الأخبار
منوعات سودانية
قصة أقرب للخيال ...عروس تتعرض إلى أكبر خدعة في حياتها في كسلا
قصة أقرب للخيال ...عروس تتعرض إلى أكبر خدعة في حياتها في كسلا
قصة أقرب للخيال ...عروس تتعرض إلى أكبر خدعة في حياتها في كسلا


05-26-2014 08:01 PM

كسلا: سيف الدين آدم هارون

تأتي الرياح بما لا تشتهي السفن انطبقت تلك المقولة على العروس الكسلاوية ذات العشرين ربيعاً وتشير تفاصيل القصة الغريبة إلى أن منظمة الشهيد أقنعت الفتاة التي استشهد والدها بالدخول في مشروع الزواج للمنظمة بمناسبة أعياد الشهيد(22) إلا أنها رفضت وقالت لهم بإنها لا تريد أن يتم عقدها في زواج جماعي وأكدت لهم بأن زواجها في عيد الفطر المبارك وهم في حل عن هذا العقد الاستباقي لتتلقى وعوداً قاطعة من مدير المنظمة بمحلية كسلا بإقامة مناسبة عقد خاص لها تزامناً مع زيارة الرئيس وتم وعدها بتقديم مساعدات حسب المتبع في مثل هذه المناسبات الكبيرة إلا أنه بعد انفضاض سامر أعياد الشهيد أدار مدير المنظمة بالمحلية ظهره للعروس وتنكر لوعوده التي أطلقها في ما يتعلق بالمساعدات وقال لها بلهجة حاسمة عندما ألحت عليه لو ما عاجبك اذهبي واعقدي من جديد.. وكشفت العروس تفاصيل الخدعة الكبيرة التي تعرضت لها، وقالت بنبرة حزينة إن أسرتها علمت من خلال المشرفات أن هناك زيجات خاصة تتم بمناسبة زيارة السيد رئيس الجمهورية على شرف أعياد الشهيد، والمشرفة تعلم بخطوبتي، وأضافت العروس أفراح عبد المجيد محمد عثمان أن أحد مسؤولي منظمة الشهيد بمحلية كسلا ويدعى خلف الله حدثني عن عيد الشهيد وطلب مني إتمام عقد قراني، وقال لي لأنك ابنة شهيد وعندما طرحت الفكرة لخطيبي حينها رفض تماماً مبدأ الزواج الجماعي، وتمسك بإتمام كافة مراسم الزواج في العيد، إلا أن خلف الله وعدني بأن يتم عقدي بصورة خاصة على يد الرئيس وعندما حضرنا للعقد لحظت لافتة مكتوب عليها «زواج جماعي» وعندما استوضحت عن ذلك قال لي بإنهم فوجؤوا باللافتة وحمَّل إدارة الإعلام إحضارها وأكد لي بأن سيتم عقدي لوحدي دون مشاركة الآخرين وعند دخول الغرفة المخصصة للعقد وجدت فتاة أخرى في انتظار مراسم إتمام عقدها.
بالإضافة إلى وجود صيوان آخر به عدد من العرسان القدامى وتمسكت بعدم إتمام العقد ونسبة لعظمة المناسبة وتشريف الرئيس تم عقد قراني على يد الرئيس ، وبعد انتهاء مراسم العقد وجهت سؤالي لجهة ذات صلة بالمنظمة عن الوعد علماً بأن هناك شنطا ووسائل إنتاج وغيرها كانت معروضة لحظة الزواج وكان الرد بكلمة (دا إعلام ساي).
وقلت لخلف الله (أنت هسي غشيتني) وقلت لي ما زواج جماعي ونازل في الإعلام زواج جماعي، وأضافت أفراح أن المبلغ الذي استلمته عبارة عن 1500 جنيه وهي أصلا طالعة من منظمة الشهيد عبارة عن مساعدة معروفة درجت المنظمة على منح ذلك المبلغ لكل أبناء الشهداء عند الزواج للبنت 1500 والولد 2500..
إذن أين الجديد والوعود وعندما ألححت لمعرفة حقوقي وذكرته بوعده لي ذكر لي بالحرف الواحد (إذا أنتي ما مقتنعة بهذه الزيجة عليك بتجديد العقد) وقالت أفراح إن ما تم يضر بسمعة المنظمة، وأضافت العروس بأن المشرفة ألحت على ارتدائي ثوب بلون أحمر وبعدها أحضرت لي ثوبا بلون أخضر وطلبت مني بعد انتهاء العقد إرجاع الثوب وقالت (حتى الثوب مدني ليهو شدة؟)..
وأضاف العريس الفاتح محمد أحمد بأنهم في حل عن الزواج الجماعي ولكنه وافق باعتباره حق لأسرة الشهيد، ولكن بعد العقد وجهت لي عدد من الأسئلة في شاكلة (أدوكم كم) وأضاف عندما حاولت استفسار إدارة المنظمة رفضوا الرد على تلفوني وأعدّ ما حدث عبارة عن مقلب كبير وتساءل العريس (هل هناك زواج جماعي بدون ميزانية؟).
ومن جانبه أوضح مدير منظمة الشهيد ولاية كسلا الأستاذ منير حسن الجعلي أن مسألة الزواج مسؤولية لجنة الخدمات وهي منفصلة وتمنح الرجل 2500 والفتاة 1500 جنيه، وأكد منير أن اللجنة سألت أهل العروس ووافقوا بالزواج وعن الشنط المعروضة وهي أنموذج من قبل الاتحاد الوطني ونحن لم نعرض شنطا ولا غيرها وقلنا لهم إذا ناس الاتحاد أدونا شنط نديكم - على حد قوله- وأعلن تشكيل لجنة لتقصي الحقائق مع مدير الرعاية الاجتماعية.

الوطن


تعليقات 41 | إهداء 0 | زيارات 31956

التعليقات
#1024726 [جساس الثقفي..الطائف]
5.00/5 (1 صوت)

06-03-2014 11:56 PM
والله انا خدعت من من واحد قحم سوداني طبعا من ((اصحاب الدماء النيله والمعلقات القرشيه )) وكذب عليه واشعرني بان بنته ماتبيني وقال لها انني اسخر منها عند جماعتي السعوديين وعند الطرفين كان يدعي عدم فضاوته وانشغاله لانه مسافر لسودان واخرتها النصاب يزوجها على قريبها الاعرج اللهم لاشماته ويجبر بنته على شخص ماتبيه فقط لكي يزوجها منه الله لايوفقه اللهم احزن قلبه كما احزن قلبي اللهم سود عليه حياته وامرضه وبهذله وافضحه بين الناس وكشفه على حقيقته اللهعم اجعل تلك المسبحه التي يدعي فيها زهده وورعه تتحول لثعبان يلتف على رقبته

[جساس الثقفي..الطائف]

ردود على جساس الثقفي..الطائف
United States [جساس الثقفي..الطائف] 06-04-2014 08:11 AM
ارسلي ايميلك ونتكلم كام الان ههههههههه انت ممكن ماتعرف السودان رغم سودانيتك و تفكر انه كل السودانيات سود زيك ؟؟ يارجل في سودانيات زي اللبنانيات واحلا ولانهم فعلا قليل فهم نوااااادر من الجواهر ولاتنسى ارسل ايميلك الان عشان تتغزل فيني انا كمان بس اهم شي ماطلع كذاب قدامك وقدام الناس

United States [الجعلي] 06-04-2014 06:04 AM
معقول في شاب ثقفي يفكر يتوزج سودانيه ياخي الثقفان اسمع عنهم كثير انهم اجمل ناس بالوطن العربي وحتى بسوريا ولبنان عندهم اغنيه تراثيه بعنوان (ياريم وادي ثقيف ماشفت لك وصيف) واسمع انو بناتهم خلصوهم شيوخ الكويت وقطر ال سعود وانت مشتهي سودانيه شوف يازول يانت كذاب بجنسيتك ياكذاب بثقفيتك ياكذاب بقصتك كلها


#1018705 [الحاج فلب]
5.00/5 (1 صوت)

05-28-2014 06:56 PM
إنتى ذاتك البوبار ليك شنو....وراجلك ده وكت ما داير الزواج الجماعى الوداهو شنو؟؟..

وليه يعملوا ليك عقد براك .... يعنى إنتى أحسن من باقى أبناء الشهداء بى شنو؟؟...

وإنتو زاتكم يا ناس الركوبة البقرأ العنوان عروس إتعرضت لإحتيال إقول خلاص البت دى

إغتصبوها.... ياخى ما تخلونا من الخلع حقتكم دى...والناس طوالى جارية للحكومة وناسه

حرامية وتجاهلو لب الموضوع....كلام فارغ...

[الحاج فلب]

#1017590 [مغالطات مغالطات مغالطات]
4.50/5 (2 صوت)

05-27-2014 07:22 PM
احلي شي في الموضوع ده حكاية لجنة لي تقصي الحقايق دي.....

[مغالطات مغالطات مغالطات]

#1017530 [أبو ريناد]
5.00/5 (1 صوت)

05-27-2014 06:00 PM
الكلب دي الله بنتقم منو هو رئيسو كذاب هو حيكون شنو، كلهم منافقين كلاب رمم قال منظمة شهيد ، أنا في مكة وجمب الحرم وبدعو عليكم الله يأخذكم وينتقم منك يا كلاب يا عفن يا رمم ويخلصنا منكم قبل حلول شهر رمضان . قولو آمييييييين .

[أبو ريناد]

#1017393 [مقبول تيلم تيلم]
5.00/5 (1 صوت)

05-27-2014 03:25 PM
هو الرئيس كذاب ديل شنو الدولة كلها قائمه على كذبه كبيره إسمها المشروع الحضاري

[مقبول تيلم تيلم]

#1017377 [مغبون]
0.00/5 (0 صوت)

05-27-2014 03:15 PM
انحطاط كامل الدسم ولم تعد للدهشة وجود في قاموسنا،،اكل هذه الاكاذيب هي من فقه ضرورة الترابي ونحن لا نعلم!

[مغبون]

#1017158 [آمال]
0.00/5 (0 صوت)

05-27-2014 12:34 PM
منظمة شنو دي البتدي وعود للناس و بتخلف بيها

[آمال]

#1017108 [موسى محمد]
4.88/5 (5 صوت)

05-27-2014 11:57 AM
أحمدي ربك الجماعة ما زوجوكي للرئيس.
كان بتشربي ما يتروي.

[موسى محمد]

#1017062 [يالله دايرنوا وطن كامل]
5.00/5 (2 صوت)

05-27-2014 11:20 AM
بس في سؤال محيرني الناس القاعده تسرق وتسئ للشعب السوداني دا ما بمرضوا بمرض خليهم يتزكروا العملوا دا ولو في ....مافي زول بوثق لاولاد الزينة ديل مرض كفوا شلل رقبه ملوحه ما فاعده ترفع راسه

[يالله دايرنوا وطن كامل]

#1017003 [سوداني مدبرس]
0.00/5 (0 صوت)

05-27-2014 10:35 AM
اولا قوله شهيد دا خطأ فادح ووهم ساي مافي شهاده بدون جهادوالجيش المات في الجنوب ديل ودارفور هم الكفار في منظور الاسلام مسلم يبدأ بقتل اخوه المسلم دا ماكافر كل الناس مخدوعه شعب جاهل قالت شان خاطر الريس ماتراجعب دابتضح انو في ناس كتار بعملو حاجات بمجامله ساي قرار مصيري زي الزواج برضو دايره مجامله وشان فلان

[سوداني مدبرس]

#1016985 [خالد]
1.00/5 (1 صوت)

05-27-2014 10:24 AM
طيب دى (مريم الاخرى ) هل هذا زواج حلال ام برضو زنا
اها مجلس الافتاء والساسه والاعلام ووووو كل يدلى بدلوه
ما خلاص بيقينا ما عارفين ابسط سبل الحياه
الماعندو كبير يلعبو بيهو الكيزان

[خالد]

#1016944 [الحقيقة المرة]
5.00/5 (1 صوت)

05-27-2014 10:02 AM
سؤال خارج النص ... هل والد الفتاة(رحمه الله رحمة واسعة واسكنه في أعالي الجنان) شهيد أم يا تري كما قال كبيرهم الذي علمهم السحر ... مع شديد إعتذاري لاسرته ....

[الحقيقة المرة]

#1016831 [خايف المغسة تقتلنى]
4.88/5 (5 صوت)

05-27-2014 07:22 AM
خلاص كدا إكتشفتى خداعهم أوعى تتدقسى تانى و تطهرى أولادك فى الطهور الجماعى أو طهور الشهيد ولا. هههههههههههههههاى............ غايتو ألله يجازى محنكم يا تجار الدين. نضحك مما نسمع.

[خايف المغسة تقتلنى]

ردود على خايف المغسة تقتلنى
European Union [aboahmed] 05-27-2014 11:19 AM
لا حول ولا قوة الا بالله العظيم يعنى لحدى ما تلد وتطهر عيالها برضو الناس ديل قاعدين ؟


#1016809 [بنت الشرق]
4.00/5 (3 صوت)

05-27-2014 04:37 AM
برضوا احسن ليك من البوره

[بنت الشرق]

ردود على بنت الشرق
United States [مغالطات مغالطات مغالطات] 05-27-2014 07:25 PM
قطعتي مصاريني من الضحك


#1016808 [مديني]
5.00/5 (1 صوت)

05-27-2014 04:35 AM
حكى ليك صديق سابق عمل في منظمة الشهيد مديرا لمكتب مديرها في فترة من الفترات وبوساطة احد النافذين من الكيزان الذي كان يتبع له (من اولاده) قبل ان يتوب الى الله.. قال أنه بعد تعيينه بفترة وصلت 80 مليون بالقديم من احدى الولايات جبايات لاسر الشهداء فأمره المدير بأن لا تدخل للخزنة وان يحتفظ بها حتى يأذن له وان يجعلها في مكتبه.. بعد فترة قصيرة سافر المدير وطلب منه صيانة منزليه في الخرطوم - لديه زوجتان - وان يستخدم علاقاته مع التجار في السجانة لتوفير المواد.. تأخر الرجل في سفريته السياحية وضاقت الدنيا بأخينا هذا بمطالبات العمال والدائنين وكلما اتصل بالمدير يطلب منه ان (يتصرف) حتى يعود وواصل في المماطلة الى ان اضطر لاخد جزء من المبلغ المجنب.. وبعد عودة المدير استغرب استمرار اخينا في المطالبة بحقوق الدائنين وواصل التملص منه.. فما كان من اخينا الا ان يتوجه للشخص الذي عينه-كبيرهم الذي علمهم السحر - شاكيا..طلب منه العودة للمكتب واحضار بقية المال على ان يطلب مديره للحضور فورا بالهاتف.. وفعلا عاد بالمال ووجد مديره جالسا امام الكبير فواجهه به وقال له لقد اضطررت الرجل لان يمد يده لاموال اشهداء ليسدد دينك ووو .. يحكي صاحبي ان المدير قفز على رقبته خانقا له وهو يرغي ويزبد - (تصلح بيوتي من اموال الشهداء ؟؟!! حرام عليك) .. المهم امره الكبير بسداد دينه وطلب منهما المغادرة لاعمالها.. طبعا تاركين ما تبقى من اموال على مكتبه .. ههههههه

[مديني]

ردود على مديني
[واحد من الزمن الجميل] 05-27-2014 09:42 AM
منظمة الشهيد دى اصلا عملوها عشان اعرسوا هم زوجات وبنات الشهداء التى ضاعت ارواحهم فى ارض تم بيعها لحساب المنافقين


#1016796 [Naser]
5.00/5 (1 صوت)

05-27-2014 03:44 AM
المغفلين الما نافعين.
هو حكومة الإنقاذ ما ماشه بشاكله هؤلاء.
قال غشونا. الجديد شنو ما اصلهم قاعدين يغشو في الشعب السوداني عشرين سنة يعني مصايب البشرية دا كلو ما بتشاف الا لما تجي في الواحد شخصياً بعد داك يعرف انو دي حكومة عصابة استباحوا بلد بكامل مواردة.

[Naser]

#1016792 [واحد من الناس]
3.00/5 (1 صوت)

05-27-2014 03:32 AM
الفي البر عوااااام و الايدو في المويه ....
ياخوانا فلنقل خيرا او نسكت .. ياخي هم مانقصين حرام والله حرام عليكم
ليه القسوه دي ياخي .. الناس مفروض تخفف عليهم شويه ، هم خلاص خاضوا التجربة و انشاءالله ح يتعلموا منها وربنا يكون في عونهم ويوفقهم

[واحد من الناس]

#1016776 [الوطن العزيز]
0.00/5 (0 صوت)

05-27-2014 02:47 AM
استعرضوبك للرئيس بس

[الوطن العزيز]

#1016774 [سيد الكارو]
0.00/5 (0 صوت)

05-27-2014 02:38 AM
مااااسوووووووووره ،، ركبوك الماسوره بس الحمد لله الله في

[سيد الكارو]

#1016772 [مواطنx]
5.00/5 (2 صوت)

05-27-2014 02:21 AM
"منظمة الشهيد"ده اسموا التحلل من الدم بلم الريسان بالحلال!وبرضو منها قروش داخلة،يااااااااااااه لسى الكلام ده موجود؟!!!!!ولسى الناس بتسك المواضيع دي،ولسه الناس بتحاول تعمل شوية بلبلة بمواضيع فارغة زي دي!!!والبت دي زعلانة شديـــــد كده من الراجل ليه؟ماخلاص اتزوجت،ولا خلاص جية عمر البشير بقت ليها مسألة حياة أو موت.........

تحياتي لفارغيات وشمارات وبهارات المجتمع السوداني..

[مواطنx]

#1016763 [prjct]
0.00/5 (0 صوت)

05-27-2014 01:33 AM
لجنة تقصي الحقائق مع مدير الرعاية الاجتماعية - دا مصلح تصليح لكن ،،،

[prjct]

#1016760 [ودطه]
3.75/5 (3 صوت)

05-27-2014 01:23 AM
ماتتمسك كتير ياحبوب
المهم الزواج تم واستلمته ورقتك
مستغرب مالك اول مره يعملوها يعني؟

[ودطه]

#1016755 [سوداني بس]
0.00/5 (0 صوت)

05-27-2014 01:06 AM
ارجو ان تعملي عقد قرآن آخر لأن موافقتك كانت بشروط والمؤمنين عند شروطهم ولما اختل الشرط بطل سبب العقد ومابني على باطل فهو باطل وكيف لك ان تقبلي بعمر البشير شاهداً على عقد قرآنك والرسول صلى الله عليه وسلم يقول من ولي من امر امتي شيئاً فشق عليهم فاشقق عليه والبشير ولي الامر وانظري بنفسك كيف المشقة في عهده في العلاج في التعليم وفي العيش لالا لاتجعلي من دعا عليه رسول الله صلى الله عليه وسلم شاهدا وقد اصابه الدعاء رحم الله والدك.(حرر عقلك تحرر وطنك).

[سوداني بس]

ردود على سوداني بس
United States [مغالطات مغالطات مغالطات] 05-27-2014 07:30 PM
لايك ... لايك ... لايك
جزاك الله خيرا


#1016752 [أبو محمد]
0.00/5 (0 صوت)

05-27-2014 01:02 AM
تستاهلي الحصل ليك

[أبو محمد]

#1016701 [عصمتووف]
5.00/5 (5 صوت)

05-26-2014 11:51 PM
اين الجديد اقول ليك الجديد في البشير يعقد ويشهد قرانك عليك الله البشير ده لو بقي اخر سوداني واخر راجل واخر ماذون اجيبوا يعقد لي ده كراعة ناشفة والله ينشف ليك حياتك و ما تلدي و تمرضي في النهاية زوجك يطلقك ويعرس غيرك ده شؤم وليس ببشير شايفة البلد نشفانة كيف بوسي يدك وش وظهر واحمدلله كثيرا والله كان اتبهدلتي بهدلة بالناسبة لحدي الان لم اتزوجولن اتزوج لو كان ده الحال ليس تهربا من المسئولية لكن الواقع يدعوك لذلك

[عصمتووف]

#1016684 [ود البلد]
5.00/5 (1 صوت)

05-26-2014 11:18 PM
درجت حكومة الانقاذ اللاوطني في استثمار المناسبات المختلفة لحشد الناس وتقديم خطب سياسية تخدم اغراضهم الدنيئة في تثبيت شعاراتهم الزائفة ومثل هذه المناسبات (عيد الشهيد) (وعيد الدفاع الشعبي) ..الخ، تكّوّن لها لجان كثيرة وكل لجنة لها مهام وترصد لها ميزانيات ضخمة لضمان نجاح المناسبة والظهور بمظهر لائق امام الرئيس لزوم (الدغمسة وكده) واكيد هؤلاء الزيجات الذين غرر بهم لحضور الزواج امام الرئيس انماهي من باب المداهنة للرئيس (شوفوني) ان عملت زواج جماعي واكيد هذا الزواج رصدت له ميزانية مقدرة من رئاسة المنظمة الاتحادية وحكومة الولاية وجهات اخرى هم يعلمونها ولكن لهطوهابعد الانتهاء من مراسم (المداهنة) والجماعة الطيبين (الزيجات) وجدوا انفسهم ضايعين وسط المعمعة واصيبوا بالخيبة وقايلين القبة تحتها فكي ولكن الخوف كل الخوف ماذا بعد هذا الزواج الذي بني على هذا الوهم اقصد الدعم هل سيستمر ؟؟؟ نأمل من اخواننا واخواتنا الذين انخدعوا الا تؤثر عليهم هذه اللعبة القذرة وان يعيشوا الواقع ويحافظوا على هذا الرباط المقدس وان يحذروا كل الحذر من الوعود الكاذبة وان يكون هذا درس في المستقبل لكل من يفكر في الدخول في مثل هذه المشاريع الفاشلة .

[ود البلد]

#1016668 [hassan]
3.50/5 (3 صوت)

05-26-2014 10:58 PM
دي يا اختي اسمها مناسبة اللبع

واكيد عندها ميزانية وطبعا الحرامية دي فرصتهم

اصلهم متعودين علي اكل الحرام حق المسامين

نقول ليك الله يعوضك في الدنيا وحقك عليهم في الاخرة محفوظ

اللهم اظهره فيهم وفي اولادهم في الدنيا قبل الاخرة

[hassan]

#1016654 [ود البطانه]
5.00/5 (1 صوت)

05-26-2014 10:34 PM
أوضح مدير منظمة الشهيد ولاية كسلا الأستاذ منير حسن الجعلي !!!!!!!!!!!!لازم الموضوع يكون فيهو احتيال !! ديل محتاليين بالوراثه

[ود البطانه]

#1016649 [جدو]
5.00/5 (2 صوت)

05-26-2014 10:25 PM
سبحان الله حيرتونا

[جدو]

#1016626 [ادومي]
5.00/5 (1 صوت)

05-26-2014 09:58 PM
انا داير اعرف خدعوها كيف: ما ياها في النهايه
عرس .

[ادومي]

#1016623 [semsem]
4.00/5 (3 صوت)

05-26-2014 09:54 PM
هههههههههه ابوكي كدا مات فطيس والجماعه ديل وعدوه يعرس الحور العين هناك في الجنه
منظمه الشهيد يا بتي ديل اكبر حراميه ولصوص ما جبتي حاجه من عندك
ياااخ في مذله ومهانه اكبر من كدا؟؟ يجوا يتفرجوا علي العرسان وكل مسؤول بيفتكر انه بيدفع من جيب ابوه
حسبنا الله ونعم الوكيل
يا بتي دم ابوكي ما بروح هدر يوما ما بنقلعه من عيون اللصوص تجار الدين

[semsem]

ردود على semsem
United States [حامد عوض] 05-27-2014 10:43 AM
بلا. شهيد بلا فطيس
بعدين القروش العرصوا ليكم بيها دي .. هي قروش منهوبه من الغلابه
الله لا يبارك ليكم فيها

United States [فوزي] 05-26-2014 10:51 PM
انت زول ماطبيعى اسأل الله العلى القدير يشفيك اتعجب كيف زول يضحك فى الموت والضحك المكتوب دا كيف اناماعارف


#1016613 [Amin]
4.50/5 (3 صوت)

05-26-2014 09:40 PM
العنوان للفت الانتباه فقط

لان القصة أقرب الى الواقع .. بل هي الواقع


وغلطان الماشافه

[Amin]

#1016600 [Gaiser abel]
5.00/5 (1 صوت)

05-26-2014 09:23 PM
نصيحه......؟





علي الساده المسولين عدم خداع الشعب بمثل هذا الزواج التي لا تدوم أحسن إلغاوها لذلك أضم صوتي للأخت التي تمت خداعها من قبل منظمه الشهيد ....

[Gaiser abel]

#1016598 [بت العمدة]
3.94/5 (5 صوت)

05-26-2014 09:19 PM
حاجة غريبة وعجيبة يا ناس الانقاذ الخدعة حتي في زواج

[بت العمدة]

#1016590 [جاموس]
3.00/5 (2 صوت)

05-26-2014 09:05 PM
هى لله ...هى لله

[جاموس]

#1016575 [محمد حسن أحمد]
4.00/5 (7 صوت)

05-26-2014 08:50 PM
انت قمة التخلف بالله لو ما انت مجنونة تقبلي ان تتم اسعد مناسبة في حياتك على يد خنزير والله الله ما كان يبارك لك في هذا الزواج

[محمد حسن أحمد]

ردود على محمد حسن أحمد
European Union [يالله دايرنوا وطن كامل] 05-27-2014 11:22 AM
ياخي مازال اهلنا بسيطين بالنسبه ليهم رئيس دا زول كويس وامين عليهم


#1016572 [أنصاري]
3.00/5 (5 صوت)

05-26-2014 08:48 PM
في زول عاقل برضا.. يعقد ليهوا سفاح جاهل ..!!؟؟ تستاهلوا.. أكثر من كدة!!

[أنصاري]

#1016562 [الكاتـــــــــــــــــــــــــــــــــــــــــــم]
4.00/5 (5 صوت)

05-26-2014 08:38 PM
انتو لسع مصدقين ان فى منظمة شهيد وكده
خلاص البلد اتبخر .. بكرة نجى فى اجازة نسال من اهلنا
اقولوا لينا اهلك ديل شفناهم فى الحدود جهة الحبشه
بى صراحة البلد عدمانة الغاقل والقادم اسود

[الكاتـــــــــــــــــــــــــــــــــــــــــــم]

#1016558 [مجنون]
4.00/5 (4 صوت)

05-26-2014 08:35 PM
زبالة حثالة الله برى من شهداكم يا حوش

[مجنون]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة