الأخبار
أخبار إقليمية
صحيفة الخال الرئاسي : الأمن يقبض على مؤسسي صفحة " يوميات البشير "
صحيفة الخال الرئاسي : الأمن يقبض على مؤسسي صفحة " يوميات البشير "
صحيفة الخال الرئاسي : الأمن يقبض على مؤسسي صفحة


صفحة يوميات البشير تسخر : ان شاء لله يلقوا عندنا مليارين تلاتة كدة...
05-10-2014 02:59 PM
تحت عنوان - الأمن يقبض على مؤسسي صفحة " يوميات البشير " كتبت صحيفة الخال الرئاسي " الصيحة " : توصلت الأجهزة الأمنية بمنطقة سوبا بالخرطوم إلى (3) شبان أنشأوا صفحة إلكترونية تحت مسمى " يوميات البشير " على موقع التواصل الاجتماعي " فيسبوك "خصصوها للإساءة إلى رئيس الجمهورية ، ومضت الصحيفة قائلة : بحسب مصادر موثوقة أن أجهزة الأمن ظلت ترصد وتتابع ما ينشر على الصفحة من إساءات لشخص الرئيس وكونت تيماً لتعقب مكان البث والأشخاص الذين ينشرون الإساءات بحق الرئيس ، وبعد بحث وتحر دقيق ومراقبة إلكترونية توصلت أجهزة الأمن إلى " عمر دفع الله " وشخصين آخرين يقومون بنشر الإساءات على الصفحة .

وقد أحال جهاز الأمن المتهمي إلى نيابة مكافحة الجرائم المعلوماتية وتم تحرير بلاغ ضدهم تحت طائلة المادة (15) معلوماتية وإخضاعهم للتحقيق وتوقعت مصادر مقربة من التحقيق ان يتزايد عدد المتهمين في البلاغ طبقاً للمعلومات التي قد ترد في التحري

الى هنا إنتهى خبر صحيفة الخال الراسي .

وعلقت ادارة صفحة يوميات البشير بسخرية على الخبر قائلة :

قال ليك الامن يقبض علينا.....
جهاز الأمن من شدة ما مغلوب علي أمرو بقى بفك في الشائعات البطولية....
بالله صفقة لجهاز الأمن يا يومياتية...طق طق طرق
وانشاء لله يلقوا عندنا مليارين تلاتة كدة....


تعليقات 28 | إهداء 0 | زيارات 20083

التعليقات
#1408318 [عمر عبد العزيز]
0.00/5 (0 صوت)

02-01-2016 01:39 AM
بلد مالها وجيع الأمن كان وين في ضرب مصنع اليرموك كان في اجازه

[عمر عبد العزيز]

#1000095 [البعشوم]
3.00/5 (2 صوت)

05-11-2014 02:50 PM
مفروض يقبضوا على البشير نفسو لانو اكتر زول بسئ لنفسو بالرقيص والكضب

[البعشوم]

#1000045 [أبو الكلس]
3.00/5 (2 صوت)

05-11-2014 02:14 PM
هههههههههههههه
وهو الأهبل ده محتاج لي زوليسئ ليهو ؟؟؟

ما براهو مكشوف حال

[أبو الكلس]

#999869 [يوميات البشير]
1.00/5 (1 صوت)

05-11-2014 12:17 PM
الصفحة من الصفحات الناجحة والتقرير ده ح يزيد متابعيها

وبصفتي مشرف صفحة فيس بوك كبيرة ارجو من الادمن العام والمشرفين ان ياخذو حذرهم ويوزع الصلاحيات لناس خارج السودان علشان يضمنو استمرار الصفحة وكلمة المرور تكون قوية جدا يصعب كشفها يا الادمن ما يعملوا ليك غسيل مخ ويغروك بي 3 مليار ههههههههههههههههه عايزين ناس الدبلجة والمونتاج يجمعوا كل الخطابات واللقاءات السياسية ويرفعوها في الصفحة التي اصبحت كقناة تلفزيونية معارضة وننصح الكتاب السياسيين اين ان يشاركو في الصفحة شكلها ستاتي اكلها اكثر طالما الامن ركز عليها . وكلنا سنمد الصفحة بما يساعد في توصيل الحقيقة واثباتها وكشف عورة كل الولاة والتابعين وزمرتهم الحرامية اقاربهم وموظفيهم هلا هلا على الجد .

يلا يا شباب عايزين نحصل مليون وازيد في الصفحة دي

[يوميات البشير]

#999648 [m]
1.00/5 (1 صوت)

05-11-2014 09:53 AM
يا سلام فى انسان يخاف من لص ............... بالعكس اللص اكثر خوفا ورعبا............على الامن ان يفنح عينيه على اللصوص ويترك الشرفاء

[m]

#999495 [نونا]
5.00/5 (1 صوت)

05-11-2014 02:33 AM
و طواللللي كدا عمر دفع الله بالإسم؟؟؟؟ و اشمعنى ناس مكتب الوالي لي حسي ما كتبوا اسم زول في خشمكم؟

[نونا]

ردود على نونا
European Union [عنتر] 05-11-2014 10:55 AM
ناس مكتب الوالي ديل ناس صالحين صائمين قائمين ذاكرين بس الشيطان غشاهم كم عشرميه مره كده و الجماعه اتحللوا و الله غفور رحيم ... لكن ناس عمر دفع الله ديل كفار انجاس ملعونون كفره فجره تغشاهم اللعنه صباحا و مساء في زول ينبز خليفه المسلمين بشه ترتره ده دلوكه الوطن العربي و تور الله في برسيمو ده في زول يبشتن حال رمز الغباء و العبط و قائد الامه بتاعه هي لله هي لله


#999469 [ده شرك... أعملوا حسابكم شديد...]
0.00/5 (0 صوت)

05-11-2014 01:25 AM
قطع شك....

الناس ديل.... شركوا ليكم.... بي خبر الصيحة دا....

انتبهوا....

[ده شرك... أعملوا حسابكم شديد...]

#999443 [حقة تشوف مليارماتشوف!!!]
5.00/5 (1 صوت)

05-11-2014 12:42 AM
لامن ذي ماقال ادروب حقة تشوف قرندران ماتشوف!!!يعني لو ضاربكم الذكاء الشديد ماتحوشوا الحرامية المليارية!!! ديل مش بيسرقوا اون لاين ديل بيسرقوا الايف وبيتنططوا وبيحتفلوا بعيد الميلاد في السلام روتانا وبيطهروا العيال في الهلتون !!!وبيسكنوا المنشية وكافوري !!!!!يعني تسرقوا الجيوب وتكمموا البيقول عيوب!!!!

[حقة تشوف مليارماتشوف!!!]

#999354 [ود كترينا]
5.00/5 (2 صوت)

05-10-2014 10:13 PM
***وينك ياعبدالفتاح السيسي وينك...وينك ياسعيد يوسف صبرى وينك...الحكاية خلاص...استوت على الآخر...!!!

[ود كترينا]

#999279 [كبسول]
4.75/5 (19 صوت)

05-10-2014 08:17 PM
واحد سوداني الفئران مجننو في البيت رسل لي ولدو في أمريكا يشوف ليه حل
ولدو رسل ليه فار صغير بشتغل بالبطارية
الزول قام مشغل الفار الامريكي علي طول
الفار الامريكي جمع ليك فئران البيت وفيران الجيران والحله كلها وطلع بيهم الخلاء وانفجر فيهم وقتلهم جميعا
وارتاح كل أهل البلد من الفئران
بعدها أرسل الوالد لولده في أمريكا متسائلا
ناسك ديل ممكن يرسلوا لينا كوز صغير

[كبسول]

ردود على كبسول
United States [ثورة محمية بالسلاح ( كاودا وبس)] 05-11-2014 10:16 AM
حلوة شديد شديد
الخال الرئاسي خايف على ضنبه وخايف على ود أخته وخايف على المليارات السرقها من المال العام
أركز يا حلبي منطط عيونك زي ديك العدة ... أركز ويا ويلك مني وعود القذافي جاهز عود كتر
حراميه كلاب ... ليه ما نشرت أسم حرامية مكتب والي الخرطوم ... أياديكم ملوثة بسرقة المال العام وقلوبكم سوداء ودمائكم نبتت من سحت ... أسماء صحف غريبة ... الانتباهة ... الصيحة ...
هل أنت جاهز للصيحة ... الصيحة هي ثورة الشعب السوداني المغبون والممكون ولكن سوف ينفجر ... ثورة عارمة لن تترك شيئا ولن تترك أحداً ... ثورة حتى النصر يا حرامية وعينكم قوية ... البشير راعي المفسدين شوف أخوانه كانوا وين وبقوا وين ... أسكت وأخجل يا عنصري يا حرامي ...

United States [ابومروان] 05-11-2014 09:12 AM
الكوز الصغير ضرب 48 مليار وعاوز ينفجر في الوالي

United States [ادروب] 05-11-2014 08:01 AM
حلوه شدييييييييييييييييد والله .. ده من الصنف الجديد بتاع الخمسه حاويات يامعلم

[وحيد 2] 05-11-2014 01:12 AM
والله بالغت ههههههههههههههههههههههههههههههههههه

[أبوبسملة] 05-11-2014 12:54 AM
هاهاهاهاااااا

United States [ركابي] 05-10-2014 09:37 PM
ههههههههههههههه حلوة شديد


#999272 [زول عادي]
4.88/5 (5 صوت)

05-10-2014 08:07 PM
اها يالخال الرئاسي ما قلت لينا الادمن بتاع الصفحه دي عشان يتحلل من ناس الامن ديل دايرلو كم لايك وكم كومنت

[زول عادي]

ردود على زول عادي
[خالد الشيخ ادريس ود الارباب] 05-11-2014 10:49 AM
ههههههههه التحلل يكشف عن الباسورد امام الفيس بوك


#999248 [samiskt]
4.88/5 (13 صوت)

05-10-2014 07:32 PM
هم اساءؤ لشخص الرئيس لكن الريئس اساء للسودان والسودانين مافى سودانى شريف يرضى ان عمر البشير يكون رئيسوا الفاسد وزمرته الرقاص القاتل ممفتت بلاد السودان الوجع يقتل كل ماتسمع اخبار البلد من المواقع السودان الوجع الخرافى قتالهم الله اينما حلوا نشوف فيكم يوم اصحاب الموقع هم شرافاء هذه البلاد

[samiskt]

#999189 [kapooo]
2.99/5 (11 صوت)

05-10-2014 05:58 PM
وهناك اخرون ؟
صحيفة الخال تدس السم انزار مبطن بسخرية يتطلبها واقعهم المزري ولكن مضمون الخبر انكم مراقبون ؟؟؟؟؟
الضرب الاسفيري اوجعهم ولكنهم لو يعلمون انهم هم من يولولن عفصتني فى ولايتي هبشتني فى ولدي قرصتني فى كوتي ضايقتني فى سبوبتي براهم يخرجون الريح ويفترض بنا نحن شزاز الافق ان نسد مناخيرنا او ان نتنسم ريحهم وفي ارتياح لان الموضوع بين الكبار هم طبعا الكبار اوي والصغار بتاعنهم ناس ٤٠ مليار والكلام بتاع حلاوة الشفع ده لشفعم الصغلر .
الشعب بعد كتلتو اولادو فى الشوارع قنصتوهم قنص الكلاب والعيازو بالله لاتقنص بالطريقه التي قتلتم فيها شباب سبتمبر هم لم يسرقو مليار واحد ضربو فى رؤسهم وعلي عين اهلهم
المهم اقول الشعب ده ماساعلكم بس اقدرو لمو غسيلكم لانكم زي ماقال المسل التور لمن يشبع ببحت سكينو وكان علينا نحنا هرمنا وطلقنا الدنيا بتاعتكم دي وبنشتهي رصاصكم فى صدورنا علي الاقل نكون ردينا للسودان جزء صغير من دينو علينا بلدنا الرضينا نخليها للهمل وقطاع الطرق يسلبو يحاكو يكتلو يضربو فيها ويشلتوها ويحقروها واخرته قطعوها مزقوها شردوها شرمطوها ومن دمها حلبو تشرب ماليزيا دمنا ساقط

[kapooo]

ردود على kapooo
European Union [صداح] 05-11-2014 02:07 AM
كلام زول سوداني جد !


#999186 [كان زمان]
4.93/5 (28 صوت)

05-10-2014 05:55 PM
من الطرائف واللطائف

نشر أحد الإخوة في الفيس أن جماعة الحكومة صاروا زي مجموعة من التاس راكبين ليهم لوري و ماشين لي عزاء و في الطريق انقطع سير المروحة فاستعانو بحبل دكة أحد الركاب و بعد مسافة قصيرة كمان الدكة انقطعت و أخدو من التاني و كمان بعد شوية التالت و هكذا الي ان و صلو بيت العزاء فظهرت لهم مشكلة - يرفعوا الفاتحة ولا يمسكو سراويلهم ؟؟؟؟؟

[كان زمان]

ردود على كان زمان
United States [A G] 05-11-2014 10:14 AM
حبل (دكة) دى لامن وصلت السراويل حتى فهمتها ياخى تكة تكة سروال ...ولأ أظنك ناقل الخبر ساى كوبي بيست


#999149 [أبو ديدى]
4.98/5 (14 صوت)

05-10-2014 05:25 PM
ودى نسميها شنو فى المشروع(الحرامى) ؟! فقه الستره
عايزين تلجموا اﻷلسن من الحديث بالجد الصفحه أصبحت بعبع
ومسببه لﻹزعاج أكثر من ناس التحلل .
عفارم يوميات البشير وتسلمى من كلاب أمن البشيرومزيد من النجاحات وقلقلة النظام ومزيد من الصفحات لكل تماسيحهم
والتعرى ﻷفعالهم النتنه .. أصحوا ياغجر يامتوهمى السلطه والتسلط .. العالم أصبح قريه صغيره بفضل وسائل اﻹتصال فمابالكم بأفعالكم وسوء نواياكم وحرمنتكم وغباء عقولكم المريضه.. ماعاد اﻷمر ولا الزمن أيام حسن البنا وسيد قطب
فكل خسه ومؤامره سينكشف أمرها والجداده ستظل جداده؟!!!!

[أبو ديدى]

#999147 [المتغرب الأبدي]
4.75/5 (8 صوت)

05-10-2014 05:23 PM
وشحنة المخدرات أخبارها شنو ؟؟
دي اهم قضية مفروض تهتموا بيها ، وبالله سيبونا من صفحات الفيسبوك وفساد الوالي وفساد موظفي مكتبه وركزوا لينا على المخدرات والجماعة الذين استوردوها ، ...

كسرة:

اللهم ألعن الإنقاذ
(قادة وأفراداً ورجرجة وانتهازيين مستنفعين ومغفلين نافعين)
اللهم ألعنهم لعناً كبيراً ..
اللهم ألعنهم بقدر ما دمروا السودان .. ودمروا اقتصاده ..وموارده وإنسانه وطاقاته وقدراته ..
اللهم ألعنهم بكرة وعشياً ..
اللهم أرنا فيهم يوماً أسوداً كيوم عاد وفرعون وثمود ..
اللهم آمين
اللهم آمين
اللهم آمين

[المتغرب الأبدي]

#999132 [ساب البلد]
5.00/5 (2 صوت)

05-10-2014 05:08 PM
************** هههههههههههههه عمر دفع الله بتاع الكاريكاتير ولا واحد تاني ؟؟؟ ********* طيب قبضتوهم وين ؟؟؟ *********

[ساب البلد]

#999107 [مالكوم-اكس]
4.50/5 (3 صوت)

05-10-2014 04:24 PM
انهااكاذيب الامن والخلخال الرئاسي مازال الموقع متاح
https://www.facebook.com/bashirdiary

[مالكوم-اكس]

ردود على مالكوم-اكس
United States [WAHID SUDANI] 05-10-2014 08:37 PM
Thank you for the information,you alias name of Malcom-X is an excellent choice ,I read his biography by Alex Haley for the first more than 30 years ago, and still enjoy it today..............................................................................t


#999104 [hassan]
4.75/5 (4 صوت)

05-10-2014 04:19 PM
البلد كلها منهوبة من كبار رجالات الحكومة

وين جهاز الامن الاقتصادي والمسميات الكتيرة الما عندها ععد

والله يا ناس الامن الاختشو ماتو

[hassan]

#999086 [المهندس سلمان إسماعيل بخيت على]
4.89/5 (8 صوت)

05-10-2014 03:53 PM
يا الأمن مسئول من الخير كدى سيبنا من صفحة البشير
ورونا عملتو شنو فى الصفحات التلاته الأخرى
صفحة الوالى الخضر قيت عملتوا شنو معاهم والكان عاوز يسمم الوليد ويطرطش القضية دا منو ماتعرفوه
صفحة حاويات المخدرات عملتوا شنو مع ناس الحلول المتكاملة حللتوها ولا كملتوها بلع وبيع
صفحة الأقطان قيت عملتوا شنو بخصوصها وناس سبدرات ديل حللتوا ليهم المليار ولا لسع
ركزونا لينا على القضايا التلاته دى عشان تهد لينا اركان الحكومة وتخارجنا من وسخ الكيزان للأبد

[المهندس سلمان إسماعيل بخيت على]

#999074 [Quickly]
4.50/5 (16 صوت)

05-10-2014 03:43 PM
الناس كلها بقت تسخر من البشير ورهطه المتأسلمين اللصوص في الوات ساب والفيس بوك وكل المواقع الاسفيرية وغيرو وغيرو
خلوهو يجهزوا سجن كبير يكفي الشعب السوداني كلو
ايامكم قربت يانهبين والحساب عسير عسير

[Quickly]

#999057 [سوداني وافتخر]
5.00/5 (1 صوت)

05-10-2014 03:31 PM
هههههههههههه مليارين تلاته كدي دي حلوه !!!!!!!!!!!!

[سوداني وافتخر]

#999039 [طائر الهوى]
4.49/5 (13 صوت)

05-10-2014 03:17 PM
ربنا يحفظ مؤسسى (يوميات البشير ) ويهلك البشير وخاله.
قولوا آآآآآمين .

[طائر الهوى]

#999032 [الولايات المتحدة السودانية]
4.75/5 (4 صوت)

05-10-2014 03:15 PM
الله يستر على أبيض اللون ,,, ذالكم الذى كرعينه خاويات كأنه في تانى دور !!!

[الولايات المتحدة السودانية]

ردود على الولايات المتحدة السودانية
[امدرماني سوداني] 05-11-2014 04:17 AM
والله كلام غريب بقت علي صفحة يوميات البشير كل الشعارات في كل المظاهرات السابقة والقادمه انشالله يا خرطوم ثوري ثوري لم يحكمنا لص كافوري اه دي عايزه ترجمة للسفاح البشر ما سمعها ب اضانو وفاتت بهناك ولا شنو .

United States [من ناس العوض] 05-10-2014 08:35 PM
الكلام ده من رندوك امريكا ولا عربي جوبا! ولا مامعلوم

European Union [كولا] 05-10-2014 04:16 PM
ده مثل هندى ولا شنو

United States [امين] 05-10-2014 04:09 PM
هههههههههههههههههههه

يا دكتووووووور


سلااااااااام سلااااااااااام



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة