الأخبار
أخبار السودان المحلية
بعد هروب المواطنين من التجنيد.. جهاز أمن البشير يهدد : التنقيب عن الذهب مقابل الإنضمام الى حروب البشير
بعد هروب المواطنين من التجنيد.. جهاز أمن البشير يهدد : التنقيب عن الذهب مقابل الإنضمام الى حروب البشير



05-09-2014 09:05 PM
الراكوبة -
الراكوبه
أفادت مصادر خاصه بالراكوبه ان مجموعة من الشباب والذين يعملون في مجال تنقيب الذهب (التنقيب الاهلي) قد تلقوا تحذيرات شديدة اللهجة من قبل عناصر الامن المنتشرة في الولايه الشماليه في أن الحكومة تريد اغلاق هذه المناجم , وعليهم أن يأخذوا اجازة اجباريه بالتوقف عن العمل,في نفس الوقت تمت مساومتهم بالالتحاق بصفوف القوات المسلحه لان هناك وظائف شاغرة تنتظرهم , وبالعدم فانه سوف يتم ارسالهم عنوة الى مناطق العلمليات الحربيه خلال 90 يوماً وبعد أن يشاركوا في العمليات الحربيه يمكن أن يعودوا مرة أخرى للعمل في المناجم ان ارادوا ذلك.
يذكر أن وزير الدفاع الفريق عبدالرحيم محمد حسين كان قد اعترف خلال تصريحات صحفيه له أول الامس بوجود عجز في صفوف الجيش بسبب تدني اقبال الشباب للعمل في القوات المسلحه , اضافة لتفضيل الشباب للعمل في مجال التعدين الاهلي, وانهم بصدد الاستعانه بمنسوبي الخدمه الوطنيه والدفاع الشعبي , وقد طالب بضرورة حل معضلة ضعف المرتبات, وضرورة اعداد القوات المسلحة سياسيا واقتصاديا ونفسيا للدفع بدورها في حماية الدولة وبسط هيبتها



تعليقات 16 | إهداء 0 | زيارات 9487

التعليقات
#999403 [منشى]
0.00/5 (0 صوت)

05-10-2014 11:34 PM
يا دوب ح تزيدوا عدد المتطوعين فى صفوف الجبهه الثوريه , بس رسلوهم عنوة و شوفو اللى بيحصل شنو . اخير ليهم يموتوا مع الزول اللى اهانهم و لا مع الزول اللى داير يرجع ليهم حقوقهم .

[منشى]

#999181 [عبد الواحد الميت من الاستغراب ولا معين!!]
5.00/5 (1 صوت)

05-10-2014 05:52 PM
الزول ابو رياله ده لسه ما زوروه (الضروه) وأدوهو طلقه فى جبهتو؟!!يبدو إن الناس ديل ما خاتين بالهم فى أن ما يطلقون عليه لقب وزير الدفاع راجل صفايا وآسرار القوات المشلعه صارت فى السهله وعشان كده إسرائيل تلطش فيهم صباح مساء وتديهم علقه قبل النوم وبعد النوم!!يا ساده ماذا يعنى عندكم بالله عليكم أسرار القوات المسلحه؟!!دى أقلها إخفاء عدد المنتمين إليها وكذلك التسليح والابله ده قبل كده كان صرح بأن الجيش ليس به رادارات وإن الدوله تعتمد على (نظره) وسلامة النظر ده نضارتو ذى كعقر الكبايه..يابا.. طيب ده كان وزير دفاع فياترى ما هو حال مرؤسيه؟ لاشك جميعهم من نوعيته او العن وأخيب وأظرط وأضل منه وهذا ما بدى لنا جليا من خلال سكوتهم ورضوخهم وإستكانتهم كالكلاب الوديعه وكأن البلد دى ما حقتهم!! حقا لقد ذهب الرجال وزمن الرجال..ولا حول ولا قوة إلا بالله!!!!!!!.

[عبد الواحد الميت من الاستغراب ولا معين!!]

#998977 [سودانى مواكب]
3.00/5 (1 صوت)

05-10-2014 02:30 PM
القوات المسلحه السودانيه قوات قوميه لايمكن المساس بقوميتها لانها تمثل رمز السياده الوطنيه واي تدخل حزبى او جهوى فيها يضر بها ويضر بالبلاد لانها هى درع الشعب والشعب درعها ولا يمكن الادعاء بان هناك نقص فيها فان كان هذا الادعاء حقيقة يجب البحث عن العيوب والخلل حتى نصلح ما يمكن اصلاحه قبل فوات الاوان .

[سودانى مواكب]

#998772 [علي برقاوي]
3.00/5 (1 صوت)

05-10-2014 11:24 AM
وبعد أن يشاركوا في العمليات الحربيه يمكن أن يعودوا مرة أخرى للعمل في المناجم ان ارادوا ذلك.....!!!!!
يعني بيجوا راجعين؟؟!!! هم مودنهم حرب ولا سياحة؟؟؟؟

[علي برقاوي]

#998726 [بيكانتو]
5.00/5 (1 صوت)

05-10-2014 10:43 AM
الشعب السودانى صابر و صامت و صامد لغايه ما تغلبكم عديل كده

[بيكانتو]

#998545 [ِAburishA]
5.00/5 (1 صوت)

05-10-2014 02:30 AM
الجيش والشرطة وابوطيرة والدفاع الشعبي والمجاهدين وابوطيرة وقوات جهاز الامن الوطني والمخابرات وقوات الدعم السريع ومليشيا قوات حرس الحدود والجنجويد ومرتزقة مالي والنيجر ومليشيات السيلكا التي تم احضار عناصرها من افريقيا الوسطي وقوات تشاد المتواجدة الان في دارفور وعمليات الجهاز دي كلها ما لحقت.. بقيتوا على ناس الدهب ؟!!

** يادوب الامور ظبطت..اجزم بأن.. بتاعين الدهب ديل كلهم حينقلبوا جبهة ثورية.. وكمان حينقبوا في الاراضي المحررة وهي ملاياااااانة دهب كبار كبار...ومرحبا بكم في ارضكم... ما تتأخروا...

[ِAburishA]

#998453 [صابون الكيزان]
3.75/5 (4 صوت)

05-09-2014 11:52 PM
والله ياهو الفضل دا منو امو ما راضيه ليه دا عشان يمشي يحارب باسمكم ويحميكم لا والف لا امشو انتو عشان تلاقو الحور العين جد جد كيزان منافقين ومعفنين عفانه نتنه كمان بلا يخمكم من بشيركم لغفيركم .

[صابون الكيزان]

#998421 [نبض التعب]
5.00/5 (2 صوت)

05-09-2014 11:02 PM
في كلتا الحالتين قإن الشباب ، بل وجموع الشعب بأسره ، في نظر العصابة الفاسدة ما عم إلاّ مجرد خُدّام لهم ، ففي (الباردة) تسمح لهم بالشقاء والعذاب والمعاناة في سبيل إستخراج الذهب الذي يتم تجميعه يكمبات كبيرة ومن ثم إرساله (علي دبي عِدِل) ليتم صهره و(عصره) دولاراً تتراقص له بنوك ماليزيا والحقير البشير في آنٍ معاً! .. وفي ساعة الحارة تتراءى لنا المشاهد الواردة في سياق الخبر أعلاه ، فعندما يشعر المفسدون بالخطر وتعرضهم للعصِرْ بقومون بإستخدام سياسة الترغيب والترهيب الواردة في حيثيات النبأ ُالمُرتعِش!! .. ضاقت عليكم يا كيزان يا وسخ فأنتم تلعبون في الزمن الضائع .. شدّوا (ملابسكم الداخلية) جيداً فالـ(عود) قد إستقام وأصبح رامي لي قِدّام!! .. أركزوا وما تجيبوا رخوة .. فالمشروع الديني الخالص ماهو دراسة جدوى .. وماهو مكاوي الكعبة تجوها حين ينكرفس توب الدعوة!!

[نبض التعب]

#998416 [ابوريدة]
0.00/5 (0 صوت)

05-09-2014 10:55 PM
هل من الذكاء كشف حال الجيش هكذا علي الملأ ؟؟؟

[ابوريدة]

ردود على ابوريدة
[موجوووووووع] 05-10-2014 04:02 PM
يا ابوريدة يا اخوي هو في جيش اصلا عشان ما يكشفو حالو هو كان في جيش كدة كان حالنا بقي زي دة ؟
القاعدين ديل كلهم مليشيات و مرتزقة الله يازيهم بس.


#998404 [الحقيقة مرة]
4.75/5 (3 صوت)

05-09-2014 10:38 PM
تحصيل حاصل انو الشباب الشمالي في النهاية حيحمل السلاح ضد كلاب الامن ديل لما يستنفد كل اوجه المقاومة الانسانية السلمية وعدد كافي مننا يدركو انو نظام العسكر وحرامية الطفيلي هو سبب العطالة والفقر والتردي المعيشي البسحق احلام ملايين الشباب بحياة كريمة ومستقبل واعد وانو في اشياء في الدنيا دي زي الحرية والكرامة والعدالة ما بتجي الا بالقوة

[الحقيقة مرة]

#998399 [خالد حسن]
5.00/5 (2 صوت)

05-09-2014 10:23 PM
يعني يموتوا فطايس
ماكفايه الكتلتوهم يامجرمين

[خالد حسن]

#998385 [فركتو]
5.00/5 (1 صوت)

05-09-2014 09:57 PM
لماذا يستهدفون شباب التنقيب الاهلى فى الوقت الذى يوجد لدى جهاز الامن قوة كبيرة
جدا تم تجنيدها منذ سنينا خلت فى عهد صلاح قوش جلهم من ابناء حجر الطير وحجر العسل لماذا لا يرسلون
هذة القوات لمسارح العمليات فى الوقت الذى يحاربون فيه ابناء الهامش
ويرودون ان يأتيهم النصر بجهد ابناء الهامش اعلموا ايها الاوغاد اذا ارتم النصر
فأرسلو ابنائكم حتى يقاتلوا لكم بولاء لان ابناء دارفور وكردفات والنيل الاازرق وابناء
شرقنا الحبيب لن يقاتلوا لكم بولاء لانهم فهموا اللعب

[فركتو]

ردود على فركتو
United States [نصر الله] 05-10-2014 11:32 AM
الحقيقة مرة يا محمد نور -- للاسف هذه العصابة السارقة المتعفنة تدعي بانها تحمي ابناء الشمال النيلي من تغول الاخرين وهو قول مردود وعنصري يلعبون به على عقول الكثيرين --- وحاولوا به اللعب كثيرا وطردوا الجنود من غرب السودان وسرحوهم من الجيش عندما انتهت حرب الجنوب وها هم يشربون كاس الندم -- وليعلم الجميع ان الدهابة هؤلاء جلهم كردفانيين وليس للشمالية فيهم نصيب الا كبار القوم -- ويجب عليهم الان اذا اضطروا للذهاب للقتال الانضمام للجبهة الثورية فلم يتبق لهم خيار غير ذلك -- والله ولي المستضعفين

United States [محمد نور] 05-09-2014 11:25 PM
لماذا لم تزكر ابناء الشمال اليس هامش انت للاسف عنصرى زيك زى الكيزان ويجب ان تعلم انه لا مكان لاى عنصرى فى البلد دى كوز او غير كوز بعدين اتكلم فى منطقتك بس مالك ومال باقى السسودان والعنصرية


#998378 [عصمتووف]
5.00/5 (2 صوت)

05-09-2014 09:40 PM
ما فائدة المليون او العشره مليون او المليار جنية ك راتب اذا فقدته حياتي او اصبت بعاهة مستديمة ما قيمتها مع الغلاء
- يجب وقف الحرب
** يجب تحويل كل القوات النظامية (شوالات وصناديق وكراتين ) لقوات منتجة تبدا من القائد الاعلي الي المستجد في ونظافة الشوارع وحمل القمامة وحفر الخيران والزراعة والرعي بدلا من القتل والسلب والنهب والرشاوي والاغتصاب يعمروا ارض الله بدلا من افسادها
وهي الفائدة الوحيده

[عصمتووف]

ردود على عصمتووف
European Union [وظائف شاغرة] 05-10-2014 01:08 AM
This is good suggestion , the dogs should do another jobs . All military forces and security and police should all work as cleaners in streets and farmers and they should not receive any salaries


#998377 [نهبو البلد]
4.00/5 (1 صوت)

05-09-2014 09:40 PM
وبعد أن يشاركوا في العمليات الحربيه يمكن أن يعودوا مرة أخرى للعمل في المناجم ان ارادوا ذلك. >>> هو في زول بيرجع من معارككم الفاشلة دي, عمليات عنصرية ابادية من جيش ضعيف , جميل نرى المهزلة الحاصلة دي , و لكن الحزين انو ده بقى حال جيشنا.

في نفس الوقت تمت مساومتهم بالالتحاق بصفوف القوات المسلحه لان هناك وظائف شاغرة تنتظرهم>>>> مسمى الوظيفة : فطيس على شكل عسكري , المهام : عنصرية حتى الموت و اتباع اوامر مجرمين حرب باسلحة فاسدة

[نهبو البلد]

#998376 [ابو محمد]
4.00/5 (2 صوت)

05-09-2014 09:38 PM
ان القتال اوالفدا ء بالروح عقيدة يؤمن بها من يفدي بروححه وهذه تتوفر فقط عند ثوار الهامش لايغريهم مال

[ابو محمد]

ردود على ابو محمد
European Union [قاسم] 05-10-2014 09:33 AM
مصيرك بكرة تتعلم تارا تارا تارارام تم ! انتو ماتفكروا!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة