الأخبار
أخبار إقليمية
وزير الدولة بمجلس الوزراء يؤكد اهتمام الدولة بشريحة السودانيين العاملين بالخارج
وزير الدولة بمجلس الوزراء يؤكد اهتمام الدولة بشريحة السودانيين العاملين بالخارج
وزير الدولة بمجلس الوزراء يؤكد اهتمام الدولة بشريحة السودانيين العاملين بالخارج


05-25-2014 10:49 PM

الخرطوم (سونا) -أكد الأستاذ جمال محمود إبراهيم وزير الدولة بمجلس الوزراء اهتمام الدولة بشريحة السودانيين العاملين بالخارج وتطوير البرامج والمشروعات المقدمة إليهم. ج
اء ذلك لدى ترؤسه اليوم اجتماع مجلس إدارة جهاز تنظيم شؤون السودانيين العاملين بالخارج .

ودعا ابراهيم إلى ابتكار المزيد من المشروعات لتلبية احتياجات العاملين بالخارج وترسيخ مبدأ التطور والحداثة وتوظيف التقانة في إدارة جهاز السودانيين العاملين بالخارج والاستفادة من موقع الجهاز الالكتروني لإيصال رسالته ، مشيرا إلى أهمية الحصر الدقيق والمواكب والمتطور والسعي إلى مشاركتهم في البرامج التي تنتظم البلاد من مشاريع إصلاح الدولة والحوار الوطني للإسهام في رفعة الوطن .

واستعرض الاجتماع تقرير أداء جهاز السودانيين العاملين بالخارج للعام 2013 م قدمه الأمين العام للجهاز والذي تناول تطوير قاعدة البيانات الخاصة بالجاليات السودانية ومتابعة إجراءات توفيق أوضاع السودانيين بالمملكة العربية السعودية والجهود التي يبذلها في تعليم أبناء العاملين بالخارج .
كما قدم خطة العام 2014 م والتي تهدف إلى توسيع سوق العمل للسودانيين بالخارج والإعداد الجيد للمهاجر السوداني وربط أبناء المغتربين بالوطن وتوظيف الكفاءات والخبرات للعاملين بالخارج دعما للتنمية بالبلاد


تعليقات 18 | إهداء 0 | زيارات 2924

التعليقات
#1016260 [الرهو]
0.00/5 (0 صوت)

05-26-2014 02:24 PM
يـا سـلام .. لـو الـصِّـدام ..
إنـحَـلَّ مـن قـيـد الـورق
لـو الـكـلام ..
مـن دقَّـة الـكِـيـبـورد مَـرَق
دخـل الـمـيـاديـن و الـشـوارع ..
كـسـح الـمـصـانـع و الـمـزارع ..

يـا شـعـبـي لـو صـابَـك ضَـرار
لاواك .. لاويـهـــــو الـكجـــــر ..
يــا راسـم الـزمـن الـمـضـارع
الـمـوجَـه .. بـِتـْهِـد الـحَـجَـر ..
الـنـار .. بـيـبـداهــــا الـشـرار
و الـثـوره تـبـدا بـِمَـن حَـضَـر ..

..
.
الثورة تبدأ بمن حضر ..

[الرهو]

#1016228 [أبوعمر]
0.00/5 (0 صوت)

05-26-2014 01:59 PM
خمسة عشر سنه ونحن ندفع ولا يوم بالغلط اتتنا رسالة من زفارتنا المرمده ومنظر الزفاره تقشعر له الابدان وسخ وقرف وحتى ورقة التجديد تباع بريال للاسف الشديد والمصطوظفين لابسين زينوبه والسفه دقار لوري كم تمنيت ان تصلني رسالة واحدة من زفارتنا عبر الجوال واي معاملة سجل عنوانك ورقم جوالك لماذا كل هذه السخافات !!!!!!!

[أبوعمر]

#1016077 [الشحمان مغسة]
0.00/5 (0 صوت)

05-26-2014 12:03 PM
وانتو شريحة الحرامية واللصوص المفتحين عارفين بعد شوية الشعب ده اغلبو حيهج لبلاد الله الواسعة بعد ما ضاقت عليه بلاده لكن وين تلقوها عند الغافل بره وجوة مقاشرنكم ابقو على السنمكة والصمغ اكان يجيب ليكم مرتبات حميدتي وغنمه...
سلو القمبور يا جماعة سلو القمبور، سلو القمبور

[الشحمان مغسة]

#1016074 [مغترب شريحة بدون رصيد]
0.00/5 (0 صوت)

05-26-2014 12:01 PM
مغترب مسطول قالو ليه انت شريحة ( فعالة) و مهمة

قال ليهم: " هق شريحة وكما ( مفعّلة) ولا قصدك شنو .... ياخي انا بالذات شريحة وما فيها رصيد رائكم شنو هق

سيبونا في حالنا شريحة قال

[مغترب شريحة بدون رصيد]

#1016024 [ودالشريف]
0.00/5 (0 صوت)

05-26-2014 11:17 AM
جهاز السودانين العاملين بالخارج لا يهتم بالمغترب بل يهتم كيف ياخذ من جيب المغترب اعطيكم امثلة حدثت معى عبر السفارة فى الرياض ذهبت لتجديد الجواز مع العلم الجواز منتهى الصلاحية 10 سنوات تعجبت حين طلبو رسوم تجديد وليس لستخراج جواز جديد والحجة مافى جوازات جديدة ودفعت رسوم التجديد لمدة سنتين واستلمت الجواز وتفاجاءت حين وجدت التجديد لمدة سنة واحدة مع العلم انهم استلمو رسوم سنتين احنجيت قالو ما نقدر مجددو اكثر من سنة لان الجواز اكمل عشر سنوات وماعندنا بند تجديد سنة دى خدمة ليك تخيلو خدمة لى !!!!!!! والثانية اضافة مولود دفعت الرسوم وتمت الاضافة ورجعت الى المدينة التى اعمل بها ويا للهول ذهب للجوازت لاستخراج اقامة للمولود قالو لى كيف سفارتكم تعمل اضافة وانحنا لينا اشهر موقفين استخراج الاقامة للاطفال المضافين فى جواز الام او الاب والنظام لايسمح عليك استخراج جواز جديد منفصل للمولود المفاجاءة يا اخون انه قبلي حدث هذا الامر لكثيرين وعادو للسفارة والغو الاضافة واستخرجو جوازات منفصلة يعنى هم يهتمون للرسوم وانت عملت الاضافة نهبو منك 160 ريال وتستخرج الجديد تدفع وانت صاغر شفتو عمائلهم وده المغتص حجرهم لانه مال مافيهو بركة وسرقة واحتيال عديل ومقنن من قبلهم ياجماعة الناس ديل نصابين وكذابين ومايهمهم الا قروشك انت لا شي لهم جيبك ودولاراتك هى من يلهثون خلفها لنا الله ولك الله ياوطن

[ودالشريف]

#1015896 [ابو سامى]
5.00/5 (1 صوت)

05-26-2014 09:58 AM
خلونا فى حالنا لو دايرين تخدمونا اعملو لينا تاشيرة الخروج الكترونية عشان الواحد ما اجيكم واقيف فى الصفوف واى زول عايز حقو ومرات نحن بدونا اجازة عشره يوم ما بنشوف اولادنا بنعديها معاكم تحانيس ومافى داعى للزكاء والضراييب بتاعتكم دى نحن بنزكى بطريقتنا

[ابو سامى]

#1015877 [عبدالرحيم وقيع الله]
0.00/5 (0 صوت)

05-26-2014 09:46 AM
مع مرور الايام يزداد عدد السودانيين الخارجين من الجنسية السودانية والالتحاق بجنسيات اخرى ومع شروق شمس صباح كل يوم يقترب العديد من المهاجرين من اكتمال المدة القانونية للخروج من حظيرة الدولة السودانية والدخول تحت ادارة دولة اخرى وحكومتنا الرشيدة حتى الآن لا تدري ما تفعل لا فيما يتعلق بالسودانيين بالداخل ولا حتى السودانيين بالخارج وفي كل يوم نسمع لكلكة جديدة في كل مجال.
اذ لا يعقل ان يخلو تقرير جهاز السودانيين العاملين بالخارج لعام 2013م المسئول عن متابعة اكثر من اربعة ونصف مليون مهاجر هؤلاء المهاجرين بصفة رسمية واعتقد انه يتضمن عدد السودانيين في مصر المقيمين بها اقامة شبه دائمة ولا الذين يهاجرون من دولة الى اخرى واستقر بهم المقام في دولة ولا عدد المهاجرين في بعض الدول الافريقية ويعملون في التجارة البينية ما بين راوندا ويوغندا والكنغو و المهم خلال عام كامل يخلو التقرير من اي انجازات تفشل وكالة السودان للأنباء ان تجد من بين ثنايا التقرير ما تكتبه في هذا الخبر الذي ترأسه وزير الدولة بوزارة شون مجلس الوزراء سواء تأكيده اهتمام الدولة بشريحة المغتربين ؟ وهل هذا الاهتمام يأتي ضمن واجبات الدولة او تفضلاً منها لشريحة المغتربين وقد حمدت الله كثيرا ان خلال التقرير من اي اشارة الى جامعة المغتربين او المجلس الاعلى الى الجالية وهو مجلس لا يمثل الا نفسه فهو لا يمثل لا الجاليات او المغتربين في شئ اطلاقاً ولا تدري الكثير من الجاليات او المغتربين الطريقة التي تم بها انتخاب المجلس وان غالبية اعضاء المجلس بعيدين كل البعد عن مشاكل المغتربين الحقيقية لأنهم اصلا جاوا اما من الامم المتحدة او من دول غرب افريقيا او بلجيكا او السويد ولا نريد الحديث اكثر من ذلك في هذا الموضوع وعليهم عدم الحديث باسم الجاليات وكان عليهم مغادرة المجلس مع الامين العام السابق وعلى الامين العام الجديد العمل على اعادة تكوين المجلس الاعلى للجاليات بالطريقة ديمقراطية مع الاعلان عن اسماء المرشحين بموقع الجهاز والجهة التي يمثلونها وليس بطريقة الخم والتعيين.

والشئ الوحيد الافضل من بين ما يقوم به الجهاز هو قيام ادارة التواصل الالكتروني بتزويدنا من فترة لأخرى بأخبار الجهاز عن طريق نشرتها الالكتروني والتي نأمل لها ان تتطور وتنمو وليس التركيز على استقبالات الامين العام فقط اذن ان استقبالات الامين العام هي جزء من عمله اليومي الروتيني

[عبدالرحيم وقيع الله]

#1015858 [yaseen]
0.00/5 (0 صوت)

05-26-2014 09:35 AM
لازال المغترب يدفع الضريبة او الزكاة قبل السفر للسودان ثم يفاجأ بضرائب جهاز المغتربين عند

اصدار تأشيرة العودة تطالبه بالايصالات؟؟؟؟وإلا..... يدفع مرة اخرى ؟؟؟

وإذا ارادوا إدخال وسائل الاتصال الحديثة لحل هذه المشكلة لفعلوا ولكن فى نظرهم أن المغترب

لايستحق ذلك يعنى شوية المصاريف البيعملوا بيها الاتصالات شايفنها خسارة علىالمغترب ...ومايسمى

بجهاز المغتربين الفاشل يتغاضى وكانه لايعلم شيئاعن هذه المشكلة !!!!!

نكرر مرة أخرى نرجو عدم ربط الضرائب والزكاة اذا هذه الضرائب لازالت قائمة بتأشيرة الخروج

والعودة لانها هى سبب هذا الحقد الدفين من المغترب على وطنه الذى يبتزه ابتزارا ليسمح له

بالدخول الى وطنه

إن البيان بالعمل فإذا أرادت الدولةان تستفيد من المغترب عليها أولا أن ترد الظلم عنه والذى

طاله منذ حكومة نميرى وحتى اليوم وأن ترد له حقوقه مثله مثل المواطن فى الداخل .

ونحن نرى المواطن فى الداخل يقدم للخطة الاسكانية ويستلم أرضه بأبخس الاثمان ثم يأتى المغترب

المسكين ليدفع كل غربته ليشترى من حر ماله ارضاوالدولة لاتعبابه كانه مواطن من الدرجة

الثانية !!!

[yaseen]

#1015829 [موسى الموسى]
0.00/5 (0 صوت)

05-26-2014 09:16 AM
دا وزير دولة فاشل مثل سحبه الفاشلين الغنو على حساب المواطن ، ولكن اين يذهبوا من الله ، يوم يقبرون وهو آت لا محالة


ووكلنا عليكم الله الواحد الاحد الصمد الذي لم يلد ولم يولد اورينا فيكم يوما اسودا ، كسني يوسف بن يعقوب .

[موسى الموسى]

#1015781 [المتجهجه بسبب الانفصال]
0.00/5 (0 صوت)

05-26-2014 08:26 AM
اهتموا بشرائح الشعب الفضل في الداخل،، المغتربين خلوهم موفرين عليكم علاج وتعليم أساس وثانوي وزحمة مواصلات وصرف كهرباء وموية وهلم جرا ،،، وما قصروا بعد ده كلوا بدفعوا ليكم رسوم وضرائب وزكاة ،،،

[المتجهجه بسبب الانفصال]

#1015777 [عمار - أبو فارس]
0.00/5 (0 صوت)

05-26-2014 08:17 AM
جهاز المغتربين يعم ضد المغترب - المغترب بقرة حلوب

[عمار - أبو فارس]

#1015706 [ودالباشا]
0.00/5 (0 صوت)

05-26-2014 03:32 AM
اعطونا عرض اكتافكم بس

[ودالباشا]

#1015700 [شليل]
0.00/5 (0 صوت)

05-26-2014 03:09 AM
كتمت ... والله يا المغتربين احسن تعصروا ضنباتكم والإجازه زااااتها شوفوا ليكم مكان يستاهل دفع القروش بتاعتوا
حرم الناس ديل راقدين ليكم تحت القش وريالتهم سايله ....

[شليل]

#1015692 [سوداني]
4.00/5 (1 صوت)

05-26-2014 02:44 AM
انتو يا ناس قايلين مغترب اليوم زى مغترب زمان - لا ابدا المغترب اصبح واعي جدا واخد الدرس منكم تماما ووعاه ما تفتكروا نفسكم اشطر من المغترب - ده العالم كلو عرفكم حرامية كبار ومجرمين عشان كده بحاصركم - قروش المغترب ده عرق جبين مستعد يموت من اجلها ولا تاخدوها انتو يا حرامية والله دنستوا سمعة السودان - المغترب السودان اصبح ينظر اليه في كل المطارات كانه مجرم ويحتجز لمدة ساعات في بعض المطارات وداك يا تفتيش وتصوير باحدث الاجهزة التي تستخدم مع المجرمين ورغم براءة الشعب السوداني ولا توجد له سوابق ولكن حكومة السودان تاوي الارهاب والعالم كلوا يعرف ويسمع بن لادن وكارلس واخرها جماعة بوكو حرام وجماعة تنظيم الاخوان وغيرها من الجماعات الارهابية - اذا اردتم ان تخدموا المغترب اذهبوا عن سدة الحكم وبارك الله فيكم فانتم السبب في هجرة ابناء الوطن - وانتم السبب في تشريد المواطن السوداني - اساتذة الجامعات والمهندسين والاطباء وغيرهم - بس افهموا المغترب لا يرغب فيكم اطلاقا خلوهو في حالو احسن يا حرامية ويا مجرمين وكفي مشروع سندس واعظا -

[سوداني]

#1015670 [نونا]
3.00/5 (1 صوت)

05-26-2014 01:56 AM
دا كمان منو إنشاء الله؟ دا من المجموعة المدسوسة ( في حكومة الكلوش) .قال ( شريحة السودانيين بالخارج قال) إنت وييين يا اخوي! احنا ما كلمناك؟ ما قلنا ليك؟ مش السودانيين بالداخل هم ألبقوا شريحة ( في قول آخر سريحة) و ألفي الخارج ديل بقوا ( قبيلة)!!!!

[نونا]

#1015611 [Ahmed]
4.75/5 (3 صوت)

05-25-2014 11:57 PM
يا ناس الراكوبة يا مستهبلين صورتكم مباااااااالغة و تعبر عن مغسسسسسستنا الشديييييييييدة رب صورة ابلغ من الف كلمة

[Ahmed]

#1015596 [سدالنهضة]
5.00/5 (1 صوت)

05-25-2014 11:31 PM
عليكم الله خلو المغتربيين ديل في حالم وحلو مشاكلكم بتاعة الفساد الضاربة الوطن دي والشريحة دي ما بتركب الا اي مغترب في راسو لانهم عارفيين اي واحد بجي رئيس تنظيم شئون المغتربيين فاسد وعايز ياكل تعب وعرق الرجال
بلاش كلام فارغ معاكم واستهبال

[سدالنهضة]

#1015592 [عصمتووف]
5.00/5 (3 صوت)

05-25-2014 11:29 PM
ماذا فعلتم لشريحة الداخل الاغلبية جيوبها بني فيها العنكبوت قلتو تشوفوا ناس بره ي لصوص ي جهاز المفترين وليس الغتربين خذوا التجارب من الجاليات الاجنبية الهندي والبنغالي والباكستاني والافغاني كم شاهدناهم الواحد عفشة يلفه بشبكة ولن يفتح الا في البيت لا جمارك لا يحزنون ولاشئ توووووووووووووش يخش تعالوا شوفوا هنا البهدلة والحقد والحسد يجده القادم بالمطار وش البلد ي لصوص الريالات والدولارات علي كل مغترب يكون حريص علي مالة ولا درهم ولا هلله ولا سنت تدخل عبر البنوك زي اموال الزكاة والضرائب والمكوث تذهب لكروش ورفاهية امثال هذا المزايد
عزيزي المغترب
عزيزي المهاجر
احرص علي مالك
يوجد هنا النهب المقنن والمفنن وانا مالي حذرتك علي حسب تجربتي وضيعوا علي اقامة

[عصمتووف]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة