الأخبار
أخبار إقليمية
ترتيبات لإنشاء مستشفى تخصصي بالخرطوم بالإستفادة من الأطباء السودانيين بالخارج
ترتيبات لإنشاء مستشفى تخصصي بالخرطوم بالإستفادة من الأطباء السودانيين بالخارج
ترتيبات لإنشاء مستشفى تخصصي بالخرطوم بالإستفادة من الأطباء السودانيين بالخارج


05-15-2014 10:20 PM


الخرطوم (سونا)- كشف السفير حاج ماجد سوار، الأمين العام لجهاز تنظيم شئون السودانيين بالخارج عن ترتيبات لإنشاء مستشفى تخصصي بالخرطوم للإستفادة من الأطباء السودانيين بالخارج ، وذلك بالاتفاق مع الاطباء السودانيين بالمملكة المتحدة وايرلندا .
وابان سوار لدى لقائه ادارة شركة prime helth بمكتبه اليوم ، ان المشروع سيرى النور قريباً ، موضحاً مساعي الجهاز لتوفير خدمة التأمين الصحي للسودانيين بالخارج ، داعياً الشركة الى طرح برنامجها للمغتربين ضمن فعاليات الموسم الصيفي الحالي ، وابدى الأمين العام لجهاز المغتربين استعداد الجهاز للتعامل مع الشركة فى مجال التأمين الصحي للعاملين بالجهاز بعد استكمال الدراسات الخاصة بذلك.


تعليقات 12 | إهداء 0 | زيارات 1751

التعليقات
#1005797 [kKambalawi]
1.00/5 (1 صوت)

05-16-2014 10:03 PM
هذه العصابة الحاكمة لها إبداعاتها الخاصة بها, فمن مرحلة غسيل الأموال , إلي مرحلة غسيل الأشخاص.هذا شخص يتطاير الشر من وجهه. مستحيل أن يكون مفيد..his records speak of himself, mass killer, mercenery,

[kKambalawi]

#1005481 [كاكا]
1.00/5 (1 صوت)

05-16-2014 11:29 AM
لانجاح المشروع وضمان مساهمة المغتربين الغاء فكرة جمع المال من المغتربين اولا قبل البدء في المشروع لانو الثقة مفقودة ولايلدغ المرء من جحر الحرامية 10مرات لانجاح المشروع وكسب ثقة المغتربين يتم انشاء المستشفي اولا ثم مخاطبة المغتربين وتنويرهم بمستويات الخدمات التى سيقدمها المستشفي ثم مطالبتهم ببالمساهمة وليس كما حدث في جامعة المغتربين الذين عانينا فيها الكثير لاقناع المغتربين بالمساهمة كان رد من نخاطبه ( انتو حرامية ) ولاتتوقع يا ماجد ان يساهم المغتربين بهذه السهولة في ظل ما ينشر عن فساد اهل الانقاذ

[كاكا]

#1005366 [مالك محمد الحسين]
2.00/5 (3 صوت)

05-16-2014 08:36 AM
علاقة جهاز المغتربين بالمستشفى ووزارة الصحة شنو يا هاج ماجد؟

[مالك محمد الحسين]

ردود على مالك محمد الحسين
[رضوان الصافى] 05-16-2014 11:29 AM
فتح ماسوره جديده للمأكله
الناس دى ما بتشبع ؟؟؟


#1005361 [bent alnil]
3.00/5 (2 صوت)

05-16-2014 08:28 AM
الله ينتقم منكم الناس هاجرت و تركت الأوطان و الأهل و الحبان بحثا عن حياة كريمة بعد ما ضيقتوها عليهم و بعد ده كله برضو عايزين تستفيدوا منهم بطلوا شحدة الرسوم و الجبايات البتاخدها حكومة السجم من المواطنين براها تبني دولة
بكره تعملوا المستشفي و يطلع واحد منكم يقول بنيته من حر مالي ... لصووووص

[bent alnil]

#1005291 [نهبوك يا وطن]
5.00/5 (1 صوت)

05-16-2014 04:07 AM
رد من هيئة الامانة المركزية لصندوق المغتربين المنهوبين. بيان - 1
شوف يا الطيب انحنة مرقنة بعد ما طردتونى بالشلوووت زين ؟؟ وخنقتونة وايد وايد !! وشردتونة شر تشريدة , فانا اقولك شي يا الزول. هدي اعصابك و لا يلدغ السوداني من نفس الكوز مرتين , شوف ليك حنك تاني , و اعتبر نفسك مرفود بعد الانقاذ, اصلا لو جهازكم ده فيو خير يصب دخلو الى (الزراعة, البنبة الحتية و البيئة) على الاقل بدل وزارة مجلس الوزراء الفلكية.
و عساكم من عوادة, ماتتلبش الأسر راجعين و الدولارات جاياكم بالساهل بس كترو من السماسرة و جهزو ربطاط ال 50 لزوم الاستعجال و تسلم يالطيب

[نهبوك يا وطن]

#1005280 [النورس]
5.00/5 (2 صوت)

05-16-2014 03:02 AM
الراجل ده عبيط ولاشنو ؟
السودانيين العاملين بالخارج بيتمتعوا برعاية وعناية طبية في مستشفيات لو بقيت ياحاج ماجد وزير صحة وقعدت في هذا المنصب 1000 سنة ماحاتقدر توفر ليهم ربع الخدمة اللي بلقوها في مستشغيات تلك الدول .
ثم ثانيا حتوفر ليهم الخدمة دي كيف حترسل ليهم مستشفى جوي يجيبهم من ( ضواحي الدنيا ) للخرطوم يتعالجو ويرجعوا ، لأنه لايعقل انك تكون قاصد مستشفى للعلاج في اجازاتهم ، المغتربين ديل انت بس خليهم في حالهم لأنه نقتك الكثيرة عنهم هي البتجيب ليهم المرض وتلحقهم المدينة الرياضية

[النورس]

#1005278 [تمبش]
5.00/5 (1 صوت)

05-16-2014 02:57 AM
أول شيء هل وافق مأمون حميدة علي ذلك ؟
ثانيا دي أكيد ضريبة علي المغتربين سيفرضها عليهم......... يعني هو يفكر والمغتربين يدفعوا بس .

[تمبش]

#1005213 [أبوساطور]
5.00/5 (1 صوت)

05-16-2014 12:31 AM
تشردوهم وتدوهم بالجزمة وتذلوهم وتضيقوها حتي علي البفكر يجي راجع يخدم أهلو وبلدو وتقولو حيجو غيرهم ..
خلوهم في حالم لحدي ربنا يفرجا علي البلد دي وأهلنا التعابا الما لاقين زول يرعاهم لحدي الزمن داك ليهم رب وليهم الصبر والمات والحيموت منهم والحيعاني الأمرين بسببكم وبسبب الزيتونة وبسبب الجوينت والأكسجين والدوا والطبيب المؤهل المافي، شهداء إنشاالله في جنان الخلد .

[أبوساطور]

ردود على أبوساطور
United States [sasa] 05-16-2014 09:36 AM
ياخوى مسؤول من الخير وين سيد الاسم الحاج ساطور نائب عمر البشير والمطلوبة لوكيل النيابة السابق محمد نجيب يامعلقين ماتكونوا ناكرين للجميل وتنسوا اخونا الحاج ساطور يالله همتكم واعرفوا بلدوا وين رجع نيجريا لوكو حرام والله شنو ...اصلوا باع ناس الترابى ثم البشير باعوا ولابد ان يكون رجع لقواعده


#1005175 [ربش]
0.00/5 (0 صوت)

05-15-2014 11:37 PM
ده التفكير الصااااح يا هاج ماجد ... الله ينصر دينك ... من زمان ماقلنا كده تحويل قلعة الجباية وخراب البيوت و النكاية الي مستشفي تخصصي وياريت يكون لعلاج وزراعة الكلي ... لحدي كده نحن معالك ونشد علي أزرك وغير كده يعني مباني جديدة و نصب و إحتيال يادباب يا مكار نحن برا .

[ربش]

#1005163 [سدالنهضه]
0.00/5 (0 صوت)

05-15-2014 11:16 PM
يا ناس الراكوبة عليكم الله الزول ده تاني ما تجيبو ليهو صورة لانو بجيب طمام القروش الفي السودان البنهبو فيها دي ما طفتم عينو طايره علي قروش المغتربيين شوف بلاي بلا خجل عرق رجال عايز ياكلو قبح الله وجهك يا لص يا حرامي

[سدالنهضه]

ردود على سدالنهضه
United States [sasa] 05-16-2014 09:31 AM
ياسد سبقتنى والله يجازيكم ياناس ادارة الراكوبة خيرا لكن تانى مره ماتسولينا وجع البطن والوش بالصورة دى استحلفكم بالله


#1005145 [المشروع]
5.00/5 (2 صوت)

05-15-2014 10:52 PM
بس دي التي فكرت فيها يا الدباب اب قرعة؟ وهي مشكلة البلد مستشفى تخصصي ؟ تخصصي في شنو؟ نحن اوجاعنا كتيرة اولها
مرض النفاق ومن الحكام البائكون عند فقدان السلطة والمنصب والجهاه
مرض الكنز الذين يمتلكون عشرات الاراضي والبيوت والعمارات في العاصمة والمجاهدين والاقاليم
مرض التكبر من الحاكمين الاسلاميين
مرض الظلم من الاقصائيين الميكافيليين
مرض الصالح العام وسببه الجبهة الاسلامية
مرض السلطة والكيزان قابضين على السلطة زي ما قال نافع سوف يسلموها لعيسى عليه السلام .(نسو الله القابض الباسط الخافض الرافع المعز المذل .. وعند نافع تأكيد انه سيسلمها الى عيسى عليه السلام)
عليك الله يا حاج ماجد سوار مستشفى تخصصي عشان تعالجوا منو؟ كبار الاسلاميين اعضاء مجلس شوري الحركة الاسلامية كبار اعضاء المؤتمر الوطني ... انا شبه متأكد - والله يكضب الشينة - ان مثل هذا المستشفى لو قام لن يتعالج فيه الا علية القوم وكبار القوم وكبار اما افراد الشعب فلا يحلموا بالوقوف على بابه .. وستكون الاولية للكيزان وافراد الحركة الاسلامية والمؤتمر الوطني والعاملين فيه من افراد الحركة الاسلامية والمؤتمر الوطني وبقية الشعب الى الجحيم ...
لماذا اقول كل ذلك ؟
لان المؤتمر الوطني والحركة الاسلامية لم تعودنا العدل ولا تعرف هذه الكلمة في قاموسها اطلاقا وكل ما تعرفه هو الظلم..
اود ان اسالك سؤال استاذي سوار؟ في حاكم عاقل في التاريخ يأتي للحكم فيفصل كل الناس بحجة الصالح العام ويعين افراد من حركة واحدة وفصيل واحد ويقول انه اتي من اجل انقاذا البلاد والعباد
هل تفتكر اننا بعد ما حصل في السودان خلال 25 سنة الماضية اننا سنصدق كلمة واحدة مما تقولون.. وان عمائلكم في المؤسسات والشركات والاراضي والتراخيص تفضح الظلم الذي تمارسونه ليل نهار.
ابنوا ما تشاءون من مستشفيات متخصصة وليكن في المجاهدين او الشهيد طه الماحي او المعمورة او يثرب واجعلوه قريبا من الاماكن التي تسكنون فيها وكلوا وتمتعوا ولبقية الشعب المقهور المظلوم ربا يحميه ويقف معه والله يهنئكم بما تفعلون

[المشروع]

ردود على المشروع
European Union [نهبوك يا وطن] 05-16-2014 02:49 AM
انت فعلا مشروع.


#1005142 [محمد ابوزيد]
0.00/5 (0 صوت)

05-15-2014 10:46 PM
اول ما يطلع يتملكو واحد من حكومة الكيزان

[محمد ابوزيد]

ردود على محمد ابوزيد
United States [sasa] 05-16-2014 09:33 AM
هذا المشروع مشروع للسرقة والنصب ولاحتيال واحتمال يكون ملك لضارب البروفسور كف



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة