الأخبار
أخبار إقليمية
سعوديون يستحوذون على أكبر شركة عقارية سودانية
سعوديون يستحوذون على أكبر شركة عقارية سودانية



ترجيح ارتفاع أسعار الاراضي لدخول مستثمرين سعوديين
05-24-2014 11:38 AM
الخرطوم - بليغ حسب الله

أعلن مسؤول في شركة الرواد للتطوير العقاري في السودان احدى اكبر الشركات العقارية أن 90% من اسهم الشركة أصبحت ملكا لرجال أعمال سعوديين.وتشهد السوق العقارية في السودان في الوقت الراهن حالة من الترقب والحذر قادت الي مايشبه الركود بعد قرار صدر اخيرا من البنك المركزي منع بموجبه المصارف المحلية من التمويل العقاري للشركات والافراد كما كان يحدث في السابق.

وقال مدير التسويق في شركة الرواد مصعب عبدالعظيم أن الشركة التي اصبحت شبه مملوكة لرجال اعمال سعوديين لم تتاثر بقرار البنك المركزي القاضي بمنع التمويل المصرفي.وأضاف "ان الشركة تتعامل مع زبائنها مباشرة من دون وسيط او بنك وعن طريق البيع بالدولار الامريكي وليس العملة السودانية".

وأوضح أن الشركة التي تأسست برأسمال قدره 50 مليون دولار قدمت مساهمات كبيرة في الطفرة العمرانية التي تشهدها حاليا العاصمة الخرطوم.وتمتلك الرواد في الوقت الراهن حوالي خمسين عقارا سكنيا في موقع مميز في وسط العاصمة يبعد كيلومترين من النيل الابيض وحوالي خمسة كيلومترات من مطار الخرطوم الدولي.

الرياض السعودية


تعليقات 21 | إهداء 0 | زيارات 13155

التعليقات
#1014988 [رمضان كريم]
3.00/5 (1 صوت)

05-25-2014 11:55 AM
ده عملية مفبركة المبالغ (50)مليون دزلار قروش سودانية منهوبة من السودان واحد عنده قريبة من اهلنا السودانيين العندهم تابعية اعطوه نسبة وهو نايم فى بيته عشان يشغلوا الفلوس الشركاء الاصليين من الاخوان المحترمين تجار الاسلام (صار الاسلام تجارة اين انت ياسيدي يارسول الله)

...
عرض صورة.سعوديون يستحوذون على 90% من اسهم شركة الرواد للتطوير العقاري السودانية
....أعلن مسؤول في شركة الرواد للتطوير العقاري في السودان احدى اكبر الشركات العقارية أن 90% من اسهم الشركة أصبحت ملكا لرجال أعمال سعوديين.

وتشهد السوق العقارية في السودان في الوقت الراهن حالة من الترقب والحذر قادت الي مايشبه الركود بعد قرار صدر اخيرا من البنك المركزي منع بموجبه المصارف المحلية من التمويل العقاري للشركات والافراد كما كان يحدث في السابق.

وحسب ما جاء بجريدة الرياض فقد قال مدير التسويق في شركة الرواد مصعب عبدالعظيم أن الشركة التي اصبحت شبه مملوكة لرجال اعمال سعوديين لم تتاثر بقرار البنك المركزي القاضي بمنع التمويل المصرفي.

وأضاف "ان الشركة تتعامل مع زبائنها مباشرة من دون وسيط او بنك وعن طريق البيع بالدولار الامريكي وليس العملة السودانية".

وأوضح أن الشركة التي تأسست برأسمال قدره 50 مليون دولار قدمت مساهمات كبيرة في الطفرة العمرانية التي تشهدها حاليا العاصمة الخرطوم.

وتمتلك الرواد في الوقت الراهن حوالي خمسين عقارا سكنيا في موقع مميز في وسط العاصمة يبعد كيلومترين من النيل الابيض وحوالي خمسة كيلومترات من مطار الخرطوم الدولي.

[رمضان كريم]

#1014510 [محجوب عبد المنعم حسن معني]
1.00/5 (1 صوت)

05-24-2014 10:50 PM
فرفرة مذبوح ساكت

[محجوب عبد المنعم حسن معني]

#1014497 [ahmed]
3.00/5 (2 صوت)

05-24-2014 10:34 PM
والله الواحد مستغرب عن كلام مصغب هذه الشركة بتاعت زلمات اردنيين تركوا بلادهم عشان يبيعوا لينا الشقق ياجماعة ديل حرامية ماتشتروا منهم في ناس عندها مشاكل كتيرة معاهم حذراي من الشراء اللهم بلغت فاشهد مدير الشركة واحد امسو مصطفى ومعاه واحد تاني حرامي امسو خالد اردني زعيم العصابة ومدير التسويق ومدير المشروع اول مرة اسم بهذا المسمى الرواد حرامية 100

[ahmed]

#1014414 [مستفهم]
2.00/5 (2 صوت)

05-24-2014 08:48 PM
هل لأسامة عبدالله الشريك فى احدى شركات الراجحى علاقة بالأمر ؟؟؟

[مستفهم]

#1014387 [ابن الشمال]
3.00/5 (2 صوت)

05-24-2014 08:00 PM
كيف يسمح لهم بيع العقار بالدولار , ومعلوم ان قانون السودان يمنع ذلك , وحتى الايجار بالدولار ممنوع وغير مسموح به . لابد ان ملاك الشركة يعرفون انهم فوق القانون حتى يجاهروا بالبيع بعقودات مخالفة وباطلة , ولايستطيع احد ان يذهب بهم الى القضاء .
اعرف عقودات ايجار بالدولار ذهبت الى المحاكم وحكم ببطلانها وتضرر اصحابها . دى بلد وين حرام التعامل فيها بالدولار لصغار الملاك السودانين , والحرام على غيرهم حلال لهم وكمان من يشاركهم من الاجانب احتكار وقوة عين .

[ابن الشمال]

#1014382 [المغترب والمشترق كمان]
3.00/5 (1 صوت)

05-24-2014 07:50 PM
أوع تسقطوا في الإختبار؟ وتجبرونا على الصمت من الكلام المباح في ضل الراكوبة!!!!

[المغترب والمشترق كمان]

#1014327 [عبد الواحد الميت من الاستغراب ولا معين!!]
4.25/5 (3 صوت)

05-24-2014 05:54 PM
علينا الانتباه النظام اراد أن يجعل من السودان مكبا للنفايات الاخوانيه وعقب قرار المملكه العربيه السعوديه بإعطاء جماعة الاخوان الارهابيه فرصه اما القبول بشروط السلطات القاضى بعدم ممارسة اى نشاط سياسى او دعوى تدعو لفكر الاخوان او حمل عصاهم ومغادرة المملكه سوف تشهد البلاد تدفقا للاخوان السعوديين نحو السودان وانا أجزم بأن هذه الشركه تابعة لجماعة الاخوان لحمة وسداة واصحابها قبلوا بالشرط الاخير لان ثمة مساهمون من اعضاء التنظيم الدولى هم من مؤسسى هذه الشركه ومن المتوقع نزوح أعداد آخرى من الشركات والمؤسسات التى ستواجه تضيقا مشروعا من السلطات السعوديه التى تسعى لحماية آمن وآمان مواطنيها من آفكار هذه الجماعه المنحرفه والضاله والمضله، وليس من المعقول فى الوقت الذى أصبح فيه السودان مناخا طاردا للاستثمار نجد من يزحف علينا سوى من ينتمون لهذه الجماعه الارهابيه!!. سبق ان لفت إنتباه الاخوه القراء الى قناة تدعى البصيره وتبث من القمر نايل سات تردد 10815أفقى وسوف تستمتعون بصراع أقرب لصراع الديوك او التيوس ورغم إختلاف توجهاتى وآفكارى عن من يقومون بآمر هذه القناة لكنى وعملا بمبداء(عدو عدوى صديقى)إستمتع بمشاهدة هذه القناة واخصص لها بعض الوقت والقائمون عليها يسخون الكيزان او الخرفان ويحاولون مداواتهم بنفس الدواء المر الذى يسقوه لنا وارجوكم أن تحرصوا على مشاهدتها و(مش حتقدر تغمض عينيك) لأن القناة قائمه على فضح ممارسة الجماعه الارهابيه وتكشفهم وتعريهم بالكتاب والسنه!!.

[عبد الواحد الميت من الاستغراب ولا معين!!]

#1014314 [sami]
3.50/5 (3 صوت)

05-24-2014 05:36 PM
شركة الرواد مملوكة لمجموعة فلسطينية غزاوية و ﻻ عﻻقة للسعوديين بها و اسعار الشقق في السعودية اقل بكثير من اسعار شركة الرواد في الخرطوم

[sami]

#1014296 [مرام]
2.75/5 (3 صوت)

05-24-2014 04:39 PM
اتحدي واحد يقدر يشتري شقة واحدة تمليك في السعودية ومنوا القال انو شراء وبنا بيت فيﻻ اصﻻ استثمار لو بنيت شقة بمليار حتتاجر بكم لمدة عشرة سنوات وحاصينة بكم يا حليل بيوت الطين الكانت كلها محنه . وليه اﻻرض تكون غالية هى اصﻻ ارض ربنا منو الملكه للناس هي زي السمك في الموية ياريت بدل كماين الطوب نعمل مزارع وحظاير كل يوم ناكل مجان ومنو القال اوﻻدنا عايزين يسكنوا معانا. ﻻزم نغير الروتين ده واﻻستثمار ﻻ اصبح في البيوت وﻻ في الدهب.

[مرام]

#1014269 [المنفى]
4.50/5 (3 صوت)

05-24-2014 04:01 PM
استحواذ الاجانب السعوديون لاراضى استثمارية ضخمة و مميزة من شأنها بيها للبدون الكوايتة الذين سيرحلون قريبا الى ارض المعياد الجديدة؟ بعدين مافى سعودى يدفع مليم و هو عارف البلد مافبها ثمرة؟ غسيل اموال و تجارة بشر و ضياع بلد اسمه السودان؟

[المنفى]

#1014212 [sky painter]
4.00/5 (3 صوت)

05-24-2014 02:54 PM
شركةالرواد مهما فعلت فلن تستطيع ان ترفع اسعار الاراضي في السودان و خاصة بعد قرار بنك السودان (قرار الربيع السوداني للعقار)...اقل شقة عند شركة الرواد بمبلغ 150 الف دولار,سعر يتجاوز طاقة 90% من طالبي المساكن في السودان ,الرواد للرواد حقيقة,لذلك لا يتأثر السوق بها ...اذا ارادت ان تحدث اثرا في السودان فعليها ان تنزل لمستوى محدودي الدخل

[sky painter]

#1014148 [جركان فاضى]
1.00/5 (1 صوت)

05-24-2014 01:51 PM
عشان كدة....البنوك وقفت تمويل العقارات عشان ترخص الاراضى وتدى باص للمستثمرين السعوديين...والدولار كان ما نزل برضو عندو فنون تانية

[جركان فاضى]

#1014107 [Ali]
2.62/5 (9 صوت)

05-24-2014 01:15 PM
بصبروا في نفسهم والله تنزل اكثر من 50٪ مافي قروش وينه الدخل قروش بترول ماف قروش رقيف ماف قروش دواء ماف دوله مفلسه والدليل وقف التمويل .البصرحوا ديل عندهم عقارات عاوزين يبوعها بالدولار واتفاجوا بالقرار لو في حدعنده 100 الف دولار ليه يشتري شقه في السودان عشان ايجارها في الشهر 500 ريال

[Ali]

ردود على Ali
United States [Homeless M.S] 05-24-2014 04:05 PM
لك التحية يا اخ علي . كلامك صاح انا من زمان بقول ارتفاع اسعار الاراضي في السودان سببه عصابة من المفسدين وتجار عقارات بيدفعوا كل فترة للصحفيين المبتدئين ولبعض الشغيلة المعاهم لترويج اشاعات بشكل مستمر تؤدي الي ارتفاع الاسعار وتسخين سوقهم وطبعا هم بيعرفوا من ابن يؤكل الكتف. ومعاهم الاموال وعندهم فوق عليها العلاقات بالبنوك ورشاوي مدرائها .

والدليل لعدم منطقية الاسعار مثال الارقام التي طرحتها .
في كل العالم معادلة قيمة العقارات ثابتة وهي ان قيمة العقار تساوي عشرة اضعاف قيمة ايجاره السنوية.
يعني القروش المستثمرة لازم تربح عشرة في المية طبعا مع ضمان المحافطة علي القيمة يعني معادلتها بعملة صعبة.


#1014094 [ركابي]
4.08/5 (11 صوت)

05-24-2014 01:06 PM
وأضاف "ان الشركة تتعامل مع زبائنها مباشرة من دون وسيط او بنك وعن طريق البيع بالدولار الامريكي وليس العملة السودانية"!!!!!!!! معناتو الشقق دي لفئة القطط السمان وبرضو الاخ مصعب يجي يقول قدمنا مساهمات في الطفرة العمرانية................

دولة زي اثيوبيا ممنوع استثمار الاجانب في ثلاثة مجالات وهي العقارات والبنوك والاتصالات مش زي السودان الفوضي كان مفروض نحدد للمستثمرين العرب ديل مجالات الزراعة والانتاج الحيواني وصناعة السكر والاسمنت فقط

شركة راس مالها 50مليون دولار وببيعوا الشقة ب100الف الي 285الف دولار تقول نحنا في بيفري هيلز او مانهاتن

[ركابي]

ردود على ركابي
United States [ركابي] 05-24-2014 04:33 PM
شكرا جزيلا علي التصويب ...ههههههه كتر خير الدنيا يا كوش ياخوي انو انا عرفته انو في حاجة اسمها بيفرلي هيلز ..المهم نفسي بس اعرف العالم البتشتري شقة في الخرطوم ب مئات الالاف من الدولارات ديل بيجيبوا القروش دي من ويين ؟؟

[كوش] 05-24-2014 02:31 PM
للتصحيح فقط .. بيفرلي هيلز


#1014088 [ابو ورده]
3.00/5 (4 صوت)

05-24-2014 01:03 PM
من هم رجال الاعمال السعوديين الذين اصبحت الشركة شبه مملوكه لهم. و ما علاقه شبه امتلاك رجال اعمال سعوديين للشركة بعدم تأثر الشركة بقرار البنك المركزي القاضي بمنع التمويل المصرفي.

[ابو ورده]

ردود على ابو ورده
United States [ابو ورده] 05-24-2014 05:44 PM
كيف يتسبب ذلك في ارتفاع اسعار الاراضي كما ورد في عنوان الخبر. و السؤال المهم ( هل رجال الاعمال السعوديين أغبياء?)


#1014058 [الكيزان الحرامية]
4.38/5 (4 صوت)

05-24-2014 12:40 PM
انتم موهومين ساكت المشتري هم السودانيين ومفلسين والبنك مابعطيهم اما اذا كان السعوديين دايرين يشترو عشان يسكنو جهنم اقصد السودان ممكن الاسعار ترتفع
اصبرو 6شهور وسوف تشاهدون انهيار تام والمناظر بدات

[الكيزان الحرامية]

#1014044 [1232]
4.00/5 (4 صوت)

05-24-2014 12:28 PM
خلاص السودان يباع

[1232]

#1014043 [Quickly]
3.50/5 (4 صوت)

05-24-2014 12:28 PM
بلاذمة ولاضمير الحكومة باعت اراضي الشعب السوداني للمستثمرين اجانب لكي يبيعوها تانية للشعب السوداني بالدولار كمان
لماذا لاتمنح حكومة السودان الاسلامية المؤتمر الوطني ,,,
عفواّ (المؤتمر الوثني) كل مواطن سوداني قطعة ارض مجــــــاناّ يسكن فيهاويستر حالها
اوجب واجبات الدولة هي فعل ذلك؟؟؟
هل تعلم عزيزي المشاهد ان اثيوبيا القريبة دي تمنع الاجانب نهائياّ من تملك الاراضي او حتى الاستثمار فيها

الارحم الله اديبنا الراحل الطيب صالح وسؤاله الشهير الذي حيًر العالمين
من اين اتى هؤلاء؟؟!!

[Quickly]

#1014033 [طز فى الاراضى]
3.00/5 (4 صوت)

05-24-2014 12:24 PM
معقولة الاراضى اغلى من امريكا وبريطانيا


تفوووووووووووووو لمن تقوم الساعة على هذا الظلم والخساسة

[طز فى الاراضى]

ردود على طز فى الاراضى
[العوض] 05-24-2014 06:20 PM
ومن باريس ياابورويس


#1014031 [عقيد غضبان]
3.88/5 (4 صوت)

05-24-2014 12:20 PM
لاحظوا البيع بالدولار
يعنى لا يجوز البيع الا لبنى كوز
منو العندو دولار غيرهم فى البلد
هذه الخطة ب بعد فشل الخطة أ لبنى كوز
يا شعب السودان تم اكتشاف فساد هذه الطغمة الفاسدة بامتلاك واستحواز الاراضى بطرق غير مشروعة
وهذه طرق مشروعة وايضا غير مشروعة لان ما قلت سابقا لن يشترى هذه الاراضى الا بنى كوز فقط
لكن فى رأى الخاص اتركوهم يبعزقوا الدولارات داخل السودان بدلا من ارسالها الى ماليزيا لان الدولار والاراضى والسيارات و القصور والحريم مثنى ورباع واولادهم وكل ما يمتلكونه سوف يكون غنيمة للشعب السودانى
والله الموفق

[عقيد غضبان]

#1014015 [حسكنيت]
4.38/5 (12 صوت)

05-24-2014 12:05 PM
أتحدى وزير الإستثمار أن يمتلك شبرا واحدا فى السعودية

[حسكنيت]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة