ومتسخة ومرتدية عباءة الاسلام وهو منكم برئ - حسبنا الله ونعم الوكيل في كل ظالم

[مساكم خير]

#990629 [sasa]
1.00/5 (1 صوت)

05-01-2014 12:07 PM
لانو تابع كيزان ذليل ومستثمر فى مجال تفريخ الكوادر الطبية من جامعته ... هو اصلا مغربى الجنسية اى من المغاربة الذين نزحوا للبلد الهامل

[sasa]

ردود على sasa
United States [محامي الشيطان!!] 05-02-2014 05:43 PM
نحنه اصلنا ضارننا النازحين من بره البلد!!!!ماعتدهم ولاء للبلد المهم يغنو!ويطفشو ناس البلد!!!بيكون عندهم عقدة نقص!!!!

[بركاتو] 05-02-2014 09:14 AM
مين قال ليك مغربى - الراجل سودانى اصيل من قبيلة الفلاته .


#990627 [هيثم بشرى]
1.00/5 (1 صوت)

05-01-2014 12:04 PM
البيزعجك شنو بطل غطرسه أرواح المرضى في ذمتك من قتل مؤمنا كأنما قتل الناس جميعا

[هيثم بشرى]

#990610 [الغضنفر]
5.00/5 (2 صوت)

05-01-2014 11:51 AM
( بيت خبرة كيني)؟؟؟
لا.. لا.. يمكن بدل (الصاد) كتبوا (كاف)..خطأ طباعي!!!
آي .. شايف الأيام دي بيتبادلوا أشياء كتيرة مع جيبوتي و تشاد و أثيوبيا!! أمال كيف حنطور البلد و نمشي لقدام؟؟؟ أسألني دبل.

[الغضنفر]

#990568 [ودالشريف]
1.00/5 (1 صوت)

05-01-2014 11:12 AM
والله يا د كتور مامون حميدة نسال الله تمشي انت وتفكنا منك راجل ما بتستحى ياخى عايز مننا شنو مال ومليان لى حلقك عايز من اهل السودان ليه بتدمر وتهجر فى الكفاءت انت قايل الدكاترة البيتخرجو اسي من جامعتك دى دكاترة غايتو نسال الله يفكنا منك احسن نسكت بس ونسال الله ان ياخذكم اخذ عزيز مقتدر ويا دكتور مامون حواء ولادة بس رجال حايكنسوكم لمزابل التاريخ وهذا زمانك يا مهازل فامرحى

[ودالشريف]

#990547 [جنوبي]
5.00/5 (2 صوت)

05-01-2014 11:02 AM
طيب ما كان بتمها ( ما عندنا مشكلة مع الناس المشوا حيجوا ناس غيرهم يتعلموا في الشعب ويمشوا برضو )
بيت خبرة كيني !!؟ سبحان الله بقينا نستعين بالمعانين !! في تدهور اكتر من كده يا حمّيضه ؟

[جنوبي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة