الأخبار
أخبار السودان المحلية
وكيل وزارة العدل يأمر بالقبض على الموظف بالأراضي "صالح على كوران" بتهمة تسريب ملفات لصوص الأراضي
وكيل وزارة العدل يأمر بالقبض على الموظف بالأراضي "صالح على كوران" بتهمة تسريب ملفات لصوص الأراضي
وكيل وزارة العدل يأمر بالقبض على الموظف بالأراضي
الفساد في عهد الأخوان المسلمين - السودان


الجريمة في عهد الأخوان المسلمين هي كشف الجريمة
05-27-2014 11:32 AM
الراكوبة تم الزج به في مكاتب جهاز الأمن مذ أسبوعين بتهمة تسريب ملفات لصوص الأراضي

الخرطوم- خاص الراكوبة

وجد الموظف بمصلحة الأراضي بالخرطوم (صالح علي كوران) نفسه متهماً بتسريب ملفات فساد وكيل وزارة العدل الذي أتضح أنه يمتلك قطع أراضي قيمتها مليارات الجنيهات في مواقع مميزة داخل الخرطوم أستولي عليها عندما كان مديراً للأراضي قبل عامين تقريباً.

وأمر وكيل وزارة العدل بالقبض على الموظف والزج به في مكاتب جهاز الأمن والمخابرات الذي نكّل به شر تنكيل من أجل الإعتراف بتسريبه للمستندات والأوراق التي كشفت فساد عدد من الرؤوس في حكومة البشير الإخوانية.

وعلمت (الراكوبة) أن الجهاز القمعي توعّد الموظف (صالح) بمزيدٍ من التنكيل إذا لم يكشف عن نوع الأوراق والمستندات التي تم ترسيبها ولم تنشر بعد، خاصة تلك التي تورِّط كبار موظفي حكومة الخرطوم التي أثري صغار الموظفين فيها خلال السنوات الماضية بسبب نهبهم غير المخفي لأموال الدول في كافة المواقع.

وتتساءل أسرة الموظف المعتقل عن الدواعي التي تجعل الجهات الأمنية تلقي القبض على إبنها بتهمة تسريب المستندات وتتجنب المتهم الرئيسي الذي أثبتت المستندات المسربه فساده وسرقته التي صارت غير مخفية، وطالبوا منظمات المجتمع المدني والمنظمات الأجنبية بالضغط على جهاز الأمن الوطني لإطلاق سراح إبنهم خاصة وانه برئ من كل التهم التي وجهت اليه.


تعليقات 61 | إهداء 0 | زيارات 23234

التعليقات
#1039878 [ابو يزن]
0.00/5 (0 صوت)

06-20-2014 02:25 AM
البطل الهمام صالح علي احمد ،،، هذا الرجل الشجاع اعرفه جيداً ،،،هو من ابناء دفعتي في الدامر الثانوية ،،، وجامعة الخرطوم كلية الاداب ////من ابناء ود حامد ،،،، اقسم بالله انه رجل ذو مواقف وشجاع ،، لا يخاف في الحق لومة لائم ،،،، حادثته قبل شهرين بعد طول غياب وبالرغم من انه منذ تخرجنا في 1987 ظل يعمل بالاراضي بالخرطوم إلا انه لا يمتلك بيت ويسكن مع اهل زوجته ،،،،ما هذا الرجل ؟؟!!رجل مثل صالح كان يمكن ان يمتلك مئات البيوت في الخرطوم لو سلك مسلك هولاء المجرمون ؟؟!!!!!!! هولاءهم الشرفاء الذين لم يدنسوا اياديهم البيضاء بالمال الحرام ،،،انه صالح علي احمد الرجل البسيط الذي يخاف الله ولا ياكل الحرام ،،، نعم هو كذلك فهو يعمل بحديث الرسول (ص) "" كل مال نبت من سحت فالنار اولى به ) صدق رسول الله ،،،،رجل مثلة يعمل في الاراضي منذ اكثر من 25 سنة ولا يمتك بيت ،،،،

صالح علي احمد حادثته قبل شهرين وسألته عن احواله وقال لي بالحروف الواحد ( شوف لينا شغلة معاكم في السعودية ) رجل نشهد نحن ابناء دفعته بأنه ذو خلق عال واخو اخوان ،،، فلنحرك جميعاَ وندعو جميع ابناء الدفعة من الشرفاء بالدفاع عن صالح وندعو جميع المحامين الشرفاء بالقيام بواجبهم وعلى الاخوان في الراكوبة الوقوف مع الاخ صالح هذا الرجل الذي فضح هولاء الذين يتشدقون ويتحدثون باسم الدين والاسلام والاسلام برئ منهم براءة الذئب من دم ابن يعقوب ،،،،حتاًماً نحن معك اخونا صالح ولن نتترك لهولاء الانجاس المناكيد ،،،ونسأل الله ان يفك اسرك ولن نألو جهداً في الوقوف معك حتى تبرئ ساحتك يجرم المجرمون ،،، والله معك اخي صالح ،،، دعوة للجميع للوقوف مع صالح احقاقاً للحق ولرد المسروقمن المال يا خونه ،،،

[ابو يزن]

#1018917 [ابومحمد]
0.00/5 (0 صوت)

05-28-2014 11:36 PM
ياالحقيقة مدرسة ودحامد المتوسطة تم تاسيسها عام 1976 والاخ صالح امتحن منها 1979 ...... ياحليل مدرسة حجرالطير التى تخرج فيها فطاحلة الزمن الجميل والتى كانت الطريق السالك للجميلة ومستحيلةوخالص تحياتنا للاهل الكرام فى حجرالطير والذين تشرفنا بمعرفتهم وهم نعم الاهل و الاخوان والاصدقاء وكذلك كل الاهل فى قرى محلية المتمة وولاية نهرالنيل وكل السودان ولنقف جميعا مع الاخ صالح وضد الفساد والمفسدين وتجار الدين

[ابومحمد]

#1018803 [زاىد]
0.00/5 (0 صوت)

05-28-2014 09:25 PM
قولو لعصام عبد القادر خلاص كملت الفساد يعني خلاص كملت

[زاىد]

ردود على زاىد
[أبوطاهر] 05-28-2014 11:47 PM
هذا الفاسد الحراااااااااااااامى المدعو عصام عبدالقادر والذى لا يختشى يجب محاكمته على سرقة هذا الشعب المسكين ---- حتروح من الله وين كله ما حينفعك يا حراااااااااااامى !!!!!!!!!!


#1018773 [المهندس سلمان إسماعيل بخيت على]
0.00/5 (0 صوت)

05-28-2014 08:46 PM
لو السودان دا فضلت فيه بقية رجال قانون فمن المفترض أن يتم تكوين الرابطة السودانية للدفاع عن السيد (صالح علي كوران)فهذا الرجل إن كان هو فعلا من سرب هذه الحقائق عن فساد رجالات نظام الكيزان فقد قدم خدمة كبيرة لوطنه ومواطنيه ولايجوز أن نتركه ليقع تحت رحمة هؤلاء المجرمين ويقف الشارع كله معا ونجعل من (صالح علي كوران) ايكونة تسمى ضد الفساد ولو وقفنا معه ودعمناه سوف نشجع أى سودانى تحت يده مستند إدانه لمجرم أن يتجرأ ويقدمه - كثيرا ما كنا نسمع البشير وعلى عثمان وكبار المسئولين فى حكومة الإنقكيزان يقولون لا تقولا فساد فساد فساد العنده مستند تحت يده يتقدم به واليوم نقرأ خبر يتناقض مع مطلوبات البشير وشيخه على عثمان - على فكره البشير أول طالب يأكل أثنين من شيوخه ففى 1998م أكل شيخه الترابى وفى 2014م أكل شيخه شيخ على عثمان ومن يأكل شيخه ممكن يبلع موظف بسيط فى الأراضى بلع فيا شعب السودان كونوا رابطة المدافعين عن (صالح علي كوران) وإلا فلا تتوقعوا شخص أخر يتجرأ لكشف الكثير من المفاسد لهذا النظام وكل من تقولوا له أكشف ما تحت يديك من مستندات فساد - سيقول لكم لا فقد أؤكل كما أكل الثور الأبيض (صالح علي كوران)
عاوزين مجموعة محامين يترأسها محامى كبير ويا حبذا لو يكون إسلامى ممن لم تتوسخ أياديهم ودى نادر وجوده يطالبون بفك اسره ولو تأكد أنه من سرب هذه المستندات يكرم فى قصر الشعب ويقلد وسام النيلين من الدرجة الأولى لأنه نفذ مطلب من مطالب رئيس الجمهورية ( من كان بين يديه مستند إدانة فاليتقدم به ) وبعدين وكيل وزارة العدل دا ذات نفسه من بين المتهمين فكيف يحق لمتهم أن يلقى القبض على شخص نفذ تعليمات الرئاسة
والله زمانكم زمان أغبر يا كيزان

[المهندس سلمان إسماعيل بخيت على]

#1018765 [nagatabuzaid]
0.00/5 (0 صوت)

05-28-2014 08:23 PM
نفرض سميناها رضينا وقلنا ان صالح على كوران سرب قضائح الجماعة الما عواليق وما مجرمين علاقة التسريب بجهاز الامن شنو ؟ده دليل على انهم فعلا مجرمين والا كانوا فتحوا بلاغ فى الشرطة وكمان دليل على ان ا صالح على كوران ده برىء وعايزين يعذبوه لا جباره على الاعتراف غايتوا كان سرب المعلومات دى صحيح اريتوا ود الهنا وتسلم البطن الجابتوا وفخرا لذويه وبنيه

[nagatabuzaid]

#1018719 [صابر الصابر]
0.00/5 (0 صوت)

05-28-2014 07:12 PM
في بلد زي دي حقك تاخدو حمرة عين او تموت دونه خلاص بقت على المسكين السرب الاوراق فساد وزادوه فساد المشكلة انو الناس ديل عينهم قوية ماديرين اعترفوا ولا يوم واحد ساي قدموه لمحاكمة عادلة عشان يفشوا غبائن المساكين ياكلو في الحرام والمشكلة الواحد تلقى دقنو زي دقن التيس تف عليكم :نتضرع بالشكوى لله تعالى اي مسئول اكل قروش الغلابة والمساكين بان يبتليه الله في نفسه وفي ماله آمين...........

[صابر الصابر]

#1018714 [سنا سيكو]
0.00/5 (0 صوت)

05-28-2014 07:06 PM
العصيان المدنى هو اقصر طريق لكنس هذه العصابه .. وحتى يتحقق ذلك عليكم ان تعلموا ان الذين يستظلون بظل الراكوبه معظمهم فى دول المهجر والجزء اليسير داخل السودان .. أعنى ان الشعب الذى كثيرا ما يوصف بالجبن من قبل القراء لا سبيل له الى الشبكة العنكبوتيه .. فان كان الله قد فتح عليكم بشاشة كمبيوتر وانترنت مكنتكم من التلاقى والتواصل وتبادل المعلومة وانتم اقلية من شعب جله يتفق معكم لكنه محروم من التلاقى والتواصل وتبادل المعلومة معكم .. انتم تخظئون عندما تظنون ان كتاباتكم وافكاركم ومعلوماتكم التى تطرحونها هنا فى متناول الشعب السودانى .. قبل ان ترددوا : الشعب جبان .. عليكم وانا احدكم ان نستفيد من خدمات الانترنت وان نجعلها متاحة لقطاعات كبيرة من شعبنا المقهور لتبصيرة واعداده لساعة الانقضاض ..
نحن فى دول المهجر تركيبتنا من كل اقاليم السودان وهذا تنوع جغرافى حميد فى هذه الفترة الحرجه التى يمر بها وطننا العزيز .. ماذا لو حمل كل منا جهاز كمبيوتر او اكثر لداخل السودان .. نريد لهذه الاجهزة ان تنتشر فى كل دار .. كل شارع .. كل قرية .. فى كل ركشة .. ست الشاى تعرف وبتاع الكارو يعرف ويايع الليمون يعرف والعواطليه (ومااكثرهم) يعرفون ..
ليس عدلا ان يوصم شعبا قامت على اكتافه اكتوبر وابريل بالجبن .. ولا يستقيم ان يظل هذا الشعب من بين كل الشعوب المحيطة بنا ان يكون مغيبا فى عصر الانترنت . وشكرا.

[سنا سيكو]

#1018672 [العميد المطرود]
5.00/5 (1 صوت)

05-28-2014 06:07 PM
المثل بقول يا بت البدري قومي بدري واسرقي بدري واتحلل بدري واتناكي بدري وكس ام البجري خلاص شطبنا

[العميد المطرود]

ردود على العميد المطرود
United States [مجدي البشري] 05-28-2014 10:42 PM
ههههههههههههههه امسك اعصابك يا سعادة , لسه الناس دي شكلها مطوله وسع ......

European Union [اللحوي] 05-28-2014 06:47 PM
يا أخي قول .... ود البدري سمين ... وريحنا


#1018343 [القريشابى]
3.00/5 (2 صوت)

05-28-2014 01:29 PM
صالح على احمد درس الابتدائى بمدرسة ودحامد الابتدائية والمتوسط بمدرسة ودحامد المتوسطة والثانوى بالدامر الثانوية وتخرج فى جامعة الخرطوم كلية الاداب قسم الجغرافيا فى منتصف الثمانينات من القرن الماضى وعمل موظف فى مصلحة الاراضى منذ اكثر من عشرين عام وحتى كتابة هذة السطور ساكن بالايجار وكما قال الشاعر حميدة واحدين بالايجار مالاقين جحر وناسا حالة زين مصنع مصنعين طين فى طين وين ومامرابة مر زي عصام عبد القادر الزين الذى اعترف بانة يملك عشرة قطع فى الخرطوم .......... لماذا لم يتم محاسبتة بقانون الخدمة العامة 2007 وذلك لانة موظف عام؟ لماذا يتم محاسبتة فى نيابة مخالفة الاراضى فى حين انة لم يرتكب مخالفة خاصة بالاراضى بل كان يجب محاسبة عصام عبدالقادر بواسطة مخالفة الاراضى لانة استغل نفوذة واستولى على عشرة قطع اراضى

[القريشابى]

ردود على القريشابى
United States [الحقيقة] 05-28-2014 03:19 PM
يا القريشابي التناقض دا شنو ؟
اولا متي تأسست مدرسة ود حامد المتوسطة؟ وحتي عهد قريب كانت المرحلة المتوسطة لابناء ود حامد تدرس بقرية حجرالطير وخاصة كما زكرت انه عمل موظفا "منذ اكثر من عشرين عاما" لو اضفت الثانوي والجامعة يكون في المتوسطة اواخر الثمانينيات ؟؟؟ وحتي ذلك الوت لم تكن هناك مدرسة متوسطة بودحامد؟؟
ارجو التوضيح؟
وكلنا ضد الفساد والمفسدين وارجو من كل من يمتلك معلومة او وثيقة تثبت فساد من تسلطو علينا ان ينشرها ويحتسب اجره علي الله. وشكرا


#1018274 [نكس]
5.00/5 (1 صوت)

05-28-2014 12:48 PM
لذلك ابتلانا الله بمن لا يخافهوه -فنحن شعب لا ننهي عن منكر ولا نامر بالمعروف اعزة علي انفسنا ازلة علي الاخريين - ندعوا الله في صلاتنا - اهدنا الصراط المستقيم - وماكلنا حرام ومشربنا حرام من مال الربا وغذينا بالحرام من مال ودائع المشبوهيين - فانا يستجاب لنا -
ايها الشعب السوداني - لا يغير الله ما في قوم حتي يغيروا ما في انفسهم -
القلوب تخفق وهي في الاصل ميتة - هذا الموظف ادي دين الوطن لله وهو مخلصه (الذين قالوا لهم الناس ان الناس قد جمعوا لكم فاخشوهم -فزادهم ايمانا وقالوا حسبي الله ونعم الوكيل )
ولاسرة الموظف ان تلجا لله فهو مولاهم والشعب السوداني لا مولا له -الله ناصر اسرته والشعب السوداني لا ناصر له
ولا يصيبه الا ما كتب الله له -حسبي الله ونعم الوكيل -

[نكس]

#1018193 [kori ackongue]
0.00/5 (0 صوت)

05-28-2014 11:59 AM
Hero Salih Ali Kouran,

Sleep in peace, for that is just anger from their side while they left the real man who did that fearing from him and found you the victim, because you used to challenge the director of the lands in some parts of his wrong process as I am told about it. God knows what are you and what you were doing. Torture against your flesh may not be of use at all since they have had done it for more than people before you. Still you are the hero and all the Sudanese will celebrate you innocence one day. They are so mad and also lost their minds because everything became very clear to all internally and externally, for they are great thieves and will die as greater as ever to be number one world thefts persons, thieves and thieves at all.

[kori ackongue]

#1018120 [ابولكيلك]
0.00/5 (0 صوت)

05-28-2014 10:57 AM
مواطن وكوز وحرامى .

[ابولكيلك]

#1018112 [abuzar]
0.00/5 (0 صوت)

05-28-2014 10:53 AM
ياخوانا وين الراجل البكتب شعب جعان لكنو جبااااااااااااااااااااان

[abuzar]

#1018074 [احمد]
0.00/5 (0 صوت)

05-28-2014 10:28 AM
يا جماعه ماتزعلوا بس والله اتكيفت منو ومن رجالتوا يعنى الزول دا كان ما كاسر عيون الكبار كان بلا خجل بصدر الاوامر والتعليمات بالقاء القبض واغلاق الصحف وكمان ينفذ تعليماتو جهاز الامن؟

[احمد]

#1017994 [الشمالية]
5.00/5 (1 صوت)

05-28-2014 09:36 AM
ياجماعة المحيرني وكيل الظلم ده يطلع شنو وابن منو عشان الحكومة تتمسك بيهو كده يادوسه ياحكومة اوقفوه عن العمل لحين تبرئته او محامكمته .

شي عبيييييييييييييييييييييييب

[الشمالية]

ردود على الشمالية
United States [ساب البلد] 05-28-2014 10:58 PM
********* قيل ود اخو الحاجة هدية ام امير المومنين ***** يعني دوسة ما ح يقدر عليهو *****

United States [قوشي] 05-28-2014 06:49 PM
جالس قي كرسيه و عينه قوية لأنه كسر عين الكبار بتسهيل امتلاكهم لحيشان كافوري و يثرب و المهندسين و ..


#1017983 [ود الركابي]
5.00/5 (2 صوت)

05-28-2014 09:30 AM
انا ماعارف جهاز الامن بتاعنا ده ياكافي البلا مافيهوا واحد رجل وطني يحب تراب البلد دي زي حبه لنفسه مافي مافي خلاص البلد كلها بقت فساد في فساد واحد راجل ابن راجل يقول الكلام ده غلط مافي انتوا السودان ده مش بلدكم وبلد اولادكم وبعدين حيكون بلد احفادكم هل انتوا يابتاعين الامن عاجبكم الحاصل في البلد ولاشنو الحاصل طبعأ انتوا مرتاحين الجماعه كابنها ليكم بالكوريك لكن شعبكم التعبان والمرضان ده يعمل شنو ونحن سودانيين عارفين بعض كويس الشعب ده اذا قام عليكم مافي بلد في الدنيا حتلمكم وانا واثق المرة دي مافي عفا الله عما سلف الدم حيكون للركب وحيكون في انتقام شديد جدأ ولما يلعلع الرصاص الله يستر .. الله يحفظ بلدنا من ابنائها اولأ ومن كل مكروه

[ود الركابي]

#1017925 [جليكو]
0.00/5 (0 صوت)

05-28-2014 08:59 AM
الموضوع ننظر ليهو من زاويا تانيه ده واحد قدر يطلع بلاوى فى وزاره .كيف لو لقينا موظف بخاف الله فى وزارة البترول مثلا حيطلع ليكم بلاووى . اللهم يالله يالله اخذهم اخذ عزيز مقتدر.

[جليكو]

#1017892 [معاوية]
0.00/5 (0 صوت)

05-28-2014 08:25 AM
العدل راح مع ناسوا ديل افسد الفاسدين دوسه زاتو متهم والمتهم عند حكومة اللصوص برىء
تفو عليكم حرامية قتله اندال ليكم يوم ان شاء الله

[معاوية]

#1017886 [صابر صالح]
0.00/5 (0 صوت)

05-28-2014 08:13 AM
عمر دفع الله ده داير شوية ثقافة قانونية حتى يستطيع التمييز بين القضاء والنيابة فالقضاء في ظل القانين السارية يحكم بمايقدم امامه وليس من مهامه جمع الادلة فهذه مسؤولية النيابة

[صابر صالح]

ردود على صابر صالح
European Union [كومار سلفرا يز] 05-28-2014 02:41 PM
بلاي ياصابر

[سامى] 05-28-2014 10:45 AM
ياود ياصابر يادارس قانون انت


#1017880 [agadir]
0.00/5 (0 صوت)

05-28-2014 08:05 AM
ما ضاق الوطن
بس كبرت الزنزانه

[agadir]

#1017852 [العميد المطرود]
0.00/5 (0 صوت)

05-28-2014 07:13 AM
عرفنا ان صالح الصالح مقبوض بأمر الحرامي وكيل العدل ود عمة البشير اين غسان الحنكوشه الحرامي السؤال دا موجه للفريق هاشم مدير الشرطه

[العميد المطرود]

#1017835 [يوسف محمد الطيب]
0.00/5 (0 صوت)

05-28-2014 05:12 AM
عييييييييييييييييييك ... ووزير التخطيط فى ولاية الخرطوم وقتها ما ظهر ليهو خبر

[يوسف محمد الطيب]

#1017796 [ابو حلا]
0.00/5 (0 صوت)

05-28-2014 02:11 AM
اب ركبه وين يا جماعه؟
شكلو ما شغال بي حاجه من الحاصل
او يمكن غرقان لاضنيهو !!!
يا رب سترك وعفوك ورضاك ..

[ابو حلا]

ردود على ابو حلا
[كتاحة امريكا] 05-28-2014 09:34 AM
ابو كرنكي مافاضي ليكم في مهمة صعبة ..........


#1017787 [Quack]
5.00/5 (2 صوت)

05-28-2014 01:51 AM
this employer is wasting his time and career .sudanese people do not deserve all this scrifices.you should keep your eyes and mouth shut .
all sudanese people are killers and thieves.3million killed in south .over 300thousand killed in Darfrur..25 year of oppression .made sudanese submissive and miserable .

[Quack]

ردود على Quack
[Mohmd] 05-28-2014 10:19 AM
That's right, and shame of us.
But i believe that freedom will come, and we will take off this criminal government from root.


#1017751 [Zorba]
5.00/5 (5 صوت)

05-28-2014 12:17 AM
إن صح الخبر فالمواطن الصامد السيد/ صالح علي كوران غلطان غلطان غلطان
لأنه كان فاكر أنه عندو شعب يحميه وللأسف أكتشف بعد فوات الآوان إنو "المتغطي بالشعب السوداني عريــــــــــــــــــان" لحين إشعار آخر. ساكتين لمتيــــــــــــــــــــن؟ مالو بالكم طويــــــــــــــــــــــــــــــــــــــــــل كده؟

[Zorba]

ردود على Zorba
United States [sasa] 05-28-2014 01:38 PM
صدقت وايما الله صدقت نحن شعب جبان جبان جبان جبان ... لماذا الخوف منهم هل هم اكثر عددا منا ؟؟؟؟ ارجل منا!!! لا والف لا فالنخرج عليهم واليطلقوا علينا الرصاص سيموت جزء منا والاخرون سيقطعون وياكلون الامنجية والكلاب حراس الكلاب والنظام الفاسد الميت .... هبوا يارجال وصبيان السودان هبوا لاقتلاع هؤلاء الكلاب المسعورة المعقورة ... واخيبتاه فينا

European Union [kaaaak] 05-28-2014 08:51 AM
بعض من الخشية بأن لا يكون هناك شعب و كثير من الاعتقاد بأن السودان قد اخذ طريقه الى الزوال المحتوم... ومازلنا اوفياء لعادتنا في التعامي و تجاهل الحقائق

[halfaa] 05-28-2014 04:11 AM
كلامك صحيح وين العصيان المدني داااا اقل شئ يااااااا والله شعب منو العوووض


#1017749 [الزول المنسي]
5.00/5 (1 صوت)

05-28-2014 12:16 AM
الذي يقزل الحق و يقول هناك فساد يسججججججججن
أه يا مفسدين أين أنتم من سماحة الاسلام
كل يوم تنكشفوا امام الشعب

أي واحد لديه مستندات فساد ولم يكشفه مشارك في الجريمة

[الزول المنسي]

#1017725 [كركاب مطر بلا سحاب]
0.00/5 (0 صوت)

05-27-2014 11:36 PM
يسيبوا رأس الحية ويمسكوا فى ذيلها عجايب ..

[كركاب مطر بلا سحاب]

#1017722 [ابو ريان]
0.00/5 (0 صوت)

05-27-2014 11:34 PM
الله يحميك ياصالح كوران

[ابو ريان]

#1017721 [سائح]
0.00/5 (0 صوت)

05-27-2014 11:32 PM
اللهم عليك بالظالمين الكيزان تجار الدين

[سائح]

#1017684 [suheer]
5.00/5 (1 صوت)

05-27-2014 10:29 PM
اذا سرق الشريف تركوه واذا سرق الضعيف اقامو عليه الحد

[suheer]

#1017663 [mohamed]
5.00/5 (1 صوت)

05-27-2014 09:33 PM
غايتو دا ياسممو ياهربو برة البلد، والله نحن مارجال، بلد بقا حارسنها الجانجويد، وهم حارسين منو، ماحارسين الحرامية ديل، والجنجاويد ديل معروفين انهم ناس نهب،واسي لقوها باردة، الكيزان ينهبو، يدوهم النص، وديل يحرسوهم، لكن على انكشفو واصبحو عرايا، والاستفادة الوحيدة الطلع بيها الشعب السوداني انو تجار الدين ذاهبون ولن تقم لهم قائمة ليوم الدين، وشايفين اخوانا المصريين عرفوها طايرة، وما ادوهم فرصة، شاتوهم بدري بدري،بس نحن قريبا انشالله سوف يكون كنسنا لهؤلاء الدجالين حاسم، وتاني احسن لينا يحكمنا سكران ولا المنافقين ديل، على الأقل ممكن السكران يتوب، لكن ديل خلاص عرفو نفسهم انهم حطب جهنم

[mohamed]

#1017619 [ود البلد]
0.00/5 (0 صوت)

05-27-2014 08:20 PM
اللهم ولى من يصلح ... اللهم عليك بالفاسدين ، افضحهم فى الدنيا قبل الاخرة ...

[ود البلد]

#1017554 [gafaar ali]
0.00/5 (0 صوت)

05-27-2014 06:32 PM
الله يرحم الرئيس السابق جعفر محمد نميري ,,, وأذكروا محاسن موتاكم .. أخي علقم .. بالرغم مماذكرت الاأنك لم تكن صادقاُ فيما ذهبت اليه حتي مع وجود الحقائق والدلالات , وذلك لعدم الحيادية فيما تقول , نعم نظام الرئيس القائد السابق جعفر محمد نميري يرحمه الله , أطول عمراُ في ادرارة البلاد
باعتباره أول حكومة عسكرية تحكم السودان قبل الأنقاذ , فبما أنك ذكرت انجازات مايو واخفاقتاها فكان حري بك أن تذكر حقبة حكومةالإنقـــــــــاذ الوطني .. والمقارنة بينها وبين عهد مايو الأغر
وماآلت اليه أوضاع السودان الأن من تشرذم وتفتت وتشرد وحروبات ودمار شامل لحق بالبنية الأساسية للدولة وللشعب , وفساد في جميع أجهزةالدولة -اقتصادي وفساد مالي واداري .. وفساد أخلاقي وتربوي وبنيوي .. وانهيار لجميع البنيات التحتية في المجال الزراعي والتجاري والصناعي والهندسي والعمراني وانهيار في التخطيط وغياب الرقابة والمسؤلية وضياع الذمم وذهاب الأخلاق والقيم والنزاهة والشفافية , وارتباظ المؤسسات الحكومية بالرؤساء والأمناء يتصرفون فيها كيفما يشاؤون ومتي مايشاؤون في مواردها المالية والنواحي الادارية والهيكلية والتنظيمية والقانونية وكلما مايتعلق بيها , كأنها شركة خاصة به أومؤسسته يعين من يشاء وكيف يشاء ومتي شاء , أستبيحت الحرمات والمحارم وساد الظلم وشريعة الغاب (وأعلي مافي خيلك أركبو)- راجع المحاكم والنيابات -
وأستمع الي شكاوي المظلومين .. ودعواتهم ليتها تصيب من يستحقها .. وقطع الأرزاق والتشريد والموالاة .. والمحاباة وزولنا وزولكم - ..ولاأستطيع احصاء للاخفاقات مقابل الانجازات التي للاتتعدي بعض الكباري في سبيل راحة البعض منهم .. والمطار الذي أصبح مجرد حلم بعيد المنال .. وطريق عطبرة الذي أنشاه بلادن .. وطريق التحدي .. وفتنة طريق الإنقاذالغربي التي لم تنطفئ نارها حتي الأن .. والتوسع في الجامعات بافراط أخل بالتعليم وبنظام التعليم العام المتوسط والثانوي .. ونحن الأن في أمس الحاجة لمن يقول كلمة حق ولو بقلبه .. أضعف الأيمـــان ..
# كل هذا لم يشغل بالك أيها الكاتب (عبد الله علقم) مثلما شغلك نظام الرئيس القائد المرحوم جعفر محمد نميري .. نسأل الله له أن يلقي ربه طاهرا نقياُ صادق النوايا ..

[gafaar ali]

ردود على gafaar ali
European Union [اللحوي] 05-28-2014 06:54 PM
يا مقهورة .... الزفت عندو قيمة ... شوفي ليك كلمة تانية ... !!!!

European Union [سم زعاف] 05-28-2014 01:14 PM
الله لا يرحمه حيا وميتا. كان أس البلاء الذي أصاب البلاد والعباد ومعه حنزيره الترابي. عساكر أغبياء لا يدرون فنون الحكم والادارة

European Union [قاسم] 05-28-2014 07:42 AM
النميري هو أول من فتح أبواب الفساد في السودان و هو الذي جلب وباء الكيزان و هو الذي فتح لهم خزائن الدولة بالإعفاءات لبنك فيصل و شركات النهب الإسلاموية و هو الذي مارس القتل و الذبح ضد كل الشرفاء ، لن ننسى قتله للمئات من الطلاب في انتفاضة 1982 الطلابية و لا قتله للأستاذ محمود محمد طه و لا محاكم الطواري و تمكينه للقضاة المجرمين من أمثال المكاشفي و هو الذي قطع أيدي الفقراء و ملأ كروش الأغنياء ... نميري أعفن رئيس و لا أعفن منه إلا البشير ... الله ينتقم من نميري بما ارتكبه من فظائع و توطين الفساد و الديكتاتورية و الظلم ... لن يتقدم السودان ما دام فيه من أمثال جعفر علي ، فالعميان لا يقودون الشعوب في الطريق الصحيح ، لعنة الله تغشى النميري و كل كلابه النابحة .

United States [المقهورة] 05-28-2014 04:51 AM
أي حكومة سواء عسكرية أو ديموقراطية حكمت السودان منذ استقلاله
زي الزفت


#1017549 [واسوداناه]
0.00/5 (0 صوت)

05-27-2014 06:18 PM
للذين لا يعرفون وكيل الوزاره والله والله هذا الرجل موزع أراضي للجميع الحراميه من الوزراء والاجهزه العدليه والامنيه وكبار قاده الجيش وأسره عمر البشير وأقرباءه فهو امن لايستطيع كائن من كان أن يسأله فى هذا الامر وهو لاهف أكثر من 500 مليار من أراض وبأسماء أقرباءه .. لا دوسه ولا يحزنون هو نفسه قابض حقه فى الخرطوم وأمدرمان وبحري يا معلقي الراكوبه الافاضل

[واسوداناه]

#1017517 [محمد]
0.00/5 (0 صوت)

05-27-2014 05:49 PM
هى لله لا للسلطة ولا للجاه --ههههههههههههههههههههههههههههههههههههههههههههههههههههههههههههههههههه

[محمد]

ردود على محمد
[كتاحة امريكا] 05-28-2014 09:36 AM
نعم هي لله



نعم هي للحرامية


#1017485 [radona]
0.00/5 (0 صوت)

05-27-2014 05:07 PM
يعتبر هذا الموظف بالاراضي مثيرا للفتنة ومندسا غير امين وقد يكون عميل لمنظمة الشفافية العالمية لاكثر من عقد من الزمان حيث دابت هذه ماتسمى بمنظمة الشفافية العالمية ادراج اسم السودان كافسد بلاد الدنيا وحتى تبور تجارة هؤلاء العملاء المندسين فقد منعت الصحف والصحافيين من تناول قضايا الفساد وعدم الخوض في التحليل او التحكيم لجهلهم بالشريعة الاسلامية واغراضهم المستبطنة في الاساءة للمسلمين الابرياء الذين يضنون انفسهم في خدمتهم والحفاظ على وحدة الوطن وانعاش الاقتصاد حتى يواصل المواطن في رفاهية العيش ويحصل على العلاج والتعليم مجانا
لذلك يجب عدم ترويج الاشاعات وكما اعلنت الحكومة الاسلامية الرشيدة بالسودان بان كل من يتطاول وينشر شيئا عن الفساد بعد اليوم سيتم اغلاق صحيفته ومن يسرب مستندات عن الفساد يعتبر غير امين وسيجد نفسه في مواجهة القانون وسيضرب بيد من حديد ولماذا يثيرون هؤلاء قضايا الفساد في الوقت الذي يجري فيه الحوار وان قوات الانتشار السريع قد طهرت البلاد تماما من دنس التمرد مما يؤكد بان هؤلاء طابور خامس اعداء للدين والوطن ومندسين وخونة يجب تطهير المجتمع منهم درءا للفتنة

[radona]

ردود على radona
United States [كومار سلفرا يز] 05-28-2014 02:48 PM
كلامك صاح... وانحنا رفهيه العيش والعلاج المجاني دي حاليا واصلنا وانا عندي بطاقه تامين صحي المقابلات مجاني والعلاج عشره في الميه يعني لو ادوك حبتير اسبرين بي خمسميه جنيه تدفع خنسين جنيه بس يعني اقل من .0055 دولار

United States [مجدي البشري] 05-28-2014 02:40 PM
تسلم على الكوميديا السوداء , أديهم وأرفع سقف السخرية لانو ديل بهايم ما بيفهمو , لا عديل فهموا لا نكته فهمو , الحل , صناعة تعبئة قوارير دواء أو زيت طعام بخليط من الكرامة والأخلاق والضمير , ويشربوه لي كل الشعب , وبعد ده حيطرشوه لانهم بطونهم تعودت وأستطابت أكل بخليط من المهانة الذلة

[ابو احمد] 05-28-2014 02:36 PM
يا جماعة الخير [radona] بتريق على النظام لانه لا يوجد عاقل ان يكتب ذلك. ولاناالغلطان؟؟

United States [let it rain] 05-28-2014 09:54 AM
اسي بالجد عليك الله الكلام الانت كتبتو دا قريته وفكرته فيه ولا ملوك ليه ولا حشوه في راسك هو بالله لسه في ناس زيك كدا بدافعو عن الكيزان حاتستفيد شنو البلد نضفت السرق سرق زمان والنهب نهب ولا حتي الفتات ماحتلقاه وموضوع العالم ضدنا واسرائيل وامريكا والخونه والتمرد دا الناس شبعت منه لو اصلا انت بتعرف تفكر وعندك مخ شوف ليك كذبه تانيه الله يهديك بس دا كل البقدر اقولو ليك

[معاوية ابو عشرة] 05-28-2014 09:51 AM
انت بتتكلم جد و دي الكميرا الخفية ... يا رااااجل دة كلام تقولو حكومة اسلامية رشيدة و الله ربن بيسألك يوم الدين .

United States [faisal] 05-28-2014 09:24 AM
الله يقرفك انت انسان خنيث الله يعاديك ف الدنيا والاخره

[خالد] 05-28-2014 07:48 AM
يظهر أن المعلقين لم يلاحظوا السخرية في تعليق [Radona] ... فعلا الأمور تدعو للضحك الأسود ... كلاب الأمن و السراق الحرامية يسجنون الشرفاء ... القتلة اللصوص هم من يحمون العاصمة و حرامي الحمير حميرتي مسؤول من البلد ... هؤلاء القتلة الإسلامويون ملطخون بالغائط فلا يوجد من هو أعفن منهم ، يخس و فووووو ..

United States [ابوشريف] 05-28-2014 02:53 AM
خ خ خ خ خ خ خ خ خ خ خ خ خ خ خ خ خ خ خ خ خ خ خ خ خ خ خخ خ خ خ خ خخ خ خ خ خخخخخخخخخخخخخخخخخخ شخييييييييييييييييييييييرررررر
كانت احلام سعيدة ربي مناي تعيدا
اصحا يا بريش وركز في الواقع شوية

[Bit Messamis] 05-27-2014 11:39 PM
فقعت مرارتنا. ألله يفقع مرارتك!


#1017483 [fm3]
3.00/5 (1 صوت)

05-27-2014 05:04 PM
وين المحامين الشرفاء للوقوف بجانب المسكين صالح والله يحفظه من ات
لتصفية كلنا صالح
المفروض ننظم حملة الموظف صالح الصالح الى كل غيور وكل حادب على مصلحة البلد
اين غسان الان؟؟؟؟؟
وفقك الله صالح وكل من يملك مستند يفضح تجار الدين الماسونيين
حملة التضامن مع الموظف صالح
دوركم يامحامين
حرامية وعين قوية

[fm3]

#1017446 [كفاية]
0.00/5 (0 صوت)

05-27-2014 04:12 PM
دا موضوع عادي جدا عندهم عينهم في الفيل ويطعنوا في ضلو لقد سبق ان تم الحكم بالسجن والفصل من الخدمة لنقيب من الشرطة قدم مستندات الفساد في الشرطة لرئيس الجمهورية شخصيا وهو طبعا قد طال بأن من لديه دليل على الفساد ان يقدمه وبعد سجن نقيب الشرطة تاني مافي اي زول حيقدم دليل لان السجن في انتظاره

[كفاية]

#1017415 [محمد أحمد علي]
2.50/5 (3 صوت)

05-27-2014 03:44 PM
اي وكيل عدل هذا . هذا مجرد حرامي . وكمان يتهم موظفي الأراضي بتسريب معلومات الأراضي التي استولى عليها دون وجه حق . إن كانت هناك عداله في هذا البلد كان الأولي أن يزج بالوكيل هذا في السجن ويحاكم محاكمة علنية . لا أن يزج بموظف نزيه شريف أمثال البطل صالح لأنه كشف المستور .إن التاريخ سيحفظ للبطل صالح هذا الموقف البطولي .

[محمد أحمد علي]

#1017405 [فارس]
3.75/5 (3 صوت)

05-27-2014 03:35 PM
وكيل وزارة العدل يعترف بملكية قطع من الأراضى،،

وكيل وزارة العدل يعقد مرتمر صحفى فى مبانى (الوزارة)،،

وكيل وزارة العدل يأمر بإلقاء القبض على رئيس تحرير صحيفة الصيحة،،

وكيل وزارة العدل يمنع النشر فى قضية الأراضى،،

وكيل وزارة العدل يأمر بالقبض على الموظف بالأراضى،،


أين الوزير دوسة؟؟ وماذ يفعل؟؟ بينما صار وكيله الكل فى الكل؟؟

وزارة العدل صارت أفسد وزارة فى الدولة يعنى بصريح القول هى (وزارة الفساد) ودة كل بسبب محامى الشيطان سبدرات.

[فارس]

ردود على فارس
United States [دوا س] 05-28-2014 09:52 PM
دوسة طلع لا بهش و لا بنش .. وكتر خيره طلع شجاع و أعلنها بأن الجماعة دايسنه و هو مضغوط كما حدث بتمييع تحكيم الاقطان .. بس ما تم جميله و استقال من قبضة هؤلاء الأوباش.. فها هو ( اللص الصغير ) وكيل العدل يحرم تناول الصحافة لفساده و يعتقل من يظن بأنه فضحه .. و الفي راسو حرقص براه بيرقص .. حرامي و عينه قوية في دولة اللاعدل .

United States [نادر] 05-28-2014 12:13 PM
لــو كان دوســـة لديه راي وشخصــية لما اتت به " الدولة العميقة " وزيرا للعدل، هـو لا يستطيع ان يعين موظف في وزارتـــه .

European Union [لتسألن] 05-28-2014 01:38 AM
* أحد وجوه مكر التضامن النيلي هو الإتيان بمغفل مهمش منهزم وزيرا صوريا، و ينصبون علي وكالتها الوزير الحقيقي، و لما تنكشف جرائمهم يحمل (36الوزير) أوزارهم مع أوزاره.


#1017361 [القريشابى]
5.00/5 (1 صوت)

05-27-2014 02:57 PM
ونهيب من جميع اهالى المعتقل فى ولاية نهر النيل ومحلية المتمة ومنطقة ودحامد وكل وطنى غيور وكل منظمات المجتمع المدنى بالمشاركة فى الوقفة الاحتجاجية والاعتصام الذى سوف يتم تنظيمة حتى يتم اطلاق سراح الاخ صالح والذى هو برئ من التهمة التى نسبت الية ذورا وبهتانا ويجب ان يعلم وكيل وزارة الغدر بان صالح معه امة من الناس وسوف تظهر لك الايام ان دولة الغدر والظلم ساعة ودولة العدل الى قيام الساعة

[القريشابى]

#1017342 [فوفو]
0.00/5 (0 صوت)

05-27-2014 02:38 PM
والله لا صالح بطل ولا وكيل وزارة العدل حرامي وانما صالح خائن امانة ووكيل وزارة العدل شخص اشتري بقروشو ما سرق شي والعندو قروش كلو يمشي يشتري والماعندو يرضي بقسمة ربه .

[فوفو]

ردود على فوفو
United States [مجدي البشري] 05-28-2014 02:45 PM
ياخ يا فوفه ما ممكن, قسمة ربه ؟!!ومن تقصدين بريه ,الله سبحانه وتعالى , ولا ربك البشير .!!!؟

United States [let it rain] 05-28-2014 09:57 AM
جابا من وين وكيل وزاره العدل القروش دي؟؟..شوف مرتبه كم وسعر الاراضي بي كم دا لو اشتغل 100 سنه بالحلال مابجيب حق قطعتين في الخرطوم معناتا كوز فاسد كالعاده ودا ماجديد متعودين علي الفساد واستغلال النفوذ


#1017310 [habbani]
0.00/5 (0 صوت)

05-27-2014 02:07 PM
دا كله عشان ورد إسم أخو البشير ومهدى إبراهيم فى قضية الوالى قيت ..

[habbani]

#1017279 [مجاهد]
0.00/5 (0 صوت)

05-27-2014 01:46 PM
الحمد للة لسة ما عندنا ارض منتظرين ارض شبر فقط من الحرامية ديل

[مجاهد]

#1017245 [ود احمد]
0.00/5 (0 صوت)

05-27-2014 01:19 PM
عالم تخاف ما تختشيش

[ود احمد]

#1017227 [أبو الخيرات]
0.00/5 (0 صوت)

05-27-2014 01:09 PM
ولكن نحن ما فاضين من قصة اعتقال الإمام ... قوموا شوفوا الزول دا يا هيئة الدفاع عن الإمام

[أبو الخيرات]

#1017213 [kamal mohy]
5.00/5 (2 صوت)

05-27-2014 12:59 PM
ليمت شهيدا فإن أعظم الجهاد كلمة حق امام سلطان جائر وليقف على المبدأ ويقول الحقيقة وسينصره الله بإذنه تعالى (دولة الشريعة) يا علماء السودان - تخافون الشخص ولا تخافون الله.

[kamal mohy]

#1017208 [Ahmed Elradi]
5.00/5 (5 صوت)

05-27-2014 12:57 PM
بل هو بطل وعليه الصمود

[Ahmed Elradi]

#1017202 [Ibrahim Mhmd]
3.50/5 (3 صوت)

05-27-2014 12:54 PM
وجهاز حماية الاراضي والفساد المستشري فيه والمحمي من والي الخرطوم افتحوا هذا الملف هذا اس البلاء .

[Ibrahim Mhmd]

#1017192 [ادروب الهداب]
5.00/5 (3 صوت)

05-27-2014 12:49 PM
الحاجة الغريبة هل الناس ديل ما اتربوا في السودان؟ يعني كل زول عارف ناس
الحته وضعهم المادي وحالتهم الاقتصادية يعني بالواضح مافي حاجة بتدسه في
السودان كان مسكتوا صالح ولا محمد احمد كل شيء حيتعرف وارجو الراجيكم؟؟؟

[ادروب الهداب]

ردود على ادروب الهداب
[الصوت] 05-27-2014 08:06 PM
صدقت والله....


#1017155 [ابو نسيبة]
5.00/5 (3 صوت)

05-27-2014 12:32 PM
عليكم الله ناس الامن ما بخجلوا من انفسهم ولا يختشوا من الله يعذب انسان عشان انسان فاسد .. ياريت لو بعذبوا من اجل حقهم دي قمة البلادة ان يكون انسان اداة في يد غيره يحركه كيف يشاءلعنة الله على الظالمين

[ابو نسيبة]

#1017136 [ابو احمد]
5.00/5 (5 صوت)

05-27-2014 12:21 PM
نحتاج لامثال البطل القومى "صالح كوران" فى كل وزارة ومرفق حكومى لكشف الفساد.
"صالح كوران " أنت بطل وشجاع وسوف يقف معك الشعب السودانى وسيدافع عنك كل محامى وطنى غيور.
حيوا معى يا شرفاءالسودان البطل " صالح كوران" فاضح لصوصو الكيزان.

[ابو احمد]

ردود على ابو احمد
European Union [Ado] 05-27-2014 11:11 PM
في وزارات عائمة اكثر من مراقب و شجاع عشان يكشف الفساد مثلا وزارة النفط و تجنيب الاموال و و الصناعة بالمناسبة مطعم الحوش بجانب الجابية علي النيل من يملكه و ماهي علاقة القضارف


#1017118 [Salah E l Hassan]
5.00/5 (4 صوت)

05-27-2014 12:07 PM
حرامى وعينو قوية هذه هى دولة المشروع الحضارى وهى لى الله و ما لدنيا قد عملنا.... هذه هى العينة وعلى اكبر مستوى قضاة فاسدون و رئيس فاسد و وزراء فاسدون ..!!!!!

[Salah E l Hassan]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة