الأخبار
منوعات سودانية
القبض على دجالة تدعي تزويج الفتيات بأمر الجان
القبض على دجالة تدعي تزويج الفتيات بأمر الجان
 القبض على دجالة تدعي تزويج الفتيات بأمر الجان


05-05-2014 05:08 PM

الخرطوم: مجدي تيراب :

ألقت الشرطة بأم درمان القبض على امرأة في منتصف العقد الخامس من عمرها تدير منزلها لأعمال الدجل والشعوذة والسحر وادعائها بتزويج الفتيات بأوامر الجان، وتوفرت معلومات لدى الشرطة تفيد بنشاط المتهمة في أعمال السحر والشعوذة .

وعلى ضوء ذلك تمت مداهمة المنزل الكائن جنوب أم درمان بموجب إذن تفتيش صادر من النيابة المختصة وتم اقتياد المتهمة لقسم شرطة دائرة الاختصاص ودون في مواجهتها بلاغ توطئة لتقديمها للمحاكمة.

اخر لحظة


تعليقات 14 | إهداء 0 | زيارات 6462

التعليقات
#995169 [تينا]
0.00/5 (0 صوت)

05-06-2014 03:29 PM
شكرا لزيارتكم ...(((الخفسو))) اخوى ... صدقت البورة حارة لكن يا اخوى زواج بجى بالدجل والشعوذة باقى ليك ما شى ينفع ؟؟؟ اخير الواحدة تمشط البيضاء بالزرقاء من جنس الحالة دى ههههههههه ... (((ساب البلد))) حبابك اخوى انا بخير احمد الله واشكر فضله وسألت عليك العافية ان شاءالله ... صحى البورة قاسية لكن يا اخوى ذى دى الضمان شنو تزوج الواحدة فيهم ليجان ههههههههه ... (((عازب من زمان))) اخوى الله يعرس ليك ويفك عزوبيتك شحدتا ربى ورجيت مولاى قول اميييين ... عليك الله ابعد من طريق الدجل والشعوذة دا وأكيد بتلقى ليك واحدة فدائية تباصر معاك (((حلاوة قطن))) أقصد الماهية ههههههههه صدقت ياها حلاوة قطن ... انت بس خت نية الزواج فى قلبك وربنا بسهلها عليك ان شاءالله تسلموا ...تحياتى ...

[تينا]

#995065 [القطيمة]
0.00/5 (0 صوت)

05-06-2014 01:41 PM
العصفور المهاجر العصمة في يد الجنية ان كان مواقف الله ينهيكم ببعض ساعتها بتطلب الخلع

[القطيمة]

#994995 [سونا]
5.00/5 (1 صوت)

05-06-2014 12:46 PM
نعمل شنو يا جماعة اذا كان العرسان بتطفش خارج البلد، انا ساقتني صاحبتي لحاجة توميا دي بامدرمان ودفعت ليها 270 الف جنيه ووعدتني بعريس وفعلا بعد اسبوع اتعرفت على رجل متزوج واتفقنا على الزواج على ان اقيم معاه في بورتسودان ولكن للاسف اختفى نهائي وكلمت الشيخة وقالت لي عشان انتي ما تميتي القروش 300 الف وبعد يومين اتصل على وقال لي احول ليه رصيد عشان يتكلم معاي وفعلا حولت ليه رصيد بـ 100 جنيه ورسل لي رسالة قال لي مرته ابت، احسن ما عملتو لينا الكيزان حلو لينا مشكلة العرس واهو كل قسمة ونصيب ولكني متفائلة بعريس غفلة

[سونا]

ردود على سونا
[ودشندي] 05-06-2014 06:16 PM
ياخت سونا انتي برضو بتصدقي الكلام دا وكمان بتدفع ليها قروش لكن والله صاح البورة حارة لكن ما لدرجة دي ههههههههه انا عندي ليك عريس رايك شنو يا سونا


#994974 [الكردفاني]
5.00/5 (1 صوت)

05-06-2014 12:37 PM
و لماذا لم يتم القاء القبض على السيد/ بله الغائب ؟

[الكردفاني]

#994837 [محمود]
0.00/5 (0 صوت)

05-06-2014 10:49 AM
عمل جميل لكن ارجو ان تصدر اوامر اخري لتفتيش بيوت الوزرا والولاة للقبض علي الدجالين اكيد تجدوا نوع مستورد من غرب افريقيا

[محمود]

#994833 [محمود]
0.00/5 (0 صوت)

05-06-2014 10:47 AM
عمل جميل لكن ارجو ان تصدر اوامر اخري لتفتيش بيوت الوزرا والولاة للقبض علي الدجالين اكيد تجدوا نوع مستورد من غرب افريقيا

[محمود]

#994702 [أبوديك الديناري]
5.00/5 (1 صوت)

05-06-2014 09:37 AM
يا جماعة المثل بقول (المودر بفتح خشم البقرة) مسكينات يعملن شنو ؟؟؟

[أبوديك الديناري]

#994660 [حزين جداً]
5.00/5 (1 صوت)

05-06-2014 09:11 AM
يايا جماعة الخير 60% من السودانين يؤمنون بالدجالين والمتشعوذين . وريسنا نفسو في يده اليمني خاتم دجل

وشعوذة وسحر وأرقام ومربعات

والدجالون ينتشرون في كل مكان وفي قارعة الطريق وحول المساجد بالسوق الشعبي أم درمان وبحري

ومعظم الخلاوي تفرخ دجالين ومتشعوذين . لأنهم يتخرجون بلا وظائف وبلا وجه . لا يجدون بعد حفظ

المصحف

شخص يأخذ بيدهم .فقط يتجهون للميحاية والبخرات وخواتم سليمان ونحوها لأنه يرونها مهنة سهلة

وأقرب لهم .

أين العلماء أين علماء السودان لماذا لم تأخذوا بأيدي هولائي وتوظفونهم بما ينفع المجتمع

لماذا تتركوهم لتوجيهات المشعوذين والدجالون . أين رجال أنصار السنة ؟؟؟

صدقوني السحر و الدجل والشعوذة إنتشر في جميع أنحاء السودان . نريد التوحيد نريد عبادة الله

الواحد الأحد الصمد . لقد عذب الدجالون الناس بسحرهم أذوهم . فضلاً رشدوا الناس وخاصة

بوسائل الإعلام . وأخبروهم عن السحر والدجل والشعوذة . ومضاره وآثاره السبية .

ولا حول ولا قوة إلا بالله . اللهم خذ بيدنا إلى طريق هدايتك يارب العالمين .

بس حزين جداً لسكوت الإعلام عن هذه الظاهرة الخطيرة والخطيرة جداً . وعلى شمو دمر الإعلام السوداني

[حزين جداً]

#994487 [الطير المهاجر.]
4.50/5 (2 صوت)

05-06-2014 01:02 AM
بنات زمان كانوا بقولوا في مجالسهم الخاصه.
ياربي تمرقنا من البوره وتضوقنا ؟؟؟؟؟؟؟؟ دي أنا مابقولا
إنتوا يابنات حواء لما نحن غاليييين ومهميييييين كده وما،،،بتقدروا
تعيشوا بدونا بتدلعوا علينا وبتعذبونا عذاب قبوره وكمان بشوكشونا بكل
القسوه وأنا بقول ليكم كويس ياقرد بكره الموز بجيبك ولما تجونا بقول ليكم
سوري إعتذاركم وجرستكم وشفقتكم مابتفيدكم العملتوهوا كان بإديكم ونحن معشر الرجال المهميييييين هاك الإهتمام ده خليناكم وحنمشي للدجاله ونفك البوره بي بنات الجن
أنا عاوز جنيه.

[الطير المهاجر.]

ردود على الطير المهاجر.
[القطيمة] 05-06-2014 01:43 PM
العصفور المهاجر العصمة في يد الجنية ساعتها الخلع ما بتلم فيه الله يهنيء سعيد بسعيدة


#994383 [الدبيب]
4.00/5 (1 صوت)

05-05-2014 10:27 PM
هههههههههههههه والله قصة الفتيات اصبحو يقولن يا الله ضوقنا ما ما تحرمنا

[الدبيب]

#994358 [بت قضيم]
5.00/5 (1 صوت)

05-05-2014 09:45 PM
اذا كان بتقبضوا الدجالين ليه خالين بله الغائب الضلالي ما هو برضو دجال ولا عشان دجال حكومة

[بت قضيم]

#994273 [عباس]
5.00/5 (1 صوت)

05-05-2014 07:05 PM
عقبال السحرة والدجالين الباقين شدوا حيلكم البلد مليانه من هذه النوعيات والجهل منتشر والعالم بقت
تصدق اى حاجة مثل الغريق الذى يتعلق بالقشة .

[عباس]

#994255 [ابوغتاته]
5.00/5 (1 صوت)

05-05-2014 06:46 PM
سيد الرايحه بيفتش خشم البقره ,, والبوره حاااااااااااااااااااااااره يا ناس وعرس مافى ,, بس الله فى

[ابوغتاته]

#994187 [تينا]
5.00/5 (1 صوت)

05-05-2014 05:16 PM
المفروض تقتادوا معاها الفتيات الجاهلات ديل ذاتهن البجنها اذا قلنا هى كبيرة ويمكن جاهلة مابال الفتيات الأكيد متعلمات البيأمنن بالدجل والشعوذة زواج شنو ذاتو ماشى ينفعكن بتسونوا بالجان ؟؟؟! جنس الجاهلات ديل هن المكنن الدجالين والمشعوذين من انتشار الظاهرة ... أعوذ بالله ...

[تينا]

ردود على تينا
[عازب من زمان] 05-05-2014 11:00 PM
منو القاليك البنات ديل جاهلات و مغفلات - أنا ذاتى بفتش لى زول يفك عزوبيتى الأبدية دى - عمرى 46 سنة و خريج و شغال موظف من سنين و الى اليوم ما قادر أفتح بيت بماهية السجم دى العاملة زى حلاوة قطن قبل ما تقبضها تلقاها ساحت من يوم 7 فى الشهر - لكن العشم فى الله كبير = و لك تحياتى

United States [ساب البلد] 05-05-2014 07:20 PM
******** تينا يا اختي كيفنك ان شاء الله تكوني بخير ******** البورة يا اختي قاسية ههههههه ******* الا ما فهمت البنيات بزوجوهن لجان ولا بشر ******* بعد مرات القلم ما بزيل بلم *****

European Union [الخفسو] 05-05-2014 07:17 PM
الأخت تينا... أكيد الجهل هو السبب ... لكن يبدو أن "البورة" حآآره



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة