الأخبار
منوعات سودانية
تحسبا لرمضان: ارتفاع مضاعف في الويكة بالأسواق
تحسبا لرمضان: ارتفاع مضاعف في الويكة بالأسواق
تحسبا لرمضان: ارتفاع مضاعف في الويكة بالأسواق


05-26-2014 07:52 PM

الخرطوم: نمارق ابراهيم
أكدت جولة ميدانية بأسواق الخرطوم حدوث ارتفاع كبير في الويكة مقارنة بالعام المنصرم
وأكد معظم التجار أن الارتفاع المفاجئ في أسعار الويكة يرجع لاقتراب شهر رمضان حيث تشرع العديد من الأسر في الإعداد المبكر للشهر تخوفا من ارتفاع الأسعار بسبب الطلب العالي عليها.
وقالوا إن الزيادة مصدرها كذلك السوقين المحلي وسوق ام درمان حيث يحتكر التجار الكبار السلعة ، فضلا عن حدوث شح فيها بمناطق الانتاج, ونصح بعض التجار المواطنين بتخزين الويكة وحفظها في الثلاجات واضعين عليها (العطرون) لأنه ضد الرطوبة وذلك بعد سحنها تحسبا للارتفاع والشح الكبير فيها مع اقتراب شهر رمضان.
وأبان التاجر عمر خضر صاحب محل (ابو عمار) بسوق الشجرة لـ(السوداني) أن الربع (نصف الكيلة) من الويكة (البامية المجففة والمقطعة) زادت من (100-120) جنيهاً والملوة من(15-30) جنيهاً ونصف الملوه(7.5) جنيهات, والويكه (السارا) الربع (متعارف عليه في أوساط التجار بأنه يعادل نصف الكيلة) ارتفع سعره من (160-180) جنيهاً والملوة من(30-40)جنيهاً والويكة المسحونة لكل من البامية المجففة زاد الرطل من(30-40) جنيها ومن النوع السارا الرطل من (40-50) جنيها.
وأشار صاحب محل (مليجي) التاجر علي آدم إلى أن الربع من الويكة (البامية المجففة) قفز سعرها للضعف من (60-120) جنيهاً وزادت الملوة من (15-30) جنيها, والسارا قفز السعر من (120-220) جنيهاً وزادت الملوة من(30-55) جنيها, والجوال من الويكة السارا ازداد من (800) جنيه الى (1750) جنيها وجوال البامية المجففة قفز من (450)الى (1100) جنيه.
وأيد التاجر مجدي احمد صاحب محل (الطيبات) حديث سابقيه من التجار واضاف أن الويكة أنواع (ويكة شاد او المفرولة الصغيرة, ويكة البامية (البلدية), ويكة الجموعية وهي أغلى الأنواع وويكة الجزيرة وهي الارخص. ويكة الجروف تظهر مع نزول البحر إذ بلغ الجوال من الشاد (1500) جنيه والسارا (700) جنيه.
أكد التاجر علي عمر علي صاحب محل (الطائي) ارتفاع الويكة بأنواعها المختلفة خاصة الويكة البلدية والتي تشمل (البامية البلدية المقطعه، الحسانية، السمير، الجموعية، سليم)

السوداني


تعليقات 4 | إهداء 0 | زيارات 1806

التعليقات
#1017333 [ركوب الخيل]
0.00/5 (0 صوت)

05-27-2014 02:28 PM
ارتفاع في الويكة مع انخفاض كبير في الهوت دوق والبيتزا الناس ما تأكل بيتزا وهوت دوق الجابرها علي الويكة شنو حتي الخبز لو كان غالي الناس ما تأكل مكرونة ,,,,, وبعدين الويكة دي اصلا ما عبارة عن خضار بامية مجفف ........ الناس دي ممكن تجفف شجر النيم المالي الدنيا دي وتعمل منو ويكة يعني لازم نثير مشاكل من مافي اصلا كمان رمضان جاي وفيهو كل شيئ بيصبح رخيص وحي لو بقي غالي ما مشكلة في زول حيمنعك تتفرج بعيونك ,,,,,و يا جماعة بشة ركبته فضت من الموية لحدي ما غيروها ليهو بعملية وتجو تقولي لي الويكه غالية والله الويكة دي لو غيرتو منها حرف الواو وجبتو اي حرف تاني برضو حتكون غالية

[ركوب الخيل]

#1017215 [آمال]
0.00/5 (0 صوت)

05-27-2014 01:01 PM
ارتفاع مبالغ فيه و الناس هم البدفعوا ثمن جشع التجار ديل

[آمال]

#1017024 [العوض]
0.00/5 (0 صوت)

05-27-2014 10:49 AM
بعرف واحد بجفف الويكة هنا ومالاقي زول يشتر منو ممكن الواحد يصدره

[العوض]

#1016744 [سدالنهضة]
0.00/5 (0 صوت)

05-27-2014 12:47 AM
حتي الويكة بقت عالميه لله دركك يا سودان تجار ما عندهم زمه يحتكرو السلع والسوق في الشهر الفضيل طيب نزلوها في البورصة عشان تتباع بالدولار ربنا ينتقم من حكومة الكيزان

[سدالنهضة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة