الأخبار
أخبار إقليمية
الجبهة الثورية تبدأ "هجوما كبيرا وحاسما" في جنوب كردفان
الجبهة الثورية تبدأ "هجوما كبيرا وحاسما" في جنوب كردفان
الجبهة الثورية تبدأ


05-25-2014 04:41 PM
بدأت قوات الجيهة الثورية هجوما كبيرا على منطقة استراتيجية في جنوب كردفان كانت قد سيطرت عليها قوات الجنجويد
وقال الناطق باسم الحركة الشعبية ارنو لودي ان "قواتنا بدأت هجوما كبيرا وحاسما على دلدكو"، موضحا ان "القتال تواصل حتى مساء السبت".
ونقلت صحيفة السوداني عن وزير الدفاع عبد الرحيم محمد حسين اليوم ان القائد الميداني لقوات الدعم السريع في دلدكو قتل في هجوم للمتمردين. واكد حسين ان قوات الحكومة صدت الهجوم ولكن العقيد حسين جبر الدار قتل.


تعليقات 23 | إهداء 0 | زيارات 16614

التعليقات
#1016529 [البليل كودي]
3.50/5 (2 صوت)

05-26-2014 07:58 PM
بالأمس قلنا لكم أن هذه الحرب هي حرب إستنزاف لمقدرات وثروات الشعب السودان بالأمس قتل حسين جبريل واليوم قتل أندراوس قائد أم سردبة في قطاع الشمال ومعه قادة كبار هذه هي الحرب ولا شماتة في الموت لأن الخاسر الأول والأخير الشعب و الوطن الغالي بفقده لأبنائه فالسلام هو الهم الأول لكل سوداني فيجب إيقاف الحرب الأن!!!

[البليل كودي]

#1016333 [مغبون]
0.00/5 (0 صوت)

05-26-2014 03:42 PM
المانجلك
انضم للجيش الوطنى !!!!!!!!!!!!!؟؟؟ انتا قاصد جيش عبدالرحيم محمد حسين ولا جيش تانى ؟

[مغبون]

#1016284 [ظلال النخيل/فريد محمد مختار]
5.00/5 (2 صوت)

05-26-2014 02:43 PM
أي انتصار يتحقق على حكومة الانقاذ والكيزان نحن نباركه وذلك ردا على الظلم الواقع على أهلنا في دارفور وكردفان ومن قبلهم الجنوب الحبيب ..ونؤيد أي تحرك جماهيري وفردي لاقتلاع حكومة الكيزان ...

[ظلال النخيل/فريد محمد مختار]

#1016275 [سفيانوف]
5.00/5 (1 صوت)

05-26-2014 02:34 PM
الان كل الذين يعلقون في الراكوبة و هم يكرهون هذه الحكومة بشدة لدي تحليل بسيط اذا كان المعلق منكم عند مجيء ثورة الانقاذ كان عمره عشرين سنة و ما فوق فليكتب وصيته لأنه لن يحضر زوال هذا النظام ,,, اما اذا كان عمره 15 سنه و اقل فهو بلا شك من مؤدي الانقاذ و نحن نعول على شريحة الشباب اما الذين تقدمت بهم السن فلا نحتاج اليهم كثيرا بل ندعهم للتنظير على الصفحات الإلكترونية لأنهم و بكل بساطة ليس لديهم تأثير على الشباب و لا خوف منهم ابدا ,,, و هذه الوثبة التاريخية للإنقاذ هي فترة الراحة بين الشوطين يعني بالواضح بعد 25 سنة قادمة يمكن ان تفكر الانقاذ في اشراك بعض القوى الشبابية المعارضة . يعني ( اكلو نيم و حلو قرض )

[سفيانوف]

ردود على سفيانوف
United States [ابو روان] 05-26-2014 07:27 PM
بوركت يا سفبانون اصبت عين الحقيقة لكن زعلت الجماعة المتوهمين الثورية ديل


#1016180 [حسن - الخليج]
5.00/5 (1 صوت)

05-26-2014 01:29 PM
طيب نشوف الكبير دة شكلو كيف ما تنططوا و بعد كدة تقولوا لو ما الجنجويد (الدعم السريع ) انتم بس اركزو و خلو الجقلبه
الناس تحلم و برضو مافي نتيجه بس اهل دارفور المساكين في المعسكرات و المشكلة منهم ناس بيتمنو لباقي السودان يحصل ليهم زي ما حصل في دارفور

[حسن - الخليج]

#1015956 [انا]
0.00/5 (0 صوت)

05-26-2014 10:35 AM
السودان الى الهاويه بامر الكيزان ... اخر الفصول

[انا]

#1015849 [زول سوداني]
0.00/5 (0 صوت)

05-26-2014 09:28 AM
الامنجية العاملين فيها وطنيين وبتكلموا انو الناس تقعد في الواطة .. الناس المخلصين مارافضين يقعدوا في الواطة بس ياسادة الحكومة دي ماجاااااااادة واي كلام عن تفاوض وعن محادثات بكون من اجل كسب الوقت فقط لاغير .. فالناس ماتتعب رقبتا في الفارغة .. العصابة دي لاتؤمن الا بالقوة .. ياخي ديل الصادق المهدي القاعد يتكلم ليهو 25 سنة الحوار الحوار الحوار الحوار سجنوهو وبشتنوا بي حالو .. لاخيار الا المقاومة المسلحة في الجبهات المختلفة وعمل جماهيري كبير في المركز ...

[زول سوداني]

#1015779 [صابون الكيزان]
0.00/5 (0 صوت)

05-26-2014 08:24 AM
الي الامام .

[صابون الكيزان]

#1015659 [ahmed]
0.00/5 (0 صوت)

05-26-2014 01:25 AM
اتمني ان يركز قوات الجبهة بقتل المجرم والي كردفان !!~

[ahmed]

#1015512 [ِAburishA]
4.86/5 (8 صوت)

05-25-2014 09:03 PM
** يا جماعة..حميدتي بعضمة لسانه قال جبال النوبة صعبة....لأنها (جبال وكراكير) هم فاكرنها سافنا فقيرة..
** الجنجويد الجابوهم الخرطوم.. قالوا تاتي ما برجعوا دارفور ولا بمشوا الجبال.. حميدتي قال الناسل
قاعدين تحت المكيفات والهبوب الباردة.. وهم حايمين وبكاتلوا في (الحراية) لمن جلدهم انبرط...
وأي زول عندو منجمنجة ياها ديك (النقعة)..الذخيرة والرصاص بس,,,( تزغرد)....

**التحية للمناضلين الشرفاء.. وثورة حتى النصر من اجل اليتامي والارامل والثكالي والمساكين الغبش....

[ِAburishA]

#1015452 [نزار على حسن]
4.72/5 (12 صوت)

05-25-2014 06:53 PM
معآ من اجل سودان جديد يسعنا جميعآ لا فرق بين دين ولا لون الكلو عندو دين والكلو عندو راى
مبروك للجبهة الثورية لان هى امل الشعب السودانى لاسقاط هذا النظام الجاسم والغاشم
الشعب يريد ان يسترد كرامته وعافيته السلوبة منذ 1989

[نزار على حسن]

#1015451 [أبوحفص المسلم]
1.00/5 (1 صوت)

05-25-2014 06:52 PM
قال تعالى (الذين أمنوا يقاتلون في سبيل الله والذين كفروا يقاتلون في سبيل الطاغوت). مهما كان العتاد كبيرا فلو كانت الراية راية جاهلية فوالله لا يأتي النصر أبدا.

[أبوحفص المسلم]

ردود على أبوحفص المسلم
[سامي] 05-26-2014 12:06 PM
كلام صحيح

United States [sood zac] 05-26-2014 01:11 AM
اصلا من اسباب الاذمة السودانية و الاسلامية , امثال ناس ابو حفص المسلم دا بمايتمتعون به من جهل خرافي . يا اخي اسلامك الذي يبيح لك قتل الابرياء وتشريدهم من قراهم وهم امنون ولا اسلامك الذي يبيح لك باغتصاب النساء وقتل الاطفال ولا اسلامك الذي يبيح لك بتقسيم البلاد على مبدا العنصرية ومحاكمة بسطاء الناس وترك المفسدين . نحن لانتشرف بهذا الاسلام .

[منشى] 05-25-2014 11:08 PM
كدى اسمع الكلام دا يا المتأسلم من قول سيدنا عمر ابن الخطاب الذى كان القرآن يتنزل على رأيه ( إن الله لينصر الدوله العادله و إن كانت كافره و لا ينصر الدولة الظالمه و إن كانت مسلمه ) . كدا قس المجموعتين ديل , مجموعة عمر البشير و اللى بيعملوا فيهو شنو و بيرفضوا العدل نهارا جهارا و ذلك برفضهم الحل الشامل لكل السودانين و شوف ناس الجبهه اللى دايرين عداله اجتماعيه لكل المجتمعات الاثنيه بالسودان مع حل شامل و مرضى للجميع . يبقى على مقياس قول سيدنا عمر اللى بيستحق النصر من عند الله منو ؟؟؟؟ كدا خط مخك فى نص راسك بعدين اكتب و خلى الهرج و الزج بآيات الله فى غير موضعه . بعدين منو الكافر هسه , يعنى الناس اللى ناس المؤتمرنجيه قتلوهم فى هبة سبتمر فى الخرطوم كفار , ولا ناس دارفور كفار و لا ناس جبال النوبه ولا ناس النيل الازرق و لا حتى ناس المناصير فى الشمال و لا حتى الاحزاب المعارضه ديل كلهم كفار , ما لكم كيف تحكمون . لا تتلاعبوا بالدين لقد استغلتموهو بما فيه كفايه طيلة ربع قرن من عمر السودان و اهل السودان لم ينل بل قل المسلمين لم يجدوا منه إلا الخراب و القتل و التدمير و النزوح و شطر البلد الى كنتينات .

United States [نكس] 05-25-2014 10:22 PM
انت يا ابومسلم قاصد منو الجنجويد ولا الحركة الثورية لو الحركة الثورية ما قريت (اذن للذين يقاتلون بانهم ظلموا وان الله علي نصرهم لقدير )ولا القران نزل للكيزان بس -بعدين اسرائيل دي ما ام الجاهلية ما يومي منتصرة -لان النصر للذين صدقوا ما عاهدوا الله عليه - وديل خانو الله ورسوله والمؤمنيين السودانيين واهل الكتاب السودانيين

European Union [الكنزي] 05-25-2014 10:03 PM
هل ناس الانقاذ الامنو وهل اهالينا الاغتصبو وقتلو اخواتهم وكبارهم ديل الكفار استحي يااخي عجبي


#1015441 [المنجلك]
5.00/5 (1 صوت)

05-25-2014 06:42 PM
من مجريات الاحداث فى السودان اطالب الاخوة مناضلين الكيبورد ومدمنى الشمارات واعترف انا قد كنت احدهم. اطالب كل هولاء بالتفكير والتمعن.

1- الكلام دخل الحوش. وحتى انا اكتب فى صفحة الراكوبة. فهذا له تأثير على مجريات ما يحدث فى السودان. فيجب التعامل الايجابى والابتعاد عن المعارضة السلبية التى تقودها كراهيتى المطلقة للكيزان وتفعيل دورى الايجابى من خلال المعارضة الوطنية.

2- القصة جايطة فى السودان معارضة منقسمة تعارض بعضها اكثر من معارضتها للحكومة. حكومة ضعيفة ومنهارة تكابر وتجادل وعاجزة عن الاعتراف بابسط الحقائيق عن سلبياتها واخفاقاتها وانقسامها

3- حملة السلاح العنصريين فى السودان اصبحوا هم الذين يديرون المشهد السياسي الذى يدور واصبحت وقوده القبلية والجهوية التى لا تسلم منها الحكومة والجبهة الثورية.

4- نحتاج الى سلاح قومى ونحتاج الى قوات الشعب المسلحة والباب مفتوح لكل العناصر الوطنية بالانضمام والانخراط فى صفوفها و اؤكد للجميع ان الجيش موجود ويرفض ان يكون جزء فى اى صراع جهوى وعنصرى ويحتاج لابناء الوطن القوميين لاعادة التوازن داخل المؤسسة العسكرية التى تأثرت من السياسات الحزبية السلبية للمؤتمر الوطنى.

5- اترك الكيبورد الان وانضم لجيشك الوطنى الذي يحتاج الى مجهودك فى الميدان وليس فى الكيبورد

[المنجلك]

ردود على المنجلك
[باسطة] 05-26-2014 08:25 PM
يا المنجلك إنت بقيت تلفها و الظاهر دي ما بكرت واحد .

United States [عبد الله التوم كوري] 05-26-2014 09:57 AM
الجيش موجود!!!!!!!!!!!!!!!اين هو ؟ومتى سينقذ الوضع؟؟ يبدو إن الجيش المزعوم بنتظر إبادة المرتزقة الجنجويد لاهلنا في دارفور وجبال النوبا والنيل الازرق !ثم ياتي بعد لتفقد جثثهم وحمايتهم !!!!!!!!!!!قل لهذا الجيش ان يتعلم من الجيران الحرص على الوطن وكرامة المواطن إذا تركنا مصر جانبا انظروا ايها الجيش السوداني الى ليبيا حفتر قائد جيش متقائد ولكنه الان يقود عملية باسم كرامة ليبيا!!بعد ان اهان المليشيات الانسان الليبي وحول الاسلاميون البلد الى مصدر للارهاب .السودان تحول الى شئ غير معروف والجيش ينتظر !!الله في عونكم ياجيش .الثوار اجبروا على القتال دفاعا عن اهلهم وكرامتهم والنضال مستمر الى نهاية آخر مرتزق دخل السودان .

[nagatabuzaid] 05-25-2014 11:15 PM
المانجلك اقدر تعليقاتك ولكن عن مجاهدى الكيبورد لم يحالفك الصواب مجاهدى ومناضلى الكيبورد لهم دور اساسى وفعال فى اشعال الثورة وكشف الضلالات رغم بعدهم من ارض الوطن مجاهدى الكيبورد وانت منهم دورهم الفعال جنن الحكومة وقوم ليها قرن فى وسط راسها تتبع تصريحات المسؤلين الغير مسؤولين مجاهدى الكيبورد جعلوا نافع يجند جداد الكترونى كاكاى شتام عسى ان يخرس مجاهدى الكيبورد وسيخرسه مجاهدى الكيبورد ارجع لنضالك الكيبوردى الى ان يتمكن الجميع من الوصول والجهاد الارضى
ولك خالص التحية

[Quickly] 05-25-2014 09:41 PM
(مناضلي الكيبورد) هي العبارة التى اطلقها نافع على نافع تهكماّ واستصغاراّ على الذين يفضحون النظام ويعرونه امام الشعب ,ولكن الايام اثبتت له عكس ذلك وهاهو الرعديد الجبان يعترف بالامس القريب بخطورة هذة الموقع الالكترونية على نظامة الفــاسد المتهالك
ويطالب برلمانه بمحاربتها هيهات فقد سرت بين الناس كالسم في مجرى الدم وأصبحت كل كلمة تكتب ولو تعليق بسيط تجد صدها عند الناس ,,,,, وبدأ العد التنازلي السريع بزوالهم

اخي الكثيرين من هم خارج السودان وليس بأستطاعة الجميع الالتحاق بالمعارك الميدانية والمعركة بالاقلام لاتقل خطورة وفتكاّ من تلك التى بالميدان
كما اعترف بذلك نافع الوضيع

United States [شنب الدود] 05-25-2014 09:21 PM
خلي اولاد الاحجار الكريمه يمشو يحموكم ويقاتلو ليكم البتوظفو بدون واسطه وحصريا ضباط فقط نحنا ماعندنا واسطه عشان نحارب ليكم لو عندنا وطن ماكان احتجنا لواسطه في كل شي ولو عندنا وطن ماكان قتلونا في سبتمبر وكجبار وبورتسودان وكردفان ودارفور. والبقول عندو وطن خلي يمشي يحارب من اجل وطنه الجبهه الثوريه بتخارب من اجل اهلها واوطانها والحكومه من اجل الكرسي وبتكذب علي الناس بالوطن وهو اتباع واتقسم وامواله الناس تحللت بها والله البموت من اجلكم اما انسان امي اما يبقي جليد ود جليده. لكن انتو محظوظين لقيتو الغرابه العرب الاميه دي بتموت لكم ساي

United States [النصر اكيد] 05-25-2014 09:14 PM
هههههه خلاص يا المنجلك بعد كدا تعال الميدان وشوف الأشاوس أشاوس ابطال الجبهه الثورية - قال : اترك الكيبورد الآن وإنضم لجيشك الوطني أي جيش تقصد ؟


#1015438 [ساب البلد]
2.88/5 (4 صوت)

05-25-2014 06:37 PM
************* الي الامام اسود الجبال ******** اضربوا المرتزقة الاجانب كلاب حراسة سدنةكافوري ************ النصر لشعب النوبة الابي ********

[ساب البلد]

ردود على ساب البلد
United States [ساب البلد] 05-26-2014 06:17 PM
******* يا (عدو الكيزان) سلام اخوي ****** و الله انا ما عندي علاقة بالنوبة و جبال النوبة غير هذا الوطن ****** و لكن انا مع الحق انا مع المظلوم وين العنصرية هنا ؟؟ ناس في ارضهم بدافعوا عن نفسهم نقيف معاهم ولا ضدهم ؟؟؟ ******** العنصري المعلق تحتك بتاع بنبر السلام الظالم هو و سيده مصطفي دلوكة *******

United States [عدو الكيزان النازي] 05-26-2014 09:56 AM
ياااا الساب البلد

والله العظيم انا نوبي .... وقد استئت من تعليقك

يا خي كلنا سودانيين ياخي ... اتركوها فانها منتنة

والله كل من تعصب لقبيلة هو خائن لبلده

التعصب المطلوب هو التعصب للسودان ... ولدرجة التطرف كمان

انحنا النيل ابونا والاصل سوداني

سوداني وكفى

United States [ساب البلد] 05-25-2014 11:47 PM
******* النتانة كملت عند سيدك مصطفي دلوكة ******* التحية لشعب الابي الصابر و الخزي و العار للعنصرين مدعي العروبة ****** خلاص وقفوا ليكم الصيحة جاي ***** تطرش لينا هنا *******

[ياسر الجندي] 05-25-2014 10:03 PM
ههها هههيهع هيع هيع هععا !!!
النصر لشعب النوبه !!! والباقين سابوا البلد ؟!!!
ظهرت نتانك !!!


#1015437 [صوت العقل]
3.00/5 (2 صوت)

05-25-2014 06:35 PM
والله تحاربو 100ماتعملو حاجه كان تكملو اهلكم قبالكم الجنوبين حاربو 56سنه استفادوا شنو

[صوت العقل]

ردود على صوت العقل
[nagatabuzaid] 05-25-2014 11:18 PM
دعكوا نخرةحكومتك فى الواطا وجننوا الطيب مصطقى عايز يعملوا ايه اكثر من كده

United States [واقف علي الرصيف] 05-25-2014 09:46 PM
حدد وجهك يا صوت العقل، الجنوبيين حاربوا وكونوا دولتهم دولة اﻻحرار، أما الغرابه و النوبه فسوف يكونوا دوله اذا صارت الأمور علي هذا المنوال، عندها تجد نفسك بلا وجهه، وﻻ يقبل بك النوبه وﻻ الغرابه، فتبقى كالكلب تلهث وراء أسيادك البشير وزمرته.


#1015421 [عجبنا]
5.00/5 (3 صوت)

05-25-2014 06:14 PM
ما قلنا من زمان جبال النوبة ما مكان تهويش و شعارات هنا يسطع الحق وبس و الرجال ما بالضجة في الرادي ولا الخطب الحماسية

[عجبنا]

#1015402 [من تل ابيب]
5.00/5 (1 صوت)

05-25-2014 05:53 PM
تجنيد اجباري يا مالك عقاربل بل بل

[من تل ابيب]

#1015394 [kori ackongue]
5.00/5 (2 صوت)

05-25-2014 05:44 PM
This is from his mouththe minister of defense, which is always open wide, so the question is that where is the merecenaries Leader Hameditty? Is he living in Sudan or he is taken to refresh his health somewhere around the Middle East States???!
Tell me Abdul Rahim, because during the last fighting he ran from near by Touroogy up to Heggieliege and Al Kharasan ,leaving 18 of battle officers dead on the ground when SRF did that big job against Janjaweed, now being RSF.

[kori ackongue]

ردود على kori ackongue
European Union [TIGERSHARK] 05-26-2014 08:30 AM
This is exactly what i wanted to say, no one like to read lengthy comment

European Union [الخبر] 05-25-2014 08:13 PM
Mr. Kori .. to make people read your comments you please make it short like this one they always avoid the long one 6 to 10 rows is enough to highlight the ideas

thanks ..


#1015375 [almor]
3.88/5 (6 صوت)

05-25-2014 05:21 PM
الله اكبر والنصر لقواتنا المسلحه الشرعيه و الخزي و العار الجنجويد واسيادهم الكيزان الخونه

[almor]

#1015373 [مالك]
4.50/5 (2 صوت)

05-25-2014 05:18 PM
شنو قوات دعم سريع وقوات ثورية
فى النهاية المفقود المواطن السودانى

اقعدو فى الواطة وحلو مشاكلكم وربنا يهدى ويحفظ ارواح السودانيين ويحفظ السودان
امين

[مالك]

#1015357 [مغبون]
0.00/5 (0 صوت)

05-25-2014 05:08 PM
دي حدوتة سودانية بايخة،،تاخدو دلدكو اليوم تجي الحكومة ترجعا بكرة،وبعد بكرة تاخدوها انتو ومعاها جردل بنزين،اها تجي الحكومة وترجعا وهكذا دواليك

[مغبون]

ردود على مغبون
United States [سوداني] 05-26-2014 01:15 PM
يا ابو غضروف إنت ما سمعت بأن الحرب كر وفر, ام لم تسمع أن الحرب خدعة.
ما إسلوب أضرب وهرب ده هو الجنن حيكومة السجم الكيزان ديل.
إلى الأمام,إلى الأمام, إلى الأمام جبهة جبهة جبهة ثوريييييييييييييييييييييية.

[ابوغضنفر] 05-25-2014 06:31 PM
ديل جبهة النهب والسلب وزى الشفع يجوا ويجروا تاني


#1015351 [الكاهلية]
4.50/5 (4 صوت)

05-25-2014 05:02 PM
صدته بالنظر

اخير ترسله حميدتي بدل ما يقعد معاكم في الضل ويبوظ

[الكاهلية]

#1015350 [ابو محمد]
3.00/5 (6 صوت)

05-25-2014 05:00 PM
التهنئة الحارة لقوات الجبهة الثورية من الاعماق البل بدا اندسو يالصبر جمع صبره هذا مثل دارفوري

[ابو محمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة