الأخبار
منوعات سودانية
إحـالـــة ملف عربـة الشيخ المكاشـــفي إلى المحكمـة
إحـالـــة ملف عربـة الشيخ المكاشـــفي إلى المحكمـة



05-30-2014 11:34 PM


الخرطوم: مي عز الدين
أحالت نيابة أم درمان بأمر من المدعي العام ملف تزوير عربة همر تابعة لتركة الشيخ يوسف المكاشفي إلى المحكمة بعد أن كانت هيئة الدفاع قد قامت بتقديم أوراق البلاغ إلى نيابة أم درمان، حيث جاء القرار بشطب البلاغ ثم تصعيد الأمر الى رئيس النيابة وشطبها ومن ثم تصعيد الأمر إلى المدعي العام للجمهورية الذي أمر بإحالة الملف إلى محكمة أم درمان للفصل فيه وتعود حيثياته ان المتهمة الأولى قامت بتزوير أوراق العربة الهمر التابعة لورثة الشيخ يوسف المكاشفي بتوكيل من المتهم الثاني وهو محامي حيث قاما بتزوير اوراق العربة وبيعها بالاتفاق بتوقيع مزور للشيخ يوسف وتم القبض عليهما وما زالت التحريات جارية للفصل في البلاغ تحت طائلة المواد «21-123-80» من القانون الجنائي.

الانتباهة


تعليقات 9 | إهداء 0 | زيارات 5594

التعليقات
#1021634 [عباس]
0.00/5 (0 صوت)

05-31-2014 10:42 PM
لاتظلموا الشيخ جائز يكون اهداها له واحد من الناس الشبعانين من خارج البلد يكون قضى له مصلحة لانو ما اظن حكاية البياض دى بتجيب ليها همر .

[عباس]

#1021607 [ali]
0.00/5 (0 صوت)

05-31-2014 10:08 PM
همر وهبر مرة واحدة لا حول ولا قوة الا بالله شيوخ اخر زمن القيامة قربت لان الحفاة عراة العالة تطاولوا فى البنيان وهمر همر.......

[ali]

#1021554 [موجوع وطن]
0.00/5 (0 صوت)

05-31-2014 08:58 PM
( بسم الله)...وليه ما يكون عنده همر ما شغال بيراعه و كتابه؟؟ يمكن يكون شغال حصريا لرجال الصف الأول و الوزراء في حيكومة الكيزان ما بي ضراعه وهو شيخ خبرته كم سنة؟؟ شوف وليد الكيزان حسان(الصعنتوتي دا) محوش كم من المليارات؟؟ دا بياضه ساكت مفروض مايقل عن 4-5 همرات خلي بياض ناس بشة و قوش و طه و شيخ...هو البركة بقي شيخ ورع و متقشف ما طلب منهم كم عقارات كدة في كافوري و المنشية و لا طلب منهم نص حارة كاملة كدة بفندق 5 نجوم (لزوم بشة وصحبانه)ذي شيخهم بتاعة أمبدة داك.. (هي بقت في همر الشيخ)..

[موجوع وطن]

#1021316 [كارديش....اسطنبول]
0.00/5 (0 صوت)

05-31-2014 03:47 PM
ياجماعة البلد بقت فيها كمية من الدجالين وتجار الدين بصوره مخيفه.يم الجمعه نص سكان الخرطوم لابسين جلاليب خضراء ومالين الشوارع.جهل جهل جهل ونفاق وصعاليق الانقاذ يشجعون علي ذلك
ورحم الله السودان

[كارديش....اسطنبول]

#1021023 [كتاحة امريكا]
5.00/5 (1 صوت)

05-31-2014 10:44 AM
همر وشيخ

[كتاحة امريكا]

#1021010 [bullet ant]
0.00/5 (0 صوت)

05-31-2014 10:31 AM
يا سودانيين يا حلوين ده الزنس يا بلاش و شيخنا عندو همر والتانى شبح و نحنا الاشباح البنموت فى فضاء الوهم الدين كوكايين السودان

[bullet ant]

#1020768 [الغريب عن وطنو]
4.75/5 (3 صوت)

05-31-2014 12:25 AM
شيخ طريقة صوفية وعندو همر؟
عشنا وشفنا والله ..
التصوف ده غيروه ولا شنو؟
هو عليك الله قولو لي الما تغير شنو في بلاد العجائب دي ..
حسبنا الله ونعم الوكيل .

[الغريب عن وطنو]

ردود على الغريب عن وطنو
United States [أبو محمد] 05-31-2014 09:38 AM
مايكون عنده همر ليه مالاقي لي الناس الموهومه دي وهاك يافاتحه وهاك يابياض (دجل وأكل أموال الناس بالباطل) في واحد سمع إنه الرسول(ص) أخد ليه أجر علي دعوه لزول وبعدين الدجال دا يقبض عليها قروش وهي يمكن ربنا ما إستجيب ليها.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة