الأخبار
أخبار إقليمية
جمارك السودان تطبق نظام التحصيل الإلكتروني
جمارك السودان تطبق نظام التحصيل الإلكتروني
جمارك السودان تطبق نظام التحصيل الإلكتروني


05-13-2014 05:14 PM
SMC الخرطوم

وقعت الإدارة العامة لشرطة الجمارك السودانية، وبنك أم درمان الوطني، يوم الإثنين، بمباني الإدارة العام للجمارك، اتفاقية نظام التحصيل الإلكتروني بالمنافذ الجمركية بولايات البلاد المختلفة. وأكدت الجمارك سعيها للاستمرار في تقنية كل المعاملات الجمركية.

وقال مدير الإدارة العامة للجمارك اللواء د. سيف الدين عمر سليمان، إن الاتفاقية تأتي في إطار استخدام التقنيات الحديثة في العمل الجمركي، بغية الوصول للحكومة الإلكترونية السودانية، بهدف تبسيط الإجراءات الجمركية للعملاء والموردين في إطار النهضة الجمركية.

وأوضح أن التعامل مع التحصيل الإلكتروني عبر الربط الشبكي، يمكّن العملاء من دفع كل معاملاتهم المالية من أي مكان، في إطار توحيد عملية الدفع عبر النافذة الواحدة، مما يسهل للعملاء الحركة التجارية وفق ما نادت به منظمة التجارة العالمية.

وقال سليمان، إن نظام التحصيل الإلكتروني يقلل من الزمن، باستخدام الجمارك للشبكات والحواسيب لتسهل الإجراءات الجمركية بالمنافذ المنتشرة.

وأكد ثقتهم الكاملة في الكوادر الوطنية لإنجاح مثل هذه المبادرات الجمركية الرائدة، التي تعمل الجمارك من خلالها على تحسين الأداء لعملية التحصيل الإلكتروني، بجانب التحكم في عملية السداد ورفض المعاملات غير الصالحة.

من جانبه أوضح المدير العام لبنك أم درمان الوطني، نجم الدين محمد عجيب، أن الاتفاقية تسهم في دفع الاقتصاد الوطني، وذلك بتقليل نسبة المنصرفات بالتحصيل اليدوي، والعمل على تطبيق الحكومة الإلكترونية في كل المنافذ وتقديم خدمة متميزة لكافة العملاء والموردين بالمنافذ الجمركية المختلفة.

وأشار عجيب للتنسيق مع الإدارة العامة للجمارك، لتنفيذ كل المشاريع والبرامج التي تخدم وتدفع من عجلة الاقتصاد السوداني.

الشروق


تعليقات 10 | إهداء 0 | زيارات 3755

التعليقات
#1003288 [الحقيقة]
0.00/5 (0 صوت)

05-14-2014 11:09 AM
احنا عايزين أجهزة محاربة فساد الكتروني يتم ربطها بتحركات أي مسئول من الضباط الى البشير يعني عايزين تقولوا ايدكم نظيفة يا ناس الجمارك كلكم حرامية بالطرف ...

[الحقيقة]

#1003177 [كلام مهم ومن بيت الكلاوي]
5.00/5 (1 صوت)

05-14-2014 09:40 AM
التحصيل كان شغال من سنين وبدأه بنك فيصل مع الجمارك
انسحبت الجمارك من بنك فيصل بأيعازات من محافظ بنك السودان الجديدللجمارك بتحويل
خدمة التحصيل من بنك فيصل الى امدرمان الوطني
ونسى انه تعلم العمل المصرفى فى بنك فيصل
ولكن اعتقد ان بنك فيصل ليس بحاجة لهذا بقدر البنك الواقع فى الواطة بنك الحكومة الوطني
ابقوا يا ناس بنك امدرمان قدر الكلام ده وانستروا مع الاخوة فى الجمارك ماتفضحونا

[كلام مهم ومن بيت الكلاوي]

#1003025 [Khalidali]
0.00/5 (0 صوت)

05-14-2014 05:33 AM
المخدرات وينا يازول خلى الكلام الفارغ وأثبت ليوم تلاقى فيه ربك تراه بعيد ولكنه قريب بالحيل .

[Khalidali]

#1002815 [الحقيقة مرة]
5.00/5 (1 صوت)

05-13-2014 09:07 PM
دا هو الشاطرين فيهو الاسلامويين التحصيل والغرف من قوت الغلابة لكن المقابل شنو وين الخدمات الحكومية والبنى التحتية والتعليم والعلاج والامن الغذائي فلا تسالوا عن اشياء ان تبد لكم تسؤكم

[الحقيقة مرة]

#1002793 [الوجع]
0.00/5 (0 صوت)

05-13-2014 08:41 PM
الاهم كمان التحصيل المروري

[الوجع]

#1002695 [ساب البلد]
0.00/5 (0 صوت)

05-13-2014 07:10 PM
************ اخبار شحنة المخدرات شنوووووووووووووووو ؟؟؟ ********

[ساب البلد]

#1002639 [AHMED]
0.00/5 (0 صوت)

05-13-2014 06:10 PM
نتمني من جميع الوحدات الحكومية في الدولة أن يتم تحصيل أيراداتها عن طريق البنوك لتقليل الفساد الناتج من التحصيل الدفتري .

[AHMED]

#1002630 [ابن توتيل]
0.00/5 (0 صوت)

05-13-2014 06:01 PM
بكره يقولواليك السستم بايظ والشبكة طاشه عشان يلهطوا قال تحصيل الكتروني قال قوم لف شوف ليك شغله تانية

[ابن توتيل]

#1002607 [كيس الموز التحت السرير]
0.00/5 (0 صوت)

05-13-2014 05:49 PM
عشان تعرفوا انكم بلد متخلفه . الان عاوزين تعملوا تحصيل الكترونى ؟ الناس انكوت من ناس الجمارك ديل ؟ اى شيى يدخل البلد حتى ولو استعمال شخص هم بكونوا واقفين للواحد فى حلقو. ارجع للتحصيل الالكترونى ده المفروض اكون من زمان موجود ؟ برغم التحصيل الهائل من العملات الصعبه ؟ النقطه المهمه التحصيل الالكترونى حا الغى كثير من الوظائف المحاسب والكاتب والشيى اللذيذ قصة ماعندنا فكه ؟ولو عندك باقى دولارات حاتضطر تفتح ليها واكون استفاد منها الموظف الموجود ؟ ده موجود ومشاهد وبالادله القاطعه .

[كيس الموز التحت السرير]

#1002590 [ابوبكر]
5.00/5 (1 صوت)

05-13-2014 05:41 PM
قيامتنا قامت .. تاني يقولو ليك .. الشبكة واقعة والمهندس مافيش ، تعال بكرة .. تحي بكرة من الصباح .. يقولوا ليك المهندس لسة ما وصل ، تعال نهاية اليوم .. تجي نهاية اليوم يقولوا ليك المهندس وصل لكن لسة شغال عليها تعال بكرة .. بالطريقة دي اسبوع .. بعد ما تزهج وتقفل معاك .. تحكي القصة للشباب المعاك . .يقولو ليك ياخينا الشبكة شغالة لكن هم قاصدين ما يعملو الاجراءات .. جاتهم اوامر يوقفو الشغل وبقولو للناس الشبكة واقعة .. تضطر تفتش واسطة .. تلقة الواسطة يقول ليك تمشي لي فلان تدقع ليهو مبلغ يكون اكتر من قروش المعاملة بي كتير .. فلان دا الحتديهو القروش كاش .. حيشيل حقو ويتم ليك الاجراء ويقول ليك لمن الشبكة ترجع انا حادقع ليك لكن انت كدا اجراءك انتهى .. وباب جديد يفتح

[ابوبكر]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة