الأخبار
أخبار إقليمية
إعلان مهم من سفارة السودان بلندن إلى جميع السودانيين بآيرلندا واسكوتلاندا
إعلان مهم من سفارة السودان بلندن إلى جميع السودانيين بآيرلندا واسكوتلاندا



05-27-2014 05:33 PM

بسم الله الرحمن الرحيم


امتدادا لبرنامج السفارة الهادف للوصول الي المواطنين السودانيين الكرام وتقديم الخدمات القنصلية لهم وأسرهم في اماكن اقامتهم، والذي غطي خلال الثلاثة اعوام الماضية كل من كاردف، أدنبرا، بيرمنغهام، برايتون، دبلن ،وكورك، تعلن سفارة جمهورية السودان بلندن (القسم القنصلى) عن تنظيم زيارتها القنصلية نصف السنوية إلى آيرلندا يومى السبت 31 مايو ، والاحد 1 يونيو 2014، والي أدنبرا يوم الاحد 15 يونيو 2014 وذلك بالتنسيق مع اللجنتين التنفيذيتين للجالية السودانية.

سوف يتم خلال البعثة تقديم الخدمات التالية:
1. إستخراج جوازات السفر (يتم حاليا إستخراج الجوازات السودانية باللون الأخضر بحضور مقدم الطلب لحين إكتمال الترتيبات لإدخال خدمة الجواز الإلكترونى والرقم الوطني بالسفارات فى المستقبل القريب في اطار خطة الدولة لضبط الهوية السودانية).
2. تجديد جواز السفر.
3. إضافات الأطفال دون سن 16 عام لجوازات الوالدين.
4. شهادات الميلاد السودانية (تصدر فقط للأطفال الذين لم تتجاوز أعمارهم 6 أشهر ولمن تجاوزوا هذه السن يمكن عمل توكيل إجرائى لإصدارها لهم من السودان).
5. تأشيرات الدخول (تصدر بحضور الشخص المعنى)
6. الجنسية السودانية للأطفال حتى عمر 16 سنة (تصدر للأطفال بحضورهم مع الوالد للتحرى).
7. التوكيلات التجارية، الشرعية، والإجرائية(تصدر بحضور الشخص بعد إبراز جواز السفر مع التفاصيل موضوع التوكيل).
8. الإقرارات بسفر الزوجة والأطفال من السودان (تطلب من وزارة الداخلية لغرض التسجيل للأجانب بالسودان، ولغرض تأشيرة الخروج من السودان وتصدر بحضور الوالد بعد إبراز جواز سفره).
9. توثيق المستندات( إحضار الأصل موثقا من وزارة الخارجية البريطانية، الآيرلندية،أو السودانية).
10. شهادات حسن السير والسلوك.
11. أية خدمات أو قضايا أخري يود أعضاء الجاليات مناقشتها.
الزمان والمكان:
دبلــــــــــــــن:
السبت 31 مايو من العاشرة صباحا وحتى الخامسة مساءً مسجد دبلن الكبير.
الاحد 1 يونيو 2014 من العاشرة صباحا وحتى الثانية ظهرا Castleknock Community Centre (المدرسة السودانية بدبلن).

ادنبــــــــــرا:
مقر الجالية السودانية باسكوتلاندا
الاحد 15 يونيو 2014 (9:30 ص الي 4:30 م)
لمزيد من المعلومات والإطلاع على مطلوبات الخدمات أعلاه، يرجى الرجوع إلى موقع السفارة الإلكترونى www.sudan-embassy.co.uk
• ستتواصل هذه الزيارات مستقبلا لتشمل مناطق أخري، وسيتم خلال هذه المهمة توزيع استمارة حصر السودانيين لأغراض الاعلام عن البعثات القادمة وللاستفادة منها كقاعدة بيانات عن الجاليات للرجوع اليها عند الطوارئ، فنرجو الحرص علي التسجيل.

مع تحيات السفارة السودانية بلندن

[email protected]


تعليقات 20 | إهداء 0 | زيارات 13760

التعليقات
#1148171 [متورط بالسودان]
0.00/5 (0 صوت)

11-12-2014 03:12 PM
والله حظكم انتو اتخارجتو من البلد دي عقبال لينا احنا لامن ننتهي من خدمة وطنيه ونوثق شهادات وروحنا تطلع ويا رب بعد دة كلو نطلع
هههههه كل يوم الهموم بتذيد

[متورط بالسودان]

#1018779 [د. سوداني حادب على ترابه]
5.00/5 (1 صوت)

05-28-2014 08:55 PM
معظم هؤلاء المعلقون أدناه يتحدثون بلا معرفة لواقعنا هنا في الغربة ومن دوافع لا علاقة لها بالموضوع وإنما من وجهة سياسية لا علاقة للأمر بها فهم لا يعرفون قيمة وأهمية زيارة الوفد القنصلي والتي ننتظرها نحن في دبلن كل ستة شهور.

نحتاج بوصفنا سودانيون أولاً قبل أن نتجنس لإستخراج شهادات ميلاد وشهادات جنسية لمن ولدوا بالخارج تثبت سودانية أبناؤنا التي نتمسك بها رغم التجنس فالوطن يبقي ولن نتخلى عنه في بعادنا المؤقت. نحتاج لشهادات تواكيل نرسلها لإخواننا, كل هذه الإجراءات التي نحتاجها كانت ستتطلب منا ومن إخواننا بأسكوتندا السفر بالطائرة والإنتظار الطويل والمبيت والمشاق مع الأبناء وخاصة لأن بعض الإجراءات للسلامة والتأكد تتطلب الحضور الشخصي كما هو معلوم.

وفد السفارة الآن هو من يتكلف المشاق والسفر ويأتوننا في أماكننا ليخدموننا وكان بإمكانهم عدم فذلك وكنا سنضطر للسفر إليهم.

للسفارة ووفدها كل الشكر والتقدير على لفتتها الكريمة ونحن في إنتظارهم بكل ما عرفنا به كسودانيون من كرم وترحاب وأريحية وطيب إستقبال ٍ حللتم أهلا ونزلتم سهلا إخوانا كراما.

[د. سوداني حادب على ترابه]

#1018713 [Hggff]
1.00/5 (1 صوت)

05-28-2014 07:02 PM
Hhhhhhhhhhhhhhh
No way
This is garbage
Who need Sudanese passport
Hhhhhhh

[Hggff]

#1018700 [مجروس ق ش م]
1.00/5 (1 صوت)

05-28-2014 06:51 PM
17 سنه في اروبا يوم ماشفت سفاره وﻻ عارف محلها وين يوم قلت اعمل توكيل شرعي للوالد .مشيت بجوازي اﻻروبي .الموظف اول ماعرف موضوعي ابتسم ابتسامة صفراء نوع اﻻبتسامه الغيازه ديك وقال ما ممكن تطلع توكيل اﻻ بالجواز السوداني قلت ليه ماعندي جواز سو داني .زادت اﻻبتسامه الصفراء واصبحت برتقالي وقال انت تبدأ اوﻻ بستخراج جواز بدل فاقد وبعدين نعمل ليك التوكيل .امشي جيب بﻻغ من الشرطه وشهادة جنسية وشهادة ميﻻد وشهادة سودانية وتﻻته سودانين يشهدوا علي انك سوداني .طلعت التوكيل بعد ما روحي طلعت

[مجروس ق ش م]

#1018690 [مجروس ق ش م]
1.00/5 (1 صوت)

05-28-2014 06:38 PM
ليه الخدمه دي ما تقدموها السودانين الفي الخليخ وأفريقيا متوكحين بالجواز السوداني وسفارات الفساد والتحلل والمشكله ما ممكن ياخدوا حوازات الدول الخليجية التي افنوا فيها زهره شبابهم .هنا في اروبا بلد الكفر والكفار الواحد يحترم كبني آدم وفي ثﻻث سنوات نأخذ جواز وتكون مواطن من الدرجه اﻻولي مافي زول يقول لك عبد ويا اجنبي وﻻ يا مقيم انشاء تقوم القيامه في الدول العربية جمعا

[مجروس ق ش م]

#1018518 [مقيم بالسويد]
1.00/5 (1 صوت)

05-28-2014 03:49 PM
هو الزول قاعد فى بريطانيا البيخليهو يتسجم باجراءتكم وجوازكم شنو ؟ ياخ اختشو واطلبو تبرعات احسن ليكم . تخريمه : فى واحد هنا رد على تعليق اسمو المر الحجازى زعلان من واحد شال الجواز البريطانى
ههههههههههه ماعرفت ارد ليهو بالجد والله لكن الجواز السودانى بقى فضيحة

[مقيم بالسويد]

ردود على مقيم بالسويد
European Union [نهبوك يا وطن] 05-29-2014 02:52 AM
يا الفرحان ، بدون حياء,الطريقة الفجة, خليت الصلاة و انطلقت بى وشك نسيت فيها أهلك و أجدادك
كااااااااااااككك


#1018145 [قرع ود العباس]
3.00/5 (2 صوت)

05-28-2014 11:24 AM
اوعي واحد يمشي او يسوق اولاده كلهم حرامية اغلب السودانيين حصل علي الجنسية البريطانية عايزين بالجواز الاخضر شنو تعالو السودان اجانب ااحسمن من تجو مغتربين ويحلبوكم ناس حاج ماجد سوار

[قرع ود العباس]

#1017910 [معاوية]
1.00/5 (1 صوت)

05-28-2014 08:45 AM
مافى مافى تانى ليكم بالله عليكم ياناس المنطاق الجيه ليهم عصابة السفاره استقبلوهم بالحجاره
بعد ما خلصو قدر القروش الفى جيين ملاحقين الناس تانى هو العاوز جوازكم منو والله شهادات ميلادكم نحنا ماصدقنا اتفكينا منكم ومن جوازكم المحظور ده تانى جايننا نحنا ماعندنا ليكم اى حاجه امشو تانى كوسوها عند مغفلين ياحمير يالصوص ............

[معاوية]

#1017788 [سيمو]
1.00/5 (1 صوت)

05-28-2014 01:53 AM
غايتو البيمشى ليهم يستعد ويملأ جيبه جنيهات إسترلينية كاربة لزوم الجز والنهب المصلح،، هم أصلا وضعوا ميزانية الجولة دى ضمن رسوم الخدمات والعندو موضوع معاهم يدفع مرتين: للرسوم وللمأمورية.

[سيمو]

ردود على سيمو
[كتاحة امريكا] 05-28-2014 09:49 AM
حرامية


اين تذهب هذه الاموال ؟؟


#1017775 [خالد القاضى]
1.00/5 (1 صوت)

05-28-2014 01:14 AM
السفارة فلست بعد انفصال الجنوب.....و هذا هو السبب وراء هذه الخدمات القنصلية
ما ممكن تتعمل بالبريد ؟

[خالد القاضى]

#1017747 [ود تربه]
1.00/5 (1 صوت)

05-28-2014 12:09 AM
سجمانين خلاص فلستو ودايرين تتسولوا بطرق ملتوية لجلب الدولارات - يا ابناء السودان في الخارج هؤلاءالكلاب كلاب حمر البشكير ديل سبو لهم اين ما وجدتهم اندال العصر الويل لكم ** اليومين ديل وين زولكم الرقاص هههه هاااااي هيهي هوي هههههههههههههه انشاء يجاوب اسئلة الملكين هيهيهي

[ود تربه]

#1017695 [مانوووووووووو]
1.00/5 (2 صوت)

05-27-2014 10:44 PM
قبل عشرة سنة وبعد ان حللت بالمملكة المتحدة البريطانية وبعدها بسنوات تم منحي الجواز البريطاني واول ماقمت به هو انني اخفيت هذا الجواز السوداني الفضيحة الكبري والذي ارتبط بالاجرام والدموية منذ يومها ولم اراه ولا انوي ان اراه ومافي داعي تحرجوا نفسكم بس لو كنتو عاوزين مساعدة وصدقة فنحن اهلها مرحباً بكم Aid to the poor and destitute pple

[مانوووووووووو]

ردود على مانوووووووووو
United States [المر الحجازى] 05-28-2014 11:39 AM
مبروك عليك يا الفرحان ، بدون حياء ولا خجل بتتكلم بهذه الطريقة الفجة بس ما تكون خليت الصلاة و انطلقت بى وشك لكن نوعك دة بيعملا والله تلقاك ظاعط ظعطة شينة ، الظاهر فى العشرة سنة دى اتعمل ليك غسيل مخ نسيت فيها أهلك و أجدادك


#1017672 [عبود الجمر]
2.50/5 (5 صوت)

05-27-2014 09:51 PM
ههههههههه ومن العندو جوار سوداني هسع ولوقلنا عنده معقولة بس يطلع لاولاده جواز ملطشة لدولة منعدمة الوزن .... لمن تغورو بنطلع الجواز السوداني لاننا بنفخر ببلدنا وعار من يحكموها

[عبود الجمر]

#1017645 [مصعب البنا]
3.00/5 (3 صوت)

05-27-2014 08:59 PM
مرحبا بكم في دبلن ونتمنى لكم إقامة طيبه بين اخواتكم السودانين

[مصعب البنا]

#1017627 [أبو جسار]
2.00/5 (6 صوت)

05-27-2014 08:37 PM
دبلــــــــــــــن:
السبت 31 مايو من العاشرة صباحا وحتى الخامسة مساءً مسجد دبلن الكبير.
وهسى فى ذمتكم ده شغل سفارات ليكم ؟ فى الجامع ؟ دار العبادة ؟ ولا كمان هنا فى المدرسة ؟
الاحد 1 يونيو 2014 من العاشرة صباحا وحتى الثانية ظهرا (المدرسة السودانية بدبلن).دى شنو الخرمشة دى ؟؟ لا فى السودان تريحوا ولا فى اوروبا تريحوا الله لا جاب عقابكم يا حرامية

[أبو جسار]

#1017597 [ولد يوركشاير]
2.94/5 (6 صوت)

05-27-2014 07:36 PM
شكرا سفارة السجم وفروا دفاتركم و حبركم جوازكم ما صدقنا خلصنا منه جاين تاني ترجعونا كان زمان لما يكون في حكومة محترمة و الجواز يكون محترم تدخل بيهو اي دولة من غير فيزا بعد داك نفكر نشيلو تاني جنيه استرليني ليكم ما في ههههههههههه

[ولد يوركشاير]

#1017565 [أبو الريش]
4.50/5 (4 صوت)

05-27-2014 06:45 PM
جينااااااكم-----زييييييي-----وزييييين!

أنحنا لمان نلقي الإحترام والتقدير من عساكرة مطار الخرطوم الدولي (موقف الخرطوم الدولي)، بنمشي نفتش عليكم في بلاد الغربة كمان. ننزل في كل المطارات الدولية، نحف من الموظفين والعمال بالمعاملة السمحة والأدب الجم، حتي ولو بلغة الإشارة، وحتي نغادر مطارات البلدان. ننزل مطار بلدنا السودان، نشعر بالأشمئزاز والجلافة، والواحد يشعر فينا، وكأنوا قتل زول قداموا، أو شايل ليه فطيسة في شنطتوا معاه. جااي من وين، سااكن وين، جااي ليه، معااك شنوا. ندخل بذنب يرافقنا ولا نعلمه، ونخرج بذنب يرافقنا ولا نعلمه. وفي الخروج تأتي المتاعب، تخرج حتي تخرج روحك وروح المعاك، لا نظام، لا أدب ، لا إحترام في المطار. أنت إنتظر هناك، مااشي وين، معااك منوا، مااشي ليه، داا جوازك، دي مااصورتك، أادخل التفتيش هنااك، أمششي أدفع الرسوم، جييب إصاال. والعجب لو كان معاك أولادك. في البداية لازم توري ناس المطار إنك شحاد ليهم قدام مرتك وأولادك. خلينا كل شي ليكم، خلونا الله يرضي عليكم في حالنا.

[أبو الريش]

ردود على أبو الريش
European Union [آدم القوي] 05-27-2014 09:18 PM
يا اخوي دة السفير البريطاني زاتو شهد عليهم و فضحهم في لقاء صحفي قال(( مطار الخرطوم هو اكثر مطار لا يوجد بة ترحيب علي الإطلاق ))


#1017535 [الغلبان]
3.99/5 (12 صوت)

05-27-2014 06:02 PM
انتظرونا لمن نقطع البحر بس ما ظنيتوا نحتاجه الجواز ههههههههه متورط في ليبيا الله يلعن الكان السبب

[الغلبان]

ردود على الغلبان
United States [ساب البلد] 05-28-2014 01:46 AM
******* يفك اسرك يا الغلبان ******* و تصل بالسلامة ***** ابقي علي السفن الكبيرة مضمونة و اياك و المراكب السنابك ******

[جركان فاضى] 05-27-2014 06:36 PM
ههههههها ضحكتنا يا الغلبان


#1017531 [حكم]
4.85/5 (12 صوت)

05-27-2014 06:01 PM
قصدكم الناس الكانوا سودانيين
بعد ما ارتاحوا من خلقة ناس السفارة بالجواز الأوربى
برضو ما عاوزين تريحوهم

لقيتوا نفسكم قاعدين ساكت ، ومافى زول بمشى ليكم
قلتوا احسن نمشى ليهم نحن
زول اتخلص منكم ومن جهاز سلب المغتربين ، تانى بجيكم؟؟

[حكم]

ردود على حكم
United States [حكم] 05-27-2014 11:03 PM
ادام الله ضحكتك يا ابوريشة

لكن انا متأكد من انو نثرياتهم فى الجولة دى حتكون اكتر من القروش البجنوها

السودانيين الهناك يا اما واحد يا دووووب شال نفسه وقال الحمدلله ، الله فكانى من التلتلة بعد ما قبض الجواز الأوربى .. والنوع التانى هو طالب لجوء ، ودا اكتر واحد بيبعد عنهم
اما اذا كان فى طلبة بيدرسوا على حسابهم ، فهم اولاد المسؤولين زى ناس نافع وغيرهم وديل جوازاتهم دبلوماسية ومعاملاتهم اكرامية

صدقنى مشيتهم بالخسارة .. اللهم الا يكونوا قاصدين قروش النثريات اكتر من اى حاجة تانية

United States [ِAburishA] 05-27-2014 06:27 PM
هيع هيع هاااااع يا (حكم) ضحكتني...
لقيتوا نفسكم قاعدين ساكت ، ومافى زول بمشى ليكم
قلتوا احسن نمشى ليهم نحن



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة