الأخبار
أخبار إقليمية
ابراهيم بقال : ابن الوزير ومجموعته لاحقونى بعربة مظللة وضربوني وسرقوا أموالي
ابراهيم بقال : ابن الوزير ومجموعته لاحقونى بعربة مظللة وضربوني وسرقوا أموالي
 ابراهيم بقال : ابن الوزير ومجموعته لاحقونى بعربة مظللة وضربوني وسرقوا أموالي


القصة الكاملة للاعتداء على الصحفي على يد ابن أحد الوزراء
05-17-2014 09:26 PM

إبراهيم سراج بقال صحفي شاب تعرض خلال الأيام الفائتة إلى حادثة اعتداء بأم درمان على يد مجموعة من الشبان يتزعمهم ابن وزير الثروة الحيوانية باحدى ولايات دارفور، نتابع في الحوار التالي تفاصيل الاعتداء فالى المضابط .

الزميل بقال.. أروِ لنا كيف وقع الاعتداء عليك؟
قال: بتاريخ السابع من فبراير ٢٠١٤ م حوالى الساعة ١٢ مساءً تعرضت لحادث مخطط ومدبر له بدقة بالشارع الرئيس المؤدي الى ام درمان الصالحة وبالتحديد جوار محطة الوقود طلمبة (النيل) بحي الجامعة الإسلامية وكنت اقود عربة كيلك حيث اعترض طريقي اشخاص يستقلون عربة اكسنت مظللة وهم كانوا يتابعونني بدقة ولم اكن أعلم وشعرت ان هناك من يتابعنى في الطريق ويترصد ويرسل تقاريره بتحركاتي مروراً بشارع الفتيحاب المؤدي الى الصالحة امدرمان، فقاموا باستيقافي عند شارع الصالحة بأم درمان وانزلونى من العربة وضربوني وسلبوا مقتنياتي
من هم وماذا حدث بعد ذلك؟
قال: فتحوا الأبواب الاربعة للعربة التي كنت استقلها وانهالوا عليَّ ضرباً وكان تركيزهم في الضرب في الرأس والعين حتى لا احفظ اشكالهم او اعرفهم حاولت مقاومتهم بمسدسي عيار ٧،٦٢ بالرقم ( ٤٣٠٠١٥٤٠ ) وهو مرخص قانوناً من الادارة العامة للمباحث والتحقيقات الجنائية ولكني لم افلح لانهم اغلبية ومقاومتهم صعبة فقاموا بضربي ونزع المسدس ونهب كل ما بداخل العربة (جهاز ايباد ابل s4 ) وهاتفي المحمول سامسونج جيرانج، ومبلغ مالي ثلاث آلاف جنيه كانت بدرج العربة، ثلاث لبسات بدل سفاري، ومستندات كانت بطبلون العربة وفروا هاربين وعلمت انه ابن وزير الثروة الحيوانية بإحدى ولايات دارفور وفروا بعربته وتركوني والدم يسيل وكنت فاقدًا الوعي تماماً وفي اعتقادهم وظنهم انني قد فارقت الحياة
ومن انقذك من الموت؟
انقذني صاحب حافلة يحمل ركابًا كان يسير بالطريق العام توقف ومعه الركاب فاتصلوا بشرطة النجدة التي وصلت الى مكان الحادث في اقل من عشر دقائق وقاموا بتمشيط سريع للمنطقة الا ان الجناة فروا هاربين ونُقلت الى المستشفى وخضعت للعلاج.
اروِ لنا ما تم فى قسم الشرطة؟
نقلت الى اقرب قسم شرطة (شرطة ابو سعد) ودونت بلاغًا جنائيًا بالرقم ٤٧٩ تحت المادة ١٧٥ نهب وبموجب اورنيك ٨ جنائي تحت المادة ١٣٩ اذى جسيم وبعد التحريات تم تشكيل فريق للتحري للبحث والقبض على الجناة وخصوصاً أن مثل هذه الجرائم تُعتبر من الجرائم الدخيلة على البلاد والحديثة من نوعها بالخرطوم وفي الشارع العام؟؟ وبعد ثلاثة أشهر من وقوع الجريمة تم القبض على عشرة اشخاص واطلق سراح ثمانية منهم وأُبقي على شخصين بتاريخ ٢٤/ ٤ بمنطقة المهندسين بالقرب من مطعم شهير وبعد ايام تم القبض على متهم آخر بتاريخ ٤/ ٥ بالقرب من مستشفى نورين بالمهندسين ويدعى (ح) واتضح انه نجل وزير الثروة الحيوانية بإحدى ولايات دارفور
متى تم القبض على المتهمين؟
قال: تم القبض على المتهم ابن الوزير ومعه متهم آخر بتاريخ ٨/ ٥ بالقرب من مكتب المباحث الجنائية، وبالتحري معهم بعضهم اقر بارتكابهم الجريمة وسجل اعترافات مدونة بمحضر البلاغ وبعضهم أنكر وآخر حاول الإنكار ولكن الاعتراف سيد الأدلة تم ضبط العربة المستخدمة والمستقلة في ارتكاب الجريمة باعتراف صاحب العربة (نجل وزير الثروة الحيوان بإحدى ولايات دارفور) وتم حجز العربة كمعروضات في البلاغ وبعد التحري مع المتهمين الذين قضوا فترات ما بين ١٧ يومًا و٩ أيام و٤ أيام اتضح أن المنهوبات قاموا بتهريبها الى دارفور بواسطة المتهم الهارب (م) على حد قولهم وقالوا إنهم لا يستطيعون إحضار المنهوبات واقروا بنهبها وسيتم نشر المتهم (الهارب) الذي يخفي نفسه بالصحف اليومية كإعلان لمتهم ( هارب ) في غضون الأيام القادمة بعد استصدار قرار وامر بالنشر من وكالة النيابة الاعلى لنيابات ام درمان، احد المتهمين في البلاغ ابن وزير وزير الثروة الحيوانية باحدى ولايات دارفور لاحقاً فور اكتمال الاجراءات وايداع البلاغ امام القاضي والآخرون أيضاً، وكلف الوزير المعني محاميًا للدفاع عن نجله وكل المتهمين في البلاغ وتقدم محامي الوزير بطلب لوكيلة نيابة ابو سعد بالإفراج عن المتهمين بكفالة مالية وضمانة شخص كفؤ يقيم بدائرة الاختصاص وكحق قانوني لأي متهم وافقت النيابة وطلبت مني تقييم المنهوبات وقمت بكتابة رد للنيابة بواسطة محامي بأن المنهوبات تحتوي على معلومات ومواد صحفية في غاية الاهمية ولا اقدرها بثمن مادي وخصوصاً جهاز الايباد والمسدس ولكن وكيلة نيابة ابو سعد استعجلت الأمر ورفضت طلبي المقدم امامها واصدرت امرًا لشرطة المباحث لتقييم المنهوبات وإحضار فواتير بأسرع فرصة من اي مكان وكان في تعليقها نصاً ( احضار فواتير عاجلاً خلال اليوم) ولماذا عاجلاً؟ ولماذا خلال اليوم؟ ولماذا الاستعجال والتسريع في الاجراءات؟؟؟ كلها استفهامات تقدمت بطلب استئناف لقرار وكيلة نيابة ابو سعد الى وكالة النيابة الأعلى لنيابات ام درمان الذي قبل الطلب واصدر امرًا بطلب اوراق البلاغ للنظر في الاستئناف مع توجيه مكتوب بإبقاء المتهمين بالحراسة وتجديد الحبس لهم ولكن اثناء احضار الأمر تم الإفراج عن المتهمين بدفع كفالة مالية قدرها ستة عشر ألفًا وتسعمائة وخمسة واربعين جنيهاً ونحن في انتظار قرار النيابة الاعلى بإعادة القبض على المتهمين واحالة اوراق البلاغ للمحكمة للفصل في القضية.
هناك عدة محاولات وتدخلات اهلية وسياسية للاثناء والعدول عن قرار الذهاب للمحكمة ولكن مع احترامي لأي تفاوض او تنازل عن هذه القضية والقانون يجري مجراه.

الصيحة


تعليقات 34 | إهداء 0 | زيارات 17439

التعليقات
#1008371 [مريود]
0.00/5 (0 صوت)

05-19-2014 08:17 AM
شوف الكلام دا !!

( ابن وزير ثروة حيوانية يرتكب جريمة في أم درمان )

في الوزراء وزير ثروة حيوانية ؟؟؟؟؟؟؟؟؟

يعني الثور أحسن .

[مريود]

#1008060 [نص صديري]
5.00/5 (1 صوت)

05-18-2014 10:02 PM
*عربية بالشيئ الفلاني
*مسدس عيار ٧،٦٢
*جهاز ايباد ابل s4
*هاتف محمول سامسونج جيرانج
* ثلاث آلاف جنيه كانت بدرج العربة
*ثلاث لبسات بدل سفاري،

دحين يابقال دي عربية دي ولا فترينة معروضات؟
بتشتغل شنو انت ياللخو؟اوع تقول صحفي لانو دي فضيحة؟ وكمان قال مسدس مرخص؟ انت قايل نفسك في تكساس؟ كويس اشتريت المسدس ده من وين؟ هل هنالك جهة مرخصة لبيع الاسلحة في السودان الان؟
عبثكم البتعملوا فيه في دارفور ده نهب وقطع وضرب ماتنقلوا لينا في ام درمان نحنا صبرنا ضاق ليكم منكم ومن جنجويدكم داهية تاخدكم
فعلا البلد بقت مطلوقة

[نص صديري]

#1007704 [سارة]
5.00/5 (2 صوت)

05-18-2014 04:34 PM
ما بتخجل صحفي و شايل مسدسد و3 مليون و ايباد و 3 بدل سفارى ده بلتها من وين ؟؟؟ لانك اصلا انتهازي و شغال ما بين الحكومة و الحركات و بتستزق من اسم الصحافة، عشان كده فضحته رقبتك.
صحفي قال قوم لف

[سارة]

#1007703 [SUDAN-JIN]
0.00/5 (0 صوت)

05-18-2014 04:33 PM
سلاح للزينة:

ان السلاح جميع الناس تحمله وليس كل ذوات المخلب السبع

[SUDAN-JIN]

#1007566 [النفاج]
5.00/5 (2 صوت)

05-18-2014 02:54 PM
يا صحفي يا لذيذ :
المسدس دا شكلك جايبو تشغل بيه الMP3 بتاع الكلك

[النفاج]

#1007520 [صدام صدقو]
0.00/5 (0 صوت)

05-18-2014 02:19 PM
لا ادافع عنك يا ابراهيم ومن حقك تحمل سلاح طالما هو مرخص قانوناً حسب قولك والمرة دي جانك سليمة وانتبه في الجايات واضرب في المليان واي شخص يعترض طريقك
اضربه طلقة طوالي والكويس انك قبضت علي المجرمين وهم في دار العدالة الان ونهائي ما تتنازل عن حقك القانوني والكثرة مهما كان بتغلب الشجاعة ، ابن الوزير ادم هري بوش وزير الثروة والحيوان بالولاية ومن معه مدفوعين من سيدهم من حكومة الولاية وخلي حكومتهم يجي يحلهم من السجن ، هري بوش تاريخه وسخان من زمن اتهموه بسرقة السكر وجاء في ندوة سياسية وقال الاتي ( الناس تقول ادم هري بوش اكلت السكر ولو اكلت السكر اكل ارطل ارطلين بس ) هذا قوله في ندوه شهيرة بالفاشر وفاكي اولاده للاجرام بأستغلال وكل الناس عارفة عن اجرام اولاد الوزير ادم هري بوش عليك السير في اجراءات البلاغ عشان يعرفو البلد دي فيها قانون ما زي انفلات دارفور ، اعانك الله

[صدام صدقو]

#1007435 [أبوساطور]
5.00/5 (2 صوت)

05-18-2014 01:15 PM
إبراهيم بقال سراج شقيق نصرالدين بقال سراج معتمد الفاشر صاحب ال20 بيت و5 عمارات في درجة أولي وماخفي أعظم

[أبوساطور]

#1007336 [حسن شاش]
5.00/5 (1 صوت)

05-18-2014 12:21 PM
قال سرقو منو (جهاز ايباد ابل s4 )... دا ما سمعنا بيهو قبال كدا

[حسن شاش]

#1007231 [جبل مرة]
0.00/5 (0 صوت)

05-18-2014 11:18 AM
عادى جدا.معطم الصحفيين فى الدنيا يتعرضون للاابتلاءات.ولكنى اخشى ان تكون مجرد نهب مسلح عادى خاصة وانت تمتلك كل هذه الاشياء الثمينة.

[جبل مرة]

#1007126 [الباشق]
5.00/5 (1 صوت)

05-18-2014 10:09 AM
تستاهل يا ابكر الحجات دى جايبا من وين حرااااااااامية فى بعض

[الباشق]

#1007117 [ساهر]
5.00/5 (1 صوت)

05-18-2014 10:02 AM
أنا ضد كبت الرأي وإشاعة قانون (الفجلانتي) (الإيدية)، وتخويف الناس صحفيين أو غيرهم وإرهابهم وإنزالهم قسراً على السير في طرق محددة يريدها هذا أو ذاك.

صراحة ما استوقفنى هو المسدس المرخص، والعدة والأجهزة والسيارة المملوكة لهذا الصحفي الشاب. اللهم لا حسد.
عندما عندما هاجرت من السودان، كنت أشاهد صديقنا الحميم مدير مكتب سونا في إحدى الدول الافريقية، القادم لتوه من إعارته في ذلك البلد الأفريقي وهو يركب الحافلة من حي برى بشكل يومي. كانت كل ألوان الفقر والعوز تلوح من وجهه. بصراحة نحن المغتربين، قاعدين ننفخ في (قربة مقدودة)، لأننا نعلق ونكتب وندافع عن السودان الذي كان في مخيلتنا وهو سودان لم يعد له وجود الآن. يعني صراحة نحن (هُبل)، ومش عارفين ما الذي يجري بالضبط في بلادنا.

لقد تغير كل شيء في البلد إلا نحن.

[ساهر]

#1007105 [ابوهاني]
5.00/5 (3 صوت)

05-18-2014 09:56 AM
هذ الصحفي تابع لجهاز الأمن ما في صحفي عنده ثلاث بدل وايباد ومسدس وثلاثة آلاف جنية هذه فبركة ما علينا شوف ناس غيرنا تكذب عليهم انت شخص منظم في الجهاز .

[ابوهاني]

#1007087 [دارفوري]
0.00/5 (0 صوت)

05-18-2014 09:44 AM
بسبب كتابتك في الصحف يا بقال جاب المشاكل بين موسى هلال وكبر ويا هو ترى الان ما حاصل في
سرف عمرة وما جاورها انعكست سلباً على اهلك الزغاوة والتاما وكبر ما زال في الكرسي

الضربة سمحة فيك

[دارفوري]

#1007076 [صباحكم خير]
0.00/5 (0 صوت)

05-18-2014 09:37 AM
هذه صراعات دارفور نفسها انتقلت الى الخرطوم صراع وهمى ومستمر حول السلطنه والثروة اي سلطنة يمكنكم الوصول اليها دون مشاركة الاخرين وفى النهاية خراب البلاد وخراب فى خراب .

[صباحكم خير]

ردود على صباحكم خير
European Union [نص صديري] 05-18-2014 10:10 PM
وانت يالمدعو (فركتو) قايل العاصمة دي بحر الحمير؟؟ قال"صراعات الاقليم الشمالي المنقولة الى العاصمة"
لم كرورك ده ارجع لعاصمتك

[فركتو] 05-18-2014 05:36 PM
وما تنسى صراعات الاقليم الشمالي المنقولة الى العاصمة بين نافع وقوش وطة ونافع
والبشير وطه والانقلابات الفاشلة بتاعت ضباط رمضان وانقلاب قوش كلها صراعات
وهمية حول السلطة والثروة ازيدك ولا كفاك يا وهم


#1007032 [عماد عثمان - جدة]
5.00/5 (3 صوت)

05-18-2014 08:54 AM
المسدس ده شايلوا لليوم الأسود و للا شنو؟

[عماد عثمان - جدة]

ردود على عماد عثمان - جدة
United States [عادل] 05-18-2014 06:06 PM
ههههههه هو فى يوم اسود من كده

European Union [ودتاج الدين] 05-18-2014 02:23 PM
هههههههههههه
حلوة شايله لليوم الاسود دي والله


#1007008 [محتار فى خلق الله]
5.00/5 (3 صوت)

05-18-2014 08:18 AM
بلد المعجزات/ والمفارقات
بقااااال

يملك عربة+مسدس+ ثلاثة بدل سفارى +++++ وهذا فى لجظة مهاجمته
لالالالازز والله ليس ببقال
وتحت الاكمة بلاوى--
من انت وما انت ولماذا انت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[محتار فى خلق الله]

ردود على محتار فى خلق الله
United States [ود الدلنج] 05-18-2014 11:05 AM
يقال هو اسمه ، وهذا الرجل كما قال الخبر يعمل صحفي ، وأنت تعرف أن الصحافة أصبحت مهنة ملمعين إعلامياً تشوف ليك وزير صاحب مأكلة وتبدأ تلمع فيه ، لأن حكومتنا هايفة تعتمد على ما يكتبه الإعلام عن أشخاص في الأصل مغمورين وتقوم بمحهم المناصب . أنا شخصياً أعرف مذيع في تلفزيون السودان اغتنى من شرف الدين بانقا في منتص التسعينات من تلميعه وأخذ صكوك الأراضي وبيعها ، بالمناسبة أصبحت مهنة الصحفي للمتسلقين أسرع سلم يوصل للغنى مما أدي لدخول عالم الصحافة ناس لا يعرفون أبسيط فنيات صياغة الخبر أو أساليب اللغة بالدرجة التي يكتب فيها الكثيرين كلام الطير في الباقير . عذراً لا أعنى الصحفي صاحب الواقعة بل أعنى اناس معروفون لديكم .

United States [حلم] 05-18-2014 09:44 AM
اسمو بقال وهو صحفي يا محتار اقراء كويس بعدين علق

[البعاجى] 05-18-2014 09:21 AM
اسمو بقال وشغال صحفى يا غبيان


#1006950 [كومبارس]
5.00/5 (2 صوت)

05-18-2014 05:02 AM
وهم كانوا يتابعوننى بالطريق بدقة (ولم اكن اعلم !!) وشعرت ان هناك من (يتابعنى ويترصد ويرسل تقاريره بتحركاتى)
دا صحفي ولا طائرة اواكس!!
بان المنهوبات تحتوى على معلومات ومواد صحفية في غاية الاهمية ولا اقدرها بثمن مادي وخصوصا جهاز الايباد والمسدس
جهاز الايباد عرفنا ممكن, بس المسدس شنو المعلومات الفيه!!

[كومبارس]

#1006890 [osmanaboali]
5.00/5 (1 صوت)

05-18-2014 02:20 AM
نسيت تقول الدافع شنو؟قاصدنك انت ولا كل الصحفيين

[osmanaboali]

#1006878 [kh]
5.00/5 (2 صوت)

05-18-2014 01:58 AM
القضاة مرتشيين و مستحيل في القضيه دي اتحكم لصالحك

[kh]

#1006875 [قوز دونقو]
5.00/5 (2 صوت)

05-18-2014 01:51 AM
إبراهيم بقال له سجالات مع والي شمال دارفور (كبر) وأكيد أبن الوالي عايز ينتقم لوالده من البقال

[قوز دونقو]

ردود على قوز دونقو
European Union [aboahmed] 05-18-2014 08:26 AM
الراجل بيقول ابن وزير وانت تقول ابن الوالى ؟بعدين ارجع للارشيف وشوف الراجل بيقول فى كبر شنو ؟ما بعد الانتخابات وفى ايامه وبعدين بيقول هناك وساطات وتدخلات اهلية يعنى لازم يسمها؟


#1006845 [ساب البلد]
5.00/5 (1 صوت)

05-18-2014 01:07 AM
حسبنا الله ونعم الوكيل
الاوضاع ستنفجر
السودان سيكون الخاسر
اتقوا الله في شعبكم ولاتنخدعو الحياة قصيرة
وتذكرو بان السلطان لايدوم وعذاب القبر
ابعدو الشباب من كل هذا

[ساب البلد]

#1006826 [سوداني انا]
4.75/5 (5 صوت)

05-18-2014 12:37 AM
اسه انت متأكد انك صحفي ؟

في زول يشيل مسدس و 3 مليون و بدل و ايباد و سامسونج قراند ....ووو
ويبقي صحفي ؟؟

طيب ..

[سوداني انا]

ردود على سوداني انا
European Union [كاكا] 05-18-2014 08:16 AM
وكمان راكب كيلك !!!


#1006785 [شنب الدود]
4.25/5 (4 صوت)

05-18-2014 12:00 AM
الساعة 12 ليلا وانت لوحدك ومسدسك شايلو ليه وكت ماقادر تعمل به حاجه انت ظان السلاح بخوف الرجاله ولاشنو قال دقوني قال قدر الفيل وسلاحك من الخوف ما قدرت تستعملو وقال عندي مسدس شوف الخواف دي بلله مسدس ببق لك قلب يا ابوقلب كبير والله لو دا زول اخر كان تاني امهاتهم الا يلدن غيرهم.

[شنب الدود]

#1006783 [أبو محمود]
2.00/5 (2 صوت)

05-17-2014 11:58 PM
يا بقال كفارة ونسأل الله لك السلامة وأن ينصفك بإثبات الحق .. ياود ما قلنا ليك زمان سيب العناد ودارى شمعتك تقييد وأمشي جمب الحيط ..وتقول العرب الخطئ الرأس بطبب ولكن حسب أقوال الجماعة ديل قاصدين الرأس الحكاية شنو ماذا فعلت لهم ؟ وعيز تكتب شنو عنهم ؟ وشنو حكاية المسدس والثلاثه الف جنيه والبدل السفاري الثلاثه هى عربية ولا دولاب ملابس ؟ عزيزى لقد مد لك الأخوة في شمال دارفور حبل الصبر طويلا وكتبت ما هو صحيح وما هو غير صحيح وتماديت في كيل التهم عن حكومة ولاية شمال دارفور حتي عمك معتمد الفاشر لم يسلم كتاباتك ولكنه كرام ومسامحين وينظرون إليك بأنك ولد متهور وطايش ومندفع للشهرة في مجالك ورغم ما تكتب عنهم كانوا يدافعون عنك من كبر إلي آخر شخص بحكومة شمال دارفور والحمد لله جات من غيرهم نسأل الله ما يكون الجماعة ديل هم الذين كانوا يحرضونك ضد أهلك والحكومة المركزية التي تحاول النيل منها عبر حكومة ولاية شمال دارفور .. يبدو انهم يا بقال ما قاصدين سرقت الإيباد والجلاكسي ولا البدل السفاري ولا الثلاثة ألف ولا العربيه وانت شاب بتحب البهرجه وصنفرة الوجه وكما تقول كان الضرب في الرأس والوجه والعيون حكايتك مع أبن الوزير دا شنو ؟ ما تحاول تعمل منها موضوع سياسي وبطولات جيبه من الآخر وخلي الناس يعملوا راكوبة وتنتهي المسألة داخل البيت بلاش نشر الغسيل أمام الآخرين وفي مثل دارفورى بقول دبرت .... بفتشو في ... بيت

[أبو محمود]

#1006770 [nagatabuzaid]
0.00/5 (0 صوت)

05-17-2014 11:44 PM
غايتوا انا كان مكان وزير الثروة الحيوانية كنت ساطلب من وكيل النيابة عدم اطلاق سراح ابنى وما بكلف محامى بالدفاع عنه دى عصابة نهب مسلح عدييل مهما كان بينهم وبين الصحفى كان يمكن اللجوء للشرظة والقضاء لكن نقول شنو حكومة بلطجية وزراء بلطجية وولاة بلطجية واولادهم بلطجية و كلوا بلطجية فى بلطجية وده قدرنا يا سودان ان يحكمك بلطجية

[nagatabuzaid]

#1006752 [ساب البلد]
1.00/5 (1 صوت)

05-17-2014 11:32 PM
************ التحية للصحفي بقال ******** لقد عهدناك منافحا للحق شجاعا ******* خذ حقك القانوني كاملا ولا تاخذك بهم رأفة ولا شفقة ****** هذه تصفية حسابات و اشك ان الوالي كبر و جهاز الامن وراء هذه العملية القذرة ******** لقد قراءت الكثير من المقالات للاخ بقال يفضح فيها فساد الوالي كبر و حكومته ******

[ساب البلد]

#1006741 [أي زول]
2.50/5 (2 صوت)

05-17-2014 11:19 PM
شكلك حرامي غسيل ما صحفي ولا حاجة البدل مسروقة والقروش مسروقة المسدس للسرقة

[أي زول]

#1006733 [Ahmed]
3.00/5 (2 صوت)

05-17-2014 11:14 PM
ده صحفي و لا امنجي، 3 مليون و أيباد أببل سعره 3 مليون، و موبايل سامسونج, وعربية كلك،وكمان 3 بدل سفاري، يا خوي انت شغال في الامن و لا شنو،لكن برضه الضرب في الشارع بدل على غياب القانون, و يقيني لو جه البوليس ما بقدر يمسكهم أو يحتجزهم

[Ahmed]

#1006724 [ايهاب احمد علي]
4.00/5 (1 صوت)

05-17-2014 11:06 PM
بييييييييييييييييييييييييييييييييييي مسدسك دقوك ونهبوك ؟؟؟؟؟؟؟

تستاهل

[ايهاب احمد علي]

#1006709 [سليمان. ابوايوب]
0.00/5 (0 صوت)

05-17-2014 10:55 PM
المدعو الانصاري انت مرعوب؟؟؟
يعني عايز تقول شنو يا.....
عينك في والي واعوانو تطعن في بقال المنهوب من جمعتك؟ والله خبر..

[سليمان. ابوايوب]

#1006703 [القمحان]
0.00/5 (0 صوت)

05-17-2014 10:45 PM
اقول ليك كفارة يا ابراهيم بقال .المرة دى جات سليمة والجاتك فى مالك سامجتك كما يقول المثل ولكن تانى اوعك تلعب فى عُش الدبابير .فهمت ؟

[القمحان]

#1006683 [آدم القوي]
0.00/5 (0 صوت)

05-17-2014 10:26 PM
الدارفورين فقلوا جرائمهم في بعضهم البعض من وادي هور الي الخرطوم .

[آدم القوي]

ردود على آدم القوي
[فركتو] 05-18-2014 10:35 PM
ةما تنسى جرائم الشماليين المنقولة الى العاصمة من شندى ومروى والمتمة
عارف ولا لا

European Union [آدم القوي] 05-18-2014 01:39 AM
نقلوا


#1006661 [أنصاري]
4.50/5 (5 صوت)

05-17-2014 09:55 PM
صحفي ويحمل (مسدس) كامل الأوصاف ؟؟ وهدم الشغل بدل سفاري .. ومبالغ مالية .. في العربية دة صحفي
ولا تاجر مواشي ..!!

[أنصاري]

ردود على أنصاري
European Union [أنصاري] 05-18-2014 01:29 PM
إلي [isic]


"إنت جيعان ساي والصحفي ماله من حقه إمتلاك أربجي إذا سلطة المباحث سمحت له."

_ كيف ما أجوع إذا كان زولك (لابع) الثمينة والشيء كلوا ..! " ما جاع فقير إلا من تخمت سارق" وفساد مسوؤل ولا شنو يا مان..!!؟

- الصحفي الذي يلجأ لسلطة المباحث لترخيص سلاح..!! عليه أن يبحث عن مهنة أخرى ..الصحفي يحميه
ضميره ومصداقيته وليس بندقيته .. شفت صاحبك بمسدسه (إتلعب) .. وإنجلد وإتقلع منو كمان يا مان..!!؟؟

زولك دة أمنجي عديل ودخل عش الدبابير .. ولعب الكبار..!! وصراع الجلابه .. (ورموا بايظ)..وإنتهت
مهمته كورقة توليت..

سلاما سلام..

United States [isic] 05-17-2014 11:11 PM
إنت جيعان ساي والصحفي ماله من حقه إمتلاك أربجي إذا سلطة المباحث سمحت له.


#1006658 [اكتوبرى]
0.00/5 (0 صوت)

05-17-2014 09:52 PM
والله ايام يا زمان- عيش كتير تشوف كتير فى زمن ال كووز

[اكتوبرى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة