الأخبار
أخبار إقليمية
الموت على أبواب المستشفيات..مريض دنقلا يموت في شارع الحوادث بسبب الكاش والإهمال !!
الموت على أبواب المستشفيات..مريض دنقلا يموت في شارع الحوادث بسبب الكاش والإهمال !!
الموت على أبواب المستشفيات..مريض دنقلا يموت في شارع الحوادث بسبب الكاش والإهمال !!
مستشفي دنقلا العسكر


05-17-2014 11:27 AM
الخرطوم: حسن بركية
توفي أول أمس بالخرطوم مريض محول من مستشفى دنقلا متنقلاً بين مستشفيات الخرطوم المختلفة، حيث رفضت إدارة مشتشفى الخرطوم إدخال المريض القادم من دنقلا بحجة أن اللوائح لا تسمح بإستقبال الحالات المحولة في قسم المخ والأعصاب وسارت إدارة مستشف إبراهيم مالك على ذات النهج واشترطت قبول الحالة بعد القيام بعمل صورة مقطعية للمخ في المركز التشخيصي في الشارع الحوداث أو إدخاله في مستشفى خاص، ولفظ المريض أنفاسه الأخيرة داخل المركز التشخيصي بالخرطوم بعد أن ظل لأكثر من 10 ساعات داخل سيارة الإسعاف.
وكان المريض الراحل قد تعرض لحادث في دنقلا وأصيب في الرأس وتم تحويله إلي الخرطوم لخطورة الحالة وبذلت أسرته والطبيب المرافق للمريض من دنقلا كل ما يمكن من أجل إسعاف المريض حتى فاضت روحه على أبواب المستشفيات التي رفضت استقباله. وفارق المريض الحياة أمام أنظار أفراد عائلته والتي صدمت من بيروقراطية الإجراءات في مستشفيات العاصمة والتي ظلت " تطالب وتشترط وتتعلل " حتى فارق المصاب الحياة أمام أبواب المستشفى في سيناريو أبكى عائلة المصاب بكل حرقة .

الجريدة


تعليقات 8 | إهداء 0 | زيارات 3821

التعليقات
#1006637 [مسكين]
5.00/5 (1 صوت)

05-17-2014 09:17 PM
...أنا داير أعرف ليه عمر البشير ما عمل عملية الركبة بتاعتو دي في الحوادث زيو وزي باقي الشعب، ليه رويال كير والناس تموت على أبواب المشافي؟

[مسكين]

#1006624 [ودالجزيرة]
4.50/5 (2 صوت)

05-17-2014 09:04 PM
هى حصلت كده

[ودالجزيرة]

#1006547 [اليبي]
5.00/5 (1 صوت)

05-17-2014 06:47 PM
وبعض الناس ينهبو في الذهب ..الله يطلع عينكم يا حرامية يا ملاعين

[اليبي]

#1006465 [ابو حمدي]
5.00/5 (2 صوت)

05-17-2014 04:51 PM
والي الشمالية مشغول بتوزيع العربات الفارهات باسعار لاتسوي نص القيمة علي الموظفين القدامي والجدد من فاشلي المؤتمر الوطني

اللهم خذ كل فاسد واتني بالقوي الامين

[ابو حمدي]

#1006414 [ود كركوج]
4.00/5 (2 صوت)

05-17-2014 03:54 PM
في الوقت الذي تعالج فيه كبار موظفيها واسرهم في الخارج مكافآة لهم علي فسادهم وعدم عملهم لصالح الوطن. بس اقعدو انتو السودانيين نظرو وتابعو هلال مريخ واخر الموبايلات وعقبال ماكلكم تلحقو مصير المرحوم الذي نسال له الله الرحمة والمغفرة.

[ود كركوج]

#1006262 [ساره أحمد]
5.00/5 (1 صوت)

05-17-2014 01:13 PM
قمة الفوضي والإهمال والتجارة الفاسدة في أرواح الناس
حميدة والخضر وغيرهم...

[ساره أحمد]

#1006206 [صابر مصبر]
5.00/5 (1 صوت)

05-17-2014 12:18 PM
وماهو الفرق بين هذه وتلك فإن مستشفيات العاصمة ايضاً فاقدة لابسط الاجهزة الحديثة وتعيش في فوضة عارمة نسال الله الرحمة والمغفرة له وان يكتبه مع الشهداء والصديقين

[صابر مصبر]

#1006189 [دكترة]
4.93/5 (7 صوت)

05-17-2014 12:06 PM
عادي كل يوم بتحصل

أمشي يا حسن أقيف جنب المستشفى وكل يوم حتكتب حلقة او حلقتين في المسلسل دا

أنا درست طب ولكن تركت المهنة لمن لقيت نفسي عاجز في الحالات الزي دي

وكوركنا ومافي زول اشتغل بينا

[دكترة]

ردود على دكترة
European Union [محروق الحشا] 05-18-2014 01:14 PM
يا دكترة انا طبيب نائب اخصائي بقول ليك ما كان تسيب المهنة و تهرب الشعب دة محتاج لينا و نحن اولادو انا بقول ليك لو كنت لسة ممارس للمهنة العظيمة دي كنت حتلاقي اجر عظيم حتي لو بتعاطفك مع المريض و اجرك علي المولي الكريم...انحنا مرات بنطلع الفي جيوبنا و بنديهو للعيان ما عشان انحنا مرطبين وللا غنيانين لكن لانواحوج مننا و العشرين جنيه او حتي المية جنيه انا ما بتغنيني لكن بالنسبة ليهو بتحل مشكلة...دعوة واحدة من مريض انت ساعدته بتسوي عندي مال الدنيا ....مشكلتنا في السودان انو انحنا ما بنحس ببعض ....

United States [ود الركابي] 05-18-2014 12:16 AM
والله باين عليك فيك الخير بس ما كان مفروض تترك المهنه علشان الحالات الذي دي لانه فيها آجر عظيم .. عارف اهلنا في دنقلا عاوزين ليهم مستشفي ضخم جدأ واولادنا كثيرين جدأ في الاغتراب وممكن بكل سهوله يعملوا ليهم مستشفي استثماري في دنقلا بي اسهم ويكون للمرضي بهامش ربح لكن تقول لي منو كلهم هدفهم بيت في الخرطوم وخلاص .... الله يهدي الجميع .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة