الأخبار
أخبار إقليمية
مجلس الولايات: أجر الخادمة الإثيوبية يفوق الطبيب السوداني بـ300 جنيه
مجلس الولايات: أجر الخادمة الإثيوبية يفوق الطبيب السوداني بـ300 جنيه
مجلس الولايات: أجر الخادمة الإثيوبية يفوق الطبيب السوداني بـ300 جنيه


05-07-2014 11:39 AM

الخرطوم: سعاد الخضر

أقر وزير الداخلية عبدالواحد يوسف بتأثير العاملة الوافدة للبلاد على الاقتصاد الوطني، وقال إن نوعية العمالة الوافدة الى السودان تعد من نوعية العمالة الضارة والعشوائية لجهة أنها تعمل في مهن هامشية " كبيع الشاي وقيادة الركشات"، وقال يوسف خلال جلسة مجلس الولايات المخصصة للاستماع لبيان وزارته أمس: نعاني من صعوبة محاصرة الهجرة غير الشرعية لاتساع حدود البلاد وتداخلها مع بعض دول الجوار خاصة الشرقية منها، مؤكداً عزم الداخلية ضبط الوجود الأجنبي بالبلاد، فيما شكا النائب صلاح الغالي من تفشي ظاهرة خادمات المنازل بالعاصمة من الإثيوبيات، قاطعاً بأن كل سكان العاصمة يستخدمون عاملات في منازلهم، لافتاً إلى إن مرتبات خادمات المنازل الإثيوبيات يفوق راتب الطبيب السوداني، نظراً الى أن الخادمة تتقاضى راتباً شهرياً قدره 800 جنيه بينما الطبيب السوداني يتقاضى راتباً شهرياً 500 جنيه بفارق 300 جنيه، بالمقابل دعت النائبة وداد يعقوب الى حسن معاملة العمالة الوافدة للبلاد لجهة أنها تستفيد من الخدمات التي يقدمونها، وانتقدت تعامل وزارة الداخلية معهم، واتهمت الداخلية بتحصيل رسوم غير شرعية من الأجانب وخصوصاً بعد ضبطهم في الحملات، وأضاف: "هناك قروش يتم دفعها تحت الترابيز من الأجناب لمنسوبي الشرطة حتى يتم إطلاق سراحهم.

الجريدة


تعليقات 9 | إهداء 0 | زيارات 5340

التعليقات
#996380 [ِAburishA]
0.00/5 (0 صوت)

05-07-2014 06:29 PM
** وزير الداخلية قال : الحمد لله مشاكل السودان كلها انتهت.. الا من نوعية العمالة الضارة والعشوائية لجهة أنها تعمل في مهن هامشية " كبيع الشاي وقيادة الركشات"..
********وانت عايزهم يشتغلوا ليك دكاترة ومهندسين !!!

**النائب صلاح الغالي قال قاطعاً: بأن كل سكان العاصمة يستخدمون عاملات في منازلهم..
******** معناها ناس الخرطوم مرطبين.. حتى ناس ام بدات والحاج يوسفات ودار السلامات وما في حكمهم..

** إن مرتبات (خادمات )المنازل الإثيوبيات 800 جنيه... طيب (الخادم) السودانية بكم !!!
**** غريب أمرنا نرفض كلمة خادم لانفسنا ونصف بها الاخرين***

[ِAburishA]

#996281 [موجوع وطن]
0.00/5 (0 صوت)

05-07-2014 04:26 PM
يا جماعة ببراءة كدة بشة تحلل منها ولا لسع شغالة معاه... وهي متدربة علي البرتوكلات الرسمية والأعراف السودانية..و لاشغالة بالعافية بالطريقة الإنقاذية الإسلاموية.. وهل تنشد بالإنقاذية أم تطرب علي نمط الجواري في قصور الخلافة الأموية و العباسية أسلاف بشة حسب نسبهم المدعاة.. يعني الكيزان يتعففون من تشغيل الخادمات السودانيات بمنازلهم الفارهة ويجدون ضالتهم في الأثيوبيات ولا رسالة بشة شنو في القصة دي؟

[موجوع وطن]

ردود على موجوع وطن
[سوداني اصيل] 05-07-2014 07:28 PM
يعني كاسره فيهو ضلعة ....


#996230 [بيكانتو]
0.00/5 (0 صوت)

05-07-2014 03:34 PM
متمكنة جدا

منا تلكس

دى يسموها منا و فينا

[بيكانتو]

#996205 [واحد كدا]
0.00/5 (0 صوت)

05-07-2014 03:12 PM
النصيحة لله انا دكتور بعد احداث سبتمبر زادو لينا الراتب من ٧٩٢ جنيه الى ١٠٥٧ جنيه بعد استقطاع قروش ضريبة الدخل و٢٠ جنيه دعم مدينة رياضية يعني ١١٥ دولار ولاحول ولا قوة الا بالله.

[واحد كدا]

#996163 [ابوغتاته]
0.00/5 (0 صوت)

05-07-2014 02:39 PM
طيب يعنى الطبيبات يمشوا يشتغلن خدامات في البيوت ؟ يعنى !!!

[ابوغتاته]

#996038 [ود النيل تمساح]
5.00/5 (1 صوت)

05-07-2014 01:09 PM
ههههههه انت شفت حاجه ياسعاد
هى قروش تحت التربيزه براها ههههه
فى حاجات كتييييره تحت
ومع ضباط وافراد من الشرطه والامن
بلد تتباع بارخص الاشياء
وهى تلبيه لحاجات تافهه
بلد مافى زول حاميها
العيب مافى الاجانب ولا حاجه ومايبقوا ليكم شماعه
العيب في الناس البيقولوا حامين البلد
ديل افسد من الاجنبى باضعاف
لو قدرنا نضفنا الفساد الموجود فى الجهات الرسميه
الاجنبى حينضف براهو
لكن الاجنبى لمن يشوف اكبر واحد وسخان ماعليهو الا يزيده وساخه
انا قابلت اجنبى فى السودان وكنا بنتونس ببساطه شديده
لكن برضو دى بلدى
المهم الاجنبى بيحكى لى كيف الجهات الامنيه بتعاملهم
قال رجال الامن فى العاصمه حافظين معظم الاجانب او بالاحياء
فالاجنبى بيحكى لى انه اشتغل سواق رقشه
واصحابه كلموهو لو لاقاك رجل شرطه او امن بتعرفه من طريقة الهرشه بتاعته ليك فلو
هرشك اهرشه بيعرفك انت قديم ولازم تتعلم العربى وتحنك صاح
يعنى الهدف فى النهايه لازم لومابتعرف تهرش وتحنك صاح تدفع
ولا كمان يكون عندك موزه تعرضها عليهو او تجيبها معاك تسلم عليهو
خلاص الموضوع انتهى حتى لوما ساقها بس اتكلم معاها
دى امه تحرس ليها بلد
ماممكن لكن برضو نقول ممكن لانها خربانه من كبارها الحاكمين وحتى رجال الدين
ليك الله يابلد

[ود النيل تمساح]

#995964 [abuhusam]
0.00/5 (0 صوت)

05-07-2014 12:18 PM
الذي اذل اهله وقتل وشرد ونهب وترك الفساد يستشري في البلد ما عندو خير والله البشير وكل حكومته ما فيهم خير.

[abuhusam]

#995943 [افريقى]
0.00/5 (0 صوت)

05-07-2014 12:07 PM
بشة طلع فردة ليكم والله كويس شديد

[افريقى]

#995920 [عبدالوهاب]
5.00/5 (3 صوت)

05-07-2014 11:55 AM
ههههههههههه القال ليهم يضيعوا عمرهم ويقروا طب منو

[عبدالوهاب]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة