الأخبار
أخبار إقليمية
" حملة توقيعات مليونية للمطالبة بإقالة "إيلا"
" حملة توقيعات مليونية للمطالبة بإقالة "إيلا"



05-04-2014 05:19 PM

بورتسودان- محمد بدرالدين

انطلقت في ولاية البحر الأحمر عبر المساجد والمقاهي (حملة المليون توقيع) لإقالة محمد طاهر إيلا من منصب والي الولاية، وتنظم الحملة مجموعة أطلقت على نفسها اسم (اللجنة العليا للمطالبة بسحب الثقة عن الوالي)، وقال آدم سلل منسق اللجنة : "انطلقنا (أمس) في المساجد الرئيسة والمقاهي وأماكن تجمع المواطنين" وأكد حصولهم في اليوم الأول على ما يقارب الـ(100) ألف توقيع، وأوضح أنهم سيقيمون مراكز ثابتة في الأماكن التي يرتادها الناس، وأن مندوبي اللجنة سينطلقون في الجامعات والمدارس وتجمعات المواصلات.

وفي سياق متصل أعدت قيادات من مختلف المستويات التنظيمية في المؤتمر الوطني بينهم أعضاء في هيئة الشورى، خطابا قالوا إنهم سيسلمونه إلى رئيس الجمهورية المشير عمر البشير للمطالبة بإعفاء إيلا استناداً على أسباب تمثلت في تفكك الحزب وضياع المؤسسية، الانفراد بالقرار وتفشي ظاهرة النفاق السياسي والتطبيل طمعاً في المغرم والمنصب، تعطيل العمل الرقابي والمحاسبي باختيار ممثلين ضعفاء يدينون بالولاء لأشخاص لا لتنظيم، بجانب مطالبة نواب برلمانيين بالمشورة الشعبية وسلطة إقليمية إضافة لتدني مستوى الخدمات.

اليوم التالي


تعليقات 21 | إهداء 0 | زيارات 6099

التعليقات
#997021 [hassan abuali]
0.00/5 (0 صوت)

05-08-2014 11:08 AM
الناس ما عارفه ايلا قعد يعمل في شنو
الواحد يقول ليك ايلا انجز واشتغل في الولايه ووظف ابناء المنطقه
فعلا اشتغل لكن برضو أذى ناس كتار
هسي يا جماعه في مدرستين في وسط سوق بورتسودان داير يهدمهم عشان يبقيهم شقق وفنادق وطبعا العايد يخش جيبو والاراضي البينزعها من المواطنين الغلابه بدون اي سبب مقنع
وما خفي اعظم الفايده شنو لما يشتغل الولايه0

[hassan abuali]

#994421 [كرزاي]
5.00/5 (1 صوت)

05-05-2014 11:11 PM
فبركه من الحكومه لانه خرج من بيت الطاعه) والسلام

[كرزاي]

#994134 [الصاااااقعة]
5.00/5 (1 صوت)

05-05-2014 04:04 PM
والله يناس الشرق احمدو ربكم بايلا ...

لو الفساد عم البلاد فايلا افضل السيئين ...

[الصاااااقعة]

#994105 [سامى]
5.00/5 (2 صوت)

05-05-2014 03:26 PM
الفاشلين من منسوبى الموتمر العفنى ديل بدل مايعملوا توقيعات لاقصاء ايلا الفاسد كان افضل يعملوا توقيعات لاقصاء عمر البشير الاكثر فسادا من ايلا وفى النهايةدى فبركة اعلامية ساكت لانى عايش فى الولاية دى وحايمها شارع شارع ناس بالشكل ده ماف

[سامى]

#994091 [Ahmed Elradi]
5.00/5 (2 صوت)

05-05-2014 03:16 PM
راجع الكتاب الأسود لتعرف كيف تم تمثيل الشرق في الوظائف الدستورية منذ قيام الإنقاذ، ياخي التغيير في حد ذاته مهم، لمنع إحتكار السلطة، من ناحية ولإعطاء فرصة للجديد والتجديد

[Ahmed Elradi]

#994072 [ساهر]
4.00/5 (3 صوت)

05-05-2014 02:57 PM
هذا والله نذير شؤم باندلاع جبهة أخرى في الشرق. زمان ما قلتوا ده أحسن والي الحصل شنو؟ يعني يجيبوا ليكم ملائكة من السماء؟ كل من زار بورتسودان شهد أنها تسحنت وتطورت بصورة غير مسبوقة، فيا أهل الشرق كفوا شروركم وخليكم ساكتين. قال مشورة شعبية وسلطة إقليمة قال. والله أنكم ب*ر.

[ساهر]

#994039 [الصادق]
3.25/5 (3 صوت)

05-05-2014 02:15 PM
100 الف توقيع فى يوم معقولة ياناس ارحمونا

[الصادق]

#994032 [ابو ابراهيم]
3.75/5 (4 صوت)

05-05-2014 02:06 PM
يا ناس بورتسودان إنطبق عليكم المثل البيقول السمك لو شبع بيطلع من البحر ويموت

[ابو ابراهيم]

#993982 [بت البورت]
5.00/5 (1 صوت)

05-05-2014 01:01 PM
عموما بياكل وبينتج هههههههههه احسن من غيرو

[بت البورت]

#993936 [طه]
5.00/5 (1 صوت)

05-05-2014 12:24 PM
طيب والى الخرطوم كيف اكبر حرامى وفضيحة مكتبو الا عمر الولاية ى وهم

[طه]

#993850 [ahmad]
4.00/5 (1 صوت)

05-05-2014 11:08 AM
هههههههههههههههههههههههههههههههههههههههههههههههههههههههه ايلا براه ياخ الحكومة كلها عايزة حجب الثقة

[ahmad]

#993816 [ود البورت]
4.00/5 (3 صوت)

05-05-2014 10:39 AM
العاجزون عن الفعل وخلق المبادرات يعبرون عن عجزهم باطلاق مثل هذه الشائعات التي تعكس مدي الحقد والحنق تجاه ما تحقق من نجاحات وانجازات بهذه الولاية...لذا لا تجد منهم نقداً موضوعياً يكون منطلقه المصلحة العامة ...والادهي من ذلك لا يعون بوزر (الكلمة) التي يطلقونها...فهل يقبل أياً منهم أن تطلق التهم عليه هكذا جزافاً !!!...ان كانت الاجابة بنعم فليضاعفو جهدهم في صناعة الشائعات والتهم.

[ود البورت]

#993786 [فتحي]
4.25/5 (4 صوت)

05-05-2014 10:18 AM
سبحان الله !! خلاص حايجيكم بتاع سنار والله يبيعكم بشواطي البحر الاحمر للسعودية !!

[فتحي]

#993726 [محمد]
4.00/5 (3 صوت)

05-05-2014 09:34 AM
انا لا أعرف إيلا او عيلة هو حرامي ولكن لا تقيلوه احسن لكم من غيره
نافي زول مكتمل ولكن إيلا احسن من غيره

واحترمه لماذا قال اموال الولاية للولاية ودخل الميناء لاهل الميناء وبهذا فتح الباب لناس ولايات قريعتي راحت ان يحجبوا على مدخرات ولاياتهم لوياتهم مثل ما عملها عيره

[محمد]

#993722 [ana sudani]
4.00/5 (3 صوت)

05-05-2014 09:34 AM
طالما الولاية منتعشة وافضل ولايات السودان ابقي دي ضريبة نجاح للوالي ايلا و جشع من باقي الكيزان طمعا في المناصب والله اعلم فاعداء النجاح كثر انتو احسن من غيركم *

[ana sudani]

#993698 [عبدالله العدلاني]
3.82/5 (6 صوت)

05-05-2014 09:19 AM
بي كل سلبياتو الحق ينقال دة الوالي الوحيد الشغال في السودان ولو باقي الولاة نهجو ربع نهجو كان المهاجرين كلهم رجعو إلي تراب الوطن .

[عبدالله العدلاني]

#993452 [زول كدا]
4.00/5 (3 صوت)

05-04-2014 09:48 PM
ايلا وكل عفن المؤتمر الوطني لا يصلحون لرعي نعجة جرباء ناهيك عن ولاية كاملة
ومن الاجدر بالشعب الثورة ضد الحكومة لاقتلاعها من جذورها فذهاب ايلا لا يجدي طلما هناك من سيأتي بدله من نفس الحزب المقيت

[زول كدا]

#993373 [Khalid - PZU]
3.50/5 (3 صوت)

05-04-2014 08:08 PM
هسي ان تكرهوا شيئا وهو خير لكم........
نار ايلا والا جنة كوز تاني!!!!
بكرة تندم ياجميل
انا مع الديمقراطية بس لما يكون المناخ ملائم
لو ايلا مشي بمفهوم الديمقراطية.... كنا لسه كما كنا قبل حضورة... وبورتسودان كانت عبارة عن كوشة كبيرة....
قولوا الحمدلله.... الراجل بالديكتاتورية انجز كتير والله يجازيه خير
انا اكتر شخص في الدنيا يكره الكيزان والاخوان واولاد عمهم كمان....
بس ايلا انجز ولازم نكون موضوعيين في انتقاداتنا
وربنا يحفظ البورت خاصة والسودان عامة

[Khalid - PZU]

#993310 [واقعى]
4.00/5 (3 صوت)

05-04-2014 06:37 PM
ناس وهم....ايلا دا مفروض يعملو ليو تمثال

[واقعى]

ردود على واقعى
[kalifa ahmed] 05-04-2014 07:43 PM
الوهم أنت يا واقعي..... يظهر عليك يا مستفيد من الوالي النفاخ العامل صدام حسين في زمنو يا زول بتشوف البحمر الأحمر وبورتسودان في التلفزيون !!!!!! لو عايز كتب ندبلك عن مخازي الكوز المدعي ايلا زلط !!!!!!!


#993306 [مواطنx]
5.00/5 (2 صوت)

05-04-2014 06:35 PM
المشهد التالي،التحلل من ايلا وفساده،الذي بلا شك سيتحلل هو الآخر أيضا منه!
مشاهد فساد هزلية مباحة!ممزوجة بقليل من المكايدات السياسية الشخصية وتصفية حساباتها الخاصة بها خلف الكواليس،وما زال نزاع البقاء بين الطبقات على الأرض مشتعل كلهيب النار ويزداد حدة يوم بعد يوم،تحت ظلال مجون القانون،وسيرك سلطة و سياسة مايسمى بدولة الفوضى....

[مواطنx]

#993254 [رانيا]
5.00/5 (6 صوت)

05-04-2014 05:31 PM
بدل ما توقعوا ضد البشير متشطرين على إيلا !! يلا خموا وصروا وخليهم يجيبوا ليكم الأنضف . .

[رانيا]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة