الأخبار
أخبار إقليمية
خبراء ينتقدون التساهل في منح الجنسية للأجانب
خبراء ينتقدون التساهل في منح الجنسية للأجانب



05-27-2014 12:24 PM

الخرطوم: عازة أبوعوف
حذر خبراء استراتيجيون من مغبة التساهل في منح الجنسية السودانية للأجانب وتولي المناصب العليا وشددوا على ضرورة مراجعة الإجراءات المخولة لمنحها، ونوه الخبراء إلى أن تخصيص مناطق محددة للقبائل يهدم السلم والتعايش الاجتماعي بالولاية ودعوا الى ضرورة تقليل الفوارق الاجتماعية التي تمثل مؤشراً خطيراً.
وحذر الخبير والسياسي عبد الرسول النور في جلسة الاستماع لتقرير المجلس الأعلى للسلم الاجتماعي الولائي بمجلس التخطيط الاستراتيجي أمس من ارتفاع معدلات العمالة الأجنبية بالبلاد لسد فارغ العمالة الوطنية الناتجة من هجرة السودانيين للخارج ولفت إلى خطورة ما أسماه التساهل في منح الجنسية والتربع في أعلى المناصب وطالب بمراجعة الإجراءات دون مجاملة لأحد، مشدداً على أن تكون العاصمة قائمة على سودانيين لا يشك في ولائهم، محذراً من التمييز السلبي في الخدمات تحسباً لحدوث الاحتكاكات بتفعيل ومراجعة النظام الأهلي. وفي السياق شدد المعتمد برئاسة الولاية آمنة مختار على ضرورة دراسة ظاهرة العنف الطلابي وتأثيراتها على التعايش السلمي بالبلاد.

الجريدة


تعليقات 11 | إهداء 0 | زيارات 5153

التعليقات
#1379234 [ايمن احمد]
0.00/5 (0 صوت)

12-02-2015 03:24 PM
كريمين جنس كرم

[ايمن احمد]

#1018225 [مغبون]
0.00/5 (0 صوت)

05-28-2014 12:22 PM
مسألة الجنسية ان الاخوان المسلمين لا يملكون ذرة وطنية لذا رأيناهم يمنحونها في المطار للاعبين الاجانب المسجلين في الهلال والمريخ،،اشعر بسعادة غامرة حين ينهزم الهلال والمريخ

[مغبون]

#1018137 [عبدالله الغريب]
0.00/5 (0 صوت)

05-28-2014 11:16 AM
الواحد سوداني أب عن جدود ولو مشى الجوازات عايز يعمل تعديل خطأ في إسمو يلفيفو السبع لفات وفي الأخر يقولو ليه مافي ليك طريقة والجنسية السودانية البقعد عشرة سنين في السودان يأخودا .. كان على زيادة عدد السكان نحنة ما دولة عظمى زي إمريكا أو إبريطانية أو أستراليا قارة وعددها عشرة أنفار نحنة دولة فقيرة الفيها مكفيها ماناقصة بلاوي شي صوماليين وشي باكستانيين وشي إفريقيا الوسطى وشي تشاديين وشي إثيوبيين وشي إرثريين بقينا حضانة لي المتشردين ..عددنا ولا عدد الدول الخليجية والله لو تقعد عمرك كله في الخليج مايدوك كف خلي جنسية.... الظلم صعب وخاصة بعد يكون من أخوك .

[عبدالله الغريب]

#1017712 [ِAburishA]
0.00/5 (0 صوت)

05-27-2014 11:03 PM
ان مسألة منح الجنسية من المفترض ان يتحكم فيها القانون.. وليس التساهل.. ان قانون الجنسية لسنة 1994 لا توجد به شروط صعبة او تعجيزية.. بل أراه كأنه يشجع الغير للحصول على الجنسية السودانية..لست ادري اذا كانت المسألة هي اساسا في القانون.. ام التساهل في منح الجنسية عن طريق الرشاوي.. ادناه قانون الجنسية لعام 1994 للفائدة العامة..

الجنسية بالميلاد
تعريف السودانى بالميلاد.
4ـ (1) فيما يتعلق بالأشخاص المولودين قبل سريان هذا القانون ، يكون الشخص سودانيا بالميلاد إذا توافرت فيه الشروط الآتية :

(أ ) إذا كان قد حصل على جنسية سودانى الميلاد ،
(ب) (أولاً) أن يكون قد ولد فى السودان أو أن يكون والده قد ولد فى السودان ،
(ثانياً) أن يكون عند سريان هذا القانون مقيماً بالسودان ، وكان هو أو أصوله من جهة الأب مقيمين به منذ أول يناير سنة 1956،
(ج ) إذا كان الشخص ووالده غير مولودين فى السودان ، فيجوز لذلك الشخص متى استوفى مقتضيات الفقرة (ب) (ثانياً) ، أن يتقدم بطلب للوزير لمنحه الجنسية السودانية بالميلاد .

(2) يكون الشخص المولود بعد سريان هذا القانون سودانياً بالميلاد وقت ميلاده .
(3) يكون الشخص المولود من أم سودانية بالميلاد مستحقاً للجنسية السودانية بالميلاد متى تقدم بطلب لذلك .(4)
(4) يكون الشخص الذى يولد لأبوين سودانيين بالتجنس سودانياً بالميلاد إذا كان الأبوان قد حصلاً على الجنسية السودانية بالتجنس قبل ميلاده .

جنسية مجهولى الوالدين.
5ـ يعتبر سودانياً بالميلاد ، حتى يثبت العكس ، الشخص القاصر الذى وجد أو يوجد مهجوراً من والدين مجهولين .

شهادة الجنسية.
6ـ يمنح الوزير شهادة الجنسية بالميلاد ، بالشكل المقرر لأى سـودانى بالميلاد متى طلب ذلك وبعد دفع الرسوم المقررة .

الجنسية بالتجنس
شهادة الجنسية بالتجنس.
(1) يجوز للوزير أن يمنح شهادة الجنسية السودانية بالتجنس لأى أجنبى اذا قدم طلباً بذلك بالشكل المقرر وأثبت للوزير أنه :(6)

(أ ) بلغ سن الرشد ،
(ب) كامل الأهلية ،
(ج) مقيم بالسودان لمدة خمس سنوات أو أكثر ،
(د ) حسن الأخلاق ولم يسبق الحكم عليه بعقوبة جنائية فى جريمة مخلة بالشرف والأمانة .

(2) لا تمنح شهادة الجنسية السودانية بالتجنس لأى أجنبى بموجب أحكام البند (1) ، الا بعد أن يؤدى طالب الجنسية يمين الولاء بالصيغة الواردة فى الجدول الملحق بهذا القانون .
(3) يكتسب الأجنبى الجنسية السودانية بالتجنس من تاريخ منحه الشهادة بذلك .
(4) يجوز للوزير ، عند الطلب ، أن يضمن شهادة الجنسية السودانية بالتجنس أسماء الأولاد القصر إذا كانت الشهادة ممنوحة الى والدهم المسئول ويكون لكل من هؤلاء الاولاد القصر جنسية السودانى بالتجنس من تاريخ قيد اسمه بشهادة التجنس .
(5) تعتبر شهادة الجنسية السودانية بالتجنس الممنوحة قبل صدور هذا القانون بمثابة شهادة ممنوحة بموجب أحكام البند (1) .

النساء الأجنبيات المتزوجات.
8ـ يجوز للوزير أن يمنح شهادة الجنسية السودانية بالتجنس لأية امرأة أجنبية تقدم طلبا بالشكل المقرر ، وتثبت للوزير أنها :
(أ ) زوجة لسودانى وفقاً لأحكام قوانين السودان ،
(ب) أقامت بالسودان مع زوجها السودانى لمدة سنتين على الأقل من تاريح تقديم الطلب ، على أنه يجوز لرئيس الجمهورية بناء على توصية الوزير إعفاؤها من أحكام هذه الفقرة إذا كانت قد أقامت بالسودان مع زوجها السودانى لمدة سنتين على الأقل قبل تاريخ تقديم ذلك الطلب مباشرة .

وتقبلوا تحياتي...

[ِAburishA]

#1017615 [زول ود زول]
5.00/5 (1 صوت)

05-27-2014 07:59 PM
مسعولين من الخير...؟ منو الاجانب الفي مناصب رفيعة ديل..؟ ومنو المشكوك في سودانيتهم وقاعدين في العاصمة ديل..؟

[زول ود زول]

#1017588 [عبد العزيز عبد الباسط]
5.00/5 (1 صوت)

05-27-2014 07:21 PM
الجنسية السودانية هى قضية امن قومى يجب ان توضع لها ضوابط مدروسة ومعقدة وان لاتمنح لاحد الا بعد موافقة كافة الاجهزة الامنية شرطية وعسكرية وبعد قيامها بالتحريات اللازمة وكتابة التقارير الوافية من جانب الامن والمخابرات عن طالب الجنسية ورفعها لرئيس الجمهورية . وهذا الامر طبيعيا يحتاج الى فترة طويلة يحددها القانون .
فالزواج من طرف سوداني امر غير كافى لمنح الجنسة السودانية لاحد اى كان . ويستثنى من ذلك الاطفال ان كان احد الابوين سودانى وبالطريقة ينظمها القانون وبعد موافة الاجهزة الامنية
_ عبدالعزيز

[عبد العزيز عبد الباسط]

#1017384 [al alamana]
5.00/5 (1 صوت)

05-27-2014 03:21 PM
يا اسد النتر نسيت ناس غرب افريقيا مثل نيجيريا وتشاد وافريقيا الوسطي يعني ركزت في الناس اللونهم فاتح مثل المصريين هههههههههه مع انو نسبة تشاد ونجيريا وافريقيا الوسطة هي الاعلي في البلاد

[al alamana]

#1017329 [الأسد النتر]
5.00/5 (1 صوت)

05-27-2014 02:25 PM
اقتباس: (ولفت إلى خطورة ما أسماه التساهل في منح الجنسية والتربع في أعلى المناصب وطالب بمراجعة الإجراءات دون مجاملة لأحد)..
والله فعلاً شر البلية ما يضحك .. تراجعوا بعد خراب مالطة .. السودان أصبح بلد الأجانب المشردين بدون أوطان والعطالة في بلدانهم وأصحاب السوابق .. أمثال الفلسطينيين والمصاري والبنغالة والحبوش والباكستانيين والأرتريين والسوريين واللبنانيين وغيرهم من الملل .. بالله في دولة في العالم تجنس البنغالة .. يا أمة ضحكت من جهلها الأمم .. لا وتلفزيوناتنا تجري تعمل معاهم لقاءات تلفزيونية عشان أخذوا الجنسية .. شفتوا مذلة أكثر من كده يعني السودان يتشرف بتجنيس أمثال هؤلاء والا المفروض هم اللي يتشرفوا بأخذ الجنسية السودانية .. باكستاني قاعد يغسل حافلة وداخل بيها جوه موية النيل في الشجرة .. تجي مذيعة التلفزيون (ما أذكر الشروق أو النيل الأزرق) وهم ديل سبب البلاء .. وتعمل معاه لقاء وتسأله من جنسيته ويقول ليها سوداني بلغة ركيكة .. وتمشي معاه البيت وتتعرف على زوجته السودانية .. وبعد شوية ينادي من فوق الحوش بالأردو ويجوا جيوش من الباكستانيين قاعدين في الحوش التاني ويبدأ التعارف .. دا أخوي ودا ولد أختي ودا خالي ودي حبوبتي وهلمجرا .. والله الواحد خايف في يوم يلقى نفسه في السوق الوحيد السوداني (آسف الوحيد الأجنبي) .. كان الله في عونك يا سودان العزة والكرامة (سابقا قبل 25 عاماً) .. عرفتوا ليه الشعب السوداني هو الشعب الوحيد في العالم اللي يقول (ملعون أبوكي بلد) ؟.

[الأسد النتر]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة