الأخبار
أخبار إقليمية
شكوى من الكثافة السكانية في ولاية الخرطوم
شكوى من الكثافة السكانية في ولاية الخرطوم
شكوى من الكثافة السكانية في ولاية الخرطوم


05-30-2014 11:19 PM

الخرطوم- أماني خميس

شكا عدد من الخبراء والمختصين من التزايد المستمر في الكثافة السكانية بولاية الخرطوم مطالبين خلال لقاء نظمه المجلس الأعلى التخطيط الاستراتيجي أمس بضرورة حل مشكلة التقاطعات بين الوزارات والمحليات بجانب إنفاذ الموازنات العامة لحكومة الولاية، منوهين إلى أن نسبة أداء الحكومة لا تتجاوز 69% مشيرين إلى أن الترهل الوظيفي أثر سلبا على الأداء العام في الولاية.

وكشف محمد مصطفى عبد القادر أمين أمانة حكومة الولاية عن جملة من التحديات والمعوقات التي تواجه الولاية أبرزها التداخل في الاختصاصات بين الأجهزة الولائية بجانب عدم وجود مقر دائم ومهيأ للأمانة يستوعب أجهزتها الإدارية ويسهل إنفاذ سياسات التخطيط والتنظيم بالإضافة إلى عدم الاستقرار الوظيفي للكوادر العاملة بالولاية فضلاً عن ضعف الدعم المالي وقصور التمويل

اليوم التالي


تعليقات 6 | إهداء 0 | زيارات 4290

التعليقات
#1021595 [عصمتووف]
0.00/5 (0 صوت)

05-31-2014 09:52 PM
شكا عدد من الخبراء والمختصين من التزايد المستمر في الكثافة السكانية بولاية الخرطوم

قولوا عاوزين تصلحوا اوضاعكم وتحسين احوالكم العاوز يشتغل تحت ظل شجره بشتغل كان السودان ومديرياتة التسع تحكم بواسطة حاكم واحد يمتطي جملا وكل مديرية يديرها محافظ وضابط اداري قسمت مربط الحمير الي مرابط تعج بالحمير والشوارع قذرة ومحفرة والحياة اليومية في قمة الفوضي لو تم طرد هؤلاء الحمير واعادوا طريقة الحكم واحد زايد اتنين لوفرة الدولة المليارات من وقود سيارات مرتبات حوافز وضيافات وسجم ورما وتحويلها الي البني التحتية والله نفوق طوكيو وواشنطون
ما بتدي حريف
والله لو كنت حاكمكم ي شعب السودان الجنين في بطن امه والمجنون والبقية تاتي ياخذ راتبة لكن كيف مع ديون الدول بعد ما تحلوها حنسوني معقول حميدتي والبشير والنافع وعلي والبكري وحسبو و ابو القنفد ديل افضل مني في شنو ومساعد ي رئيس الجمهورية من قرب ومن بعد

[عصمتووف]

#1021497 [الفنجرى]
0.00/5 (0 صوت)

05-31-2014 07:21 PM
احسن حاجه يعملوا موتمر جامع عشان يعرفوا سبب الزحمه دي شنو???? بعدوا يعملو لجان تنبثقممنها لجان ثم تنبثق منها لجان ....الخ


ثم تنبثق منها لجان اخري

[الفنجرى]

#1020917 [XYZ]
3.00/5 (4 صوت)

05-31-2014 07:35 AM
"شكوى من الكثافة السكانية في ولاية الخرطوم" ما علاقة العنوان بالموضوع المكتوب؟؟!! واذا كان تعني العنوان، الامر ساهل جداجدا بس وزعوا الخدمات بالتساوي في مختلف ما تبقي من السودان،بعدداك مافي زول بجئ الخرطوم!!!

[XYZ]

ردود على XYZ
European Union [موجوع وطن] 05-31-2014 08:11 PM
الموضوع ياسيدي يمكن يلاحظ من خلال السكلبة و الروراي ومن خلال مفردات المعوقات و التحديات و التقاطعات و إنفاذ الميزانيات (ويضاف إليها المسكوت عنها مثل الفساد والتحلل و التمكين و التحويش و أصول ماليزيا و قطر....... وعووووك) التي تفضي إلي الفشل الزريع في إداء المسكلبين والفضائح المجلجلة لهم وتغطيتها بمحاسبة الخفير وترك الوزير و أخذ البردعة وترك الحمار كل تلك السكلبة و العويل من أجل إقناع العامة بأن السبب الرئيسي في التردي و الفشل هو أنا و أنت وغيرنا من الشعب و الذين ضايقناهم في عاصمتهم الفاضلة ورفعنا كثافتها و كثافتهم و أفسدنا راحتهم وو قفنا أمام نجاحاتهم تصور يا أخي [XYZ] هذه هي العلاقة... وبعدين الخدمات المتساوية بالولايات هذه إحلام وردية مستحيلة التحقق في دنيا الكيزان فمن الأجدي أن تعدل إلي أمسكوا عنا مليشياتكم و جنجويدكم وجباتكم و جبروتكم و مفسديكم و دعونا و حالنا نعيش علي خشاش الأرض و مما يرزق الله من خير الولايات فلن نزاحمكم بالنزوح إلي جبرونا و طردونا و ما شاكلها مما يتسبب في رفع كثافتكم و إفساد راحتكم..

United States [ابن الهامش] 05-31-2014 01:37 PM
حمادة الخرطومي شكلك ضارب كبتاجون انت الفهمك مطربق انت بتقول الخدمات بتذهب للناس و بعدين تجي تقول ليهو اتحرك بسرعة يعني الاخ واحد من الخدمات ولاشنو ؟ وبعدين تجي تقول عشان الخدمات تصلك !! عيال الخرطوم كان شغل البنقو البتشربوهو دا احسن ليكم ,الراجل كلامه واضح اذا في خدمات في الاقاليم ما في زول جاي .

United States [حمادة الخرطومي] 05-31-2014 10:20 AM
يا حضرة سعادتك بتفهم بالقلبة, الخدمات بتذهب للناس, مش الناس بتذهب للخدمات, فأبدأ إتحرك بسرعة عشان الخدمات تصلك بسرعة.


#1020916 [الجلابي الذكي]
1.00/5 (1 صوت)

05-31-2014 07:33 AM
هذاوعي جمهورية العاصمة المثلثة وانخبة السودان وادمان الفشل اصابت الخرطوم بالاستسقاء الدماغي عبر العصور رغم ان البروفسرات والدكاترة في حكومة الانقاذ وما قبلها اكثر من المزراعين في السودان ما قادرين يشخصو مرض تضخم الخرطوم الناجم من انعدام الخدمات الضرورية في الاقاليم من امن وماء وكهرباء والخدمات التكميلية من تعليم وصحة والترفيهية من رياضة وفن وسينما وابداع في الاقاليم واندثار كافةالمرافق الحيوية التي تركها الانجليز وعبود نميري وتقاطر الناس للخرطوم من اجل البقاء عل قيد الحياة...
والحل الغاء نظام ((مركز= ولايات)) الفاشل جدا جدا ولم يحقق تنمية ولا استقرار فقط زاد نزاعات وحروب بين المواطنيين وفساد بارقام فلكية من الولاة واضنابهم ومنسوبي المؤتمر الوطني والمخذولين.
استعادة اقاليم العصرالذهبي 1972-1978 الحكم الاقليمي اللامركزي باسس جديدة
انتخابات حاكم اقليم -برلمان قاليم -حكومة اقليم بصلاحيات دستورية واسعة وفقا لنيفاشا ودستور 2005
فقط سنتين"تزدهر الاقاليم بعودة ابناءها من الخارج والمركز وما يفضل في الخرطوم الا الكيزان والبوم والغربان من المنبتين فقط؟؟؟ وتصبح ذكرى ما يعوضا الحاضر كما قال الفنان الذري الراحل ابراهيم عوض
هلمو الى اقاليمكم يرحمكم الله لتعيشوا بكرامة... واي حزب او زعيم مترف في المركز يشوف غير كده وينظر ويضيع الزمن الثمين ما في زول من لاقاليم يباريه تاني بلا مؤتمر((خوار)) بلا كلام فارغ...
فقط تلغى ولايات وترجع الاقليم...ستختفي كل النزعات المسلحة وتنهي مشكلة المركز مع الهامش القايمة من 1956...

[الجلابي الذكي]

ردود على الجلابي الذكي
United States [حمادة الخرطومي] 05-31-2014 12:06 PM
والله آخر الزمن بقينا غربان و بوم.

[ابو الدقلونا] 05-31-2014 10:56 AM
والله كلامك ياالجلابى الذكى هو عين العقل دا الكلام المظبوط .. لافض فوك


#1020871 [أحمد]
1.00/5 (1 صوت)

05-31-2014 03:33 AM
حسي الكلام ده يفهمو منو شنو , زي كلام الترابي تستمع له ولكن لا تفهم منو شئ ,

[أحمد]

ردود على أحمد
[كومبارس] 05-31-2014 12:48 PM
ياشيخ احمد الموضوع الجماعة زي كشتينة شكوها !! بدل ما تتوزع وتتلعب !! بدت تتعارك مع بعض !! ليه انت ولد وانا شايب !! والبنت تقول للاس ليه انت كبر وانا صغيرة !!! وهلم جرة ! القصة قصة ممناصب لاغير !!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة