الأخبار
أخبار إقليمية
جهاز المغتربين يستعد لافتتاح فرعه بالابيض ، وحكومة ولاية شمال كردفان تبشر مغتربيها بالتنمية
جهاز المغتربين يستعد لافتتاح فرعه بالابيض ، وحكومة ولاية شمال كردفان تبشر مغتربيها بالتنمية
جهاز المغتربين يستعد لافتتاح فرعه بالابيض ، وحكومة ولاية شمال كردفان تبشر مغتربيها بالتنمية


05-22-2014 05:31 PM

الخرطوم (سونا) كشف الاستاذ محمد احمد النصرى مدير فرع جهاز تنظيم شئون السودانيين بالخارج بشمال كردفان عن اكتمال كافة الترتيبات بين الجهاز وحكومة الولاية لافتتاح الفرع خلال فترة الموسم الصيفى الحالى ،مؤكدا ان الفرع سيحدث نقلة نوعية فى كافة مجالات التنمية بالولاية .
وابان النصرى فى تصريحات صحفية ان الفرع سيلعب دوراً كبيراً فى تنمية الولاية خاصة وان افتتاحه يأتى متزامناً مع برنامج نفير نهضة ولاية شمال كردفان .
واكد مدير فرع جهاز المغتربين بالابيض اهتمام رئاسة الجهاز بالخرطوم وحكومة ولاية شمال كردفان بالفرع لما سيحدثه من نقلة نوعية فى كافة مجالات التنمية بالولاية ، موضحاً ان فرع الجهاز بالابيض سيقوم باعداد احصائية كاملة عن ابناء الولاية بالخارج والخبراء بصفة خاصة ، كما ان الفرع سيقوم بربط ابناء الولاية بالخارج بوطنهم وبولايتهم على وجه الخصوص واستقطاب الخبراء والكفاءات من ابناء الولاية بالخارج للاستفادة منهم فى تنمية الولاية فى اطار برنامج الشراكة السودانية لنقل المعرفة عبر
السودانيين بالخارج ( سباكتن ) ، وفى اطار برنامج نفير نهضة شمال كردفان.
كما كشف النصرى عن حزمة من المشروعات الاستثمارية التى اعدتها ولاية شمال كردفان لابنائها بالخارج متمثلةً فى مدينة صناعية واخرى سكنية ، بجانب مشروعات استثمارية اخرى ، وذلك لجذب مدخرات العاملين من ابناء الولاية بالخارج .
واهاب مدير فرع جهاز المغتربين بالابيض بالعاملين بالخارج من ابناء الولاية التواصل مع ولايتهم عبر الفرع وتقديم مقترحاتهم ورؤاهم المختلفة لاشراكهم فى صناعة القرار والحراك التنموى بالولاية .


تعليقات 6 | إهداء 0 | زيارات 2485

التعليقات
#1012941 [سدالنهضة]
0.00/5 (0 صوت)

05-23-2014 01:20 AM
ده شرك كبير ناصبينو ليكم افهمو يا ناس الابيض هذا المدعو هاج ماجد صوصار اكبر حرامي اول حاجه يقول ليك مدخرات المغتربين عينو في السمينه بعدين زي ما ذكر الاخ المبني دا بتاع جهاز الامن ولا شنو خليهو يصوروه من قريب ويكون فيه يافطه ودي ساهله بعملوه لاكن بعد ما يضمنو المدخرات وشقاء العمر بتاعكم ويلهطوه وعلي اقرب طائره تودي ماليزيا

[سدالنهضة]

ردود على سدالنهضة
European Union [عادل] 05-23-2014 03:07 PM
لو ما اخاف الكذب المبنى ده مستشفى السلاح الطبي ... لكن مباني جهازهم ده ما عارف تكون في اي حي .


#1012856 [وجع راقد]
1.00/5 (1 صوت)

05-22-2014 10:21 PM
أية إنجاز ... دا من صميم عمل الدولة ولا يشكر عليه أحد ... بعدين هي الدولة ما قادرة تعمل مشاريع وتنمية شاملة وتجيب للناس الموية تجي انتي يالنصري تقول نعمل نقلة نوعية ... اها مصاريف وونسات وهاك يا إجتماعات وهاك ياسفرات وهاك وهاك وهاك .. أوع يكون دا المبنى بتاع الجهاز ... ولو أجرو ليهم دكان في السوق زي ناس زين والباقيات كان أحسن ... اها البيت دا حق منو وأيجارو الشهري كم ... ومنو المستنفيد ... دي بداية القصة ( واصلوا القصة لو عارف انو باب نهب جديد )

آه يا وجع قبل رجع ،،

[وجع راقد]

#1012785 [كوز معفن]
0.00/5 (0 صوت)

05-22-2014 08:31 PM
يعني نفهم من كدا انو الناس ممكن تعمل تاشيرة من الابيض عادي ولا لا .. اذا كان الغرض من الافتتاح غير عمل تاشرات لابناء الولاية ... يبقى افتتاحو لا يقدم ولا ياخر ... بعيدين لماذا لا يعمل مدير فرع المغتربين لجعل السفر يكون مباشر من والى الابيض باعتبارها عاصمة للغرب الكبير

[كوز معفن]

ردود على كوز معفن
United States [نقة فارغة] 05-23-2014 12:11 AM
الأبيض تستاهل تكون عاصمة السودان


#1012754 [على صالح]
0.00/5 (0 صوت)

05-22-2014 07:30 PM
نطالب فتح مكتب بإقليم كسلا

[على صالح]

ردود على على صالح
United States [حكم] 05-23-2014 12:12 AM
كسلا تستاهل اكتر واكتر


#1012731 [ابو محمد]
0.00/5 (0 صوت)

05-22-2014 07:07 PM
يا ريت يكون الكلام حقيقي عشان الواحد يكمل كل اجراءاته في ولايته وتستفيد من عائداتنا ولا يتنا كردفان الغرة فنحن على اهب الاستعداد لنتعاون معها بكل ما نملك وتوفر لينا اشياء كثيرة

[ابو محمد]

#1012707 [محمد احمد محمود]
0.00/5 (0 صوت)

05-22-2014 06:27 PM
اسعد خبر قراته اليوم ان يكون للجهاز فرع بكردفان . ابناء كردفان يتكبدون المشاق يا لها من معاناة ! انا من بيتى فى الابيض و بعد الفطور المدنكل اتجه للجهاز لاكمال اجراءت السفر ؟ شيئ لا يصدق و الى الامام ايها الهمام ابن الولاية البار . هذا انجاز ولا ينتطح عنزان حول اهميته لابناء الولاية

[محمد احمد محمود]

ردود على محمد احمد محمود
United States [نقة فارغة] 05-23-2014 12:13 AM
الله يديم البسط



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة