الأخبار
أخبار إقليمية
صلاح قوش : الفساد آفة تهدد مستقبل البلاد
صلاح قوش : الفساد آفة تهدد مستقبل البلاد
صلاح قوش : الفساد آفة تهدد مستقبل البلاد
صلاح قوش في احد قصوره بالخرطوم


05-04-2014 11:15 AM

الخرطوم: عبدالناصر الحاج
كشفت مصادر مطلعة عن زيارة المدير السابق لجهاز الأمن والمخابرات الوطني وعضو البرلمان الفريق صلاح عبدالله قوش، لمسيد الشيخ ود المرين بالهلالية شرق الجزيرة نهاية مارس الماضي، وقال المصدر إن زيارة قوش تأتي في إطار التبشير بمنظمة الشفافية لمحاربة الفساد التي يؤسس لها قوش.. إلى ذلك سجل قوش زيارة مع القيادي بالمؤتمر الوطني والحركة الإسلامية بولاية الجزيرة عبدالله عباس ود العيس وآخرين بزيارة شيخ الطريقة العركية الشيخ عبدالله العركي أزرق طيبة، بطيبة الشيخ عبد الباقي في ولاية الجزيرة. وعلمت (الجريدة) أن الشيخ أزرق طيبة أحسن استقبال الفريق قوش ومرافقيه وقدم لهم الهدايا.

وكان قوش أثناء زيارته دخل في نقاشات طويلة مع أزرق طيبة، وأوضح له موقفه من الدعوة لإصلاح الحزب ومؤسسات الدولة، وأنه سبق وأن بادر بعدد من المقترحات بغية أن يجنح الحزب الحاكم نحو الإصلاح، وأضاف قوش الذي كان يتحدث مع أزرق طيبة، بأن الفساد المستشري في مؤسسات الدولة هو المهدد الأخطر لمسيرة البلاد، وهو المعوق الحقيقي لأي عمليات إصلاح اقتصادي وسياسي حقيقي، وأنه الآن يعكف على تأسيس منظمة شفافية تساعد على كشف الفساد ومحاربته بطرق قانونية وعلمية مدروسة.

الجريدة


تعليقات 30 | إهداء 0 | زيارات 4434

التعليقات
#993841 [مدحت عروة]
5.00/5 (1 صوت)

05-05-2014 10:57 AM
مكافحة الفساد وكشفه بتكون عند شيوخ المسيد وليس بالحرية والديمقراطية وفصل السلطات ودولة القانون!!
هسع ما شايفين الفساد كيف مستشرى فى السويد والنرويج وبريطانيا والمانيا واليابان وهلم جرا؟؟؟
ما عشان ما عندهم مسيد يكشف ليهم الفساد!!!
بعدين الدول المحكومة بالعسكر والشموليين اقل فسادا من الدول الديمقراطية عشان الموظفين والمسعولين بيخافوا من الحكومة!!!
واكان مكضبين كلامى ده اسعلوا ناس المؤتمر الواطى!!!!

[مدحت عروة]

#993594 [adil a omer]
0.00/5 (0 صوت)

05-05-2014 04:56 AM
البيت الشايفنو وراى ده ما تبع الفساد ورثتو من امى كان بتبيع طايوق

[adil a omer]

#993411 [ماهر]
5.00/5 (1 صوت)

05-04-2014 08:47 PM
نحن لمن قلنا أرحل
كان قصدنا ... انو ترحل ..
مش تبدل في الكراسي
والترابيز الدواير ..
والترﻻت البتاكل
في ضهرنا وﻻ بتخجل ..

أرحل ... أرحل
يعني شتت ..
يعني فارق ..
غووور في ستين الف جردل ..
مابيفرق لو تغير انت نافع ..
او تخت في بدلو شافع ..
وﻻ مجنون ﻻفي حايم
في الشوارع
او مسطَل ..

نحن دايرين ..
زول زراعة ..
يعرف الواطه البتنتج
يعرف المحصول ونوعو
والبذور الما بتفشل ..

نحن دايرين ..
زول تمرجي
يعرف المرض الموطَن
لينا يكشف كل عله
ما هو بس دكتور ويصهل ..

نحن دايرين ..
زول مدرس
يمسك الطبشيره يشرح
تمرق المعلومة منو
لي اقاصي بﻼدنا توصل ..

نحن دايرين ..
زول مهندس
يفهم المكن المعصلج
يركب الترحيل جماعي
يلبس اﻻبرول ويسهر
يلحق الفي الريف معطل ..

نحن دايرين ..
زول حقوقي
قاضي يحكم بالتساوي
يستمد منهج قضاهو
من شريعة رب اعدل ..

نحن ما دايرين كراسي
ﻻ ﻻ ما دايرين مناصب ..
نحن دايرين بس بلدنا
تبقي لينا
ونبقي فيها
ونبقي ليها
وهل تصدق ..
شان دا يحصل ..
ﻻزم ابداً
كلو كلو
انت ترحل ..

[ماهر]

#993368 [ود احمد]
5.00/5 (1 صوت)

05-04-2014 08:01 PM
تايتنك الانجاس تبدوا انها تغرق الان وكما قال عبد الحليم اني اغرق لكن هيهات من يجعل لكم مخرجا نحن لا نريد الاصلاح وانما الاجتثاث والمحاسبة وليس المحاربة

[ود احمد]

#993363 [kalifa ahmed]
0.00/5 (0 صوت)

05-04-2014 07:55 PM
ياصلاح بومك الترجع فيهو لبيتكم في كوريا وتسيب قصر نمرة 2 ح نقيف معاك بعكاكيزنا !!!! الشيوخ ود المرين وأزرق طيبة أرجو لا تزورهم مرة أخرى حتى لا تدنس أماكنهم الطاهرة البعيدة عن جرائمكم يا أحوان الشيطان !!!!! هو الشيطان ذاتو متحير من فعايلكم !!!!!

[kalifa ahmed]

#993349 [العرف]
5.00/5 (1 صوت)

05-04-2014 07:25 PM
انت الة الارض ياقاتل الشعوب:كم دفعت الي الوسيط الامريكي :قصر فقط مظهر لفساد :وانت سمسار بترول حقنا

[العرف]

#993232 [الــســيــف الــبــتــار]
5.00/5 (1 صوت)

05-04-2014 05:00 PM
تحللت و لا فيك بقايا عالقة من الدنس و القاذورات و الاموال التى تصرفته فيها وانت على قمة الجهاز و ما زالت الشبهات تحوم حواليك ولن يفيدك العفو الرئاسى من حساب رب العالمين و الاثام التى اقترفتها و لا ازق طيبه و لا احمر شفاه .
الويل و الثبور و عذاب القبور يا غافل ودوام الحال من المحال .

[الــســيــف الــبــتــار]

#993185 [المنتقم]
5.00/5 (1 صوت)

05-04-2014 04:03 PM
رمتني بدائها وانسلت.
بالدارجة:
غلفاء وشايلة موسها تتطهر
آخر الزمن داير تعمل فيها زاهد ودرويش ومتصوف؟؟؟

هل نسيت بيتكم الخشبي المتهالك في بورتسودان يا لص يا سفاح يا قاتل.
ببركات كل من ظلمتهم ربنا ينتقم منك ويورينا فيك في الدنيا قبل الآخرة.

[المنتقم]

#993178 [عدو الكيزان النازي]
5.00/5 (1 صوت)

05-04-2014 03:58 PM
يا هذا القوش

فاقد الشئ لا يعطيه

كذلك كيف يرجى اصلاح من فاسدين مفسدين مثلك ومثل اعضاء حزب الشيطان

العب غيرها يا فالح

.... لا ثقة في بني كوز ........

يومكم قرب يا كلاب ... والله لا تهاون ولا عفا الله عما سلف .... سنقتص لهذا الشعب الصابر طال الزمن او قصر

[عدو الكيزان النازي]

#993162 [البركان]
5.00/5 (1 صوت)

05-04-2014 03:34 PM
صلاح قوش دا لمن كان معتقل في سجن الهدي قال لضباط السجن ان النظام لن يستطيع ان يعمل ليهو اي حاجة لانو ممسك بملفات خطيرة خارج السودان منها ملف وداد و جمال الوالي و الصور الخليعة لهما اثناء اصطيافهم في احد المصايف خارج السودان !!!!!!!!!!! و قد صدق في كلامه و تم اطلاق سراحه و هو الان عضو ببرلمان المفسدين و عضو بمؤتمر المافيا الانقاذية.
صلاح قوش الرأسمالي الطفيلي نهب اموال الشعب السوداني عندما كان رئيسا لجهاز الامن و المخابرات و الميزانيات المفتوحة و الشركات الامنية التابعة للجهاز و التي انشأها و مازال جزء منها يعمل حتي الان.
اخر تقليعاته انه سوف ينشئ و ربما يكون قد انشأ اكبر مزرعة لتربية الاغنام بعد استيراد فصائل معينه من استراليا و تهجينها ثم انتاج سلالات مطلوبه في الخليج ليكون اكبر منتج و مصدر للاغنام في السودان طبعا دا خلاف المشاريع الاستثمارية داخل و خارج السودان.
اين المفر ياقوش و الحساب ولد و لن تنفعك السي اي ايه ولا السافاك ولا ال ام فيايف ولا ....ولا ........
بطل التدخين و انتظر الحساب لانه سوف يكون عسيرا كيوم القيامه.

[البركان]

#993154 [أرسطو]
5.00/5 (1 صوت)

05-04-2014 03:30 PM
هذا الأعور الذى هدد يوما بتقطيع أوصال المعارضين - هذا السافل الذى كان يشرف على بيوت الاشباح و يعلم كل المخازى التى كانت تجرى بداخلها - أصبح اليوم من المصلحين الذين يدعون للشفافية !!!!!!!!!!

[أرسطو]

#993123 [ابو ياسر]
0.00/5 (0 صوت)

05-04-2014 03:00 PM
لطفك يارب

[ابو ياسر]

#993088 [fm3]
5.00/5 (1 صوت)

05-04-2014 02:26 PM
برز الثعلب يوما فى ثياب الوااااعظينا
مخطى من ظن ان للثعلب دينا
شعب جعان لكنوا جباااااان

[fm3]

#993045 [الحقيقة]
4.00/5 (2 صوت)

05-04-2014 01:51 PM
الي الذين يتحثون عن فساد قوش هل تدرون ان حقوقه عندما نزل من جهاز الامن برتبة فريق كانت تفوق المليار جنيه! وهل تدرون مخصصصاته في الفترة الطويلة التي كان فيها مديراً لجهاز الامن!!!! ان مصادر ثروة صلاح قوش بغض النظر عن رايكم فيها فهي معلومة ويستطيع اثبات مصادر كل شئ يملكه امام اعتي قاضي بالورقةوالقلم.

[الحقيقة]

ردود على الحقيقة
European Union [النشوف اخرتها] 05-04-2014 06:34 PM
هههههههه. بالجديد ولا باالقديم هههههههه وهل يا تري هو اول فريق ينزل معاش .....والله كان كده المفروض كل الفرقا النزلو المعاش يكونو زي صلاح بوش بتاعك ده....بس وريني كدي بيته ده براو تمنه كم ? ولا التاني بتاع سوبا (حدادي مدادي). ده خلاف ملايين الدولارات الكان بشتري بيها الجازولين لحكومه السودان ويقبض من وراها الملايين ....وغيره كتييييير . الشعب السوداني راصد ايييي حاجه ولمن يجي وقت الحساب خلي يورينا المصادر يا لذيذ...

[فركتو] 05-04-2014 05:27 PM
شكلك بقول انت بالع ليك حبة هلوسة من شحنة المخدرات المحجوزة في بورتسودان

United States [بالله عليك] 05-04-2014 04:40 PM
بالجديد ولا القديم عشان انا فتحت خشمي وبقيت مبحلق

[راشد] 05-04-2014 03:52 PM
مصادر ثروة صلاح قوش معلومة ؟ هههههههههههههههههههههههههههههههههههههههههههههههههههههههههه


#993035 [المشروع الحضاري]
0.00/5 (0 صوت)

05-04-2014 01:44 PM
ههههههههههههههههههههههه
هههههههههههههههههههههه
ههههههههههههههههههههههههه
ههههههههههههههههههههههههه
ههههههههههههههههههههههههههه

[المشروع الحضاري]

#993018 [المحيرني]
0.00/5 (0 صوت)

05-04-2014 01:29 PM
ههههههههههه عقودات إستيراد الجاز من السعودية كانت ورثه؟؟؟؟؟؟؟؟؟

[المحيرني]

#993012 [kordi]
3.00/5 (2 صوت)

05-04-2014 01:25 PM
نصف شقاء الناس من محاولتهم أظهار ماليس فيهم هدا القوش من مجرم الأبادة الجماعية وبؤرة الفساد والأفساد صار يتحدث عن الأصلاح سبحان الله .

[kordi]

#993010 [مواطن إنتقالي]
5.00/5 (1 صوت)

05-04-2014 01:25 PM
الآفة الحقيقية هي المؤتمر الوطني وجماعة الإرهاب الإخوانية الشيطانية

[مواطن إنتقالي]

#993007 [مرتضي الجعر]
0.00/5 (0 صوت)

05-04-2014 01:23 PM
يا قوش لو داير تحارب الفساد حاربو.
ولو داير تعمل منظمة لمحاربتو فأعملها.
لكن بدايتك غير مبشرة بخير وإلأ فما علاقة المسيد والخلوة والشيخ والطرق الصوفية بالموضوع؟؟؟
وقال داير يعمل تبشير. أنت أصلك داير تبشر عن الطريقة القوشية ياخي؟؟
جاتك داهية في رأسك البقي مخرف بعد خروجك من الجهاز.

[مرتضي الجعر]

#993001 [habbani]
5.00/5 (1 صوت)

05-04-2014 01:15 PM
الإستحوا ماتوا يقتل ويعذب ويغتصب أبناء الشعب السودانى فى بيوت الأشباح ويثرى ثراءا فاحشا من وظيفة ويتكلم عن الفساد ... لطفك يا الله

[habbani]

#992961 [أبوعلي]
3.00/5 (2 صوت)

05-04-2014 12:41 PM
صلاح قوش : الفساد آفة تهدد مستقبل البلاد
ما إنت رأس الفساد وعمودإرتكازه وتثبيته منذ بداية نظام اللّواط
المال يأتي ويزول، لكن الأرواح والأعضاء المبتورة لن تعود يا قائد الأشباح كلّ ما مارسته في جهاز الأمن من مآسي ، أليس فسادا ؟؟؟!!!
أنت ومن تلتجئ إليهم من حلفائكم تجّار الدين لن يفيدكم وقت الحارة

[أبوعلي]

#992939 [ابوفارس]
5.00/5 (1 صوت)

05-04-2014 12:22 PM
ههههههههههه .. شر البليه ما يضحك ..

[ابوفارس]

#992934 [Ahmed]
5.00/5 (1 صوت)

05-04-2014 12:19 PM
اولا عايز بن بيتك و كل حساباتك الداخلية و الخارجية ترجع تامة و تحاكم انت بجرائم القتل و بعدين نشوف ،،،،،

[Ahmed]

#992909 [المتجهجه بسبب الانفصال]
1.00/5 (1 صوت)

05-04-2014 12:02 PM
يا جماعة الناس ديل حيرونا ود المرين دخلوا شنو بالشفافية، ود المرين عندو حولية يوم الاحد وحلقة كبيرة يمر على الناس والما مصدق برفع عصايتو عليهم ويجي داقي الدلجة، وهي فكرة لو طورت باثر حديث من قوش ليستفيد منها في كشف المفسدين وذلك بتعزيزها بخاصية اسقاط المفسدين دون كشف الاوراق او كشف حساب وبذلك يكون ود المرين ساهم بشكل جلي في الكشف عن الفساد بعصاته بدلا من اسقاط المتحلقين حول الحلقة فما هم الا مساكين زينا كدة حقهم مأكول وقصاراهم صحن فول ،،،،

[المتجهجه بسبب الانفصال]

#992895 [Abu Amer]
0.00/5 (0 صوت)

05-04-2014 11:51 AM
سبحان الله، عفا الله عما سلف!!!!! فجأة صحي الضمير، وأصبحوا دعاة اصلاح؟؟

[Abu Amer]

#992887 [awad]
3.00/5 (2 صوت)

05-04-2014 11:48 AM
أبدأ بنفسك وأرجع أموال الشعب الملهوطة ُ ثم ألبس ثوب البطولة. أنت وبقية اللصوص من أسستم للفساد بالبلاد.

[awad]

#992874 [jackssa]
4.00/5 (2 صوت)

05-04-2014 11:40 AM
... لولا الفساد لما كنت يا قوش أنت رجل من رجالات الدولة.. اسكت بس بلا خيبه ... انت من ادخلت الفساد في المؤسسة الأمنية بالدولة ..

[jackssa]

#992873 [والــــــــــــد الشهدي الفطيس]
2.00/5 (1 صوت)

05-04-2014 11:40 AM
لو صدقــت يا هذا وفعلت بما تنادي لغفرت لك ما فعلت وسوف أحمل الاخرين اصحاب الحقوق والمظالم يغفروا لـــــــــــــــك. هيهـــــــــــــــات هيهــــــــــــــــــــات

[والــــــــــــد الشهدي الفطيس]

#992867 [jackssa]
1.00/5 (1 صوت)

05-04-2014 11:37 AM
... لولا الفساد لما كنت يا قوش أنت رجل من رجالات الدولة.. اسكت بس بلا خيبه ... انت من ادخلت الفساد في المؤسسة الأمنية بالدولة ..

[jackssa]

#992865 [Salah E l Hassan]
5.00/5 (1 صوت)

05-04-2014 11:36 AM
سبحان الله صرنا نرى العجب العجاب فى عهد الانقاذ واحد ذى صلاح قوش متلوث من اخمس قدميه الى كل شعرة فى رأسه يأتى ويتكلم عن الفساد انت لم تكن تملك حق مواصلاتك وانت فى الجامعة صرتة تمتلك القصور فقد كلف انشاء قصرك 5 مليون دولار فقط فهل تقول لنا من اين لك هذا.؟؟؟؟
صفقات استيراد الديزل التى قمتة بها وكانت قيمتها اكثر من 100 مليون دولار مع ناس مصرف دبى الاسلامى وناس لوتاه فى دبى هل تخبرنا من اين لك هذا .؟؟؟؟؟

[Salah E l Hassan]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة