الأخبار
أخبار إقليمية
إحالة "ميكانيكي" مرتد بالكلاكلة لمستشفى الأمراض النفسية
إحالة "ميكانيكي" مرتد بالكلاكلة لمستشفى الأمراض النفسية



05-21-2014 11:58 PM

الخرطوم – سماح عثمان
أحالت محكمة جنايات الكلاكلة برئاسة مولانا عمر أبوبكر أمس الأربعاء الميكانيكي المتهم بالردة لمستشفى الأمراض النفسية والعقلية للكشف عن قواه العقلية، بناءً على طلب من محامي دفاعه التمس فيه من المحكمة عرض موكله على لجنة طبية، على خلفية بلاغ تقدمت به لجنة مسجد ذي النورين بمنطقة الكلاكلة للشرطة عن قيام المتهم بوضع ملصقات يسب فيها الرسول (صلى الله عليه وسلم) وتسيئ للعقيدة، ويقوم بالتبشير للمسيحية داخل المسجد في كل جمعة على ثلاث مرات، كما حاول تنصير شاب وجده يقوم بتلاوة القرآن في المسجد، وأنهم أي لجنة المسجد تحفظوا على المنشورات بيد أنه واصل في وضع الملصقات مستغلاً أوقات خلو المسجد ما دفعهم لتدوين بلاغ في مواجهته تحت طائلة المادة (126) من القانون الجنائي في المرة الأخيرة، وكشف الشاكي سكرتير اللجنة بأنه يعرف أسرة المتهم المنحدرة من منطقة وادي حلفا والتي عرفت بالتقوى والصلاح، وكان ابنهم المتهم يقيم بالولايات المتحدة وحاصل على الجنسية الأمريكية، ولديه ورشة ميكانيكا، لكنهم شكّوا في إصابته باضطراب عقلي، وكشف محامي الدفاع في طلبه أن المتهم يبلغ من العمر (46) عاماً وغير متزوج، وكان من المداومين على الصلاة ويؤدي فرائضه عند حضوره للسودان قبل (5) سنوات، ولكن عند عودته في المرة الأخيرة كانت حالته النفسية غير عادية ولا يدرك ما يفعله من تصرفات، وبسؤال المحكمة للمتهم عن ديانته أجاب بأنه مسيحي ولاضطراب إجابته، قررت المحكمة إحالته للكشف بواسطة لجنة طبية نفسية.

اليوم التالي


تعليقات 19 | إهداء 0 | زيارات 3895

التعليقات
#1012757 [bent alnil]
0.00/5 (0 صوت)

05-22-2014 07:40 PM
و الله قصة الحيكومة جننت الناس عديل كده .... الواحد من العليه أخير يعمل مجنون و غائب و المشكلة حتى الجنون في زمنهم اتغير زمان المجنون بعرفوه من شكله تلقاه وسخان و منكوش و بتكلم براه لكن في الزمن ده المجنون بكون نضيف و معطر و لابس كرفته ... اللهم الطف بكل مريض و اشفيه .. و يا مثبت العقل و الدين.

[bent alnil]

#1012734 [Rebel]
0.00/5 (0 صوت)

05-22-2014 07:09 PM
* الحمدلله. المره دى وعوا الدرس و قالوا "امراض عصبيه". كان حصلوه الطبيبه مريم، و "زادوا الطين بله"!!
* يلا..فتشوا على حاجات زى دى على طول، لأنه"الشئ" ده ماشى زايد كل يوم. يعنى قبال ما تشوفوا حل لى مريم الاتورطوا فيها دى، اقوم انط ليكم "ميكانيكى"، و بعده تاجر، و بعده مزارع، و بعده مهندس..و دخلت نمله و اخذت حبه و خرجت... الى ان ينط ليكم حسب الرسول دفع الله ذاتو، لأنه انا شايف هترشته من الصره و لى تحت زادت. و البفوت حده بتقلب ضده. ده كان هو ما "اتقلب" من زمان.
و لا شنو يا جماعه؟

[Rebel]

#1012474 [توصية]
0.00/5 (0 صوت)

05-22-2014 02:47 PM
يادفاع الهلال اعمل حسابك من المرتدات دى اخطر حاجه اليومين ديل

[توصية]

#1012343 [freedomfighter]
0.00/5 (0 صوت)

05-22-2014 12:58 PM
فى السودان وفى راكوبتنا دى اول مرة نسمع
زول كتل امو
بى زول كتل ابوه
زول كتل شقيقه
زول كتل عمو
زول كتل مرتو
زول كتل صاحبو
زول كتل جناهو
طيب الاسلام وين هنا؟
المجتمع كلو مرتدين!
اللهم امتنا مسلمين

[freedomfighter]

#1012332 [مغبون]
0.00/5 (0 صوت)

05-22-2014 12:53 PM
زمن الاندايات ما شفنا الحاصل ده،،عمايل الكيزان كرهت الناس الدين

[مغبون]

#1012286 [طارق]
0.00/5 (0 صوت)

05-22-2014 12:19 PM
زمان الجاهلية عاد في زمن الكيزان

[طارق]

#1012275 [ابومحمد]
1.00/5 (2 صوت)

05-22-2014 12:16 PM
ابحثو عن اسباب الردة لم نسمع من قبل هذه الحكومة ان سودانيا واحدا فكر مجرد تفكير فى الارتداد فلاحول ولاقوة الاباالله العلى العظيم

[ابومحمد]

#1012112 [الشمالية]
0.00/5 (0 صوت)

05-22-2014 10:11 AM
مكنيكي --- ّعشان مهنتو شريفة وحصل معاهو شي ماء على طول مستشفى المجانيين

لكن الوالي وووكيل العدل ووزير العدل السابق وزمرتهم ارتدو على الشريعة والشعب وياهم ديل على عينك ياتاجر وبلا خجل يطلعو في المنابر الاعلامية .


لا خير في لا تاخذ الحق لضعيفها

[الشمالية]

#1012037 [صادميم]
5.00/5 (1 صوت)

05-22-2014 09:27 AM
اشمعنى دا رجِل و ديك كراع فلماذا لم تعرض المتهمة بالردة على طبيب نفسي و تم إقامة حد الردة عليها بالرغم من ان كل القرائن تدل انها تعاني من مشكلة نفسية اذا لم تكن اجتماعية.

[صادميم]

#1011988 [الجوكر]
3.00/5 (3 صوت)

05-22-2014 08:48 AM
ياجماعه الزول دا انا بعرفو ماارتد بس ناس المحليه الكيزان ديل كرهو بالضرايب والزكاه والدمغه والتبرعات لفلسطين قال افضل يرتد بس عشان يدفع الجزيه وبس بدل مايدفع الحاجات ال٤ حاجات ديك الزول دا مفلس بعد مده السودان تندلع فيه الثوره المسحيه

[الجوكر]

#1011892 [أي زول]
5.00/5 (1 صوت)

05-22-2014 05:58 AM
آخر الزمن الرجل يصبح مؤمن ويمسي كافر

[أي زول]

#1011889 [ابو مريم]
5.00/5 (1 صوت)

05-22-2014 05:55 AM
ابو الزفت !!!!!! واحد الله.... أحسبوا معاي عدد الناس التي سوف ترتد الايام القادمة ...... تري ما السبب؟

[ابو مريم]

ردود على ابو مريم
European Union [Hussein Musa] 05-22-2014 12:41 PM
انه عام الردة....احد اثار عام الوثبة...ههههههههههههههههه


#1011849 [ود الركابي]
4.82/5 (5 صوت)

05-22-2014 03:01 AM
كبروا مستشفيات الصحة النفسية لانو بعد شوية حاتلقوا الشعب السوداني كله ارتدا من عمايلكم والله المستعان ..

[ود الركابي]

ردود على ود الركابي
[كتاحة امريكا] 05-22-2014 08:48 AM
نعم ........... نعم ............ نعم


#1011845 [ود الركابي]
0.00/5 (0 صوت)

05-22-2014 02:58 AM
كبروا مستشفيات الصحة النفسية لانه بعد شوية بتلقوا الشعب السوداني كله ارتدا من عمايلكم والله المستعان ..

[ود الركابي]

#1011813 [ساب البلد]
4.75/5 (3 صوت)

05-22-2014 01:58 AM
********** دا كمان ابو مريم ولا شنو ؟؟؟ ***********

[ساب البلد]

#1011808 [الوجع]
3.50/5 (2 صوت)

05-22-2014 01:49 AM
الراجل امريكي والجماعة يخافوا يطبقوا عليه الحد يروحوا مع امات طه لازم يعملوا للدروب(

( فورة الف)امراض نفسية وشوية كدة يرجعوه امريكا ويا دار ما دخلك شر

[الوجع]

#1011790 [المغترب والمشترق كمان]
4.82/5 (5 صوت)

05-22-2014 01:09 AM
تاني بعد مريم!!!!! بس أوع يكون إسمو عيسي.

[المغترب والمشترق كمان]

#1011786 [ِAburishA]
4.88/5 (5 صوت)

05-22-2014 01:03 AM
نسأل اله له الشفاء اذا كان مريضا.. والله ياجماعة الانسان ما بضمن نفسه الا بعد ما يدخل القبر,, نسأل الله العفو والعافية للجميع وحسن الخاتمة.. وارجو ان لا يستعجل القضاء الحكم في مثل هذه القضايا ذات الابعاد الدينية والقانونية الدقيقة..

**** الايام الفاتت تحللات....والايام دي كور مرتدة... نسأل الله السلامة,,,,

[ِAburishA]

#1011762 [ود الامير]
3.82/5 (5 صوت)

05-22-2014 12:37 AM
البلد ضربها فيروس الردة!! نسال الله الستر.

[ود الامير]

ردود على ود الامير
United States [ساب البلد] 05-22-2014 01:05 PM
*********** اعمل حسابك يا (ود الامير) اليومين ديل ما تاكل رغيف فيهو ردة عشان ما تلحق الجماعة ديل خخخخخخخخخخخخخخخ *****



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة