الأخبار
أخبار إقليمية
بيان من الصحفيين والصحفيات المعتدى عليهم بدار حزب الامة
بيان من الصحفيين والصحفيات المعتدى عليهم بدار حزب الامة
بيان من الصحفيين والصحفيات المعتدى عليهم بدار حزب الامة


05-18-2014 07:48 PM
بسم الله الرحمن الرحيم
بيان هام
الزملاء والزميلات
منظمات المجتمع المدنى
جماهير الشعب السودانى
السلام عليكم ورحمة الله تعالى وبركاته
ونحن اذ نحييكم وجب علينا اطلاعكم على حقائق هامة بالنسبة للوسط الصحفى تتعلق باحترام الاعلاميين ووسائل الاعلام ، اذ انه وخلال تغطية عدد كبير من الصحفيين والصحفيات لوقائع المؤتمر الصحفى للامين العام لحزب الامة بدار الحزب بام درمان ظهر اليوم 18 مايو 2014م كعادتهم فى الاهتمام بالقضايا التى تتعلق بالمواطن والوطن ، تعرض المشاركين فى الفعالية الى اساءات لفظية وجسدية من كوادر الحزب داخل قاعة المؤتمر الصحفى بدات بمقاطعة الصحفيين والصحفيات اثناء تقديم الاسئلة والمطالبة لهم بالتدرب اولا ثم المشاركة فى المؤتمرات ثم وصفهم بغير المحترمين واتهامهم بالتبعية لجهاز الامن والمؤتمر الوطنى بالاضافة الى سب العقيدة و المطالبة بقطع راس احد الزملاء بعد الاشتباك معه وقطع ازار فميصه وتاليب الحضور على الاعتداء على الزملاء والزميلات فى مرأى ومسمع من قيادات الحزب وفى مقدمتها نائب الرئيس اللواء فضل الله برمة والامين العام سارة نقد الله الامر الذى نتج عنه خروج الاعلامين بشكل جماعى عن القاعة قبل انفضاض المؤتمر الصحفى
ونحن اذ نستنكر هذا السلوك بحق الصحفيين والصحفيات لايفوتنا ان نثنى على بعض الكوادر فى الحزب التى عملت جاهدة على احتواء الموقف ، وبناء على ماسبق توافق المعتدى عليهم فى الوسط الصحفى عقب لقاء طارى على المطالب الاتية التى خصوا بها حزب الامة وقيادته

اولا المطالبة باعتذار رسمى من الحزب عن مابدر من كوادره داخل قاعة المؤتمر الصحفى وخارجها

ثانيا محاسبة كل المعتدين على الصحفيين والصحفيات لفظيا وجسديا وتوضيح ذلك للراى العام منعا لتكرار الحادثة

ثالثا كشرط لحضور اى تغطية مستقبلية لحزب الامة وجب على الحزب منع غير المتحدثين فى المنصة من التواجد فى قاعة المؤتمر الصحفى منعا للاحتكاك

ختاما ان الصحفيات والصحفيين المعتدى عليهم يؤكدون انهم يقفون فى مسافة واحدة من كل القوى السياسية وليس لهم اية مواقف مسبقة ضد اى تنظيم ، كما انهم يقفون صفا واحدا ضد اى اعتداء على اي صحفى او مؤسسة اعلامية باى شكل من الاشكال



الصحفيون والصحفيات المعتدى عليهم بدار حزب الامة
18 مايو 2014م


تعليقات 12 | إهداء 0 | زيارات 4609

التعليقات
#1008604 [wronged]
0.00/5 (0 صوت)

05-19-2014 11:08 AM
اذا افترضنا انو كل الصحف الموجودة في السودان هي تبع الانقاذ , بعض الجرائد الما تابعة لها
مقيدة لانها لا تحق لاي صحفي او صحيفة نشر الحقائق والاخبار الحقيقية , الا بعد يتم تعديلها من
قبل امن البشير ثم يتم نشرها , الا بعض الصحفيين الاحرار الذين لهم روح الانسانية
ويكرهون الظلم والانتهاكات هم دائما يقامرون لكي يرفعوا وينشروا للمجتمع كل الاخبار والحقائق
التى يدسوها صحفي النظام الفاسد .
كما تعلمون :
1/ كل القنوات الناقلة للاخبار هي تنشر اكاذيب الانظام الفاسد ولا يحق لاي شخص رفع اخبار غيرها
2/ معظم الصحفيين الذين يحاربون الفساد وينشرون الاخبار والحقائق منهم معتقلين ومنهم
مضحضين من قبل النظام ومنهم مشردين خارج البلاد . انا احي واقدم شكري لكل صحفي غيور لشعبوا ولي بلدو وان شاء الله باقلامكم وكميراتكم سوف تاتى الحرية قريبا
3/ حزب الامة , وحزب الترابي , وحزب نقد , وحزب غازي , كلهم تابعين للانقاذ , واجنداتهم واحدة
لا اخلاف فيها وكل الاحزاب دي ما عندها اي وطنية تجاه شعبها , فقط يتنافسون علي السلطة ومصالحهم
الشخصية , لذلك لا خير فيهم ابدا" .
علي الشعب السودانى ان يحدد موقفوا اما ان يعيش تحت ظل الحرامية والخونة اما ان يثور ويقلع حقوا بيدوا . خيارين لا ثالث لهما .

[wronged]

#1008589 [عاصم البشير]
0.00/5 (0 صوت)

05-19-2014 10:54 AM
انتو صحافى النظام وصحفه المدعومة من جهاز الامن ما ذا تتوقعوا ان يفعل بكم انصار حزب تسيئوا اليه يوميا وتمجدوا من هو مرتكب لمجازر فى دارفور والنيل الازرق هل تريدوهم ان يكرموكم تبا لكم ومن يسمع لكم ابحثوا عن حقوقكم داخل اروقة النظام الذى تسبحوا بحمده وتتجاهلوا مخازى النظام

[عاصم البشير]

#1008226 [بعانخي]
0.00/5 (0 صوت)

05-19-2014 01:17 AM
يا صحفييين نضفوا نفسكم ... انتو فعلا بينكم رمم امنجية

[بعانخي]

#1008224 [DAFURI]
5.00/5 (1 صوت)

05-19-2014 01:17 AM
تبعية لجهاز الأمن بلا خجلة هسع في اكتر منكم تابع لجهاز الأمن ؟؟؟؟ سيدي بشري ده شغال وين؟؟

[DAFURI]

#1008212 [العارف عزه]
5.00/5 (1 صوت)

05-19-2014 01:05 AM
لكن انتوا ما صحفيين انتو رجال امن ولو اساسا فى صحافة..ما كان انتو بقيتوا صحفيين

.. فى السودانومافى صحافة حرة ما كل الصحف تتبع لحزب الحكومة الحاكم تقنعونا كيف انتوا صحفيين والصحفيين الحقيقيين ما شايفنهم معكم ومتين بقيتوا صحفيين علشات تحتجوا كمان قال صحفيين قال اعملوا ليكم كرامة اولا وحرروا نقابتكم من السياسة وصحفكم من الحزب الحاكم علشان نعتبركم صحفيين ونحترمكم ...

[العارف عزه]

#1008208 [jac]
0.00/5 (0 صوت)

05-19-2014 01:00 AM
ديل ما عندهم اى فهم ناس اخره ساى وخايف يطلعو ساى لا دنيا لا اخره العياذ بالله وانا بحترم حراميه الوطنى اكتر منهم على الاقل فكرو فى روحهم وسرقو . المشكله الزول الما بيفهم ما عندو طعلاج

[jac]

#1008091 [nagatabuzaid]
0.00/5 (0 صوت)

05-18-2014 10:34 PM
احمدوا الله الما طاردوكم بالحراب والسكاكين اعملوا ليكم كرامة . وفضل الله برمة شنوا ؟

[nagatabuzaid]

#1008043 [مصباح]
0.00/5 (0 صوت)

05-18-2014 09:45 PM
1. تستاهلوا.. إنتو ماعارفين نوع ديمقراطيتهم " الباب يفوت جمل" التي قالها كبيرهم الذي علمهم الهرج والطغيان!؟
2.أرسلوا بيانكم هذا إلى مايسمون أنفسهم بالمحامين الأحرار، أو الذين تحلقوا حول الرجل أثناء الإستدعاء، لنرى ماذا يقولون أولاً، وليعرفوا إنهم يدافعون عن رئيس قطاع قام وربى أتباعه على التشتج والغوغائية والسلوك الهمجي.
3. من فضلكم أنشروا أسماء الصحفيين والصحفيات، فأنتم يفترض أول من يطبق الشفافية ويملك الحقائق للناس، شكراً

[مصباح]

#1008001 [أنصاري]
0.00/5 (0 صوت)

05-18-2014 09:01 PM
أولاً: الإعتداء على الصحفين مرفوض ...أي كان المبرر بالرغم من أن جهاز الأمن يمتلك صحف مش صحفيين

منتسبين له فحسب ...!!

ثانياً: نريد معرفة أسماء الصحفيين المدعين بالإعتداء عليهم بدار حزب الامة القومي ..

[أنصاري]

#1007997 [ادروب الهداب]
0.00/5 (0 صوت)

05-18-2014 09:00 PM
يااخونا الصحفين خلي عندكم كرامة ده حزب رمه خليكم متكاتفين وﻻ تجيبوا سيرة هذا الحزب اطﻻقا اعتقد هذا هو الجزاء من جنس العمل

[ادروب الهداب]

ردود على ادروب الهداب
European Union [الوطن العزيز] 05-19-2014 12:07 AM
بالله يا ادروب دا منطق لانسان يسعى للدمقراطية ليها حق الحكومة تقعد فوق نغسكم كلمة رمه دى ما حضارية وتدل على جهل قائلها


#1007976 [الحقيقة مرة]
5.00/5 (2 صوت)

05-18-2014 08:42 PM
العب درق سيدو بسب الدين عشان سيدو اديهو شبر في الجنة ديل كانو يوم بعملو حاجات اسواء بفضلات اسيادم ما عايزين نقرف الشعب اكتر من كدا المهم الملاحظ على الدراويش انهم ما عندهم اي نشاط نضالي او سياسي غير انهم ادافعو عن مخازي اللمام حقهم وتمثيلياتو السمجة والمواقف البايخة البخت روحو فيها حتى على المستوى الفكري كل المساهمات والادبيات تقريبا تنسب للصادق واولادو وكل الباقين مجرد كومبارس ورتوش وترتر للعائلة المالكة لانو حزب اللمة كمؤسسة ما المفروض تسجل عند مسجل الاحزاب بل في وزارة التجارة

[الحقيقة مرة]

ردود على الحقيقة مرة
European Union [الوطن العزيز] 05-19-2014 12:09 AM
كاك كاك كرررررررررررر


#1007963 [abood]
0.00/5 (0 صوت)

05-18-2014 08:24 PM
دا جزء من المسرحية السمجة بتاعت الاعتقال . هو الامن دا ما قاعد وسطهم وفى بيتهم وحرس شخصى للصادق . امبارح الامن دا ما كان حارسو فى الحلاوين ؟ , ود الصادق ساب خلاص الامن يعنى وبقى يبيع طماطم ؟, يا ناس جرب الامة اللسه مبارين الصادق , افيقو , اصحو , الزول دا موضوعو اولادو وبس , انتو لى متين القصة رايحة ليكم ؟ عشان اولادكم برضو سيبوه , ولا انتو ما عندكم اولاد ؟ جيبو القانون البيساوى بين الناس كلها لبلدكم عشان اولادكم ينعتقو من الصادق واولادو وامثالو من الخلونا عايشين مواطنين درجة تانية العمر كلو , قولو هسة شنو البيخلى اولاد الصادق اولاد سيوير وانتو اولادكم ما عارفين مصيرهم شنو ؟ والتعويضات دى لى متين نحن ندفع فيها ؟ اولادكم لا حضرو الازهرى ولا عيود ولا نميرى ولا غيروا ليه يدفعو تعويضات ؟ هى التعويضات دى فى شنو ؟ الصادق واولادو ديل شنو العملوه لينا عشان يتعوضو ؟ وحاجاتم دا ذاتا اشتغلو ليها شنو ووين عشان يستحقوها ذاتو , يا نا جرب الامة يا كرور اصحو

[abood]

ردود على abood
United States [مصباح] 05-18-2014 11:43 PM
صح لسانك.. حقائق وكلام من دهب ..المقطورات العمياء دي مستعدة بكل سذاجة وجهل أن تعمل اى شئ فداءاً للسيد المخادع وأسرته.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة