الأخبار
منوعات سودانية
والدة محمود تعلن إعجابها بأبنها، وصباحي يزرف الدموع
والدة محمود تعلن إعجابها بأبنها، وصباحي يزرف الدموع
والدة محمود تعلن إعجابها بأبنها، وصباحي يزرف الدموع


في أمسية تكريم (ملك الجاز) بالنادي العائلي..
05-29-2014 12:15 AM
رصد: محاسن احمد عبدالله
كرمت منظمة (ابقوا الصمود) ومجموعتي (محمود في القلب واقمار الضواحي) بالتضامن مع منتديات النادي العائلي مساء امس الاول بالنادي العائلي ملك الجاز الفنان شرحبيل احمد وعدد من افراد فرقته الموسيقية، وذلك في بادرة وفاء وعرفان لما قدمه من عطاء فني كبير ومواصلة للمشروع الانساني الذي ابتدره الفنان الراحل محمود عبد العزيز والذي كرم من خلاله عددا كبيرا من المبدعين، وشكلت أسرة الفنان محمود عبدالعزيز حضورا مميزا في الأمسية ممثلة في والدته الحاجة فائزة وشقيقه الأصغر مامون وشقيقته إلهام، فيما شكلت الأستاذة زكية زوجة الفنان شرحبيل احمد حضورا أنيقا في الليلة وكذلك سفير السودان السابق عبد المحمود عبد الحليم والفنان صلاح براون ود.كمال ابو سن والشاعر عبد القادر ابو شورة وآخرين، وتحدث خلال الأمسية عدد من الضيوف عن المحتفى به وما قدمه من عطاء للفن السوداني، منهم سعادة السفير السابق والفنان صلاح براون وعبد القادر ابو شورة ماجعل الفنان شرحبيل يقدم لهم صوت شكر على ثنائهم له وتقديرهم، على ذات السياق تغنى شرحبيل بعضا من الأغنيات منها (ستار ياليل، الليل الهادي، ياابو شعور رقيقة) كما شارك الفنان معتز صباحي في الأمسية بعدد من الأغنيات وشاركه أيضا في الأداء الفنان شرحبيل، فيما انحدرت الدموع من عيني صباحي عندما اعتلت الحاجة فائزة والدة الفنان الراحل محمود عبدالعزيز متحدثة عن ابنها وإعجابها به كفنان وذلك للعلاقة التي كانت تجمعه بالراحل، وكذلك تغنت الفنانة فاطمة عمر (دويتو) مع ملك الجاز أغنيات لاقت القبول من الجمهور.

اليوم التالي


تعليقات 4 | إهداء 0 | زيارات 3532

التعليقات
#1020049 [ابونورا]
0.00/5 (0 صوت)

05-30-2014 12:32 AM
والله يا نادر انت ما عندك علاقة بالفن عديل. او عندك اشكالية في السمع راجع اقرب اخصائي اذن وحنجرة واحاسيس لو في كمان

[ابونورا]

#1019729 [ود الركابي]
5.00/5 (1 صوت)

05-29-2014 04:34 PM
الفنان شرحبيل احمد من المفروض يكرم من الدولة تكريمه كده ماكفايه .. الله يعطيه الصحه والعافيه ..

[ود الركابي]

#1019347 [عائشة البحيري]
0.00/5 (0 صوت)

05-29-2014 11:30 AM
رائعة هي الراكوبة والي الامام وبالتوفيق
رحم الله عبده محمود

[عائشة البحيري]

#1019191 [نادر]
5.00/5 (1 صوت)

05-29-2014 09:40 AM
(ملك الجاز الفنان شرحبيل احمد )
أنتو متأكدين أنو دا ملك الجاز؟!!!

[نادر]

ردود على نادر
European Union [مسطول في الغربة] 05-30-2014 12:31 AM
والله يا (ابو ياسر) و(باتمان) انتو ما فاهميييين نادر قاصد شنو؟؟

United States [مسطول في الغربة] 05-30-2014 12:28 AM
هههههه يا نادر الناس ديل اختلط عليهم الحابل بالنابل ..ومال عوض احمد الجاز يكون ملك شنو؟؟؟؟؟

[ابو ياسر] 05-29-2014 06:17 PM
والله يانادر بالغت شديد انت مافضل ليك الاتقول محمود عبد العزيز ذاتو ماملك ، تعرف دى لو سويتها بجى اعضيك فى اضانك عشان تانى تسمع كويس ، ياخ انت اسمك نادر يعنى اسم جميل موش اسمك الهد ولا الدولب ولا امين حسن عمر ولا ابوقردة يعنى مفروض احساسك يكون شوية كدة بفرز الحاجة الجميلة .

United States [ابو ياسر] 05-29-2014 06:03 PM
اوع تكون فاكر ملك الجاز هو جيلانى الواثق ، مع انو جيلانى الواثق والله صوتو جميل جدا بس شخصيتو مامهضومة ولسة مااكتشف نفسه وماقادر اركز مره بتاع جاز ومرة اوركسترا عادى وعامل فيها عامل ليهو منظمة خيرية ، طبعا دى حركات مأكلة عشان الواحد يتقرب بيها من ناس المؤتمر البطنى .نحن اولاد بحرى والله منذ سنة 1977 بحضر حفلات لشرحبيل وجيلانى الواثق وجاز العقارب والبلو استارز وديفد قروب وجاز البوليس وبنسمع غنى كويس جدا وحواته قديمين ، يانادر شرحبيل هو ملك الجاز لو قلت غير كدة انت مابتفهم غنى ، مع انو جيلانى الواثق صوت جميل جدا لكنه تاه واصبح من الماضى لكن شرحبيل مازال يعطر الساحة ، وربنا يطول عمر شرحبيل ويعطيه العافية الرجل المهذب .

United States [باتمان] 05-29-2014 12:45 PM
انت زول قليل أدب يانادر وخسيس كمان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة