الأخبار
أخبار إقليمية
الصادق المهدي :حزب الأمة القومي هو الطليعة الوطنية في الفكر و السياسة
الصادق المهدي :حزب الأمة القومي هو الطليعة الوطنية في الفكر و السياسة
الصادق المهدي  :حزب الأمة القومي هو الطليعة الوطنية في الفكر و السياسة


ما حدث ورقة صفراء اتحتت و رهيفة أنقدت
05-05-2014 07:50 AM


فخر الدين ادم
دعا الحبيب الإمام الصادق المهدي في كلمته التي القاها بمناسبة دعوة العشاء الفخيمة التي أقامها المستشار البشرى عبد الحميد مساعد الأمين العام للمهجر للأحباب في المهجر و أبناء الولاية الشمالية الاعضاء بالهيئة المركزية ورؤساء الحزب بالولايات يوم أمس دعا لإسناد الحوار بالتعبئة العامة و تهيئة القواعد للإنتفاضة الشعبية حال تعثر الحوار الوطني ، وطلب الحبيب الإمام من روساء الحزب بالولايات إقامة ندوات مصحوبة بمواكب تطالب بالنظام الجديد كما طلب من المهجريين بضرورة تنظيم مواكب و تظاهرات سلمية احتجاجية أمام سفرات السودان في البلاد التي تسمح بذلك . كما طلب من المهجريين التسويق و المساعدة في نشر رؤية حزب الأمة القومي لقضايا دارفور و ابيي و أزمات الخليج و اللأزمة المصرية .
وعن الأمانة العامة السابقة قال أنها (ورقة صفراء اتحتت و رهيفة اتقدت) وطلب من الأمينة العامة بضرورة الإستفادة من الدورس التي خلفتها الطريقة الإبراهيمية و ضرورة تشكيل أمانة عامة وفاقية تضع في أولوياتها قيام مشروع للتصافي والتعبيئة العامة لتغيير النظام و بناء مؤسسات الحزب القاعدية و أقامة مؤتمرات الولايات و المؤتمر الثامن و تفعيل أنشطة الحزب والإشتراكات... والتفكير الجاد في تأسيس قناة فضائية ودعم الولايات بسيارة لكل ولاية على الاقل في مرحلة التعبئة .و أشاد الحبيب الإمام في كلمته بالقلوب الصافية التي صبرت في الفترة السابقة و التي التقت بمحبة في المركزية وخرجت بدرس وطني في يرفد الساحة السياسية السودانية بممارسة الديمقراطية بشففية مطلقة .
وفي كلمته أكد البشرى عبد الحميد إلتزام الأحباب في الخارج و استعدادهم للإيفاء بكل واجبات المهجريين تجاه الحزب وأعلن عن دعم مشروع السيارت ب25% من القيمة الكلية كما اعلن الحبيب الريح محمود عن دعم قدره 25% من قيمة شحن تلك السيارات . و أكد البشرى أن مؤتمر المهجر سوف يكون بأذن الله في أغسطس المقبل بأذن الله .
جدير بالذكر ان الفريق صديق محمد إسماعيل نائب رئيس الحزب والأستاذة سارة نقد الله الأمين العام للحزب والحبيب عبد الرحمن الغالي عضو مجاس التنسيق و الحبيب الباشمهندس صديق الصادق رئيس اللجنة الإقتصادية بالمكتب السياسي و الحبيب موسى جبر عضو المكتب السياسي و الحبيب الطاهر حربي عضو المكتب السياسي و الحبيب محمد عبد الله عبد السلام نائب رئيس لحزب بجنوب دارفور و الحبيب و الامير عبد الحميد الفضل رئيس لجنة الإعلام و الثقافة بالكتب السياسي و الحبيب الصادق عثمان وكيل الإمام ببحري و الحبيب هاشم عكاشة كانوا ايضا ضمن الحضور في تلك الليلة البهية




تعليقات 31 | إهداء 0 | زيارات 3033

التعليقات
#994291 [قرين صل]
0.00/5 (0 صوت)

05-05-2014 07:29 PM
والاهي انا مابعرف لكن مرات لمن اشوف مريم بجيني عرم شديد ، بحسها زولة شهوناية…
والا اتو رايكم شنو

[قرين صل]

#994289 [قرفان للطيش]
5.00/5 (1 صوت)

05-05-2014 07:26 PM
هذا هو رد الجيل والوفاء ﻻهل العطاء عند فرعون الزمان نكران لتاريخ وعطاء رفاقه متى اعترتهم لحظة وعى بخطائهم سباب وسخرية وليس غريبا عن فرعون فقد سب وقلل من قيمة اوﻻد عمه شنو اباهيم اﻻمين وﻻشنو

[قرفان للطيش]

#994268 [زهجان لما بظرررط]
0.00/5 (0 صوت)

05-05-2014 06:56 PM
الحبيب الحبيب حباكم برص ليهو رياله زى عبد الرحيم ياوهم ياحصين
والله البلد دى ماتقوم ليها قايمه لليوم الدين واحد عمره سبعين سنه وقاعد ينظر ويتعلقن
ينبغى ولابد ومن المفترض انت الحكومه ماكنت ماسكه عملت فيها شنو غير جبت لينا الخوزيق ديل اخوان الشيطان نى من يومك كلامك كلو قالى وقلت ليهو زى الحريم بلا يخمكم كلكم ضيعتو البلد

ك ........ م ديلك لما يجو ديل ..

[زهجان لما بظرررط]

#994158 [برعي]
0.00/5 (0 صوت)

05-05-2014 04:40 PM
حبيب ايه الانت شابكنا فيهو دي
انتو مواهيم ولا شنو والله غير هبالتكم دي مافي شئ ضيع البلد ود/ ابراهيم ده ارجل واحد فيكم ، قوموا لفو كده بلا لمة بتاعة احبه فارغة
وبعدين الطريقة الابراهيمة دي شنو انا بصراحة ما فاهم اي حاجة غير انكم تذهبوا جميعا الي مذبلة التاريخ بي مهديكم الكبير ذاتو ! وبي خليفتكم التعايشي !، بلا نفاق بلا تخلف ورجعية
قال الحبيب قال ، الحبيب بورقيبة ولا شنو ؟

[برعي]

#994128 [الجمبلق]
0.00/5 (0 صوت)

05-05-2014 03:56 PM
تعرف حزب الامة يوم يصبح الصادق المهدى دا ما يلقى فيه الا هو وبنته وولده والضحك بشرطو

[الجمبلق]

#994120 [Mhmd Nour]
3.00/5 (2 صوت)

05-05-2014 03:41 PM
الصادق المهدى بيعمل فى عمل لا يفهمه الا الذين يعرفون خبايا السياسة واسرارها والذين ينتقدونه اما جهلاء لا يعرفون ما يدور فى داخل حزب الامة وما يدور فى الساحة السياسية او حاقدين يريدون تفتيت الحزب . ما يقوم به الرجل فى هذه الايام عمل كبير يعيد حزب الامة لمجده وهذا هو المجنن( ناس قريعتى راحت ) وسوف تشهد لكم الايام بذلك . لو تمعنتم فى ما قاله الصادق فى دعوة العشاء جيدا ستعرفون ماذا يريد ان يفعل الرجل فى مقبل الايام .

[Mhmd Nour]

ردود على Mhmd Nour
European Union [دار الريح] 05-05-2014 07:34 PM
رحم الله النميرى فقد كان صادقا" حين نعته بالكاذب الضليل ولو رأه الان بعد افعاله وهرولته نحو الرشاوى تحت مسمى التعويضات لخر مغشيا" عليه

[مساعد الطباخ] 05-05-2014 04:08 PM
والله إبداع!
زكرتني نكتة الأنصاري الحضر خطبة سيدو الحبيب ومشى قال للناس: والله الليلة سيدي خطب سماحة خطبة! قالو ليهو : قال شنو؟
قال ليهم: كلام سيدي كمان بتفهم؟؟؟؟


#994078 [الجــــزيرة ابا]
5.00/5 (1 صوت)

05-05-2014 03:03 PM
غايتوا ما شفت لى امام بنبز فى اعضاء حزبه بمثلما تفعل يا فالت اللسان وحاسد وما ديمقراطى ----- و--- ديكتاتورى

[الجــــزيرة ابا]

#994045 [مساعد الطباخ]
4.88/5 (5 صوت)

05-05-2014 02:22 PM
(تسويق رؤية حزب الأمة القومي لقضايا دارفور و ابيي و أزمات الخليج و اللأزمة المصرية ).
هههههة
هزلت وبان هزالها
وماذا عن رؤية حزب اللمة لمشكلة أوكرانيا والحرب الباردة بين روسيا وأمريكا مدعومة بالاتحاد الاروبي ؟ ألا تحتاج هذه لتسويق أيضاً سيما العالم كلة في حيرة وينتظر بفارغ الصبر نظريات الدرويش الأكبر الحبيب السيد ابن السادة الذي لا يلد ألا سادة ؟؟
يا جماعة الراجل الدجال ده ما فاتو في النرجسية ألا العقيد القذافي! باقي لي لازمك العود أنت كمان لكن المرة دي في قدومك عشان نرتاح من كلامك الفارغ ده شوية.
قوم لف قال حبيب

همسة لشباب حزب الأمة الزعلانين شديييد:
تستاهلو ! مازمان قلنا ليكم في الجامعة بطلو بوس اليدين والكرعين وأمسكو في كتاب الله وسنة النبي صلى الله عليه وسلم قلت (الحبيب) ما بتفوتو! وقديما قال زياد بن سلمى الفارسي:
و مـن كـان الغـراب لـه دليـلاً*** يمــر بــه على جيــف الكــلاب

باب التوبة فاتح.. خليكم من الحبيب والحبيبة والكيزان والكبابي وأمسكو في الله تعالى والرسول صلى الله عليه وسلم

[مساعد الطباخ]

#994025 [طارق الباز]
3.50/5 (2 صوت)

05-05-2014 01:59 PM
حزب الأمة القومي هو الطليعة الوطنية في الفكر و السياسة هههههههههههههههههههههههههههه قومو لفو طلعتو طليعه وطنية فى الدهنسة والتملق والجبن

[طارق الباز]

#994000 [ابو الشيخ]
5.00/5 (1 صوت)

05-05-2014 01:25 PM
مش زمان كانت فى اغنيه اسمها حبيب الشعب يا نميرى !!!!!!

طيب كويس اقتنعنا اى واحد منهم حبيب زى الاستاذه ساره نقد الله يقولوا ليها شنو ( الحبيبه) ؟؟؟؟؟؟

[ابو الشيخ]

ردود على ابو الشيخ
European Union [اب كروكرو] 05-05-2014 07:38 PM
جندرة


#993983 [ابوالحسن الشايقي]
3.50/5 (2 صوت)

05-05-2014 01:02 PM
بينك انت واولادك وبناتك ياصادق المهدي وشعب السودان بقي في فاصل كبير وعند سقوط هذا النظام ستكتشف حجمك الحقيقي فلا رجاء في شاب صارع عمه الهادي وخاصم عمه احمد والان يسدد خنجره المسموم في بطن جياع السودان وهم كثر انظر حولك تري الطريق الذي سرت فيه واقرب من حولك هو زوج اختك وهو راس الحيه ثم فضل الله برمه ناصر والسودان كله يعرف من هؤلاء.

[ابوالحسن الشايقي]

ردود على ابوالحسن الشايقي
[ابو الشيخ] 05-05-2014 03:44 PM
اضف كذلك خلافه مع المحجوب ومبارك الفاضل وكثيرون آخرون


#993978 [من المركز]
3.00/5 (1 صوت)

05-05-2014 12:56 PM
نكتة القرنين الماضي والحاضر. الواحد ما مستغرب عن حال البلد اذا كان دا مستوي الطليعه الوطنيه في الفكر والسياسه . لك الله ياوطني

[من المركز]

#993948 [أبوعلي]
4.25/5 (3 صوت)

05-05-2014 12:36 PM
الزول دا لاينوم ولاّ يرتاح طول الأسبوع يرغي
بعدين ، دا حزب ولاّ حديقة عشّاق وحبايب!!!!
نعم (حزب الأمة القومي هو طليعة) ومحترم جدّا
والصادق فهو طيش حزبه وخائبه وفاقد للإحترام

[أبوعلي]

#993922 [Amin]
1.00/5 (3 صوت)

05-05-2014 12:13 PM
يظل حزب الأمة سيد الساحة ودينمو الأحداث
حتى ادق أحداثه الداخلية تشغل الرأي العام وتلفت الأنظار

حتى النقد السالب وإن بدا قاسيا لكنه في كثير من الأحيان يزيد من زخم الحزب ويتقزم أمام طرحه .. فيصبح مهاترات تذروها الرياح

أما الأسماك ..ففرفرتها تحنن


في ناس بقت خائفة الإنقاذ تمشي .. نكاية في حزب الأمة

[Amin]

ردود على Amin
European Union [Amin] 05-05-2014 05:11 PM
يا أخ kaaaak ;
في ناس فرحت بإنقلاب البشير والجبهة الإسلامية شماتة وحرقة في حزب الأمة وقيادته
وضاقت المُر والهوان والفقر وقالوا لو في خير واحد من الإنقاذ دي نطلع بيه هو أن تدمر لينا الحزب وقيادته.... بمبدأ '' عجبني للمرقوت''

وبعد الحريق يكتشفوا إنه'' المرقوت'' طلع أقوى وأكبر وأنجح ..وهم الإتحرقوا



أها الكلام ده مابزعلهم ؟؟؟؟؟؟؟

United States [صابر الحواتي] 05-05-2014 01:45 PM
صبحت كبد الحقيقة لا فض فوك

European Union [kaaaak] 05-05-2014 01:02 PM
قصدك بالناس ديل حسن الترابي ... وصال المهدي...الصادق المهدي...و لا عبد الرحمن الاصدق المهدي.....؟؟؟؟؟ خليك صريح ياااااخ


#993870 [al digail]
0.00/5 (0 صوت)

05-05-2014 11:24 AM
Al Sadiq, if you are the scholar they said you are and a man of wisdom, an Arctic of politics and a knowledgeable man then the "door of the carpenter is shaky" as the Sudanese proverb goes. You do not see yourself but your interests and the interests of your family, and all the glamour surrounding you is a deception carefully crafted to deceive your people and the people of Sudan. Wake up man, you are just a mortal none of the above would have given you any leverage hadn’t you been the grandson of Al Mahadi. Your current dwindling strength would not have stand the test of time had you been an ordinary Sudanese from a middle class family. Your in-depth knowledge of Islam should have taught you the virtue of being modest, honest, and God fearing Muslim, but your greed and opportunistic nature blinded your ability to distinguish the difference between right and wrong, and fall in the traps of your demons. Your age now is over eighty, and every day passes you get closer to the inevitable, why don’t you redeem yourself before it is too late. If I were you I would have spent the last days of my life appealing to your party members and the Sudanese people to forgive your colossal mistakes , and show your sons and daughters the right path of faith instead of grooming them to be become a copy of your distorted image

[al digail]

#993863 [عبد الجبار احمد]
4.00/5 (2 صوت)

05-05-2014 11:17 AM
وين اسماء الشباب الذين ضحوا بالغالي والتفيس طيلة سنوات حكم النميري وكذلك قترة الانقاذ وتعرضوا للسجن والفصل من الخدمة والتعذيب . لم تظهر اسماءهم في اي مكان في الوضع الجديد لحزب الامة اين هم الان؟؟؟؟

نذكر منهم : المهدنس الفاضل ادم اسماعيل ، د. تاج الدين البشير ، عثمان حميده عثمان ، وداعة الصادق ، محمد عبد الرحمن حسين ، الضواها على الضواها ، حماد الضاوي ، علي يوسف ، عبد الرحمن محمد عبد الرحمن ، اسماعيل بلول ، اسماعيل ادم علي ، محمد المهدي ، الطيب الشيخ كثيرون ممن عاصرناهم فترة الجانعة أين هم الان

اظن ناس حزب الامة شغالين بنظرية جاء من ورا .. حجر الضرا

[عبد الجبار احمد]

#993844 [سن ألفيل]
5.00/5 (2 صوت)

05-05-2014 11:00 AM
خبيبي انا

[سن ألفيل]

#993795 [الكاهلية]
4.00/5 (3 صوت)

05-05-2014 10:23 AM
اضحك مع الصادق

[الكاهلية]

#993775 [صابر الحواتي]
2.50/5 (4 صوت)

05-05-2014 10:09 AM
الله اكبر ولله الحمد فليمت الشامتين والحاسدين والحاقدين من الكتاب الذي يقتالهم حزب الامة القومي وقادته هذه هي القيادة الرشيدة التي نهتدي بها

[صابر الحواتي]

#993766 [الجبلابي الانصاري]
4.00/5 (5 صوت)

05-05-2014 10:01 AM
(ورقة صفراء اتحتت و رهيفة اتقدت) !!!!! ده كلام تقوله ياوهم - سبدرات حرامى الاقطان وكت خلى الشيوعية وبقى كوز ، الكيزان قالوا ليهو سب الشيوعية والشيوعيين قال كلمة خالدة - انا لن ابصق على تاريخى - تجى انت وبكل وقاحة تقول الكلام ده عشان هم اشرف وانضف منك وماعندهم اجندة مع الكيزان زيك - انت يالصادق رجل حاقد اعوذ بالله منك

[الجبلابي الانصاري]

#993732 [abu-shanab]
0.00/5 (0 صوت)

05-05-2014 09:37 AM
What about Alhabeeb Omer Albasheer and Alhabeeb Ali Osman and the other Haeebs ?

[abu-shanab]

#993727 [Salah E l Hassan]
3.50/5 (2 صوت)

05-05-2014 09:36 AM
ايه حكاية الحبيب القايمين فيها اليومين دي ...؟

[Salah E l Hassan]

#993723 [الأنصاري]
4.00/5 (6 صوت)

05-05-2014 09:34 AM
يا أيها الصادق والله الذى لا اله إلا هو 000 لا توجد ورقة صفراء في هذا الحزب الا انت وأمثالك من المطبلاتيه وحارقي البخور وعديمي الضمير 0000إما الرهيفة فلا تتحدث عنها بعد أن غبشت علي أنصار الله عقود عددا واوهمتهم بسعيك نحو الديمقراطية فيما تاريخك البعيد والقريب ملئ الانبطاح العسكر وتعارضهم بالنهار وتسهر مهعم بالليل 000 إعقلوا أيها الغفلة وان الزمن لن يعود للوراء ولا طاعة عمياء لعديمي الضمير 0000 ويا بشراك يا أبراهيم الامين ويكفيك غخرا وعزة وصفاءا ونقاءا شهادة شعبنا العظيم والخزي والعار لكم أيها المتأمرين

[الأنصاري]

#993697 [shah]
5.00/5 (1 صوت)

05-05-2014 09:19 AM
شنو موضوع الحبيب ده ... ومن الحب ما قتل.

[shah]

#993693 [النصيحه]
3.00/5 (1 صوت)

05-05-2014 09:15 AM
بل هو الطليعه الوطنيه في الهباله والانحطاط !!!!!!!!!!!

[النصيحه]

#993692 [A. Rahman]
5.00/5 (1 صوت)

05-05-2014 09:14 AM
حبيبي انا.

[A. Rahman]

#993691 [شاويش]
0.00/5 (0 صوت)

05-05-2014 09:14 AM
ههههههههههههههههه

[شاويش]

#993689 [moy ako]
5.00/5 (1 صوت)

05-05-2014 09:13 AM
كل ما ارى مايقوم به الصادق المهدي اتذكر بشكل معاكس قوله الكريم "لَوْ أَنْفَقْتَ مَا فِي الْأَرْضِ جَمِيعًا مَا أَلَّفْتَ بَيْنَ قُلُوبِهِمْ وَلَٰكِنَّ اللَّهَ أَلَّفَ بَيْنَهُمْ ۚ إِنَّهُ عَزِيزٌ حَكِيمٌ"
اقول لو انفقنا نحن كل وقتنا لتوعيه الشعب السوداني وتبيان هشاشه بناء الديمقراطيه وزيفها في الاحزاب الطائفيه لما بيناه بمثلما يفعل الصادق المهدي وقرينه "الابكم" ود الميرغني في الاتحادي. ويسرني جدا واشمت لما اراه يحدث لاى نخبه متعلمه بهذه الخيم رهنت وعبدت نفسها لقداستهم فجازوها بكل صلف وعدم وفاء اسوآ الجزاء. ومن السخريه ماحدث لازهري وعبدالله خليل كرر ويكرر دوما بالملي على كل من خدع نفسه بانه يمكن معايشه الديمقراطيه والطائفيه في سرج واحد.

[moy ako]

#993650 [usama]
5.00/5 (5 صوت)

05-05-2014 08:38 AM
دا حزب الاحبه .. شنو يا كاتب وخادم اسرة المهدي.. والله في صحفيين معرصيين كيف كيف

[usama]

#993638 [خاطره]
5.00/5 (1 صوت)

05-05-2014 08:23 AM
خلاص انتهوا الاحبا .ما يكون في حبيب تاني قاعد وراء شوية تكونوا نسيتوا ولا حاجه. لان الاحباب ديل زعلهم كعب شديد .

[خاطره]

#993635 [سامي مان]
5.00/5 (1 صوت)

05-05-2014 08:14 AM
الفول حبيب الشعب ( الحبيب الحبيب الحبيب الحبيب سودان ضايع )

[سامي مان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة