الأخبار
أخبار إقليمية
بابكر حامد ود الجبل : التجار الشغالـين فـي الدولار أكـثر من الدولار الموجـود في السوق
بابكر حامد ود الجبل : التجار الشغالـين فـي الدولار أكـثر من الدولار الموجـود في السوق
بابكر حامد ود الجبل : التجار الشغالـين فـي الدولار أكـثر من الدولار الموجـود في السوق


05-24-2014 09:45 PM
بابكر حامد ود الجبل، اسم له صداه في البلاد فقد نحته صاحبه بإزميل الصبر والمعاناة والإرادة على خارطة النجاح في مجال المال والأعمال بالسودان!
رجل بدأ بتجارة البيض وامتطاء «الحمار».. إلى امتلاك العقارات والعمارات والفلل، ومن بايع عملة في السوق السوداء، لصاحب صرافات محترمة وأرصدة في البنوك،
التقته «الإنتباهة» في مكتبه بالسوق العربي لإجراء حوار والآن إلى مضابط الحوار:
حوار: محمد إسحاق

< من هو ود الجبل ولأي القبائل ينتمي ومتى ولد؟
ــ بابكر حامد موسى من قبيلة الجموعية السعداب وأبلغ من العمر 60 عاماً ومسقط رأسي جبيل الطينة.
< من أين جاء لقب ود الجبل؟
ــ الغناية نصرة هي من أطلقت علي لقب ودالجبل وكانت تقول «خبر خبر ود الجبل وصل».
< بدايات ود الجبل كيف كانت؟
ــ بدأت أولا بالزراعة وبعد ذلك اتجهت للتجارة التقليدية وكنت آخذ الفراخ والبيض والحمام من «الحلة» وأقوم ببيعها في الخرطوم وعندما أعود من المدينة أحمل معي الرغيف والطماطم وقصب السكر وأبيعها أيضا في«الحلة» وكنت أستقل الدواب في رحلة الذهاب والإياب وذلك لعدم توفر المواصلات في ذلك الوقت.
< العقبات التي واجهتك في البدايات؟
ــ الحمد لله لا توجد عقبات كثيرة ولكني أذكر في ذات المرات خسرت كل رأس مالي وكنت أحمل معي جوالاً من البيض بداخله«100» بيضة وتعثر «حماري» فى الطريق وانكسر البيض ولم أتحمل الموقف وبكيت بحرقة وبدأت من جديد أجمع في البيض.
< المواقف والصعاب التي واجهتك في حياتك؟
ــ طارت مني طلقة عن طريق الخطأ وأصابت شخصاً وتوفي على أثرها، وتألمت لهذا الموقف لفترة طويلة وكان «أهلو كويسين» وعفو عني وتقبلو أمر الله.
< الانتقال من البدايات إلى مرحلة الثراء كيف كان؟
ــ الثراء من ربنا وإذا عملت في تراب الأرض «لو في قسمة بتاخدا» عملت فى البناء وبيع الأراضي ولدي لواري أرسلها إلى الغرب محملة بالبضائع.
< تطور العمل التجاري لدى ود الجبل ــ المراحل؟
ــ بعد ما عمل معي المحامي سبدرات أنشأ لي شركتي «ود الجبل وبابكو» وبقيت استورد بضائع من الخارج ومنذ ارتفاع الدولار تركت الاستيراد وتقريباً منذ عامين وقفت العمل في كل الاستثمارات خوفاً من الخسارة.
< الإسهامات التنموية؟
ــ لدي إسهامات على مستوى السودان كله عندما تدعو الحكومة للتبرع في أي مشروع خيري أكون أول المتبرعين وأنشأت مدارس ومستشفى ببلدي جبيل الطينة بعدد «250» سريراً، وفي الأسبوع الماضي قمت برعاية «56» زيجة بمناطق الجموعية عبر احتفال ضخم كان بمنطقة السليمانية شرق، وستتواصل الزيجات سنويا إن شاء الله. وسوف يكون الزواج الجماعي القادم في الحلة ونتبرع للزوجين با لشنطة تحتوى على «ريحة وثياب وفساتين» ونعطى العروسين «4» ملايين نقسمها بالنصف بين العروسين «20»، وسنويا أقوم بعمل إفطار جماعي في بيتي من أول رمضان حتى نهايته.
< عدد الشركات التي يمتلكها ود الجبل وامتداداتها داخلياً وخارجياً؟
ــ شركتان: ود الجبل التجارية وبابكو وهما تقومان بنشاطات عالمية وداخلية.
< من من أبنائك سلك أحدهم طريقك؟
ــ إن شاء الله كلهم يمشوا في دربي، لكن أنا بحب بناتي أكثر من أولادي ولقد سجلت لبناتي مثل أولادي.
< تجارة العملة وكيف تخطيت عقبات الأجهزة الأمنية في وقت كانت فيه تفضي إلى المشنقة؟
ــ كان يمكن أن يتم إعدامي لولا لطف الله، وعملت برخصة وبدون رخصة والحمد لله ربنا رزقني أحسن منها.
< ارتفاع أسعار العملة حالياً وكيف تراه؟
ــ الدولار قليل والناس البتشتغل في الدولار أكثر من الدولار الموجود في السوق والحكومة مفروض تطرح دولار.
< كم رأس مالك؟
ــ لا يوجد شخص يكشف عن رأس مالو إلا «يبقى زول عوير».
< ماذا يضحكك؟
ــ عادل إمام.
< ماذا يبكيك؟
ــ موت الأقارب والأصدقاء، وعندما تأتي امرأة وتحكي لي مأساتها أبكي معها وأكره من يستهبلني.
< شيء ندمت عليه؟
ــ هنالك شخص كنت أحسن إليه «30» عاماً وأدفع له إيجار بيته وفي النهاية تنكر لي وشكاني لأقاربي لأنه طلب مني أن أعمل له عملية عين ولقد ندمت أشد الندم لتعاملي معه، لقد ساعدت أناساً كثر وليس لدي بهم صلة قرابة ولا علاقة ولكن لم يفعلوا مثل ما فعل هذا الرجل.
< لحظة خوف؟
ــ أخاف من الله.
< عمل يومي تحرص عليه؟
ــ الإنفاق.
< لمن تستمع من الفنانين؟
ــ أغاني الحماسة وحسين شندي وترباس وبادي ومحمد الطيب وفرفور ومحمد ميرغني، وأحب أغاني الحماسة.
< قصيدة تأسرك؟
ــ شعر البطاحين والدوبيت وجني وجن الزول البيطبل لي بالشعر.
< من تشجع في كرة القدم؟
ــ قومي.
< ومن الفنانات لمن تستمع؟
ــ لندى القلعة وهي زولة تمام، وأنا بستمع ليها بس ما عايز إزوجها زي ما بقولوا. وأتمنى لها حياة سعيدة.
< إنجاز حققته وتفخر به؟
ــ المستشفى والمدرسة بجبيل الطينة وبناء المساجد ولسه أنجز وأعمل.
< ماذا تتمنى؟
ــ نفسي أغمض وأفتح وألقى نفسي بعرف أقرأ لكن في الحسابات اتحدى أي زول وحاولت أن أتعلم القراءة عبر أستاذ يدرسني في المكتب لكني لم أواصل.
< ماذا تعني لك القروش؟
ــ ولا شيء.
< ما هي الصفات التي تفضلها في المرأة؟
ــ أن تكون محترمة ومتدينة.
< والرجل؟
ــ الصدق.
< شخصية أعجبت بها؟
ــ معجب بي رقبتي بي ود الجبل.

الانتباهة


تعليقات 24 | إهداء 0 | زيارات 7662

التعليقات
#1015507 [انوار]
0.00/5 (0 صوت)

05-25-2014 08:49 PM
ود الجبل راجل عصامى وبيفكر صاح حقو يخلو وزير مالية

[انوار]

#1015494 [مراقب عن كثب]
0.00/5 (0 صوت)

05-25-2014 08:07 PM
< من هو ود الجبل ولأي القبائل ينتمي ومتى ولد؟
ــ بابكر حامد موسى من قبيلة الجموعية السعداب وأبلغ من العمر 60 عاماً ومسقط رأسي جبيل الطينة.

ســؤالك عن القبيلة يوحى بانك انسان جاهل. وصحفي ضيق النظر.

[مراقب عن كثب]

#1015237 [ابو ياسر]
0.00/5 (0 صوت)

05-25-2014 03:00 PM
قال عمرو 60 سنة والله انت طلعت مخرب للاقتصاد السودانى وكزاب كمان ، انا عمرى الان 50 سنة والله العظيم ونحن شفع بنسمع بود الجبل قبضوه وود الجبل فكوهو بدايات عهد نميرى انت اقل شى عمرك 75 سنة خاف ربك .

[ابو ياسر]

ردود على ابو ياسر
[ود دارفور] 05-25-2014 07:43 PM
اقسم بالله كلامك صااااااح..انا عمري ٣٧ سنه...اتزكر وانا كنت صغير ابوي كان شغال تجارة استيراد وتصدير وكان بيتعامل مع ود الجبل ....وفي كل اسبوعين ابوي كانبيرسل لود الجبل شوال قروش وود الجبل بيرسل ليه دولارات


#1015222 [كمواطن سودانى]
0.00/5 (0 صوت)

05-25-2014 02:47 PM
الشخص لو عمل حاجه في الله مهما كان ما يذكرها لان لو ذكرها اجرها. مابجيه

[كمواطن سودانى]

#1015182 [Quickly]
0.00/5 (0 صوت)

05-25-2014 02:13 PM
وانت الحسادة العليك شنو ماتخلي الناس تترزق الله
هو لو ما العملة كنت انت لسه شايل طبق البيض بتاعك فوق رأسك وحايم في السوق
يابتاع البيض

[Quickly]

#1015175 [الجمبلق]
0.00/5 (0 صوت)

05-25-2014 02:10 PM
ستين سنة بالله يا اخى نحن حضرنا المواصلات و الربنسات حسع عمرنا ستين سنة تقول لى عمرك ستين دات انت اقلاها 75 سنة دا بالميت كده بلاش جهل

[الجمبلق]

#1015080 [الكاهلى]
0.00/5 (0 صوت)

05-25-2014 12:54 PM
ومن اضاع السودان سوى ود الجبل وسبدرات ؟

[الكاهلى]

ردود على الكاهلى
[kKambalawi] 05-25-2014 03:25 PM
والإتنين من أسواء الطفييليين والمرتزقة.


#1015052 [المشتهى السخينه]
0.00/5 (0 صوت)

05-25-2014 12:31 PM
بابكر ود الجبل يعتبر من ظرفاء المدينه وهم شخصيات اجتماعيه تحب الهظار والمداعبات والنكته والسخريه امثال المرحوم سينا . وكمال ترباس وعدد من نجوم الغناء والرياضه .. فلا تحاكموه وتنتقدوه كما تفعلون مع امثال نافع واحمد بلال وغردون .

[المشتهى السخينه]

ردود على المشتهى السخينه
United States [sasa] 05-25-2014 03:31 PM
والله الظرافة دى عشان فلوسه ولوكان زى حالتى مزعمط على بالايمان مافى زول يشتغلبوا لوكان بضحك الجماد ؟؟؟ فكونا من كثير التلج !!!

وبعدين هو ماكان تاجر وسمسار دولالالالالالالالالالالالالالالالار والله خلاص النسى قديمو تاه؟؟؟


#1015045 [mahmoudjadeed]
0.00/5 (0 صوت)

05-25-2014 12:29 PM
ولو ما كان عندك قروش كيف كنت بتعمل اللقاءات الصحفيه والهليمانه دي يا جاهل كنت حتكون نكره تقول القروش ما تعني ليك شي

[mahmoudjadeed]

#1014934 [كاره بياعي المداد....]
5.00/5 (2 صوت)

05-25-2014 11:16 AM
بابكر ودالجبل ..ونحت ..وصداه...ووو .......عليك الله يا الصحفي كان تقول ليه تعال اديك اختي ..يا واطي والله اعجب لبعض الصحفيين الذين يظهرون قيمة ما قبضوه للعلن ودون حياء ....ثم ثانيآ يا الصحفي جد لو انت واثق انك شقيت طريقك زي اربابك البتشكر في دا والله ىالمؤلي كان اداك زيو بس لانك مجامل ومنافق وغير القلم دا ما ظنيت اشتغلت شغلة رجال وح تفضل صدقني طول عمرك بياااااع كلام .....
والله لا اثق اطلاقآ في كل رجالات الاعمال الذين برزوا في عهد الكيزاااان ...
ورجالات المال المعروفين والغير مشككوك فيهم لم نري احد منهم من قبل يدفع للصحفيين كي يظهر..
الا رحم الله الشيخ مصطفي الامين ..الحاج ابو العلأ...الحاج سعد...وعمنا المشرف ...والبقية الذين كدوا ووجدوا دونما يتاذي الشعب منهم ودونما مساعدة سلطاااان

[كاره بياعي المداد....]

#1014863 [Salah Joker]
5.00/5 (1 صوت)

05-25-2014 10:19 AM
عيييييك ود الجبل كاتل رقبه....قال طارت مني طلقة قال

[Salah Joker]

#1014814 [مستغرب جدا]
5.00/5 (2 صوت)

05-25-2014 09:44 AM
ما لزوم علامة التعجب بنهاية المقدمة؟!

هذا الملياردير يحب الكلام عن نفسه و التحدث عن اعماله الخيرية و لا يخف سذاجته في جميع حواراته مع الاعلام.
ود الجبل, و في لقاء معه قبل اكثر من سبع سنين, افاد بانه خسر راس ماله من تجارة البيض عندما اشتبك مع معسكري بوليس بالسوق فقام بمصادرة بضاعته و اقتاده الى التخشيبة حيث قضى ليلته ليطلق سراحه اليمو التالي مفلسا و لم يذكر قصة الحمار المتعثر .

عندي احساس قوي ان الصحفي محمد اسحق استلم مظروفا ضخما عقب نهاية الحوار.

[مستغرب جدا]

#1014810 [Salah E l Hassan]
0.00/5 (0 صوت)

05-25-2014 09:41 AM
مثال رائع للتخلف و للكذب سبب غنى و د الجبل كان تجارة السوق السوداء للدولار وقبلها يكرمكم الله تسليف بنات الهوى (الداعرات ) و بالفائض بمنطقة كوريا فى اوايل السيتنات و بعدين الكذبة الثانية قال عمرو 60 سنة و الحقيقة انه فى اواخر السعبعينات يعنى 77 سنة فهذا رجل متجهول .؟؟

[Salah E l Hassan]

#1014805 [الخمجان]
2.00/5 (1 صوت)

05-25-2014 09:38 AM
ـ معجب بي رقبتي بي ود الجبل.


شوفوا بلادة السودانيين ..... والحماقة .....واكثر ما تظهر في هذا البدوي.....
عموما انت ما احسن من شيخ حسن عليه....كلهم كطاواويس....بلادة وحماقة غريبة....علشان كدة السودان ما ح يتقدم لان المشكلة في عقلية اهله....اذا تعب الراس تعب الجسد....او السودان...

[الخمجان]

ردود على الخمجان
[mogahid] 05-25-2014 04:17 PM
يا اخوي السودانيون ذنبهم شنو ولو البلادة بتدي قروش زي دة انشالله السودان كلو يطلع بليد


#1014798 [عابد مختار المختار]
4.07/5 (5 صوت)

05-25-2014 09:31 AM
وهل يعتبر مثل اعلى لابناء بلدى للاقتداء به
بلد عجيبة وصحافة غريبة

اين المثل العليا الذين يقولون لبطونهم غرغرى اولا تغرغرى فلن تتذوقى الطعام قبل اطفال المسلمين
الله يرحمك يا ابن الخطاب فقد كنتم خير امة احرجت للناس تامرون بالمعروف وتنهون عن المنكر

حتى صحافتنا ساقطة فى درس الاخلاق

[عابد مختار المختار]

#1014791 [حزين جداً]
0.00/5 (0 صوت)

05-25-2014 09:25 AM
بابكر ود الجبل رجل واضح ومتواضع وسخي ويحب مساعدة الناس وهو رجل إجتماعي حتى النخاع .

وربنا يزيد ويبارك في عمره .

[حزين جداً]

#1014668 [عمار يسن]
3.00/5 (2 صوت)

05-25-2014 03:41 AM
زوجت فلان و ساعدت علان و بنيت مستشفي و مدارس . ياخ ارحمنا شوية من الشوفونية دي ؟ صحيح انك انفقت و ساعدت الناس . لكن ما تتكلم بالطريقة دي يعني حياتك كلها فلوس بس ؟؟؟ ليتك تعلم ان الكريم لا يتحدث بكرمة ابدا" .. ربنا يذيدك كمان و كمان

[عمار يسن]

#1014643 [هلا وغلا]
1.00/5 (1 صوت)

05-25-2014 02:01 AM
مثال لرجل ناجح ومتواضع للحد البعيد

[هلا وغلا]

#1014591 [Abu]
5.00/5 (1 صوت)

05-25-2014 12:11 AM
NO DOUBTED another TRAGICOMEDY article
Understandable from another cheap tabloid newspaper ?????

[Abu]

#1014574 [الحارث]
5.00/5 (2 صوت)

05-24-2014 11:53 PM
وأنشأت مدارس ومستشفى ببلدي جبيل الطينة بعدد «250» سريراً،
وفي الأسبوع الماضي قمت برعاية «56» زيجة بمناطق الجموعية عبر احتفال ضخم كان بمنطقة السليمانية شرق، وستتواصل الزيجات سنويا إن شاء الله. وسوف يكون الزواج الجماعي القادم في الحلة
ونتبرع للزوجين با لشنطة تحتوى على «ريحة وثياب وفساتين»
ونعطى العروسين «4» ملايين نقسمها بالنصف بين العروسين «20»،
وسنويا أقوم بعمل إفطار جماعي في بيتي من أول رمضان حتى نهايته.

قارن ودالجبل بالذين ينفقون اموالهم فى استيراد لاعبين الكورة و يصرفون الملايين لتكريم انفسهم
بالله ايهم خدم و ساعد المواطن المسكين من بنى مستشفى و مرسة و جامع و زوج الشباب
ام
من جاء ب وارغو و امثاله

[الحارث]

#1014556 [دقنة]
2.50/5 (2 صوت)

05-24-2014 11:30 PM
الفنانة نصرة !!!!!!!!!! يفترض يكون ليها أسهم في شركة ود الجبل بطبيعة الحال وكت هي الإخترعت الإسم !!!!!!! أهل راكوبتنا أرحمونا شوية نحنا الفينا مكفّينا وشكراً

[دقنة]

#1014534 [ركابي]
5.00/5 (5 صوت)

05-24-2014 11:11 PM
بابكر حامد ود الجبل، اسم له صداه في البلاد فقد نحته صاحبه بإزميل الصبر والمعاناة والإرادة على خارطة النجاح في مجال المال والأعمال بالسودان!!!!!!!!!!!!!!!!!!!!!!!!!11

من اول السطر كدة مافي داعي لقراية باقي الحمار اقصد الحوار ...بلد عجيبة وصحافة اعجب

[ركابي]

ردود على ركابي
United States [عمار يسن] 05-25-2014 03:43 AM
نشم


#1014532 [Abuali]
5.00/5 (1 صوت)

05-24-2014 11:08 PM
هناك من بغتنون أوقات الفوضى الاقتصادية و ليس بذكائهم و اجتهادهم . ود الجبل انصع مثال لذلك .

[Abuali]

#1014503 [ZA HAGAN]
4.00/5 (3 صوت)

05-24-2014 10:38 PM
He build a school , but he can't read ? it is never too late to learn .

[ZA HAGAN]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة