الأخبار
أخبار إقليمية
جهاز المغتربين وهيئة الجمارك يتفقان على اعادة تشكيل اللجنة الفنية المشتركة بين الجانبين
جهاز المغتربين وهيئة الجمارك يتفقان على اعادة تشكيل اللجنة الفنية المشتركة بين الجانبين
 جهاز المغتربين وهيئة الجمارك يتفقان على اعادة تشكيل اللجنة الفنية المشتركة بين الجانبين


05-01-2014 05:32 PM
اتفق جهاز تنظيم شئون السودانيين بالخارج وهيئة الجمارك ، على اعادة تشكيل اللجنة الفنية المشتركة بين الجانبين ومنحها المزيد من الصلاحيات لتقديم خدمة ميسرة للمغتربين ، وتكوين دليل جمركى يوضح الاشياء المسموح بها بالنسبة للسودانيين بالخارج والفئات التى شملها القرار ، وكمياتها ، والممنوع منها ، وتعميم هذا الدليل على السفارات السودانية بالخارج .وناقش اللقاء الذى جمع بين الامين العام لجهاز تنظيم شئون السودانيين بالخارج السفير حاج ماجد سوار ، وسعادة اللواء شرطة الدكتور سيف الدين عمر سليمان المدير العام لهيئة الجمارك ، صباح اليوم ( الاربعاء 30/4/2014 ) بالهيئة عدداً من الجوانب المتعلقة بالاستثناءات الجمركية الممنوحة للسودانيين بالخارج فيما يتعلق بالامتعة الشخصية والسيارات ، واستعرض اللقاء بعض الاشكاليات التى صاحبت التطبيق فيما يتعلق ببعض الفئات كالسودانيين من اصول اجنبية ، واسر المتوفين الى جانب السيارات التى يتم استيرادها بواسطة السيدات ، وسيارات الافراج المؤقت ، هذا فضلاً عن استغلال البعض للامتيازات الممنوحة للمغتربين فى هذا الصدد . من جانبه كشف السفير حاج ماجد سوار الامين العام لجهاز المغتربين خلال اللقاء عن عزم جهاز المغتربين على طرح مشروعات للمغتربين خلال خطته لدعم السياسات التشجيعية للسودانيين بالخارج وتقديم حوافز لهم بما يحثهم على تحويل مدخراتهم الى البلاد ، ذكر سوار خلال اللقاء حزمة من البرامج والمشروعات من ضمنها مشروع الاحصاء القومى للسودانيين بالخارج وصندوق دعم العودة الى طرح مشروعات استثمارية فى الولايات بالتنسيق مع مفوضيات الاستثمار بالولايات والجهاز القوم للاستثمار .الى ذلك كشف سوار عن عزم وزارة المالية الاتحادية عن طرح صكوك فى المشروعات القومية الناجحة كمشروعات السكر بالنسبة للمغتربين ، الى جانب مشروعات الاسكان عبر الخطط الاسكانية والمخططات السكنية بالتعاون مع الصندوق القومى للاسكان والتعمير والصناديق الولائية ، ونوه سوار الى ان الاعفاءات الجمركية والاستثناءات الممنوحة للمغتربين تحتاج اعادة ترتيب وتنظيم بالتنسيق مع هيئة الجمارك وهناك بعض القضايا والمشكلات التى برزت خلال التطبيق خاصة فى حالات السودانيين القادمين من اعالى البحار ومن الدول التى لا تسمح نظمها بتصدير السيارات الى جانب سيارات السيدات القادمات من المملكة العربية السعودية ، مؤكداً فى هذا الصدد حرص الجهاز على سد هذه الثغرات . وفى الصعيد ذاته اكد اللواء سيف الدين عمر سليمان ، مدير عام هيئة الجمارك على حرص الهيئة واستعدادها التام لمعالجة كافة ال مشكلات التى تعترض السودانيين بال خارج فى هذذا الخصوص خاصة الفائات الاربع التى استهدفها القرار بمراعاة كافة الظروف المصاحبة لتلك الحالات وفقاً للشروط التى ينص عليها القانون

جهاز تنظيم شؤون السودانين العاملين بالخارج


تعليقات 9 | إهداء 0 | زيارات 2235

التعليقات
#992023 [دياب]
0.00/5 (0 صوت)

05-03-2014 11:06 AM
ياحاج ماجد سوار اذا كنت تقرا كتابتى هذه فاسمع مااقول لك اذا عايز المغتربين الى جانبك اسالهم ماذا تريدون ونفذ لهم وعندها

[دياب]

#991695 [ساعي البريد]
5.00/5 (1 صوت)

05-02-2014 06:57 PM
عجبونى اوﻻد الكيزان
خلوا الغنم والخرفان
لبسوا البدل والقمصان
ركبوا الكليك والتوسان
سرقوا البلد من زمان
من نياﻻ لى قيسان
عجبونى الليله جوا سرقوا البلد نضفو...ا
عجبونى أوﻻد الوالى
نبشونى وشالوا حالى
سرقونى ورفدوا خالى
طول الليل ﻻفين طوالى
نهبوا البلد باللوارى
ودقسونا بالكبارى
عجبونى الليله جوا
نهبوا البلد نضفوا
عاجبني اب عينا شراره
ساس الناس بالحقاره
يوم دخل للبيت زياره
شال وداد وشال عياله
حرق ابوهم بالطياره
عجبونى الليله جو
سرقو البلد نضفو
عجبونى الليله جوا
سرقوا البلد نضفوا
عجبوني
عجبونى الليله جوا
سرقوا البلد وقسموا
عجبوني النفخوا الجيوب
عجبوني الفصلوا الجنوب
يوم الحاره بقولوا ووب
في لاهاي ليهم دروب
عجبونى الليله جو
سرقو البلد نضفو
عجبوني اولاد
الضهاري
خلوا المنجل والطواري
نهبو الطرق والكباري
وشالو المال باللواري
عجبونى الليله جو
نهبوا الوطن
قمحو...ا

[ساعي البريد]

#991661 [ودالعمدة]
5.00/5 (1 صوت)

05-02-2014 05:36 PM
عزيزنا رئيس الجهاز :
نحن الوحيدين في العالم اللذين ندفع جمارك لسياراتنا بمثل ثمنها أي سيارة للحكومة في مقابل جمارك سيارتنا فكيف يقدر المغترب علي هذا الظلم !!!نطالب بتخفيض هذه الجمارك الجائرة واذا دفعنا جماركنا بالتقسيط علي دفعات اريح لنا ولكم ......كما اننا نعاني في الموانئ من تاخر عفشنا وامتعتنا كان في السابق يصل عفشنا المشحون يصل السودان في شهر واحتجينا والان بفعل سياسة مدراء المواني الجدد عفشنا يصل في 3شهور ونعم التطور والتقدم ومحطم ومكسر تكسير .....نرجو منك زيارة الي ميناء سواكن وبورت سودان لتري بنفسك التسيب والمهازل في معاملة المغتربين وامتعتهم

[ودالعمدة]

#991491 [ود احمد]
0.00/5 (0 صوت)

05-02-2014 12:09 PM
اسماء مملكة في غير موضعها كالهر يحكي انتفاضة صولة الاسد

[ود احمد]

#991273 [ربش]
5.00/5 (1 صوت)

05-02-2014 01:24 AM
ياخي تخخخخ !!!!!!!!!!

[ربش]

#991267 [ودالباشا]
5.00/5 (2 صوت)

05-02-2014 01:11 AM
شوفوا مغترب واحد بصدقكم مافى لاعايزين شركات ولاحفارات نحس بأى رسوم جديدة من العابكم تانى اجازانتا ما حانجى السودان اى واحد يرسل لاهله ويقضى معاهم الاجازة فى اى دوله مجاورة واذا عايزين تلوا ضراعنا بى جوازكم دا وتكرهونا برسوم تجديد او اى رسوم ملحق به بنغيروا ان شاءالله بجزر القمر ونرتاح من لهط سفاراتكم ونقطع وشنا خااااالص

[ودالباشا]

#991121 [ودالشريف]
0.00/5 (0 صوت)

05-01-2014 08:32 PM
شر البلية ما يضحك اها اتفقتو على شنو ؟ لك الله يامغترب عذبوووك هناك لما اجبرووك تهاجر وفى هجرتك الناس ديل ماعايزين يخلوك تحايل ونصب واحتيال ياخى فكونا بس ماعايزين مشاريعكم ولا عايزين منكم اى حاجة بس حلو من سماءنا كرهتونا يا حرامية وين سندس وين الوادى الاخضر وين اسهم بنك الخرطوم وين وين كله نصب فى نصب شبعنا وعود وكذب مااااااااعاااايزين منكم اى حاجة فهمت يا انقاذى يافاشل ولا نعيدو ليك

[ودالشريف]

#991099 [basheer]
0.00/5 (0 صوت)

05-01-2014 07:58 PM
الله الله بداية الدخول في الغريق والعوم بدل الخواضه والمثل المصري بيقول المية بتكدب الغطاس ... الان جاء دور التعامل بحزر شديد وذالك من التجارب الثرة التي خاضها المغتربين والكلام دخل الحوش ... بداية التنظير ثم التسطير ثم بعد ذالك اما الجد والصدق لما يقال وينشر يامدير الجمارك وامين جهاز المغتربين او الكذب والحيلة والغش وهذه المرة ان لم تكون الجد والصدق فسوف تكون لامحالة قاصمة الظهر ... نسال الله ان تكون الجد والصدق وربنا يكضب الشينة واعرف تماما ياامين جهاز المغتربين انو بعدين مابتنفع استقالتك بعد الفاس ماتقع في الراس لان هذه الدراما اعتدنا عليها كثيرا ... وسيارات السيدات القادمة من المملكة ماهي العقبة الكبيرة للاستمرار في تقنيين الجمارك (Please Straighten out from the Beginning you man and don't move in Zig Zag Way ).... خليك واضح من البداية وبعيد من الاشتراطات بمصانع السكر وخلافة وجعلها شرط لبعض الميزات لكنس الاول والاخر ... المغتربين مفتحيين المرة دي لانهم عارفيين مصانع السكر ومابها وماعليها .. المغتربين لاعاوزيين يدخلوا في شركات ولافي مشاركات والمرحلة هذه سابقة لاوانها حتي تبني الثقة تماما ونشوف ميزات السيارات والتعليم وبقية الجمارك المختلفة لمختلف احتياجاتهم وتسهيل اجراءاتهم في الداخل والخارج وكل ذالك يبطبق علي ارض الواقع وضمان استمراريته اكرر ضمان استمراريته .. بعدين وتلقائيا المغتربيين مابيقصروا تب في الوطن ومستعدين والبيان بالعمل ... والله المستعان ونسال الله الهداية والتوفيق للجميع والصدق....

[basheer]

#991004 [في التنك]
0.00/5 (0 صوت)

05-01-2014 06:19 PM
طبعا سوار الحرامي بدأ عهده برسوم جديدة وهي (الدليل الجمركي ) الذي ستفرض عليه كل السفارات ومكتب جهاز المغتربين في الخرطوم رسوم عند تجديد الجواز أو عند تأشيرة الخروج مثل بطاقة المغتربين التي لا نعرف لها وظيفة حتي الآن, ولا نعرف أين ذهبت رسومها.

[في التنك]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة