الأخبار
أخبار السودان المحلية
سرقة (135) مليار جنيه من مكتب (طريد العدالة الدولية) والي شمال كردفان (أحمد هارون)
سرقة (135) مليار جنيه من مكتب (طريد العدالة الدولية) والي شمال كردفان (أحمد هارون)
سرقة (135) مليار جنيه من مكتب (طريد العدالة الدولية) والي شمال كردفان (أحمد هارون)


في اعادة لسيناريو مكتب والي الخرطوم (عبد الرحمن الخضر)
05-10-2014 02:20 PM
الراكوبة - الأبيض- خاص الراكوبة

بدأ مجتمع مدينة الأبيض عاصمة شمال كردفان يتحدث همساً منذ الخميس الماضي عن سرقات مليارية بالولاية، حيث كشفت مصادر عليمة ل(الراكوبة) أن مبلغ (135) مليار جنيه اختفى من مكتب والي شمال كردفان أحمد هارون الذي تبوأ المنصب خلال العام المنصرم عقب الإطاحة بالوالي السابق زاكي الدين.

وأرجعت المصادر أسباب اختفاء الأموال من مكتب (احمد هارون ) الى ان الرجل لا يعتمد نظاماً محاسبياً محدداً بل يعتمد بصورة مباشرة على أعوانه الذين يختارهم من بين المقربين له من الأجهزة الأمنية التي تعمل إلى جانبه باستمرار منذ تاريخ إعلان محكمة الجنايات الدولية إدراجه في قائمة المطلوبين لديها بدعوي انتهاكات حقوق الإنسان وإبادة جماعية حدثت في دار فور.

وعلمت (الراكوبة) أن الوالي تكتم على الأمر وبدأ في تحقيقات خاصة من أجل معرفة الجهات و الأفراد الذين قاموا بسرقات المبلغ المقدر من خزينة مكتب الوالي الذي أمر باعتقال عدد من المشتبه بهم بغية الوصول للجاني.


تعليقات 28 | إهداء 0 | زيارات 13700

التعليقات
#999980 [بت قضيم]
0.00/5 (0 صوت)

05-11-2014 01:36 PM
لعنك الله دنيا واخرة شين وكمان حرامي

[بت قضيم]

#999920 [كتاحة امريكا]
4.00/5 (1 صوت)

05-11-2014 12:43 PM
تحلل

[كتاحة امريكا]

#999657 [المتغرب الأبدي]
2.50/5 (3 صوت)

05-11-2014 10:02 AM
يا مولانـــــــــــــا !!!!




كسرة:
اللهم ألعن الإنقاذ
(قادة وأفراداً ورجرجة وانتهازيين مستنفعين ومغفلين نافعين)
اللهم ألعنهم لعناً كبيراً ..
اللهم ألعنهم بقدر ما دمروا السودان .. ودمروا اقتصاده ..وموارده وإنسانه وطاقاته وقدراته ..
اللهم ألعنهم بكرة وعشياً ..
اللهم أرنا فيهم يوماً أسوداً كيوم عاد وفرعون وثمود ..
اللهم آمين
اللهم آمين
اللهم آمين

[المتغرب الأبدي]

#999628 [كرم]
2.00/5 (1 صوت)

05-11-2014 09:36 AM
نفس السيناريو تم لوالي سنار ووالي الجزيرة ووالي الخرطوم والآن والي شمال كردفان كأن الأمر دبر بليل

[كرم]

ردود على كرم
[كتاحة امريكا] 05-11-2014 12:40 PM
وايلا في الطريق وبتاع ج دارفور


تحلل


#999591 [حامد الجاك]
0.00/5 (0 صوت)

05-11-2014 08:59 AM
عندما اعلن اللواء محمد بشير نائب الوالى السابق انسلاخه من المؤتمر الوطنى بعد الاطاحه به . قال ان الوالى الجديد احمد هارون يضع فلوس نفير كردفان فى جيبه وليس فى حساب فى البنك . قلنا ان الرجل اراد ان يسيئ لسمعة الوالى الجديد . اذا حصلت هذه السرقة وكان الكلام صاح , يكون الراجل عالم ببواطن الامور ,لانهم كلهم وسخانيين.

[حامد الجاك]

#999481 [الحازمي]
5.00/5 (1 صوت)

05-11-2014 01:53 AM
هوووووي يا أهلنا العزاز في كردفان الغرا
كم حذرنا الاخوان من مخططات الموتمر الوطني
و "الجاتك في مالك سامحتك"

ومرة أخرى نحذركم من ضياك مستقبل الأجيال و ضياع الديار!!!!!!
ومرة أخرى نحذركم من ضياك مستقبل الأجيال و ضياع الديار!!!!!!
ومرة أخرى نحذركم من ضياك مستقبل الأجيال و ضياع الديار!!!!!!

هارون و المركز قرروا منح الصين 30000 (ثلاثون ألف فدان" من مشروع خور أبو حبل فانتبهوا
هارون و المركز قرروا منح الصين 30000 (ثلاثون ألف فدان" من مشروع خور أبو حبل فانتبهوا
هارون و المركز قرروا منح الصين 30000 (ثلاثون ألف فدان" من مشروع خور أبو حبل فانتبهوا

[الحازمي]

#999461 [ود الركابي]
2.00/5 (1 صوت)

05-11-2014 01:03 AM
135 مليار عاوزه ليها لوري . بي بساطه اتسرقت . ياخي العب غيره . ثم ثانيأ مبلغ قدر ده مش من المفروض يكون في البنك ولا شنو يا حبه .. لك الله يا وطني .

[ود الركابي]

#999375 [عبدالله النور]
4.00/5 (1 صوت)

05-10-2014 10:46 PM
هو بالله ده مكتب والي ولاصرافه عملات اصبحت نغمة مكاتب الولاه لماذا يكدسون الامول في المكاتب بدلا من البنوك انه الفساد بعينه لاحسيب ولا رقيب على اموال الدوله الاالله
اكبر حرامي هو الوالي احمد هارون زمان تبرع لينا المرحوم مكي بلايل وزير التجارة والاستثمار سابقا بمبلغ ثلاث مليون لترحيل قافلة عودة طوعية للبلد وقام قطع منها مليون خطاها في جيبه وقال مافي قروش وهو كان مسئول الشئون الانسانية في ولاية الخرطوم فتصوروا كم ستكون ثروته حتى الان بعد ان قتل وشرد ناس دارفور وجبال النوبه ناهيك من هذا المبلغ التافه الموضوع في دولاب مكتبه بلد كها حراميه ياناس

[عبدالله النور]

#999361 [ود كترينا]
5.00/5 (1 صوت)

05-10-2014 10:27 PM
***الناس ديل ليه سكتو من موضوع الكابتاقون والخمسة حاويات الاتقبضت بواسطة توجيه من الانتربول بعد مادخلت المينا وبقت فى حوش الجمارك...مع انو المبلغ ضخم فعلا...لأنو مدير ادارة مكافحة المخدرات بكل السودان قال انو الكميو 46 جوال...فيها 285 مليون حبة كابتاقون...سعر الحبة 3 دولار...يعنى القيمة الكلية حوالى 855 مليون دولار...ودى لو عايزين نحولها بالقديم ح تكون 8 تريليون و550 مليار جنيه سودانى بالقديم بسعر الدولار اليوم بالخارج عشرة الف جنيه قديم....فمخدرات بكل المبلغ ده...وماجاية تهريب بالحدود...لا...داخلة عديل ميناء بورتسودان...وتم الكشف على الحاويات وهى نازلة من الباخرة بالاسكانر ومرروها ودخلوها حوش الجمارك...ده مش معناها انو الحكاية وراها راس كبيييييير...أكبر من والى الخرطوم وأكبر من ناس الأقطان وأكبر من ناس الأوقاف وأكبر من وكيل وزارة العدل....برضو ساكتين ولاخبر!!!

[ود كترينا]

ردود على ود كترينا
[كتاحة امريكا] 05-11-2014 12:42 PM
قالوا خلوها بعد قضية التحلل ديه تنتهي نبدا في ديك


#999340 [نكس]
0.00/5 (0 صوت)

05-10-2014 09:38 PM
والله انو الوالي بتعامل بالكاش دا ما فيها شك بدليل مساهماتوا في محلية المزروب - اما المبلغ 135 مليار دي كبيرة شوية علي خزنة ولو ضغطناها بالدولار -

[نكس]

#999294 [خضرعابدين]
0.00/5 (0 صوت)

05-10-2014 08:40 PM
لقد نهب احمد هارون ولاية جنوب كردفان مع اخوتة الحرامية في المؤتمر الوطني حيث استلموا ميزانية جنوب كردفان الي العام 2018 مقدما يعني جنوب كردفان ليس لها ميزانية مرتبات ولا تنمية ولا خدمات ولا يحزنون الا بعد خمسة سنين من الان واحسبوها براكم تون كم مليار ؟

[خضرعابدين]

#999250 [yousif]
5.00/5 (1 صوت)

05-10-2014 07:33 PM
على حسب معلوماتنا الدقيقة المال المسروق بواسطه الوالى حوالى 4 مليار جنيه بالإشترك مع لواء بالجيش السودانى
فى الأونه الأخيره إنكشفت أسرار المال المسروق ل أدوات النظام ، وكنا نريد الإحتفاظ بهذه الأسرار للمحاسبه

[yousif]

#999239 [bander adam]
0.00/5 (0 صوت)

05-10-2014 07:23 PM
رجل قانون قاتل وحرامى ,
هل لا توجد بنوك فى الولاية التى يحكمها هذا الرجل
لم يمر هذه الحكايات على الشعب السودان

[bander adam]

#999235 [ركابي]
0.00/5 (0 صوت)

05-10-2014 07:16 PM
ده شنو هو مكتب والي وله بنك !!!!!!!! الحكاية شنو بالظبط كدة باين انو الترابي ظبط لفيهم سيناريو جديد ان الانقاذ بدأت تتخلص من المفسدين وياشعب ادوها فرصة تانية وصفحة جديدة في كتاب استغفال واستلطاخ الشعب السوداني المسكين

[ركابي]

#999233 [عبدالرحمن صالح]
4.00/5 (1 صوت)

05-10-2014 07:12 PM
انا لا اصدق مثل هذه الاخبار لان المبالغ كبيرة ولكن ما يدهشنى ان المتهمين لا يردوا على هذة الاتهامات!! ما يجعلنى اصدق الاتهام:

[عبدالرحمن صالح]

#999210 [ابو دينا]
5.00/5 (2 صوت)

05-10-2014 06:33 PM
دا كله شغل بتاع تشتيت كورة .. خلونا في الانقبض دا أول ... بعدين نشوف البعده ..

[ابو دينا]

#999209 [صه يا كنار]
4.00/5 (1 صوت)

05-10-2014 06:32 PM
سرقة بالمليارات وشعب يرزح تحت القهر والملاريات وكل يوم توقعوا ماهو آت من المآسي والسرقات

[صه يا كنار]

#999165 [دكتور تروتا]
0.00/5 (0 صوت)

05-10-2014 05:38 PM
أنتو متخيلين المواطنيين ديل سزج ولا عورة 135 مليار دي اذا بأكبر فئة عملة ما ممكن تخزن في مكتب ، شنطة الملابس الكبيرة ما بتشيل اكثر من مليارين يعني بالعربي كده دي تساوي 67 شنطة سفرية كبيرة هل يعقل يا طير ؟

[دكتور تروتا]

#999116 [سقد]
4.00/5 (1 صوت)

05-10-2014 04:41 PM
البعاتى القادم بوزارة السياحة

[سقد]

#999108 [سوداني مهاجر]
0.00/5 (0 صوت)

05-10-2014 04:25 PM
والله يا ناس الراكوبة بقيتوا تنشروا اخبار ستات الشاي ...قولوا كلام يخش العقل ..135 مليار دي عاوزة مخزن وليست خزنة ...بعدين تختفي فجاة ولا على دفعات .دا كلام ما بصدقه طفل رضيع ..

[سوداني مهاجر]

#999064 [ود الباشا]
0.00/5 (0 صوت)

05-10-2014 03:35 PM
ياخ دا حتى ستات الشاى ما سلمو من خليك من باقى التجار فارض عليهم رسوم كسر رقبة و تحت تهديد قطع الرزق ؟ دا غضب من ربنا دعوة المظلوم المستجابة . لكن حانت ساعتم كى يدفعو الثمن .

[ود الباشا]

#999044 [أبو يوسف]
5.00/5 (1 صوت)

05-10-2014 03:20 PM
أوع تكون من قروش نفرة كردفان التي تم جمعها من المواطنين ، على الوالي الرد على ذلك حتى لا تفقد الناس الأمل في النهضة بولايتهم شمال كردفان ، أم يكون الخبر كيد سياسي ؟

[أبو يوسف]

#999024 [طارق الباز]
5.00/5 (2 صوت)

05-10-2014 03:10 PM
من خزينة مكتب الوالي ؟؟؟ دا والى ولا ست شاى البخت قروش كاش فى مكتبو, غايتو جنس حرامية زى ديل ما مرو بينا

[طارق الباز]

#999003 [um Abugalgat]
5.00/5 (1 صوت)

05-10-2014 02:52 PM
السفاح الحرامي النهاب يكفي انه سرق كل قروش بترول جنوب كردفان باسم الحرب وباثر رجعي الله ينتقم منك

[um Abugalgat]

#999002 [habbani]
0.00/5 (0 صوت)

05-10-2014 02:50 PM
135 مليون جنيه بالجديد فى مكتب الوالى ؟ ياوزير المالية ويا مراجع عام ويا وزير العدل أيرضيكم
ما تسمعون أم أنكم مشغولون بتشكيل لجنة التحلل ؟

[habbani]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة