الأخبار
أخبار إقليمية
القبض على ابن وزير ضمن شبكة إجرامية بالخرطوم
القبض على ابن وزير ضمن شبكة إجرامية بالخرطوم
 القبض على ابن وزير ضمن شبكة إجرامية بالخرطوم


05-07-2014 11:50 AM
الخرطوم

تم القبض على ابن وزير بإحدي ولايات دارفور ضمن شبكة إجرامية متخصصة في النهب بالخرطوم يستخدمون عربة مظللة تخص ابن الوزير، وتم القبض عليه في جريمة نهب وتهديد صحفي شهير مثير للجدل من ذات الولاية ظل ينتقد سياسات الوالي باستمرار، ودونت الشرطة بلاغاً جنائياً ضد ابن الوزير تحت المواد «175» نهب و«139» أذى جسيم و«21» اشتراك جنائي. وسجل الجاني اعترافات قضائية، وتجري المساومة الآن لتسوية القضية خارج المحاكم إلا أن الصحفي المجني عليه أصر على عدم التنازل قبل معرفة أسباب ودوافع الجريمة خصوصاً وأن الجريمة وقعت داخل أم درمان. وسيقدم ابن الوزير للمحاكمة. يذكر أن الجناة تمكنوا من نهب هاتف جوال وجهاز آيباد ومبلغ مالي ومسدس وثلاثة لبسات سفاري جديدة وأشياء أخرى.


الانتباهة


تعليقات 46 | إهداء 0 | زيارات 10605

التعليقات
#997224 [دجانقو]
5.00/5 (1 صوت)

05-08-2014 01:33 PM
ال ما شفتو في بيت ابوك بخلعك ...

ناس جايه جعانه و عدمانه و شرفانه و مقطعه و ادوها سلطه ...

[دجانقو]

#997166 [ابو سامى]
0.00/5 (0 صوت)

05-08-2014 12:46 PM
سفارى ومسدس انت بتاع ع امن وسمك ياكل سمك اللهم اجعل كيدهم فى نحرهم ....وقالو اخوك كان ازين بل راسك الزبير بشير طه شالو واحمد عباس كان بالى راسو للحلاقة شالو اليو الدور عن كبر الزيانة جاية والزيانة والصلعة ماشة للكبار . والمثل قال ( انشاء الله يا ناس الحكومة ازينوكم بى مقروبة والمقروبة ميتة )

[ابو سامى]

#996828 [بدل فاقد]
5.00/5 (2 صوت)

05-08-2014 09:17 AM
هو الصحفي دا المسدس شايلو لي شنو نادام مابحني بيهو نفسو في يوم اسود تاني غير اليوم القلعوهو فيهو دا ماايدي ودالوزير دا طلقة ويكون ريح الشعب من حرامي
المستقبل اللي حايشيل خزينتنا ويتحلل منها بي وضوء بس

[بدل فاقد]

#996734 [محمد فريد عوض]
0.00/5 (0 صوت)

05-08-2014 07:44 AM
اسلوب التعتيم دا مابمفع - ليه ما تذكروا اسم الولد وابوه؟

[محمد فريد عوض]

#996671 [رسالة إلى إدارة الراكوبة]
3.50/5 (2 صوت)

05-08-2014 02:14 AM
نحن نقرأ كثيراً من التعليقات بغض النظر عن ماهية المعلق وأحياناً دون قر اءة الخبر، كونها تلخيصاً واختصاراً فنستفيد منها ونستمتع بقراءتها جداً.. لكن ما يلفت الإنتباه لأي تعليق دون الأخر هو عدد "الأصوات أو النجمات".
وأظن وليس كل الظن إثم.. أن بعض الأخوة المعلقين يصوتون لأنفسهم مراراً وتكراراً فيقومون بحذف الـ (browser cookies and cache) وفتح الصفحة بعد أغلاقها.
#أنبه لهذه الثقرة بدافع حرصنا على حرية الرأي وعدم التأثير على الأخرين بمثل هذا الأسلوب الرخيص.
وشكراً

[رسالة إلى إدارة الراكوبة]

#996606 [ركابي]
5.00/5 (2 صوت)

05-07-2014 11:39 PM
هههههههههههههههه بتاعين الانتباهة ديل عنصريين خلاص قاصدين حتي اولاد كيزان الغرب سلوكهم همجي وعدواني وبتاعين نهب مسلح ما فنانين في السرقة زي اولاد كيزان الوسط والشمالية

[ركابي]

#996525 [ahmed]
0.00/5 (0 صوت)

05-07-2014 09:38 PM
make suore that is mgdi hary

[ahmed]

#996409 [bent alnil]
4.00/5 (1 صوت)

05-07-2014 07:10 PM
سرق مسدس و لبسة سفاري و مبلغ مالي ... دي مواصفات امنجي ... حكومة بتسرق حكومة .. و بعدين ناس الجرايد بعد ده خصوصا جريدة لاولاد الوزراء .... ابن وزير في مشاجرة في حفلة ...ابن وزير يختطف فتاة .... يسرق و آخر قال عايز يشترى جزيرة في الخليج ... حتكسب شمارات السرقة اليومين دي سوقها مرتفع...

[bent alnil]

#996320 [فهيمه اللئيمة]
0.00/5 (0 صوت)

05-07-2014 05:13 PM
حللوووووه؟

[فهيمه اللئيمة]

#996304 [DR SAME AL]
0.00/5 (0 صوت)

05-07-2014 04:57 PM
خبر غريب لانوا الوزراء زاتهم حرامية

[DR SAME AL]

#996283 [الخمجان]
0.00/5 (0 صوت)

05-07-2014 04:29 PM
عادى الموضوع خليه يمشى لعبد الحى يوسف يشوف ليه فتوى

[الخمجان]

#996267 [بت الخرطوم]
0.00/5 (0 صوت)

05-07-2014 04:01 PM
مسكين ود الوزير ماشايف شفع مكتب الوالى بسرقوا كيف بعدين الصحفى الشهيرالمثير للجدل دا هوذاتو ماكوز وحرامى والطيور على أشكالها تقع اللهم أجعل كيدهم فى نحرهم

[بت الخرطوم]

#996251 [ابوالمظاليم]
0.00/5 (0 صوت)

05-07-2014 03:50 PM
(هو فى وزير بموت) يعنى انت تتوقع شنو من زى ديل هو ما الحمد لله ما لقوه ......

[ابوالمظاليم]

#996248 [عدو الكيزان النازي]
5.00/5 (2 صوت)

05-07-2014 03:49 PM
والله .... قبل حوالي 14 سنة ... جانا حرامي في البيت وسرق انبوبة الغاز وحاجات تانية

والله والله والله ... بعد ما قبضوه طلع ابن واحد من كبار قيادات الكيزان

هم كده .... لن يلدوا الا فاجرا كفارا

[عدو الكيزان النازي]

ردود على عدو الكيزان النازي
European Union [قرفان من الكيزان] 05-07-2014 08:15 PM
تصديقا لكلامك .. أسرة أجنبية مقيمة في السودان تعرضت لحادث سرقة و اعتداء من مجهولين
بعد القبض المجرمين تبين أن زعيمهم ابن احد الكيزان


#996240 [الفاتح الاسد]
0.00/5 (0 صوت)

05-07-2014 03:41 PM
يا اخوانا الوليد دا لسع في سنة اولى نهب ما مصلح ، خلوه يتعلم شوية والله كان ما يسرق دبابة ومليارات زي اخوانو ما تدوني ايديكم. عموما تلبسوا(السفاري) وتصرفوا ( القريشات) بالافيةاقصد بالعلفية.

[الفاتح الاسد]

#996227 [الهمام]
0.00/5 (0 صوت)

05-07-2014 03:31 PM
انا افتكر دا سيناريو ركيك وما محبوك ببراعة ومفضوح بس فيه خبث شنو يعني ابن وزير سرق ايباد ولبسات سفاري وشنو ما عارف ابن الوزير او اقل من ابن الوزير بنهب مليارات الدولارات والطريق قدامو ممهد وما حا يطولو القانون فالحماية متوفرة ,بس اعتقد عايزين اقولو ليكم انو الانقاذ جادة في تطهير الفساد وحتي ابناء السادة حا يطولهم القانون وانو فيه عدالة والجميع امام القانون سوا ,انتبهو وفتحو عيونكم

[الهمام]

#996216 [lahib]
5.00/5 (1 صوت)

05-07-2014 03:21 PM
ما عندو اسم ابن الوزير ده .. عشان الخبر يكون صحيح وموثوق فيهو نزلوا الاسامي عشان تعرو النظام ولا الخبر ما عندو معنى وما ف داعي ليهو من الاساس

[lahib]

#996215 [سوداني حر]
5.00/5 (1 صوت)

05-07-2014 03:20 PM
انتو الحرامية ديل ما عندهم اسماء ليه ما بتكتبوا اسماءهم هنا عشان الناس تعرف وداا زاتو جزء من العقاب يا اهل الاعلام ما تجووو تكتبوا لينا موضوع من غير عنوان ،،، جرائم الفساد دي كلها مفترض يكون التشهير بمرتكبها اهم نقطة للاعلام مش تجي تقول لي ابن وزير ولا بن غفير ولا قريب مسئول انشروا الاسماء يا اهلنا وخليكم من الظل ،،،،

[سوداني حر]

#996199 [موجوع وطن]
1.00/5 (1 صوت)

05-07-2014 03:08 PM
هو ود الوزير دة مالو متخلف كدا و بنهب بطريقة ما حضارية ومحرجة للنهب الحضاري هو ما شايف الوزراء الصح صح و أبناءهم و حواشيهم و الجيرة والصحبة بيلحطوا كيف من غير تحلل ولا حفظ آية فرآنية. أقول ليك حاجة دة بالتأكيد أبوه من قادة جنجويد الدعم السريع المستوزرين حديثاً ولسع ما غيروا عاداتهم القديمة وراجين الصوارمي يشيد بإنتصارهم في حملة التطهير والناس تتكلم عن المحاكم من غير مراعاة لفروق النهب.

[موجوع وطن]

ردود على موجوع وطن
[zozo] 05-08-2014 09:07 AM
دا وزير مهمش لسه ما إتعلم الحرفنة فى فن اللغف و اللهط


#996185 [ِAburishA]
5.00/5 (7 صوت)

05-07-2014 02:58 PM
** مسكين... بكون ابن وزير جنجويد.... ياهو زي ما بنسمع اللواء/جنجويد..العميد/جنجويد...
** ابن وزير مغمض..عيال الوزراء الصحي صحي بنهبوا ملايين الدولارات بمشوا بيها دبى ومن هناك راس لماليزيا وسنغافورة....

**هيع هيع هاااع موبايل وتلاتة لبسات سفاري..اللبسات دي لونها شنو !! ما فيها واحدة لون بيجي؟؟!!

[ِAburishA]

#996183 [ابوهاني]
5.00/5 (4 صوت)

05-07-2014 02:56 PM
مليون مرة كتبنا وقلنا وضحوا الاسم فنرجو من كاتب المقال بأن يخبرنا باسم الجناه بدل من التغتغت والتستر من هو ابن الوزير ومن الاشخاص الذين معه نرجو التوضيح . وإلا ما في داعي لنشر الخبر .

[ابوهاني]

ردود على ابوهاني
[الكرباج الحار] 05-07-2014 06:00 PM
حتعرف الكضب والكضاب كيف؟؟ انا بقرا وبفرغ بالتانية

[خور ابوعنجه] 05-07-2014 05:45 PM
مافي غير الشمار حاجه حا تغطس حجركم يا اهل السودان ، زي الاخبار دي الجرايد بتستعملها لي رفع المبيعات وتبييض وجه النظام وتوحي ليكم بان الكل امام القانون سواء ليس الا لأنو في عهد الكيزان مافي حاجه اسمها متنفذ او اسرته يتعرضوا لمحاكمات او اعتقالات والاخبار كل يوم بتنشر الاهوال ، هل سمعتوا بي واحد اتحاكم ؟ .


#996182 [adil a omer]
5.00/5 (3 صوت)

05-07-2014 02:54 PM
يعنى ابن اللص حيطلع بروفيسور اكيد حيطلع حرامى

[adil a omer]

#996173 [تينا]
5.00/5 (2 صوت)

05-07-2014 02:48 PM
الجابرو على النهب التعبان داشنو ابن الوزير دا ما عندهم البلد بيحالها بنهبوا فيها ...حاجة غريبة ...

[تينا]

#996149 [المهاجر الاول]
3.00/5 (1 صوت)

05-07-2014 02:27 PM
اصلا الولاة والانقاذين عموما كلهم حرامية فلا حرج ان يكون ابناءهم قطاع طرق ...وانا اشك في ان يكون ابن (كبر) ... بس ماذا تتوقعون في الحكم (ان يخرج بكفالة ماليه مسروقة من الشعب السوداني ثم حل القضية في خارج المحكمة)

[المهاجر الاول]

#996141 [محمود]
3.00/5 (1 صوت)

05-07-2014 02:23 PM
ود الفار طلع حفار

[محمود]

#996135 [kandimr]
5.00/5 (36 صوت)

05-07-2014 02:21 PM
غريبة نهب (مسدس) من الشاكى..لماذا لم يحقق أمنيتهم بأرسالهم إلى جهنم مثواهم..والمسدس يدخر لمثل هذا اليوم..وليوم القصاص..من الهؤلاء والسدنةالطائفين وما يسمى بالنظاميين.والجباة.نحن رفاق الشهداء الصابرين نحن..

[kandimr]

#996130 [ادروب الهداب]
5.00/5 (1 صوت)

05-07-2014 02:19 PM
ياسبحان الله هذه تربية المتأسلمين وهي لله حسبنا الله ونعم الوكيل

[ادروب الهداب]

#996122 [السر موسى]
0.00/5 (0 صوت)

05-07-2014 02:14 PM
اخبار بايخه جداً ما نحنا عارفين البلد دى اولاد الوزراء والولاه والرؤساء عايسين فيها فساد بس وده خبر ما جديد على ساحة القراء //////////////////////////////////////////////////////////////////
بس مغزى الخبر عاوزين نعرف ده منو وابن منو لكن غير ذلك لايفيد القارى بشىء ماهى البلد كلها حراميه
ونهابين .
وهذا الخبر ليس باضافه جديده

[السر موسى]

#996119 [أبوقرجة]
5.00/5 (1 صوت)

05-07-2014 02:13 PM
ابن الوزير بنهب في الناس ... لا حوله لله ولا قوة إلا بالله ...... طيب الناس البتسرق في السودان مفروض بعد كده يعطوها جائزه على أعمالهم في السرقه والإجرام ..... ابن الوزير يسرق ... الوالي يسرق رئيس الجمهورية يسرق ... زوجة رئيس الجمهورية تسرق ... رئيس نادي المريخ يسرق ... يا جماعه يعني السرقه حلال ولا شنو ... خلاص طلعوا الحرامية الفي السجن ...... لانها بقت عادات وتقاليد ..

[أبوقرجة]

#996092 [الشقى]
0.00/5 (0 صوت)

05-07-2014 01:53 PM
وإيه الغريب فى هذا الخبر ؟؟حرامى إبن حرامى ومجرم إبن مجرم !!!!

[الشقى]

#996088 [اقبضو السفاح الهارب من العدالة الدولية]
1.00/5 (1 صوت)

05-07-2014 01:50 PM
ابن الوزير؟؟؟
يجب عليه ان يتحلل ويا دار ما دخلك شر

[اقبضو السفاح الهارب من العدالة الدولية]

#996059 [ساب البلد]
5.00/5 (2 صوت)

05-07-2014 01:23 PM
********* يذكر أن الجناة تمكنوا من نهب (هاتف جوال) و (جهاز آيباد) و (مبلغ مالي) و (مسدس) و (ثلاثة لبسات سفاري جديدة) و(أشياء أخرى) ******** دا ما صحفي ***** دا شكلو امنجي **** من المسدس و البدلة السفاري ********



******* ابن الوزير المجرم دا ما عنده اسم ولا عنوان ؟؟؟ ********

[ساب البلد]

#996048 [ود النيل تمساح]
0.00/5 (0 صوت)

05-07-2014 01:18 PM
هو خلاص وقفت على ود الوزير الدارفورى ده
كل اولاد الوزراء وكل اولاد الضباط وكل اولاد رجال الامن
ده شغلهم نهب وتهديد واى حاجه بيعملها الكبار هم بينسخوها منهم
وبعد ده كله لاقين حمايه كامله
شوف هسه كلمة تسويه خارج المحاكم
المجرم يتحاكم حتى يكون عظه لغيره
لكن لمن تساووا الموضوع بره المحاكم بتشجعوا الباقى ينهبوا اضعاف
ويتحل الموضوع بدل فى المحاكم يتحل فى فندق
فى فساد اكتر من كده
وكل ده باسم الدين
لو سرق القوى عفوه ولو سرق الضعيف اقاموا عليه الحد
هذا زمانك ياعصابة

[ود النيل تمساح]

#996040 [رجعنا بعد فرقة]
5.00/5 (2 صوت)

05-07-2014 01:10 PM
سبحان لله وانا طيلة فترة حكم الكيزان افتقدنا حرامى الفريق البنط بالحيطة وآتاريهم بقوا كووووولهم حكومة........ قااااااادر لله

[رجعنا بعد فرقة]

#996027 [أبو محمد]
5.00/5 (1 صوت)

05-07-2014 01:02 PM
يذكر أن الجناة تمكنوا من نهب هاتف جوال وجهاز آيباد ومبلغ مالي ومسدس وثلاثة لبسات سفاري جديدة وأشياء أخرى.


ومسدس؟؟؟؟؟

صحفي ده بيحارب بالقلم ولا بالمسدس؟؟؟!!!!

[أبو محمد]

#996026 [shah]
5.00/5 (2 صوت)

05-07-2014 01:02 PM
هو الوزير ذاتو ما مجرم ... ولده حيكون ملاك؟

[shah]

#996019 [brins]
5.00/5 (1 صوت)

05-07-2014 12:58 PM
ابن الوزير جعان وعريان تسرق بدلات ياوهم

[brins]

#996008 [أشعب شبعان]
0.00/5 (0 صوت)

05-07-2014 12:48 PM
الولد مسكين أحس بالفقر ... بينما ينعم رصفاؤه بالنعيم كله ... قال ألحق نفسي قبل التغيير

[أشعب شبعان]

#996006 [عباس]
3.00/5 (1 صوت)

05-07-2014 12:47 PM
من شابه اباه فما ظلم .

[عباس]

#996001 [جنرال زمان]
5.00/5 (2 صوت)

05-07-2014 12:43 PM
يا ورونا إبن الوزير دا منو يا بلاش تنشروا لينا أخبار تافهة زيكم كدا يا ناس جريدة الغفلة. وهو زاته الحايمين في كل وزارات السودان المليون دي فبهم بلاي واحد كدا ممكن تعاين ليه أو تشوف أفعاله وتقول ما شاء الله دا وزير؟ كلهم ملاقيط وما مصدقين والما بسرق منهم يقوموا أفراد أسرته بالسرقة. بلاء يخمكم

[جنرال زمان]

#995995 [محمد]
1.00/5 (1 صوت)

05-07-2014 12:40 PM
الوزير منو يا الراكوبة -ماعندو إسم ؟

[محمد]

#995988 [الغلبان]
1.00/5 (1 صوت)

05-07-2014 12:34 PM
ما يتحلل بس

[الغلبان]

#995986 [baraka]
5.00/5 (1 صوت)

05-07-2014 12:33 PM
هي لله هي لله

[baraka]

#995979 [محمد حسن أحمد]
5.00/5 (1 صوت)

05-07-2014 12:28 PM
ابن الفار حفر اكيد ابوه من اكبر المفسدين الحرامية الذين سرقوا وبددوا اموال وثروات البلاد والعباد

[محمد حسن أحمد]

#995955 [مواطن]
5.00/5 (1 صوت)

05-07-2014 12:13 PM
معليش يا حضرة الصحفي ابن الوز عوام .... الواد يعمل تريننج لشغل كبير .

[مواطن]

#995950 [افريقى]
0.00/5 (0 صوت)

05-07-2014 12:11 PM
تانى ولد كبر يا ربى ولا منو ؟

[افريقى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة