الأخبار
أخبار إقليمية
المشاركون في ورشة (تحويلات المهاجرين) يؤمنون على إنشاء بنك المغتربين وإقامة ملحق هجري بالدول
المشاركون في ورشة (تحويلات المهاجرين) يؤمنون على إنشاء بنك المغتربين وإقامة ملحق هجري بالدول



05-06-2014 11:07 PM

الخرطوم (سونا)
امن المشاركون في ورشة عمل (تحويلات المهاجرين : الواقع والمأمول ) على أهمية استعجال الخطى لإنشاء بنك المغتربين كآلية لانسياب مدخرات المغتربين ، وإعادة العلاقات مع الجهاز المصرفي والعلاقات الداخلية والخارجية والقطاع العام والخاص وإعادة الثقة بين المغتربين والدولة لزيادة تحويلاتهم واستثمار اموالهم .
وأكدوا ضرورة إقامة ملحق هجري في كل دولة لمتابعة قضايا المغتربين ،ومشاركة المغتربين في اتخاذ القرارات بشأن تحويلاتهم ، كما ركزوا على الدور الاعلامي المؤثر وضرورة تقوية هذا الجانب لتغيير النظرة السالبة عن السودان والهجمة الاعلامية الشرسة ،اضافة الى تأهيل المهاجرين وغرس القيم الوطنية خاصة وسط الشباب لتحقيق الانتماء الوطني .
واعرب المشاركون عن املهم فى أن يحدث استقرار اقتصادى وثبات فى سعر الصرف وتهيئة مناخ الاستثمار لمضاعفة تحويلات المغتربين وجذب مدخراتهم ،كما ركزوا على اهمية تمليك المعلومات للمغترب عن الجمارك والزكاة والفرص الاستثمارية وغيرها .
واشاروا الى النمط الاستهلاكي خارج السودان وارتفاع الاسعار في الدول المستضيفة مما ادى لقلة فوائض التحويلات ، داعين للاستفادة من تجارب الدول من تحويلات مغتربيهم .
واكدوا أن اكثر الطرق فعالية لجذب المدخرات هو ربطها بالاستثمار والاهتمام بالمحافظ الاستثمارية .


تعليقات 19 | إهداء 0 | زيارات 1701

التعليقات
#996384 [basheer]
0.00/5 (0 صوت)

05-07-2014 06:32 PM
مافي اي ضمانات لا في الاشخاص ولافي القوانيين التي تشرع
موضوع البنك ده موضوع يخوف شويه الحقيقة ... خليكم من البنك ده الان
وابدوا ببناء الثقة باشياء بسيطة وبها ضمانت للمغترب حقيقية ...
اما موضوع البنك ففيه مخاطرة كبيرا جدا ... عدم الثقة وبكل بساطة ياتي من الواقع
المعاش وتجارب المغتربين المريرة والطويلة في هذا الخصوص ... فعندما يري المغترب
الفساد الكبير الحاصل والاختلاسات الضخمة وعدم الجدية في المحاكمات الرادعة واسترداد
المال المنهوب فكيف يثق بالبنك وخلافه بالله عليكم ... نعم نحن الان نري القتيل عيانا بيانيا
ولانري او نسمع بمن قتله وحتي لو عرفنا القاتل مافي حد يتجراء ويطبق العدالة والقصاص علية...
وينتهي الموضوع بخطابات ومحامين وفبركة والنتيجة لايرجع المال الذي نهب ولاتتم محاكمة الذين سطوا علي المال... يعني شنو نحن بنتخيل ولامجانيين ولا معتوهيين ولامسحوريين ... ورونا ايه الحاصل ... الواقع يندي له الجبين وكل يوم تطلع فضيحة اكبر من التي سبقتها والمصيبة انو هذه الاشياء دخلت المحاكم اي انها اشياء حقيقة وواقعة ... ياتري مين هو البرادعي يااولاد .. هل مازال مختفيا وغير معروف ... ولكنه موجود نعم انه موجود ويمارس قزاراته طالما كان هناك عدم استرداد للمال المنهوب وعدم محاكمة للجانيين .....

[basheer]

#995880 [ام كرتبو]
5.00/5 (1 صوت)

05-07-2014 11:28 AM
يا جماعة الناس ديل ناس الساهلة وبس ؟!!! والله كلام يجعل الوليد شيبان ؟!!! أولا ما هو مفهوم الضريبة ؟!!! مفهوم الضريبة هو أخذ مقدار من نصيب المكلفين نظير ما تقدمه الدولة من خدمات ..انتهي ...طيب ...ما هي الخدمات التي يتلقاها المغترب من الدولة نظير هذه الضريبة الدولارية ...طالما انه يتعالج في مستشفيات الدولة المضيفة ويمشي في طرقاتهاويستمتع بكافة الخدمات التي تقدمها لمواطنيها ...وعندما يرسل ابنه للجامعات السودانية يتم خصم درجات علمية من ابنه لتهبط به الي القدر الذي لا يستطيع انه ينافس علي الكلية التي يرغب بالدراسة فيها ...وبالتالي تقوم اسرته بدفع مبالغ طائلة لزوم دراسته علي النفقة الخاصة ...وهذا هو الشرك المنصوب من البداية للايقاع بالفريسة في كماشة التماسيح ...طيب لماذا يدفع ضريبة ابتداءاً اليس هذا الظلم بعينه ؟!!! اليست هذه الدقنية التي نسمع عنها ايام المستعمر؟!! بالرغم من ان المستعمر كان ارحم وعندما خرج ترك لنا مؤسسات قامت عليها الدولة السودانية ....كان الاجدر بالدولة ان تركز علي بناء المصانع والتوسع في الزراعة بشقيها المروي والمطري ...ودعم قطاع الثروة الحيوانية وادخال التقنيات الحديثة ..والاهتما بالقطيع القومي وكذلك الصمغ العربي وقطاع التعدين والقطن قصير وطويل التيلة ..وبقية المنتجات الزراعية وتحسين جودتها للصادر حتي تدر علي الدولة عائدات مقدرة من العملة الصعبة ...بدلاً من هذه المقالعة التي لا تفيد ..ولا تسند اقتصاد دولة كبيرة مثل السودان ...ركزوا علي قيام مصانع دباغة الجلود ...والغزل والنسيج ..وتعليب اللحوم والفاكهة والسكر ..عندها ستخلق وظائف ضخمة لهذا الشباب الحائر وستملئ خزائن الدولة وكروشكم الخاوية ...يا سجم الرماد وعديم الفائدة ويا خائبين الرجاء ....كتلوت فينا الوطنية وخليتونا نبحث عن الامل ولو بالمغامرة بحياتنا في صحاري ليبيا ....قاتلكم الله ..اللهم ارفع مقتك وغضبك عنا اللهم ارفع مقتك وغضبك عنا ..وأخزل هؤلاء الطغاة المتجبرين يا قوي يا متين ..

[ام كرتبو]

#995872 [ابوهاني]
5.00/5 (1 صوت)

05-07-2014 11:23 AM
خلاص نهبتوا البلد وكملتوا كل شئ فيها ثم بعد ذلك اتجهتوا على المغتربين ياخى خلونا في حالنا مالكم علينا لا عندنا فلوس ولا يحزنون .

[ابوهاني]

#995868 [الغلبان]
5.00/5 (1 صوت)

05-07-2014 11:19 AM
هههههههههههههههه مغشوش 20 سنة في الامارات والان مطرود الى ليبيا هع كع كرع قال جهاز مغتربين قال

[الغلبان]

#995823 [اب غزالة]
0.00/5 (0 صوت)

05-07-2014 10:55 AM
يارب انزل عليهم غضبك وسخطك وارنا فيهم يوما اسودا يارب شتت شملهم وبعثر انفسهم واضربهم بعضهم ببعض اللهم صلت عليهم ريح صرصر القمل والجراد وكل ضار يا رب العالمين
ياماجد انت واحد عوير
اسأل الطفل المعجزه قول ليه مالك ساكت خليت الاستثمار لانكم قاشلين وليس لديكم منطق واغبياء للحد البعيد
عمر البشير مسطح جايب ناس زيكم اقنعوا العاقلين يا مجانين
يا سوار انسى الموضوع لانه يريد سنوات ضوئيه عشان تقنع المغتربين بى كلامك الساذج واطروحات

[اب غزالة]

#995799 [المتجهجه بسبب الانفصال]
0.00/5 (0 صوت)

05-07-2014 10:42 AM
ما عايزة ليها لا ملحق هجري ولا ميلادي،،،، في محلكم هناك في السودان وبدون وفود رسمية وفنادق خمس نجوم ووفود يمكنكم وضع خطط جادة تنفذ فعليا تجذب تحويلات المغتربين للداخل عبر القنوات الرسمية،،، ثم تحديد ما هو الدور الذي يقوم به جهاز الهاربين الى الخارج من المغتربين بالداخل (الانقاذيين) وماذا قدم وما هو السبب الذي يجعله حاليا يتحزم ويتلزم ،،، انسيتم في الفترة 2006 وحتى 2010 عندما كنتم تقولون المغتربين ديل حمام مذبوح البلد ما استفادت منهم أي حاجة ..

اضافة الى تأهيل المهاجرين وغرس القيم الوطنية خاصة وسط الشباب لتحقيق الانتماء الوطني ....
منو يؤهل منو ،، المفروض الكلام يكون والاستعانة بالمغتربين لتعليم المسئولين الحكوميين الانقاذيين المبادئ الوطنية التي كانت سائدة في السودان قبل السفر منه وتركه للانقاذيين،،، ريفيين حكموا البلد 25 سنة ولكنهم لم ولن يتمدنوا رغم عيشة حياة المدينة،،،

[المتجهجه بسبب الانفصال]

#995738 [المغترب والمشترق كمان]
5.00/5 (1 صوت)

05-07-2014 10:08 AM
إلى منظمي "ورشة عمل (تحويلات المهاجرين : الواقع والمأمول )". طلعتوا بكم من تنظيم الورشة؟ بعد تحويل النصيب بالدولار؟؟؟؟

[المغترب والمشترق كمان]

#995712 [sayed]
0.00/5 (0 صوت)

05-07-2014 09:55 AM
وإعادة الثقة بين المغتربين والدولة لزيادة تحويلاتهم واستثمار اموالهم !!!!!!!

قبل ستة سنوات استلمت حقوقى من الشركة التى كنت اعمل فيهاوتم انهاء عملى معهم بداعى السعودة

وحينها كان قد صدر قرار بأيقاف الضرائب على المغترين ..ذهبت الى السفارة بالرياض وسددت كل

ماعلى من ضرائب واستلمت خلو طرف من السفارة بالرياض وسافرت الى السودان وعند ذهابى الى جهاز

المغتربين لتأشيرة الخروج ذهبت الى شباك الضرائب وكانت إمراة وقدمت لها خلو الطرف وأنا مطمئن

فقالت لى اين ايصالاتك والحمد لله كان معى ملف فيه كل الايصالات التى دفعتهاوبدأت فى التدقيق

واحدة واحدة وتنظر لى ثم تنظر للايصالات التى افحمتها وكأننى حرامى وتنظر لى بحقد لاادرى لماذا

ربما لانى ملتحى والخت شيوعية ربما!! واخيرا قالت لى تدفع الضريبة الخاصة بالسنة فقلت لهابانه

تم إيقاف الضرائب فقالت انت مهنتك محاسب فقلت لهامحاسب ولست بمحاسب قانونى فاصرت وحولتنى

الى المشرف فعرض على القرار موقع من عوض الجازوزير المالية فحاولت اقناعه بدون فائدة

ولايوجد من يدافع عنى لاجهاز المغتربين ولاغيره دفعت الضريبةمضطرالان اجازتى انتهت ولاوقت لدى

ولم ارجع الى السودان حتى تاريخ اليوم وسنوياصارت تحسب على الضريبة علما بأنى عندما رجعت من

السودان كنت عاطل لاكثر من تسعة أشهر ولاحد يدرى عن ظروفى فجهاز المغتربين جهاز فاشل فاشل فاشل

وفقدنا الثقة بالجميع وحسبنا الله ونعم الوكيل

[sayed]

ردود على sayed
United States [القيقر] 05-07-2014 11:45 AM
سيد ياخوي .. انا عندي قريبي 15 سنة ماجا السودان ولمن جا سقتو ومشينا المغتربين والله كنا ماشين زي الماشين بيت بكا متوجمين المهم طلعت الفاتورة ولا اسمها شنو مصيبتم دي بارقام فلكية لمن قريبي دا قعد في الواطا.. المهم بعد شد وجزب عرفنا معلومة بالغلط وبالصدفة البحتة انو تحت القسم ممكن تقسم علي عدد السنين الانتا ما اشتغلتا فيها وعادي جدا تتخصم ليك من ضريبتك..
الداير اقولو انو في لوائح في صالح المغترب لكن ناس المغتربين غتيتين مابوروها للناس ..انتا بس ماتخليك مسكين واسال كتير لمن تزهجم


#995705 [kamuzu]
0.00/5 (0 صوت)

05-07-2014 09:50 AM
هذا الحاج (مين ) وعد الرئيس ان تحويلات المغتربين ستنهمر مثل المطر بمجرد ان يتولي شئون امانة المغتربين ... الراجل دا شكلو بحلم .. اناشد جميع المغتربين في جميع دول العالم تحويل دولار واحد حتي لا يطرد هذا الحاج الهمام من الكرسي... او ارسال سوار ذهبي من ذهب زوجاتهم المدكن تماشيا مع موضة هذا السوار ...

[kamuzu]

#995674 [مغترب مرطب في السودان]
0.00/5 (0 صوت)

05-07-2014 09:32 AM
المغتربين دائما يتظاهرون بالامتناع عن دفع ضريبة الوطن ولكنهم طيبين وسرعان ما يغيروا قراراتهم هذه ويدفعوا اكثر من المقرر عليهم تحت الضغوط الوطنية ، احسب ان الوطن الآن بحاجة الى مدخراتكم وانتم دوما عودتنا جيوبكم المساهمات الكريمة بالمليارات للوقوف معنا بالداخل، فاذا كنت انا المواطن ادفع ضريبتي كاملة فهل من العدالة أن يتظاهر المغترب بعدم دفع ضريبته؟ اذا لا يرغب المغترب في دفع مساهماته الوطنية فعليه أن يرجع الى السودان حتى لا يسأل عن دفع أي فلس

[مغترب مرطب في السودان]

ردود على مغترب مرطب في السودان
[غربة جوة و برة] 05-07-2014 11:19 AM
مافي ضريبة اكتر من الغربة


#995646 [السوداني الحكيم]
0.00/5 (0 صوت)

05-07-2014 09:05 AM
هذا البنك حتي لو تطلع علي وجهه الارض هل المغترب هو المستفيد ام الدوله ؟؟؟

ثانيا ماهي الحزم التشجيعيه والاستثماريه للمغتربيين


ثالثا هل الحكومه صادقه في هذا القول ام أضحوكه ولعب علي المغتربيين

بعد ربع قرن الحكومه تريد تعيد الثقه بين المغترب والحكومه هذا لعب علي الدقووووووووون

[السوداني الحكيم]

#995626 [ابوعلي]
0.00/5 (0 صوت)

05-07-2014 08:39 AM
بالنسبة للبنك انا مقتنع ان ما في مغترب واحد بيساهم في البنك .
بالنسبة للملحق الهجري الهدف من الوظيفة التجهيز لكبار مندوبي الجهازعند سفرهم لدول المهجر من حيث حجز الفنادق وارشادهم الى اماكن التسوق . وطبعاً تكاليف الملحق من مرتب وبدلات وسيارة وايجار مسكن كل على حساب المغترب المسكين .

[ابوعلي]

#995619 [عاشق مدينة مدني]
0.00/5 (0 صوت)

05-07-2014 08:29 AM
عليكم الله انتوا بتلعبوا علي منوا والله
لو كان البنك دة بتاعي انا وانا مدير البنك
مااحول دولار واحد وانتم تعرفون السبب
جيدا
كدة اولا حاجة خليهم يوقفوا الضرائب
2 الاعفاءات الجمركية للعائدين نهائي دة لو عدنا
اذا عودنا
3/ يحق للمغترب شحن الاثاث الشخصي
4/ غير ملزم عمل تاشيرة خروج الا مرة واحد خلال
العام يعني تكون التاشيرة سارية لمدة عام
وبهذة الطريقة ممكن ارجع السودان كل 3 شهور او كل اسبوع لو امكن ذلك
وللحديث بقية انشاء الله
وبعد كدة نشوف موضوع البنك
والسلام ختام

[عاشق مدينة مدني]

ردود على عاشق مدينة مدني
[ابو محمد] 05-07-2014 02:40 PM
الاخ(عاشق مدينة مدني )ماهو معظم المغتربين بيجوا السودان مرة في العام مشكل ثلاثة شهور او
كل اسبوع يظهر عليك تاجر شنطة


#995615 [الولايات المتحدة السودانية]
0.00/5 (0 صوت)

05-07-2014 08:23 AM
يا لزجين !! المغتربين ديل زمان طردتوهم لصالح تمكينكم والآن ملاحقينهم في غربتهم دى عشان تشيلوا منهم قروشهم !!!!!!
ولا دولار واحد ما بتشوفوهو !!!!
كفاكم خلاص أربوا لى ماليزيا وخلوا الناس تحاول تنقذ الوطن دا منكم !!

[الولايات المتحدة السودانية]

#995605 [بدر السماء]
0.00/5 (0 صوت)

05-07-2014 07:51 AM
وهل كل مشاكل المغتربين في التحويلات ؟؟؟ ام هي مشاكلكم انتم والبحث عن الارتزاق من هؤلاء الغلابة .

للمغتربين مشاكل اخرى عديدة . وليست التويلات من اولوياتها .

[بدر السماء]

#995591 [ياسين]
0.00/5 (0 صوت)

05-07-2014 07:07 AM
اتمنى من الله ان نري شي مش كلام وبس

[ياسين]

#995583 [Quickly]
0.00/5 (0 صوت)

05-07-2014 06:31 AM
واضح جداّ انو كل تفكيركم في جيوب المغتربين فقط
الحسو كوعكم يالصوص

[Quickly]

#995473 [أيمن الاتبراوي]
5.00/5 (4 صوت)

05-06-2014 11:40 PM
ولا ريال او دولار يا اولاد الكلب من كبيركم لي غفيركم. قال بنك قال. يارب تنزل صاقعة على مدير وكل العاملين في جهاز (سفك )المغتربين السودانيين وذلك بعد خروج كل المغتربين من المباني ااامين. اللهم حتهم حتاً وانسفهم مع حاج ماجد الفاسد

[أيمن الاتبراوي]

#995469 [nagatabuzaid]
3.00/5 (2 صوت)

05-06-2014 11:30 PM
تعملوا بنك ولا تقلبوا الهوبا مغترب واحد بحول عن طريقكم مافى كفاكم شبعتوا

[nagatabuzaid]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة