الأخبار
بيانات، إعلانات، تصريحات، واجتماعيات
بيان من حركة تحرير كوش
بيان من حركة تحرير كوش


05-29-2014 08:06 PM

حركة تحرير كوش السودانية
بيان. هام

الى الشعب النوبي الصامد
نحيكم تحية النضال والصمود والمقاومة
ونحن نستشرف الذكرى الثامنة لشهدائنا الابرار في كدن تكار الذين سطروا بدمائهم الذكية اولى ملاحم الصمود في وجه مخططات التهجير القسري بواسطة سدود الدمار لا يفوتنا ان نقف وقفة اجلال وتحية لهؤلاء الابطال قائلين لهم ها نحن على العهد باقين ومواصلين لخطواتكم في طريق المقاومة الشعبية لهذه السدود المدمرة. تلك المقاومة التي وقفت سدا منيعا امام نظام البطش والابادة وجعلته يلجاء الي المرواقة والتحايل حينا والي الاساليب الشيطانية حينا اخر والان هاهو النظام المتهالك في الخرطوم.
نراه ينتهج سياسة الارض المحروقة تجاه المنطقة النوبية تلك السياسة المتمثلة في حرايق النخيل المتكررة منذ اعوام وفتح المنطقة النوبية امام التعدين العشوائي بوسائل بدائية مما تسبب في اضرار جسيمة للبشر والحيوان والنبات والبيئة ككل في منطقتنا النوبية. بل امتدت ايادي البغي والضلال وبمساعدة بعض المتخاذلين من منتسبي حزب المؤتمر اللاوطني من ابناء المنطقة لكي تنال من اعظم كنوز الاثار العالمية التي تزخر بها ارض النوبة في سرقات متكررة ومشاريع مشبوهة لنقل بعض من هذه الاثار لكي تزان بها شوارع دويلة قطر القفراء اثناء فترة كاس العالم المقرر اقامته في الدوحة كما جاء على لسان احد مسئولي الاثار في السودان. ،ان الاحداث المتتالية مثل حرايق النخيل المتكررة. والصمت عل تعديات الحكومة المصرية واحتلالها للاراضي النوبية في كل من فرص وسره ودبيره واشكيت والصحابة وارقين. ، والتعدي على المواطنين في منطقة الدويشات الذين كانوا يحتجون سلميا على الاضرار التي لحقت بالارض والانسان والحيوان والتي صعدها النظام بانشاء ما يسمى بنيابة السدود وتعيين شخص قانوني معتوه من ابناء المنطقة لكي يقوم بالمهمة التي فشل فيها من سبقوه من اعوان النظام من امثال عصام ميرغني واعوانه في المنطقة النوبية ان من اوكلت بنيابة السدود ان ياخذ العبرة ، ممن سبقوه .
كل هذه الاحداث تدل على ان النظام واعوانه من سدنته في المنطقة النوبية مازال يراود مخيلتهم بان بامكانهم تمرير مخططاتهم المتمثلة في اغراق المنطقة ومن ثم التهجير القسري والابادة لشعب من اقدم الشعوب في العالم غير مبالين بفضايح المسئولين في التعدي على المال العام التي ملاءت الافاق وما صاحبها من تبرير فيما يعرف بالتحلل للهروب من المسئولية الجنائية لهذه الجرايم. وعليه نوجه رسالتنا الى النوبيين خاصة والسودانيين الشرفاء من ابناء المنطقة النوبيه بأن يواصلو توحيد صفوفهم في مواجهة مخططات النظام وذلك بكشف المتخاذليين والانتهازيين من اعوان النظام في المنطقة والتصعيد في سبل المقاومة الشعبية والمطالبة بالقصاص وتقديم مرتكبي مزبحة كدنتكار من المسئولين السياسين والامنين والتصدي لشركات التعدين العشوائية التي تقوم بسرقة الاثار والوقوف خلف لجان مقاومة السدود ودعمها بالغالي والنفيس.
ورسالتنا للمسئولين في النظام الفاسد والمتهالك باننا مازلنا صامدين ومقاومين لكل مخططاتكم وعلى الزناد ممسكين فلا تدعونا للتعجيل باطلاق الرصاصة الاولى واشعالها حربا عليكم لا تبقي ولا تذر .
وان غدا لناظره قريب .

القيادة العامة
حركة تحرير كوش السودانية
في بوم 19 من شهر بشنس 1730
الموافق يوم 27. مايو 2014. م


تعليقات 6 | إهداء 0 | زيارات 2400

التعليقات
#1022994 [مريود]
0.00/5 (0 صوت)

06-02-2014 11:15 AM
حيرتونا تحرحير منو من منو ؟

[مريود]

#1021273 [ظلال النخيل/فريد محمد مختار]
0.00/5 (0 صوت)

05-31-2014 02:04 PM
عفارم عليكم يا منتسبي حركة كوش ...
قف .. نحن من خلفكم ايها المناضلون
قف .. العار على مرتكبي مجزرة كدن تكار
قف .. العار على المتسببين في الحرائق

شهر بشنس يأأأأأأأأأأه والله أحس بانتماء
روحي وجسدي عجيب وأنا أقرأ هذا البيان
المذيل بشهر بشنس .

[ظلال النخيل/فريد محمد مختار]

ردود على ظلال النخيل/فريد محمد مختار
United States [فوزي] 06-01-2014 03:00 PM
انت عندك مشكلة انتماء وطنى ولا قبلى ولاقارى مشكلتك حلها بسيط تاكل ملوحة تلاتة مرات فى اليوم وتركين تلاتة مرات وتشرب من النيل حوالى برميل يوميا وتجرى عكس الهواء فاتح خشمك كويس

United States [hulfa] 06-01-2014 01:40 PM
اقتباس(في بوم 19 من شهر بشنس 1730) الراجل دا جادي ولا بهزر ...يا خي قوم لف نحن ناقصنك انت كمان قال تحرير كوش هي وينا كوش دي وتحررا من منو الا كان من اهلك لانو ما في زول عاقل بسكن في الاماكن دي قال شهر بشنس خلااااص يا بعانخي ...


#1020332 [زعلان]
5.00/5 (1 صوت)

05-30-2014 10:49 AM
دا شنوووو دا قال كوش قال والله صحيح انتو كوش
اي نفرين اجتمعوا قالوا هم حركة كراهتونا الحركات والصواني ذاتي

[زعلان]

ردود على زعلان
European Union [احمد] 05-31-2014 06:07 PM
ياخى المانع شنو ماتنتفض البلد كلها انت عايز يجيبوها ليك جاهزه؟ نحن مع اى بندقيه ترتفع فى وجه الطغيان اللاسلامى وديل اثبتوا بالدليل القاطع انو ما بجوا الا بالبندقيه ارجوك لو ما امنجى ماتزعل .


#1020104 [Quickly]
5.00/5 (3 صوت)

05-30-2014 12:57 AM
اها مشروع انفصال ولاشنو؟؟!!
نحن اصحاب حضارة عريقة ومفروض يكون الخطاب قومي اكتر من كدا بماعون اوسع يسع الجميع في اطار السودان الواحد

[Quickly]

ردود على Quickly
European Union [احمد] 05-31-2014 06:17 PM
وعشان اصحاب حضارة مفروض نكون اول من يثور على الظلم والفساد والطغيان والخطاب القومى بننظر ليهو بمنظار الوطن كلو من دارفور والنيل الازرق وجنوب كردفان والشرق ومن العار ان يكتب التاريخ ان كل البلد ثارت على الظلم والفساد و الدغمسه عدا الشماليه مع ما نال الاقليم الشمالى من مظالم.


#1020017 [-----------------]
0.00/5 (0 صوت)

05-29-2014 10:40 PM
ناس كوش ديل عارفين كوش حدودها من اين تبدأ و اين تنتهي .
كل المناطق الواقعة شمال الخرطوم الي الحدود المصرية تعتبر تابعة لمملكة كوش النوبية
سكان المناطق دي حاليا اغلبهم من الجعليين و الشوايقة حتعملوا معانا شنو

[-----------------]

ردود على -----------------
United States [كلنكاكول] 06-02-2014 11:22 AM
مملكة كوش امتدت من شمال اسوان الي مناطق جنوب النيل الابيض و الي فازغلى في الحبشةو حتى جنوب كردفان يعنى كل السودان الشمالي عدا دارفور كانت في القرن الرابع عشر تحت مظلة علوة و المقرة و نوباتيا.
المطلوب ليس الانفصال يا ضيق الافق بل احياء التراث النوبي ووضعهفي المكان اللائق كحضارة سودانية رائدة و الاهتما و تنمية المنطقةالنوبية الحالية و الاثار النوبية في جميع انحاء السودان

United States [نقة فارغة] 06-02-2014 01:13 AM
يا جكسا شكلك فرحان
اقرأ البيان مرة تانية وتلقى بيشتكى من اهل المنطقة يعنى ظلم الأقربين
خلوا مشكلتكم مع النظام الفيهو ناسكم البتشتكوا منهم ديل
ومافى داعى للعنصرية ، لأننا عاااارفين الحركة بدأت كيف فى هولندا
واول اعضاءها منو .. وبدت تنتشر كيف
وبدت عشان شنو اصلاً .. واسأل ناس زمراوى

خلى مشكلتك مع الحكومة وماتفرح شديد

United States [السماك] 05-31-2014 08:42 AM
يمكن يبيدوهم زي ما عملوا في غيرهم من الشعوب .. أصلو زمان كان ساكنين المناطق ديه ناس وممالك وحضارات .. والقبيلتين ديل قتلوهم وهجروا باقيهم لكردفان والجنوب وقعدوا في أرضهم ..

[jackssa] 05-31-2014 06:54 AM
... حنطردكم طبعا ... يالله لي بلدك يا غريب يا لله ...تحيا مملكة كوش أم الحضارات والتحية لترهاقا و لبعانخي ومينا ... آويناكم بحكم رابطة الدين الأسلامــي وبم أنكم فارقتم الدين الأسلامي ولا نراه بينكم ففراق الى يوم الدين ...


#1019965 [ابو حمدي]
0.00/5 (0 صوت)

05-29-2014 09:40 PM
يديكم العافية ياشباب يا احفاد رماة الحدق ام مصايبنا في المتخاذلين من ابناء المنطقة

والمهم العمل علي توعية المواطن بانه مستهدف في كل شي ارضه وتراثه ...الخ

[ابو حمدي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة