الأخبار
أخبار إقليمية
مليار دولار تحويلات المغتربين في«2013»
 مليار دولار تحويلات المغتربين في«2013»


05-04-2014 10:38 AM
كشفت الإدارة العامة لدراسات الهجرة والتنمية والسكان بجهاز المغتربين، أن تحويلات المغتربين للعام 2013، بلغت مليار دولار، بينما تتجه الإدارة لبحث سبل تقديم حزم حوافز تشجيعية للمهاجرين، لحفزهم على تحويل مدخراتهم عبر القنوات الرسمية لمضاعفة إسهامهم في الاقتصاد الوطني.
الانتباهة


تعليقات 15 | إهداء 0 | زيارات 4156

التعليقات
#993433 [ماهر]
5.00/5 (2 صوت)

05-04-2014 08:13 PM
مسطول ...سألوهو عن حالة السودان..سحب نفس من
سجارته .. وحك رأسه. ثم .. قال ....
والله السودان زي البص لما اﻻنجليز طلعوا سلموه
لينا
جديد لنج بعدهم جاء اﻻزهري وعبدالله خليل دعكوه
شوية ..
وجاء عبود دشدشه شوية وجات اﻻحزاب ما ساقتو
كتير ...
نط فيه نميري اداه قلبة قلبتين وكسر قزازه وعطلو
من الحركة ..
وجات اﻻحزاب وقفتو علي عجل الحديد لحدي ماجات
اﻻنقاذ ..
فسمكرت البص وعملت ليه صيانة
وضربته بوهية لحدي ما بقي جاهز
للسواقة ...
ركب عمك البشير ودق بيه خلف ....... لي يوم
الليلة
البص ماشى خلف ...... تانى ما قدر يعشقو لي
قدام!!

[ماهر]

#993231 [إبن السودان البار ***]
3.75/5 (3 صوت)

05-04-2014 03:58 PM
المغتربين الفليبينيين يدخلون الي بلدهم أكثر من 27 مليار دولار سنوي ؟؟؟ والسودانيين المغتربين مجبورين يرسلوا للسودان معظم دخلهم لأنهم لو لم يرسلوا لأهلهم لماتوا من الجوع أو المرض أو طرد أولادهم من المدارس أو بيوت وشقق الإيجار ؟؟؟ فتجد الذي يغسل العربات في أمريكا أو طلبة في مصر لا بد له من أن يرسل لأهله ولو 100 دولار شهري حتي يعيشوا ناهيك عن الدكاترة والمهندسين ورجال الأعمال الذين يرسلوا مبالغ كبيرة لشراء الشقق والأراضي وغيره ؟؟؟ وكل هؤلاء لا يمكن أن يرسلوا بالطرق الرسمية الا إذا كانو أغبياء؟؟؟ ومن هو الذي يملك العملة السودانية ليشتري من السوق السودة ؟؟؟ أنهم الكيزان وتجارهم مالكي مطبعة العملة السودانية؟؟؟ فإذا إفترضنا أن عدد الذين يرسلوا شهرياً علي أقل تقدير 6 مليون سوداني بمتوسط 300 دولار في الشهر أي 3600 دولار في السنة لنقول 3000 فقط وهذا يعني 6مليون ضرب 3 الاف دولار تساوي 18 مليار دولار سنوي لنقول 15 مليار ؟؟؟ فالجهل مصيبة ؟؟؟ هذا المبلغ المهول هو الذي جعل سوق الخرطوم يعج بالمستثمريين الطفيليين والبنوك الشخصية الفاسدة ؟؟؟ والكيزان لا يحبون ذكر هذه الحقيقة لأنهم هم اللصوص المستفيدين من السوق السودة والتي يدلعونها ويسمونها السوق الموازية ؟؟؟ الله يلعن الكيزان وحلفائهم أسياد الطوائف الدينية التي يسميها الجهلاء أحزاب ؟؟؟ دمرتوا السودان وبعتوه الله يدمركم والثورة في الطريق إن شاء الله ؟؟؟

[إبن السودان البار ***]

#993229 [هديـــــــــــــــــس]
4.50/5 (3 صوت)

05-04-2014 03:56 PM
ياخ والله دي مش كزبة ابريل دي كبيرة وعملوها فرشة وتخينة يعني نحن تجار العملة ديل شغالين سلاقين بيض يعني قال مليار دولار اذا انا بس عندي اكتر من 500 مغترب بحولوا معاي ناهيك عن التجار الاخرين في ابوظبي والعين دا بس في المنطقة الغربية ,ومدنها السبعة بدع زايد والمرفاء والرويس والسلع ودلماء وغياثي وبدع المطاوعة يعني انتو منو البحول ليكم المليارات والله العظيم اقولا ليكم بكل صراحة الا تلقوا قروش السفراء وطاقم السفارة لكن كل المغتربين الشغالين في البلديات والسكيورتي والاطباء والمهندسين والرواعية بحولوا بالاسود ناس نجاض لكبر حجم الفارق بين الصرافة والاسود الصرافة من الامارات التحويل بي 1600 والاسود 2500 الدرهم يعني الفرق ال900 دي المغترب يرسلوا لي حبوبتوا حق البن والقهوة ولا يرسلوا لي ناس التحلل والجوديات ياخ فكونا والله تشموها قدحة وللمعلومية يوجد بالخليج وخصوصاً الامارات والتي انا اعرفها جيداً اكثر من 200 تاجر تحويل عملة والتسليم في البيت اليد باليد في اقل من ساعة جميع انحا العاصمة والولايات ماتجوا تخمونا ساكت المغتربين والتحويلات بلغت المليار والتوهم بتاعكم دا ماعندكم اي حاجة ونحن ما عندنا ليكم اي حاجة ودا الزيت كلوا وكل سنة ونحن طيبين

[هديـــــــــــــــــس]

#993222 [مواطنx]
5.00/5 (2 صوت)

05-04-2014 03:46 PM
قناع كاذب فاضح هزلي،لطمأننة المغربين،وتأمين غطاء مكاتب صرافاتهم،وشرعنة تحويلات أموال الخارج،وللتلاعب بسوق العملة بالداخل من أجل مصالح شخصية،لا ننسى توليفة الشحتة البغيضة التي أصبحت ماركة تستطيع بها التمييز بين سلع الجبهجية من غيرهم،معظم البنوك عربية،وأيضا آجنبية ليست بالقليلة قاطعت النظام وبنكه الوهمي المركزي السوداني.

[مواطنx]

#993158 [جكسا]
3.50/5 (2 صوت)

05-04-2014 02:31 PM
يا مغتربين بلاش فصاحة ساكت----خلونا نكون معقولين في ردودنا---نعم الهدف معروف يعني بالواضح كدا جيوبنا وغربتناوشقاناوقوت عيالنا---بس خلونا من مثل يشموها قدحة ووعشم ابليس ف----العندو قريشات يلمها علية او يحرقها اويبعها في السوق الاحمر او غيرة---ما تجيبوا لينا الهوا ساكت ---انتم عارفين في ناس حاقدين وانتقاميين وبكرة تشوفوا لو ما عملوها فينا----احسن نسايرهم ونعشمهم وان نعمل بالمثل يروقهم ما يروق الثعلب بس بحكمة ودا ما خوف مني---اكرر

[جكسا]

#993114 [Quickly]
5.00/5 (2 صوت)

05-04-2014 01:49 PM
طالما ان المغتربين السودانيين لايحولون اموالهم عن طريق القنوات الرسمية البنوك السودانية وهذا معروف لدى الجميع ,,,اذن كيف اجريت هذة الدراسة ؟؟!! اللهم الا اذا اعتمدت على احصائيات من حسابات تجار الدولار الكبار في البلد المتحكمين في تحويلات المغتربين وهم اعضاء في الحكومة والمؤتمر الوثني
وهذا ما كنا دائماّ نسعى لإثباتهّ!
ام بالنسبة للحوافز التشجيعية دي فهي حتكون عبارة عن قطع اراضي سكنية فى صحراء بيوضة هههه
25سنة ولسه ماعرفتوهم ؟؟!! ,,,, اصحوا وخليكم واعيين ديل يودوكم البحر ويرجعوكم منو عطشانين

[Quickly]

ردود على Quickly
[كاكا] 05-04-2014 03:34 PM
عزيز الغالي المبلغ المذكور هي الضرائب ورسوم تجديد الجوازات والخدمات ورسوم ختم اخطاب التوكيلات والاراضي الباعوها للمغتربيين زي الوادي الاخضر وغيره واتحدي اي مغترب بيحول قروشة عبر البنوك حتى لو كان من اقطاب الانقاذ


#993066 [أسمر جميل فتان]
4.50/5 (3 صوت)

05-04-2014 01:08 PM
الحكومة السودانية من "اغبى" الحكومات في التعامل مع تحويلات المغتربين!!!
كل المغتربين في كل الدنيا لديهم حسابات بنوك في بلدانهم الاصلية والراتب اذا نزل الساعة 12 مساء بيرسلوه مباشرة أو جزء منه من ماكينة الصراف الآلي أو من الموقع الالكتروني عند الساعة 12 وخمس دقائق!!! نظام بنكي قوي وحسابات استثمارية تحسب الارباح مباشرة بنظام ال24 ساعة من الايداع وقيمة العملة الصعبة ممكن تزيد عن السوق الاسود!!!
المغتربين السودانيين الاغلبية ان لم يكونوا كلهم ولا واحد عندو حساب بنكي في السودان لغرض التحويل اليه كما يفعل الجميع .... لانو النظام البنكي في السودان للاسف الشديد مربوط بالسياسة واصرار الحكومة على عدم التعامل مع السعر الفعلي للدولار مصيبة المصائب....
وفي وجود هذه الحكومة الفاسدة فهذا يعني ان ممكن التحويلات تتم في احلام ادمغة المسئولين ام المغتربين فقد بطلوا مثل هذا النوع من الاحلام!!!!

قال !!! تحويلات قال !!! "بكرة نحول يلاقيها تمساح!!!!! يلبعها لبعة واحدة وبعدين يقول ادوني فرصة "أتحلل" وكده"
الله يحلنا منكم اليوم قبل باكر آمين يارب
ودمتم

[أسمر جميل فتان]

#992983 [كدنتكار]
4.50/5 (2 صوت)

05-04-2014 11:58 AM
ههههه قال دراسات الهجرة قال ,,, نشك في أن هنالك قاعدة بيانات تضم المهاجرين كعدد افراد مش كمان كتحويلات ..

[كدنتكار]

#992980 [قرفان]
5.00/5 (1 صوت)

05-04-2014 11:57 AM
الرقم ده من وين اذا ان كل من بالخارج لايحول امواله عبر البنوك و هذا يؤكد ان معظم الذبن يعملون في التحويلات من الخارج معظمهم يعمل لصالح عصابة الانقاذ بالداخل و الكل يعرف مكاتب الامن الاقتصادي بدول الخليج التي تعمل في مجال العملة واعلي الاسعار في الخليج عموما من مكاتب المتاسلميين لسبب بسيط ان المشتري ( لصوص الانقاذ ) لايهمه السعر لسببين الاول ان همه تهريب مالديه من عملة سودانية للخارج و الثاني انه ماتعب في جمع هذا المال لانه ببساطة مسروق و مامهم سعر الدولار كم.....................قال مليار دولار

[قرفان]

#992971 [منشى]
0.00/5 (0 صوت)

05-04-2014 11:49 AM
اها .. دى كذبه تانيه , انتو ما شايفين الدولار مطلع ليكم لسانوا بيقهقه ساكت من كلامكم وهو طالع فى سلم بتاعو من غير اكتراث .

[منشى]

#992968 [عباس]
0.00/5 (0 صوت)

05-04-2014 11:48 AM
تحفيز المغترب تحفيز المغترب الى متى هذا التسويف ما تحفزونا وخلونا نخلص وورونا التحفيز ده شنو هو زاتو كم امين عام كرر هذا الكلام وغادر من غير ان يفعل شئ بخصوص التحفيز هل تحفيز المغتربين صعب ومستحيل الى هذه الدرجة وما هى العقبة التى تقف فى وجه تحفيز المغتربين عائزين نعرف رغم انو المغتربين طلباتهم سهلة وبسيطة ومن يقف خلف تنفيزها اعتقد انه فقط ابن حرام لاغير وحاقد على المغتربين وإلا ماهو السبب فى عدم التحفيز ؟

[عباس]

#992947 [سامى]
0.00/5 (0 صوت)

05-04-2014 11:29 AM
اها ياالمغتربين اذا خبر الانتباهة ده صح يبقى انتوا اكبر داعمين لنظام الابادة الجماعية ده !!؟؟

[سامى]

ردود على سامى
[عباس] 05-04-2014 05:39 PM
ده معناه انو الكيزان مدين المغتربين مقلب وعناصرهم هى من تقوم بالتحويلات الغير رسمية وزيتنا فى دقيقنا عشان كده لاتعشموا فى امتيازات ولا تحفيزات لانو ضرايبكم وتحويلاتكم واصلاهم واصلاهم ديل ما يقدر عليهم إلا رب القدرة وربنا قادر على كل شئ .

[المتغرب الأبدي] 05-04-2014 12:50 PM
وانت صدقت الخبر دا ؟؟


#992931 [أبوعلي]
5.00/5 (1 صوت)

05-04-2014 11:17 AM
كذب في كذب وسوف يكذّبون أبدا كما عودونا
حديث خادع لطمانة المغتربين ولكن هيهات
لا يوجد مغترب يحوّل عن طريق البنوك
ولن يحوّل أحد ، قال (مليار دولار)!!!

[أبوعلي]

#992927 [المتجهجه بسبب الانفصال]
0.00/5 (0 صوت)

05-04-2014 11:15 AM
مشت وين ماليزيا ولا ماكاو ولا هونج كونج ولا الصين ولا مافي داعي الراعي واعي ،،،

[المتجهجه بسبب الانفصال]

#992893 [رضوان الصافى]
0.00/5 (0 صوت)

05-04-2014 10:51 AM
يعنى حا تحفزونا بشنو ؟
والله الا تدونا السلطة ..
نفككها .. ونركبها من جديد ..
ونضع لها برنامج وطنى محدد الاهداف والزمن
وله استراتيجية تنموية وخدمية ..
ونوسع فى هلاقاتنا الخارجية .. ونعيد جدولة تقسيم السلطة والثروة حتى تتوقف الحروب

ما عاوزين أى حوافز غير دى ..

[رضوان الصافى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة