الأخبار
أخبار إقليمية
والي الخرطوم: المتهم الأول من قدامى كوادر المؤتمر الوطني إذا ثبتت عليه التهمة نقول « الشيطان غشاهو »،
والي الخرطوم: المتهم الأول من قدامى كوادر المؤتمر الوطني إذا ثبتت عليه التهمة نقول « الشيطان غشاهو »،
والي الخرطوم: المتهم الأول من قدامى كوادر المؤتمر الوطني إذا ثبتت عليه التهمة نقول « الشيطان غشاهو »،


05-10-2014 11:30 AM
اشرف عبدالعزيز

*بدا والي الخرطوم عبدالرحمن الخضر مهزوزاً خلال مؤتمر صحافي عقده الأربعاء حول استغلال اثنين من موظفي مكتبه للنفوذ وارتكابهمتجاوزات وشبه ذلك ب «الطعنة لشخصه ».

*عبر الوالي عن أسفه بعبارات بسيطة لا تخلو من إقرار واعتراف بأن موظفيه أذنبوا ذنباً كبيراً وقال »دي ما كانت المحرية في ناس
قعدوهم في مكان زي دا « ومضى محاولاً إبعاد أي شبهات عن نفسه قاطعاً بأنه تمسك بالمضي في الإجراءات العدلية الى مداها الأخير .

*وزاد الوالي بأن المتهمين في قبضة الجهات العدلية ولا يسمح بلقائهم منوهاً إلى أن كل ما ينقل عنهم لا يمت للواقع بصلة، وأقر
للمرة الأولى أن المتهم الأول يعد من قدامى كوادر المؤتمر الوطني، وعمل في مواقع عديدة بينها وزارة الصحة ومكتب الإنتاج الإعلامي.. ومشهود له بالخبرة.

* ومضى في تناقضه ليقول في ذات الصعيد «إذا ثبتت عليه التهمة نقول « الشيطان غشاهو »، وقطع بعدم صحة ما تناقلته بعض المواقع الإلكترونية عن صلة قرابة تجمعه مع أحد المتهمين وأبدى في ذات الوقت عتابه على الصحف واتهمها بنشر الكثير من الشائعات عن القضية نقلاً عن مواقع التواصل الاجتماعي من دون تثبت .

* وفي المقابل أكد أنه أبلغ الرئيس البشير بتفاصيل القضية منذ بداياتها وأن الرئيس أمر بإكمال التحقيقات حتى النهاية مشدداً
أن حكومته لم تضف أي نوعٍ من القدسية على المتهمين بإخفاء هوياتهم، وأضاف عدم نشر الأسماء كان تقديرات الجهات العدلية
وأردف »نحن وديناهم بالأسماء «.. وعاد في ارتباك بائن ليقول إن المتهمين مازلوا في دائرة الاتهام ولم تثبت عليهم تهمة التزوير،
وفي الأثناء كشف أن التحقيقات التي أُجريت أكدت استغلالهم للنفوذ والتورط في بيع ست قطع استثمارية في مواقع متفرقة بجانب ( ٥) سيارات من موديلات مختلفة، وأنه طلب من لجنة الأمن التي تولت التقصي في قضية مكتبه توسيع التحقيقات لتشمل مصلحة الأراضى منوهاً الى إخضاع ( ۳۰ ) شخصاً للتحقيق ثبت تورط اثنين فيما تحوم الشبهات حول آخرين.

* واستمرت التناقضات وكشف الخضر أن توجيهات جديدة ستصدر فيما يخص التعامل مع الأراضي الاستثمارية، وأشار إلى أن سياسة المتهمين في التجاوزات عند بيع الأراضي كانت باتباع ما يُعرف بأسلوب »الكوبري « بألا يظهر اسم البائع الأساسي فيما شدد على عدم صلتهم بالكيفية التي يحاكم بها المتهمين وقال »نحن حولناها منذ ۲۲ مارس بعد تحقيق داخلي لشهرين «
*التناقضات بينة حتى أنها لا تحتاج لتعليق ومن الطرف أن الخضر لم ينسَ حتى التعليقات الساخرة من بعض الصحف على الإعلانات المدفوعة الثمن التي تبارك خطوات إنجازاته وتدافع عن نزاهته ومنها إعلان نُشر عن من أسموا نفسهم (رفاقه في صلاة الفجر) فأوضح بأنه يصلي الفجر في أكثر من مسجد وأن مثل هذه الإعلانات ربما القصد منها تدميره معنوياً.

*من الواضح أن الهزة التي أصابت حكومة الخضر نتيجة استغلال موظفيه لنفوذهم لا تُقاس بمقياس ريختر بل تحتاج لمقياس زلازل
جديد، فالرجل تأسف حتى النخاع مشيراً بأن قضيتهم شغلت الرأي العام، ولكن هل يكفي الأسف بعد التحلل؟ لذلك لابد من أن يغادر الوالي منصبه بعد (مكتب الخضر-قيت) أما طريقة اعتذار عبدلله الشبراوي في قصيدته اعتذار لا تجدي وقد صُنفت من أضعف قصائدالشعر الحديث:

ضاف ذنبي وأخجل الذنب وجهي.. واعتراني من الحيا تقصير

الجريدة


تعليقات 71 | إهداء 0 | زيارات 11505

صفحة 1 من 212>
التعليقات
#1000066 [ابو ابراهيم]
0.00/5 (0 صوت)

05-11-2014 02:26 PM
يقول الله تعالى " إن كيد الشيطان كان ضعيفا" فهل تعني سيدي الوالي أن الآية لاتنطبق على الشيطان السوداني؟؟

[ابو ابراهيم]

#1000049 [Mohamed]
0.00/5 (0 صوت)

05-11-2014 02:15 PM
الدكتور عبد الرحمن الخضر

أرجو الإطمئنان أن "كل" الشعب السوداني الذي عملتم علي إفنائه من الوجود يوما ما زال موجودا يراقب ويتابع ويوثق جرائمكم وإعترافاتكم المتتاليه والمثبته والتي أذهلت البعيد قبل القريب! ويجب أن تعلم أيضا أن يوم الحساب والعقاب آت لا محالة بعد أن إنكشف "الزيف" وفاحت الروائح المنتنة من الكوادر القديمة (أبوبكر) والجديدة (غسان) علي السواء، وطفقت الفتن تعصف بكل ركاب المركب "الحضاري" وانشغل الكل بنفسه وهيهات!! نعم، لا حاجة للإستقالة حتي لا ينكشف "كل" المستور و "المغتغت"، ولعن الله الشيطان. فقط نتمني لكم نوم العافية وأن يحقق الله لكم غاية أمانيكم بأن تقع القيامة بكرة وترتاحوا من حساب "الدنيا" و"شلهتة" المحاكم وكشف الحال الخ..... انشالله!!
ولا كيف؟؟ الله يخزي الشيطان!!

[Mohamed]

#999970 [عدو الكيزان النازي]
0.00/5 (0 صوت)

05-11-2014 01:28 PM
الشيطان غشاهو ....؟؟؟؟

وهو الشيطان ده منو ....؟؟؟ والله انت وحزبك الملعون اخطر الشياطين

بدل ما تبرر يا **** يا فاسد ... استقيل يا ثقيل

[عدو الكيزان النازي]

#999901 [واي واي]
0.00/5 (0 صوت)

05-11-2014 12:37 PM
اكيد حا يكون قرار المحكمة براءة الموظف "ومحاكمة الشيطان لانه حرض الموظف" ويتم اعلان للشيطان لتسليم نفسه ومتى ما سلم نفسه سوف تقوم المحكمة بحاكمته ويهلل الشعب السوداني (يحيا العدل ---- يحيا العدل---يحيا العدل)

[واي واي]

#999701 [متابع]
0.00/5 (0 صوت)

05-11-2014 10:31 AM
إقتباس:
((والي الخرطوم: المتهم الأول من قدامى كوادر المؤتمر الوطني إذا ثبتت عليه التهمة نقول « الشيطان غشاهو »،)) .

من غير انه تعترف انه من كوادر المؤتمر الوطني لا يمكن لشخص متهم في فساد في السودان الا ان يكون الا من المؤتمر الوطني .. واصلا افعال بالشكل دا لا يفعلها الا كوادركم حتى لو الشيطان قالوا ما تفعل لفعلها وحتى ولو ما غشاهو الشيطان زي ما بتقول كان فعلها وهو في شيطان غيركم ...

[متابع]

#999696 [اسماعيل الطيب]
0.00/5 (0 صوت)

05-11-2014 10:29 AM
حدث مثل هذا اليوم قبل ستة عشر عاما. عندما كان وزيرا للزراعة بولاية الشمالية اختلص مبلغ 50.000.000 مليون جنيه من مشروع ابوفاطمة الزراعي مقابل تصديق جدول لمشروع لا اساس لها ان تقوم في تلك الموقع بين مشروعي تمبس وابوفاطمة.. عبد الرحمن الخضر معرووووووووف لدي اهلنا بولاية الشمالية من طراز فريد جداجداااااااااا!!!!!!!!
حرااااااااااااااامي معترف لا يخاف حق الغير .
السارق في حكم الله قطع اليد ..ولكن في حكم الدولة الظالمة ( براءة)

[اسماعيل الطيب]

#999624 [سم الارقط]
5.00/5 (1 صوت)

05-11-2014 09:33 AM
اوعي تجيبو سيرة الشيطان دا الشيطان اشرف منكم واطهر منكم اوعي تجيبو سيرتو تاني ياحرامية يا لعابين الواحد يشيل ويكتب بي اسم وداختو ويقول لك الشيطان غشاهم الشيطان سوي شنو المسكين دخل معاكم المكاتب الشواطين قاعدين في الجزر والبيوت المهجورة الجابهم ليكم شنو يدخلو في مكاتبكم والبنوك والله الشيطان يسمع الكلام الا يفتح فيكم بلاغ اشانة سمعة ورد اعتبار ماتدخلو المسكين في ضرباتكم وكوتاتكم القاعدين تضربوها براكم انت كان فعلا شريف طلعنا اسم الكوز الكبير دا الغشاهو الشيطان نحن دايرين نعرفو نشوفو هل الشيطان بقدر عليهو واللا لا .

[سم الارقط]

#999542 [كاسبر]
0.00/5 (0 صوت)

05-11-2014 07:32 AM
وتستشير القشير ليه فى عملية سرقة؟يعنى ده لو كنت انل السارق
كنت وديتنى الظبطية طوالى
ولا مش كده يا فاسد

[كاسبر]

#999527 [الخبير]
0.00/5 (0 صوت)

05-11-2014 07:00 AM
يا اخوانا غشاهو الشيطان واتخلل( واتحلل ) وعفا الله عما سلف.

[الخبير]

#999488 [عادل قرافي]
5.00/5 (1 صوت)

05-11-2014 02:07 AM
السلام عليكم
والله اول مره في حياتي اعلق علي موضوع عن طريق النت او خلافه في جه اعلاميه والجبرني علي هذا وسخ المسؤليين السودانيين والله ما عارف الشيخ من الحرامي والظاهر ما فيهم شريف واحد الحاجه التي تزعل كلهم يسرقو باسم الدين حسبي الله ونعم الوكيل الوزراء يملكون العمارات والولاه كذلك وهذا خلاف الاملاك الخارجيه وده كل باسم الدين والايام دي بقو يقول الشيطان غشاهم والله الشيطان لو بيتكلم ولا بيظهر علي العلن لكان تبرا منكم وقال ليكم العمل ده انا ما اعمل البلد محتاجه للجنيه وانتوتسرقو الملاين الله ينتقم من كل شخص فيكم سرق اموال الضعفاء المساكين المغلوب علي امرهم والدين منكم بري ونسال الله ان ينتقم منكم تباعا

[عادل قرافي]

#999429 [ود الركابي]
5.00/5 (2 صوت)

05-11-2014 12:12 AM
الشيطان زاتو خله ليكم البلد واغترب لقه ما منها فايده معاكم ... الله لا يوفقكم دنيا وآخره

[ود الركابي]

#999247 [bent alnil]
5.00/5 (2 صوت)

05-10-2014 07:31 PM
عجبي !
لسه الخدر يصرح .... لسه بيكذب ..... لسه الخدر والى ...
لا اقالة ... و لا إستقالة !!!
و يا هو ده السودان

[bent alnil]

#999243 [انا السودان]
5.00/5 (1 صوت)

05-10-2014 07:24 PM
حرامية

[انا السودان]

#999232 [سقد]
5.00/5 (3 صوت)

05-10-2014 07:12 PM
شنو شابكننا استقالة استقالة! يجب ان يحاكم هو والذين سيظهر فسادهم لاحقا فى بقية الوزارات وكل المؤسسات الححكومية من اعلى حتى اللجان الشعبية والشركات وشراكات الفساد (ومن اليوم لابد من تغيير اسم المؤتمر الوطنى الى شلة الفساد القومى) ولذللك تتم مخاطبة مسجل الاحزاب للااجراء

[سقد]

ردود على سقد
European Union [ود الرفاعى] 05-10-2014 10:12 PM
الإستقالة فى حد ذاتها ليست هى النهاية المطلوبة و إنما نقطة البداية فى المسائلة و المحاسبة , وليس هناك شماعة ل "عفا الله عن ماسلف" ,

بعد الإستقالة تزول الحصانة الدستورية التى يتمسك بها هؤلاء الكيزان السفلة أخوان الشيطان ,
بعد الإستقالة يصبح الوالى و الوزير و المدير مواطن عادى خاضع للحساب و للعقاب ,

و أكيد جريمة سرقة مال الغلابة سوف لن تسقط بالتقادم و بمرور الوقت , و سيرجعوها و رقبتهم فى كرعينهم رضو ام أبو ..


#999229 [الشيطان برئ....]
5.00/5 (4 صوت)

05-10-2014 07:02 PM
لمعرفتي الوثيقة بالكيزان....

ورغم علاقتي - غير الوثيقة- بالشيطان....

أؤكد لكم أن الشيطان برئ منهم براءة الذئب من دم ابن يعقوب....

[الشيطان برئ....]

#999223 [Rebel]
5.00/5 (4 صوت)

05-10-2014 06:53 PM
* غريبه!! الشيطان "يغش" ولاة و مسؤولى دولة "الصحابه" الأتقياء الورعين الذين يحفظون كتاب الله، و "يطبقون" علينا شرع الله، بل و ينوبون عن الله فى الارض؟!!. و يفشل ذات هذا الشيطان فى "غشنا" نحن مسلمى "الفطره" (او مسلمى القشره او اللبراليين) كما يحلو لهم تسميتنا- علما اننا عملنا فى مواقع بمسئوليات ماليه و اداريه كبيره و لاكثر من 19 سنه، حتى لحظة فصلنا من الخدمه بواسطة ولاة دولة الصحابه هذه؟؟!!!

* اصف لنا "شيطانكم" هذا يا والى: هل هو اعمى؟ هل هو مجنون؟ و ضل طريقه و "ركبكم" انتو و الليبراليين و مسلمى "الفطره" قاعدين؟

** اكاد اجزم انكم الشواطين ذاتها: ان "هيئاتكم" القميئه، و كذبكم الفاضح، و نفاقكم، وافعالكم القبيحه و المجرمه، و نفوسكم الحاقده و المريضه و المتلونه يتعوذ منها الشيطان ذات نفسه.

لعنة الله علي شواطين الانس و الجن اجمعين.

[Rebel]

#999203 [مندي]
5.00/5 (1 صوت)

05-10-2014 06:27 PM
والله انتوا الغشيتوا الشيطان
اذا زول سرق مليارات انت بتدافع عنو وتقول انو الشيطان غشاهو ومال المساكين البسرقوا عشان ياكلوا ديل مفترض تتعمل ليهم تماثيل عديل
السجون ملانة فقرا ومساكين سرقوا عشان ياكلو ويأكلوا اولادم بتضربوهم زي الجزم في الاقسام ولمن بقت على ناسكم تقولوا الشيطان غشاهم
حقا انما اهلك الذين من قبلكم انهم كانوا اذا سرق فيهم القوي تركوه واذا سرق فيهم الضعيف اقاموا عليه الحد...والله انتوا الا تهلكونا حتى ترتاحوا
استقيل ياخي خلي عندك دم ياخي

[مندي]

#999195 [غايتو]
5.00/5 (1 صوت)

05-10-2014 06:14 PM
ماذا عن توقيعات الوالى والتى لم يثبت تزويرها . يعنى صحيحة .
منذ البداية لم تكن هناك جدية فى المحاسبة الجادة عند هذا النظام وقضائيه . وإلا لتم محاسبة من باع خط هيثرو وقضايا الأوقاف والأقطان والبذور والتقاوى الفاسدة وتحطيم مشروع الجزيرة وقبل كل شىء انفصال الجنوب والحرب فى دارفور و .............. .
كنت أتمنى أن يذكر التاريخ السيد الرئيس بخير . إذ أنه المسئول الأول أمام ربنا سبحانه وتعالى وشعبه الفقير المحتاج . السيد الرئيس ماكان له أنه يتستر أو يشارك فى هذه الجرائم ز مفروض أن يكون زاهدا إلا من رحمة الله وهو ونحن أدرى بظروفه ..... رحم الله النميرى الرجل النقى لم يورث أحد وذهب لربه نظيف من أموال شعبه .
للأخ الرئيس الفرصة المواتية لتنظيف دولته إن أراد حى يلقى ربه نظيف وتائب .
وقتها الكل سيخاف ويتحلل ...... من الخوف والمحاسبة . وما وراك من تخاف عليه سيدى .
غايتو الله كريم على هذا الشعب الطيب .

[غايتو]

#999188 [ابوالمظاليم]
0.00/5 (0 صوت)

05-10-2014 05:58 PM
انتو ما شيلتوا الناس الكويسين وخليتوا ديل

[ابوالمظاليم]

#999174 [ود الرفاعى]
5.00/5 (1 صوت)

05-10-2014 05:48 PM
إقتباس:
((والي الخرطوم: المتهم الأول من قدامى كوادر المؤتمر الوطني إذا ثبتت عليه التهمة نقول « الشيطان غشاهو »،)) .

و دة كله ال الله قدرك عليهو ؟؟
انتم فعلاً ناس لا بتختشو لا بتخافو من الله .. ناس تفتقدون الاخلاق و الكرامة وثقة المواطن ,
لعنكم الله فى قبلاته الاربعة يا لصوص يا حرامية فاقدى الضمير ,
و ال مقعدك شنو ل هسع فى موقعك ك والى الخرطوم ؟؟
لو كان عنك كرامة ولو كان عندك شجاعة أدبية كان قدمت إستقالتك من موقعك , وكنت تتحمل مسئولية تقصيرك فيما حدث ..

حكاية "الشيطان غشاهو" دى ما بتخارج معانا كمواطنينن سودانيين فقدو اموالهم , وما بترجع المليارات المسروقة لأهلها ..

[ود الرفاعى]

#999173 [أبو ديدى]
4.31/5 (10 صوت)

05-10-2014 05:46 PM
كدى ورينا الشيطان ده قاعد وين فى مكتبك إذا لم يكن يعمل والى؟!!
إذا إنت مامتورط شخصيا زحوا فقه الستره والتحلل وحاكموهم بشكل علنى .. قال الخضر قال ياخى مافاضل ليكم إلا تنشفوا
النيل وساعتها إلا نتحلل نحن.. يحلنا منكم الله ونصحى كده نلم نفاياتكم المسرطنه..

[أبو ديدى]

#999168 [جمال بري]
0.00/5 (0 صوت)

05-10-2014 05:43 PM
ابوي دائما كان بقول البسرق ممكن يبيع نفسة بالعربي كده قصدو انو البسرق مئة في المئة بيكون ****

[جمال بري]

#999159 [زول وطني غيور]
0.00/5 (0 صوت)

05-10-2014 05:34 PM
مادام الفأس وقع في الرأس لماذا التستر على الأسماء، يجب أن يتم إعلان الأسماء لأن هذا الأمر فيه رد إعتبار لكل أفراد الشعب السوداني الذي صدق من جاء يحكمه بأسم الدين على أن تكون المحاكمات علنية ولا يوجد شئ اسمه تحلل أو عفا الله عن ماسلف ، كيف يكون السيد/الوالي غافلا كل تلك المدة التي تم فيها نهب المليارات الفلكية تلك ، هل كان السيد/ الوالي مشغولا إلى هذا الحد؟؟ أم كان داقسا أو مدقسا؟؟ إذا كان أهل الإنقاذ جادون في الإصلاح أو الحوار الوطني كما يدعون عليهم أن يعرضوا كل محاكمات الفساد في أجهزة الإعلام مثل ماحدث بعد إنتفاضة إبريل المباركة .

[زول وطني غيور]

#999157 [مبارك]
0.00/5 (0 صوت)

05-10-2014 05:33 PM
مسكين الخضر هنالك الملايين من قضايا الفساد عمت كل أركان الدولة ولكن بأيدى أبالسة مسكبن هو زول بتاع تبروقة ومصلاية وما بتاع شدايد لذلك عملوه كبش فداء ليغطوا به الباقى اتقوا الله

[مبارك]

#999139 [سم الارقط]
5.00/5 (1 صوت)

05-10-2014 05:14 PM
يعني هسع الواحد يمشي يخبت ليهو قروش ويقولو الشيطان غشاهو!!!!!!!!!!!! والله دا فيلم جديد هو الشيطان غشاكم يا الكيزان من زمن علي الحاج وطريق الانقاذ الغربي والله الشيطان ذاتو دخل في اضافريهو منكم

[سم الارقط]

#999124 [شفقان]
0.00/5 (0 صوت)

05-10-2014 04:53 PM
هل هناك صعوبة في معرفة أسماء رفاق عبد الشيطان القذر الكذاب الأشر في صلاة الصبح ومن هوالذي دفع الثمن لهذه الإعلانات وإذا كان والي الخرطوم عبد الشيطان القذر الكذّاب الأشر هذا يعتبر أن مثل هذا أفعلان في الجرائد القصد منه المساس بشخصه وتدميره معنوياً لماذا يتجه للسلطات القضائية للكشف عن أسماء الدافعين ومحاكمتهم. والله إني لأعجب لمن يصمت أمام كل هذا الفساد والبلد بكل مرافقها صحية وعلمية وبنية تحتية في أمسّ الحاجة لهذه المليارات المنهوبة. البشير يصمت لأنه كبير الفاسدين وعينو مكسورة لا يستطيع أن يحاسب فاسد لأن فاسده هو الذي قاد إلى كل هذا والمخجل أن يشترك الصادق المهدي في هذا الفساد ودليلنا على ذلك مشاركة نجله الخايب عبدالشيطان الكاذب في التغطية على المجرمين اللصوص أمثال رئيس العصابة للجريمة المنظمة والي الخرطوم. نعم كنت أعرف بعض جرائم هذا الجبان ولكن هالتني التفاصيل التي وصلتني والشخصيات المشاركة في عمليات النصب الممنهج. ولكني أبشر عبدالشيطان القذر بأن مكر الله أكبر من مكره وأنه لن يخطو خطوة إلّا لقبره ولن يدبّر تدبيراً إلّاجعل الله تدميره في تدبيره.

[شفقان]

#999077 [متسكع]
5.00/5 (5 صوت)

05-10-2014 03:46 PM
الشيطان في دي بري منكم

[متسكع]

ردود على متسكع
United States [Quickly] 05-10-2014 05:26 PM
فعلاّ كلامك صح الشيطان برئ منهم لأنو الشيطان كان واضح وصريح في عدائه مع ربنا وقال في كلامه (فبعزتك لأغوينهم اجمعين إلا عبادك منهم المخلصين ) ولكن بني كوز جاءو لينهبوا البلد ويعيثوا في الارض الفســـاد بأسم الدين بأسم الله ذاته جل جلاله
تصور ديل حيكون عذابهم كيف ؟؟؟!!!!


#999070 [ركابي]
5.00/5 (4 صوت)

05-10-2014 03:41 PM
ده شنو الناس الماعندها كرامة ولا دم دي ياخي ماتستقيل بوظتوا سمعة الشيطان ذاتو

[ركابي]

#999045 [ابوعلى]
5.00/5 (3 صوت)

05-10-2014 03:21 PM
الشيطان غشااااااااهو كمان !!!!!!!!! يااخي ديل هم البغشوا الشيطان .

[ابوعلى]

#999019 [kamal]
5.00/5 (2 صوت)

05-10-2014 03:04 PM
للمرة الأولى أن المتهم الأول يعد من قدامى كوادر المؤتمر الوطني، وعمل في مواقع عديدة بينها وزارة الصحة ومكتب الإنتاج الإعلامي.. ومشهود له بالخبرة.
مشهود له بالخبرة فى اللغف والسرقة, اتقوا الله وتذكروا أن الدنيا فانية

[kamal]

#999009 [أبو الخيرات]
5.00/5 (2 صوت)

05-10-2014 02:54 PM
والله من قدامى كوادر المؤتمر الوطني يعني حرامي كبير ومتمكن.. وغالبا إنو يكون درّس الشيطان حاجات ما كان عارفها.. وإنو الشيطان مدين ليه بأفضال كتيرة .. قدامى كوادر المؤتمر الوطني؟ وتيّب ما يا هي ذاتها .. أسع أقدم واحد في المؤتمر الوطني مش هو الترابي؟ ياتو شيطان أكبر منه؟ دا الدجال الكبير ذاته.. الشيطان واحد من تلامذته وبس...

[أبو الخيرات]

#999000 [Quickly]
5.00/5 (2 صوت)

05-10-2014 02:49 PM
الشيطان غشاهو ؟؟!!
يعني اي واحد يسرق منكم يكون الشيطان غشاهو بي بساطة كدا ؟؟!!!!
ياخي الشيطان ذاتو احتارفيكم ومن عمايلكم
جايبين وليد صغير سحسوح لسه مافقس من البيضة قابض كم مليار مقابل يكون كبش فداء وتغطية على الرؤس الكبيرة التماسيح العشـــارية
ايامكم قرررربت بلوا رأسكم واستعدواللحساب العسير من عمر بشيركم الى اصغر حرامي فيكم ياحثالة
,,,,,,,,,,,,,,
لعنة الله عليكم اجمعين الى قيام الســـاعة
الدعاء على الظالمين عبادةاللهم دمرهم تدميرا

[Quickly]

#998993 [سيد الاسم]
5.00/5 (1 صوت)

05-10-2014 02:43 PM
دي ما كانت المحرية في ناس
قعدوهم في مكان زي دا نبدا من هنا كيف تكون والي علي ولايه وانته مكتبك ما عندك عليه ولايه وماعارف عنو حاجه انا اقترح انك تعترف بالتقصير وتقدم استقالتك او تقال من قبل الحكومه المركزيه وتحاسب علي الاهمال علي الاقل ثم تجرد ثروتك الان ونرجع بس لي زمن ولايه القصارف ونقارن الثروه

[سيد الاسم]

#998992 [العامرابي]
5.00/5 (3 صوت)

05-10-2014 02:42 PM
والشيطان احتار و اتبرأ ..!!
والناس الركبو المركب ديك
بطونهم كبرت وبيوتهم فاخرة
والناس الركبو المركب ديك
كسبوا الدنيا وخسرو الاخرة ..
والشيطان احتار و اتبرأ …..!!
وما هماهم ولا هاميهم ..
الساحات مليانة فساد
اولاد وبنات !!
بنات واولاد !!
حريم وكبار !!

ورجال وصغار !!
من بنت محتاجة
باعت شرفها
مقابل الحاجة..
لي ولدا عاق
ممكن عدمان!!
ممكن سراق!!
وشاري الادمان..
بحتوا الفوضى
من تحت الشجرة..
ونبشتوا الفتنة
الكانت نايمة ..
هدمتو السور
الكان حامينا ..
وبيعتو ترابنا
بارخص قيمة !!
حلايب ضاعت ..
والفشقة اتشالت ..
وبلدنا انهارت زي اوضه قديمة ..
وجنوبنا الكان
من مليون ميلنا ..
وساكن جووة
جووة قلوبنا ..
وصونا عليه كانو جدودنا .
صار اليوم برة حدودنا
يا اولاد ابليس
يا اولاد …..
يا اولاد الهرمة
تابعتو ابليس
ضيعتو الامة !!
وعفصتو ابليس تحت الجزمة ..
ليكم يوم يا اولاد ابليس
قبل ابليس ويوم ابليس ..
يوم الشعب يعود لي بيته
ويوم البيت يعود لاهله
يوم الناس تعود لبلادها
ويوم ما بلادنا تعود لي ناسها
ويوم ما وطنا غيبوبته تفكه
ويوم ما بلادنا تعود لي ناسها
ويوم ما وطنا غيبوبته تفكه..
ويوم ما بلادنا تعود لي ناسها
ويوم ما وطنا غيبوبته تفكه..

[العامرابي]

#998986 [كاكا]
5.00/5 (3 صوت)

05-10-2014 02:40 PM
"عبر الوالي عن أسفه بعبارات بسيطة لا تخلو من إقرار واعتراف بأن موظفيه أذنبوا ذنباً كبيراً"
وما جاب سيرة الاستقالة !!!!؟؟؟؟

[كاكا]

#998975 [نوبى]
5.00/5 (2 صوت)

05-10-2014 02:28 PM
نطالب بإلقاء القبض علي الشيطان وإعدامه حتي لا يغش بنى البشر ،،،،،،،،،،،، يقول هم فى دائرة الاتهام ، طيب من الذى استخدم الاختام ، ربما ،،،،،،، او الشيطان اعاذنا الله واياكم منه .

[نوبى]

#998974 [خالد النجومى]
5.00/5 (1 صوت)

05-10-2014 02:27 PM
من المفروض انو يقدم استقالتو لان غير جدير بالولاية هو مش عارف اللتحتو بعملو فى شنو اية فايدتو

[خالد النجومى]

#998950 [ابوعبد الله]
5.00/5 (1 صوت)

05-10-2014 02:07 PM
قال من الكوادر القدامى للحزب ...............طيب دي ماياها ذاتها التي قصمت ظهر السودان

[ابوعبد الله]

#998948 [الدبيب]
5.00/5 (1 صوت)

05-10-2014 02:05 PM
والى مقاطعة بفارية الالمانية يستقيل بسبب ارتفاع نهر الدانوب وهو لم يتخز الحزر من قبل اخجلو يا ناس

[الدبيب]

#998942 [إبن السودان البار ********]
1.00/5 (1 صوت)

05-10-2014 02:00 PM
هنالك طرفة تقول : وجد أحدهم الشياطين ململما عفشها وخارجة من السودان فسألهم أيه الحاصل يا جماعة ؟؟؟ فأجابوه والله نحنا خلاص قنعنا من السودان ؟؟؟ فقال ليهم ليه يا أخوانا ماالسودان خيره كتير وإنتوا مبسوطين هنا !!! فأجابوه وقالوا ليه فعلاً !!! لكن كلما من نوسوس لي واحد ويسرق ويغتني يضييع تعبنا معاه ويقول هذا من فضل ربي ؟؟؟

[إبن السودان البار ********]

#998939 [abusafarouq]
0.00/5 (0 صوت)

05-10-2014 01:57 PM
قال الوالى : «إذا ثبتت عليه التهمة نقول « الشيطان غشاهو » ويتحللو من الجريمة بلا محاكمة؟

أن حكومته لم تضف أي نوعٍ من القدسية على المتهمين بإخفاء هوياتهم، وأضاف عدم نشر الأسماء كان تقديرات الجهات العدلية: نقول كان دى تقديرات الوالى لا الجهات العدلية ياكاذب؟

وأردف »نحن وديناهم بالأسماء «.. وعاد في ارتباك بائن ليقول إن المتهمين مازلوا في دائرة الاتهام ولم تثبت عليهم تهمة التزوير،: يعنى الوالى يبرر الجناة لاذالو أبرياء فى تزوير توقيعه؟

نقول للوالى تصريحاتك دى عبارة عن تأثير فى مجريات القضية وتحقيق العدالة وإبعادهم عن التهم الموجهة إليهم وبعدم ذكر أسمائهم للحفاظ على ماء وجهك القبيح ياحرامى الولاية .
هؤلاء يجب إنزال أشد العقاب أقصاه الاعدام أو السجن المؤبد لأن ماقترفوه لايقل عن ذلك فى حق مال الشعب . لو كانو فى الصين الدولة الشويعية لتم إعدامهم رميا بالرصاص تحقيقا للعدالة كى لايعودو مرة أخرى ليستفيدو من المال المسروق ..

[abusafarouq]

#998927 [حذيفة]
0.00/5 (0 صوت)

05-10-2014 01:42 PM
مطلوب افتاء قانوني عام..
ــــــــــــــــــــــــ
حد قانوني يفتينا في موضوع الأختام....
لمن يعهد بالأختام ، وعلى من تقع مسئولية سؤ أستخدامها .. من ناحية قانونية ما دام لا يوجد بلاغ فقدان.
أعرف أن الموثقين القانونيين من الاخوة المحامين يحرصون كل الحرص على أختام التوثيق خاصتهم، وبعضهم لا يخرجه من شنطته إلا ليخنم به ويعيده ليضمن أن لا يستخدمه أحد سواه ، سواء في المنزل أو المكتب. إن حدث خطأ وأستخدمه أحدهم في فعل يعد جريمة جنائية أو مدنية أو خلافه من أشكال خرق القانون. هل يجوز تبرئة صاحب الختم من المسئولية.
في خال المناصب الدستورية وأختامهم ما هي المسئولية القانونية عن الختم.
**
في كل الاحوال أظن أن المسئولية الاخلاقية تقول بأستقالة تقدم من قبل المسئول الذي لا يرى ما بمكتبه فكيف يرى ما بباقي ولايته. ولا يحسن أختيار معاونيه الأقرب لعمله اليومي فكيف يحسن أختيار وزراء الولاية .

[حذيفة]

ردود على حذيفة
United States [المقهورة] 05-11-2014 12:42 PM
شفت ليك شيطان بستقيل من عمله؟


#998917 [الجنقوري]
5.00/5 (3 صوت)

05-10-2014 01:29 PM
الخضر لايعلم بما يدور في مكتبه ترى ماذا يعلم خضرنا؟ الوالي

[الجنقوري]

#998906 [Yasin]
5.00/5 (2 صوت)

05-10-2014 01:21 PM
الشيطان غشاه ....

[Yasin]

#998904 [ثعلب الصحراء]
5.00/5 (2 صوت)

05-10-2014 01:19 PM
لم يتبقي الا ان يقول للشعب : أنا الشر، وأبي الظلم، وأمي الإساءة، وأخي الغدر، وأختي المسكنة، وعمي الضر، وخالي الذل، وإبني الفقر، وإبنتي البطالة، ووطني الخراب، وعشيرتي الجهالة

[ثعلب الصحراء]

#998902 [سوداتي]
5.00/5 (1 صوت)

05-10-2014 01:15 PM
استقيلوا. يرحمكم الله !!!!

[سوداتي]

#998895 [سوداتي]
5.00/5 (1 صوت)

05-10-2014 01:11 PM
( وأشار إلى أن سياسة المتهمين في التجاوزات عند بيع الأراضي كانت باتباع ما يُعرف بأسلوب »الكوبري « بألا يظهر اسم البائع الأساسي 00) حتي الفساد له اساليب وخطط مثل خطط كرة القدم وتقول لي الشيطان غشاهو والله أنتو تحيرو الشيطان زاتو !!!
وانت اسلوبك شنو ؟ اذا كان ديل أسلوبهم هو الكبري ؟
*

[سوداتي]

#998890 [مانلوج]
3.00/5 (1 صوت)

05-10-2014 01:06 PM
واا.. شريري! خداري دا ما بهدلتوه...
الزول دا عاضي في الكرسي كويس وما عايز يفكها تب، عارفين ليه ؟ المشكلة أنكم عايزين تقتلوا شخصيته بأمر هايف يمكن معالجته بالمقاضاة أو التحلل كما تقولون،
وأنتو عارفين أنه هو شخص مهم وعربته موتر الحركة أمامه وخلفه عربة حراسة دائما ، عايزين تعملو ليه نفسيات مالكم، أنتو فاكرين المنصب دا جاء ليه بالساهل؟
ثم ثانياً، من فيكم بيرضى بأغتيال لشخصيته؟ البيعمل دا كلو مقصود بيها أغتيال للشخصية وليس الا. عشان دا ما ح يستسلم والرهيفة التنقد.

[مانلوج]

#998887 [الكنزي]
4.00/5 (4 صوت)

05-10-2014 01:04 PM
للمرة الأولى أن المتهم الأول يعد من قدامى كوادر المؤتمر الوطني، وعمل في مواقع عديدة بينها وزارة الصحة ومكتب الإنتاج الإعلامي.. ومشهود له بالخبرة.

اولا ايها الوالي المحترم هل في زول في السودان ده كله مفسد غير ناس المؤتمر الوطني وبوضوح كده الكيزان
طيب اقنعني المتهم الاول من قدامي المؤتمر الوطني كيف اذا كان عمر المتهم الاول 24 سنه

[الكنزي]

#998884 [الغلبان]
5.00/5 (1 صوت)

05-10-2014 01:03 PM
ههههههههههههههه وجه الرئيس زي توجيه خط هيثرو هع كع كرع

[الغلبان]

#998874 [سعيد]
4.00/5 (1 صوت)

05-10-2014 12:54 PM
هييييييييييييييييييييييييييييييييييييييي يكا
يكا

[سعيد]

#998868 [أبوعلي]
5.00/5 (2 صوت)

05-10-2014 12:49 PM
نقول « الشيطان غشاهو »

ياتو شيطان منكم الغشاهو ، الرئيس أم الشيخ!
ما كلّكم شياطين لأنّكم في بيئة نجسة جوّا وبرّا
النجاسة مبارياكم منذ الصغر ، شذوذا وفسادا

[أبوعلي]

#998857 [بتاع بتتييخ]
5.00/5 (1 صوت)

05-10-2014 12:41 PM
المتحلل ؟؟؟

[بتاع بتتييخ]

#998843 [مجاهد محمد الحسن]
5.00/5 (1 صوت)

05-10-2014 12:35 PM
حليل الولاة

[مجاهد محمد الحسن]

#998836 [الحقيقة مرة]
5.00/5 (3 صوت)

05-10-2014 12:28 PM
الشيطان غشاهو
_____

بمنظور ديني انقلاب السيسي كان هو الجهاد الحقيقي ضد هرطقة وزندقة وافك الاخوان المسلمين نحن ما عندنا سيسي ومؤسسة عسكرية وطنية محترمة تنقذنا من تجار الدين لكن الامل انو يكون لسا فاضل لينا شيوخ بعرفو الله ويدعو الناس للجهاد ضد بني كوز مع انو مؤسستنا الدينية الرسمية فاسدة بالكامل

[الحقيقة مرة]

#998823 [المعلم]
5.00/5 (2 صوت)

05-10-2014 12:20 PM
والي الخرطوم عبد الرحمن الخضر إذا تبقي من حياء فالافضل تقديم إستقالتك ولا داعي للتبريرات التي لا تخدم القضية في شي لان الموظفين ثبت إختلاسهم لهذة الأموال وانت المسئول الأول

[المعلم]

#998813 [78]
5.00/5 (2 صوت)

05-10-2014 12:12 PM
الشيطان غشاهو.....
ما ليو حق والله

[78]

#998798 [محمد]
5.00/5 (1 صوت)

05-10-2014 11:54 AM
في الأصل ماهي سمات هذا الوالي وامكانياته الجبارة حتي يظل في موقعة ؟

والشعب السوداني يستاهل اكتر من كده زلة واهانة علشان لسة نحن مقتنعين انه ممكن يجي خير من ناس بالصفات دي .. حرامية مغتصبين لصوص وغيره وغيره وغيره .. لماذا نتباكي ؟؟
( ن ح ن / ن س ت ا ه ل ) كل البيحصل علينا وفينا .

[محمد]

ردود على محمد
[تمساح] 05-10-2014 07:28 PM
وما هي مواصفات الوزراءاللزين ظلوا عقوداً يتنقلون بين الوزارات حتي ظننا انهم ملكوا السودان ,ودونك الجاز وسبدرات وأسامة والمتعا...ووو.... حسبنا الله ونعم الوكيل


#998796 [خاطره]
0.00/5 (0 صوت)

05-10-2014 11:51 AM
مافي فرق بين كادر قديم وجديد كلكم حرامية.

[خاطره]

#998794 [عصمتووف]
5.00/5 (1 صوت)

05-10-2014 11:48 AM
بيوتنا في الاحياء الشعبية مكشوفة بفضل طمع اللصوص


الوالي يكذب
كل الولاة والوزراء يعينون اخوانهم او اقرباؤهم في مكاتبهم هذه لا نقاش فيها ثانيا كل المجرمين والزناة والعصاة والسكيره والمسالطيل والبنات السافرات ينطبق عليهم قولك الشيطان غشاهم * ما دخل الامن فياعمال الشرطة والقضاة ولماذا تخطر الرئيس هل للرئيس وقت تحت تاخذ الاستشاره عنة كلكم صنف واحد ابو كديس ** علي الوالي مراجعة اقول مراجعة جميع العمارات بولاية الخرطوم خاصة وسط الاحياء الشعبية والميادين وشارع الهواء ي جماعة نحن من الطبقة المتوسطة البائده ومن مواليد الخرطوم الحلة الجديده وتربية ديم الولاية تملكني قطعة ارض بالخوجلاب وهؤلاء يخططون لانفسهم ويبعيون للصوص وتجار العملة ومغسلي الاموال في وسط الخرطوم غالبية الاحياء الشعبية اصبحت محاصره باهل المال اصحاب العمارات حتي باتت بيوتنا مكشوفة

[عصمتووف]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة