الأخبار
أخبار إقليمية
وكيل وزارة العدل مدير أراضي الخرطوم السابق : القطع تحصلت عليها بالطرق المشروعة.
وكيل وزارة العدل مدير أراضي الخرطوم السابق : القطع تحصلت عليها بالطرق المشروعة.
وكيل وزارة العدل مدير أراضي الخرطوم السابق : القطع تحصلت عليها بالطرق المشروعة.


قطع الأراضي التي تحصلت عليها قيمتها 6 مليار جنيه وليس 30 مليار
05-11-2014 10:39 AM
قال وكيل وزارة العدل مولانا عصام الدين عبد القادر الزين مدير أراضي الخرطوم السابق عن الاتهامات الموجهة إليه باستيلائه على (6) قطع أراضي بما يعادل قيمته 30 مليون جنيه رافضاً اتهامه بالاستيلاء باعتبار أن ما يملكه من قطع أراضي حصل عليها بالطرق القانونية ودون استغلال لنفوذه أو موقعه كمدير لأراضي الخرطوم، وأن هذه القطع مجتمعة لا تتجاوز قيمتها الـ6 مليون جنيه) مشدداً على أنه لم يستولَ عليها بالقوة أو بالطرق غير المشروعة، وأن ما أثير لا يخلو عن كونه استهداف تم الاستناد فيه على السجل التأريخي للقطع باسمه بعد أن قام بيعها..

وأكد عصام في حديث مقتضب أنه كان يملك قطعة أرض بجبرة عن طريق الخطة الإسكانية قبل دخوله الأراضي أضاف إليها قطعة مجاورة بالشراء المباشر من أحد المواطنين بمبلغ 50 ألف جنيه وقام ببنائهما كسكن بالإضافة إلى دكان بسوق الشجرة، وأن القطع تم شراؤها عبر مدد مختلفة بما توفر لديه من أموال ومدخرات فضلاً عن قطعة حصل عليها عبر صندوق الضمان الاجتماعي بالرياض مشيراً إلى أنه باع كل تلك القطع وقام بشراء المنزل الذي يسكنه حالياً بالمعمورة من أحد المواطنين تأكيداً لرغبته في السكن بهذه المنطقة.

وقال مولانا عصام إن ما قام به من حركة بيع وشراء أمر مشروع وعادي يمارسه أي مواطن سوداني يمتلك قطعة أرض ويتصرف فيها نافياً تورطه في أي استغلال نفوذ أو سلطات بالأراضي مشيراً الى أن ما أثير حول استيلائه على القطع المذكورة لا يمت للحقيقة بصلة حيث أن الاستيلاء على القطع الحكومية يتم بطرق غير مشروعة وتساءل: ما المشكلة في حصولي على القطع بالطرق المشروعة طالما أن الوزارة تعرضها للكافة بسعر تحدده لجنة وبضوابط محددة مطالباً بالتحقيق فيما إذا حاز على قطع دون سعرها أو خارج إطار الأسس والضوابط التي تحكمها الأراضي نافياً في ذات الوقت أن يكون قد قام باستغلال نفوذه في التسهيل في أي من معاملات الأراضي أثناء توليه لإدارتها وأنه يتحدى أي من يثبت تورطه في عملية استغلال نفوذ أو سلطات أثناء توليه لمنصب مدير عام أراضي الخرطوم.

الجريدة


تعليقات 76 | إهداء 0 | زيارات 14361

صفحة 1 من 212>
التعليقات
#1001134 [حية الوادي]
5.00/5 (1 صوت)

05-12-2014 12:40 PM
يا ناس الراكوبة السلام عليكم ورحمة الله وبركاته. الرجاء ثم الرجاء عدم التعرض للقبائل فلا يوجد أحد ما عندو قبيلة والعارف عزه مستريح.هذا الفساد الذي نشاهده الآن لا يرتبط بقبيلة معينة أو جهة معينة من السودان فهذا نظام تكون من مجموعة من الناس فاقدي الضمير والوطنية والخوف من الله الأمر الذي أدى إلى تفرقنا أيدي سبأفلا توسعوا الهوة بهذه النعرات التي لا تغني ولا تسمن من جوع.دعوها إنها منتنة.

[حية الوادي]

#1001133 [محمد]
0.00/5 (0 صوت)

05-12-2014 12:40 PM
كيف يعنى عبر صندوق الضمان ؟




فضلاً عن قطعة حصل عليها عبر صندوق الضمان الاجتماعي بالرياض

[محمد]

#1001121 [كتاحة امريكا]
0.00/5 (0 صوت)

05-12-2014 12:28 PM
قرية مولانا عصام الدين عبد القادر الزين بولاية الخرطوم

[كتاحة امريكا]

#1000605 [سوداني أصيل]
5.00/5 (1 صوت)

05-12-2014 01:15 AM
حرامي ومزور كبير وماخفي أعظم هذه عصابة الأراضي قضاة ووكلاء نيابة ومحامين وضباط شرطة وموظفين وسماسرة ورجال أعمال وبعرف وزير إمتلك قطعة أرض علي شارع الستين الطائف بوضع اليد والآن مسورة وموجودة وأظنها هدية من أكبر حرامي أراضي أمي معروف يمتلك أراضي بالطائف والرياض والجريف غرب والباقيرووووووووو وهو الذي يتحكم بالأسعار .

[سوداني أصيل]

#1000560 [ودالجزيرة]
5.00/5 (3 صوت)

05-11-2014 11:52 PM
عجبى ثم عجبى كيف لموظف يكون لديه قطع بسته مليار جنية وكم يتقاضى من مرتب حتى تكون له هذه الثروة وكيف كونهاأسئلة أعتقد أنها مشروعه

[ودالجزيرة]

#1000521 [sky painter]
5.00/5 (5 صوت)

05-11-2014 10:52 PM
هلا جلست في بيت ابوك و امك فنرى هل تأتيك عقارات ب 6 مليارات ام لا.....حرامي و عينو قوية

[sky painter]

ردود على sky painter
[أبوطاهر] 05-12-2014 07:22 AM
فعلا حرامى وعينه قويه ما يستحى إتفو عليك يا حرااااااااااااااااااااااااااااااااااامى


#1000450 [مغبون]
5.00/5 (2 صوت)

05-11-2014 08:49 PM
مولانا !!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مغبون]

#1000416 [الجنرال الهوت دوق]
5.00/5 (1 صوت)

05-11-2014 07:42 PM
كلامكم دا شبعنا منه في الدنيا - بعدين انشاء الله يوم القيامة قول كلامك دا وقت الحساب - اذا هم اقتنعوا يا سيدي براءة - لكن لان هناك ما في خط رجعه - الا من رحم الله - لذا ننصحك بسماع خطبة امام مسجد الطائف عن الوالي والوحيد اللي ممكن يسمع لك الملقب (انا سوداني انا)

[الجنرال الهوت دوق]

#1000393 [ود ابو زهانة]
5.00/5 (3 صوت)

05-11-2014 07:02 PM
ياعاشق الهلال تحترم شنو ياخى ؟ حتى لو صدقنا كلامه : ده موظف دولة وفى هيئة عدلية وفى وظيفة مدير الاراضى وشغال تجارة بيع وشراء فى الاراضى هل فى هذا احترام لنفسه أو لوظيفته؟؟!! ياخى الحرامية كيف يعني الا ينط الحيطة؟ ياعالم حيرتونا

[ود ابو زهانة]

ردود على ود ابو زهانة
[ود ابو زهانة] 05-12-2014 03:33 PM
يا ابو شورة هل قرأت تعليقى وفهمته؟ انا علقت على اعترافه الشخصى ببيع وشراء الاراضى خلال ممارسته لوظيفته .. بعدين انت زعلان شديد كده ليه وكمان متأكد من براءته كده؟ كنت شغال ليه سمسار ومتأكد انه شغلك نجيض ما بيجيب ليهو عوجة وعايز تورينا شطارتك؟؟

United States [ابوشورة] 05-11-2014 07:58 PM
اراجل بتحداكم , يلا امشي شيل دليل الاتهام وورونا شطارتكم


#1000362 [احمد البقاري]
5.00/5 (2 صوت)

05-11-2014 06:11 PM
الممعن للنظر في الفساد المستشري في بلادنا وعلى قمة هرم مؤسسات الدولة وكبار قيادتها، يدرك تماماً بأنه فساد هيكلي، مرتبط بالمحاصصة وأقتسام النفوذ بين منسوبي قبائل أقلية الجلابة الثلاث (جعل، شايق ودنقل) السياسي. وهو فساد محمي بأولية أستمرار التحالف السياسي بين منسوبي هذه القبائل، على كلما عداه من قوانين وقيم ومبادئ وأخلاق. وبالتالي فأن محاربته وتقديم مغترفيه لمحاكمات حقيقية غير وارد، وذلك لعدم الرغبة أو عدم المقدرة أو الأثنان معاً.

[احمد البقاري]

ردود على احمد البقاري
[البيان الواضح] 05-12-2014 07:53 AM
والرجل ليس من القبائل التي أشرت إليها

[الوطن العزيز] 05-11-2014 11:54 PM
طيب يا البقارى عمارات على محمود وزير المالية السابق تابعة للجلابة ولا سوق مواسير الفاشر تابع لهذه القبائل طيب سفسفة على الحاج لطريق الانقاذ الغربى يحلوها كيف يا اخى هذا فساد انقاذى لا يخص قبيلة قام به ضعاف النفوس دون الاعتبار لاى جهه او قبيلة اترك الحقد وخليك وطنى واترك القبلية انها منتنة


#1000312 [طه]
5.00/5 (3 صوت)

05-11-2014 05:12 PM
ســـــلام ، عبود ( رحمة الله عليه ) وحتى مماته لم يكن يملك منزل والزعيم الازهري .. عرفنا بعد وفاته ان اللبيت مرهون للبنك وانه مديون .. أما النميري ( الله يرحمه ) لحدي ما توفي لم ينهي بناء بيته في ودنوباوي ( وهو بيت اسرته ) سبحان الله ..... اتقوا الله يا كيزان .

[طه]

ردود على طه
[البيان الواضح] 05-12-2014 07:55 AM
يا طه عبود كان يمتلك منزلاً في الخرطوم العمارات ، وقد أخذه مثله مثل باقي المواطنين عن طريق خطة إسكانية


#1000295 [faris]
5.00/5 (2 صوت)

05-11-2014 04:59 PM
يعني دة عندما اتعين مديرا للاراضي ماكان يملك هذه الاراضي الست وعندما ترك الوظيفة كان بحوزته ست قطع ماشاءالله الرياض والمعمورة والشجرة والجريف وجبرة ........الخ ويقوليك بطريقة مشروعة صحيح الاختشو ماتو يعنى زول زي دة لو اتعملو اقرار زمة كيف سيكون موقفه بعد نهاية الخدمة

[faris]

#1000294 [زاىد]
5.00/5 (1 صوت)

05-11-2014 04:56 PM
اعترف عصام بانة لدية قطعة واحدة فقط قبل تعينة مدير الاراضى طيب ورينا كيف تحصلت على كل هذة القطع بعد تعينك مدير ارضي وهذا يعنى انة استغل منصبة واقسد ونعلم ان موظف الاراضى لا يحق لة دخول المزاد خوفا من استغلال المنصب لمصلحتة ناهيك انت مدير الاراضي يابتاع القانون ووكيل عام كمان

[زاىد]

#1000270 [حافظ خالد]
5.00/5 (2 صوت)

05-11-2014 04:27 PM
سبحان الله الحكاية شنو يوم الجماعه بكشفوا ورق بعض بطريقه منظمه السر شنو ماعارف،الواحد يعترف لكن بربع القيمه برضو حرامي وحرامي وحرامي مرتبك كم؟عشان تمتلك أصول بمقدار 6مليار؟ومعروف ان محرم علي القضاء ووكلاء النيابه عدم مخالطة التجار والحذر في علاقتهم الاجتماعيه.بقيت ذي البشير سأله عن ضحايا دارفور قال عشره الف ماتوا المصيبة مش في العدد المصيبه ليه حصل من الأساس ؟

[حافظ خالد]

#1000232 [التغير]
5.00/5 (2 صوت)

05-11-2014 03:41 PM
حراااااااااااامي يا كوز يا عفن قال حصلت عليه بالطرق القانونية والله لو حسبنا من اول مرتب تقاضيتهو من اول تعين لك في الخدمة وحسبنا حوافزك ومقصصاتك ولو لم تصرف منه مليم احمر لا يصل السته مليار وبرضو تقول ما حرامي يافاسد

[التغير]

#1000214 [ساب البلد]
5.00/5 (3 صوت)

05-11-2014 03:28 PM
********* اولا: الراجل (حرامي) و (مختلس) و (كذاب) و (مستقل للمنصب) ..... الخ كيف يكتبوا (مولانا) علي الاقل يجب وصفه ب (المتهم) حتي ينتهي التحقيق المهزلة و (يتحلل) ****** بعدين الرئيس عبود و الرئيس نميري و الرئيس الازهري لحدي ما ماتوا ما عندهم الكلام ده ****** دا وكيل وزارة الحالة انا ما عارف الوزراء ح يكون عندهم شنو ؟؟؟ ****** قلبي علي وطني *******

[ساب البلد]

#1000204 [حسكنيت]
4.00/5 (16 صوت)

05-11-2014 03:22 PM
( مولانا ) ؟؟؟؟
أراضى ؟؟؟؟؟؟
( أيه علاقتك بالتخطيط العمرانى والهندسة والجغرافية والمساحة والتخطيط السكانى ؟)
( إعلانات مخفية ، قطع ناصية وتفتح على ميدان ، شارع رئيسى ، كبرى فى المستقبل ...ما إنتو عارفين كل حاجة وساكتين على كل حاجة)...وبعد داك ودوك وين ؟
العدل ؟؟؟؟؟؟ يحيا العدل

[حسكنيت]

#1000202 [الجاك قسم السيد]
5.00/5 (2 صوت)

05-11-2014 03:21 PM
والله العظيم اشتريت من السفارة بالرياض قطعة في الازهري القطعة رقم75 مربع 24 عام 1982 وعند زهابي لاستلامها لقيته بانين فيها دي حصلت في عهدكم الميمون يا مولانا

[الجاك قسم السيد]

#1000185 [ابو جقادو]
5.00/5 (3 صوت)

05-11-2014 03:08 PM
سته مليار بس بسيطه عليك مسكين اقعد سنتين ثلاثه اشان تربح كتير ياعفن ياعفن ياعفن انت وامثالك ياواطى وماعندك ضمير انت فى اشرف المواقع فى الدنيه تعمل كده طيب ناس تلب البينطو الحيطه بلنسبه ليك ملايكه الله يقصك

[ابو جقادو]

#1000173 [بيكو]
0.00/5 (0 صوت)

05-11-2014 02:56 PM
مولاني ده شكلة ضحية الذئاب الكبار

[بيكو]

#1000172 [Quickly]
5.00/5 (4 صوت)

05-11-2014 02:54 PM
طيب صدقناك ياشاطر انو عندك (ستة قطع بس )وقيمتها 30مليون يعنى 30مليار بالقديم
طبعاّ للأنو الستة ديل مسجلات بأسمك والباقي موزعين بأسمي باقي الاسرة
من وين جبتها القروش دي وانت كنت موظف في الخدمة المدنية راتبك لايتعدى خمسة الف جنية خمسة مليون بالقديم ؟؟ بتصرف منهم كم وبتوفر منهم كم عشان تشتري ارضي بثلاثين مليار ؟؟!!
اقعد ساكت بس بل راسك وارجا الراجيك يانصاب يافاسد

[Quickly]

#1000167 [البعاجى]
4.50/5 (3 صوت)

05-11-2014 02:47 PM
يا شباب دى القطع السكنية التم شراءها باسمو
غير الاشتراها باسماء ناس تانية لمصلحتو
وغير الخصصه لاصحابو ولاهلو ولنسابتو ولى زملاء الشغل

[البعاجى]

#1000155 [حسن]
0.00/5 (0 صوت)

05-11-2014 02:37 PM
شي مخجل والله ... الفساد اصبح ظاهرة !! واين ؟ وسط الاسلاميين !! اين المجاهدين من كل ذلك ؟

[حسن]

#1000142 [أذهبتم طيباتكم في الحياة الدنيا]
4.00/5 (2 صوت)

05-11-2014 02:22 PM
يا مولانا عصام الدين عبد القادر الزين وكيل وزارة العدل ومدير أراضي الخرطوم السابق.
مصيبتنا ليس في خيانتك للأمانة وأكلك أموال الناس بالباطل واستقلال السلطة والنفوذ أبشع استقلال؟
مصيبتنا بل كارثتنا أكبر من ذلك بكثير.
أولاً: قلتم لنا أنكم أهل رسالة لكل العالم وتريدون أن تطبقوا فينا شرع الله فخدعتمونا باسم الدين فانخدعنا لكم وبايعناكم على النفس والمال.
ثانياً: طبقتم فينا شريعتكم المخالفة نصاً وروحاً ومظهراً وجوهراً لشريعة الإسلام، فكنا طوال ربع قرن كامل من الزمان نغالط أنفسنا، ربما لجهلنا وأميتنا لم نفهم الدين كما فهتموه أنتم علماء وفقهاء الإنقاذ.
فأراد الله سبحانه وتعالى أن يكشف عنكم غطاءكم ويفضحكم على الملأ، وها أنتم تحملون الشيطان كل بلاويكم وهو منكم براء، بدأتم تتساقطون وغداً كباركم ثم كباركم ثم كبيركم وعظيمكم الذي علمكم السحر.
((وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ (102) صدق الله العظيم، سورة هود.

[أذهبتم طيباتكم في الحياة الدنيا]

#1000133 [المهاجر الاول]
4.00/5 (2 صوت)

05-11-2014 02:18 PM
بالله شوفو الحرامي دا في موظف دولة يمتلك 6مليارات .... وبعد دا كل عامل فيهاوكيل وزارة العدل وهذا يعتبر ليس وكيل وزارة العدل وانم وكيل وزارة الاكل. ينعل ابو الانقاذ والجاب الانقاذ
بالله شوفو ظهروا في النهاية على حقيقتهم كلهم حرامية وقطاع طرق وزنا؟؟
((عمر البشيكر مايجيب شخص في منصب كبير الا يكون حرامي كبير )) وللاااسف وللااسف ياكلوا باسم الدين)).
والله لو كانوا حرامية ووثنية لا دين لهم اخف....

[المهاجر الاول]

#1000132 [معاوية النعمان محمد احمد عماري]
0.00/5 (0 صوت)

05-11-2014 02:17 PM
مابحاكموه لانو سوف يكشف اراصي الدستوريين

[معاوية النعمان محمد احمد عماري]

#1000129 [الهمام]
0.00/5 (0 صوت)

05-11-2014 02:16 PM
والله

[الهمام]

#1000123 [ضكرلامن بيغادي]
0.00/5 (0 صوت)

05-11-2014 02:13 PM
كدي يابردي

[ضكرلامن بيغادي]

#1000122 [Arif]
5.00/5 (1 صوت)

05-11-2014 02:11 PM
أولاً أعترض على إطلاق لقب مولاتاعلي وكلاء النيابةفهم محامون ضمن السلطة التنفيذية للدولة ,هذا اللقب يطلق فقط على القضاه.
فألاستاذ القانوني الضليع عبد الرحيم موسى عمل قاضياً وكان يطلق عليه لقب مولانا ثم عندما تقلد وظيفة النائب العام (محامي الدوله)صار لقبه الاستاذ عبد الرحيم.

السيد وزير العدل أٌقر بأنه منح قطعة أرض بجبرة عن طريق الخطة الإسكانية قبل دخوله الأراضي وهو بالتالي لايحق له الحصول علي قطعة ارض مرة أخرى من صندوق الضمان الاجتماعي او الاراضي.


فأنا تفسي منحت قطعة ضمن الخطة الاسكانية وأضطررت لبيعها وبعد ان تحسنت أحوالي قليلأ حاولت شراء منزل ضمن الاسكان الشعبي من حر مالي وكان الرد بأني لا أستحق لأنني منحت قطعة ضمن الخطة الاسكانية.
يا أستاذ إمتلاك الارض لا يتم بالقوة بل بالاحتيال وإستغلال الوظيفة .

[Arif]

#1000119 [محي الدين المسبعاتي]
5.00/5 (1 صوت)

05-11-2014 02:09 PM
كلام زي قولو لزول بيشرب عصير برسيم يا زول..... ألعب كويس....والله لو بالورقة والقلم بتطلع مطاااااااااااااالب ولو بالالة الحاسبة بتمشي التوج أأأأأأخير ليك... أعترف ..وقول النصيحة...في قبر قدام وفي موت وماك عائش 6 مليار سنة أصحى يا غافل........

[محي الدين المسبعاتي]

#1000115 [الوطن العزيز]
5.00/5 (1 صوت)

05-11-2014 02:06 PM
حيا الله الامارات عندهم قانون صارم جدا لايجوز لاى موظف ان يدخل فى مزاد فى جهه هو موظف فيها ولايحق له وان كانت تلك الجهه ترغب فى اسئجار شاحنات تراب لبناء اى مرفق لايحق لاى موظف التقديم طالم هو موظف عبى هذه الجهه واذا تجاوز رجل الشرطة بسيارته الرادار حسابه اكبر واذا رجع شيك بنكى من ضابط شرطة غرامته مليةن درهم الله يرحمك يازايد واطال الله عمر من خلفته

[الوطن العزيز]

#1000085 [Rebel]
4.75/5 (7 صوت)

05-11-2014 01:40 PM
* خطه اسكانيه...و دكان فى الشجره...و ضمان اجتماعى...و مدير اراضى يبيع و يشترى فى ذات الأراضى التى "يديرها"...و بيت "سكنى" فى المعموره...و 6 قطع اراضى... و 30، او قل 6 مليار جنيه، لا فرق... و ما خفى اعظم!!!. كل هذه العقارات و الاموال و "الاهوال" تأتت... بطرق مشروعه مصدرها "التدرج" فى وظائف الخدمه المدنيه فى دولة العدم هذه، حسب افادة وكيل "عدل" دولة العصابات الغاشمه؟!!!

* يا وكيل "وزارة" الفساد، اقسم بالله اننى احمل من المؤهلات العلميه من جامعة الخرطوم و جامعات اوربيه و اخرى افريقيه اكثر منك...و اقسم بالله ان عمرى اكبر منك...و ان خبراتى المهنيه "الصلبه" اكبر وارفع...كما اقسم بالله انى توليت من المناصب ما هو اعلا من "وكيل" وزاره فاسده. و برغم ذلك، لا املك قطعة ارض بإسمى، او اسم اسرتى ،او اسم اى من افرادها، ايا كانت هذه القطعه: سكنيه او استثماريه او زراعيه، فى طول السودان و عرضه...لا من خلال "خطه اسكانيه" و لا من خلال "ضمان إجتماعى"، ولم اسمع فى حياتى قط ان الأخير يقدم "اراضى" للمتاجره و التربح،إلآ من خلال إفادتك هذه. و اكاد اجزم ان هناك المئات او آلاف المؤهلين اصحاب القدرات العاليه و الخبرات الكبيره المعدمين من حطام الدنيا من امثالى.

* يا "وكيل وزارة" الفساد مدير "اراضى" التربح سابقا، اشهد الله انك، بحديثك هذا، قد "زدت الطين بله"!. فبالاضافه لفسادك و لصوصيتك الواضحين، قد اضفت لنفسك صفات سيئه و موبقات اخر: الكذب، النفاق، المراوغه و التدليس.

* و على قول المثل الشائع: "يكاد المجرم ان يقول خذونى"، اقول لك لن تهنأ بمال السحت و اللصوصيه فى هذه الدنيا الفانيه انشاء الله. لأن امثالك من المجرمين الفاسدين قد قال الله جل و علا فيهم: " و إذا قيل لهم لا تفسدوا فى الأرض قالوا إنما نحن مصلحون* آلآ إنهم هم المفسدون و لكن لا يشعرون*...* ...* الله يستهزئ بهم و يمدهم فى طغيانهم يعمهون* أولئك الذين إشتروا الضلالة بالهدى فما ربحت تجارتهم و ما كانوا مهتدين" صدق الله العظيم. فهو الحق و هو الحكم العدل.

[Rebel]

ردود على Rebel
[غايتو] 05-12-2014 10:11 AM
والله إنك لرجل وأسأل الله أن لا تأسف على أنت مافيه وأن يرزقك الله رزقا حلال طيب حتى ولو لابنائك . فدكتور الأفندى أسف وندم على فرص ومنح مالية ! لم يستغلها ويستفيد منها أيام هو طالب بالجامعة وهذا شأن أطهرهم ,


#1000083 [واعظ سبيل]
5.00/5 (1 صوت)

05-11-2014 01:39 PM
إذا كان إنت تتكلم آلآن في الدنيا هكذا ولكن تذكر أن لديك ريب وعتيد - وغداً سوف تكون في قبرك لوحدك وليس معك أحد - تمتع ثمانون سنة - تسعون سنة وغداً سوف تسال من ملك الملوك جبار السموات والأرض - فعليك أن تتحرر آلآن وتحلل قبل أن يأتيك يوم لا ينفع فيه مال ولا بنون واقنع بالقليل وتذكر حبيبك المصطفى صلى الله عليه وسلم يف كان يعيش ومات ولا يملك شيئاً في هذه الدنيا الفانية يا مسكين ....

[واعظ سبيل]

#1000080 [طائر الهوى]
5.00/5 (2 صوت)

05-11-2014 01:38 PM
طالما بتبيع وتشترى والقطع لاتساوى أكثر من 6 مليون .
أها أنا بربحك مليون وبشتريها منك ب 7 رايك شنو ؟؟؟
تكون اتفكيت من القطع الكتيره الباسمك الجايبه ليك الهواء وربحت المليون .
شكلى حا أدقس مولانا . باركوا لى خلاص حا أبقي من أصحاب المليارات .

[طائر الهوى]

ردود على طائر الهوى
[غايتو] 05-12-2014 10:17 AM
مولانا يدقسنا جميعا هو أصلا إشترى بالفليل وباعها جميعا بالمليارات . إلا إذا قصدك قطع باقى الاسرة .
وبالمناسبة كل من منح قطع بطريقة أو بأخرى وبسعر رمزى أو منحة غير مستحقة من هؤلاء الكبار يبيعها بأسعار خيالية وإخلى سجله من التملك .


#1000075 [أمريكي]
5.00/5 (2 صوت)

05-11-2014 01:34 PM
حرامية

[أمريكي]

#1000072 [كفاية]
4.00/5 (4 صوت)

05-11-2014 01:31 PM
المرحوم جعفر نميري حكم السودان 16 سنة لم يمتلك فيها قطعة ارض ولا منزل والبيت الطلع منو للانقلاب في 25 مايو 1969 طلعت منه جنازته للمقابر يعني كان غالبو يشتري نص الخرطوم دي ؟؟
المرحوم ابراهيم عبود حكم السودان وتوفي وسدد ابناؤه بقية اقساط بناء المنزل الذي حصل عليه في الخطة الاسكانية بعد ان اكمل الخطط الاسكانية في المزاد والشعبية والثورات والامتداد والصحافات تقول لي بطريقة مشروعة ؟؟؟!!

[كفاية]

#1000067 [قرفان من الكيزان]
5.00/5 (1 صوت)

05-11-2014 01:26 PM
اقسم بالله الشعب باكمله عارفكم أنكم لقوماً منافقين .. هؤلاء إذا تحدثوا كذبوا و ذا وعدوا أخلفوا و إذا ائتمنوا خانوا

[قرفان من الكيزان]

#1000054 [محسن ابوحراز]
3.50/5 (2 صوت)

05-11-2014 01:20 PM
بالله شوف الزول العبيط والمغفل قال وفر 50 الف من مرتبو بالله فتش فى البلد دى كلها موظف شريف نضيف عفيف فاتح بيت وعندو عيال أسأل مرتبو مكفيهو للآخر الشهر؟ شوف يا انت حاوى يا تكون بتجر بكرة

[محسن ابوحراز]

#1000030 [salem]
4.50/5 (3 صوت)

05-11-2014 01:07 PM
ده احترف على نفسو مفروض يتحول للنيابة طوالى
ده لو اعتمد على مرتبو في العشرة سنوات الماضية قطعة في الكلاكلة ما بجبا ليهو

[salem]

#1000019 [محمد عبدالرحمن الحسن]
5.00/5 (1 صوت)

05-11-2014 12:59 PM
بالله .... بالله .... بالله .... بالله ..... بالله

[محمد عبدالرحمن الحسن]

#1000015 [اللامندهش!!!!]
0.00/5 (0 صوت)

05-11-2014 12:57 PM
.



بس بقت على مولانا ده؟!!!!!

كل الموظفين الكبار فى الدولة....سواء أكانوا فى
الحدمة المدنية او النظامية اوغيرها .... السابقون
واللاحقون ....كلهم يملكون مثل مايملك واكثر منه...
فكم كانت تبلغ مرتباتهم؟؟ يا تسألوهم كلهم...يا تخلوهم
كلهم!!!!!!!





.

[اللامندهش!!!!]

ردود على اللامندهش!!!!
[mmm] 05-11-2014 03:42 PM
حبيبنا
انحنا عاوزين اي واحد تحوم حولو شبهات يتحاكم ويبري زمتو

ان كان مولانا ولا سواقنا......

التبقى عليهو وعلى غيرو بالصف......

[سعيد] 05-11-2014 01:35 PM
بالضبط اما كلهم او انسوهم ( يا فيها يا اخفيها)


#1000004 [ركابي]
4.25/5 (5 صوت)

05-11-2014 12:48 PM
غايتو لو النظام ده وقع ناس ادارة السجون عايزين ميزانية مهولة لبناء سجون تستوعب هذا الجيش الجرار من اللصوص

[ركابي]

ردود على ركابي
European Union [سن ألفيل] 05-11-2014 01:27 PM
عاوزين سجن كبير جدا واتمنى ان يسمى سجن الانقاذ


#999999 [كفاية]
5.00/5 (4 صوت)

05-11-2014 12:46 PM
( ما المشكلة في حصولي على القطع بالطرق المشروعة طالما أن الوزارة تعرضها للكافة بسعر تحدده لجنة وبضوابط محددة )
الوزارة بتعرضها باعلان ام بغير اعلان هذا هو الاستغلال الحقيقي للوظيفة لم يسمع احد بأن الوزارة قد اعلنت عن بيع اراضي ولم نسمع عن مزاد علني !!!!

[كفاية]

#999996 [معاوية]
0.00/5 (0 صوت)

05-11-2014 12:46 PM
الاسس والضوابط معموله على تفصيلكم واعمالكم على ان لايكون فىها اى تجاوز او ما يعتبر تجاوز
والتجاةوز اصلا منذ البداية اين كان فى الماضى البعيد او القريب ان يكون مدير الاراضى من النيابه او القضاء من هنا يبدا الفساد كل هذا يحدث فى عهد الانقاذ لكن ربنا يمهل ولا يهمل
ولك بيت ستنام فيه وحدك وستسال عن كل كبيره وصغيره انتم تفكرونها دائمة لكم ولو دامت لغيركم ما الت اليكم ايها الحرامية الجبناء .......................

[معاوية]

#999991 [اسد]
0.00/5 (0 صوت)

05-11-2014 12:41 PM
كارثة يامولانا،استقيل من المنصب

[اسد]

#999990 [عمار]
5.00/5 (1 صوت)

05-11-2014 12:40 PM
راتبك كم في الشهر
منصرفك كم في الشهر
كم توفر في الشهر
اكيد لا تستطيع ان توفر قرش احمر من الراتب واتحداك
سته قطع وبناء بيت

[عمار]

#999989 [الانصاري]
5.00/5 (1 صوت)

05-11-2014 12:40 PM
الكلام دا قولوا يوم الفزعة والوقفة قدام رب العالمين واقنع نفسك قبل ما تقنعنا نحن يا اخي في ناس ماقادرة تاكل وما لاقية حق الدواء استحي وخلي المال الحرام ينفعك

[الانصاري]

#999984 [radona]
0.00/5 (0 صوت)

05-11-2014 12:38 PM
يتم فتح ملف تحقيق لمولانا لان مارواه من حديث غير مقنع تماما
الامر يحمل بين طياته ما يحمل
يجب التحقيق مع هذا المولانا لان مارشح يكفي لمواجهة جنائية او على الاقل تحقيق
وهل تم وزن المولانا قبل توليه منصبه بالاراضي وبعد ان ترك الوظيفة
هنالك رائحة نفس الرائحة تنبعث

[radona]

#999982 [والمعنى واضح....]
5.00/5 (2 صوت)

05-11-2014 12:36 PM
حسب كلامه.... كان يملك القطع دي زمااان.... وليس الآن...

طيب.... منو مشى بحت وراهو؟ ولماذا؟

واضح إنو في جهة ما.... بتبحت وراهو.... ويمكن ورا عمك دوسة زااتو....

تابع الأخبار.... حا تندهش من الأسرار.... البقت شمار يقابل شمار.... والشعب محتار...

يعني عديل كدة.... يا ناس وزارة العدل.... تكشفو ورقنا.... نطلع القديم....

والله يا الكيزان....

ليكم يوم...

[والمعنى واضح....]

#999978 [اب غزالة]
5.00/5 (2 صوت)

05-11-2014 12:35 PM
على الطلاق عمرى 55 سنه ولدى ابناء وبنات ما عندى ولا ربع متر فى السودان
يا حرامى يا دجال
كيف لديك اكثر من قطعة ارض وما تستحقه فى السودان قطعة ارض واحده
يا فاسد يا غاصب
وين ترحوا من عقاب الله
وبعدين خلى القطع دى ادفنوها معاك
الكلام الجد رجع فلوس الشعب السودانى وخليك مع النجيضه لانك ميت ميت ميت ميت ميت

[اب غزالة]

#999974 [أه على جرح وطني]
5.00/5 (1 صوت)

05-11-2014 12:32 PM
يقال والعهدة على الراوي أن المذكور من أقرباء الست هدية قريبة الطيب مصطفى يعني المذكور من أهل الدار ، وإلا لما وصل إلى منصب مدير عام الأراضي ، وكيف وصل إلى هذا المنصب ، ثم كيف أصبح وكيل وزارة العدل ، وهو بالنسبة لمنسوبي الوزارة من الشفع ؟؟؟؟؟؟

[أه على جرح وطني]

#999969 [عبدالاله]
0.00/5 (0 صوت)

05-11-2014 12:28 PM
ههههههههههههههههههههههههههههههههههههههههههههههههههههههههههه ابله

[عبدالاله]

#999959 [إسماعيل آدم]
5.00/5 (2 صوت)

05-11-2014 12:18 PM
الموضوع بسيط !أذكر تواريخ الشراء و السعر الذي رسي عليه المزاد للقطع المشابهة في ذات المزاد؟ و هل دخلت المزاد بدءاً؟ أم تم تخصيص القطع بعد المزاد و بعد أن تم إستبعادها من المزاد؟ و بعد ذلك ألم يتم تخفيض السعر أو القيمة؟ أجب علي هذه الأسئلة بعد آداء القسم!!!و كيف قمت ببيعها؟ و لمن ؟وكم هو الفرق بين سعر الشراء و البيع و الفترة الزمنية ؟

[إسماعيل آدم]

#999958 [عدو الكيزان النازي]
5.00/5 (1 صوت)

05-11-2014 12:15 PM
يا راجل انطم واسكت ... فسادكم ملا الدنيا كلها

بدل ما تقعد تفتش في مبررات فسادك انت ونظامك المتهاوي

تبا لكم من مجرمين

ويومكم قرب

[عدو الكيزان النازي]

ردود على عدو الكيزان النازي
[ابوعديلة] 05-11-2014 02:01 PM
ليه عايز الراجل ينطم ياعدو الكيزان ؟ خلى الراجل يفضفض ويطلع الجواه وخلينا نشجع اللعبة الحلوة .


#999953 [ياسر]
0.00/5 (0 صوت)

05-11-2014 12:10 PM
الزول حرامي وغبي اولا هنالك قسم معروف بعدم امتلاك اكثر من قطعة ارض شراء او خطة اسكانية حتي تتحقق عادلة منزل لكل مواطن مش عشرة وهذا الوزير حاول ان يبرر الفساد فوقع غي الغباء كمان

[ياسر]

#999938 [عاشق الهلال]
0.00/5 (0 صوت)

05-11-2014 11:55 AM
اشهد الله انى لا اعرف الرجل و من اكثر الموقنين بفساد 90% من توكل اليهم مهام فى المواقع الدسمة ولكن احترم رد الرجل واستعداده للتحقيق وسيزيد احترامى له لو طالب بايقافه عن العمل حتى يكتمل التحقيق ويجب ان نتوقف عن توجيه الاساءة حتى تتضح الرؤية هذا اذا احسسنا ان هنالك تحقيق جاد

[عاشق الهلال]

#999933 [Dr Jimi]
0.00/5 (0 صوت)

05-11-2014 11:53 AM
ماذا قال سعد زغلول لزوجتة غتيني يا تفيدة وصوطي ما فيش فايدة

هذا هو حالنا الان ايها الشعب المغلوب على أمرة ما فيش فايدة

بعد التصريح الصحفي يصر انة هو صاح ولم يرتكب خطأ

[Dr Jimi]

#999931 [عبد الله موسى]
5.00/5 (1 صوت)

05-11-2014 11:52 AM
هو انحن ما مواطنين زيك؟ لا حصلنا على قطعة في الخطة الإسكانية ولا في الخطة الصندوقية بتاعت المضمونين الاجتماعيين ديّّّّ!!!!!!!!!!!!!!!!!!!!!! فنحن لا في العير ولا في النفير .. وأنت تحصل على قطعتين في أحسن المواقع ودكان كمان؟ اتق الله في الأمانة التي حملك اياها الشعب السوداني الصابر عليك وعلى أمثالك وعلى من عينوك من الهوامير الكبار الذين لا ضمير لهم ولا وازع ديني لهم ويتاجرون ياسم الدين كما تفعل أنت .. وكما سبقني (رجعنا بعد قرفه) هلا جلست في بيت أمك وابيك حتى نأتيك هذه القطع طائعة متزلفة والكثيرين من أبناء شعبي يفترشون الأرض ويلتحفون السماء؟!!! ألا لعنة الله عليكم جميعا ..

[عبد الله موسى]

#999919 [yasir abusabeeb]
5.00/5 (1 صوت)

05-11-2014 11:43 AM
يخسي عليكم قال مولانا قال وبعدين بعد الموت كيف بتشيل معاك ياتو واحده فيهم !!!!!!

[yasir abusabeeb]

#999918 [سامي]
0.00/5 (0 صوت)

05-11-2014 11:43 AM
اذا منزل واحد مافي مشكلة . المشكلة انك وابنائك وزوجاتك تكونوا مالكين اراضي الشعب المغلوب على امره .

[سامي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة