الأخبار
أخبار إقليمية
سوار يدعو لاستكشاف فرص جديدة للهجرة المنتجة فى سوق العمل لتعظيم العائد
سوار يدعو لاستكشاف فرص جديدة للهجرة المنتجة فى سوق العمل لتعظيم العائد
سوار يدعو لاستكشاف فرص جديدة للهجرة المنتجة فى سوق العمل لتعظيم العائد


05-05-2014 10:32 PM

الخرطوم (سونا)
دعا حاج ماجد سوار الامين العام لجهاز تنظيم شؤون السودانيين بالخارج لاستكشاف فرص جديدة للهجرة المنتجة في سوق العمل لتعظيم العائد، مشيراً الى اهمية ادماج اقتصاد الهجرة بالسياسات الاقتصادية الكلية للبلد، معلناً عن جاهزية جزء كبير من مصفوفة الاجراءات المطلوب تقديمها لمعالجة الوضع الحالى لجذب مدخرات المغتربين .
وقال في ورشة عمل (تحويلات المهاجرين.. الواقع والمأمول ) اليوم بجهاز المغتربين إن هنالك اكثر من 18 حافزا تشجيعيا سترفع لوزارة المالية لتصدر قرارات كما توجد دراسات مكتملة فيما يلي الضرائب ، مبيناً أن احصائيات عام 2013 اوضحت أن الذين راجعوا الضرائب من المغتربين 14 % من جملة المفروض عليهم الضرائب، واعلن أنه سيقوم بجولة خارجية بعد صدور قرارات الحوافز التشجيعية للمغتربين .
واوضح أن هنالك جهوداً مبذولة لتهيئة بيئة العمل بالجهاز وتبسيط الاجراءات ومعالجة الازدحام وتنظيم الصالات والنوافذ وذلك من خلال ماكينة الخدمة الذاتية لعمل الاجراءات مباشرة .
وكشف عن جملة من المعالجات فيما يلي تفعيل منشور بنك السودان ومعالجة ملف متأخرات الضرائب وتطوير الاستثمارات والخدمات ومعالجة قضايا تعليم ابناء المغتربين وغيرها .
ومن جانبه اوضح د. خالد لورد المدير العام لمركز السودان لدراسات الهجرة والتنمية والسكان أن التدفقات المالية للسودان من جانب المهاجرين شهدت زيادة ملحوظة تجاوزت ثلاثة مليارات دولار عام 2010 وتراجعت الى مليار دولار العام 2013 .
ودعا الى ضرورة اعتماد سياسة وطنية للهجرة يبادر بها الجهاز بمشاركة جميع الجهات ذات الصلة وضرورة تأهيل المهاجرين السودانيين لتمكينهم من المنافسة في أسواق العمل الخارجية والعمل الجاد لتخفيض الرسوم المفروضة على التحويلات .


تعليقات 16 | إهداء 0 | زيارات 1837

التعليقات
#995561 [ودالباشا]
0.00/5 (0 صوت)

05-07-2014 02:21 AM
((لتعظيم العائد)) هذه العبارة الهلامية تخفى بلاوى متلته سوف تقع على عاتق المشردين من وطنهم هؤلاء يا اخوتى الطافشون عن الوطن موارد البلد تدخل جيوبهم وخزينة الدواة تغذى بالجبايات والضرائب والرسوم هكذا يدار اقتصادنا تموت عملتنا

[ودالباشا]

#995242 [ابو خباب]
0.00/5 (0 صوت)

05-06-2014 04:08 PM
اقتباس (( واعلن انه سيقوم بجولة خارجية))
هنا مربط الفرس!!!!!!!!!!!!

[ابو خباب]

#995221 [الحسن]
0.00/5 (0 صوت)

05-06-2014 03:41 PM
شوفو الكوز حرامى
وحللو ..
ولي سنارتو رامى
وحللو ..
الاخلاق ذميمة
وحللو ..
والاشكال دميمة
وحللو ..

اب جاعورة جانا
وحللو ..
فى التلفاز ازانا
وحللو ..
كضب بالحليفة
وحللو ..
اصلو زول تليفه
وحللو ..
حكم بالدبابة
وحللو ..
ولهطا دون رقابة
وحللو ..

اللمبى اب رياله
وحللو ..
فاشل بجدارة
وحللو ..
المتعافى سارح
وحللو ..
ينهب فى الشوارع
حللو ..
دمر للزراعه
وحللو ..
للاخلاق ما راعى
وحللو ..

الكيزان قذارة
وحللو ..
سرقة بجدارة
وحللو ..
الاقطان فضيحة
وحللو ..
والاذتنا ريحة
حللو ..

شوف حميدة تاجر
حللو ..
للانسان يكاجر
حللو ..
شوفو الكوز سخافة
وحللو ..
ما بيعرف لطافة
وحللو ..
قال مشروع حضارى
وحللو ..
ينهب فى الكبارى
وحللو ..

[الحسن]

#995125 [عوضية عجبنا]
0.00/5 (0 صوت)

05-06-2014 01:37 PM
في البداية هذا الضبع لبس قناع "كيف نساعد المغترب الغلبان"
الآن لبس قناع آخر وهو قناع كيف تجني آخر فلس من المغترب ..وهكذا دواليك ..
انا لا أثق في إي كوز حتى لو أصبح ملاك .

[عوضية عجبنا]

#994927 [في التنك]
0.00/5 (0 صوت)

05-06-2014 11:03 AM
هذا الرجل الكريه بدأ مشواره في الجهاز بورش وستتبعها جولات هنا وهناك وكلووووووووو علي جيب المغترب يخرج بشوية نثريات وبدل سفر واقامة في فنادق وترحيل وتذاكر يطلع بكم ألف دولار لكل سفرية ولكل ورشة من الورش التي لا تنتهي . لعنك الله أيها الحقير.

[في التنك]

#994860 [أبوعلي]
0.00/5 (0 صوت)

05-06-2014 10:04 AM
لاستكشاف فرص جديدة للهجرة المنتجة في سوق العمل لتعظيم العائد،

كلام قبلناه بس، أن يحصل تبادل بيننا:
أن يهاجر الكيزان ويرجع الموجودن بالخارج
ونحن مستعدّون للتنازل لكم عن وظائف كسب عيشنا
ونتعهّد لكم بأن الشعب سوف يعفيكم من دفع مليم واد للدولة
بس حلّوا عنا

[أبوعلي]

#994840 [بيكانتو]
0.00/5 (0 صوت)

05-06-2014 09:51 AM
تأهيل المهاجرين السودانيين لتمكينهم من المنافسة في أسواق العمل الخارجية والعمل الجاد لتخفيض الرسوم المفروضة على التحويلات

بالله عليك سعيا انحنا ؟

نلعب معترفين يعنى - كدى اذكر اسم مغترب واحد طلع بإسم الدولة عشان تجى تتحكم فينا

[بيكانتو]

ردود على بيكانتو
European Union [steelman] 05-06-2014 12:20 PM
الــــــــــ معليش انا عمري كلو في بريطانية لو داير تتكلم انجليزي او فرنسي انا بتكلم معاك
شكرا


#994785 [علي برقاوي]
0.00/5 (0 صوت)

05-06-2014 09:23 AM
بالله عليكم دة كلام رجل مسئول...؟؟؟ عايز يهجر الناس علشان يزيد الدخل لحكومته!!!!!!!

[علي برقاوي]

#994741 [أبوقرجة]
0.00/5 (0 صوت)

05-06-2014 08:57 AM
عملتونا بدل البترول عايزين تصدرو الشعب السوداني ... الله يخرب بيتكم يا كيزان يا عواليق ... بدل تقول يا يا جاهل (العمل على توفير الظروف المناسبة لعودة السودانيين من المهجر ) عايز تصدر كمان ... أنا والله ما عارف لكن عندي رأي فيك عديل كده .. بس من شكلك دا أنت كنت .................؟؟؟

[أبوقرجة]

#994637 [خال فاطنه]
0.00/5 (0 صوت)

05-06-2014 07:48 AM
لا حول ولا قوة إلا بالله هذا هو الرق الحديث

[خال فاطنه]

#994594 [steelman]
0.00/5 (0 صوت)

05-06-2014 07:00 AM
السلام عليكم انا مولود في مهجر وعايش فيها وانا طبيب ودرست في سودان الجامعه . المشكله الحقيقة انو الشباب هي ثروة الحقيقة لكل بلد لو كل شباب طلعو من السودان كيف السودان يتطور !
وسوال التاني هل الكيزان ديل مخلدين في دنيا . بس بيعرفو كيف يشيلو القروش من الناس وارقام القروش عندهم غيربه وعجيبة بالله عليكم واحد عندو 128 مليار جنيه بيكمل متين وبعدا داير القروش نسال الله ان ياخذهم وتكون فضيحتهم في دنيا واخره

[steelman]

ردود على steelman
United States [بيكانتو] 05-06-2014 09:44 AM
سمعت بحاجة اسمها !! الـــــ


#994590 [IBN ALKHARTUM]
0.00/5 (0 صوت)

05-06-2014 06:48 AM
الهجرة المنتجة في سوق العمل هم الدكاترة والمهندسين وكل من يملك شهادات عليلا في المجالات الأخري, ديل لازم يتخارجو وتبقي الدولة خالية علي عروشها عشان إنتو تواصلو في حكمكم.

[IBN ALKHARTUM]

#994492 [سبف الدين الجهادي]
0.00/5 (0 صوت)

05-06-2014 12:14 AM
انا ادفع مليار دوﻻر ضرائب بس خلونا ندخل سيارات شاحنات آليات سهلوا علينا و خلوا الفساد يا بشر و الغوا تاشرة الخروج كل مرة او اعملوها الكتروني من البيت .

[سبف الدين الجهادي]

#994461 [ود احمد]
5.00/5 (2 صوت)

05-05-2014 11:16 PM
هل هناك بلد وناس محترمين يدعون شعبهم للهجرة خارجها في حين ان هذا البلد غني بموارده الطبيعية التي لو استغلت لما بقي عاطل وبمردود مالي طيب بالنسبة للمواطنين اكبر مساحة زراعية اوفر مياه ينقصها راس المال لكن اثرت هذه الحكومة ان تعمل على جلب الة الدمار بدلا من الانتاج وهذا الوجه لا يبشر بخير

[ود احمد]

ردود على ود احمد
United States [abuleila] 05-06-2014 05:59 AM
يا وداحمد يا اخى يعنى العينة دى حتعيش كيف لو ما مصوا دم المواطن فى الداخل وفى المهجر...... هسع جهاز المغتربين دا وظيفتو شنو....


#994458 [Mohamed]
5.00/5 (1 صوت)

05-05-2014 11:12 PM
عاين الحيوان ده عايز يهجرن وعيالنا .يا خي الناس بتقول كفاية غربة وتتشوق ترجع السودان عشان مهانة و ذل الغربة. كفاية السوداني وين ما يسافر يحس بنظرات احتقار.المانيا جابت الاتراك بنو ليها البلد وانت عاوز تطرد اهلنا باكوز٠ الله يحرقك وانت حي

[Mohamed]

#994449 [A. Rahman]
0.00/5 (0 صوت)

05-05-2014 10:58 PM
العائد علي منو؟ هو كل اللي يهمك هو العائد؟

[A. Rahman]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة