الأخبار
أخبار إقليمية
المتهمون بتجاوزات مكتب والي الخرطوم يهددون بكشف المستور
المتهمون بتجاوزات مكتب والي الخرطوم يهددون بكشف المستور
المتهمون بتجاوزات مكتب والي الخرطوم يهددون بكشف المستور


05-05-2014 05:50 PM
الخرطوم: حافظ الخير

هدد المتهمون بتجاوزات في الأراضي والأموال بمكتب والي الخرطوم، بكشف معلومات خطيرة حول الاتهامات التي وجّهت لهم، ويجري التحقيق معهم حولها، هددوا بما أسموه كشف المستور.

وقال مصدر لصيق للتحريات ان المتهمين تم توقيفهم بحراسة ادارة التحقيق الجنائي التابعة للمباحث الجنائية بالخرطوم بحري. وأكد المصدر أن جملة الأموال السائلة التي أعادها المتهمون 2 مليار جنيه فقط. و15 ملياراً من المال الذي تم استرداده عبارة عن عقارات وأراضي وعربات، وأصول.

الصيحة


تعليقات 44 | إهداء 0 | زيارات 15188

التعليقات
#995557 [wad kajbar]
0.00/5 (0 صوت)

05-07-2014 03:03 AM
يعنى كان البشير لافى فى الحرم عشرة لفات
ووزير الدفاع بالنظر عشرين
وكبر راكب موتر ولافى
و...و.....و......
ديل حيسو شنو؟؟؟؟؟؟؟؟؟؟؟؟؟؟؟؟؟؟؟؟؟
ما فى حل غير يركبو الماليزية..وما تنسو النسوان

[wad kajbar]

#995197 [محمود]
0.00/5 (0 صوت)

05-06-2014 04:09 PM
انتم الان امام العدالة وفي نظر الشعب السوداني مجرمين وحرامية وليس لكم كرامة وتريدون تهديد النظام بكشف المستور ايهما اكبر كرامتكم ام المستور هذا؟ام حتي الان لكم العشم في البرءة؟

[محمود]

#995181 [هارون]
0.00/5 (0 صوت)

05-06-2014 03:47 PM
المحيرني يا اخواني الناس ديل يرجعو القروش دي ليمنو؟!!!

[هارون]

#994992 [قرع ود العباس]
0.00/5 (0 صوت)

05-06-2014 12:45 PM
ديل حرامية استباحوا البلد ومستفيدين من مال الشعب وعايزين الوضع يستمر كدة الي يوم الدين
انتو لو رجال اطلعوا الشارع زي ما قال نافع قبل كدة بالعربي الجماعة ديل يا نحنا يا هم في السودان

[قرع ود العباس]

#994918 [mohamed]
5.00/5 (1 صوت)

05-06-2014 11:52 AM
يعني حايكون ساترين منو،غير الوالي وجماعتو، وناس الأقطان برضو حايكشفو المستور، والمستور في الأقطان لاحول،دي فيها على عثمان، والمتعافي، ونافع، وبدرالدين محمود،وديل موش قوالة، دي مستندات واضحة ودامغة، وانتظرو المفاجآت، هو في حكومة اصلا فاسدة من فوق لتحت،حاتحارب الفساد كيف،حكومة حاكمينها الرئيس وحرمه وخالو،واخوانو، والتابعين وتابع التابعين، بعدين الشماعات العلقوها دي،لمتين، لما ينعصرو حايقولو علينا وعلى أعدائنا.

[mohamed]

#994859 [habbani]
5.00/5 (1 صوت)

05-06-2014 11:03 AM
15 مليار دى الأراضى والعربات والأشياء العينية .. كيف تم تقييمها ؟

[habbani]

#994847 [الحالم]
5.00/5 (2 صوت)

05-06-2014 10:55 AM
الناس في العروض ما تقيسها بي تيبانا ما يغرك لباسهم و العروض عريانا

[الحالم]

#994793 [ممغوص]
5.00/5 (1 صوت)

05-06-2014 10:26 AM
طيب فالنفرض جدلا انو الناس ديل رجعوا 17 مليار ويييييييييييييييييييين باقي ال 900 مليار ؟؟؟؟؟

[ممغوص]

ردود على ممغوص
United States [طائر الهوى] 05-06-2014 01:48 PM
ال 17 مليار زاته وين ؟؟؟؟؟؟؟؟؟
ومن نأمنه عليها؟؟؟؟؟؟؟؟؟؟؟؟
والطقه هى هى .


#994749 [أبوقرجة]
4.50/5 (3 صوت)

05-06-2014 10:02 AM
يعني حيكشفوا المستور بقولو شنو (عمر البشير معهم وحرامي عارفين... الوالي حرامي ومعهم في الموضوع عارفين .... كل الجبهة الإسلامية حراميه عارفين ....... ) بس نحن بنقول ليهم حاجه واحده الحساب يومه قرب .. قرب ... قرب ..... واستعدوا للمشانق يا كيزان السجم ..

[أبوقرجة]

#994628 [المتجهجه بسبب الانفصال]
0.00/5 (0 صوت)

05-06-2014 08:40 AM
رد حقوق بسيطة في اطار الوثبة والحوار الوطني عشان الشعب يأمل خير،،،،، الكلام الحاصل ده كلوا في يد الشعب اذا اراد يوقفوا بوقفوا ،،،

[المتجهجه بسبب الانفصال]

#994544 [3 abin aldar]
5.00/5 (1 صوت)

05-06-2014 04:20 AM
نعم الكاركاتير روعة ويعبر عن الحقيقة الدامغة واشكر صاحبه

[3 abin aldar]

#994538 [saad]
5.00/5 (1 صوت)

05-06-2014 04:01 AM
عشان كدة حللوها , الحرامى الكبير في العمل دائما ما يجر الموظفين الصغار بشوية فتة ليكون الكل في الهوى سوا لكن الموظفين الصغار اكلوا اكتر من اللازم لذلك اراد كبيرهم ان يظهر بثوب العفة و رمي صغاره بجور السرقة لذلك كان رده ضعيفا علي السارقين طالبا اياهم بارجاع البعض مما سرقوهو . ايمانا منه بان لا احد سيتحدث عليه....يا اخي العدالة لا تتجزء الكل لا بد ان يتحاكم ....

[saad]

#994436 [بحري نفر]
0.00/5 (0 صوت)

05-05-2014 11:37 PM
والله زهجنا من كل مرة قولة خلوها مستورة.....البلد مليانة حرامية....ولمتين يأكلوا اموال الشعب المغلوب علي أمره...يا الهي انتقم من كل فاسد و حرامي ...اللهم اعناوانصرنا علي الفاسديين ولا حول ولا قوة الا بالله العلي العظيم.......صحيح الاختشوا ماتوا

[بحري نفر]

#994414 [kabashor]
5.00/5 (2 صوت)

05-05-2014 11:04 PM
لا يعرف ابن الحرام الا ابن الحرام .

[kabashor]

#994409 [نادر التاج أبوحموش]
5.00/5 (3 صوت)

05-05-2014 11:02 PM
والله الكاريكتير من أروع وأبلغ ما رأيت ، ياخي إنت زول مبدع ورايع وفنااااااااااان أستاذنا عمر دفع الله ، لك الشكر على هذا الإبداع ، وللأمام دائماً.

[نادر التاج أبوحموش]

#994382 [كرزاي]
5.00/5 (2 صوت)

05-05-2014 10:27 PM
الله اكبر عليكم: وحسبنا الله ونعم الوكيل.
الله اكبر عليكم الف مره علي كل زول في الحكومه اكل مال الشعب السوداني المكلوم المسكين .كروشهم الكبيره
ظاهر فيها اكل الحرام .انشاء تمرضكم والله كلما امشي الحرم وامسك الكعبه يوم الجمعه ادعو علي كل واحد اكل مال هذا الشعب السوداني وضيع السودان وسرق ودخل اهله بالواسطه وقتل اولادالناس وشردوا الناس من اصغر والي الي اكبر بان الله يرد كيهم في نحرهم وينزل عليهم اشد العذاب

[كرزاي]

#994366 [ادروب]
3.00/5 (1 صوت)

05-05-2014 09:59 PM
والله حرامية وعينهم قوية

[ادروب]

#994363 [sky painter]
5.00/5 (3 صوت)

05-05-2014 09:56 PM
اهدموا المعبد على من فيه ان كنتم صادقين.....راجين ايه؟اليوم الاسود؟ هو في يوم اسود من الانتو فيهو الان؟

[sky painter]

#994362 [kabashor]
0.00/5 (0 صوت)

05-05-2014 09:49 PM
لقد عاد الساميري بالعجل ياقوم .

[kabashor]

#994359 [اكتوبرى]
0.00/5 (0 صوت)

05-05-2014 09:46 PM
من امن العقاب اساء الادب وخان الامانه - وليس بغريب على ال كوز - التغطيه كانت ضعيفه والتسلل واضح جدا- ياعالم والله انوفنا اصابا الزكام من كتر عفنة ال كوز

[اكتوبرى]

#994349 [abutilal]
0.00/5 (0 صوت)

05-05-2014 09:19 PM
المستور دستور يا سيادي

[abutilal]

#994338 [صالح حسين]
0.00/5 (0 صوت)

05-05-2014 08:55 PM
ليه ما كشفتوهو للجنة التحقيق؟
عاوزين تقولو انكم مش براكم وماكم شركاء ؟
وانكم ضحية؟
ما كنتو عارفين انهارسرقة ونهب؟
العبو غيرها
نحن عارفين كل الانقاذ نهب وسلب.

[صالح حسين]

#994331 [ِAburishA]
5.00/5 (2 صوت)

05-05-2014 08:48 PM
هو فضل فيها مستور..من رئيسكم لخفيركم عريانين ملط ليس لديكم ما توراوا به سوءاتكم وعوراتكم..
العملتوه فينا ده ما بنقبل ليكم أقل من جهنم,,,

[ِAburishA]

#994327 [جركان فاضى]
0.00/5 (0 صوت)

05-05-2014 08:37 PM
خلاص انكشف المستور...عبد الرحمن الخضر ضحى بيهم...والان يا يفكوهم يا يضحوا بعبدالرحمن الخضر...ومش حيقتلوهم لانهم احتاطوا لكل مكروه...فكونا والا تشوفونا

[جركان فاضى]

#994316 [الرجعة]
5.00/5 (2 صوت)

05-05-2014 08:21 PM
الملاحظ هذه الايام تصاعد أبخرة فساد حكومة المؤتمر الوطني بقيادة البشير زعيم اسطورة الفساد السوداني وصديق عصابات الكيزان بقيادة المعتوه الترابي وحبيب الاحزاب المنبوذة بقيادة الصادق المهدي ابو كلام فارغ.
والآن المتهمون بمكتب الوالي هددوا بكشف المستور.وهذه الكلمة سبق وقالها اللص الهارب علي الحاج ، قالها في قاعة المجلس الوطني عندما أثيرت قضية طريق الانقاذ الغربي ، قال لهم لو كشفتوا المستور الموضوع ده حيجرجر ناس كتيرة وكان وقتها يقصد عمر البشير وبعض وزرائه . ووقتها ستروا الموضوع ولا زال الموضوع يتمتع بالسترة حتى الآن.
والآن التاريخ يعيد نفسه وأخاف أن لا ينكشف المستور ، ويضيع مال الغبش.
وكان على القضاء رفع الحصانة عن والي الخرطوم وتوجيه التهمه له ومباشرة التحري معه لإنزال أقسى أنواع العقوبات ومصادرة وإنقاذ ما يمكن الحصول عليه قبل أن يرتب أوضاعه.ولكن هذا الوالي الفاسد لا زال حرا طليقا ويمارس تصريحاته عديمة الجدوى ... الحكومة ستظل تدعم الخبز وعدم السماح لبصات الولاية بالسفر للولايات ... ومواضيع كلها إنصرافية .
نسأل الله أن ينكشف المستور وينكشف عري القطط السمان ناس نافع والمتعافي والجاز ومصطفى عثمان والقائمة تطول.

[الرجعة]

ردود على الرجعة
United States [ام كرتبو] 05-06-2014 10:27 AM
يا الرجعة والله الظاهر انك انت بتحلم ...وربنا يحقق حلمك...انو يحاكمو ليك والي وكمان والي ولاية موناكو ؟!!! أقصد الخرطوم (لالالالا دي كترت فيها المحلبية ) انت فاكر ولايةالخرطوم دي بيدوها لزول هوين ؟!! دي ما بدوها الا لزول فلتة زمانه بمعاييير انقاذية من الطراز الاول!!!!
يا اخوي عمر البشير رفض محاكمة شيخ خلوة في مدينة الدويم اغتصب فتاة ذهبت اليه للعلاج!!!! يعني حد من حدود الله ..وشرف أسرة سودانية كريمة ....تكرم به عمر البشير علي هذا الزاني ..وقال له تستاهل أكتر من كده يا شيخنا ...وأكيد الشيخ دجال في فريق الدجالين الذي يترأسه شيخ بلة الغائب المغيب ....شرف الناس يداس عيييينك يا تاجر وعمر البشير يتكرم علي الزناة ويقول لهم هنييييئا مرييييئا ...وحديث الترابي عن كلام البشير في اغتصاب الدارفوريات ليس ببعيد عن الاذهان..يا جماعة خلونا من الهطرقة الناس ديل فاتو حدود الحدود ...فابقوا رجال وهبوا هبة رجل واحد واخلعوا هؤلاء الطغاة ..او فاصمتوا


#994307 [kduess]
5.00/5 (1 صوت)

05-05-2014 08:04 PM
الذين لهم اسماء مرموقة ومعروفة حاملين مسؤؤلية الشعب بذور وبهتان لقد انكشف المستور اصبحتهم لصوص نهابين المال العام وإذا كان رب البيت بالدف ضاربا فشيمة أهل البيت الرقص والنهب والاستيلاء على تاريخ السودان وعِرضها بنهب وكذب هؤلاء هم مصاصو دماء الشعب من الفاسدين والفاشلين والخونة والمرتشين والناهبين والطامعين الحالمين بالاستيلاء على ما تبقى من خيرات الوطن، هذه العصابة التى لم تعرف السودان مثيلالهامن خلال شبكات المصالح التى تربطهم ببعضهم فى أقذر بيزنس عرفته البلاد منذ الاستقلال فاستباحوا الأعراض مثلما استباحوا النهب والسرقة هولا سفهاء قسموا السودان أكبر بلد افريقي قسموه في الظهر وجلبوا الهلاك والفقر لابناء الوطن انهضوا ياشعب السودان بلادنا في خطر.

[kduess]

#994303 [cour]
0.00/5 (0 صوت)

05-05-2014 07:53 PM
حاجة غريبة موظفين صغار يلهطو المليارات وانا المسكين خمسين سنة لاعرس لابيت ولالهطة صغيرة بس افك بيها البورة دى .دعواتكم لية يا شباب انشاء اللة بلهيطة حبة

[cour]

#994299 [البركان]
2.00/5 (1 صوت)

05-05-2014 07:39 PM
يا جماعة الله التريليونات التي تم تسليفهامن بنك السودان والني لم يتم تسدسدهاالخبر شنو ؟.. يا عالم لا تفرحوا بظهور فساد الحكام ومعاونيهم مادام حاميها حراميهاوكلها حتبقى شمار على مرقة طالما هناك راعي للفساد وجيش يحارب لتمكين سلطة الفساد بعد سقوط راية الاسلام للحركة الاسلامية للمتأسلمين...

[البركان]

#994297 [hahaha]
0.00/5 (0 صوت)

05-05-2014 07:34 PM
لا يا اولاد الكلام دة عيب ..عمكم الخدر دة زول كبير وما بتحمل الجهجهة بتاعت المحاكم والحراسات...ما كتر خيرو الجهبز ليكم الصينية وخلاكم تاكلو براكم جنب الطباخ .

[hahaha]

#994296 [في التنك]
0.00/5 (0 صوت)

05-05-2014 07:34 PM
ماذا يعني بشكف المستور؟

إما أنهم شركاء لمسئولين كبار كالوالي وما فوق في هذه القضية بالذات.
إما أنهم يعرفون سرقات للوالي وغيره من المسئولين في قضايا أخري ويريدون أن تخرج المباراة بينهما ( تعادل ) هدف بهدف أو صفر بصفر . أي هذه بتلك.

كلمة كشف المستور هي رسالة من هؤلاءالمجرمين للمسئولين إما تخرجون من هذه الورطة نظيفين وإما عليّ وعلي أعدائي, فهم بالطبع يعرفون الكثير من المعلومات والسرقات.......... لكن من المؤكد أنهم سيخرجون نظيفين وسيقضون في الحبس كذا شهر ويتم اطلاق سراحهم بعد أن يتم نسيان القضية وتخزينها في ملفات المحاكم والنيابات.

[في التنك]

#994294 [ود احمد]
0.00/5 (0 صوت)

05-05-2014 07:33 PM
اللهم اجعل باسهم بينهم شديد اللهم ارم الظظالمين بالظالمين واخرج الشعب السوداني من بينهم سالمين. من يحاسب من. من يكشف من لكن السؤال من اين اتوا هؤلاء رحم الله تعالى الاديب الذي مات نزيها وشريفا الطيب صالح ( موسم الهجرة لكشف المستور)

[ود احمد]

#994278 [ود الركابي]
3.50/5 (2 صوت)

05-05-2014 07:14 PM
زمان قلنا الكلام ده ما معقول حتة موظفين صغار يهبروا مبالغ ضخمة قدر دي بدون علم المسئولين الكبار .. سيحصل الآتي . ياهربوهم من الحجز ثم السودان او ركبوهم التونسية والله اعلم .

[ود الركابي]

#994277 [ود الركابي]
0.00/5 (0 صوت)

05-05-2014 07:08 PM
زمان قلنا الكلام ده . مامعقول حتة موظفين صغار يهبروا مبالغ ضخمة قدر ده من غير علم المسئولين الكبار .. سيحصل الآتي يا هربوهم من الحجز ثم من السودان او ركبوهم التونسية والله اعلم .

[ود الركابي]

#994274 [MAHMOUDJADEED]
4.38/5 (4 صوت)

05-05-2014 07:06 PM
للأسف هذا الخضر بدأ السرقة منذ ان كان وزيراً للزراعة في الاقليم الشمالي حيث حضر هو ورهطه واجتمعوا بنا بالجمعية في العاصمة الرياض لموضوع مشروع زراعي آلت ملكيته لمشروع زراعي آخر زوراً وبهتاناً وطلب منّا مبلغ 120000 ريال فقط مائة وعشرون ألف ريال رسوم استرداد بعض الاراضي للمشروع المعني كان المبلغ حينها كبيراً بالنسبة لنا طبعاً الا انه قام بلهطه دون ان يحرّك ساكناً فيما وعد .

[MAHMOUDJADEED]

ردود على MAHMOUDJADEED
United States [اثنين] 05-06-2014 09:36 AM
حدثنى من لا اشك فى صدقه ان هذا الخضر عندما كان فى ذات الولاية وزيرا اغتنى من كان تحته وبنواعمارات وبيوت من مال البترول الذى خصص لتوطين القمح بالولاية الشمالية وصندوق دعم الزراعة وهو يعلم ويستجيب لدعوات الولائم فى تلك العمارات كما شرف عزومة حرسه صاحب الموتر فى كافورى

United States [واحد] 05-05-2014 11:24 PM
القصة دي معروفة بس دي ما الأولي


#994265 [زول غلبان و تعبان من السمدان]
3.00/5 (2 صوت)

05-05-2014 06:54 PM
ماذا يجري. يا قوم ،،،، ردوني الي الي النوم

[زول غلبان و تعبان من السمدان]

#994249 [هبار شروك الليل]
4.00/5 (3 صوت)

05-05-2014 06:33 PM
اذا اختلف اللصان ظهر المسروق

[هبار شروك الليل]

#994248 [رانيا]
3.00/5 (2 صوت)

05-05-2014 06:32 PM
لو رجال أكشفوه المستور ده لكنكم حرامية وإلا ما سكتوا ..

أصحاب أصحاب ..حلوين حلوين.. يتخانقوا ساعات ..يتصالحوا ساعات .

[رانيا]

#994242 [فركتو]
3.50/5 (3 صوت)

05-05-2014 06:24 PM
بتهددوا يا حرامية يعنى دايرين بتهديدكم دى يطلقوا سراحكم ما تكشفوا
يارب تكشفوا بالبلوزة

[فركتو]

#994225 [محمد الحسن]
3.00/5 (2 صوت)

05-05-2014 06:07 PM
لااستبعدمسرحية هروب المتهمين او تصفيتهم

[محمد الحسن]

#994224 [ما شماته]
3.00/5 (2 صوت)

05-05-2014 06:05 PM
يعني لم تصرحو بعد * هذه مسرحية في فاية من المهزلة
الحرامي حرامي طال الذمن او قصر

[ما شماته]

ردود على ما شماته
United States [Abu Areej] 05-05-2014 06:19 PM
تصحيح (ما شماتة)
مسرحية في (غاية) وليس (فاية)
طال (الزمن) وليس (الذمن)

تحياتي


#994223 [ساب البلد]
4.00/5 (5 صوت)

05-05-2014 06:04 PM
******** النار ولعت !!! ******** سوف تنتهي الفتنة فيما بينهم ******* سوف يقتعلهم الشعب من ارض السودان اقتلاعا ******** عمك الخدر معاهم جوه الجك و اخرين ********

[ساب البلد]

ردود على ساب البلد
United States [ساب البلد] 05-05-2014 08:11 PM
******* ان شاء الله قريب ******* دي بداية النهاية ********

United States [hahaha] 05-05-2014 07:27 PM
هووووى يا زول اّخرين ديل منو ههههههههههههههه.

[رانيا] 05-05-2014 06:34 PM
إن شاءالله النار التاكلم ولا تذر لكن متين بس ! الله فرجه قريب نقول ..


#994221 [محمد الحسن]
1.00/5 (1 صوت)

05-05-2014 06:02 PM
الفلم بدا دابه ولا استبعد مسرحية هروب المته المتهمين من الحراسه او

[محمد الحسن]

#994219 [الرحونهجى]
4.00/5 (1 صوت)

05-05-2014 05:59 PM
ما تقدروش كدابين هو فعلا تم بعلم الكبار لكن ما ناسكم وعملوها ليكم خدمة مشتركة بيناتكم وكانوا دايرين يمرقوكم منها بعدما وقعتوا بالتحلل ولكن اتت الرياح بما لا تشتهى السفن طيب تكشفوا المستور ليه ذنبهم شنوا ولا دايرين تقولوا موت الجماعة عرس ! اسكتوا بس واتحملوا الوقعت عليكم من السماء والجمرة بتحرق الواطيها

[الرحونهجى]

ردود على الرحونهجى
[ابو خنساء] 05-05-2014 06:58 PM
والله بتتكلم كانك شريكهم .. يا اخي استبشر خير فلوس الشعب السوداني عايدة باذن الله


#994216 [النشوف اخرتها]
3.00/5 (2 صوت)

05-05-2014 05:58 PM
ده الدايرنو زاتو يا شباب . كشف المستور .... ودقي يا مزيكا

[النشوف اخرتها]

ردود على النشوف اخرتها
[عبد الله] 05-05-2014 07:08 PM
عارف يا النشوف اخرتا انا متوقع تصفيه الناس ديل جسديا

United States [Abu Areej] 05-05-2014 06:23 PM
يا حبيبي القصة واضحة .. لن يستطيع اي منهم كشف اي شيء لانه اذا القصة في لعب كبار فلن يورطوا انفسهم بالسهولة مع هؤلاء الصغار رغم اجتهادات الكبار في تفصيل (التحلل) على المقاس ولكن في النهاية هي الضحية (معلوفة) تماما واخذوا حق غيرهم وزيادة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة