الأخبار
منوعات سودانية
شاب يسدد طعنة قاتلة إلى لص تسور منزله ليلاً
شاب يسدد طعنة قاتلة إلى لص تسور منزله ليلاً



05-03-2014 12:09 AM


بحري - إبتسام

تواصل شرطة شرق النيل تحرياتها في البلاغ المدون في مواجهة شاب يواجه الاتهام تحت المادة (130) من القانون الجنائي لقتله مواطنا تسور منزلهم ليلا طعنا بسكين، وحسب الاتهام تشير التفاصيل إلى أن المجني عليه تسور منزل الجاني بمنطقة الشقلة بالحاج يوسف وعندما شاهده المتهم استل سكينه وسدد له طعنة ففارق الحياة متأثرا بجراحه وتم الاتصال بالشرطة وإبلاغها بالجريمة وهرع فريق إلى هناك واتخاذ الإجراءات الأولية بتحريز مسرح الحادثة وأرسلت الجثة للمشرحة لمعرفة أسباب الوفاة فيما دون بلاغ في مواجهة المتهم تحت المادة (130) من القانون الجنائي القتل العمد وتواصل الشرطة تحرياتها لكشف ملابسات الحادثة

اليوم التالي


تعليقات 13 | إهداء 0 | زيارات 2356

التعليقات
#993095 [omera]
0.00/5 (0 صوت)

05-04-2014 02:31 PM
علطان يعني شنو لو تسور جدار بيتك وسرق منك حفنة فلوس دا لو كان عندك فلوس او هديمات ما تساوي جنيهات، يعني شنو لو هددك وربطك وقال ليك طلع العندك، يعني شنو لو اغتصب زوجتك مرة واحدة وطلع مش احسن من تودي نفسك كدة في داهية ايه فيها لو سرق تيلفزيون ولا موبايل ولا حتى تلاجة مش كان ممكن تجيب غيرها بدل ما يرزخوك في السجن كدة الى سنوات لحين صدور الحكم، فيها شنو لو عملت نائم وخليته يفتش بيتك ودواليبك واقتنع انه ما عندك حاجة مشك كان رجع بالحيطة ويا دار ما دخلك شر

[omera]

#992917 [عبدو الجعلى]
0.00/5 (0 صوت)

05-04-2014 12:10 PM
القتل اعتقد هنا حلال طيب مش ممكن الزول دة اتسلق البيت عشان يهتك عرض الرجل دة او يسرق ماله اعتقد هنالك مقولة تبيح القتل وهى الدفاع عن الدين والمال والعرض ...ولا قصدكم الواحد يكون نايم فى بيته ويتلب عليهو حرامى يشوف ليهو مخدة يضربو بيها ياخى مش كويس انو ما اكل كبدته اقسم بالله العظيم لو دة انا كنت ختيتو فى التلاجة وكل يوم اكل منو حتة ..يدخل بيتى وبالليل كمان ويتلب على وانا نايم وما اقتله عجبى والله اقتله واقتل كمان لو فى زول دافع عنه كمان

[عبدو الجعلى]

#992793 [kamuzu]
0.00/5 (0 صوت)

05-04-2014 10:37 AM
اللص مؤتمر وطني وقتله حرام

[kamuzu]

#992604 [دقدق]
0.00/5 (0 صوت)

05-04-2014 03:27 AM
ارسلت الجثه للمشرحه لمعرفة سبب الوفاة هههههههههها

[دقدق]

#992357 [سوداني]
0.00/5 (0 صوت)

05-03-2014 07:23 PM
ما سيد البيت عرف انو كان قبضو، الحرامي حي ستخدم بند ( التحلل)

[سوداني]

#992316 [ابو ضحي]
0.00/5 (0 صوت)

05-03-2014 06:14 PM
لو كل صاحب منزل فعل هكذا لانتهت السرقات

[ابو ضحي]

#992304 [ابوغتاته]
0.00/5 (0 صوت)

05-03-2014 05:44 PM
يأخى أضربوا بعكاز ,, طوبه ,, لكن ما بسكين ,, سكين معناه إنك قاصد تقتله !! وعقوبة السرقه 6شهور سجن , وعقوبة القتل الاعدام, يعنى الناس تبطل سرقه يعنى ولاشنو ؟؟ ماهو ناس الحكومه كل يوم بيسرقوا في واحد كتلهم بى سكين ,, ؟؟؟ الراجل يادوب طلع الحيطه تقوم تلصق ليهو سكين ,, يعنى مافى رحمه ,, يأخى أكشحه بى كوز مويه !!!!

[ابوغتاته]

#992225 [فتوح]
0.00/5 (0 صوت)

05-03-2014 03:31 PM
كلمة مواطن لا تطلق على مثل هؤلاء ..... هذا لص تسور منزل مواطن يجب أن يقتل فورا ... هذه القوانين الغير منصفة يجب أن تزال .... فى أمريكيا من حقك أطلاق النار على أى شخص يتعدى على ممتلكاتك فى منزلك أو متجرك .... وبعدين ما مصير هذا المواطن الغلبان اذا قتله هذا المجرم اللص

[فتوح]

#992139 ['طرباوي]
0.00/5 (0 صوت)

05-03-2014 01:38 PM
'say comment in Arabic not 'with Arabic

['طرباوي]

#992128 [basheer]
0.00/5 (0 صوت)

05-03-2014 01:22 PM
القوانيين بهذا الخصوص يجب ان تراجع ... لص يدخل المنزل ليلا ... اذا الواحد مادافع عن منزله وعرضه فما عساه ان يدافع ... هل ابحث عن شيء لايقتله ولا اساله ياخونا ياحبيبي انت جاي تسرق بس وظروفك شنو... طيب هو جاي يلعب معاي شطرنج وانا اعرفو من قبل ذالك او شفتو قبل كده ... كلام لايصدقه المنطق ولا العقل ... بعدين يتفلسف المحامي ويقول ليك دفاع عن النفس ... ياسيادة المحامي العظيم هل تصف لنا حالة شخص يتعارك مع حرامي داخل منزله ,تساله بالقانون ان كنت تدافع عن نفسك ولا لا .. يااخي انت حمار ماعندك مخ ولا بس الورق القريتو ده وادوك فيه تقدير وشهادة ... ياخي هو البوليس نفسو وبي سلاحو يعمل حسابو الف مرة ويرجع للخلف مرتين ويعمر سلاحوا ليتمكن من القبض علي الحرامي واضعا كل الاحتمالات ... فكيف بالله عليك تضع مادة القتل بهذه السهولة لصاحب الدار بخصوص شخص تجراء واقتحم منزل نصف الليل والناس علي سجيتهم نيام عامل حسابو كويس ويعلم ماذا يفعل اذا تعرض لاي شي من صاحب المنزل ... والله المستعان ... يااخي اذا ثبت ان المقتول اجبر علي الدخول للمنزل وقتل فهذا شي اخر ... وفي الاخير اسالك سؤال بسيط اذا احد الناس ( وليس الحرامي ) حاول الدخول الي بيت عمر البشير نص الليل ماذا يحدث له او فرضا اقترب من البوابةللقصر الجمهوري ... برضو بتقول لي دفاع عن النفس ... ثم ثانيا اذا كنت تدافع عن نفسك بقانونك هذا فان الحرامي يتاكد من ذالك وبعد كدة مافي اي مانع بالنسبة له امام هذا الشخص الضعيف ان يقوم بالسرقة ويقوم بالبعدها ( اعتداء علي العرض واي شيء اخر وتاتي هنا هشاشة القانون ... بالله عليك درس الناس كيف تكون الضربة غير قاتلة لشخص تعدي علي المنزل خلسة انصاف الليالي وهو مسلح وقد يكونا اثنين او ثلاثة ومستترين علي مسافات ( اي تكتيك مسبق ) انت عارف ده عقوبته الشرعية ماذا تنص ياحبيبي ............

[basheer]

#991931 [بيكانتو]
3.00/5 (2 صوت)

05-03-2014 07:39 AM
مواطنا تسور منزلهم ؟ ام حرامى

[بيكانتو]

#991891 [AL KIRAN]
5.00/5 (1 صوت)

05-03-2014 02:15 AM
Buddy .. it's amiss or short an information. because you didn't say what time the victim's climb that deadly wall. because if just in day time maybe just "new" friend wanna say hi to you .. and if after mid of night maybe is you sister boyfriend was so shy to come by main door to interview you,, so please for everyone; no killing without realization, and actualization,, thanks

[AL KIRAN]

ردود على AL KIRAN
European Union [منشى] 05-04-2014 12:21 AM
avoid writing in American street language , few people who will get you correctly , although it is nice what you wrote

United States [Anya] 05-03-2014 03:20 PM
احسن تعليق عديل ... واالله ضحكتنا في عز الماسأة......

United States [jfjfjfj] 05-03-2014 10:59 AM
Your comment is very very bad for two reasons:

1. Your English is very boor. It is better for you to comment with Arabic.

2. Your are not funny at all. instead of laughing, you made us disgusted.


My recommendation:

PLEASE.............. STOP COMMENTING WITH ENGLISH

United States [abizr] 05-03-2014 10:28 AM
يازول انجليزيك دا دراب عديل
دى جوجل ما ظن تعمل كدا


#991863 [منشى]
4.50/5 (4 صوت)

05-03-2014 01:00 AM
من الذى سيسدد طعنه على الذين تسوروا سور السودان عاثوا فيها فسادا ... ايها الشرطى اتركوا الشاب فقد دافع عن عرضه .

[منشى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة