الأخبار
أخبار إقليمية
توقيف سوداني يحاول تهريب “سيدة متزوجة” من السعودية ليرتبط بها في اليمن
توقيف سوداني يحاول تهريب “سيدة متزوجة” من السعودية ليرتبط بها في اليمن
توقيف سوداني يحاول تهريب “سيدة متزوجة” من السعودية ليرتبط بها في اليمن


شاهد صورة
05-22-2014 12:50 AM

استطاعت الجهات الأمنية من توقيف مقيم من الجنسية السودانية حاول تهريب امرأة متزوجة من الرياض بدعوى عقد قرانه عليها باليمن، حيث تم ضبطهما بقطاع العارضة الحدودي.

وقال الناطق الإعلامي لقيادة حرس الحدود بجازان العميد عبدالله بن محفوظ إنه أثناء قيام إحدى الدوريات التابعة لإدارة الأمن بحرس الحدود بواجبها الأمني بجهة قطاع العارضة الحدودي اشتبهت بشخص ترافقه فتاة يسيران بالمنطقة الحدودية.

وأضاف أنه على الفور تم استيقافهما حيث أفادا بأنهما سعوديان وأوردا أسماء سعودية من نفس القبائل القاطنة في منطقة القبض للإفلات من يد حرس الحدود، مشيرا إلى أنه بالتحقيق معهما اتضح أنهما قدما من الرياض عبر النقل الجماعي منتحلين شخصية عائلة سعودية بموجب صورة كرت عائلة صعدا به للنقل الجماعي من الرياض حتى جازان بعد ان سكنا في شقة في الرياض قبل مغادرتهما.

ولفت إلى أنه بعرضهما على نظام البصمة بحرس الحدود اتضح أن الشخص سوداني الجنسية والفتاة من جنسية عربية لا تربطه بها صلة ومتزوجة وزوجها يسكن في الدمام حسب إفادتها فيما أفاد السوداني بأنه كان ينوي الهروب بها الى اليمن للزواج بها هناك.

وبين أنه تم العثور بحوزتهما على جهاز جوال مع الشريحة وصورة من جواز والدي الفتاة، تزامنا مع ورود بلاغ عنهما من قبل شرطة الرياض لوالدها يفيد بخطفها، لافتا إلى أنه سيتم اتخاذ اللازم حيال تسليم الخاطف والفتاة لجهة الاختصاص.

اليوم


تعليقات 64 | إهداء 0 | زيارات 31902

صفحة 1 من 212>
التعليقات
#1599856 [Sudanese]
0.00/5 (0 صوت)

02-16-2017 02:10 AM
ماتشكرونا نحن افسد شعب والدليل علي ذلك حكامنا...
٢٧ عاما والسودان يتقهقر بسرعة...حرامية غش استغلال الدين كذب,ونفاق تدمير م الجزيرة السكة حديد الخطوط الجويةوالنقل النهري فضيحة فطر النخيل و اغتصاب اطفال ووفاة معلمة بوقوعها في حفرة مرحاض ورئس عسكري اكمال ثانوي علي وكلية حربية و... و...
وتشكرلي السودانيين؟؟؟؟؟؟

[Sudanese]

#1537861 [قيردون]
0.00/5 (0 صوت)

10-27-2016 09:58 AM
22/5/2014??!!!!!!!!!! اااناس الراكوبة.

[قيردون]

#1013064 [هباش]
4.13/5 (4 صوت)

05-23-2014 09:31 AM
مالو ما سودانى على الطلاق سودانى من كجويل كرعينو ديل وشنو شابكننا السودانى ما بتزوج مره عندها عيال وووووووووو خلاص نسيتو كلمة انا (مسبت لى خاله )سيبو النفاق بتاعكم ده يا سودانيه

[هباش]

#1013062 [adams]
0.00/5 (0 صوت)

05-23-2014 09:31 AM
الفتاة مغلوبة في امرها فهي مغتصبة و زانية في ان واحد اغلب الظن كان الزواج عنوة ومع ذلك مذنبة

[adams]

#1012838 [ود الدلنج]
0.00/5 (0 صوت)

05-22-2014 09:49 PM
يا جماعة الراجل حبشي مشترى الجواز السوداني من دكان ........عمك .والله سودانيود بلد ما ممكن بأي حال يعمل عملية زي دي .... ولا شنو! . وبعدين الولد ده وليد صغير كما في الصورة

[ود الدلنج]

#1012738 [عزو]
5.00/5 (2 صوت)

05-22-2014 07:11 PM
يا جماعة الخير كيفنكم
السوداني العديييل مو اعوج ممكن اسرق وممكن ازنى لكن بصدق! لكن بتوب هسي فيكم زول مابعرف زول كان بشرب وتاب وكان بتاع نسوان وتاب ،،،كتاار بس ما بعملوها بطريقة الشخصية المتهمة دى.
اذن فالنراجع سودانيته وعلى السفارة ان تتحري فى هكذا خبر لانة بااااايخ جدا
اذا كان هذا الخبر صحيح فكيف له ان يتزوجها وهي فى عصمة رجل؟ اى ديانة تبيح هذا المسلك؟
وعموما المتهم برئ حتى تثبت ادانتة والخبر به فراغات كبيرة .
لكم الاحترام

[عزو]

ردود على عزو
[الدنقلاوي] 05-22-2014 11:05 PM
لو عايز تعرف انو سوداني ولا ما سوداني أفرأ المقال ده ، لسه منشور في الراكوبة
(إغتصاب الأطفال مؤشرات وأرقام تدق أجراس الإنذار.) كاتباهو حنان الطيب
ح تكتشف إنو سوداني من النوع السيئ ... لكن في سودانيين أسوأ منو كتيييييييير
وكما قال بعض الإخوة المعلقين: دعونا من هذه الأوهام حول أنفسنا، فنحن كالآخرين، بل وربما ...


#1012719 [الاصلي]
5.00/5 (5 صوت)

05-22-2014 06:44 PM
والله البقرا التعليقات يقول السودانين ديل صحابه ياخي فكونا والله الحبش اشرف منكم اي زول شابكنا ديل ماسودانين ديل حبش وانتوا احسن من الحبش في شنواواشكالكم تختلف منهم في شنو بس لسانكم طويل خليكم واقعيين اي زول شايل جواز سوداني يبقى سوداني بلا جوازنا رخيص بلا زفت وبعديت تعال قهاوي الحبش 99في المية زبائنهم سودانين ويدفعوا بالتقيل لو محتقرهمحقيقة بتمشوا ليهم ليه بطلوا نفاااق والزةل سوداني بس حبييييب عااااادي ماتعملوها قضية قوميه

[الاصلي]

ردود على الاصلي
United Arab Emirates [سوداننا] 12-29-2016 10:56 AM
كلام صااااااح ,
ياسودانيين خليكم عاديين ذي كل الشعوب وماتخالفوا طبيعة البشر ,
مافي داعي للمكابرةوالسودان فيهو 500 قبيلة مغقولة كلهم ذي بعض الجهل مصيبة!!

في رئيس في الدنيا كلها اعترف بقتل الشعب وهدد بالقتل والتعذيب ,, الدايرنا يطلع لينا ,, حانطلع زيتكم ..



وين سماحة وطيبة السودانيين البتتكلموا عنها ده واحد منكم ورئيسكم !!

United States [مكافح] 05-22-2014 10:30 PM
واللة انت اصلى بحق وحقيقة...نحن عاملين نفسنا كاننا من كوكب اخر ومنذهين عن النقائص وفينا كل السلبات.....واسهل حاجة ان نشكك فى موطنة انسان سودانى فقط لانة ارتكب خطاء..او شارك فى مسابقات


#1012642 [ِAburishA]
0.00/5 (0 صوت)

05-22-2014 05:18 PM
* تعليق الاخ (مالك محمد الحسين).. أكثر تعليق اضحكني..لانه حسم الموضوع تماما بخبرات خارقة..وأتانا بالخبر اليقين.. وقطع قول كل من (يقول) بان (المتهم سوداني)... التعليق هو:

#1012106[مالك محمد الحسين] 5/5 (1 صوت) 05-22-2014 09:09 AM

**(شكل الزول دة وطريقة وقفتو
ما سودانى نهائي نحن سودانييين بنعرف اشكال بعض جيد)*****

* والله ابداع في طريقة وقفتو دي...

[ِAburishA]

ردود على ِAburishA
United Arab Emirates [بلادي بلادي] 12-29-2016 11:07 AM
عاشين وهم كبير ده ماسوداني !!!!! انتو لو أحسن ناس ههههههههه طيب ليه عاملين بوليس ومحاكم وامن وجيش ,,
خلونا من خارج السودان في كم جريمة اغتصاب حصلت خلال السنة الفاتت بس!!
ده غير السرقة الاحتيال والسطو وقطاع الطرق والمتسلطين من الامن والشرطة والمنتحلين الشخصيات ,, ده غير سرقة الحكومة والمسئولين العاوزين يطلعوا زيتكم .

United States [نونا] 05-22-2014 06:45 PM
كلامك صح، و بعدين شوف الشبشب و لا مؤاخذة !! ما في سوداني بطلع بالشكل دا ، دا شكلو من اولاد بمبة


#1012634 [حماية الدين]
0.00/5 (0 صوت)

05-22-2014 05:10 PM
.

[حماية الدين]

#1012629 [شموس البلد]
5.00/5 (1 صوت)

05-22-2014 05:04 PM
صدقت ياالزول الزهجان
والفنانين العايزين كانو يتزوجو في الصافية قولو برضو مزورين جنسيتهم,,,,,,,,,
والاغتصب الطفلة لمن ماتت وحرق قلب اهلها,,,,,,

الانكار ساهل لكن مابغير الحقيقة والحقيقة انو التربية داخل الاسرة السودانية دايرة مراجعة

[شموس البلد]

#1012525 [زول زهجان من الكيزان و العروبة الزائفة]
4.88/5 (6 صوت)

05-22-2014 03:22 PM
الشكك لزومو شنو ي شباب لية م يكون سوداني نحن السودانين معصومين من الخطاء ولا شنو م ياهو عندنا عمك بشة و ابوالعفين واب ريالة زوير الدفاع بالنظر والمنافق الواطي عبدالعاطي الموزع لكل فردي سوداني 1800 دولار شهريا كرتي السكرجي والخال الرئاسي العنصري النتن ومجموعة من الحرامية و سافيكي دماء الشعب الدوساني المغلوب علي امره هل كل هولاء ملائكة سودانين الا هذا الشاب المسكين الارتكب جريمة ليس لها مقارنة البتة مع م ارتكبوه ابناء الحرام هولاء الظريفة في المقال المقولة دي ولفت إلى أنه بعرضهما على نظام البصمة بحرس الحدود اتضح أن الشخص سوداني الجنسية والفتاة من جنسية عربية كتمت سجم امك وحبوبتك ي الخال الرئاسي وكل العنصرين من مدعي العروب في بلدي الحبيب م قولتو عرب عفوا نوب قولتو لي جدكم اسمو من العباس ههههههههههههههههههههههههههههههه العباس العباس ي ناس العباس وفي النهاية انتم فقط مجموعة من حاملي الوهم العربي وليس الا العروبة برئة منكم ك برائة الذئب من دم ابن يعقوب زي م اتبراتو من الشاب المسكين عشان اسمر صاح دا السبب الخلاكم تقولو م سوداني كككككككككككككككككككككككك سواني انا افريقي انا افريقي انا

[زول زهجان من الكيزان و العروبة الزائفة]

ردود على زول زهجان من الكيزان و العروبة الزائفة
United States [ساب البلد] 05-22-2014 07:48 PM
BIG LIKE

[ود الحديد والنار] 05-22-2014 04:32 PM
كلامك كلام عقل يا زول زهجان من الكيزان فعلا دا المشكلة الوهمنا بيها انفسنا من الاستقلال والي الان كتير من العرب السودانين عارفين انفسهم مافي حدي مقتنع بعروبتهم لكن علي قول المثل احمر منك اشدا منك يعني الجماعة يتعنصرو عليهم بهناك وهم يجوا يسدو حقهم فينا الغلابة ديل سبحان الله لا اعتراض في حكمك يارب


#1012516 [بحر]
5.00/5 (1 صوت)

05-22-2014 03:14 PM
وبرضو تفقعوا روسينا بأمانة راعى الغنم فى الخلا ؟؟؟ المشروع الحضارى بوظ الشعب السودانى ومن كل مليون ممكن يطلع منهم واحد نضيف ولا يمكن ما يطلع !! السودانى الأمين دا كان زماااااان قبل الكيزان ،، الأن سرقة اراضى وسرقة أموال وحتى سرقة نسوان ؟؟؟؟

[بحر]

#1012513 [باتمان]
5.00/5 (2 صوت)

05-22-2014 03:13 PM
ده زول باطل بس

[باتمان]

#1012502 [عادل]
0.00/5 (0 صوت)

05-22-2014 03:08 PM
يا شماتة ابله ظاظا فينا

[عادل]

#1012369 [صه يا كنار]
0.00/5 (0 صوت)

05-22-2014 01:17 PM
نرجو من السفارة السودانية التحقق من هذا السوداني هذه سمعة بلد لايمكن التهاون والتراخي فيها
واكد انه ليس سوداني هنا كل من هو اسود يقولك سوداني حسبي الله ونعم الوكيل هذه حملة شعواء على سمعة السودان والسودانيين

[صه يا كنار]

ردود على صه يا كنار
United States [nagi] 05-22-2014 06:43 PM
وين سمعة السودانيين يا سمعة انت ناس ود الحافظ وهبة راستا خلو فيها سمعة

United States [ِAburishA] 05-22-2014 04:53 PM
صه ياكنار.. اسمك حلو لكن تعليقك شين...((هنا كل من هو اسود يقولك سوداني))....
*******طيب الزول ده ما (اسود)...الزول ده (احمر) ود عرب!!! هيع هيع هاااااع...
**سودان جاية من كلمة اسود أو سود... خلي نغيرو بدل (سودان) يكون (بيضان)...
لك التحية..


#1012360 [حسام]
0.00/5 (0 صوت)

05-22-2014 01:11 PM
ومتزوجة وزوجها يسكن في الدمام حسب إفادتها فيما أفاد السوداني بأنه كان ينوي الهروب بها الى اليمن للزواج بها هناك

لافتا إلى أنه سيتم اتخاذ اللازم حيال تسليم الخاطف والفتاة لجهة الاختصاص.

فسروا ديل و الباقى هين
كيف متزوجة وماشى يتزوجة فى اليمن
كيف يكون خاطف و هى ماشة معاهو برضاها

[حسام]

ردود على حسام
United States [خالد] 05-22-2014 03:12 PM
يا استاذ حسام كلام واضح وما محتاج تفسير ...
1/ متزوجه وماشين يتزوجوا في اليمن ( تهريب ) لانهم ماشين يعملوا حاجه غلط
2/ هي مخطوفه حسب كلام اهلها .. اختفت من البيت بدون علمهم اكيد اعتبروها مخطوفه
وبس خلاص


#1012354 [تك وتك وتك]
5.00/5 (13 صوت)

05-22-2014 01:07 PM
والله الشينة منكورة انا مقيم في السعودية لي 15 سنة وبعرف سوداني حق المعرفه وكل السودانيين في المقيمين في المنطقه بعرفوه وعارفين الكلام دا انو هرب السودان ومعاه امراة سعودية متزوجة وجلست معاه في السودان امكن سنتين ورجعت السعودية وهو بعد كم سنه رجع تاني السعودية وقبضوه وحمكوه بالجلد والسجن وكم مرة كنت بتفرج عليه اثناء الجلد ومافي سعودي اتعامل معنا معامله بطاله او عنصرية بسبب هذا الشخص عشان كدا بطلوا الوهم بتاعكم دا والسودانيين زيهم وزي اي انسان فيهم الصالح وفيهم الطالح وماتتدعوا ساي انكم ما بتعملوا الحاجات دي والله انا سوداني وبشوف حاجات والله بخجل ليها وبدل كلامكم دا حاولوا تعرفوا الغلط وتعالجوه احسن من تقعدوا تعلوا الاخطاء في غيركم .

[تك وتك وتك]

ردود على تك وتك وتك
United States [ِAburishA] 05-22-2014 04:44 PM
لك التحية وكلنا بنقول لنعامة المك تك تك وتاني تك.. تعليق موضوعي جدا من (ارض الواقع) وادعمه بتجارب ومواقف لاكثر من ثلاثين عاما في المهاجر رأينا فيها ما يجعل الولدان شيبا.. لكن لما نقول لنعام الملك تكتك...يتهموننا بعدم العزة والكرامة..لك خالص المودة..


#1012349 [yassir baher]
4.00/5 (1 صوت)

05-22-2014 01:01 PM
وا اسفاه على سمعة السودانيين الخربوها الطايشين ديل عربات الافراج المؤقت السكندهاند البيتفخفخو بيها عرفناها كمان جابتلها تشليع الرياض ......

[yassir baher]

ردود على yassir baher
European Union [tarig] 05-22-2014 09:55 PM
انتو يا جماعة ماسطين لينافي سمعة السودانيين اولا السودانيين ما ملائكة ثانيا لو في سوداني غلط ده ما معناه ان كل السودانيين فاسدين


#1012335 [Saleh]
4.50/5 (3 صوت)

05-22-2014 12:55 PM
سلام عليكم ورحمه الله وبركاته

اتحدث كشخص محب للشعب السوداني جدا بحكم اختلاطي بهم وخصوصا اهل الشمال من السودان

من الظلم الحكم على شعب كامل بمجرد ان شخص واحد اخطأا ابدا ابدا هذا معتقد باطل

بالنسبه للقصه سواء كان سوداني الجنسيه او غير سوداني فهو قد اخطأ بحق نفسه وليس بحق شعبه

بعيدا عن التعصب القبلي والتحيز اللا عقلاني انت شعب رائع جدا

محكم صالح من اليمن

[Saleh]

ردود على Saleh
European Union [بحر] 05-22-2014 04:58 PM
يا الأنصارى ،،،
نعم نحن السودانيين لا نحب مثل هذه التفاهات ، طيب ليه ما بتزعل جدا لامن الناس فى بلدك تغتصب النسوان وتخطفهم وتقتلهم ،،، وبعدين السيف السعودى الذى تقول انه أولى به لماذا لا يستخدم فى السودان ؟ تريد أن تقتل هذا الرجل وتظن أن السودان سيعيش عالياً ،،، أبدا ،، فلديكم الكثير من الزناة واللصوص وفاطمة الصادق اكد على ذلك فلا داعى للتحام على هذا السودانى أكثر من اللازم ،، إنتظر حتى تظهر المزيد من الحقائق ...

European Union [الانصاري] 05-22-2014 03:25 PM
شكرا اخي محكم صالح
نحن السودانيين لا نحب مثل هذه التفاهات التي تسيئ لنا كامة وكاسم عشان كدة بنزعل جدا لما يتصرف واحد منا تصرف ارعن زي كدة والسيف اولى به حتى يكون عبرة لمن لا يعتبر وعاش السودان عاليا .


#1012328 [ساب البلد]
5.00/5 (2 صوت)

05-22-2014 12:49 PM
************* يسدها الراعي بهناك *********** يقدوها الجماعة ديل بيجاي ********** محن و الله ********* ما لقيت الا ام العيال دي ؟؟؟ **********

[ساب البلد]

#1012325 [ما هو باين]
5.00/5 (1 صوت)

05-22-2014 12:48 PM
الراجل وعرفتوه ...والمراه سعودية من الجنوب متزوجة من عسكري يعمل بالشرقية

[ما هو باين]

#1012323 [تمبش]
5.00/5 (1 صوت)

05-22-2014 12:46 PM
ياخي كان بحبها للدرجة وعايز يتزوجها علي الاقل ( يملص ) ليها الحذاء بتاعو ده مخليها حفيانة كده والبلاط بارد.

[تمبش]

ردود على تمبش
United States [الأزهري] 05-22-2014 09:57 PM
يا تمبش انت الوحيد الذي لاحظ المنظر دا بس لو دققت هو اللابس شبشب المرة مدياه ليهو وواقفة حفيانة

European Union [الانصاري] 05-22-2014 05:15 PM
تمبش يا تمبش تعليقك حلو شديد والله وبالذات ( يملص ) دي جبتها من وين وتعال هنا عرفناها حافية والغبي دا ما عندو ذوق بس البلاط عرفتوا بارد كيف والا ............... صح اللهم كذب الشينة والشينة منكورة يبدو انك كشوك قبل كدة عشان عارف برودة البلاط يا تمبش


#1012280 [أسمر جميل فتان]
5.00/5 (8 صوت)

05-22-2014 12:17 PM
واضح تماما انو في حملة اعلامية سعودية ضد السودانين!!!
لانو ما ممكن تكتب سوداني الجنسية بكل وضوح وتكتب جنسية عربية اخرى!!! يا اما تكتب الجنسية للطرفين او تخليها للطرفين ولو ما عاوز تكتب جنسية عربية للسوداني!!! اكتب جنسية افريقية يا أخ !!!
وبعدين السوداني ده يعني كل البنات في الدنيا ده ما عاجبنو الأ هذه!!! والله عجائب!!! شنو الحاجة الفيها مميزة البتخليك (تزور+ تنتحل + تدعي + تزني + ....) يا اخي اهه كلهم في الظلام زي بعض!! بعدين معقولة يعني بصماتك مخزنة وتدعي ادعاء كذاب كده!!!


وبعدين السفارة والملحق الاعلامي بتاعهم مفروض يضع حد لمثل هذه التصرفات الاعلامية الغير مسئولة لا سيما انو ذكروا جنسية واخفو جنسية اخري!!!؟
ودمتم

[أسمر جميل فتان]

#1012273 [محمد عبد الرحمن محمد]
5.00/5 (2 صوت)

05-22-2014 12:14 PM
ارجو التحقق من هذا الشخص لاني اقسم بالله بانه ما سوداني ياخوانا تعالوا السعوديه تشوفوا العجب
(الصومالي /الارتري/ الحبشي / التشادي/ النيجري / المهم كل أجناس العالم والله تحمل الجنسيه السودانيه وده كلوا من عهد الصادق المهدي والانقاذ زاد الطين بله هل تصدق ممكن تطلع جنسيه سودانيه وانت قاعد في اي بلد (الدعم السريع )

[محمد عبد الرحمن محمد]

ردود على محمد عبد الرحمن محمد
[سوداني متابع] 05-22-2014 10:35 PM
بعرف خادمة أثيوبية كانت شغالة معانا في السودان, و قبل أيام سمعت انها مغتربة في السعودية شغالة خادمة مع أسرة سودانية و معاها جواز سفر سوداني !!!

[رانيا] 05-22-2014 05:28 PM
الساحرة القبضوها قبل فترة في مكة المكرمة برضه طلعت ماخدة الجنسية السودانية برغم انه الناس كانت بتقول انها ما سودانية .. مريم السعودية الما كانت عارفة ابوها وعرفته على كبر,زوجها السوداني جاب لها جواز سفر سوداني بعدما طلب من قريبة تبنيها وتسجيلها باسمه وده جابوه في برنامج الثامنة والدنيا كلها عرفت هملة الجواز السوداني (مع انها لم تزر السودان).. ما نلوم الا انفسنا!!

European Union [نوارة] 05-22-2014 03:39 PM
مالك يامير زعلت راس الصوت لحقك ولا شنو جواز السفر السوداني من اسهل انواع الجوازات من حيث الحصول عليها فانت مهما يكون اصلك مامعروف ولا من اين اتيت يصير عندك جواز تشتريه بالدولارات فتصير سوداني اب عن جد قبل مدة في المطار رايت رجال خليجيين يلبسون القطرة كما يلبسها اهل عمان والامارات ويحملون الجواز السوداني وفي النهاية عرفنا انهم بدون وليس لديهم هوية فاتوا واخذوها من البلد الهامل الاسمو السودان ثم ثانيا الصادق المهدي في الديمقراطية الاخيرة اتي بناس من تشاد ونيجريا واعطاهم جوازات وصاروا سودانيين وهذا الموضوع معروف وحقيقة والا لما كنت تتحمق وتزعل من هذه الحقيقة فهذا واقع

United States [عباس] 05-22-2014 02:59 PM
كلامك صاح مليون في المية لاني مقيم في جده منذ عشرات السنين وشايفين بلاوي هنا ،، ربنا يصلح الحال !!!!
بالنسبه للاخ امير : معروف بالقانون انه سوداني لكن المقصود بالكلام انهم غير سودانيين ويحملون جوازات سودانية يعني بالعربي كده بلد فوضي وسايبة وبتاعين رشاوي

United States [مدحت الهادي] 05-22-2014 02:13 PM
يا أخي يا محمد عبد الرحمن أنت لا تقسم بالله ولا شيء ولا توجع راسك كل من يحمل جواز ومكتوب في داخل الجواز بأنه يحمله بموجب الجنسية رقم كذا ... فهنا يا أخي تكون أنت ما عندك حق في أيِّ كلام سوى أن تقول الله ينتقم من اللي كان السبب ...
وأنا أحكي لك شيء حصل معي أنا قبل تقريبا عام أو عشرة أشهر دخلت في كلام مع أحد الأخوان الأريتريين حيث قال لي بأن أبن عمه سافر بالتهريب من أريتريا إلى السودان خوفا من التجنيد عشان يمشي السودان ويعمل جواز سفر سوداني وهو عايز يسافر إلى فرنسا ... وهنا جنَّ جنوني فقلت له دي كانت زمان أيام الأحزاب والآن والله البلد في غاية الأمن والأمان .. وإذا به يتصل بعد أيام بابن عمه وكلمته أنا شخصيا ويحكى لي بأنه عمل جواز سفر سوداني بعد أن حصل على الجنسية السودانية في أقل من 15 يوم من وصوله للسودان ... وكم كم من الجنسيات تحمل الجواز السوداني (( شكوناهم لرب العالمين يا أخي )) وللأسف سافر هذا الأخ وهو في طريقة كانت ضربت فرنسا قاربهم لو تذكر حيث ذكروا بأن في القارب سودانيين واريتريين ... ولك أن ترى وتسمع وتقول لا بارك الله فيكم يا من تقومون بأمر بلادي ... والله أكبر عليكم ولا نامت أعين الجبناء والخونة ...خائني بلادهم الطيبة ...

[ابو احمد] 05-22-2014 02:01 PM
الحملة المنظمة ضد الامام الصادق المهدى.
ظهور حالة "كرونا" فى بورتسودان والسبب الصادق المهدى.
لكن ما كشفتها عديل يا" [محمد عبد الرحمن محمد]!!!!

European Union [امير] 05-22-2014 01:02 PM
يحمل جواز سوداني اذا هو بحكم القانون سوداني ولا تستطيع قوة في الارض تقول غير ذلك شئت ام ابيت


#1012263 [عصمتووف]
0.00/5 (0 صوت)

05-22-2014 12:05 PM
ولد خائب وباطل كمان وسوف تخونك مثلما خانت زوجها ثق تماما

[عصمتووف]

#1012260 [ابوبتول]
0.00/5 (0 صوت)

05-22-2014 12:04 PM
ياجماعه امكن تكون وكاله تشليح دبى

[ابوبتول]

#1012223 [سالم السالم]
5.00/5 (5 صوت)

05-22-2014 11:32 AM
الناس البقولو دا ما سوداني ..السوداني مالو ملاك يعني ..والله ثم والله السودانيين فيهم النصاب والحرامي والزاني وبتاع المخدرات ..وكمان فيهم الشيخ وحافظ القرآن والتقي والمخلص ...الناس ما تتعاطف للدرجة دي ..ابقو واقعيين

[سالم السالم]

#1012216 [Emad]
5.00/5 (2 صوت)

05-22-2014 11:26 AM
سؤال بسيط ، إن كانا أجنبيان ،لم لا يسافران بطريقة عادية كل واحد يسافر لحاله، وممكن للمرأة أن تختلق اي عذر للسفر وحدها دون اللجوء إلى الهروب عبر الحدود بصورة غير قانونية... أفيدونا رحمكم الله

[Emad]

ردود على Emad
United States [عادل] 05-22-2014 03:00 PM
المرأه سعودية يا باشا


#1012207 [ود ضكير]
5.00/5 (2 صوت)

05-22-2014 11:20 AM
يااااااااااااااااااااااا مدير جوازات السودان احصروا عدد جوازتكم السودانيه من يحملها


توجد جنسيات عديده تحمل هذا الجواز دبروا انفسكم أختلط الحابل بالنابل

[ود ضكير]

#1012188 [فياض محي الدين]
1.00/5 (1 صوت)

05-22-2014 11:12 AM
فالاول السلام عليكم ورحمه الله اود ان اقول انه ليس سودانيا لانه ما من طبائع السودانين يتزوجو امراه متزوجه قطعا فربما عنده جواز سوداني لكن غير شرعي وغير قانوني الجواز فربما شتراه من احدي المحتالين ورخيصي القلوب الضعيفه الذين يابعون الاوراق الرسمية فهذا ما من طبائع السودانين لانههم معروفين لكل دول العرب يميمزون السودانينيو ن بكل الاحترام والشخص العربي قصب عنها يحترم السوداني اسال الله ان تتدخل الجهات المختصه لاهانه السمعه السودانين كافه وهذا دليل علي انهم يريدون ستخراج السودانين مايعادل جنسيه غربيه فاقول لهم انكم لاتستطيعون اهانه سمعه السودانين ف الداخل والخارج والسوداني هو سوداني مهما يكون سوداني وافتخر اني سوداني فخاره عظمه وجزاكم الله خيرا

[فياض محي الدين]

ردود على فياض محي الدين
European Union [إبراهيم الحاج] 11-08-2016 11:12 AM
.. كيف يتواصل معاك يا (سوسن)؟؟

European Union [احمد ارقاوي] 05-03-2015 07:40 PM
إنت فياض محي الدين اليمني ؟؟؟؟
لو.كنت هو اتواصل معاي على الفيسبوك .. إيميل [email protected]


#1012187 [ساهر]
5.00/5 (2 صوت)

05-22-2014 11:11 AM
قبل خمس دقائق فقط من الآن ذكر لي مهندس جيولوجي فلسطيني حامل لوثيقة مصرية، إنه إذا أراد دخول الأردن فيتوجب عليه دفع تأمين قدره خسمة آلاف دولار!!

من المعلوم أن عصر العولمة قرب المسافات بين الافتراضية بين الدول حتى أضحى العالم قرية كبيرة واحدة ولكنه في نفس الوقت تميز بأنه عصر إنكفاء الدول على حدودها الجغرافية وعدم التساهل في تأشيرات الدخول ومنح الجنسيات الخ إلا في سوداننا العجيب هذا، فالحصول على الجنسية السودانية أسهل من الحصول على تأشيرة دخول أي دولة عربية.

لقد آن الآوان- خصوصاً في ظل إدعاء وزارة الداخلية السودانية امتلاكها لأجهزة البصمة والأجهزة الإلكترونية الأخرى- التدقيق في منح الجنسية السودانية، كما يجب أن يكون سجل حاملها إذا كان غير سوداني ولكنه يستحقها حسب القانون، خاليا من أدانة في جريمة تخل بالشرف والأخلاق، وأن يكون مشهوداً له بالاستقامة وحسن الخلق. ثم لماذا تبتدع وزارة الداخلية عندنا منح وثائق سفر فقط (أقل من جواز السفر) للأجانب الذين اقاموا بالسودان مدداً طويلة تؤهلم لنيل الجنسية السودانية، ثم بعد 10 سنوات يتم تقييم لحامل الوثيقة لمعرفة سلوكه خلال العشر سنوات المنصرمة، ثم بعد ذلك يمكن منحه الجنسية السودانية أم لا.

لقد لاحظت أن معظم مرتكبي الجرائم من حملة الجوازات السودانية، هم في الأصل قادمين من دول الجوار، وحصلوا على هذه الجنسيات بطرق ملتوية منها الرشوة على سبيل المثال.

إذا لم تقم وزارة الداخلية عندنا بإجراءات صارمة تجاه منح الجنسية، فسوف يصبح السودان في القريب العالج ملاذاً آمناً للمجرمين والقتلة والخاطفين ومروجي المخدرات، ولا مفر عنئذ أن ننكر عليه سودانيته لأنه حاصل على وثيقة تثبت أنه سوداني.

[ساهر]

ردود على ساهر
United States [ِAburishA] 05-22-2014 04:06 PM
لك التحية اخ ساهر..
((لقد لاحظت أن معظم مرتكبي الجرائم من حملة الجوازات السودانية، هم في الأصل قادمين من دول الجوار، وحصلوا على هذه الجنسيات بطرق ملتوية منها الرشوة على سبيل المثال)).

** قد يكون حديثك هذا عاطفيا.. بدافع تلافي (العيب)..الا ان ذلك يحتم علينا بأن لا ندفن رؤوسنا في الرمال ونعلق اوساخنا على الاخرين..ان مثل هذا التصرف والجرم يعتبر (فرديا) وبالطبع لا ينطبق على ان كل السودانيين كذلك..وحتى في السودان توجد (جرائم بشتى انواعها) اكبر من ذلك بكثير.. وصدقني اخ ساهر بان الجواز السوداني اصبح اكثر جواز (طارد) حتى بالنسبة للسودانيين انفسهم!!
جميعنا نستنكر وندين مثل هذا التصرف الذي يمس بالسمعة والشرف..الا أننا لانستطيع ان ننكر حدوث مثل هذه الافعال الشاذة


#1012177 [ابو معمّر]
3.00/5 (2 صوت)

05-22-2014 11:02 AM
نحن كسودانيين بريئين براءة الذئب من دم يوسف من هذا التصرف ، الشاب دا ليس سوداني غالباً اثيوبي . نعم 99% يكون حامل الجواز السوداني وجسية سودانية وهذه هي مشكلتنا الوحيدة ان الجواز السوداني سهل يمكن لاي شخص من خارج السودان يمتلكه ... الله المستعان .

[ابو معمّر]

ردود على ابو معمّر
United States [ِAburishA] 05-22-2014 03:55 PM
لك التحية اخ ابومعمر.. الرجل سوداني.. ولماذا (غالبا اثيوبي !!!).. ان مثل هذا التصرف والجرم ليس مقتصرا على جنسبة معينة.. يعتبر جرما فرديا.. والسودانيين ليسوا بدعا عن بقية الاجناس..ارجو ان لانجعل من الاخرين شماعة لاوساخنا.....خالص المودة..


#1012176 [ممكون]
4.75/5 (4 صوت)

05-22-2014 11:01 AM
اتضح أن الشخص سوداني الجنسية والفتاة من جنسية عربية
لاتعليق

[ممكون]

#1012169 [sasa]
4.75/5 (3 صوت)

05-22-2014 10:51 AM
ونحن يا اخوتى المعلقين لو كان صحيح لنا دولة بمعى كلمة دولة وزى الدول لكان لنا اجهزة امنية تتحرى مثل هذه الاخبار ( وتفلفلها) لكى تبعد عنا الشبهات ان كان المتهمين غير سودانيين او يحملان جوازات مزورة .... وبالتالى ترد اجهزتنا الاعلامية والقانونية والامنية على مصادر الخبر ... ان كان غير صحيح او تؤكده ... والواضح مافاضح

لكن لكن حليل الدولة ... الجيشها مليشيات ملقطة (لقطاء دار المايقوما وماشابهها) وقائدها عسكرى تعيين 2003 جندى بحرس الحدود ثم بالزانة رتبة (((عميد اركان حرب جنجويد )))


منه العوض وعليه العوض فيك ياسودان وانا لله وانا اليه راجعووووووووووووون

[sasa]

ردود على sasa
[halfaa] 05-22-2014 02:48 PM
المراة سعودية سمراا حسب ما نشر في جريدة يمنيه اليوم الخميس والراجل ممكن مشترى الباسبورت السوداني


#1012165 [الامدرماني ودامدرمان]
3.00/5 (2 صوت)

05-22-2014 10:49 AM
مافي سوداني بعمل كدة

[الامدرماني ودامدرمان]

ردود على الامدرماني ودامدرمان
European Union [الاصلي] 05-22-2014 07:07 PM
انت ام درمان وتقول كده ياخ لو كنت من منطقة تانيه مقبولة خليها مستورة ياودام در هههههههههههههههه حكم


#1012159 [اسامة]
5.00/5 (3 صوت)

05-22-2014 10:45 AM
السؤال البطرح نفسو.. لية ماشى بيها اليمن اذا كان هو سودانى؟؟؟ مش كان اسهل ليهو يجى بيها السودان. كان مفروض السفارة السودانية تتحقق من هذا الامر.

[اسامة]

#1012146 [أبو الزفـت]
1.00/5 (1 صوت)

05-22-2014 10:33 AM
يا جمــــــــــــــــــــــــاعة


هذا الرجـــــــــــــــل ليس سودانيا بأي حـــــال من الاحـــــــــــــــوال



لا تقلقــــــــــــــــــــــــو

[أبو الزفـت]

#1012127 [ِAburishA]
5.00/5 (2 صوت)

05-22-2014 10:21 AM
بغض النظر عن جنسيتهما (الاثنين) الا ان هذا التصرف وهذا الجرم يعتبر (فرديا) وليس حكما عاما..

[ِAburishA]

#1012117 [superman]
1.00/5 (1 صوت)

05-22-2014 10:15 AM
سحنته وشكله ليس سودانيا انظر الي تركيبة اجزاء جسمه قصير تناسب الذراعين والقامة لا يتماشيان مع اجسام السودانيين فضلا عن اخلاقهم ولكن هذا جزء من حملة منظمة من السعوديين ضد السودانيين باستثناء القليل منهم الذين يعرفون السودانيين حقا .وقد استغلوا ان الجواز سوداني والا لماذا التمييز هو يشهر به وهي تخفي جنسيتها ومقبم سوداني يذبح اسرته وغيره وغيره

[superman]

#1012106 [مالك محمد الحسين]
5.00/5 (1 صوت)

05-22-2014 10:09 AM
شكل الزول دة وطريقة وقفتو

ما سودانى نهائ نحن سودانييين بنعرف اشكال بعض جيد

[مالك محمد الحسين]

ردود على مالك محمد الحسين
United States [ِAburishA] 05-22-2014 04:13 PM
هيع هيع هااااع... والله لقد اضحكتني من القلب اخوي مالك محمد الحسين... تعليقك رهيب جدا اقنعني..
** اسمح لي ان انقله لبعض المغالطين من امثالي**


#1012095 [مصيرا تروق وتحلا]
0.00/5 (0 صوت)

05-22-2014 10:03 AM
يا اخوانا قولو هو سوداني المشكلة شنو
نحن بنتكلم عن حولي 35 مليون نسمة يعني اكيد في الصالح وفي الطالح وبعدين قولو واحد جاء بفعل مشين معناتا خلاص بمثل كل الشعب السوداني لكل قاعدة شواز

[مصيرا تروق وتحلا]

#1012088 [ساهر]
5.00/5 (1 صوت)

05-22-2014 10:02 AM
الجرائم لن تتوقف طالما كانت هناك حياة على هذه البسيطة، وهي ليست وقفاً على جنسية محددة، وإثنية بعينها بل أن كل البشر معرضون لارتكاب الجرائم ما صغر منها وما كبر، وما ظهر منها وما بطن. إلا أن الجديد في هذه الأيام هو النشاط الحثيث للإعلام الخليجي بتسليطه الضوء على الجنسية السودانية وتعريتها عمداً كأنه يريد أن يقول هاهي هذه الحكومة الإسلاموية وقد أوصلت الشعب السوداني إلى هذا الدرك من الحضيض.

لماذا لم يورد الخبر جنسية المرأة المختطفة، وعمد فقط إلى إيراد جنسية الخاطف؟

إننا لا يمكن أن نفصل التركيز الإعلامي على قضية العصابة النسائية السودانية التي تخصصت في خطف حقائب السيدات بدولة الإمارات العربية المتحدة عن قضية اختطاف هذه الفتاة المنشورة هنا.

فخطف الحقائب وخطف السيدات وجهان لعملة واحدة، قصد به الإساءة إلى حكومة السودان، ولكن هذا الإعلام الخليجي بتركيزه على جرائم السودانيين وتسليط الضوء عليها ونشرها مع سبق الإصرار والترصد عامداً متعمداً، إنما يكون قد قدم إلى الحكومة خدمة مجانية، إذ أن قصده الإساءة إلى حكومة السودان قد تحول بالفعل إلى إساءة إلى الشعب السوداني وهو أمر كفيل بجعل أي سوداني غيور الالتفاف حول حكومته ومناصرتها سواء كانت ظالمة كانت أم مظلومة.

[ساهر]

#1012086 [طارق]
0.00/5 (0 صوت)

05-22-2014 10:01 AM
إذا تمعنتم في يديه فقط ستكتشفوا أنه غير سوداني ، فيديه القصيرتين تدل على أنه من أصل يمني فقط يحمل جواز سوداني ، حسبنا الله و نعم الوكيل لعنة الله عليكم يا عصابة البشير الفاسدة جعلتم مجرمي العالم يحملون جوازات سودانية و يشوهون سمعة السودانيين ، فكثير من الجنسيات تحمل الجواز السوداني في السعودية ...

[طارق]

#1012070 [مريود]
0.00/5 (0 صوت)

05-22-2014 09:50 AM
لو دققت في ذراعي الرجل تعرف أنه غير سوداني .

لأكثر من سبب .

على الأقل يكون هجين .

[مريود]

ردود على مريود
United States [تاتاي في الربع الخالي] 05-22-2014 10:55 AM
هجين ههههها قالو ليك هو ناقة ولا بقرة ...ما تبطلوا التخلف العايشين فيه دا قال دقق في الذراعين ..السودان دا ما لامي الاسود والاصفر والاحمر والابيض ...ما في حاجة جايبانا لي ورا غير جنس كلامك دا ...


#1012069 [الجعلي ود المتمة]
4.44/5 (12 صوت)

05-22-2014 09:50 AM
اكثر ما يغيظ في الخبر ..
الرجل سوداني والمرأة من جنسية عربية .
لمتين حتفهوا يا سودانين انهم بميزوكم بطريقة عنصرية بغيضة ..يعني الخبر بصورة واضحة بقول ان الشخص ابيض والمرأة بيضاء وهذا ما قاد للاشتباه ..
افهموها انتوا لا عرب ولا عندكم علاقة بالعرب فاللون عندهم هو اساس العروبة ..اللبناني الشركسي الابيض عربي المصري الفرعوني الابيض عربي والمغربي الامازيغي الابيض عربي ..والسوداني حتى اذا كان بدعي نسبه للعباس فهو افريقي عندهم ..
هذا يحدث في بلد الاسلام وارض الحرمين الشريفين

[الجعلي ود المتمة]

ردود على الجعلي ود المتمة
United States [ساب البلد] 05-22-2014 12:41 PM
********* ههههههههه يا (الجعلي) سلام ******* يا ريت الطيب مصطفي يفهم الكلام ده ******** نحيك علي دقة الملاحظة ********* تحياتي *******

[الاصلي] 05-22-2014 11:39 AM
ياجعلي ياوهم لو انت شايف سوداني اساءة تبقى حمار يشرفنا اننا سودانين وكفا والعرب الساكيهم ديل والله ماحيعترفوا بعد مليون سنة راي خليك من اسطوانة عرب والعباس وخليك سوداني اشرف واحسن والمهم انك مسلم .وبعدين لمن يقولوا سوداني وين العنصريه فيها للاسف نفس العقلية الدمرت السودان بالجري وراء الاخرذي قريبك الحمار .

United States [ود النوبة] 05-22-2014 11:13 AM
نعم السوداني افريقي عندهم وين المشكلة اذا قالوا لك افريقي فقد انصفوك لكن من يقنعك و يقنع امثالكم لانو من كلامك هذا تقول من الدواخل انا عربي مظلوم . لكن ليس هناك احد في السودان له نسب قريب بالعرب سوى الرشايدة في شرق السودان .

United States [الجعلي ود المتمة] 05-22-2014 10:44 AM
عفوا قصدت ان الشخص اسود والمراة بيضاء


#1012034 [أبوقرجة]
0.00/5 (0 صوت)

05-22-2014 09:25 AM
والله خلاص سمعتنا بقت في الطين .... قبل فتره سوداني يعيش مع واحده ويحملها ويتصل على الماذون وعايز قسيمه حتى لو مزوره ... واليوم دا كمان عايز يتزوج واحده متزوجه .... دا كلام شنو يا زول دا إنسان ما ممكن يكون طبيعي ولا هي طبيعية..

[أبوقرجة]

ردود على أبوقرجة
European Union [Mr.aviv] 05-22-2014 05:15 PM
البنت الحملها دي برضو بتحمل الجنسبه السعوديه ولا من دوله تانيه ، معليش الحب اعمي بيخلي اللواحد يعمل اكتر من كدا ، لكن برضو الناس حقو يجاهدوا انفسهم شويه، ويفكروا في العواقب التحصل .48


#1012011 [sasco]
5.00/5 (5 صوت)

05-22-2014 09:08 AM
لي هو سوداني وهي من جنسيه عربيه التمييز لزومو شنو يايقولو اجانب ولا يذكرو جنسيتها

[sasco]

ردود على sasco
United States [ِAburishA] 05-22-2014 04:17 PM
اخوي ساسكو..الكلام واضح. هو سوداني.. وهي عربية !!! فهمت.. ما تحكها ياخي!!! خالص المودة..

United States [ساب البلد] 05-22-2014 12:42 PM
********* عشان هو سوداني و خليك سوداني ههههههههههههه *********


#1012006 [محتار]
5.00/5 (4 صوت)

05-22-2014 09:03 AM
لاتنسوا اخوتي بان الجواز السوداني يباع لجنسيات كثيرة وبارخص الاسعار الشخص ده ظاهر أنه ما سوداني وانا متاكد أنه يكون من نفس جنسية هذه البنت . نقول حسبى الله ونعم الوكيل

[محتار]

ردود على محتار
United States [ِAburishA] 05-22-2014 04:26 PM
يا اخ محتار لك التحية..وحيرتنا معاك.. لو الزول احمر ما سوداني.. ولو ازرق ما سوداني.. ولو خاتف لونين حبشي... ياخي الاجرام حالة (فردية) ليس لها جنس ولا جهة.. ونحن لسنا بدعا عن الامم..بل عندنا حاجات كده كعبة (بكل اسف) انحنا زايدين فيها (حبتين)..

** اتفق تماما مع الاخ (ناقد) ومن واقع تجارب عملية..أي ليس من رأى كمن سمع..مع خالص التقدير

United States [ساب البلد] 05-22-2014 12:43 PM
********* السعودية ملانة سودانين امشوا اتاكدوا ******** وين المشكلة **********

United States [ناقد] 05-22-2014 10:17 AM
كلامك مستبعد ,
في أولاد مغتربين في البلد ديك ما بيمتو للسودان نهائياً
لا خلقة ولا أخلاق .

United States [الاصلي] 05-22-2014 10:01 AM
روح ياحمار وبت الدابي برضوا ماسودانيه ماعندكم الا النكران


#1011987 [حزين جداً]
5.00/5 (2 صوت)

05-22-2014 08:48 AM
أشك أن يكون سوداني .

ثانياً نحن كشعب سوداني ندين مثل هذه التصرفات التى تحسب علينا ، وعلى سمعتنا عالمياً . ونحن شعب

كل العالم يشهد له بالأمانة والنخوة والشهامة والإستقامة .

وندين ونرفض كل تصرف يشوه سمعتنا .

ونطالب جهات الإختصاص السودانية التحري في الموضوع وكشف كل الملابسات وتوضيحها لكل الشعب السوداني

لنا أم علينا . ونسأل الله أن لا يكون سوداني . لأنه تصرف فاضح وعيب تخطف إمرأة متزوجة كي

تتزوجها للمره الثانية . من أين أتي بهذا الشرع ؟؟؟؟

أسأل الله أن لا يكون سوداني .

وأعرف أن سفارتنا وقنصليتنا بالرياض وجده تنوم نوم عميق . بس ما يهمكم جمع الجبايات والضرائب

هيا تحركوا للبحث في فك طلاسم هذه اللعبة التي تشوه سمعتنا . ننتظر لنسمع .

بس حزين جداً لمثل هذه التصرفات السخيفة والتى تسيئ لنا كشعب سوداني أصيل .

[حزين جداً]

ردود على حزين جداً
United States [ِAburishA] 05-22-2014 04:30 PM
الاخ حزين جدا.. نقدر لك العاطفية الزايدة.. الا ان تعليق الاخ (الاصلي) هو عبن الواقعية..تحياتي.

United States [ساب البلد] 05-22-2014 12:44 PM
******* ليه تشك يا حزين ******** اذا كان عندنا ناس ود الحافظ و عشكوبي و راستا *******

[الاصلي] 05-22-2014 10:15 AM
بلاااي ماتشبهنا ياخي بطل النفاق والكذب انت العارف البيحصل شنو في كثير من البيوت السودانيه خاصة في الغربه اسكت احسن ماناقاصة فضائح هي بلا مايشبهونا وسمعتنا دا شخص يمثل نفسوا فقط وممكن يكون زيوا في اي مجتمع في بس مافي داعي للعبط والنكران الله يهديه وزيهديهك انت من الكذب .


#1011981 [احم غبد العزيز محمد]
5.00/5 (2 صوت)

05-22-2014 08:42 AM
مهما كانت الجنسية سوداني أو غير سزداني هذا التصرف غلط000غلط شديد

[احم غبد العزيز محمد]

#1011970 [محتار فى خلق الله]
5.00/5 (3 صوت)

05-22-2014 08:35 AM
فعلا هذه مصيبة الجوازات التى اصبحت تعطى بالفلوس لكل من هب ودب// اجزم انه ليس بسودانى ولكن؟؟؟؟؟؟

[محتار فى خلق الله]

#1011952 [الكلس]
0.00/5 (0 صوت)

05-22-2014 08:10 AM
الأخ أبو علوة ... قطع الجواز السوداني .. بس بعد كده شوف ليك بلد خارج كوكب الأرض ويكون سكانه كلهم ملائكة .. وكده تكون قفلت الباب البجيب الريح.

[الكلس]

#1011950 [ميرغني النقي]
0.00/5 (0 صوت)

05-22-2014 08:07 AM
وليه ذكرت جنسية الرجل وقلت المرأة من جنسية عربية فقط ما كان توضح زي ما وضحت الرجل، والحاجة التاني ما عندهم أسماء ما تذكروها، دايماً أخباركم مبتورة

[ميرغني النقي]

#1011948 [ودالمدرمان]
5.00/5 (1 صوت)

05-22-2014 08:05 AM
السلام عليكم
كدي فهمونا الناس ديل ركبوا النقل الجماعي وقالوا هم سعوديين
طيب الاختطاف هنا وين؟؟؟؟
لو اصلا" خاطف ماكان ركب النقل وهي معناها راضيه ومشت بي رضاها
ماتعملوا لينا موضوع من مافي

[ودالمدرمان]

#1011944 [ابو حمدي]
3.00/5 (2 صوت)

05-22-2014 07:59 AM
ناس تبني وتزرع القيم وناس تهدم وما كلوا سوداني يستحق شرف الانطباع عنا الممهور بامانة الراعي ونجاح الاطباء والعلماء بجامعة الملك سعود الذين يثلجونا صدورنا بالاكتشافات العلمية من وقت لاخر

[ابو حمدي]

#1011935 [Heron]
5.00/5 (3 صوت)

05-22-2014 07:43 AM
وثبتك غريبة وعجيبة يا زول ... اها هسع بتعمل شنو يا قيس؟

[Heron]

#1011911 [ashraf]
5.00/5 (2 صوت)

05-22-2014 06:57 AM
لا افهم استهداف السلطات السعودية للسودانين نعم انه استهداف متعمد ومقصود به الاساءة للسودانين هذا الكلام ليس عصبية و لا جاهلية ولكن الشخص المتابع للاحداث يستطيع استشفاف ما يجري.

[ashraf]

ردود على ashraf
United States [سوداني غيور] 05-22-2014 03:26 PM
الاخ عبدالباقي القدال .. اذا كان تم فصلك من القوات المسلحة ليس هذا شأننا،، كيف تقول من حق السعوديين استهدافنا ؟؟؟ واين التعامل الجيد الذي تتحدث عنه ؟؟ نحن في السعودية قبلك بسنوات عدة ولم نلاحظ ما تتحدث عنه ،،، بطل كسير التلج لكفيلك وخليك سوداني

[عبدالباقي القدال] 05-22-2014 10:26 AM
العزيز اشرف يجب ان تعلم بانه لا يوجد إستهداف للسودانيين ولا يمكن ان يكون كذلك والله أخوانا السعوديين يعاملونا أحسن تعامل بل افضل جالية تعتبر الاقرب لاخوانا السعوديين هم نحن فبالله ابعدونا عن المهاترات التي لا تودي ولا تجيب
هم قالوا جوازه سوداني فلوم نفسك وابكي علي بلدك الذي يعطي الجواز السوداني لكل من يدفع بس هذا لاينفي ان جوازه سوداني فارجو ان ننتقي الكلمات
وحتي لو استهدفونا أخوانا السعوديين فوالله من حقهم فهذا بسبب حكومتنا التي لا يهمها مصلحة الجالية السودانية في المملكة العربية السعودية وكل يوم يستقبلون باخرة من ايران واغلبية اخوان مصر يعيشون تحت نفقة الدولة


#1011909 [mada1966]
4.50/5 (4 صوت)

05-22-2014 06:55 AM
ومن الحب ماقتل.
حسب تحليلي للموضوع الرجل من اصل يمني.
يحمل الجواز السوداني.والبنت من اصل يمني.
وكلعادة.ارخص جواز الجواز السوداني.
وكل نصاب او عاهرة يحملنا الجواز السوداني.
ومحسوب علي السودانين.
لك الله ياسوداننا.ابدا ماهنتا يوماً علينا ياسوداننا.
الرحمة والمغفرة للفنان وردي.
ومامن شيم السودانيون.خطف النساء.
وخاصة اذا كانت متزوجة.
وﻻ يمكن ان يعاشرها.خلي يخطفاء

[mada1966]

#1011906 [الحمرى]
4.50/5 (4 صوت)

05-22-2014 06:50 AM
سجمك يابتاع الsecond hand

[الحمرى]

#1011820 [mohamed]
4.00/5 (5 صوت)

05-22-2014 02:17 AM
الزول ده من شكله ما سوداني المشكلة في جنسيات افريقية في السعودية يحملون جوازات سفر سوداني يجب مراجعة جميع الجوازات السودانية هناك

[mohamed]

ردود على mohamed
United States [كتاحة امريكا] 05-22-2014 08:34 AM
ديه بلد البشكير تعطي من تريد



حبشي طشقنطندي مصري داغستان صومالي اسرئيل كلهم او جميعم لديهم الهوية السودانية


الامنتجية قاعدين يسوا شنو غير بيع البلد مع البشكير القاعد او سكوجا بتاعكم دا

United States [شفقان] 05-22-2014 08:26 AM
لا الزول ده حتماً ما سوداني، بس كيف يكون سوداني زيك؟ وهل يمكن أن تجمع جنسية واحدة الملائكة والشياطين؟ ام أن الشيطان يريد أن يصوِّر شعب كامل على إنه شعب ملائكي ليستطيع الإختباء وراءه ثم يعيد عن طريق الشعب إستخراج بطاقة هوية جديدة "ملائكية".لا أدري إن كان هناك علاقة(correlatio ) بين المبالغة في إفتخار و تمجيد الشخص للشعب الذي ينتمي إليه وبين كراهية هذا الشخص لنفسه وإحتقاره لها. على كلٍ لم أر ولم أسمع عن شعب يبالغ في تمجيد نفسه كالشعب السوداني وأظن أن المثل ( شكَّار نفسو إبليس) لا مثيل له عند بقية الشعوب

United States [abdulrahman] 05-22-2014 08:23 AM
زيما قال البت من جنسية عربية على الاقل كان يقول الراجل من جنسية افريقية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة