الأخبار
أخبار السودان المحلية
حميدتي يهدد بإقتحام سجن كوبر ..نيابة أمن الدولة تحظر التناول الإعلامي لقضية الصادق المهدي..
حميدتي يهدد بإقتحام سجن كوبر ..نيابة أمن الدولة تحظر التناول الإعلامي لقضية الصادق المهدي..
حميدتي يهدد بإقتحام سجن كوبر ..نيابة أمن الدولة تحظر التناول الإعلامي لقضية الصادق المهدي..


بضغط مباشر من قائد الجنجويد
05-26-2014 10:47 PM
الراكوبة الخرطوم-خاص الراكوبة

أصدر كبير المستشارين بنيابة أمن الدولة (ياسر أحمد محمد) قراراً منع بموجبه التناول الإعلامي لقضية الصادق المهدي المقبوض عليه بتهمة الإساءة لقوات الجنجويد في البلاغ الجنائي رقم/ 2402 - 2014م والشاكي فيه جهاز أمن حزب البشير وذلك من أجل عدم التأثير أو الإضرار بسير العدالة. "

ووفقاً للنيابة أن المهدي قال إن هذه القوات "ارتكبت جرائم حرب واغتصاب وحرق قرى والاعتداء على المدنيين ونهب ممتلكاتهم".

ويواجه المهدي تهما تتعلق بـ"تقويض النظام الدستوري وإثارة التذمر وسط القوات النظامية وإشانة سمعتها، وهي اتهامات تصل عقوبتها إلى الإعدام".
وتم تعليق هذه المواد في رقبة زعيم حزب الأمة وامام الانصار حتى لا يكون هنالك اي مجال لخروجه بالضمانة العادية ، وعليه يصبح تحت رحمة عمر البشير بالتدخل وإخراجه بقرار رئاسي.

وعلمت الراكوبة أن العميد جنجويد " حميدتي" هدد جهات عليا بإقتحام سجن كوبر إذا لم يتم منع تضامن الصحف مع الصادق


تعليقات 95 | إهداء 0 | زيارات 27305

صفحة 1 من 212>
التعليقات
#1017784 [aldouma]
1.00/5 (1 صوت)

05-28-2014 01:49 AM
الحديث لو قاله زعيم الجنجويد بدخول سجن كوبر اعتبروه صحيح لأن دخوله للسجن ليس لانقاذ الامام الصادق وأنما للقضاء عليه والله اعلم||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||

[aldouma]

#1017700 [Amin]
3.00/5 (1 صوت)

05-27-2014 10:48 PM
أفهم أن يمنع تداول القضية إذا كانت في نظر القضاء حتى لا يؤثر على سير القضية .

أما أن يمنع لأنه معتقل ....ده تعسف وهمبتة وجنجوادة

[Amin]

#1017686 [you]
5.00/5 (1 صوت)

05-27-2014 10:29 PM
هذا شعارات الجنجويد

نحن امباغه الحي مستفيد والميت شهيد

نحن الباشمرقا نحن تحت وفوق الله

الاول يعبر علي جرم مليشيات الجنجويد و الثاني يعبر الي تقديس اعمالم الاجراميه اتي مصطلح الجنجويد من اقليم دارفور فان الجنجويد هو ذلك الشخص الذي يعترف مهنة سرقة اموال وممتلكات الاخرين وهو علي ظهر الجواد ويحمل جيم ثلاثه هي احدي الاسلحه المنتشره في اقليم دارفور المستورده من ايران وهذه المليشيات فيما بعد استخدمته النظام السياسي في الخرطوم كاداة لادارة مصالحه في دارفور اولا ومن ثم السودن بصفه عامه.... حين جاء النظام عمر البشير كان همهم الاساسي هي تطبيق مشروعهم ( التمكين ، النهب ، الفساد ، العنصريه ، القتل باسم الله ) وهذا دفع كثير من الاقاليم الهامش السوداني الي رفع السلاح كاليه للدفاع عن نفسها والمطالبه بحقوقهم الاصيله من الدوله ولبقائها الثقافي والانساني خاصة بعض تصريح رئيس عمر البشير الذي قال فيه (اي زول داير حقو يشيل السلاح ).عام 2002 هي التاريخ الفاصل بين الدوله عمر البشير
واقليم دارفور الذي خرج من طاعة الدوله عمر البشير الذي اسسها نظام عمر البشير ، عن طريق تقديم مذكره تحتوي علي مطالب اهل دارفور والمتمثله في التنميه بكافة اشكاله والامن والمشاركة الحقيقية في ادارة الدوله السودانيه وتقسيم العادل للثروه حسب نسبة السكان في الاقليم فكان رد الدوله علي لسان احد قادة الدوله الرساليه عنيفا وعنصريا ( متي تخليتم من غسيل الملابس حتي دايرين تحكمو )
استغل الدوله الرساليه التناقضات القبليه الموجوده في الاقليم واسس مليشيات حكوميه علي اسس عنصريه حيث ارتكب هذه المليشيات ابشع وافزع الجرائم الشاهد ان مؤسسة الجنجويد اصبح من اكبر المؤسسات تأثيرا علي مستوي الدوله السودانيه بعد اعتمادها كقوه رئيسيه لحماية الدوله البشير من تهديدات قوي الكفر وعبيد الغرب حسب تصريحات قادة الدوله رئيس عمر البشير واكبر دليل وجود الجنجويد في قلب العاصمة السودانية تحت مسمي قوات الدعم السريع لتمارس مهنة سرقة اموال وممتلكات الاخرين في الخرطوم بعد ان تحول اقليم دارفور الي زريبه كبيره لاستيراد الجنجويد

[you]

#1017676 [امير]
3.00/5 (2 صوت)

05-27-2014 09:57 PM
حميدتي دة تبع منو وشايت في ياتو اتجاه وسجن كوبر تبع منو الجبهة الثورية ولا الصادق ولا ابوعيسى ولا الحكومة

[امير]

#1017630 [Kalam]
0.00/5 (0 صوت)

05-27-2014 08:40 PM
بس لو سمحت ظروفكم نحن محتاجين لقمة عيشة عشان نفتح خشمنا نتكلم , لسع ما إتفرغنا لموضوع العمارات والبيوت وحاجات تانية بيتحلو بيها بعد الأكل ووقت الفراغ زى حميدتى وتسالى وبطيخ هههههههههههههههههههههه سودان مع السلامة

[Kalam]

#1017603 [ودتاج الدين]
2.00/5 (1 صوت)

05-27-2014 07:43 PM
اقتراحي ليك يا حميرتي بعد ان وصلت الخرطوم كرش الفيل ولقيتا فاااااضية ما فيها جيش لا حكومة ولا اي زول سائل عنها ومع وجود اسمك في قائمة المطلوبين للعدالة الدولية للمخارجة بقترج ليك ان تتصل بالجبهة الثورية وتنسق معهم لاسقاط النظام في الخرطوم وتكوين حكومة انتقالية تحت رحمة الجنجويد وقوات الجبهة الثورية وتقول للامام الصادق اذهب انت ورهطك فانتم الطلقاء وتقوم هذه الحكومية الكجرية بالترتيب لانتخايات حرة وعندها سوف يتم (مسح) اسمك من قامة المطلوبين لللاهاي سيسامحك المساكين الذين سرقت حميرهم في بقاع دارفور المختلفة


بالجد مسخرة وقلة ادب ان يقع الشعب السوداني الكريم تحت إمرة جنجويد بقيادة راعي الابل وحرامي الحمير (حميدتي)


الثورة هي الطريق الوحيد للخلاص ولا يوجد اي حل اخر يمكن ان يعيد للوطن مجده وقيمته بين الامم

[ودتاج الدين]

#1017583 [محمد]
0.00/5 (0 صوت)

05-27-2014 07:12 PM
حميدتى دا ارجل راجل فى السودان

[محمد]

ردود على محمد
United States [جوف الزمان] 06-02-2014 04:55 PM
الشاطر يفهمها و الله يرحمنا

European Union [نهبوك يا وطن] 05-28-2014 05:56 PM
شكلك اقتنعتة انو ارجل منك..

[sabra150] 05-28-2014 07:55 AM
ودا جدو يؤنس ودالدكيم خطيب ملكة بريطانيا العظمى زمن المهدية

European Union [السوداني] 05-28-2014 02:22 AM
السودان الا يبقى رجاله زيك كدا ي باطل عشان يبقى ارجل راجل فيه حميدتي انتا جدادة الكترونية وكمان خايب يخس عليك


#1017571 [محيالدين الفكي]
0.00/5 (0 صوت)

05-27-2014 06:54 PM
انا عارف انكم شطبتو الكتبتو لكن حااكتب تاني حميدتي انتهى و النظام قرر الانتهاء منه . اذا شفتو تاني لاقوني .

[محيالدين الفكي]

#1017568 [Mohyaldein Alfaki]
0.00/5 (0 صوت)

05-27-2014 06:49 PM
ما افتكر انه واحد ناقش الحاصل شنو . حمبدتي انتهى لانه تجراعلي النظام بكامله ويعد الكلام ده شوفوا تاني حميدتي قابلوني . اعتبروا الموضوع منتهي.

[Mohyaldein Alfaki]

#1017534 [ayman]
0.00/5 (0 صوت)

05-27-2014 06:02 PM
عدم التناول فى قضية والى الخرطوم وكذلك أعتقال المهدى وركب البشير ماقلنا ليك مابتقدر ل مرتين
أمن الدولة يصرح حميدتى يصرح كل من هب ودب زى ما قال الشاعر ..الليلة البلد .....بالذندية بلد الملاقيط أم كلمة نية كثم السماك دولة أسلامية

[ayman]

#1017532 [الافندى]
5.00/5 (3 صوت)

05-27-2014 06:01 PM
حميدتى !!؟؟ سبحان الله اكاد لا اصدق ان الزمن يرفع من شان سارق الحمير هذا(حميدتى) وبهذه الصوره الغريبه جدا ان يكون بديلا لقيادة الجيش السودانى الحارس ارضنا و دمنا ، فتاريخ الجيش و سلوكه يختلف عن تاريخ حميدتى، فنحن اهل دارفور ادرى بهذا الرجل اكثر من اى جهه،اصلا وفصلا و سلوكا،فالبشير كان اختياره دقيقا جدا فى انه اختار الرجل المناسب للفعل المطلوب تطبيقه،فحميدتى اشنع بكثير من المهمه التى قام بها او ما يخطط لها من جرائم،فهو يمكن ان يقتحم كوبر وكذلك فى نفس الوقت فرصه لا تتكرر لاقتحام معارض الذهب و محلات حفظ القروش اينما او كيفما تكن، ويمكن تفريغ العاصمه من سيارات الدفع الرباعى المحببه لتتجه غربا الى تشاد و الكمرون و مالى حيث مقار بعض قوات حميدتى .وتذكروا ان الرجل يقود الان مجموعة اقتحام محكمة نيالا وتحرير المجرمين من داخل المحكمه بعد جلد القاضى،و ان مجموعة لصوص بنك نيالا معه فى الركب الان يقودهم الرجل بعد ان تطور وترفع عن سرقة الحمير وكثير من سوء السلوك ما لم تعلموها الا فى حينها،بعيد عنكم الشر ياحوريات العاصمه ، فهذه هى الحقائق من واقع معرفتنا للرجل عن قرب من حيث السلوك ، و بخلاف هذا ماذا يعنى ان يقتحم حميدتى سجن كوبر؟ فهو ليس انصاريا يريد اطلاق الامام المحبوس جورا و ليس لديه سجين يريد اطلاقه عنوة ...اذا ماذا يريد الرجل ؟؟
فيا اهل الخرطوم استعدوا لقبول حميدتى و الا فالافضل دخول الجبهه الثوريه .

[الافندى]

#1017524 [سوف ننتصرعلي الكيزان الجهلة اللصوص]
0.00/5 (0 صوت)

05-27-2014 05:55 PM
شكرا يامحمودي ..وشكرا لكل الاخوة الذين ادلوا بانطباعاتهم وابدوا مخاوفهم من عواقب الفوضي التي وصل اليهاالسودان ..كلنا حريصين علي ألا نغذي العنصرية بيننا- فقد وظفهاهذا النظام لصالحه وبالغ في اقصاء الغير وكرس سياسة التمكين (تمكين الكيزان في السلطة)علي حساب عامة الشعب. ماالحل الان ..في ظل بلد اصبح رئيسهاأعرجاولايستطيع الحديث لورم في حلقة..وماخفي اعظم . والبلد تفتقر الي القيادة المسئولة والمعارضة في هرج ومرج..والجيش الوطني محنط..وكأن الامر لايعنيهم..

[سوف ننتصرعلي الكيزان الجهلة اللصوص]

#1017514 [nagatabuzaid]
3.25/5 (5 صوت)

05-27-2014 05:46 PM
اقتحام عديييييييييييييييل اقتحم ولا يهمك ولف على كل السجون واقتحمها اصلا انت حتطلع الجماعة خطافين شنط الحريم والموبايلات . ابدا ما هنت يا سوداننا يوما علينا ولكن الانتكاسيون هونوك وما تخافوا حميدتى سيقتحم كافورى كمان بس خليهم يبقوا رجال ومايدوهوا حقوا المتفق عليه الساعة ديك ولا حيعرف عطا ولا البشير ولا اى نمر كرتون كافورى اقتحام تووش
حميدتى قال اقفلوا الصحف بالله اقفلوها . افتكر يا راكوبيين نحن ادينا المخلوق ده اكتر مما يستحق وتعالوا نتفق اى خبر فيه قشيرتى ما نعلق عليه دايما الجاهل العندو مركب نقص بنفخ بالونه منالتركيز عليه

[nagatabuzaid]

ردود على nagatabuzaid
[nagatabuzaid] 05-27-2014 11:11 PM
الله يديك العافية يا بومدين يا دوووووووووب عرفت سبب مناداته من بعض المعلقين بحميرتى وبعضهم يناديه بسارق الحمير الله يكرمك ويكرمنا يكون مشى نواحى سوق ليبيا قالوا فيها سوق حمير

[بومدين] 05-27-2014 10:25 PM
يا اســتاذة نجـاة .. قبل مـا نمـنـع الـكـلام فـي ( الـحـته دي ) ، عـاوز أحـكـي لـيكـي مـا قـالـه صــديقـي أحــد أبناء نيالا ..
قـال .. حـمـيدتي بمجـــرد دخـولـه ســــوق نيالا ، يبـدأ الـناس فـي الـصــياح ( حـاو وش ، عـــرد عــرد عـــرد عـــرد بأعـلي أصــواتـهـم !!.
ثــم يبـدأ الـصـبيه بتقـلـيد نهـــيق الـحـمير وفي ســــيره ليس كمثلها شـــيئ يســـرع الـخـطـي حمـيدتي ، ولـكـن تلاحـقـه الأصــوات الـي أن يخــتفـي عـن الأنظــار ، ومـن ثـم يتفقـــد الـناس حمــيرهـم ؟؟.
ومـن أغـرب مـا سـمـعـت مـاقـالـه صــديقي أحـد أبناء نيالا ..
قـال .. بمـجــرد مــرور حمــيدتي بالـقــرب مـن تجمـعـات الـحـمير ، ســبحـان الله تتبول هـذه الـحـمير لا إراديا ، وتبـدأ بنهــيق يشــبه الـبكاء والـنحــيب ، إلـي أن يتواري هــــذا الـضــبـع !!.

حــول الله .. إنا لله وإنا إلـيه راجـعـون !!!.


#1017433 [المنجلك]
5.00/5 (1 صوت)

05-27-2014 04:02 PM
على الراكوبة التعامل بالمثل ومنع كل الدجاج الالكترونى الحديث عن الصادق

[المنجلك]

#1017431 [زول وطني غيور]
5.00/5 (5 صوت)

05-27-2014 04:00 PM
والله حكاية بقينا نسمع رتبة عسكرية أسمها العميد جنجاويد وممكن كمان نسمع اللواء هباتة أو اللواء قاطع طريق (يالطيف) ، الرتب العسكرية بقت سائبة تعطى لهذا وذاك بالمجان..

[زول وطني غيور]

#1017419 [ود كترينا]
4.97/5 (7 صوت)

05-27-2014 03:48 PM
***اتصل بينا صديق من السودان...قال ماااااأظن محمد حمدان حميدتى ده تانى يسيب الخرطوم ويرجع كتم أو حى المطار بنيالا...قلنا ليهو ليه؟؟؟؟...قال...الراجل(يقصد حميدتى) من أول يوم وصل الخرطوم ساقوهو من المطار ودوهو كوافير (ندى العنبر) بتاع ندى القلعة بشارع 15 بالعمارات بالخرطوم...قال انو حمموهو وأدو ليك ليفة تمام...وبعديها ساونا....وجلبطو ليهو وشو بكريمات الكورتيزون...بعد داك فردوا ليهو شعرو ومسحو شعرو بالجل...ولبسوهو بدلة الطيب مصطفى...ومن يوم جا ما سائل فى جماعتو فى الخلا...وهو من فندق هوليداى فيلا لفندق السلام روتانا لكافورى...أكلوهو الهوت دوق والبيتزا وشربوهو العصير أبو مصاصة...ويوم الجمعة الفات اليوم كلووووو غاطس فى حوض سباحة بركة الملوك وبالمايو..!!!.ويوم زار جهاز الأمن زغردت ليهو الوزيرةاشراقة سيد محمود بتاعت وزارة العمل وتنمية الموارد البشرية من حزب الاتحادى المسجل (جلال الدقير)...ده تانى بخلى الخرطوم؟؟؟؟!!!!

[ود كترينا]

#1017411 [كاسبر]
0.00/5 (0 صوت)

05-27-2014 03:40 PM
النار وللللللللعت منو البطفييييييييييييييها؟؟؟؟؟؟؟؟؟؟؟؟؟؟؟؟؟؟!

[كاسبر]

#1017327 [سم الارقط]
0.00/5 (0 صوت)

05-27-2014 02:23 PM
ههههههههه قال انصار قال تحرير الخرطوم ههههههه معقول لسع في حاجة اسمها انصار في القرن الثاني والعشرين ياشيخ قوم لف بلا انصار بلا بطيخ انتو مصدقين انو المهدي دا هو المهدي المنتظر!! دا دنقلاوي خناقي رطاني ياوهم والله الصادق بكرة يطلع بي قرار رئاسي ويبيعكم تاني للحكومة وهلمجرا..

[سم الارقط]

#1017322 [مغبون]
4.50/5 (4 صوت)

05-27-2014 02:19 PM
لا نلوم الا الصادق،حين كان اطفال المدارس يقتلون في سبتمبر كان حامل درقته مدافع عن البشير وحينما قضي الاخير وطرا منه هبته بالدرقة علي رأسه والقاه في الزريبة وهذا هو ثمن مؤانسة الطغاة

[مغبون]

#1017317 [kalifa ahmed]
0.00/5 (0 صوت)

05-27-2014 02:12 PM
خرطوم اليوم يحكمها الجنجويد حقيقة لا تقبل النفي ولكن القائد الحقبقي ليس حميدتي بل هو الفريق أدم حامد موسي الشهير في المدفعية عطبرة ب آدم أومو (نظيف ملبس وراس) عنصري ذميم متصلب الرأى قليل الفهم رغم تدرجه في القوات المسلحة ونيله كثير من الدورات ..... هذا الرجل هو الذي الغي إتفاق نافع / عقار الشهير ودانت له السيطرة بعد أن كسر فخار أخوان الشيطان بعضهم البعض في القوات المسلحة والأمن وبعد أن انفض سامر الدبابين والمجاهدين وأخوان وأخوات نسيبة والسائحون بعضهم رطب بالمال الحرام وبعضهم يأس من الحال وهاجر وبعضهم تفرق بين ود العتباني والخال الرئاسي ....ألخ ،، المهم البشير الخبيث قرب قادة الجنجويد له لحمايته من لاهاي خصوصا أن معظم قيادات الجنجويد مطلوبين او إجراءت طلباتهم مستمرة !!!!! إعتقال الصادق المهدي لفركشة الحوار ودفنه فالسيد آدم أومو لا يؤمن بمثل هذة المساخر !!!! حميدتي مسكين زينا واحد عبد مأمور ووضع في الواجهة لمزيد من إرهاب الخصوم سواء من التنظيم أو المعارضة !!!!!!!

[kalifa ahmed]

ردود على kalifa ahmed
European Union [العميد المطرود] 05-27-2014 05:46 PM
عندما كان قائد مدفعية الفاو وهو برتبة عميد كل القري حول الفاو والقرية 10 والقرية 27 سجلها لجماعته يعني بخطط من بدري الفريق ادم حامد موسي قال حميدي مع ادم موسي دا بعوضة في اضان فيل


#1017307 [ِAburishA]
5.00/5 (2 صوت)

05-27-2014 02:05 PM
أن العميد جنجويد " حميدتي" هدد جهات عليا بإقتحام سجن كوبر إذا لم يتم منع تضامن الصحف مع الصادق

** هيع هيع هااااع.. والله ان شر البلية ما يضحك..ياجماعة اعتقد ان الموضوع وما فيه..ان جهاز الامن يريد ان يخلق من حميدتي (بعبعا) و(كابوسا) و (ام بعلو) لكل من يحمل مثقال ذرة من عدم الولاء للنظام!

** امعانا في سياسة فرقد تسد...كما جرى بين الدارفوريين فيما بينهم.. والان بين الدارفوريين من جهة وبين كافة اطياف الشعب السوداني من الجهة الاخرى.. علما بأن الجنجويد هم احدى المكونات (الدارفورية) رضينا بذلك ام أبينا..وهذا بحسب استراتيجية النظام في تفتيت السودان قد يساهم بفعالية في فصل دارفور (بعربها وغير عربها) مستقبلا

** ان الجنجويد هم عجينه قطير في يد النظام وجهاز الامن يشكلها كيف يشاء ويستخدمها متى شاء.. ليس للجنجويد ناقة في السياسية ولا بعير في البرامج والاهداف..هم فقط آلية يستخدمها النظام أنّى وكيفما شاء..

** صدقوني هبة شعبية حقيقية واحدة.. سترد للجنجويد (اعتبارهم)...(الابيض نموذجا)..
** ان المناضل الحقيقي يبذل الروح ويموت من أجل تحقيق أهداف حقيقة ومبادئ ومطالب ومستحقات عادلة.. ولكن من أجل ماذا يقاتل الجنجويد.. ولمصلحة من!! لو كان لمصلحة وحماية النظام.. فان اهل النظام المؤسيين اصبحوا ينسلون من نظامهم فرادى وجماعات..ويدخلون في معارضة نظامهم افواجا.. ..ويصبون عليه اللعنات صباح مساء..

[ِAburishA]

#1017264 [فتحي]
5.00/5 (2 صوت)

05-27-2014 01:37 PM
ياقوات الشعب المسلحة السودانية هل ترضون بالعار والمزلة من المماليك الجدد؟؟؟؟؟؟؟؟؟؟؟؟؟؟

[فتحي]

#1017250 [اللحوي]
5.00/5 (5 صوت)

05-27-2014 01:22 PM
والله دي مسخرة ... !!!! يا أخوانا وين ضباط القوات المسلحة الذين تخرجوا من الكلية الحربية ... ؟؟؟
هل هنالك ضباط يرتدون الزي العسكري ويزاولون عملهم كالمعتاد وكأن لاشىء حاصل ... ؟؟؟
أخجلوا يا ضباط وأفراد القوات المسلحة ... والله عيب عليكم الخزي والخوف من هؤلاء المجرمين ... وطبعا ليكم حق أن تسكتوا وتعملوا أضان الحامل طرشة .... لأنكم أكلتوا معاهم من مال الشعب المسكين الصابر والذي كان يعول على جيشه الحقيقي ويغنى له ... يخس ثم يخس عليكم ... ولكن أن أقول ليس بضرب بميت ايلام.

[اللحوي]

ردود على اللحوي
[Santo] 05-27-2014 02:49 PM
اراك تتحدث عن الجيش السودانى وبسالته وقوته والذي اعلمه انه يحارب فى الجنوب عشرات السنين ثم دارفور وجبال النوبة اي بمعنى انه بطل فى ضرب وقتل اهله ومواطنيه كما انه يمتاز بالانقلابات العسكرية المشهورة والاستيلاء علي السلطة او ان تاريخى مخلوط !!!!!!! — ‏‏يشعر بـ‏الأسف


#1017248 [فقد المنطق....]
5.00/5 (5 صوت)

05-27-2014 01:22 PM
ليس دفاعاً عن الصادق.... لكن...

إذا كانت الصحف متضامنة معاهو.... فأولى (تقتحم) أو تسكت الصحف... مش سجن الصادق..!!

واضح إنو الأخبار دي.... بتفكها جهة معينة.... باسم حميدتي.... المغيب تماماً... عن الصورة الكاملة!

دايرين تسكتو الصادق ... وسكتوهو.... وكمان عزلتوه تماماً.... أها الجقلبة شنو؟

يبدو إنو الصادق... عندو معلومات حساسة جداً... عن هذه القوات... وعن غيرها... فلازم يسكت..!!

حميدتي ده... عبد المأمور.... هناك من يختبئ خلف تصرفاته....

[فقد المنطق....]

#1017229 [ارنستو تشي]
0.00/5 (0 صوت)

05-27-2014 01:11 PM
حميدتي هدد جهات عليا باقتحام سجن كوبر
الظاهر ان الحكومة قررت التخلص من حليفها
الصادق المهدي عن طريق سلاحها الجديد حميدتي

[ارنستو تشي]

#1017223 [radona]
0.00/5 (0 صوت)

05-27-2014 01:07 PM
من حق الصحافة ان تقول رايها صراحة
زمن واجب رؤساء العميد حميدتي الزامه بالضوابط وعدم اطلاق مثل هذه التصريحات
والسؤال هو ماذا يريد العميد من اجتياح سجن كوبر
هل يريد ان يفعل وماهو هدفه من اجتياح سجن كوبر؟
وهل سمعت الحكومة والبرلمان هذا التهديد وماهو رايها في ذلك ؟
وللشعب السوداني راي اخر في النهاية ولكنه يريد ان يسمع راي الحكومة والبرلمان اولا

[radona]

ردود على radona
United States [nagatabuzaid] 05-27-2014 05:09 PM
قالوا ليك يا رادونا هدد جهات عليا تقول وين الحكومة والبرلمان ؟ الحكومة والبرلمان والجهات العليا كلهم حاجة وااااااحدة


#1017204 [عباس]
4.50/5 (2 صوت)

05-27-2014 12:56 PM
هذا عهد المهازل حيث تسيد أرازل البشر يسرقون أموال الشعب و ينهبون و يكذبون ويعربدون دون حسيب ولا رقيب، عمر البشير الكذاب الحرامي القاتل و زمرته بكري المسطول القاتل الحرامي وعبد الرحيم والعطا وكلبهم المدعو حميدتي.والله لا تساوون كلكم ظفر الإمام الصادق

[عباس]

ردود على عباس
[سم الارقط] 05-27-2014 02:10 PM
ياشيخ بلا صادق بلا بطيخ والله الصادق دا اكبر لعاب واكبر مرتزق وخائن لاعب لي مصلحتو يا استاذ بكرة يطلع بي قرار رئاسي من البشير ويرجع تاني لي هلمجرا والمربع الاول


#1017177 [ahmed alzaki]
0.00/5 (0 صوت)

05-27-2014 12:44 PM
انا غايتو عندي كلاش وخزنتو مليانه وعلي بالقسم الاقيك يا حمرتي لافي في الخرطوم إلا أفضي فيك الخزنة دي إنت ولا البشير ولا أي كلب من كلاب الحكومة يا وسخانين يا جزم وإن شاء الله بعد ما أنتهي منكم يودوني ورا الشمس .. هو نحن العايشين ليها شنو بعد ده ؟؟
الحمد لله عشنا أيام سمحة زمن نميري وزمن الأحزاب كفانا كده ..53

[ahmed alzaki]

#1017144 [mohamed]
5.00/5 (2 صوت)

05-27-2014 12:24 PM
هو دا لو راجل مايقلبا وخلاص، شنو يهدد باقتحام سجن كوبر، والباقي شنو ماهو بقى الأمر والناهي

[mohamed]

#1017137 [مقبول تيلم تيلم]
5.00/5 (1 صوت)

05-27-2014 12:22 PM
ياحليل البلد اﻷسمه السودان الله يرحمه السودان

[مقبول تيلم تيلم]

#1017135 [Mohamed]
0.00/5 (0 صوت)

05-27-2014 12:20 PM
السودانيون الأفاضل، كما تعلمون فقد شاع الظلم والفساد والإستبداد تحت حكم الإنقاذ كما لم يحدث في أي عهد سابق منذ "التركية" وحتي اليوم، وأعراض ذلك بائنة وعديدة ولم يعد أهل الحكم أنفسهم يحفلون بدحضها أو مجرد الرد عليها. وقد غشي الفساد المؤسسات العدلية، ودلالة ذلك أن "وكيل الوزارة" الحالي "لص معروف"، وآخر قضايا الفساد "قضية شركة الأقطان". وقد أصاب شيوع وانتشار الفساد الناس في مقتل، فكما قيل فإن الشر يعم والخير يخص، وقد لاأضيف جديدا اذا ذكرت الناس بحديث الرسول صلى الله عليه وسلم: " كما تكونوا يولى عليكم " ذكره ابن الحاجب، وفي حديث آخر"أعمالكم عمالكم كما تكونوا يولى عليكم"، وكلاهما تأكيد لمعني الآية الكريمة: "وَكَذَلِكَ نُوَلِّي بَعْضَ الظَّالِمِينَ بَعْضًا"!! وعليه فلا حاجة للإستغراب مما يجري بالوطن وتوالي المصائب علي أهله، وآخرها تولي "الجنجويد" أمور الحكم في السودان!!!

[Mohamed]

#1017131 [ممغوص]
0.00/5 (0 صوت)

05-27-2014 12:17 PM
سؤال ياخوانا انتو مش في ناس في النظام اهانوا الجيش السوداني النظامي(وليس قوات حميدتي) ولم يحاسبوا؟؟؟؟

[ممغوص]

#1017101 [Abuadeela]
0.00/5 (0 صوت)

05-27-2014 11:55 AM
سبحان الله حميدتى يهدد بأقتحام سجن كوبر .. والله لو سألوه سجن كوبر ده واقف بى وين ما كان عرف .. بلد صارت ملطشة لليسوى والمايسوى .

[Abuadeela]

#1017099 [الفاتح عباس]
0.00/5 (0 صوت)

05-27-2014 11:52 AM
هذا زمانك يامهاذل فامرحي

[الفاتح عباس]

#1017061 [صابر الصابر]
0.00/5 (0 صوت)

05-27-2014 11:19 AM
الله يرحم رجال القوات المسلحة لو كان الرائد ابراهيم شمس الدين حي ما كان خلا العولاق دا وامثاله يتجدعوا في نص الخرطوم هذا زمانك يامهازل فامرحي..

[صابر الصابر]

ردود على صابر الصابر
United States [عدو الكيزان النازي] 05-27-2014 04:11 PM
ابراهيم شمس الدين ....؟؟؟

راجل المرة ... الزول ده هو سبب مشاكل السودان الحالية

هذا المقبور اعدم ضباط رمضان ... انه شيطان اعوذ بالله منه ومن افعاله الاجرامية

United States [haroun] 05-27-2014 02:04 PM
ما هو السبب البلاوي في السودان الا ابراهيم الدي غيب الله شمسه هو وعصابة الحراميه وحميدتي ده كرت وسوف يتم حرقه كما تم حرق كل ابناء الغرب الجهلاءالعملاء الدين يخدمون اسيادهم الشماليين.


#1017058 [مهدي إسماعيل]
5.00/5 (1 صوت)

05-27-2014 11:18 AM
الحبيب الغمام
لاتقبل العفو الرئاسي، لا تقبل الدنية، أجل من مُحاكمتك مُحاكمة للنظام. لإنهم يريدون مرمطتك.

[مهدي إسماعيل]

ردود على مهدي إسماعيل
United States [haroun] 05-27-2014 02:13 PM
ماهو اصلوا مفبرك مع النظام بعد مافقد المصداقيه بعد تعيين الامين العام ومعظم الناس صدقوا مخرج االمسرحيه الهزىلة التي لا تحتوي علي اي مضمون سوى قتل ابرياءمن الانصار والعاقل يفهم اللعبه .


#1017056 [سلام خضر]
5.00/5 (1 صوت)

05-27-2014 11:17 AM
حتة عسكري نفر لقي نفسه في غفلة زمن الغوغائية عميد ويهدد ههههههههههه بالله طلعوا ليه شفع المدارس مظاهره بس يجري ويختفي في غربوههههههههههههههههههههههههههههههههههههههههه
ههههههههههههههههههههههههههههههههههه
ههههههههههههههه ههههههههههههههههههههههههههه

[سلام خضر]

#1017038 [ود الشمالية]
0.00/5 (0 صوت)

05-27-2014 11:05 AM
في النهاية حيكون زي موسى هلال

[ود الشمالية]

ردود على ود الشمالية
[خالد] 05-27-2014 01:33 PM
فعلا الحومة عملت من حرامي الحمير المدعو حميدتي بديلا لموسى هلال هذا احسن تحليل اجده


#1017026 [مبارك]
0.00/5 (0 صوت)

05-27-2014 10:54 AM
والله هذا زمن الهوان والذل والمهازل والخور والدعة والضياع ، كيف لهذا الدعى النكرة المدعو حميدتى بأن يتطاول الى هذا الحد ويهدد باقتحام سجن كوبر أين يا عالم قواتنا المسلحة الباسلة الصامدة على مر التأريخ كيف يسمح لهذا الغبى بأن يقل ما يريد ويفعل ما يريد ؟! اللهم إﻻ اذا صح ادعاء المعارضة بأنه حقا على تخوم الخرطوم لحماية الرئيس اللهم ﻻ شماتة . ولكن ان تقتل قواتنا المسلحة صمام اﻷمان بهذا الدم البارد وهذا النكرة حميدتى فلا وألف ﻻ . وإﻻ لماذا أغتيل خليل ابراهيم ؟! حجموا يا سيادة الرئيس هذا اللاجئ حتى ﻻ يفتح بابا لحركات مسلحة على أطراف العاصمة !! حسبنا الله ونعم الوكيل !!

[مبارك]

#1017015 [ركبة الرئيس]
0.00/5 (0 صوت)

05-27-2014 10:43 AM
حميدتى خيال مآتة
ياجماعة بعد كلام الصادق حميدتى جابوه الخرطوم ولبسوه بدلة وخلوه راس مع الاعلام الماجور وهو ما قصر اتكلم عن الحرب والسياسة وعن القانون والاحزاب و ما خلى حاجة ما نضم فيها ,واصبح نجم بس زى العوير فى الفلم الهندى زمان الجماعة مستغلنو لتنفيذ المهام القذرة وبعدين بيحرقوه او يركوبوه طيارة , انا اتوقع ان توثق كل جرائمه فى نيالا و ريفى الفاشر وجنوب كردفان و ابوزبد والابيض ويقدم للجنائية الدولية ليصبحوا 53 متهما بس اتوقع ايضا ان يعلن اسمه كرابع متهم (عمر هرون ,كوشيب ,عمر البشير ,عبد الرحيم ).
ما اخبار ركبتى الرئيس ؟

[ركبة الرئيس]

ردود على ركبة الرئيس
United States [أبوبكر عبدالرحمن] 05-27-2014 04:54 PM
ياالركبة اليوم في تمام السعة الحادية عشر قفلت ملايش المجرم حميدتي شارع المطار_الفاشر بنيالا ونهبت عددمن عربات المواصلات والملاكي تحت التهديد بسبب تأخر مرتباتهم قتلهم الله جميعآ.


#1016999 [abdu]
5.00/5 (1 صوت)

05-27-2014 10:31 AM
ديك العده

[abdu]

#1016988 [قرفان خالص]
5.00/5 (3 صوت)

05-27-2014 10:25 AM
كلها لالهاء الشعب عن قضيته الاساسية ..

سيناريو محكم من جهاز الامن لتحقيق عدة اهداف ..

1/ الهاء الشعب وصرفه عن القضايا الاساسية

2/ تخويف الشعب بالفوضى العارمة في حالة سقوط النظام باي وسيلة كانت

3/..

4/..

انتبهوا يا شرفاء بلادي ...

فالكيزان يديرون البلاد وفق الخطة البديلة (جيم ) لان هنالك امر جلل حدث خلف الاسوار المغلقة .


أخخخخخخخخخخخ

[قرفان خالص]

ردود على قرفان خالص
[باسطة] 05-27-2014 07:28 PM
تحليل رائع و منطقي و أثني أخي ركابي

ستبدي لك الأيام ما كنت جاهلاً و يأتيك بالأنباء من لم تزود

United States [ركابي] 05-27-2014 01:58 PM
كلامك منطقي مائة بالمائة


#1016982 [awad]
0.00/5 (0 صوت)

05-27-2014 10:22 AM
هذا الكلام الخطير من قائد الخارجين على القانون أنما يدل على انتهاء الجيش السوداني. يظهر أننا بعد هذا التهديد مقبلون على التجربة الصومالية والسورية.

[awad]

#1016980 [ahmed]
0.00/5 (0 صوت)

05-27-2014 10:21 AM
اوشكنا ان نكون مثل ليبيا والعراق =حميدتيى عندو جيش =موسى هلال عندو جيش =كبر عندو جيش وهلما جراء =تنفجر فى الخرطوم وتولع فى دار فور=حليلك يابلد

[ahmed]

#1016969 [RAYYAN]
5.00/5 (1 صوت)

05-27-2014 10:16 AM
احسن ... خليها تتشكا وتتوزع.. تاني من جديد...او تغير الجرة... امكن الورق اتصلح

[RAYYAN]

#1016946 [ود الحاجة]
5.00/5 (1 صوت)

05-27-2014 10:03 AM
في كل البلاد يصنف رموز الحكم الى حمائم و صقور و لكن في السودان لدينا ديكةبمختلف الانواع مثل ديك العدة و لدينا نعام و عصافير و نسور و ديناصورات طائرة و الحكاية جايطة

[ود الحاجة]

ردود على ود الحاجة
United States [nagatabuzaid] 05-27-2014 05:15 PM
مادام قوات النظام الضاربة اسمها ابو طيرة ما تنسى الكلجوية وابو مركوب وود ابرق


#1016925 [النمر]
5.00/5 (1 صوت)

05-27-2014 09:48 AM
هذا الحرامى الجبان كان راجل امشى يحرر كوادا واذا اقتحم سجن كوبر وتم خطف الامام سوف يرى ملا يحمد عقباه من رجالات الانصار من معهم فى جميع السودان وسوف يحرور الخرطوم كما حررها جدودهم من غردون واذا قام هذا الارعن بهذا العمل سوف تكون نهاية حكم الكيزان ومن شايعهم.

[النمر]

ردود على النمر
United States [ودالزين] 05-27-2014 09:04 PM
يا شيخ عثمان...إسمها سكين ضراع... ما خنجر..بعدين خلي الراجل يعيش ياخي,,,قال ليك كل شئ ولا
يخطفو الإمام...ممكن يسجنو ويبهدلو لكن بس ما يخطفو.. ده خط أحمر,,,والله حكاية..

[OSMAN] 05-27-2014 12:54 PM
هههههههههههههه والله يا النمر كلامك ده زكرني بنكتت الزول الخاتي خنجر في ضراعه وماشي في الشارع ولمو فيهو اتنين رباطه وكسرو ليك وشالو قروشو وجدعو في الشارع ولمن الناس سالو لي ما سليت سكينتك قال ليهم خاتيها للحاره .. عاد يا النمر امامك ده ناس الكيزان ديل خاتنو في فندق هيلتون .. ما مرمي في سجن كوبر مع اللصوص والحرامية وكان فيكم باقي رجوله امشي فكو من السجن .. غير الجعجعه باللسان زي النسوان في بيوت العزاء ما عندكم .. ياخ عليك الله قوم لف بلا امام بلا ماموم


#1016918 [أبو الكلس]
2.00/5 (1 صوت)

05-27-2014 09:45 AM
والله يا الصادق المهدي السويتوبي إيدك غلب أجاويدك

[أبو الكلس]

#1016904 [جركان فاضى]
5.00/5 (1 صوت)

05-27-2014 09:29 AM
الانصار حاربوا غردون ووقفوا فى وجه كتشنر....لكن حميدتى دا ما قدروا عليه

[جركان فاضى]

#1016894 [شفتا كيف؟]
5.00/5 (1 صوت)

05-27-2014 09:17 AM
لماذا انساق الصادق وراء الذين يقفوا ضد قوات الدعم السريع التي استطاعت أن توقف النشاطات التخريبية للحركات المسلحة المنشطرة وما حادثة ابوكرشولا ببعيد؟!!
أوقفوا معارضكم لقوات الدعم السريع والا أنتم مع التخريب بكل أنواعه وخاصة لسكان الهامش الذين تتباكون علي ضياع حقوقه.

[شفتا كيف؟]

#1016874 [ود برى]
0.00/5 (0 صوت)

05-27-2014 08:50 AM
الحرية للامام الصادق المهدي
الحرية للامام الصادق المهدي
الحرية للامام الصادق المهدي

[ود برى]

ردود على ود برى
United States [عمدة] 05-27-2014 03:55 PM
الحرية تُنتزع ولا تُهدى.


#1016862 [عبد الشكور]
4.97/5 (6 صوت)

05-27-2014 08:39 AM
حميدتي اشد كفرا و نفاقا كسيده المشير البشير .. لم اكن انصاريا ولا في حزب الامة ولكن الصادق المهدي يعتبر رمزا لمجموعة كبيرة من السودانيين ولذلك احترم اراء هؤلاء السودانيين وأقول الصادق المهدي لم يقل الا حقيقة قالها أناس كثيرون قبله في المعارضة المسلحة او المعارضة السلمية او البرلمان او عامة الناس مثلي

[عبد الشكور]

ردود على عبد الشكور
[Majour] 05-27-2014 02:17 PM
والله ياستاذ عبد الشكور ويا حضرة اللواء محمد ومع كل احترامي لكم جنس فهمكم ده الخله البلد مشتعلة منذ 1955 حتى انقسم وكل الاطراف المنقسمة مشتعلة كل على حدا,مين القاليكم انوا السودانيين مامحترمينهم ما هو احترام الشعب ليهم ده الجلب الكارثه للبلد, هم الما محترمين الشعب,لكن الشعب طول عمره بيحترمهم, لكن فى النهاية طفح الكيل, وجاين بعد ده تقولوا احترم نتوا كلامكم ده إستفذاذ ولا شنو يعنى!!! قال احترام, ياخونا اعقلوا شوية وسيبكم من السذاجه ده, الله يدكم العافية, والله العقل نعمة.

[محمد اللواء] 05-27-2014 11:26 AM
احسنت قولا ووصفا يا عبد الشكور، والله انا مثلك لا علاقة لي بحزب الأمة ولا احب الصادق ولكن من حقه علينا احترامه ، وهكذا نبدأ بناء دولة المساواة والحرية والديمقراطية ، باحترامنا للاخر وحسن ادارة الخلاف


#1016854 [المتجهجه بسبب الانفصال]
2.88/5 (6 صوت)

05-27-2014 08:29 AM
بلد يحكمها الجهلة والعطالى،،، من جهل البشير الذي اهلك البلاد الى جهل حميدتي ،،،

[المتجهجه بسبب الانفصال]

#1016849 [ود البحير]
4.82/5 (5 صوت)

05-27-2014 08:26 AM
مش حميدT؟ صدقوني بعملها. قبل كدة اقتحم محكمة نيالا و اختطف مجموعة من الجنجويد كان محكوم عليهم بالاعدام.

[ود البحير]

#1016845 [111111كديس فى السروال]
4.88/5 (6 صوت)

05-27-2014 08:20 AM
ما فى مجمجة ،، نقول اقبضو الصادق يقبضوه ،، نقول حظر النشر فى القضية طوالى على الفور ،،،، اطيب حميدتى ده ما يستلم القصر الجمهورى و يريحنا من نقول و نقول ،،، طلباتك اوامر

[111111كديس فى السروال]

#1016832 [مستغرب]
4.13/5 (4 صوت)

05-27-2014 07:28 AM
هو حميدتى لسه مرطب فى الخرطوم,ما راجع محل الدواس عشان ياخد تار نائبه, الجنجويدى عينو بقت مركزة على القصر الجمهورى بعد ما البشير اتلجن.

[مستغرب]

#1016825 [سوداني كردفاني]
1.00/5 (1 صوت)

05-27-2014 07:01 AM
وما هو دور صفطي الصادق المهدي الفي الحكومة من هذا التهديد تهدد الحكومة ومن جنجويد هانت الذلابية‎‏ ‎

[سوداني كردفاني]

#1016818 [مواطنx]
5.00/5 (8 صوت)

05-27-2014 05:54 AM
فقط أتمنى ألا نكمل نحن "العامة" صناعة هالة "حميدتي" هذا،الذي ابتدأها وابتكرها النظام بفكر متسلسل مهين حقيقة للسودانيين كبني آدمين..!

[مواطنx]

#1016806 [جن جو ويد]
4.25/5 (3 صوت)

05-27-2014 04:26 AM
ارجــــــل راجل حمديتي ، عفيت منك يالكلس
بدل الاطراف تلبت في الخرطوم

[جن جو ويد]

ردود على جن جو ويد
United States [nagatabuzaid] 05-27-2014 05:28 PM
ده وثب ما تلب وانما هى وثبة


#1016800 [ابومصطفي]
5.00/5 (1 صوت)

05-27-2014 04:06 AM
اين القرار الجمهوري الذ تحدث عن حرية الاعلام

[ابومصطفي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة